الويي أرباح سريعة , جهاز مبهر , وأداء ممل لأبعد الحدود

ما أوافقك أبدا فاس

طبعا المقارنة مع الـ360 و الـDS غير صحيحة أو عملية أبدا في هذا الوقت ، لكن شوف أداء الجهازين أول 6 شهور .. الـDS شو كان عنده ؟ باختصار .. و لا شي ، غير ماريو 64 و واريو الي كانوا من اللنش ، الباقي صفر

بعدها بدأت الأوضاع تتحسن من ننتندوجز و برين تريننج إلى ماريو كارت و أنمل كروسنج

الـ360 ضل فترة طويلة جدا في الأسواق بدون ما تكون معه أي لعبة تكون system seller حصرية ، لحد ما صدرت gears of war !!

نرجع للوي ، الوي توزيع الألعاب عليه بلا شك أفضل بمراحل من الـDS و الكيوب لنفس الفترة الزمنية ، الجهاز حصل على زيلدا توايلايت برنسس و سوبر مونكي بول و ريمان و إكسايت ترك باللنش و كلهم ألعاب من ممتازة إلى جيدة جدا ، بعد اللنش عندك ألعاب صدرت بتتابع زمني جيد .. تقريبا كل شهر لعبة قوية .. واريو وير روعة طبعا صحيح انها قصيرة لكنها ممتعة بشكل جنوني و عن نفسي ما أرميها بيومين ابدا .. سونيك اند ذا سيكرت رينجز و الي أيضا لاقت انطباعات طيبة .. سوبر بيبر ماريو و ألعاب أخرى مثل SSX ، شي طيب جدا بالنسبة للجهاز ..

شركات الطرف الثالث ما كانت متوقعة كل هالنجاح من الوي ، لهيك بنشوف ألعاب أكثر بكثير للجهاز بعد سنة تقريبا .. اما السنة هذي في كثير ألعاب معدة للإصدار .. فاير إمبلم ( لوحدها تكفي بالنسبة لي ) ، ماريو جالاكسي و سوبر سماش و مترويد3 على الأقل 2 منهم بنشوفهم هالسنة ، ماريو بارتي 8 و ماريو سترايكرز ، ماريو و سونيك ، السنة الجاية بنشوف فف كريستال و بايوهزرد أمبريلا كرونيكلز و يمكن ماريو كارت و أنمل كروسنج و أتوقع الكثير و الكثير من ألعاب الطرف الثالث الجديدة .

اصبر على الجهاز :) ، و طبعا سياسة ننتندو معه واضح انها أحسن بكثير من أول ، والمبيعات تدلل على هالشي :)

كلامي من كلام الاخوه ...
وخاصةً حسين 11 كل هذه ومب امكفنك اشتر سونيك تروما سنتر في وايد غيرها منكي بول وايد ايلبتس ..

لا اعلم متى ننتيندو ستتعلم من منافسيها
صراحه الوي مع احترامي لمالكي هذا الجهاز لاننكر رسومه قويه العاب حلوه
لكنه ماالفائدة دون العاب !!!!!!!واعتبره حاليا لو استمر على هذا النهج جهاز فاااااااااااااااشل
جهاز قد يكون مصيره مصير الكيوب الالعاب الحصرية معظمها تناسب الاطفال ماريو وما ادري ايش
صراحه من يحب العاب القوة عليه بالبلاي ستيشن3 اولا ثم الاكس بوكس 360 ثانيا
لان صراحه الوي المفروض كانت تبدا بدايه قويه في اطلاق الالعاب
وشوفوا البلاي ستيشن3 كيف بيكتسح الوي وانتظروا الالعاب القادمة
بعد فترة بسيطه بيكون الالعاب الخاصة بالبلاي ستيشن3 اكثر من الوي بالرغم من ان الوي نزل قبل البلاي ستيشن3
اين دعم الننتيندو للجهاز هل سيكون الوي مصيره مثل الكيوب !!!!!!

اقتباس:

---

المشاركة الأصلية كتبت بواسطة Android

لا اعلم متى ننتيندو ستتعلم من منافسيها
صراحه الوي مع احترامي لمالكي هذا الجهاز لاننكر رسومه قويه العاب حلوه
لكنه ماالفائدة دون العاب !!!!!!!واعتبره حاليا لو استمر على هذا النهج جهاز فاااااااااااااااشل
جهاز قد يكون مصيره مصير الكيوب الالعاب الحصرية معظمها تناسب الاطفال ماريو وما ادري ايش
صراحه من يحب العاب القوة عليه بالبلاي ستيشن3 اولا ثم الاكس بوكس 360 ثانيا
لان صراحه الوي المفروض كانت تبدا بدايه قويه في اطلاق الالعاب
وشوفوا البلاي ستيشن3 كيف بيكتسح الوي وانتظروا الالعاب القادمة
بعد فترة بسيطه بيكون الالعاب الخاصة بالبلاي ستيشن3 اكثر من الوي بالرغم من ان الوي نزل قبل البلاي ستيشن3
اين دعم الننتيندو للجهاز هل سيكون الوي مصيره مثل الكيوب !!!!!!

---

كلامك يبين انك تميل للبلايستيشن..ولكن اسمحلي اقول انه في الوقت الحالي الي مسيطرين على السوق هم الإكس360 والوي.. فكيف حكمت عليه بالفشل من الحين وهو مبيعاته -ما شاء الله- واصلة للسماء وهو كمل 6 شهور فقط؟..

أنا قلت في ردي السابق بأنه في الوقت الحالي الجهاز محتاج العاب زيادة، ولكن عن انه فاشل فما اظن.. وعلى فكرة، حتى البلايستيشن 3 يعاني -حتى الآن- من شح الألعاب الجيدة..

ننتظر الألعاب القوية على جميع الأجهزة ونشوف النتيجة.. في النهاية هي مسألة ذوق.. اذا ما تحب العاب ننتندو مب ضروري تاخذ جهازهم، صح؟ :D

اقتباس:

---

بعد فترة بسيطه بيكون الالعاب الخاصة بالبلاي ستيشن3 اكثر من الوي بالرغم من ان الوي نزل قبل البلاي ستيشن3

---

بالعكس.. البلايستيشن 3 نازل قبل الوي بيومين :09:

لوول ! صراحة البعض مادري على أي أساس يبني نظرته للوي ؟

اقتباس:

---

اين دعم الننتيندو للجهاز هل سيكون الوي مصيره مثل الكيوب !!!!!!

---

الوي باع خلال أول أكم شهر من عمره 6.5 مليون جهاز ، أكثر بقليل من ربع الأجهزة الي باعها الكيوب طوال مسيرته ! كيف بيكون مصيره مثل الكيوب ؟ عن نفسي أشوف نظرة ننتندو منطقية جدا انه الجهاز بيبيع 40 - 60 مليون جهاز .

أما بالنسبة للألعاب ، توزيع الألعاب واضح انه أفضل من الكيوب ( اقرا ردي الي فوق ) ، و بعدين البلاي ستيشن3 ايش صادر له مثل الناس لحد الان شي حصري غير ريزستنس ؟

شوية منطقية شباب ، و ما في داعي نكرر نفس الكلام بكل موضوع و كل رد

اقتباس:

---

كيف بيكون مصيره مثل الكيوب ؟

---

مستحيل يكون نفس الكيوب نفس ما قلت إنت إن الوي باع أكثر من ربع الأجهزة الي باعها الكيوب طوال مسيرته.

فهذا يعتبر إنجاز بالنسبة للوي.

راح أشتري الوي مع نزول سماش حتى لا أمل من اللعبة بسرعة .

بالنسبة للps3 أعتقد راح يبيع أجهزة كثيرة جدا مع نزول اللعبة الأسطورية mgs4

Android

مبروك عليك ... أنت أكثر واحد يفهم بالمنتدى ...
تستاهل الوسام البلاتيني على ردك الرائع .

مابي ارد عليك , موضوعي عن الويي , ولا دخلت الأجهزة المنافسه في الموضوع , ولا ابي ادخلهم ...

فياليت ما تتفلسف بشيء خارج الموضوع , ولا تتسبب في غلق الموضوع لو سمحت ....
اذا عندك شي روح اكتبه في منتدى البلاي ستيشن .

انا اوافقك الرأي يا اخويه

بالفعل انا انبهرت انبهار شديد بالوي فى اول ايام...و لكن بعد مرور اسبوعين مليت منه و السبب االعدد الشحيح جدا للألعاب القويه

يمكن من شهر و انا ما لعبت فيه إلا مره او مرتين لدقائق معدوده....

مع اني من محبين نتندو لحد الجنون

لكن اين الألعاب

اين الأونلاين

اين الإهتمام بالمستهلك؟

اين قدرات الوي

و اكبر امنيه اتمناها للوي

زيلدا ويند ويكر 2 (سيل شيديد لأنه الوي لا يتحمل الجرافيكس الواقعي للأسف)

السلام عليكم ^^

يعطيك العافية على الموضوع

بالنسبة لي خل تنزل مجموعة ألعاب حلوة بعدين يصير خير :D

مع إنه السالفة مطولة لانه الوي حاليا ما يعتبر عنده ألعاب آربيجي وايد قوية لهالدرجة

لاحقة على الويموت وتجربته ^^

من ناحية المبيعات فالوي في وضع ممتاز بس كرأي شخصي ما فيه ألعاب وايد اللي تخليك تنسى بقية consoles .

حاليا ألعب الإكس بوكس 360 فقط

لكن بعد نتريا ونشوف بعده الوي في بدايته

السلام عليكم ورحمة الله وبركاته

اقتباس:

---

( لأنه الوي لا يتحمل الجرافيكس الواقعي للأسف)

---

؟؟!! من وين هذه المعلومه؟؟!!

اقتباس:

---

زيلدا ويند ويكر 2

---

ستصدر على الـDS :D

----------------------------------------------------------

شخصياً مستمتع بالجهاز كثيراً.

كل شهر ألعب لعبه قويه

آخر الألعاب بيبر ماريو سنلعبها حتى صدور ماريو بارتي 8. :)

اقتباس:

---

لأنه الوي لا يتحمل الجرافيكس الواقعي للأسف

---

ريزدنت ايفل أمبريلا كرونيكلز تسلم عليك

اقتباس:

---

مع إنه السالفة مطولة لانه الوي حاليا ما يعتبر عنده ألعاب آربيجي وايد قوية لهالدرجة

لاحقة على الويموت وتجربته ^^

من ناحية المبيعات فالوي في وضع ممتاز بس كرأي شخصي ما فيه ألعاب وايد اللي تخليك تنسى بقية consoles .

حاليا ألعب الإكس بوكس 360 فقط

---

أختي ماجيكال ما في اي جهاز من النكست جن صدرت له لعبة اربيجي محترمة حتى الان بالسوق الأمريكي :)

الوي أكيد ما يقدر ينسي الواحد بقية الكونسولز ، لازم بجانبه 360 أو بلاي3 علشان الجرافيكس العالي الوضوح و ألعاب الملتي الي ما يتحملها الوي

لكنه بنفس الوقت جهاز ضروري الحصول عليه ، لرخص ثمنه و امتلاكه لتجربة جديدة كليا على الجيمرز :)

بالنسبة للألعاب .. طبعا مثل ما قلت الجهاز بعده بأول مسيرته .. و مع ذلك بيحصل على لعبة قوية كل شهر للآن وهو شي جيد جدا .

اقتباس:

---

شوية منطقية شباب ، و ما في داعي نكرر نفس الكلام بكل موضوع و كل رد

---

كلامك صح ...
بس شو بتسوي ..
محد يقتنع ..
واشوف انه معظم العرب عندم تعصب البلاي3
ومهما قلت الوي فيه وعليه مايقتنعون
البلاي3 احسن ..
بس مابقول الا الحمد لله و الشكر له
(الكلام للمتعصبين)

الحين ايش فيكم رديتوا علي كذه بعصبيه
انا لم انقص من قيمة الوي وقلت انه جهاز رائع والعابه حلوه
لكن ان استمر على هذا النهج سيكون جهاز فاشل .. وتذكروا كلامي واكيد معظمكم بيشتري البلاي3
بس ينتظر تطويرة الكوبي :)
وبعدين اللي طاير بالسما ويقول مبيعات الوي طايره بالعلالي ترا العالم تحب بس تجرب
الاسلوب الجديد اللي هي خاصية الوي موت فقط لا اكثر
والا صراحه ماله العاب زي الناس
طيب وين العاب الاون لاين !!!!! لاتقولوا بوكيمون اللي لسه جاري العمل عليها هاهاهاها
اتمنى لاتزعلوا مني يا اطفال ياحلوين :)
بيكاتشووووو انطلق لوووووووول :)

اقتباس:

---

وبعدين اللي طاير بالسما ويقول مبيعات الوي طايره بالعلالي ترا العالم تحب بس تجرب

---

اقتباس:

---

الاسلوب الجديد اللي هي خاصية الوي موت فقط لا اكثر

---

هاذي وجهت نظرك انت ^^ و انت ماتقدر تقرا افكار العالم علشان تقول هالكلام :)

اقتباس:

---

والا صراحه ماله العاب زي الناس

---

زيلدا مب زي الناس؟ بيبر ماريو... وي سبورت ... وي بلاي =) تراوما سنتر و رد ستيل <_< شتسمي هاذيلا؟

اقتباس:

---

طيب وين العاب الاون لاين

---

جايه بالطريق :)

اقتباس:

---

لاتقولوا بوكيمون اللي لسه جاري العمل عليها هاهاهاها

---

اقتباس:

---

اتمنى لاتزعلوا مني يا اطفال ياحلوين :)

---

ابي اعرف شي واحد بس !! ليش الناس يظنون انه بوكيمون للاطفال بس؟

نزعل ؟ لا افا عليك ... مافيه زعل بينا P:

اقتباس:

---

طيب وين العاب الاون لاين !!!!! لاتقولوا بوكيمون اللي لسه جاري العمل عليها هاهاهاها
اتمنى لاتزعلوا مني يا اطفال ياحلوين

---

شكلك newbie على عالم الفيديو جيمز

سبحان الله عيل صار مقياس أجهزة الفيديو جيمز لو فيها العاب اونلاين ولا لا :D

يرحم أيام اول يوم الواحد كان يقول هالجهاز وااااو عشان لعبة اوفلاين

ننتندو شركة صعب أتخيل عالم الفيديو جيمز بدونها ^^ إبداع وكثيرين يشهدون على روعتها

اقتباس:

---

الحين ايش فيكم رديتوا علي كذه بعصبيه
انا لم انقص من قيمة الوي وقلت انه جهاز رائع والعابه حلوه
لكن ان استمر على هذا النهج سيكون جهاز فاشل .. وتذكروا كلامي واكيد معظمكم بيشتري البلاي3

---

خبري احنا في قسم ننتندو مادري شو يايب طاري البلاي ستيشن 3 بالنسبة لكلمة "سيكون جهاز فاشل" اقولك hardluck وانت قاعد تكتب الرد ننتندو تستمر في إثبات نجاح جهاز Wii