مرحباً أعزائي
TNT-BOY
أهلا بك عزيزي
اقتباس:
مادري من فين ابدي....ماشاء الله الكلام كثير
والانميات القديمة يطول فيها الكثير من ذكريات....
خذ راحتك بالكلام
ما ورانا شيء :)
اقتباس:
بس اكثر شي جذبني الآن هو " تاوتاو "
لان قبل فترة اختي الكبيرة كانت قاعدة مع خواتي الصغار وتروي قصص تذكرها من تاوتاو لهم قبل النوم....
تاو تاو حلو بالقصص اللي فيه
بس تدري اول ما انعرض ماحبيته لاني كنت اتوقع انه بتصير مغامرات لتاو تاو نفسه
وفي كل حلقة احتري تصير له مغامرة والقاهم فتحو قصة جديدة
لكن بعدين فهمت الوضع
فعلا القصص كانت حلوه
أم تاو تاو لما تمسكهم وتحكيلهم تذكرني بمريم الغضبان الله يرحمها في برنامج حبابة :D
اقتباس:
تعجبني ذاكرتك في التواريخ...صاحبي -اله ما يعرف شنو معنى كلمة انيمي- زيك...يحب يشوف الانميات القديمة ويذكر تواريخ بدايت عرضهم بدقة
هذولي حنا الأحافير كذا :أفكر:
اقتباس:
زورو (القديم) كان شي ماينوصف...
يعني مع موسيقى البداية اله تجي....كافية توصلك لمرحلة حماس عالية
البطل دييغو بشجاعته ومبادئه النبيلة تجذب المشاهد لاعجابه بالرغم من انه يصطنع دور الغبي معظم الوقت...اختيار صوت الممثل فارس كان اختيار ناجح جداً! صوته مميز ويناسب الشخصية
صحيح موسيقى المقدمه رائعة
زين انهم ماحطوا اغنية من عندهم
مره كنت احاول اتذكر موسيقى مقدمة زورو وكل ما اجي اتذكرها تجيني الموسيقى اللي بوسط مسلسل المحقق كونان
اقتباس:
طبعاً قبل افضل قناة عندي كانت البحرين....كانت مصدر متجدد ممتاز للانيمي
قناة البحرين متميزة خاصة في عرض الانميات القديمة اللي انتجتها مؤسسة الانتاج البرامجي المشترك لدول الخليج العربي
هم دائما يعرضون افلام قصص عالمية واذكر مؤخرا عرضو سنان
بس مشكلتهم هالايام مواقيتهم ماعادت مضبوطة زي اول
اقتباس:
كنت مار فقلت خلني اكتب اي على الاقل لموضوع حلو كدا ~ شكراً للقائمين عليه S:
العفو
وزيارتك شرف لنا
بس نبيك تكررها
GrassHopper
اقتباس:
الله على الانمي القديم .. قصص خلابة وشخصيات روعة .. اممم .. مو عارفة شلون أشكرك أخوي على هالموضوع .. حسيت بوناسة وأنا أقرا كل رد فيه .. ويارب نشوف نقاش من كل الأعضاء .. النقاش بالانمي القديم له نكهة خاصة :)
والله انا بعد سعيد أنه الموضوع شدك
منتدى المنتدى رائع كعهدي به دائماً ولكن لاحظت مؤخراً أن مواضيع الأنمي القديم غائبة بعض الشيء على حساب الأنمي الحديث
هذا الموضوع ربما يكون ملتقى لكل عشاق الأنمي القديم في المنتدى
وربما في يوم من الأيام يتطور هذا الموضوع على يد الأعضاء حتى يصبح قسم خاص بالأنمي القديم
فكما قلتي النقاش عن الأنمي القديم له نكهة خاصة
اقتباس:
http://suprfile.com/src/1/73mlrek/A451-13.jpg
أنا أعتبر كل الانمي القديم بصوب .. والإسطور ليدي أوسكار بصوب ثاني .. هالانمي واحد .. مافي له مثيل .. وكل ماشفته إنعجبت فيه أكثر .. يعني لما شفته وأنا صغيرة عشقته وعشقت كل شخصياته وخصوصاً ماري إنتوانيت .. وبعد سنين طويلة قررت أشوفه مرة ثانية .. قلت يمكن حبي له حب طفولي .. ولما أشوفه ألحين بعد ماشفت وايد انمي يمكن أكرهه أو أطلع فيه آلف عيب وعيب ؟ .. بس بالعكس حبيته أكثر وفهمت الإبداع اللي فيه .. ولما شفته بالنسخة الأصلية .. حبيته أكثر .. وبنفس الوقت قدرت الدبلجة القديمة .. وبالمناسبة أنا ضد اللي يقولون دبلجة ليدي أوسكار مو بالمستوى .. والله كانت ممتازة .. بس أكيد تظل النسخة الأصلية لها بريقها الخاص .. ودي أكتب شي عن هالانمي لأنه عمل فريد و لازم يشوفه كل شخص مهتم بالانمي . .. بس ماعنديش وقت :31: .. أنا عن نفسي أنقهر لما شخص يكون يقدر ينزل ليدي أوسكار وماينزله .. أنقهر لأنه انمي بروعته حرام ماينشاف :D
هذا الأنمي تحفة
طبعاً أنا ماشفته الا متأخر
هو ما انعرض على التلفزيون السعودي وحتى لما شفته عرفت ليه ما انعرض
واستغربت حتى ليش مؤسسة الإنتاج الخليجي دبلجته
لانها كانت مؤسسة تربويه والأنمي للكبار مو للصغار يعني كانت مغامرة
بس زين انهم سووها ودبلجوه :)
دبلجتهم حليله هو كانوا امناء في نقل القصة وعدم التحريف
لكن اللي ازعجني بالدبلجة أنه الأوصات كانت تتكرر لأكثر من شخصية
يعني فيه "سعاد جواد - سناء التكمجي - مها المصري- اسمهان توفيق - عصمت محمود" هذولي ما شاء الله عليهم خمسه سوو كل الشخصيات النسائية بالمسلسل كل وحده سوت شخصيتين او ثلاث شخصيات رئيسية
يعني مو انها الدبلجة الخليجية مو زينه لكن تخيلي لو الدبلجة مثلا كانت بلبنان بذيك الفترة كان اكيد طلع مستوى مختلف :33:
الأنمي القديم لما نشوفه الحين نلقى فيه أشياء ماكنا شايفينها بصغرنا
على سبيل المثال لا الحصر هالمسلسلات (عدنان ولينا -جزيرة الكنز - ريمي) اكتشفت فيها اشياء غايبه عني
فيها عمق كبير
طبعا ممكن نضيف لها (ليدي اوسكار وجو يابوكي) بس هذولي شفتهم متأخر
اقتباس:
http://suprfile.com/src/1/73mkoqi/A801-32.jpg
وبعد عشقي لـنساء صغيرات كبير :biggthump .. هالانمي أحبه بصورة كبيرة .. يمكن يعتبر عادي ومثل مثل غيره من الأعمال الـ based on novel بس هالانمي وايد قريب لي .. ومن حس حظي من جم يوم طحت عليه بالعربي وقاعدة أنزله ;) .. حدي متحمسة اشوفه بعد هالمدة .. ماني ذاكرة متى آخر مرة شفته .. بس الأكيد إنها مدة طويلة .. ودي أعرف متى إنعرض بالوطن العربي .. بس اللي أذكره إنه تدبلج بسرعة :33:
اللي اذكره انه انعرض في التلفزيون السعودي بعد حرب الخليج بأشهر بسيطه
لكن اثناء حرب الخليج اذكر كنت اشوف اعلاناته هو وبوليانا وبابار علىاشرطة الفيديو
أيام :)
اقتباس:
http://suprfile.com/src/1/73mrlrb/A433-13.jpg
وهايدي .. هايدي الجميلة هايدي الكريمة هايدي اليتيمة .. مثل نسيم الهواء هي للعليل دواء هي للجرح شفاء .. وما ادري شنو :09: .. هايدي .. أحد أقرب الشخصيات لي .. شخصية مالها مثيل .. بريئة .. طيبة ورقيقة .. بس لما أشوفها أرتاح والانمي من أقرب الانميات لي .. أحبه موووت .. بس للحين مو قادرة أتقبل صوت هايدي بالنسخة العربية .. إختيار فااااشل :( .. وعلى فكرة في قروب نزل الحلقة الأولى بالياباني ( مترجمة ) كون شوت .. يعني ماراح يكملون كل الانمي .. بس كتذكير بالانمي .. وأنا طبعاً ماصدقت خبر .. نزلتها وبشوفها إذا فضيت ^^
هذا له ذكريات رهيبه
اعتقد هو اول مسلسل من الادب العالمي يدبلج للعربية
فريق الدبلجة العربي كان من جنسيات مختلفة مصريين وأردنيين وفلسطينيين ولبنانيين
دبلجوه في الولايات المتحدة الأمريكية في مركز الإعلام العربي بهليوود
ونفس الفريق دبلج مسلسلات أخرى "لولو الصغيرة - فارس الفضاء - الزهرة الجميله - مازنجر - أرنوبه ودبدوب - الضفدع الشجاع - توته في المريخ - - قصة حنان - رحلة العجائب وغيرها"
واللي أدت صوت هايدي هي فنانة مصرية اسمها ناهد فهيم
وهي نفسها اللي أدت اصوات لولو الصغيرة وسوسن في الزهرة الجميلة
فيه شيء ثاني يميز مسلسل هايدي وهو الأغاني اللي وسط المسلسل
اقتباس:
http://suprfile.com/src/1/73mu5p8/A1991-10.jpg
خماسي .. :02: .. والله قلبي يعورني كل ماتذكرت خماسي .. كنت أشوفه مع يدتي الله يرحمها .. وكنت أحب أغنيته بس مو راضية أحفظها :09: .. ويدتي الله يرحمها كانت تحفظني إياها .. خخخ .. والانمي طبعاً من أحلى الانميات الميكا اللي شفتها .. والشخصيات اللي فيه روعة والدراما ممتازة وطبعاً الدبلجة ما عليها كلام .. ممتازة وكل شي شخصية لها الصوت اللي يناسبها .. والحلو بالدبلجة إنهم كانوا حاطين الأغاني اليابانية بدون تغيير .. وهذا أحلى شي بالدبلجة اللبنانية القديمة ;) .. ودي أعرف متى تدبلج -_-
الله يرحم جدتك ويغفر لها
خماسي مادبلجوه كامل للأسف
بس 26 حلقة وباقي 28 حلقة بدون دبلجه
هو دبلج في منتصف الثمانينيات من نفس الفريق اللي دبلج مسلسلات "رانزي - ننجا كبامارو - سانشيرو"
بس ترا الأغنية العربية "خماسي خماسي شخصية.. خمسه اجزاء قتالية" مو نفس اليابانية
لكن تسمعين الموسيقى اليابانية داخل بعض الحلقات في المواجهات القتالية
اقتباس:
http://suprfile.com/src/1/73mrvrc/A1496-36.jpg
وطبعاً الحوت الابيض .. كنت واااايد أحبه .. بس شفته مرة وحدة .. مرة وحدة يتيمة مافي غيرها :02: .. أعتقد موجود تورنت بالعربي .. بروح أنزله ألحين قبل لا أنسى .. لأني مو متذكرة ولا شي منه .. للحين أتذكر الشخصيات بس مو عدل .. لكن هبة حبيبة قلبي للحين فبالي :p .. أغنيته كانت عجيبة على فكرة ^^
هذا مدحوه لي لاني ما شفته
شفت الحلقات الاربع الأولى وناوي اكمله
الشخصيات فيه كانت مميزة واصوات الدبلجة ايضا مناسبه
اقتباس:
وغيرهم الكثير .. ودي أتكلم أكثر وأكثر .. بس الفاينلز الله يبعدها عني وعنكم .. لولا هالفاينلز جان كتب موضوع عن كل انمي فيهم :D .. يلا حبيت أسجل حضوري بس ولي رجعة بوقت ثاني :)
بالتوفيق أن شاء الله وأحنا منتظرينك
تحياتي لك
سأعود للردود لاحقاً
