إلى كل من يريد نزول الكوبي أقرأ لتعرف

اقتباس:

---

بصراحة انا ودي انة ينزل الكبي في السوق لاني مو مجنون اشتري لعبة 200 ريال وارميها في الزبالة بعد يومين انا اكبر غلط مني اني اشترين الجهاز ب2200 ريال عاد اشتري الشريط 200 وارمية بعد يومين هذا تبذير واسراف الشباب الي يطالبون بعدم استمرار الكوبي بلاهم شبعانين فلوس واحنى طز فينا اتمنى استمرار الكوبي

---

1- ليش تشتري لعبة ب200 ريال و تقطها بعد يومين
هذا دليل على انك تشتري و بس من دون اهتمام لنوعية اللعبة و مدتها

2- لما تشتري اللعبة و تقطها بعد يومين هذا هو التبذير

3-في مواقع كثيرة تعطيك تقييم عن اللعبة و تقول مميزاته ز مساؤها

4- باختفاء الكوبي بتختفي الالعاب الفاشلة اللي ماتسوى حتى انك تشتريها كوبي
( شغل بو هنود اللي عندنا يغير اسم اللعبة و الصورة و يقول لعبة قوية)

5- مو شرط انك تشتري العاب اصلية انه عندك فلوس كثيرة
مدامك قدرت تشتري الجهاز 2000+ ليش ما يمديك تشتري لعبة كل شهرين او ثلاثة ب200 ريال ؟؟؟

كلنا نقول الأصلي وبس
وكفاية أيام فايس سيتي الكوبي الي ذبحتني

والله جبتها أخوي حمود طلب الكوبي لبعض الناس دليل على الاسراف وعدم المبالاة
اشتري لعبة واحدة فقط كل شهرين مرة والله بتحس بالمتعة
بعدين انتوا تلعبون 24 ساعة؟؟ وتبغون ألعاب كثيرة منسوخة؟؟؟!!!
أكيد عندكم ارتباطات وتلهيكم عن اللعب
يعني باليوم حدد ساعتان للعب فقط

اقوووول حق الشباب الي يقولون تبذير لما يشترون اصلي

ترى لما تشتري كوبي هذا اصلا حرام لانك قاعد تسرق جهد غيرك انشالله يكون صاحب الملكيه يهودي !!! حرام

وانا مع الاصلي

اقتباس:

---

المشاركة الأصلية كتبت بواسطة REACH

اقوووول حق الشباب الي يقولون تبذير لما يشترون اصلي

ترى لما تشتري كوبي هذا اصلا حرام لانك قاعد تسرق جهد غيرك انشالله يكون صاحب الملكيه يهودي !!! حرام

وانا مع الاصلي

---

سوأل بسيط.........هل المنتج بيهتم اذا كانت منتجاته حرام ولا حلال؟؟؟ او ان المنتج اللعبه مسلم وانا مادري؟؟؟؟؟؟؟ حرام شخص لم يروح الرحاب يشتري لعبه بدينار...و حلال ان ينظر و يكون تحت رحمة اسعار المحلات الي كل واحد فيهم يزيد و ينقص بالسعر على كيف كيفه..............حتى لو كان سعر اللعبه الرسمي 15 او 20 بنظرك؟؟؟ ممكن تقول معقول كونك تحب هل مجال و تشوف السعر مناسب ولكن في ناس وايد تشوفه مبالغ فيه لانه ما اعتقد في شخص من الوطن العربي بيضل طول حياته يشتري اصلي لانه راح يحس بالتكلفه الي عليه الا شخص الله منعم عليه الله يباركله بماله ..............يعني تخيل معاي تنزل 3 او 5 اللعاب قويه اصليه و في منهم كوبي بتقنعني انك بتشتريهم كلهم اصليه و بتتجاهل الكوبي؟؟؟ ما اعتقد لانه راح تحس بالتكلفه و راح تتجه الي الكوبي.............اضن ان المنتج ماله اي دخل بالحلال و الحرام لانه في ناس وايد بتأيدني و بتعارضني عن سالفة الحلال و الحرام ولكن بما ان منتج اللعبه يستغل المستهلك بالسعر ان كان في دول العربيه او الغرب فهذا هو الحرام بعينه لانه بالغ بسعر المنتج .........انا عن نفسي اشتري اصلي ما عندي مشكله ولكن انا متأكد اني ماراح اضل على هل وضع لين ينزل بلو راي كوبي علشان اقدر اوازن بأموري الماليه و اوفر عناء السعر علشان علبه ملون و لماعيه و فيها كتالوج.....................

الجماعة البطرانة اهل الاصلي عبالهم الناس كلهة تكدر تشتري اصلي ترة مو كل واحد يكدر يشتري اصلي احنة عدنة بالعراق ولا واحد يملك ps3 واليملكوا ينعدون على الاصابع اولاً لسعرة الغالي 750000 دينار حوالي 600 دولار واقراصة الغالية القرص الواحد 60 دولار وما راح يشتري واحد بهذا السعر الا اذا نزل الكوبي والجماعة الي الله مفضل عليهم عود من ينزل الكوبي لا يشترو خليهم يشترون الاصلي!!!

مشكورين يا شباب بصراحة كلامكم حلو بس معي طلب اخير ابي اعرف افضل خمس اشرطة لاني ابي اشتري خمس اشرطة وما ابي اندم تكفون الي عارف يقول لا تتوهوني علموني افضل خمس اشرطة نزلت في البلايستيسن 3

الجام العربي

في اقتراح جميل اقترحه أحد الأخوة الأفاضل بخصوص سعر الأصلي في موضوعك السابق.

هو إعادة بيع الشرائط بين أعضاء المنتدى ...نفس حركة موقع إي باي

إذا لعبة قيمتها 260 درهم خلاص اشتريها و اشبع منها و قم ببيعها للأعضاء بنصف سعرها
130 درهم بهالطريقة الكل يوفر و يكسب.

و بالنسبة مرة أخرى للكوبي و الأصلي فأنا أرى الأصلي هو دوما الأفضل....الكوبي يشكل عائق كبير أمام صناعة الألعاب العربية و الإسلامية. كما أنه برأي يمثل مخاطرة كبيرة خاصة في هالجيل اللي يستخدم الإنترنت لتحديث نظام تشغيل الأجهزة.

اقتباس:

---

الجماعة البطرانة اهل الاصلي عبالهم الناس كلهة تكدر تشتري اصلي ترة مو كل واحد يكدر يشتري اصلي احنة عدنة بالعراق ولا واحد يملك ps3 واليملكوا ينعدون على الاصابع اولاً لسعرة الغالي 750000 دينار حوالي 600 دولار واقراصة الغالية القرص الواحد 60 دولار وما راح يشتري واحد بهذا السعر الا اذا نزل الكوبي والجماعة الي الله مفضل عليهم عود من ينزل الكوبي لا يشترو خليهم يشترون الاصلي!!!

---

لكل واحد ظروفه الخاصة اللي تمنعه عن شراء الاصلي

بس لعلمك انا الحين صارلي شهرين معاي الجهاز و بس عندي لعبة وحدة اصلية

اسمحولي على اللي باقوله هذا
"اذا ما يمديك تشتري شريط ب 200 ريال ليش تشتري الجهاز اللي سعره 2000+ لاتعب عمرك و اقتنع باللي معاك"

أوافق الأخ صاحب الموضوع فيما يتعلق بالضرر على الشركات المبرمجة
لكن,هنالك فائدة كبيرة لم يتطرق لها أحد ؟!!
وهي أنه إذا نزل الكوبي لسوق فإن مبيعات جهاز السوني ستتضاعف بكل تأكيد و سيصبح الجهازين الآخرين في خبر كان !!

الكوبي و بس

اسساسين كريد و انشارتيد محروم منها حاليا بسبب السعر و شريت بالفعل هالشهر سماك داون و كال اوف ديوتي

اقتباس:

---

أوافق الأخ صاحب الموضوع فيما يتعلق بالضرر على الشركات المبرمجة
لكن,هنالك فائدة كبيرة لم يتطرق لها أحد ؟!!
وهي أنه إذا نزل الكوبي لسوق فإن مبيعات جهاز السوني ستتضاعف بكل تأكيد و سيصبح الجهازين الآخرين في خبر كان !!

---

بس بنفس الوقت الشركات المبرمجة بتصير بخبر كان + الخدمة اللي سوني بدت تقدمها الى الشرق الاوسط

الوحيدين اللي ممكن بيستفيدون من الكوبي هم
1- شركة سوني(بسبب زيادة مبيعات الاجهزة)
2-المستخدمين (لتوفر اشرطة تقليدية رخيصة)

اللي بيخسرون من توفر الكوبي بالاسواق هم
1- شركات الالعاب (اللي تتعب و تبرمج الالعاب لكم و بعدين واحد ينسخها وياخذ الارباح كلها له)
2-الموزعين الرسميين لألعاب الاصلي بالشرقط الاوسط (لقلة عدد اللي بيشترون اصلي)

و للمعلومية سوني بدت تفكر تقدم خدمات كثيرة لمنطقة الشرق الاوسط الحين لسببين
1-اقبال الناس لشراء الاشرطة الاصلية (و اللي بتدعم شركات الالعاب لأصدار العاب جديدة)
2-وجود سوق وامكانية للاستثمار (ماكانت متوفرة من قبل بسبب العاب الكوبي والخسائر من المنطقة)

+
لاتنسون ايش اللي قاعد يصير الحين في "البي اس بي" من خسائر كبيرة على الشركات المصنعة للألعاب
و سبب فشل الجهاز هو عدم توفر العاب قوية على الجهاز
و السبب لعدم توفر العاب قوية هو للخسائر الكبيرة اللي صايرة لشركات الالعاب
و السبب للخسائر هو قلة الطلب و الشراء للاشرطة الاصلية بسبب توفر الكوبي و انتشاره

فلا تؤيدون الكوبي
عشان مايصير للPS3 زي اللي قاعد يصير للPSP

اقتباس:

---

الكوبي و بس

اسساسين كريد و انشارتيد محروم منها حاليا بسبب السعر و شريت بالفعل هالشهر سماك داون و كال اوف ديوتي

---

مدامك شريت شريطين هذا الشهر
ليش تبغى تشترين شريطين زيادة بعد

و بعدين اذا انت تبغى اللعبتين هذولي كان انتظرت الى ماينزلون بالسوق و اشتريهم
لا تقولي ما اعرف
في مواقع ايش كثرها تعطيك الموعد لصدور اللعبة
و الموزعين الحين يجيبون اللعبة بعد صدوره بالاسواق (اذا تأخروا مرة جابوها بعد اسبوعين من صدورها)

اقتباس:

---

"اذا ما يمديك تشتري شريط ب 200 ريال ليش تشتري الجهاز اللي سعره 2000+ لاتعب عمرك و اقتنع باللي معاك"

---

ههههههههههههههههه !!
ياخي ذكرتي بعيال جيراننا .. ابوهم شرالهم بلاي3 ..والأولاد مستانسين
تدري انه الجهاز عندهم الحين كمل 6 أشهر وللحين قاعدين على لعبتين ..
فعلا مثيرين للشفقه .. ياخي غباء؟ تشتري جهاز ماله كوبي اساسا وانت داري انك منت قادر عالأصلي ليش تشتري الجهاز بالأول .. الحين الجهاز صاير اتيكييت بالبيت منظر ..صراحه ما تسوى
فمثل ما قال :أفكر: اخوي.. الي مو قادر عالأصلي...لا يشتري الجهاز اساسا
مو يشتريه بعدين يتحلطمون بعدم وجود الكوبي ومظاهرات الكوبي الخ ..
خليكم عالبلاي 2.......

عموما هارد لكم اصحاب الكوبي :owned:

منذو مبطي على اقسام البلاي ستيشن والشلة :ponder:
بس حبيت انط بالموضوع شوي
طبعاً مو معقول لعبه سعرها فوق 200 = لعبه بأقل من عشره ريال
الالعاب المنسوخه تتلف الجهاز
&
تعلق
&
اذكر فف9 كانت تقطع معي العروض خخخخ
فالأصلي هو الأفضل طبعا
بس احنا مو عيال الراجحي
وفي العاب ودك تلعبها بس براسك انها ماتستحق هالمبلغ فتظطر انك ماتلعبها
اقصد العاب مملوحه بس تكون ماتستاهل هالمبلغ مثلا تومب رايدر مع احترامي للفانز تبعها

بس بصراحه الواحد لااشترى جهاز يشغل كوبي او عدل جهازه لاراديا مع الوقت بيصير يشتري كله كوبي
سواء ممتازه او عاديه او سخيفه

بس مادري احس الالعاب الاصليه لاختمتها لها طعم ثاني
اول كنت مسويه عقد مع ابوي كل ماتنزل لعبه ابغاها يشتريها لي
فلعبت ميتل جير 2 كانت تقريبا بـ300 مادري ليش كانت نار ختمتها بـ 3 ايام خفت اقوله خخخخخ :ponder:

ولي كم شهر مشتريه الوي كان ودي اجرب كم لعبه عبيطه مثل سوبر سماش وسيمز وناروتو وكم لعبه ثانيه بس حرام فيهم الأصلي :(

وكم مره اكلت مقالب مع الاصلي خخخخخ
درج مليان الالعاب مانلعبت اشتريتهم علشان سمتعهم بس للأسف مانسبوني وانا وقت ماشتريتهم كنت اعرف اني مو فان لبعض النوعيات بس تليقفت واشتريتهم

عموما للأخوان الي قالوا الي مايقدر يشتري اصلي ليش يشتري الجهاز من الاصل
فالجواب بكل بساطه
ان كثير من الاهل يرضون يشترون اجهزه لكن مايرضون يشترون شريط بهالسعر لان ببالهم انها لعبه ومو الكل مقتدر وحتى الي اهله مقتدرين مو الكل امره بيده

عموما الواحد يقدر يضبط امره
لعبه كل شهرين او 3 شهور
سواء حلوه او متوسطه لان الالعاب ماتنزل ورى بعض واحيانا تمر شهور فترة خمول فسهله بأذن الله تشترون اصلي
وذا ماتقدرون عادي اشتروا منسوخ تراهي مو عيب ولاتنقص من القدر ولاتزيده :)