أحد غيري يعاني من صداع مع العاب FPS ؟

اقتباس:

---

انا احس بنوع من الاكتئاب اذا لعبت اكثر من ساعه ونصف او ساعه, اتكلم عن العاب ال FPS
وخاصه اذا كانت اللعبه تتكلم في المستقبل و الوحوش ماعرف ليش !!
اللعبه اللي ارتحت لها وخلصتها بيوم و نصف هي COD4 و ايضا CS

ماعرف شو الاسباب لكن اتوقع
شدة التركيز في نقطه معينه.
او تلعب في وقت ما تحبه مثل فترة قبل غروب الشمس او المغرب.
الخيال الزائد في اللعبه.
قصة اللعبه عاده تكون بمثل هذي الالعاب معدومه, مما يجعلك طول اللعبه كلها تصويب واطلاق نار وهذا يسبب التكرار و الملل وبعدها يجيك الصداع اكيد !!

انا كتبت موضوع من قبل مشابه للموضوع, وكنت حابب اعرف السبب مثلك
المهم انت حاول تلعب العاب ال FPS على مهلك حتى لو اخذت معك شهر! ولا تلعب متواصل اكثر من ساعه.

---

أيه تقريبا ً أكثر صداع جاني من لعبة ميترويد عالجيم كيوب
وجزءين ميدل اوف اونر
يمكن بسبب التركيز في نقطة معيّنه من الشاشه
والإحتمال الأكبر إن حركة الكاميرا سريعه
بجرب باخذ كول اوف ديوتي4 وبشوف

وانا بعد اعاني من هالمشكلة وتوقعت بس انا الي فيني هالشي بس الحمدالله في احد غير :))
بالنسبة لي
انا اعرف ليش راسي يعورني لان لمن العب fps (ريسيستنس-ميدل اوف اونور) حسيت راسي راح ينبط
بس اكتشفت السبب يرجع ان خاصية fps تعتمد على الحركه السريعة يعني نظرج يكون على شكل محدد اول ما تلفين يلف بسرعة كبيرة يخلي راسج يدوخ وطبعا هذا النوع من الالعاب يعتمد عالحركات السريعة فأنا خلاص......
وانا بعد فكرت اخذ cod4 بس خفت اقط فلوس علا عوار راس خخخخ مايسوى اضحي
فاحاول العب نص ساعة بس بالنسبة لهذا النوع من الالعاب الي ادوخ وتصدع الراس
وتقبلي مروري وردي اختي الكريمة :))

ههههههههههههههههههههههههههههههههه
كل ما قلته صحيح !!!
الغريب ان هذه المشلكه تحوم فقط فوق العاب الfps
اللعبه الوحيده التي لعبتها من هذا النوع ولم تسبب لي مشكله كانت cod2 !!!
باقي الالعاب من هذا النوع تسبب صداع غريب ..... خصوصا the darkness امر هذا اللعبه بالموت حتى استطعت انهاء الديمو ولم اشتريها ..

اللي لعب انشارتد اكيد جاه صداع والسبب ان مصممين اللعبة مسوين حركة انك اذا كنت بمنطقة مظلمة وطلعت فجأة لمنطقة مشمسة بتلاحظ انهم محاكين الواقع من ناحية الفترة الزمنية القصيرة اللي تشوف وهج قوي وبعدين يختفي.

"الكلام هذا موجود باحد فيديوات البونص"

غالب اللاعبين من عشاق الار بي جي يعانون من نفس المشكلة وهذا سبب كرهم لهذا النوع من الالعاب على الرغم من تطور المحركات من 2D إلى 3D ..

على رأي بعض الاخوان الكرام .. حاول تركز في نقطة بعيدة عن اللعبة او حاول تتمعن في المناظر او الاطراف اللي ضمن اللعبة.

اخوي في حالة تشغيل المروحة .. هل تحس بدوار ؟؟

اقتباس:

---

اللي لعب انشارتد اكيد جاه صداع والسبب ان مصممين اللعبة مسوين حركة انك اذا كنت بمنطقة مظلمة وطلعت فجأة لمنطقة مشمسة بتلاحظ انهم محاكين الواقع من ناحية الفترة الزمنية القصيرة اللي تشوف وهج قوي وبعدين يختفي.

---

لاا ! رجاءاً لاتحبطني .. انتشارتد اللعبه الوحيده اللي عليها آآماالي:ponder:

اقتباس:

---

اخوي في حالة تشغيل المروحة .. هل تحس بدوار ؟؟

---

أي مروحه ؟


في هالحاله تنصحوني بـCOD4 ؟
مع إن مالي بألعاب الحرب بس لان مافيه العاب هالوقت وملل=s

اختي العزيزة اذا لحد الحين ما شريتي انشارتد انا اقولج اخذيه ولا تاخذين cod4
بصراحة لعبة انشارتد روعة وراح تنهينها اكثر من مرة لانه فيها اثارة :))

واذا عندج اياها اخذي اساسين كريد يعني خلي اخر خيارcod4 بس اذا كان الملل قاتل اخذيها لان وايد ناس مادحينها واهي احسن لعبة fps ل 2007
وشكرا

الله يعينج ..

COD 4 الصراحة روعة .. بس اذا الـ FPS يسبب لج الصداع
مالج الا Assassin's Creed او Uncharted

تحياتي

دام تعانون صداع بالعاب FPS فليش ماتستخدمون خاصية Auto aim واعتقد انها موجوده في COD4

مجرد تضغط L2 ( للبي اس 3 ) LT ( للاكس بوكس ) يصوب الهدف تلقائيا بس لازم يكون حوالين العدو مو مثلا تضغط الزر والعدو خلفك وبعدين ماعليك الا انك ترمي فقط

بهالحاله راح يقل التركيز بالتصويب ويقل الصداع

انصح الي يعاني من صداع ان يهتم بالتهويه الجيده بالغرفه + اكل ملعقه من العسل الاسود ( له خصائص توصيل الاوكسجين للخ ) غالبا اسباب الصداع ترجع لنقص الاكسجين بالمخ

واذا مانفع هالحل..شوف لك نظام اخر للجيمز !

وكل FPS وانتم بخير....

انشارتد-كول اوف ديوتي4-ديفل ماي كراي4-تورك-كومندمند2 الالعاب التي يجب ان تلعبيها شهر2:AR15firing:

:33: اعتقـــد ان لم يجيلى صــداع من قبل وانا العـــب
الا اذا تعديت الـ 24 ســاعة لعب متواصــل :bigeyes::bigeyes:

اقتباس:

---

اكل ملعقه من العسل الاسود ( له خصائص توصيل الاوكسجين للخ )

---

سمعت هذا الكلام من قبل وجاري التطبيق

هذي اللعبة كابوس في عالم الألعاب

هههه ما راح تصدقون الله يلعن COD4 الاونلاين من كثر ما العبه جتني حاله وانا نايم مرتين كاني قاعد العبه بس قصدي تخيلات خلتني كذا مره ما اعرف انام ابي اخلص منه وكل ما احط راسي بنام تجي

عادي وشالمشكلة .. في وقت اللعب حطي دربيل وكملي..