~ Itazura na Kiss ~ أنيمي شوجو جديد يستحق المتابعه ~

اقتباس:

---

الداراما يابانيه .. بايخه مايوصل لدرامات الثانيه
لا ممثلين ولا اخراج ولا اداء ولا شي .. كله صفر
حتى الكاميرا مو wide screen -_-"

لو اني شفت الدارما قبل كان ممكن اتقبله اكثر
لأن الانمي ويييين والدراما ويييين

حاولي تشوفين الحلقه الاولى من الدارما .. وقولي لنا رأيك

---

انا بنت خالتي تابعت الدراما الكوريه او التايونيه مو متاكده .. تمدحه وااااايد
حتى انها تقول افضل من الانمي ..

اما اليابانيه لا أعلم شيئا ..
سوى انني ساتابع الدراما بعد الانمي عشان لا أخرب عليّ الاحداث .. ><

سلاااااااااااااام


هالانيمي صج فصله امبيييه البطل حده لعين ×_×

حلقة خمسه فصلت بنهايتها لمن يقوول Irashiii ^_^

لوووووول مودي مثل حالتي نزلت الدراما واخترعت بس ماطالعتها عشان الترجمه كانت بالفرنسي.....

لا تظلم الدرامات اليابانيه هالدراما الله يسلمك وايد قديمه عكس التايوانيه الحين تنعرض يديده..

اقتباس:

---

هالانيمي صج فصله امبيييه البطل حده لعين ×_×

حلقة خمسه فصلت بنهايتها لمن يقوول Irashiii ^_^

---

لوووول
same here

الحلقه السابعه ..
لوووووووووووول ضحكت على كوتوكو نما طاحت من الدري ..او رفيجها نما يفشلها بكلماته و طريقته ...

تخرجوا الابطال من الثانويه و ألحين بيلتحقون الجامعه .. لم اتوقع ذلك بهذه السرعه

آخر الحلقه كانت صدمه لكوتوكو .. ههههه:D
ألحين ايري كون يحبها و لا شنو .. صج بارد كالثلج ..:09:

المسلسل جميل جدا , كوميدي ورومانسي جميل يستحق المشاهده

حلقه بعد حلقه :) وصلت للساده من اول جلسه

انا متابعته هالانيمي من اول مانزل ... بصراحه ..صج الرسم قديم .. بس القصه حلوه شوجو تقليدي مثل lovely complex مافيه سوالف بايخه
وعااد ودي اشوف بحياتي شخصيه حقيقيه مثل Naoki لانه نوعيه بطلي المفضل ...
وبروح اشوف الحين حلقه 8 .... مشكور فانتوم على الموضوع

السلام

تابعت الثامنه و التاسعه

هناك تطور في شخصية البطل .. بدأت مشاعره بالظهور ..
مع هذا مازال يطفرها و يأذيها بالكلام لووول .. مسكينه كوتوكو
و ظهور منافسه لها في الجامعه .. تحب ايري .. و شكلها كبير انا ضنيت انها مدرسه مو طالبه
انضمام ايري و البنت الجديده إلى نادي التنس و طبعا كوتوتو تلحق ايري وين ما يروح هههههه

بس قهرني ايري يوم طلبت منه كوتوكو ان يطلع معاها سينما يوم العطله بس رفض ... و وافق مع البنت الجديده( ما اعرف اسمها >< )
ظهور شخصية جديده .. هو مدرب للتنس .. معجب بالبنت .. شخصيته تُوَنِس
طبعا في نهاية الحلقه التاسعه تذهب كوتوكو مع ايري في جوله..ركوب قارب و الاثنين سقطا بالماء و في غلطه بالحلقه ان تلفون كوتوكو رن بعد ما طلعوا من الماء .. يعني المفروض ان يكون مخترب و كان المتصل ابوها

و قال لها ان يبي يطلع من البيت و يردون يعيشون بروحهم .. خبر مو شي ><

بانتظار الحلقه العاشره

الحلقه الخامسه :) وش رايكم فيهما , خصوصا على نهايه الحلقه صوت الام لما الابن يوافق على اخذ الصوره :)

ولما البطل قال للبنت كلمتها اللي استعملتها للترحيب بالزبون :)

ههههههههههههههههههههههههههههههههه احد اجمل الحلقات لدي :)

اليوم ان شاءلله الحلقات اللي بعدها

السلام ...

شفت الحلقه العاشره

انا ضاق خلقي يوم قرر الاب ان يطلع من البيت ..

و كوتوكو اشلون كانت تكسر الخاطر .. مسكينه

و اشلون ردت حق بيت ايري من غير وعي ,, و انقذت الصغير ..

و الموقف إلي صار بين ايري و كوتوكو بالمستشفى عجبني ...

و المفاجأة ان الاب قرر ان يرجع لبيت ايري مرة ثانيه ..

الاب فكر بمشاعر كوتوكو .. و ان هو كان أناني بقراره ..
طبعا خبر رجعتهم .. هذا احلى .. شي بالحلقه .. :p

الولد المريض بالمستشفى يكسر الخاطر .. ><

حلقه حلوه ... و قروب الترجمة طولوووووووو بترجمتها .. لان عندهم امتحانات ><

السلام عليكم ورحمة الله وبركاته

هذا الانيمي من الانيميات الي فعلا مميزة من نوعها باسلوب الكلاسيك الرومانسي رغم انه شوجو لكن شاهدت كم حلقة وعجبني فعلا

عندي خبر سوف يفرح كثيرين منتج الانيمي هو سوف يضع نهاية ما هي مقربة من المنجا نفسها حيث انه المنجاكا قبل ان تموت بشهر قالت انها قد تنهي المانجا في هذه السنة وقد اطلع المنتج على خطتها في انهاء العمل وتم معرفة مفهومها في انهاء العمل لذلك الانيمي لاول مرة سوف يحدد النهاية على اساس الكاتبة الاصلية !

انمي يستحق المشاهدة بالفعل
مشكورين على الموضوع الرائع

اقتباس:

---

عندي خبر سوف يفرح كثيرين منتج الانيمي هو سوف يضع نهاية ما هي مقربة من المنجا نفسها حيث انه المنجاكا قبل ان تموت بشهر قالت انها قد تنهي المانجا في هذه السنة وقد اطلع المنتج على خطتها في انهاء العمل وتم معرفة مفهومها في انهاء العمل لذلك الانيمي لاول مرة سوف يحدد النهاية على اساس الكاتبة الاصلية !

---

مشكور اخوي على الخبر فرحني

الاغنيه اللي طلعت حلقه 10 كانت وااايد حلوه ......................

حلقه 11 شرايكم فيها .. ولا الجلب اللي يشبه بوبي يوم غدر فيهم وراح مع الذيب :)
بس حرام نهايتها الابو طاح بازمه قلبيه .. عشامن ولد يبي يصير دكتور

اقتباس:

---

الاغنيه اللي طلعت حلقه 10 كانت وااايد حلوه ......................

حلقه 11 شرايكم فيها .. ولا الجلب اللي يشبه بوبي يوم غدر فيهم وراح مع الذيب :)
بس حرام نهايتها الابو طاح بازمه قلبيه .. عشامن ولد يبي يصير دكتور

---

امممم الحلقه من زمان شفتها فما اذكر الاغنيه .. بس كأنها عجبتني هههههههه

الحلقه حلوه ..
الاخ الصغير .. الظاهر يحب كوتوكو .. ههههه

و يوم صار في الاب ازمه قلبيه .. ههههههههههه شبهت المقطع بالمسلسلات الخليجيه ..
بس صج كسر الخاطر .. مع ان وضيفة الدكتور ممتازه بس تعب ..

و الشي إلي يقهر ان قروب الترجمه بطيء .. ما عنده موعد محدد ..

اقتباس:

---

الاخ الصغير .. الظاهر يحب كوتوكو .. ههههه

---

انا يوم شفته منخش ورا الشيره وويهه محمر فصلت .. ماتوقعتها منك يا يوكي .....

الحلقه مانزلت للحين ....

واقول شفتي فامباير ...؟

اقتباس:

---

انا يوم شفته منخش ورا الشيره وويهه محمر فصلت .. ماتوقعتها منك يا يوكي .....

الحلقه مانزلت للحين ....

واقول شفتي فامباير ...؟

---

تابعت فامبير لي حلقه 12 ..
بتكلم عنه اما في موضوع النقاش او في موضوع التقرير عنه ..

السلام عليكم ورحمة الله وبركاته ...

اقتباس:

---

عندي خبر سوف يفرح كثيرين منتج الانيمي هو سوف يضع نهاية ما هي مقربة من المنجا نفسها حيث انه المنجاكا قبل ان تموت بشهر قالت انها قد تنهي المانجا في هذه السنة وقد اطلع المنتج على خطتها في انهاء العمل وتم معرفة مفهومها في انهاء العمل لذلك الانيمي لاول مرة سوف يحدد النهاية على اساس الكاتبة الاصلية !

---

ماعليك أمر ..
ممكن المصدر ؟