[الموضوع الرسمي] لـValkyria Chronicles

rare games

اقتباس:

---

هذا الي كنت خايف منه وانا احاول اضبطه بالاوبشين وماقدرت اشيله :)

---

خخخخخخخخخ :D لا تعدل شي هذا من اللعبة تعطي إحساس كتاب القصص ^_~

اقتباس:

---

18 دينار في اول يوم نزلت يعني تقدر تاخذها بالراحه ب17

---

إن شاء الله آخذها بأقرب فرصة T-T

سؤال راير هل فعلاً تنلعب مثل فاير إمبلم مثل ما قلت ؟ لأن عجبتني هالنوعية :)

Abdulaziz cs

اقتباس:

---

لعبه فظييعه

واي واحد عنده ps3 و يحب الاربيجي ..لازم يشتريها

اللعبه تجربه فريده من نوعها و فيها عمق كبير بالجيم بلي و ممتع لدرجه كبير ..و كل ماتقدمت باللعبه زاد الحماس و صعوبة المعارك و طولها

انا الحين موصل للشابتر الثامن

---

أخ لازم ألعبها بأسرع وقت :( إن شاء الله أفتك من الإختبارات و أجمع الفلوس و أشارككم

اقتباس:

---

في نقاط ضعف و قوه لكل شخصيه حتى لو كانوا من نفس التخصص

لو ادش على بروفايل الشخصيه بتشوف ان هناك شغلات اتزيد من قوة الشخصيه او اتضعفها ..اتقوي الـaim او الاكيوروسي او ..الخ , و العكس

---

تقدر تعطينا فكرة و لو بسيطة عن Customization ؟ يعني الأسلحة و الدبابات ؟

om1406

اقتباس:

---

الصراحة اللعبة روعة من الديمو ولازم اخذها

---

اللعبة تجربة حلوه و مختلفة من المطور الياباني يا ليت لو نشوف ألعاب متميز أكثر من
مطور الياباني

اقتباس:

---

وصل فيها حاليا للتشابتر الخامس... اذا قدرت بخلصها لنهاية الاسبوع هذا.. بالطبع اذا ما قعدت العب كورة كل شوي!!

احسن شي انهم مريحين الواحد من ناحية تطوير الشخصيات.. كل تخصص تعملهم حصة تدريب وترفع من مستوياتهم مع بعض!

وبصراحة الحماس بالمعارك تزيد كل ما تتقدم باللعبة.. اخر معركة كانت معركة تحرير الجسر.. ام الحماس يا شيخ D=

بس انا انصدمت بصراحة.. كان عبالي هالفالكريا اللي عالغلاف بتكون معاهم؟!!!!!

للاسف مستوياتي بكل معركة اكثريتها D بس ما يهمني كثر ما استانس عليها!!

---

ممتاز تشابتر خمس هو الجسر حسافة ما لعبته قبل لا أعطي رفيجي T-T و عيل فالكريا
هي البنت الي على الغلاف شعرها أبيض ؟

اقتباس:

---

همممم على كلامكم معناتها لعبة حلوه وقويه بس تدري وين المشكله أنا ما أعرف العب هالنوعيه من الالعاب خصوصا أر بي جي أذكر كان عندي فاينل فانتسي اللي أول جزء نزل على سوني 2 وماقدرت أخلص حتى المرحله الأولى ما أدري اشلون تقدرون تنهون هالألعاب ما شاء الله عليكم

---

فالكاريا كرونيكلز أعتبرها لعبة Unique في مجموعتي هي ليست FF esque أو Tales esque أو DQ esque
هي مختلفة تماماً بشتى النواحي هي لعبة Tactical RPG و أنت الأن في الحرب العالمية و مفتاح النصر هو
التخطيط و التطوير و طريقة اللعب أنت عندك مجموعة كبيرة من الشخصيات منهم من يستعمل البنادق
- الرماحين - سنيابرز - medics - engineers - tank commander كل منهم لهم دور و تبدأ المرحلة بخريطة
تطلع على الشاشة توضح موقع الجميع و Targets و يعطيك بعض الـHints عن الأعداء المختبئين ثم يبدأ
دور اللاعب و تقوم هنا بتحريك جنودك و كل نوع من الجنود له Limit معين في التحريك و هو الشريط الأصفر
أسفل الشاشة و بحسب الشريط ستحرك الجنود ثم إما أن توجه أسلحتك لرمي أو ترمي القنابل أو تستعمل
Cure أو تختبأ في العشب أو عند الأكياس الترابية بعد أن تنتهي من تحريك و وتجيه لاعبك تقوم بتبديل الدور
الى لاعبك الأخر و هاكذا و لكل مرحلة أهدافها منها حماية الحماية أو تدمير أو تحرير منطقة حسب المرحلة

THE ROCK IS THE BEST EVER

اقتباس:

---

ما شاء الله حمستوني اشتري اللعبة

بس ما عندي امكانية اشتريها الحين ><

غير ان عندي الالعاب كثير ما خلصتها

اول ما تتغير ظروفي راح اشتريها على طوال

مبروك لكل من شارى اللعبة

---

اللعبة ما راح الطير و المهم أنك تشاركنا ^_~

اقتباس:

---

تقدر تعطينا فكرة و لو بسيطة عن Customization ؟ يعني الأسلحة و الدبابات ؟

---

لمه اتخلص اي معركه ..يعطونك فلوس (مو متأكد لان الكتبه مو واضحه بتلفزيوني التعيس) غير الاكس بي اللي اطور فيه تخصصاتك

الفلوس تقدر اتقوي فيه قوة القنابل, انواع الاسلحه و تطور الدبابه من قوة اسلحه و دفاعها

خيارات التطوير قليله او معدومه (الدبابه اكثر وحده لها خيارات) للاسلحه فكل ما هناك هو تقويتها فقط فما تقدر اتضيف امور على الاسلحه

بس تستطيع الحصول على اسلحه جديده بعد الفوز بمعارك معينه

انا للحين في البدايه فيمكن هناك امور اخرى اجهلها بتطوير الاسلحه

لان كل ماتقدمت ظهرت لي امور جديده

اقتباس:

---

سؤال راير هل فعلاً تنلعب مثل فاير إمبلم مثل ما قلت ؟ لأن عجبتني هالنوعية :)

---

تعديل : رير وليس راير :) شركه طرف ثاني كانت لنينتدو وحاليا تمكلها مايكروسوفت :p

اولاً: التشابه:-

1- اللعبتين تقريباً استراتيجي اربيجي فنوعهم واحد
2- الغيم بلاي كله عباره عن معارك في كلتا الللعبتين ومهمتك تحريك الجنود والقضاء على الاعداء ولك خطوات محدده
3- عناصر الاربيجي المعروفه مثل اللفل وانواع المقاتلين ونقاط الضعف والقوه لكل مقاتل والقصه الملحميه والحوارات الكثيره جداً جداً :)

ثانياً: الاختلاف:-

1-خريطه المعركه مختلفه في vc عباره عن خريطه مرسومه والجنود عباره عن نقاط
خريطه FE عباره عن المكان نفسه والكاميرا من فوق والجنود نفسهم موجودين
صوره للخريطه في FE
http://www.siliconera.com/wordpress/.../08/ferdws.jpg

2-تحريك الجنود في vc انت الي تحركه وتتحكم فيه عند الهجوم
اما FE تختار الجندي وتوجه السهم نحو المكان الي تبي تروحله والهجوم عباره عن اوامر

3- اما الباتل سستيم في FE راح تتغير الكاميرا والجرافكس وهذي صوره له
http://www.mywii.com.au/img/game/lar...e-Emblem-5.jpg

تقريباً الفرق بينهم بين اي لعبه كلاسيك اربيجي واكشن اربيجي واذا كنت مجرب سوبر روبوت ففاير امبلم قريبه جداً منها وتقريبا نفس الغيم بلاي

واذا كنت تفكر مستقبلاً تاخذ اي لعبه لfire emblem انصحك تاخذ Fire Emblem: Path of Radiance على الكيوب لان قصه ike تبدأ منها واذا ختمتها تاخذ Fire Emblem: Radiant Dawn على الوي لانها تكمله للقصه جزء الكيوب واذا ما عندك الجهازين لا تخاف كل ما عليك شراء الوي فهو يشغل العاب الكيوب وبكفاءه عاليه كأن عندك كيوب بالفعل وتشتري معاه ممري كيوب ويده كيوب والوي في فتحات للممري الكيوب وهم يداته التحكم للكيوب

لوووووووول ويقولوا أغلب المواقع الأمريكية ماتعطي تقييم جيد للألعاب الأر بي جي اليابانية
هذي للعبة حصلت على أعلى التقاييم
على فكرة أخر تقييم للعبة من موقع gametrailers وحصلت على تقييم

9,1/10
http://www.gametrailers.com/player/43160.html

يمكن لانها استراتيجي بعناصر اربيجي

مافيها اسلوب الاربيجي المعتاد مثل فاينل او تيلز او..الخ

اقتباس:

---

المشاركة الأصلية كتبت بواسطة Abdulaziz cs

يمكن لانها استراتيجي بعناصر اربيجي

مافيها اسلوب الاربيجي المعتاد مثل فاينل او تيلز او..الخ

---

ما اعتقد تقاييم الكثير من العاب الاستراتيجي اربيجي متوسطه في المواقع الامريكيه

اتوقع لان احداثها في اوروبا وقصتها شبيهه بالحرب العالميه حرب في فتره الثلاثينيات

في اوروبا بالاضافه الى انها فيها مزايا من العاب الشوتر كالتصويب والقنابل والبنادق

^
^
وعشان التفجيرات شكلهم عطوها تقييم بهالمستوى خخخ

حاليا قاعد اطور مستوى الشخصيات.. ابا اوصلهم لفل 11 قبل ما اكمل!

إيه أخيراً خذيتها ^___^ و الحين وصلت التشابتر 5 واااااااايد صعب خسرت 3 مرات حاولت أتفلسف بسنايبر
ما نفع كثرة من سكوت مانفع XD أحد عدا المكان ؟

و يا راير مشكور على تبيين الفرق بين اللعبتين ^_^

يا جماعة الخير محد يقول لي وين الاقيها بالرياض؟

^
^
راح أسأل يمكن في شباب يعرفون ^_^

اقتباس:

---

المشاركة الأصلية كتبت بواسطة om1406

يا جماعة الخير محد يقول لي وين الاقيها بالرياض؟

---

واحد من الشباب جزاه الله خير قالي عن هالأماكن

اقتباس:

---

عندك مركز النسر في الشعلة و محل Rival soul (روح المنافسه) الظاهر انه في حي الشفا, وايضا العاب طوكيو (كم فرع له هذا؟) اتذكر تحصله في البطحاء

---

اقتباس:

---

إيه أخيراً خذيتها ^___^ و الحين وصلت التشابتر 5 واااااااايد صعب خسرت 3 مرات حاولت أتفلسف بسنايبر
ما نفع كثرة من سكوت مانفع XD أحد عدا المكان ؟

---

مبروووك ..اخيرا خذيتها ^^

بالنسبه للمعركه ..فعلا اتذكر صعبه و طولت فيها و اهيا اللي اكتشفت فيها ان اذا مات جندي عندك غير الشخصيات الرئيسيه و ما انقذته ...قوله باي باي

بالفريق العلوي ..خلهم تروبر

و اللي تحت ..نوع فيهم

اول شي العب بالكتيبه العلويه و اقضي على الجنود الى ان تصل الى المخيم الرئيسي و حاول تقتل كل الجنود اللي هناك .طبعا ركز على head shots

اما عند الدبابه ..حاول تقضي على الانسر اول شي بالسنايبر

بعدها دخل الدبابه و اقضي على بقية الجنود ..و خل الانجنير يلحق الدبابه و يصلحها من طلقات دبابة العدو

لا تهتم بالدبابه ..ركز على القضاء على الجنود و تصليح دبابتك

بعد ماتخلص من كل جنود نقطة التفتيش ..دخل دبابتك و ارمي دبابة العدو بنقطة ضعفها ...اذا ماقدرت توصل ارسل لانسر

بعدها بيطلع شي ..ماني مخرب عليك اذا ماكنت وصلت الى هذا الحدث

اقتباس:

---

المشاركة الأصلية كتبت بواسطة ShinGundam

واحد من الشباب جزاه الله خير قالي عن هالأماكن

---

مشكور وما قصرت تعبناك معانا

بس اغلبهم اعرفهم ومريتهم وللأسف ما عندهم

شين..
مبروك عاللعبة..
بالنسبة للمكان.. الفريق العلوي انا خليتهم سكاوت وشوك تروبر
واللي تحت 1 مهندس و1 سكاوت و2 شوك تروبر و 1 لانسر مع الدبابة.. ما اعترف كثير بالسنايبرز للاسف خخخ

اول ما تبدا المرحلة.. حرك الفريق العلوي.. ركز انك تدمر الرشاش الكبير الموجود بالقاعدة هناك.. لما تدمرها.. ابدا بتحريك الفريق الثاني.. ودايما خلي المهندس واقف ورا الدبابة.. الدبابة على مرتين تقدر تقدمه لمسافة مناسبة عشان تدمر الدبابة.. انا تخلصت منها وبعدها خلصت على اللانسر ببقية الجنود اللي مع الدبابة..

بعدها قدم الدبابة عشان تخلص على بقية الجنود بذاك المعسكر.. وكذا بتمسك هالمعسكر.. ومن بعدها ارجع للفريق العلوي وقدمهم للممر اللي بالشمال.. بتصادف جندي او جنديين في دربك هناك.. انتبه انه بيكون في جنود ثانيين هناك وقت ما انت بتكون مشغول بتقديم الفريق الثاني.. بس مع وجود السكاوتز والشوك تروبرز هم بيخلصون عليهم كل ما هاذيلاك بيتقدموا.. يمكن عددهم 1 او 2..

بكذا انت تكون مسكت المعسكر الاول.. والفريق العلوي بيكونوا المفروض وصلتهم لعند الباب للمعسكر الاساسي..

اذا اي فرد من جنودك دخلوا المعسكر راح تبدا عقبها المرحلة الثانية.. انا اللي سويته اني تمركزت بالمعسكر الاول.. والفريق العلوي وقفتهم بالممر.. اخذت سكاوت واحد فقط واللي كانت اليشيا.. ورحت لوين ما الرشاش الثاني المتمركز فوق.. دمرته.. ولما حاولت انزل واقترب للمعسكر الاساسي من الخلف.. بدت المرحلة الثانية.. اليشيا ممتازة حتى بالتصويب من مسافة بعيدة.. وراح تقدر تخلصلك على اي حد موجود بمدى نيرانها.. سواء بالبندقية او القنابل..

اهم شي انك ما تدخل بالدبابة للمعسكر.. خله متمركز على مسافة لا باس بها من مدخل المعسكر الاساسي ويكون المهندس وراه..

بالنسبة لي كانت الخطة مثل ما صار..
الفريق العلوي فقط وصلته للممر وخليته يتمركز هناك..
الفريق الاساسي مع الدبابة وصلتهم للمعسكر الاول وتمركزت هناك.. وحركت اليشيا عشان تدمر الرشاش الثاني..
مثل ما قال عبدالعزيز.. ما اريد اقولك المرحلة الثانية من هالمكان عشان ما احرق عليك..

اقتباس:

---

إيه أخيراً خذيتها ^___^

---

ما شاء الله

مبروك عليك اللعبة

انا كل ما اسئال عن اللعبة يقولون خلصت ><