رد: الموضوع الرسمي Street Fighter IV "براسك شي تعال!"
اقتباس:
- متى اول مره لعبة هالسلسله ؟
الجرء الثاني إلى كان نازل على السوبر نيتندو
اقتباس:
ماهي شخصياتك المفضلة ؟
تقريبا أحب كل الشخصيات إلا الملاكم الأمريكي هذا أضعف شخصيه في السلسله
اقتباس:
كم جزء لعبت من هالسلسله ؟
كل الأجزاء من بعد الثاني
اقتباس:
- هل هي افضل لعبة قتال لديك ؟
نعم هي أفضل لعبة قتال من وجهة نظري
ويعطيك العافيه حبيبي FARES360 على الموضوع وعقبال ما تصير Street Fighter IV هي أفضل لعبة قتال لديك;)
29-01-2009, 01:56 AM
meshale
رد: الموضوع الرسمي Street Fighter IV "براسك شي تعال!"
اكثر شخصية شدتني بهذا الجزء من خلال العروض هو zangief شكله وحشششش
30-01-2009, 12:42 AM
R.P.G
رد: الموضوع الرسمي Street Fighter IV "براسك شي تعال!"
إذا كان تحكم الجزء الرابع يشبة تحكم Marvel VS Capcom على بلايستيشن الأول
راح اشترية وأتمنى أجد منافس ..:biggthump
وبالنسبة لأفضل شخصية عندي : ( أكوما ^^ )
31-01-2009, 03:19 AM
Dukefleed
رد: الموضوع الرسمي Street Fighter IV
انا متحمس متحمس متحمس لهاللعبة مادري ليش ! من زمان ما وصلت لهالدرجة من الhype لأي لعبة لول :D
- متى اول مره لعبة هالسلسله ؟
مادري والله.. في التسعينات على السوبر ننتندو بسبب انه اخواني الكبار كانوا مجانين ستريت فايتر في الأركيد :biggthump
- ماهي شخصياتك المفضلة ؟
يوم بديت كنت العب بـKen وبعدها بكم سنة حولت لـRyu .. لكن لما أخذت SF Anniversary Collectionعلى الإكس بوكس تعلمت على Guile وصار شخصيتي المفضلة :D
من الفيديوز اللي شفتهم ل ستريت فايتر 4.. أتوقع بلعب بجايل حتى في 4.. لكن ممكن اجرب غيره (عجبني Vega (claw):D )
هذا فيديو عجيب للكومبوز مال جايل وفيه موسيقى جايل مالت ستريت فايتر 4.. وايد عجيبة !! :biggthump
- كم جزء لعبت من هالسلسله ؟
لعبت وايد لكن ما أتذكرهم عدل لانه ما عجبوني كلهم كثر 2.. مادري ليش :28:
- هل هي افضل لعبة قتال لديك ؟ نعم ! :32:
(حالياً SF2 HD Remix.. لين تنزل 4 يعني ههههه)
آخر ديسمبر سويت بري اوردر للـTournament Edition Fighting Stick + the normal Fight Pad , Ryu one.. متحمس لهم ههه .. الخوف لانه مو مسوين وايد من الTE ما توصلني .. :02:
هني المحل اللي اتعامل وياه قاللي انه اللعبة المفروض تكون موجودة 15 فبراير.. لكن اللي خايف منه تطلع اللعبة مب Region Free لأنه جهازي PAL والمحل طبعاً بييب الNTSC .. شرايكم انتظر المحل ولا اسوي بري اوردر من amazon.co.uk؟ لانه صراحة انا ابغي الكولكترز ايدشن الأمريكي لانه فيه الـOST مال اللعبة عكس البال الغبي فـ مادري والله :( المشكلة اني ماعرف محلات عندنا في الامارات تييب بال بسرعة. والمحلات الكبيرة معظمهم يتأخرون لين اييبون هذه الألعاب.
على العموم، اللي بيلعب اللعبة يضيفني على الإكس بوكس :D !! لازم عشان لما تنزل اللعبة نلعب دايماً وياكم هههه
الجيمر تاج اليديد مالي هو Hayate Kirino، القديم كانت عندي فيه مشكلة وما قدرت أجدده.
السلام عليكم
بالنسبة لي راح اخذ اللعبة انشاء الله
متى اول مره لعبة هالسلسله ؟
من ايام السيجا
- ماهي شخصياتك المفضلة
ريو وكين واكوما
كم جزء لعبت من هالسلسله ؟
جميع الاجزاء الا الجزء الاول
هل هي افضل لعبة قتال لديك ؟
نعم
02-02-2009, 12:06 PM
FARES360
رد: الموضوع الرسمي Street Fighter IV
تم تحرير اول الصفحه ... ووضعت قائمه الأجيفمنت الي طرحت قبل يومين ^^"
عجبني الأجيفمنت حيل خصوصا انه اكثرها يعتمد عالأون لاين !
02-02-2009, 04:20 PM
SALM0RE
رد: الموضوع الرسمي Street Fighter IV
عمر العبة راح يتعدى السنة مع الأونلاين و الأشيفمنتز & تروفيز :biggthump
02-02-2009, 10:35 PM
Dukefleed
رد: الموضوع الرسمي Street Fighter IV
شوفوا هالفيديوات!
هذا يمكن واحد من أحسن الفيديوات اللي أشوفها لـKen .. لعيب ما شاء الله Ed Ma
وهذا فيديو عشان تشوفون كيف Dhalsim فنان في هاللعبة !! في فاينل من وحدة من البطولات اللي في اليابان.
يا ريت اللي عنده فيديوات حلوة يعطينا. تقريباً شايف معظم الفيديوز مال اللعبة انا للحين :biggthump
فيه فيديو في 1up كان مدته تقريباً ساعة.. يشرحون عن الأشياء الموجودة في الconsole version من اللعبة والarcade sticks اللي بينزلون ويا اللعبة من ماد كاتز. طبعاً اللي يلعبون ناس "محترفين" من منتدى SRK (معروف للي يقرا عن ستريت فايتر أو الfighting games بشكل عام). شرحوا فيه عن كل شي تقريباً.. مثل:
الأصوات: تقدر تختار اللغة لكل شخصية. يعني تقدر تختار انه Ryu مثلاً يتكلم ياباني لكن Ken يكون بصوته الإنجليزي"الأمريكي". طبعاً بشكل العام الأصوات اليابانية معروف انها احسن.
الشخصيات اليديدة وكومبواتهم: Dan, Sakura, Gen, Rose, Cammy, Fei Long كلهم لعبوا فيهم في الـPractice mode عشان يراوون الناس طريقة لعبهم.
الـChallenge Mode: حطوا طريقته.. والله شكله فنان ! يبدا وياك من الكومبوز السهلين بعدين يبدون يصعبون ويصعبون.. لكن عجبني لانه يعلمك على الكومبوز.
بس بغيت اسأل، حد منكم طلب وحدة من الـarcade sticks اللي بينزلون ويا اللعبة؟ لانه الTournament Edition خلاص out of stock في معظم المواقع، ومادري لو المحلات بييبونها عندنا. الarcade stick العادي للحين موجود.. والفايت باد بعد. هذه صور لهم:
هذه غالية لانه مسوينها من قطع أركيد اصلية. اللي يسمونهم Sanwa Parts.. اللي هم نفس القطع المستعملة في مكاين الأركيد! وعليها وزن يعني لو بغيت تلعب أحسن لو على الأرض أو على طاولة.
وهذا النوع الأرخص.. طبعاً كل الرفيوز تقول انه ممتاز يعني اللي "شبه" جاد في اللعب ياخذ هذه بدال ما يخسر 150$ على النوع الثاني! وهالنوع هو الخفيف اللي تقدر تحطه فوق ريولك بدال ما تلعب على الأرض(ماعرف العب جذي مادري ليش.. عندي HORI EX2 وألعب على الأرض)
لو لاحظتوا مسوين حركة هم انه حاطين 8 buttons بطريقة حلوة. في ستريت فايتر تحتاج 6 بس، لكن يقولك تقدر تعدل على حسب اللي متعود عليه. يعني لو متعود تلعب في arcade sticks الـbuttons فيهم سيـده تقدر تلعب جذي، واذا متعود على المايل تقدر تغير بعد. (سوري أدري شرحي خايس :()
هذا مناسب جداً جداً للي متعود يلعب بالـD-pad ولا يبا يغير ويجرب الarcade sticks. يقولون الـD-pad فيه تقريباً مثل اللي في الساترن واللي يعتبر من احسن الD-pads لهالنوع من الألعاب.على الأقل الواحد بيحتاج هذا لو في باله يلعب ستريت فايتر لأنه معروف انه الD-pad مال ريموت الاكس بوكس العادي خايس لألعاب الفايتنج. (انا تعودت العب HD Remix بالanalog لول..).
تقدر تختار بين اكثر من ستايل وايد فوق الريموت. عندك Ryu-Ken-Akuma-Chun Li-Blanka
أنا طلبت TE Stick من أمازون من تقريباً شهر 12.. الحين خلاص ما يصير تطلب من عندهم مخلصين.. ما شاء الله يعني الطلب عليهم وايد عالي. وغيرها طلبت بعد الFightPad اللي عليه ريو!
أحاول أنشط هالموضوع شوي.. الناس متحمسين ل ستريت فايتر في كل مكان غير هالمنتدى.. غريب والله هههه :28:
أدري طولت شوي لكن عندي كم سؤال:
بتشتري واحد من الكنرولرز اللي بينزلون ويا اللعبة ولا لأ؟
Collector's Edition or Normal for the game?
بأي شخصية ناوي تبدا؟
اقتباس:
بتشتري واحد من الكنرولرز اللي بينزلون ويا اللعبة ولا لأ؟
اي مثل ما قلت قبل شوي، طلبت الـTournament Edition + Ryu FightPad من أمازون في نهاية ديسمبر. بري أوردر طبعاً.
:) تسلم Dukefleed على المعلومات والعروض المضافه للموضوع
بخصوص الأسئلة في الحقيقه ما اعرف العب انا على الأركيد -_- ! عالكنترولرز العب احسن لول ..
بشتري النسخه العاديه .. الsoundtracks بحاول انزلهم من المواقع
راح ابدأ بالشخصيه الي حاط صورتها الرمزيه ^^" http://cscentrl.com/Chun-Li_victoryA.gif
02-02-2009, 11:35 PM
Dukefleed
رد: الموضوع الرسمي Street Fighter IV
اقتباس:
المشاركة الأصلية كتبت بواسطة FARES360
:) تسلم Dukefleed على المعلومات والعروض المضافه للموضوع
بخصوص الأسئلة في الحقيقه ما اعرف العب انا على الأركيد -_- ! عالكنترولرز العب احسن لول ..
بشتري النسخه العاديه .. الsoundtracks بحاول انزلهم من المواقع
راح ابدأ بالشخصيه الي حاط صورتها الرمزيه ^^" http://cscentrl.com/Chun-Li_victoryA.gif
ولا أنا أعرف للأركيد تصدق؟ لكن من فترة قمت اتعلم على Hori EX2 وصراحة أحس لو تعودت اكثر بيكون اللعب اسهل من الكنترولر العادي. بنشوف يوم بيوصل الـTE Stick لانه أحسن من الـHori EX2 ف إن شاء الله اتعلم اسرع :D
المشكلة فيه حركات تقولك Press 3 Kicks or 3 Punches.. وحركات الEX تقول Press 2 Kicks or Punches أدري يمكن عادي 2، لكن فكر فيها وانته في نص اللعب "الحامي" كيف بتضغط بسهولة؟ مادري أحس صعب تسويهم على كنترولر عادي وهني تكون المشكلة! يعني نصيحة حاول تتعلم على الآركيد فارس :32:
03-02-2009, 12:04 AM
FARES360
رد: الموضوع الرسمي Street Fighter IV
اقتباس:
المشاركة الأصلية كتبت بواسطة Dukefleed
المشكلة فيه حركات تقولك Press 3 Kicks or 3 Punches.. مادري أحس صعب تسويهم على كنترولر عادي وهني تكون المشكلة! يعني نصيحة حاول تتعلم على الآركيد فارس :32:
لووووول ياخي لا تحبطني :blackeye:
i still belive i can win on arcade stick owners...
بشوف اول مستواي بالأون لاين والكنترولر شلون ..بعدين يصير خير
ذكرنا بعض حركات chun li شنو هي ..
من زماااان مو لاعب اللعبة ..
اذكر الي تنط عالراس جنه تنط فوق وتطق سهم تحت ..عدل؟
الهدوكن مالت ريو وكين .. سهم مضغوط من تحت صاعد لليسار او يمين ..
هممم شنو في بعد حركات ..
الا صج .. حركات الspeical اليديده
نظام انت تسويها ..اي تحفظ الحركات ولا اهي تعتمد على الlevel power
الي تحت عالشاشه اذا كمل .. تضغط بس LB .. وهي تسوي الحركات..
احد يشرحلي..
03-02-2009, 01:07 AM
meshale
رد: الموضوع الرسمي Street Fighter IV
متردد باللعبه واللي امخليني متردد صعوبه كومبوات في الاجزاء السابقه و ما كنت قادر استوعبها !
وفوق هذا صعب تلعب اللعبه بالانالوج الخاص بيدة الاكس بوكس والحقيقه فرحتنا بيدة الاركيد
اقتباس:
الا صج .. حركات الspeical اليديده
نظام انت تسويها ..اي تحفظ الحركات ولا اهي تعتمد على الlevel power
الي تحت عالشاشه اذا كمل .. تضغط بس LB .. وهي تسوي الحركات..
احد يشرحلي..
لازم تحفظ الحركات يعني مثلا اسبشل هدوكن مال ريو طول عمره ربع دائرتين جدام او بوكس او اتوقع زنجيف نص دائرتين جدام او بوكس او يختلف الاسبشل من شخصيه لي اخرى
او فيه guage كل ما تطق تزيد هذي الخانه لما اصير عندك اسبشل او ممكن يزيدون عن السبشل الواحد بالراوند ( يعني مو نفس سول كاليبر )
اتمنى انك فهمت قصدي
03-02-2009, 05:44 AM
Dukefleed
رد: الموضوع الرسمي Street Fighter IV
لازم تحفظهم. أنا مستغرب انه انتو ما جربتوا تلعبون SF2 HD Remix.. والله تستاهل اللعبة ترا وبس 1200 بوينتس على لعبة مجددة. تقدر تلعبها عشان تتعلم على الحركات على الأقل :D
هذا موقع فيه جايدز لكل الشخصيات.. يراويك تقريباً كل حركاتهم وكيف تسويهم. فنان الموقع~ :biggthump
انه متعود العب بالـ D-pad و الأنالوج لشخصيات الـ Charge , عصا الأركيد ماعمري جربت وحدة للاجهزة المنزلية ( اركيد فقط و بصعوبة ) و انشاء لله اذا شفتها في السوق باخذها اكيد
طبعا اول شخصيتين راح اجربهم هم Guile و Blanka و أكيد الـ Basic Ryu & Ken
03-02-2009, 02:24 PM
Dukefleed
رد: الموضوع الرسمي Street Fighter IV
اقتباس:
المشاركة الأصلية كتبت بواسطة SALM0RE
انه متعود العب بالـ D-pad و الأنالوج لشخصيات الـ Charge , عصا الأركيد ماعمري جربت وحدة للاجهزة المنزلية ( اركيد فقط و بصعوبة ) و انشاء لله اذا شفتها في السوق باخذها اكيد
طبعا اول شخصيتين راح اجربهم هم Guile و Blanka و أكيد الـ Basic Ryu & Ken
أخيراً حصلت واحد مثلي !! يلعب بالأنلوج لشخصيات الـCharge لول :D. والله تصدق عندي HD Remix على الإكس بوكس والبي اس 3.. لما العب على الاكس بوكس الأنلوج مريح للcharge واقدر العب ليييييييين أمل. أما يوم العب بالدي باد @ البي اس 3، ايدي تبدا تعورني بعد فترة :28:. والحين مثل ما قلت أحاول أتعود زيادة وزيادة على الأركيد ! بنشوف شو بيصير يوم تنزل 4.
