من سيكون المراقب؟؟؟

كل الشباب المرشحين يستاهلون يكونون مشرفين لكن أنا أرشح ماكس و too cool
بس أول شي ياشباب
المشرف شنو راح يسوي بالضبط في المنتدى؟
وشنو التغييرات اللي راح يسويها؟

المراقب يشوف المواضيع و يشوف اذا كانت مكانها في المنتدى هذا ولا في منتدى ثاني او كان الموضوع فيه سب و طعن او شي من كذا و يحذفها او يمنعها

نبي من المشرف يشد حيله ويشعلعل المنتدى بالمواضيع
والله المنتدى الحمدلله نظيف وماشي طعن لكن تكون في بعض الاحتكاكات الاخويه
ياريت من المشرف في المستقبل يسوي مثل التحديات والمسابقات للاعضاء
ونبي مواضيع تكون professiona عشان كل واحد يقدر يطلع كل اللي عنده من معلومات

مرحبا شباب

والله انكم صراحة بعضكم يتكلم كلام غريــــــــــــــــــــــــب جــــــــــــــــدااا
شوفوا كلامي وحكموا

يا أخواني احنا كلنا شفنا مشاركات ماكس وكلها مواضيع جميلة وردود رائعة
لكن العضو toolcool كلها اي اكثرها ردود دون مواضيع تفيد منتدى السيارات
واحنا نبغى واحد يفيدنا ويفيد السيارات خاصة
لكن العضو toolcool له مشاركات تقريبا في جميع الاقسام لكن ماكس بس في السيارات ولا انا غلطان
وصراحة نبغى واحد متفرغ للسيارات وماكس (ماشاءالله ) عليه كل يوم يعبي الصفحة يعني مشاركاته مشعلله المنتدى كيف لو كان مشرف ايش راح يسوي اكيد اكثرمن كذا ....... وانت احكموا

وانا اقول ..... ماكس بأعلى صوت

ماكس.....ماكس.....ماكس

ومشكورييييييييين

المهم الشخص يكون نشيط

وانا ما اخالف العضو ماكس
هو اخونه و عزيز علنه

و انا مو ضد احد
انا مع شخص الذي يستاهل ونشيط
يمكن يكون ماكس او TOO COOL او اي شخص ثاني

راعي الفايبر كذلك عضو نشيط

بس انا ما قلت رشحوني انتوا قلت بس رشحوا عضو جيد له مشاركات ممتازة مو ترشح عشان مشاركاته اكثر من الف

اسف يا اخوي
لا تزعل مني
الي انت اتقولة

وبعدين كل واحد له راي :)

اقتباس:

---

كتب العضو (SMM®)
اسف يا اخوي
لا تزعل مني
الي انت اتقولة

وبعدين كل واحد له راي :)

---

لا ما زعلت يا اس ام ام :) :)

Too cOOL
Too cOOL
Too cOOL
وبس

ها شباب نبيكم تصوتوا

يارب لك الحمد
على أيش تتهاوشون
على المراقبه<<<< شكلكم تتحلمون:p
المشرف هو اللي يحدد:)

بس منو المشرف اهني؟؟؟؟؟؟؟؟!!?:

TOO COOL هذا العضو المفروض من زمان يصير مراقب......

اكثر واحد فس النتايج ماكس له ستة اصوات

السلام عليكم

احب اشاركم في هذا الموضوع واريح راسكم
انا من خلال متابعتي لكم شفت انه كثير من الاعضاء ما عليهم غبار
لكن والله
انه العضو ماكس هو الي يمكن اكثر واحد له مواضيع شيقة واكثر واحد مشارك في السيارات

والمفروض انه يكون المشرف اكثر واحد يشارك مو في عدد المشاركات بل في تفرغه لمواضيع ومنتدى السيارات وانا شايف اكثر واحد مشارك من الي رشحتوهم هو ماكس لأنه باقي الاعضاء وخصوصا العضو TOOL COOL مشاركين في كل المنتديات والمفروض يكون المشرف زي ما قلت متفرغ تماما للمواضيع دون الردود للسيارات ( يعني يكثر مواضيع وردوده على الأسئلة مو كثرة ردود على الفاضي بدون مواضيع هادفة )

ويا شباب معليش على الكلام هذا بس هذا رأيي
وارجوا ما يزعل مني احد وخصوصا TOOL COOL ......

وانا ارشح ماكس

وشكرا


اخوكم الفياقرا