رد: حكم مشاهدة الرسوم المتحركة .
اقتباس:
المشاركة الأصلية كتبت بواسطة سامي.خ
إذا كنت ترى أنها إضاعه للوقت، فكرة القدم مثلاُ إضاعة للوقت، واللعب المباح إضاعه للوقت، وجلوسك أمام الشاشه ومشاركتك في المنتدى أيضاَ إضاعة للوقت =)
ما رأيك؟
سبحان الله! الواحد يرفه عن نفسه شوي لكن مو تصير حياته كلها مضيعة للوقت! في شباب حياتهم كلها انيمشن! وفي بعض حياته كلها جيمز! كل ما تجلس معاه ما تلاقيه يتلكم الا عن هذه المواضيع التافه للأسف! وتلاقيها هي شغله الشاغل! وتعال شوف حاله مع الصلوات! هل تلاقيه يصلي صلواته كلها في المسجد ومحافظ عليها؟ الا من رحم ربي! هل بالله هذه الأشياء تقوي إيمان الواحد؟ هل تقربه إلى الله؟ وأنا اعرف شخصيا ناس الله يهديهم تلاقي هذه طريقة حياته! للأسف بعضهم حتى مو بس ما يصلي في المسجد.. لكن تلاقيه اصلا مضيع الصوات الله يهديه ويهدين شباب المسلمين في كل مكان!
بعدين انت تقول إنه أنا بأضيع وقت على الكمبيوتر والمشاركة في منتدى! سبحان الله! يعني هل انت تشوف إنه واحد يكتب في منتدى اسلامي ويذكر عن الآخرة مضيعة للوقت؟ بعدين أنا ما أحتاج ابرر موقفي لك! لأنك اصلا غاوي جدل في طرحك للكلام الي قلته للأسف! يعني مثال تلاقي واحد يستخدم الإنترنت عشان جيمز واغاني وينزل افلام واغاني زي واحد يستخدمه في الدعوه الى الله؟ هل كلهم يضيعوا وقت؟ سبحان الله!
رد: حكم مشاهدة الرسوم المتحركة .
هدي أعصابك لا تعصب XD
إلحين انا ما قلت انه الواحد يشغل كل وقته في اللهو، بعدين انت دائماً تقارن اللهو بالشيء السيء، زي مقارنتك بأنه اللهو يخلي الواحد يهمل الصلاة، هذا مو سبب يخلي الواحد يهمل صلاته، وكمان قارنت الإنترنت والجيمز مع الأغاني ، انت تدري انه لو استغلينا الألعاب ممكن نستفيد منها في الدعوه إلى الله ؟ تدري انه فيه ناس أسلمو بسبب جيمز و أنميشن؟
زي ما فيه فديوات دعويه، ممكن نصنع ألعاب دعويه كمان، تأثيرها بيكون أقوى بكثير وممكن نستغل اكبر شريحه من المجتمع.
رد: حكم مشاهدة الرسوم المتحركة .
أخي الغالي MuslimsWakeUp بارك الله فيك على مشاركتك وإضافاتك القيّمه والجميله جزاك الله خيراً وأدخلك الفردوس الأعلى ورزقك من حيث لا تحتسب .
أخي الغالي حمصي بارك الله فيك على مشاركتك وجزاك الله خيراً .
أخي الغالي سامي.خ بارك الله فيك .. يقول عليه الصلاة والسلام (( نعمتان مغبون فيهما كثير من الناس الصحة والفراغ )) رواه البخاري .
وقال عليه الصلاة والسلام لرجل وهو يعِظَه (( إغتنم خمساً قبل خمس : شبابك قبل هَرَمك وصحتك قبل سقمك وغناك قبل فقرك , وفراغك قبل شُغلِك , وحياتك قبل موتك )) .
فيا رعاك الله .. الفراغ نعمه عظيمه ولا يستفيد منها إلا من وفقه الله لذلك ليستفيد في أمور دينه ودنياه وهذا هو المهم .. فإستثمر وقتك فيما يفيدك في دنياك وآخرتك أخي الكريم قدر الإمكان بارك الله فيك .. وفقنا الله واياكم لما يحبه ويرضاه .
