DarkSiders كُن المنقذ في عالم تعجه الفوضى و الدمار

قبل يومين شفتها و تردد اخذها لو لا . ابغاها ترخص بس المشكله زحمه العاب جاييه .
ان شاء الله اذا حصلت فرصه بلعبها .

يعطيك العافيه على المراجعه المرتبه
الخط صغير عور عوايني بس يالله

مشكور على الموضوع المرتب
عطيتني فكرة عن اللعبه

عقب ما قريت القصه شلتها عن بالي

وبنطر الالعاب اليايه :)

ممتاز تبسيطك للقصه وجمال اللعبه يا سالمور ... ارفع لك اليده .. :) واشكرك يا غالي

اقتباس:

---

المشاركة الأصلية كتبت بواسطة طفسن دفش

ياخي هالنوع من الالعاب احسها العاب شركيه
ملائكه وجحيم وغيره والعياذ بالله

---

تدري انك واحد ما عنده سالفه ؟؟ .. فيه العاب واااايد فيها سوالف الجحيم و الملائكه بس بطريقة ما تسيء و بعيده عن الخلاعه و الخ

اقتباس:

---

المشاركة الأصلية كتبت بواسطة SALM0RE

مبروك فارس . . . أخيرا خلصت لعبة " Single Player " ;) انه توني قاتل الرئيسة
التنين ( تيمات ) :) ولله عبالي ذكر :أفكر: و الحين وصلت للمنطقة الجميلة

على فكرة الـ كولاكتوبولز سهلة تحصلهم لا ؟ يعني مايحتاج وايد ان تتعمق
وتفتر و دور

---

ها اللعبه الحين تشبه بروتال ليجيند و لا لاء :silly: .. شلون اللعبه معاك الحين ؟

^^^^^^

لاعاد ماقلت مثلها ضبط بس يعني حجم الاعب و العالم نوعا ما و ايضا المؤثرات
قريبة لبعض بين النسختين :أفكر:

العبة لحد الأن ممتعة , امس كنت في المنطقة الى البطل و العملاق يتنافسون
مع بعض ضد الملائكة . . . الأكشن كان رائع فيها !!!!!!

اقتباس:

---

مبروك فارس . . . أخيرا خلصت لعبة " Single Player "
على فكرة الـ كولاكتوبولز سهلة تحصلهم لا ؟ يعني مايحتاج وايد ان تتعمق

---

لوووول يس xD

بالنسبة للكوليكتوبلز .. فهو الغالبيه تلقاها وانت بطريقك بس تحتاج شوي كم ثانيه من وقتك
عشان تفكر شلون توصل لها والي اهي غالبا متدرجة في طريقك ولو بعضها مخفيه بطريقة بسيطة خلف جدار مثلا؟
وفيه قليل منهم يحتاج منك جهد فعلا وممكن ما تلاحظها حتى !
او ترجع لنفس المكان لأنك تحتاج قدرات معينة عشان تروح لها
فممكن تنسى المكان مع الفتره الا اذا كنت حاطها في بالك عرفت..

انا شخصيا.. لقيت تقريبا الأغلب بجهدي الخاص وكان باقيلي 4 شغلات ما قد طرو على بالي اماكنهم !
فظطريت استخدام اليوتيوب كمساعده ..واحد منهم اعرف مكانه الا اني ما اعرف اوصله :D


كم جمجمة خضره حصلت للأن؟
وكم ارمور؟

ما علقت للأن على اي لغز ؟ لووول.. لأنه الألغاز سهله وبنفس الوقت تحتاج بذل جهد ذهني xD

^^^^

قطع الأرمور عندي 3 اما الجماجم فعلا ماعتقد 7 او 8 , صديقي يقول انهاها اول مرة
وخذت منه 20 ساعة :wow: !!!!

هي اللعبة اخذت مني 19 ساعة عالنورمل ( مع تجميع الكنوز 95% )
بعدها عدتها عالهارد وكان شغل سريع.. خذت مني 8 ساعات وشوي

اقتباس:

---

المشاركة الأصلية كتبت بواسطة طفسن دفش

ياخي هالنوع من الالعاب احسها العاب شركيه

ملائكه وجحيم وغيره والعياذ بالله

---

اها يعني الجنس الثالث و حفلات دقني عادي عندكم هناك

و لعبة هاي مو عادي

^^

يمكن الكلام هذا ما يصلح تقوله
هو عنده رأي وهذا حقه

وانت ما تدري عنه علشان تقوله هذا الكلام
وحتى لو تعرف عنه شي مثل هذا الكلام مكانه مو هنا

اقبل تحياتي وتدخلي

اخوك احمد

السلام عليكم اهنيكم على هالمنتدى الرائع بس عندي طلب للاخوان الي خلصو دارسايدر لو ممكن مساعده انا لعبت الشريط ووصلت الين القطع السبع وجمعتهم ماعدا القطعه الاخيره الي موقعها بالنص بالخرايط مو راضي يوصلني لها الجني الي يطلع يساعدني عن طريق التنقل ما بين المراحل كل ما اطق عليها يقولي منطقه محظوره او شي مو عارف ادخلها ولمن اطق على منطقه قريب منها ما احصل القطعه الاخيره الي بالنص بالخريطه؟؟

يجماعه ابي مساعدتكم وشكرا

^
طيب ممكن توضحلنا مكانك بشكل ادق مع ذكر اسم المكان بالأنجليزي واي قطعة قصدك؟....

هلا ااخوي فارس القطع السبع طال عمرك لمن تجمعهم انا جمعت 6 قطع لكن في القطعه الاخيره الي مكانها في الخريطه بالمنتصف بالظبط اطق اكس على موقع القطعه ما يمكني ولمن اطق اكس على موقع قريب منها يوديني لكن ما احصلها انجنيت يجماعه مع اني حليط الالغاز اغلبها لين وصلت بس واقف اهني

لو فهمت علي اخوي فارس جاوبني او ابعثلي رقمك يخوك رساله خاصه نفيدني اكثر
والاخوان الي هلصو الشريط ارجو الافاده وشكرا

انطركم يا الربع

ارجو من اخوي فارس او سالمور انهم يفيدوني او اي احد من الشباب الي خلصو الشريط
اذا كان صعب يكتب ويفهمني اهني ارجو ان يرسلي رقمه رساله خاصه ولا راح اطول عليه دقيقه يفهمني في حل هالمشكله وشكرا

ناطركم يا جماعه