عمر العضلات ماتفيد في وقت الشيخوخه او المرض او الافراط في الاسترويد + روني كولمان !!

مثل عندنا يقول:(الشيء لا زاد عن حده قلب ضده) لكن يا أخوي بالنسبة لآرنولد جسمه عادي بالنسبة لعمره وبالنسبة لأي شخص؟ يعني زرع كبد وعمليتين قلب مفتوح وتبيه يلعب؟ هو محترق وده يلعب لكن لازم ما يسبب إجهاد لقلبه. طبعا هو استهلك نفسه الصراحة وهذا الي جاوه زرع وعمليتين قلب.
لكن ما المانع ان اللاعب يطور نفسه بالستيرويد قليلا يعني ويقف عند حد معين؟ هل انتم تظنون يعني انه لا يأخذ الستيرويدات الا لاعبين كمال الأجسام؟ لا تأخذ الستيرويدات بكل الالعاب بأمريكا البيسبول الفوتبول رفع الاثقال
وعايشين الناس ما احد اصابه شيء./ والطبيعي دائما ودائما لم يكن جميلاً بمثل مستخدم الستيرويد ولا في قوته
والله الموفق

شكرا كابتن عبيد
بالنسبه للصوره الاولى والثانيه هذولا من عقار البومبويز وشفت له مقطع فلم شلون تبهذل من البومبويز الى طاقه فى الباى حقه

بعدين بالنسبة لدوريان يا اخوي فيه تمزق بالباي سيبيس علشان كذا ما شارك وسحب من اوليمبيا 1998م
ولكن إلى الآن جسمه منسق ويلعب وأوزان قوية نسبياً على حد قوله وفيه مقطع باليوتيوب يشرح فيه هذا الشيء للمذيع ويقول ان عنده ولد وبنت وشريك بشركة الحين هو الوجه الإعلاني فيها

كيفن ليفروني رجع يلعب حديد كهاوي لكن مادري اذا بيشارك ولالا باحد مواقع الشركات الداعمه له يقولون انه ماله اي نيه بالرجوع كمحترف

والمنشطات والهرمونات اضرارها اكثر من فوائدها بالنسبه لرياضيين

وشكرا لك عالموضوع

استخدام المفرط لهرمون النمو يسبب كبر الاعضاء الداخلية للجسم مثل المعدة والامعاء يسمى بالانجليزية GH Guts

لو اردنا ان نقارن بين الجيلين جيل ارنولد (بدون جي اتش) وجيل الحالي (معا جي اتش) لرأينا زيادة حجم منطقة الوسطى للجسم (المعدة) للجيل الحالي

مشكوور ياكابتن عبيد ع الموضوع الرائع .. وانا مااارشح هالستيرويدات خير شر من كثر مااسمع من مخاطرهم :)

اخوك ولد بوظبي ..

merci mon amie

الكل قام في التعليق على الموضوع شي جميل ولاكن الان حان وقت معرفة خبرتكم في اللعبه.

ماهي المواد التي تستخدم في تنضيف جسم الاعب ما بعد استخدام الهرمون ؟

وماهي السلبيات في تعاطي الهرمون ؟


شكرا لكم جميعا ومنكم نستفيد

تنظيف بـ b12

ومضارها معروفة ^_^

نقاشات مفيده شكرا عزيزي

فعلا الحقن الموضعي اثاره وخيمه

بالنسبه للصوره الاولى هذا مدمن منشطات اسمه Greg valentino
ويستخدم ماده اسمها ستانزول على ما اضن
حقنه موضعيه ولها اضرار خطيره
والشخص هذا سجن كم مره عشان افراطه في استخدام المنشطات
وراح تحصل له مقاطع باليوتيوب يوميا لازم ينضف افرازات الماده من العضله لازم يسحب دم من العضله لان الماده بعد كم سنه تتلف ولازم تخرج من الجسم والجسم مايتقبل اخراجها لانه مايمتصها
وعلى فكره هذا مستمر في التعاطي والتمرين
وليس تارك للتمرين زي ماقلت
اما بالنسبه للباقين انا اخالفك الراي هذي الاجسام الطبيعيه للاشخاص
اللي يتركون ممارسة الرياضه
طبعا اكيد اثر الهرمون تلاشى وحنى ما ننكر انهم يستخدمون
وان هذي العضلات ما تدوم
وشكرا

اقتباس:

---

المشاركة الأصلية كتبت بواسطة ANGEL11

بالنسبه للصوره الاولى هذا مدمن منشطات اسمه Greg valentino
ويستخدم ماده اسمها ستانزول على ما اضن
حقنه موضعيه ولها اضرار خطيره

---

مرحبا اخوي

الاسنيثول هي الابرة اللي يستخدمها وليس الاستانزول

وهي عبارة عن MCT (زيت يستخرج من جوز الهند)

وتعمل على تكبير الخلايا العضلية (مظهر فقط)

وقت الشيخوه مافي شي ينفع
رب عضلات وتمتع بجسمك قبل ماياكله الدهر
والمؤمن القوي خير من المؤمن الضعيف في كل شي

كلامك صحيح اخوي واوافقك بشده . لكن مو على كل حال يعني مو اي واحد له عظلات في شبابه راح يكون مثل اللي ذكرتهم .
ابعطيك مثال . الوالد الله يطول بعمره يحب المزارع وعندنا مزرعه ولازم يشتغل فيها من يوم كان شباب
حتى حنا كنا نشتغل معاه ونساعده وحنا اطفال وفيه عمال بالمزرعه لكن يحب انه يشتغل ويتعب
والان عمره ماشاء الله تبارك الله فوق الستين ومازال مفتول العظلات حتى إذا جيت امزح معاه اخاف انه يكسر يدي .

هلا اخوي كابتن عبيد

كيف حالك عساك طيب

والله صراحة الاشياء الي ذكرتها في موضوعك 100% ولكنها للاشخاص الي اجسامها ماهي جاية بالطبيعي

وبخصوص الاقرع الاول انا شفت له فيديوات في يو تيوب وصراحه وضعيته كسيفه

http://www.youtube.com/watch?v=rBBWMRRWOrM

وانا صراحه ما عندي تعليق على هذا الموضوع او امور الهرمونات بشكل كبير لاني ما اهتم فيها ولكن اهم شي عندي معلومات سطحية عن اخطارها الكبيرة .....

وانا عندنا شخص كبير في السن قريب للـستين سنة الله يطول بعمره ولكن ماشاءالله عليه جسمه ماهو مثل قبل ولكن صراحة للحين متألق بجسمه مع انه ترك لعبة كمال الاجسام ... ولكن لابد انه يعني يصير تغير في جسمه
واكيد يعني الشخص هذا مشى صح بعيد عن الهرمونات والخرابيط هذي الي ما منها منفعة بشي غير المظهر الخارجي اما من الداخل معدوم ....

وتسلم يدينك وهذا موضوعك المفترض يحطون عينهم عليه شباب الهرمونات والشباب الي ناويين على هذي الامور بحيث انهم ما يتساهلون فيها.....