أقوى حارق دهون على الاطلاق ....مايتوتروبين MITOTROPIN لكامل الاجسام واللياقة

مشكووور اخوي على الموضوع
بس الدعايه الي بيوتيوب حق الي قاعد يعرض اهو نفسه ونفس العرض مال دعايه بلازما جت يعني اعتقد انهم جذابين

اقتباس:

---

المشاركة الأصلية كتبت بواسطة هارد مان

مشكووور اخوي على الموضوع
بس الدعايه الي بيوتيوب حق الي قاعد يعرض اهو نفسه ونفس العرض مال دعايه بلازما جت يعني اعتقد انهم جذابين

---

بغض النظر عن تجربتي،، باقي اللينكات ؟

على فكره انا استخدمته ونزلت من 30% أو 27% دهون الى 19% بكورس واحد منه وكان هذيك اول مرة ومن بعدها ماجبته عشا مو متوفر للاسف بالسعودية بس ان شاء الله استنى واحد من اخوياي يجي من امريكا ويجيبه معاه ...

الله يعطيك العافيه ياكابتن على الطرح الرائع

الشركه المنتجه ما عليها كلام اغلب منتجاتها قويه ومنافسه بقوه

مثل السوبر بمب والسايز اون

لاكن المشكله عدم توفر المنتج بالسوق

اتمنى واحد من الي عندهم واسطات يبيعه بالاضافة للايبو والاوكسي وغيرهم من الحوارق الضعيفة :)

ما شاء الله ياريت يكون كويس عشان اجربه الف شكر على الموضوع
تحياتى

اقتباس:

---

المشاركة الأصلية كتبت بواسطة themaddemon

هذا النظام المقصود فيه كربوهيدرات بطيئة الامتصاص ولو قريت عنه تمام راح تعرف انو مو الدهون الي تخليك سمين بل الكربوهيدرات السريعة الامتصاص :)

هو ليس بنظام بل نوعية مصادر الكاربوهيدرات بس جرب تقسمها على 3 بمعنى 33.33% دهون و 33.33% بروتين و 33.33% كاربوهيدرات وهذا النظام ينفع للتنشيف او الضخامة لو حاب يعني لو قللت السعرات عن المحترق منه راح تنحف واذا زودت راح تضخم واذا اتساوت راح تحافض على مانت عليه.... اسم هذا النظام الايزومترك ولو تلاحظ بالطريقة هذي ماراح تحرم نفسك من كثير من انواع الاكل كما هو المتعارف عليه.

وبالنسبة للأوميغا 3 ممتااااز جداً وبطريقة غير مباشرة يساهم في حرق الدهون ويزيد الذكاء ويقلل الكلسترول ...الخ من الفوائد الاخرى. بس اهم شيء انتبه من الحبوب واتأكد انها من شركة ممتازة بسبب ان الاسماك ملوثة بالزئبق وللاسف تراكمه في الجسم ممكن يسبب شلل مؤقت او مزمن لاسمح الله ،، راح تلاقي شركات تكتب انه مقطر ومنقى من الزئبق وهذا طبعاً الافضل وان شاء الله يطلع كلامهم صادق بانه منقى.

---

انا جربت دايت الكيتوني وجربت PSMF و زون دايت وتقريبا الزون دايت قريب من ايزوميتريك دايت 30/30/40

وان شاء الله راح اجرب مايتوتروبين او اوكسي اوليت

جزاك الله الخير

مشكور يالغالي على المنتج وانا قريت عنه قبل فترة بس مثل ما تدري انه مو متوفر في السوق الخليجي بشكل عام،، وأيضاً انا موقف الشراء من موقع بودي بلدنق لمشكلة معهم

رأي الوحيد راح يكون شكرك على المعلومات لانه المنتج غير معروف كتجربة لأغلب الأعضاء.

بالتوفيق يا بطل

ماشاء الله نسبه قويه من 27 الى 19% انا حاليا 14 واتمنى اوصل 10 او 8 .. بخلص الاوكسي اليت وبريح فتره اسبوعين وبحاول ادبر هل منتج وان شاء الله بجربه
بس لو تذكر لنا شنو نظامك الغذائي انا ماعندي مشكله انه الاكل ماقمت اهتم عادي بس هل زياده استخدام المكملات مثلا انا حاليا وزني 92 ضخم شوي فاكثر استخدامي 6 سكوبات بروتين بس كلها وي او بروكومبلكس
مع امينو 2222 الي فيه 3 جرام بروتين دي ان اي استخدم 14-18 حبه باليوم عشان اوفر احتياجي وغالبا ثلاث وجبات باليوم او ثنتين صراحه نفسيه ماتتقبل االاكل فهل هذا يأثر على التنشيف

اقتباس:

---

المشاركة الأصلية كتبت بواسطة ابو مهاا

ماشاء الله نسبه قويه من 27 الى 19% انا حاليا 14 واتمنى اوصل 10 او 8 .. بخلص الاوكسي اليت وبريح فتره اسبوعين وبحاول ادبر هل منتج وان شاء الله بجربه
بس لو تذكر لنا شنو نظامك الغذائي انا ماعندي مشكله انه الاكل ماقمت اهتم عادي بس هل زياده استخدام المكملات مثلا انا حاليا وزني 92 ضخم شوي فاكثر استخدامي 6 سكوبات بروتين بس كلها وي او بروكومبلكس
مع امينو 2222 الي فيه 3 جرام بروتين دي ان اي استخدم 14-18 حبه باليوم عشان اوفر احتياجي وغالبا ثلاث وجبات باليوم او ثنتين صراحه نفسيه ماتتقبل االاكل فهل هذا يأثر على التنشيف

---

الاكل هو الاهم وهو اساس النجاح سواء في التنشيف او التضخيم :)

للأسف الناس تفكر ان المكملات الغذائية هي الحل وهو كلام غير صحيح ،، اذا تبغى تنحف لازم تقسم اكلك الى 5 او 6 وجيبات (مو وجبات) بمعنى تاكل كل ساعتين او ثلاث ساعات بالكثير بكذا عملية الايض عندك حتزيد وانت حتحس جسمك حار ويعرق بسرعة اما العكس فأنت راح تعيق عملية الايض وتحول جسمك الى وضعية دفاع عن المخزون الاحتياطي للجسم والي هو الدهون بإختصار نعم راح تأثر سلباً على التنشيف،، 5وجيبات بكذا تكون غطيت احتياج جسمك من البروتين بدون الرجوع للمكمل البروتيني ،، بالنسبة للامينو 2222 14 الى 18 حبة معناته انت بتاخد 28جرام بروتين الى 36جرام بروتين بما ان الحبة فيها 2 جرام بروتين ايسوليت و صويا بوتين ايسوليت تبغى تكمل عليه انت حر واذا انت واصل من 1جرام بروتين لكل كيلو من وزنك او 1.5جرام او 2 جرام فماتحتاجه ووفر فلوسك...

لازم اكلك يكون في مدى السعرات المناسبة لجسمك تقدر تحسبها على نسبة دهونك وعلى حسب نسبة دهونك تحتاج 2625كالوري في اليوم عشان تحافظ على وزنك واذا تبغى تنحف مع المحافظة على العضلات لاتقلل عن 2625 في الاكل بل قللها بالرياضة فقط لاغير بس ماراح تنحف بسرعة حتنحف بطرقة صحية مع الحفاظ على عضلاتك ،، او ممكن تنقص منها 200كالوري اول اسبوع الى ان توصل انك تنقص 500 الوري غير الرياضة وبالتالي راح تنحف اسرع بس ممكن تخسر عضل اكثر ....

طريقة تقسيمها انا افضل الايزيميتريك 33.33% دهون و 33.33% بروتين و 33.33% كارب..
او اذا كنت رايح لمناسبة بعد ثلاث اسابيع اتبع دايت الكيتو بمعنى 50% دهون و 50% بروتين و 0% كارب ،، بس مو اكثر من ثلاث اسابيع لانك راح تخسر كمية كبيييييرة عضلات وتخسر قوتك كمان.

بالتوفيق

تسلم حبيب قلبي نظام الكتيوني رائع مع اني ماجربته للأن لكن صعبه تستخدمه وتلعب حديد هل جربته اقصد وانت تلعب حديد
ولو استخدمه ثلاث اسابيع يأثر على العضل مثل ماذكرت لك فوق انا جسمي واصل مرحله مرضيه جدا من الضخامه والهدف بحاول اوصل 10 كيلو عضل صافي زياده ادري صعبه بس انا راضي بالشهر كيلوين او كيلو
فهل لو استخدم اكتنز 3 اسابيع بس افقد عضل؟

ماشاء الله عليك شكلك دكتور أو اخصائي تغذية ,,
معلوماتك فوق الممتازة الله ينور دربك ,,,

,,

انا حبيت فكرة طرده للماء ,, وافكر اشتريه لهذا السبب لكن الاوكسي اولييت يعمل نفس العمل ,, من اقل مجهود اعرق بشكل غزير ماشاء الله
وانا جاد افكر بشراء اللازيكس لانه متوفر بالصيدليات عكسMITOTROPIN

اقتباس:

---

المشاركة الأصلية كتبت بواسطة ابو مهاا

تسلم حبيب قلبي نظام الكتيوني رائع مع اني ماجربته للأن لكن صعبه تستخدمه وتلعب حديد هل جربته اقصد وانت تلعب حديد
ولو استخدمه ثلاث اسابيع يأثر على العضل مثل ماذكرت لك فوق انا جسمي واصل مرحله مرضيه جدا من الضخامه والهدف بحاول اوصل 10 كيلو عضل صافي زياده ادري صعبه بس انا راضي بالشهر كيلوين او كيلو
فهل لو استخدم اكتنز 3 اسابيع بس افقد عضل؟

---

نظام اتكنز هو النظام الكيتوني يعني بدون كارب او 40جرام كأقصى حد في اليوم تؤخذ بعد التمرين فقط لاغير...

نظام الكيتو يستخدم لدى لاعبي الحديد خاصة اذا كان تحضير لبطولة ويبغى ينزل لوزن معين ويتخلص من الدهون بسرعة ،، طبعاً راح تخسر عضل عشان كذا ماينصح اكثر من 3 او 4 اسابيع لانك راح تخسر عضل كثير واذا تبغى تسويه لازم تاخد امينو BCAA معاه عشان تحافظ على اكبر قدر ممكن من العضلات....

اما في حالة الضخامة نظام اتكنز او الكيتوني لاينفع نهائياً ،،، ومن المستحيل يكون هناك شيء اسمه ضخامة عضلية صافية 100% لاكن في ضخامة مع التقليل من اكتساب الدهون .....

اقتباس:

---

المشاركة الأصلية كتبت بواسطة toto jeddah

ماشاء الله عليك شكلك دكتور أو اخصائي تغذية ,,
معلوماتك فوق الممتازة الله ينور دربك ,,,

,,

انا حبيت فكرة طرده للماء ,, وافكر اشتريه لهذا السبب لكن الاوكسي اولييت يعمل نفس العمل ,, من اقل مجهود اعرق بشكل غزير ماشاء الله
وانا جاد افكر بشراء اللازيكس لانه متوفر بالصيدليات عكسMITOTROPIN

---

شكراً :)

انا مو اخصائي تغذية لاكن الانترنت ببلاش وفيه كل شيء تحتاجة بالاضافة للكتب (للاسف مو عربية).

حبوب التنشيف المذكورة هي حبوب مدره للبول وللتخلص من السوئل في الجسم ،، من رأيي الشخصي هي غير صحية نهائياً الا اذا كان في احتباس في الماء عشان كذا توصف ،، لاكن في كل الحالتين لازم تشرب ماء كثير للتعويض و تاخد ماغنيسيوم وصوديوم معاهم لتعوض المعادن المفقودة....

بالنسبة للاوكسي ايليت يحتوي عالكافين وهو الي يسبب التعرق و الجفاف بالجسم ويعتبر من مدرات البول ايضاً ...