team silent و أخر أخبار التل الصامت (( SILENT HILL )) عرض من الفيلم وموعد اصداره

^
^

عدل كلامك اكيرا طلع وحاليا الملحن اللي بيقوم بهالدور بالجزء اليديد هو Dan Licht ملحن صوتيات المسلسل المشهور Dexter

ما دام Dan Licht ماسك التلحين مافي خوف على ال SOUNDTRACK
...
الحان dexter حمااسيه جدا و أحيانا أستخدمها اثناء كتابة قصه علشان تعطيني الأفكار الخونفشاريه

والي فرحني أكثر بأنهم ياخذون لعبة اللن ووييك كمثال على لعبة رعب نفسي

سيتم اصدار اللعبة في 2011 لجهازي ps3

حلـو كثير وبانتظار صدور اللعبة بفارغ الصبر
وأهم شي نبي مدتها تكون طويلة طويلة طويلة مثل سايلنت هيل 1

^
^
غريبة انا ملاحظ اكثر من واحد يقول يبيها طويلة مثل سايلنت هيل1
مع اني لما العب سايلنت 1 احسه من اقصر الاجزاء واقدر اخلصه بقعدة وحدة ولو لعبته جم مرة بعد اخلص باقل من ساعتين
الجزء اللي اعتبره طويل الجزء الرابع
واوريجينز بسبب اللف والدوران اللي فيه

اما الاول والثالث احسهم قصار
والثاني يعني... معتدل

اما اقصر جزء بلا منازع شاترد ميمورز
كل مرة العبه اخلصه بقعدة وحدة

اتمنى الثامن يكون بعمر الثاني او الرابع واهم شي الجودة تكون عالية بكل المراحل

^^^^
الاول ألغازه شوي معقده فتحسه طويل في البدايه
الرابع ترجع لنفس الاماكن
اوريجينز اللف والدوران فيه يقرف

اتمنى الثامن يكون طويل مثل الرابع بس بدون ما تكرر الاماكن @@
تكرارهم ما كان ممل بالعكس كان مهم عشان تكمل بعض الالغاز لكن الواحد وده يجوف اماكن متنوعه في الجزء الواحد

أخيراً تم إفتتاح الموضوع ... عجبني الـ Team وياليت ما نفترق مثل الـ Team الأصلي :09: .

مشكورين على الأخبار وعلى الترجمة .

==========

ما أدري يمكن أنا الوحيد هنا اللي يشوف الجزء الأول أفضل جزء من ناحية الألغاز الكثيرة جداً والأجواء المرعبة والغموض الكبير ... كان التشويق فيه كبير وبلا حدود .

ولو جيت أقيم وأرتب أجزاء Team Silent حسب الأفضلية عندي حطلع بهذا الترتيب اللي أنا نفسي مستغرب منه :
SILENT HILL 1
SILENT HILL 2
SILENT HILL 3
SILENT HILL 4

:ponder: معقوله متعلق فيهم ومفضلهم على حسب تجربتي لهم بالترتيب :hmmmm:.

سبحان الله شي غريب والتر ههههه

انا افضل يكون قريب من الجزء الثاني من ناحية عمق القصه

والالغاز نامابيها صعبه ترى اتملل .. وبروحنا ٤ في البيت كل من يبي يلعب دوره ماينفع

أطول على الالغاز.. حلاته تكون وسط في مستوى الصعوبه

الحين هم مسوينه مجرم يعني من البدايه واضحه انه يستاهل تعاقبه سايلنت هيل وهذا شي جديد علينا

الحين افكر شلون بيضيفون عنصر التشويق علي القصه ؟؟

^
^
بخصوص ميرفي بوضحلكم بعض الاشياء

يبدو ان شخصيته مستوحاة من الرواية One Flew Over the Cuckoo's Nest للكاتب Ken Kesey ( تقدرون تلقون فلم مستوحى من قصتها ايضا ). البطل بهذه الرواية اسمه راندولف ماكميرفي والذي تم سجنه في سجن زراعي حيث اضطر للعمل كجزء من عقوبته. كرهه للعمل جعله يدعي الجنون فتم ارساله لمتسشفى امراض عقلية ليكمل باقي فترة عقوبته بنوع من الرفاهية. السجن الزراعي كان في منطقة تسمى "بندلتون" وبالقصة كان يسمى السجن بسجن بندلتون الزراعي.
بالتريلر الذي رأيناه نلاحظ ان السجين ميرفي وهو بطلنا في هذا الجزء يتم نقله لمكان أخر.

"تبقى مجرد نظرية"

الشي الثاني هو الرقم التسلسلي الموجود على لبسه بالتريلر
لو بحثتوا عن هالرقم ( في اكثر من لقطة يظهر لو تجمع الارقام مع بعض بيطلع الرقم "bs 273a"


وهذا رابط من موقع قوانين كاليفورنيا الجزائية يوضح ماهي العقوبة

http://law.onecle.com/california/penal/273a.html

ولي عودة في وقت لاحق لهالموضوع

اقتباس:

---

:ponder: معقوله متعلق فيهم ومفضلهم على حسب تجربتي لهم بالترتيب :hmmmm:.

---

انا معاك ان الجزء الاول وايد حلو وألغازه ممتازه حتى الثاني..سايلينت هيل ما تكتمل الا بألغاز تصدع الراس :blackeye:
بس لغز البيانو......قدرت تحله من غير ما تستعين بحل كامل؟ :ponder:

اقتباس:

---

لو بحثتوا عن هالرقم ( في اكثر من لقطة يظهر لو تجمع الارقام مع بعض بيطلع الرقم "bs 273a"

---

273ab.

اقتباس:

---

Any person who, having the care or custody of a child who is under eight years of age

---

لايكون ذيكي البنت اللي تطلع له وحده من ضحاياه :bigeyes:

^
^
هههههههه
اذا على قوانين كاليفورنيا, صاحبا يطلع ماستر جدام صديقي جيمس
كملي قراية القانون وبتعرفين شنو نوع الجريمة اللي "المفروض" انه ارتكبها

مستر تومي ...YOU ARE Incredible
بخصوص الكوميك
نزلت أول مراجعه للكوميك العدد الأول
لقراءة المراجعه
http://shshatteredmemories.com/blog/...ssue-1-review/

اقتباس:

---

المشاركة الأصلية كتبت بواسطة arashi

انا معاك ان الجزء الاول وايد حلو وألغازه ممتازه حتى الثاني..سايلينت هيل ما تكتمل الا بألغاز تصدع الراس :blackeye:

---

شيء أكيد :biggthump .

اقتباس:

---

المشاركة الأصلية كتبت بواسطة arashi

بس لغز البيانو......قدرت تحله من غير ما تستعين بحل كامل؟ :ponder:

---

ما يحتاج حليته بدون ما أستعين بحل كامل بس يمكن جلست 10 أيام عليه عشان أحله :silly: <<< هذا أحد اسباب عشقي لالعاب الالغاز في الجيل الاول .


اتذكر أني كنت احاول أحله أنا وأثنين من اقاربي في نفس الروم هم طفشو وأنا حليته بلغصب لما جربت كل اصبع ظاهر في البيانو مع باقي الأصابع الأخرى :laugh: ... طبعاً النوت المعلق ما استفدنا منه شيء لأننا صفر في الإنجليزي وما زلنا على ذلك :32:.


على فكره اغلب الغاز هذا الجزء كنت أحلها بنفس الطريقة واستخدمت هذه الطريقة مره في Homecoming :tomato:.


هذه الطريقة تحسسك انك سويت إنجاز بعد حلك للغز .

Mr.Tommy

اقتباس:

---

هههههههه
اذا على قوانين كاليفورنيا, صاحبا يطلع ماستر جدام صديقي جيمس
كملي قراية القانون وبتعرفين شنو نوع الجريمة اللي "المفروض" انه ارتكبها

---

ايه انا قاريته كامل بس الجريمه قرفتني :blackeye:
لالالا لو صج هاذي جريمته انا بروح اشتري لجيمس هديه لأن طلع في السلسله بطل أخيَس منه :28:


g4mer

اقتباس:

---

بخصوص الكوميك
نزلت أول مراجعه للكوميك العدد الأول
لقراءة المراجعه

---

وانا لين الحين ما لعبت شاتيرد <_<
خلاص بقراها بعد ما ألعب ونبدأ تحليل ^^


Walter

اقتباس:

---

ما يحتاج حليته بدون ما أستعين بحل كامل بس يمكن جلست 10 أيام عليه عشان أحله :silly: <<< هذا أحد اسباب عشقي لالعاب الالغاز في الجيل الاول .

---

زيييين زيييييين ما شاء الله تحله في 10 ايام هذا رقم قياسي :bigeyes:
كل اللي اعرفهم استعانوا بالحل الكامل :28:

اقتباس:

---

وأنا حليته بلغصب لما جربت كل اصبع ظاهر في البيانو مع باقي الأصابع الأخرى :laugh: ... طبعاً النوت المعلق ما استفدنا منه شيء لأننا صفر في الإنجليزي وما زلنا على ذلك :32:.

---

والله خوش فكره @@
والله احنا الانجليزي ما سوى لنا شي :28:
لحد اليوم ماعرف شلون الواحد يحله

اقتباس:

---

على فكره اغلب الغاز هذا الجزء كنت أحلها بنفس الطريقة واستخدمت هذه الطريقة مره في Homecoming :tomato:.


هذه الطريقة تحسسك انك سويت إنجاز بعد حلك للغز .

---

ماقدرت اطبقها مع اي جزء...يمكن لأن مالي صبر :silly:

بس غالبا ماتصير معاي هالحركه..احاول احرك شي في اللغز بس احرك بداله شي ثاني بالغلط وينحل اللغز وانا مادري شلون :biggthump

ههههههه اللغز الوحيد اللي استفزني وكل ما تحاول اكثر يتعقد اكثر اهو لغز المربعات اللي بالسطح بهوم كمنغ
اللي تاخذ منه خريطة سايلنت هيل
هاللغز اذا ما حليته باول 8 حركات عيده احسنلك

اقتباس:

---

والله خوش فكره @@
والله احنا الانجليزي ما سوى لنا شي
لحد اليوم ماعرف شلون الواحد يحله

---

يا جماعة من صجك @@
والله ما احس فيه هالصعوبة حتى اذكر واحد من ربعي دق علي قبل جم اسبوع يقولي اراح يكمل بسبة هاللغز قلتله اقرالي الشعر ومبين من الشعر شلون لازم تضغط
بعد شوي بنزل كلمات اللغز واقولكم شقصدهم فيهم

"A Tale of Birds Without A Voice"
حكاية طيور بلا صوت

- من اول شي انعرف ان الحل بالمفاتيح اللي مالها صوت


First flew the greedy pelican,
Eager for the reward,
White wings flailing.

اولهم كانت البجعة الجشعة
متلهفة لنيل الجائزة
جنحان بيضاء تخفق

Then came a silent Dove,
Flying beyond the pelican,
As far as he could.

ثم أتت اليمامة الصامتة
تطير بعيدا عن البجعة
قدرما تستطيع

A Raven flies in,
Flying higher than the dove,
Just to show he can.
يطير غراب اليهم
يطير اعلى من اليمامة
فقط ليظهر قدراته


A Swan glides in,
To find a peaceful spot,
Next to another bird.

وزة تطير اليهم
لتجد مكان هادىء
بالقرب من طير أخر


Finally out comes a Crow,
Coming quickly to a stop,
Yawning and then napping.
يأتي بالنهاية غراب
قادما بسرعة ليتوقف
يتثاوب ثم يأخذ قيلولة


Who will show the way,
Who will be the key,
Who will lead to
The silver reward?
من سيكشف الطريق
من سيكون المفتاح
من سيقودك
الى المفتاح الفضي؟

------------
-----

خلونا ناخذها ستانزا ستانزا
الستانزا الاول

يذكر ان البجعة جوانحها بيضاء وهذا يبين ان المفتاح اللي بنضغط عليه بيكون ابيض
وبما انه ياي مسرع و"يخفق" معناتها بالطريق للهبوط يعني بيكون اقرب مفتاح ابيض عاليسار

الستانزا الثاني

اليمامة تروح ابعد مكان عن البجعة وهالشي واضح انه يقصد اخر مفتاح ابيض ماله صوت عاليمين

الستانزا الثالث

هذا بعد اسهل غراب (اسود) يطير فوق اليمامة وعلى ما اذكر مافي اصلا الا مفتاح واحد اسود ماله صوت صوب اليمامة وهذا اهو المغتاح المطلوب

الستانزا الرابع

يذكر فيها وزة تطير بـ"القرب" من طير أخر, لو تلاحظ اصلا مو باقي الا مفتاح واحد ابيض ماله صوت وهو يم اليمامة فاكيد اهو المطلوب

الستانزا الخامس

غراب أخر "اسود" يصل اخر شي ومستعجل يعني بيكون قريب من البجعة الاولى بالمفتاح الاسود المكسور يمها

الستانزا الاخير ماله علاقة بالحل

لاحظوا الوان الطيور ووصف طيرانهم اذا كان فوق الطيور والا جنبها وفي اكثر من طريقة تلاحظ فيها المفاتيح المقصودة

بس من جد هاللغز من اروع الالغاز واتمنى بسايلنت 8 نشوف الغاز بمستواه