مستجدات | CATHERINE ~ رسميا اللعبة الى امريكا

^^
كلام سليم 100%
الصراحة اللعبة ملفته للإنتباه ... من أول ماظهرت وإلى اليوم
وخصوصا أنها تجمع ما بين الأدفنشر والبزلز ..
لول على طريقة القتال ... بالوسادة؟!!

بالنسبة لي مستحيل أخذ شيء ياباني
لأن اللي يهمني في المرتبة الأولى القصة.. وابغى أفهمها
thx

ذلحين انا كنت متفائل جدا بس بعد مادريت انو يقاتل بالمخده والصور كمان احبطتني شويه ,,
جاني تحطيم شديد ,,
بس انا واثق انو اطلس ما تسوي الا العاب محترمه ^_^ ,,

^
حذفت الرد عشان العرض فيه مشاهد مخلة ، بس الجيم بلاي كان رهيب كله الغاز واكشن مهتم للعبة كثير.

^^
مافي مشكله ^_^ ,,

اللعبة احسها موجهة لليابانيين اكثر من انها للعالم

اوكي اطلس العابهم ممتازة وشفنا هالشي في شين ميكامي وبيرسونا... لو نفصفص اللعبة هذي.. احسها ما تسوا للاسف

ضرابة بمخدة!!
لبس البطل مجرد سروال داخلي!!

للحينه ما اعتبره لعبة تستاهل وقتي... الا اذا في شي ثاني يحمسني له!!!

فكرة اللعبة حلوة و مبتكرة
في انتظار خبر عن النسخة الإنجليزية , أتوقع يعلنون عن النسخة الإنجليزية ( إذا أرادوا ) في الصيف

اللعبة في اشياء عجبتني فيها

وفي اشياء احس ما لها داعي

ما زلت محتار من ناحية اللعبة

اجل يضرب بمخده وشكله كيذا !!

http://i.imgur.com/7hkgz.gif
wat مخدة !!!!
ههههههه خبر حلو وسلاح احلى بس لسة مصدوم


فى فديو جديد لو واحد حاب يشوفة

http://www.youtube.com/watch?v=CA_Y-KL-QgI

عرض جديد :

http://www.youtube.com/watch?v=lVQ61...layer_embedded

العرض الجديد ابداع يوريك انه اللعبة فيها توستات واكثر من طريق ونهاية ..
ان شاءالله تحقق مبيعات وتقاييم عالية في اليابان وتنشرها اطلس في الخارج .

me can't wait..
يالله زين بعد يخلصون منها عشان يشتغلون على بيرسونا 5 :09:

لوني عليك سوالف ما شاء الله عليك
ما ادري وين طحت على هاللعبه p:

الديمو نزل بالستور الياباني و حجمه 930 ميجا

http://www.youtube.com/watch?v=4aWvHv68wgE

توني خلصت من الديمو تقريبا طوله ثلث ساعه يمكن مع المشاهد بس يعطي فكره واضحه و كافيه عن اللعبه

ماتوقعت ان الجيم بلي بيكون بهالادمانيه فعلا اللعبه ممتعه جدا

الديمو فيه مرحلتين عباره عن توتوريال يعلمك شلون طريقة اللعب, الجيم بلي عباره عن حل الغاز بشكل سريع ولا الموت بيكون نصيبك فاللي عليك انك تتحرك مكعبات عشان تتسلق برج حجري و توصل لقمته و بتكون في خرفان بتعيق طريقك و تحاربك و اذا الخرفان مامنعتك ففي وحش كبير قاعد يلحقك من الاعماق و اذا قرب منك بيسوي سحر يخلي تحريك المكعبات اصعب و ابطأ و اذا تأخرت زياده و قدر يلحقك بتموت بأبشع طريقه

يعني مافي مجال انك توقف و تفكر شتسوي لازم تفكر شتسوي و انت اتسويه عشان توصل للقمه بسرعه و تطلع من الدنجن

http://img156.imageshack.us/img156/9...iew8853564.jpg

الدنجن اهوه اللي على اليسار تحت و لازم تنتبه و انت تتنقل بين المكعبات فإاذ طحت بتموت

و المشاهد و جرافكس اللعبه جميل جدا خاصه موديلات الوجه اتحسها فعلا انمي ماهي موديلات كمبيوتر

الخلاصه: من اكثر الالعاب اللي متحمسلها هالسنه .