الهيلرية صايريين حساسين الصراحة

أتوقع الهيلرز حاليا هو الكلاس الوحيد اللي يبين لك من هو ال noob و ال pros

انا وجهة نظري ان ال healing amount مايوازي كثر ال HP خصوصا اذا كان الهيلر توه مقير مسكين ،، راح يتعب في المانا ريجن ،، وبعد راح يتعب في انه يخلي الباقين UP all time ,, بعض الأحيان يحصل mess في ال CC أو بعض الأحيان التانك يكون undergeared أو فيه low dps

أنا أشوف ان الهيلر حاليا يتحمل أكثر من طاقته

بغض النظر هل الإكسبانشن هذا بين فضح ال Noob هيلر أو لا ،،، بس بليزارد ركزت على محور الهيلر عشان ترجع ال CC و focus on 1 target

وهذا شي خلى عدد الهيلرز يتراجع بشكل كبير

ليش بالذات الهيلر هو اللي يبين انه نووب أو سكل ؟؟ بينما باقي Roles اي واحد يطقطق عليه !!

أترك الجواب لكم

هــذولا متدلعين صـراحةً ..

والله بليزارد تكوون كريمه لو تعطي الـPaladin Nerf عــلى وجهه ..

يـآخي للحين مـا أحس بصعوبة الدناجن ..

اقتباس:

---

المشاركة الأصلية كتبت بواسطة ميكافلي

ليش بالذات الهيلر هو اللي يبين انه نووب أو سكل ؟؟ بينما باقي Roles اي واحد يطقطق عليه !!

أترك الجواب لكم

---

كلامك صحيح بهذه النقطه والسبب انه النوبات في الهيلر اعلى بكثير مما تحصله في التانك او الدي بي اس لانه التهييل يبيله حرفنه وتكتيك والشئ هذا يبان بقوه في السكلز عن النوب
التانك ممكن الجروب يغطي على عيوبه والدي بي اس ممكن ينشات ويجي غيره بسرعه يكون احسن منه علما بان الدي بي اس يعتمد بشكل اساسي على جيره لكن الهيلر على مهارته وذكاءه بشكل اكبر

والله موضوع شيق ^^
والصراحه الهيل في هذا الاصدار صعب بمعنى الكلمة !!
من ناحيتي لفلت بريست 85 كاشادو (ايام لتيش كينق كنت هولي)
المهم حنيت للهولي وقلت خلني ارجع وادخل راندوم على طول على بالي الوضع ماتغير كثير
عند اول موب ماكملت 50ثانيه إلا وانا اوت اوف مانا سويت ليف عشان ما انكب القروب وقعد اقرا الابليتي والتالنت زين ^^
وبعدها خشيت صرنا نصمد شوي (مع استخدام كل الكولدونات حق المانا) والمانا بريك حدث ولا حرج ^^
اما الآن تقريبا اخلص الرادوم كله بدون بريك مانا واحيانا مااستخدم الكولداونات (إلا لو القروب فيه نوب بالاخص التانك او الدي بي اس لو يطيحون في التكتيك كثير)
بس الحمدلله بديت اتمكن من الهولي بريست واعرف اتحكم في المانا صح ^^
لدرجه ان احيانا اكون مع قروب نوب غير التركيز في الهيل استخدم
Leap of Faith عشان اسحب واحد من القروب لا يطيح في التكتيك والله حاله xd
بس وش نسوي وبالعكس النوب احيانا يخلوك تصير سكل اكثر :)

واعذروني على الاطالة
فمان الله

اقتباس:

---

ليش بالذات الهيلر هو اللي يبين انه نووب أو سكل ؟؟ بينما باقي Roles اي واحد يطقطق عليه !!

أترك الجواب لكم

---

بالنــسبة لـي أنـا ..

لو جــآك وآحد أهبل ومخــه قاطعه من الغباء ..

ويوقف فوق Shadow ولا شــي يسوي فيك Damage قوي ..

صــراحتاُ في الـGroups أهيله قليل وأرحمه شوي لين يتعلم .. <~ مــشكلته إذا ما تعلم يموت ..

الـRaids ولا أفكر أحط عنده Totem تهيله 1 ولا 2 ..

عشـان إذا صـار Wipe مـا يقولون خـلصت مـانتك عليه .. p:

أمـا الـTank بالنسبه لي في الـHeroic مـا تفرق معي بالقير ..

أهم شـي يمسك Agrro غير كذا مـا أبي ..

بكل بساطة والي لاحظته من الهيلرز ذاليومين باقي يستخدمون wotlk heales يعني oom

في لاعب السيئ وفي جييد وماشوف شي جديد في موضوعكِ


وتقبل مروريِ

كلكم ماتدرون وين الله قاطكم

فلان نووب و علان نووب

والله ماكو نووب باللعبه الا انت وياه اللي كل كلمه والثانيه تقولون نووب

انت ارجع للفل 80 و70 و60 واعتقد لفل 60 ماكنت تعرف شي اسمه كمبيوتر كان حدك اتاري ولعبه الطيارات البيضه والسوده

انت شوف اول شي عند اي هيلر حركه الهيل , يقولك نورش مثلا تعطي 5000 هيل ولما تشوف كم مانا تاخذ تشوفها تاخذ 6000 مانا ؟؟

هل يعقل تاخذ مانا اكثر من تعطي هيل ؟ اذا جذي يلغون كلمه هيلر ويخلون الهيلر يكون راندوم من القروب ويهيل first aid

تقولي بيبن الهيلر النوب والجيد ؟ ليش في هيلر نوب بعد ؟ لا ولفل 85 ؟ قول النوبات في لفل 60 ايامك بالاتاري او 70 واحد توه طايح بالعبه فيها , مو لفل 85

انت ادخل اي هيروك ياللي تقول نووب وادخل كهيلر في جير نورمال , وبشوفك شلون تخلي الشباب بالمنتدى يقولون عنك هلير جيد , قاعد ورى جهاز وماعندك الا شخصيات دي بي اس وتعلق على كلاسات انت عمرك مالعبت فيهم بجديه

اذا كان الهيلر مازال يعطي نفس لفل 80 و المانا تاخذ اكثر من الهيل والموبات في cata كلهم aoe وقليل تحصل موب وحداني , اقل شي 3-4 الواحد فيهم يدمج 20 الف و غير الaoe على الجروب كله وانا مابي اذكر الدنجنات اللي فيها اكثر من موب بكل مكان , تتوقع شنو يسوي الهيلر ؟ مانا ريجن 2400 ويعطي هيل حق جروب اقل واحد فيهم 100 الف الهيلث , والمانا تاخذ اكثر من الهيل وتقول نووب ؟ والله ماكو نووب الا انت واللي يأيدك , او توكم عارفين شنو يعني نووب ومستانسين فيها تكتبونها

لا يا حبيبي ماكو نووب باللعبه الا اذا انتوا , والهيلر مظلوم بالcata ماتغير فيه شي من لفل 80 , اللهم الا زادوا المانا ولكن صارت المانا تاخذ اكثر من الهيل , روح شوف الدرود , حدث ولا حرج , هيل 4000 وتاخذ مانا 5000 وغيرها وغيرها نفس lifebloom مازالت تعطي 1500 هيل ؟ شنو فرقها بلفل 80 و 85 ؟ واخر حركه بالتالنت نسيت اسمها تعطي 800 هيل ؟ شالمهزله ؟ الناس طاقاتهم 120 الف واعطيهم 900 هيلر وتقولون نووب ؟

المشكله ان الهيل ماتغير والجير مايغير شي بالهيل ولا بالمانا ريجن والمشكله بالموبات كلهم aoe والمشكله الهيلث عالي ويحتاج يسوي سبام عشان يرفع الهيلث للتانك والمشكله ان المانا تاخذ اكثر من الهيل اللي تعطي

بشكل عام كل الهيلريه معذورين ولا احد يقول نووب نفس النوبات الموجودين , المشكله ان الهيلر مظلوم بالcata

على فكره بتقول ساعات العب مع تانك وهيلر والوضع طبيعي وننهي الدنجن , هذا لأن اخر باتش بليزرد قللوا الدمج من الموبات , اما الهيلر ماتغير فيه شي ولا زادوا الهيل

وانا قلتلك عن الدرود وانا عندي درود والهيل كله نفس لفل 80 ماكو شي جديد , ولكن لو تسأل اي شادو بريست تقوله شلون المانا عندك ؟ يقولك كرهت البريست بسبب المانا
بالله عليك هذا شلون يصير هيلر اذا كان يشتكي من المانا ؟

العيب من اللعبه مو من اللاعبين يا نووب

السلام وعليكم

موضوع جيد وله تفرعات كثيرة .. blizzard قبل فترة قصيرة صرحت ان الدناجن مستواها صعب وانه تحتاج تواصل وتفاهم بين افراد القروب وانعدام الشي بالغالب راح يؤدي الى wipes
انا في الاكسبانشن العب تانك وهيلر ودي بي اس
تنكت وهيلت كل الهرويكز في الدرويد والدي بي اس تاركه للوارلوك

الهيل مو سهل واساسيات الهيل والتانكز اختلفت بما معناه في اشياء لا تلومون الهيلرز والتانكز وفي اشياء لوموهم


DPS

اذا كان في CC ورحت كسرت الـ CC بس عشان تكمل الروتيشن حقك او تصير الاول بالدمج تستاهل Vote to kick
اذا انت واقف على دويرة سودا ومفهي بالدمج متر و و.. و .. انت ميت .. تستاهل تموت
اذا انت ما سويت interrupt وقطعت الكاست حق الموب او البوس و و و و ميت .. تستاهل تموت
اذا انت نزل الـ HP حقك للنص تقريبا في فترة damage عالي وما طقيت كول داون يهيلك او يخفف الدمج عليك.. تستاهل تموت
اذا ما تبي احد يشيلك ويسولك بووست وداخل بقير تعبان وبنفس الوقت ماتنفع القروب في مهارات كلاسك الاخرى بغير اختصاصه.. تستاهل تموت
اذا شفت التانك بيموت وما تصرفت من نفسك وما حاولت تستفيد من مهارات كلاسك مثلا stun, fear, sheep تستاهل الـ wipe واضاعة الوقت
اذا اخذت aggro وتحصل غالبا اذا دمجك وجالس تراكض بعيد عن التانك تستاهل تموت
لما تشوف التانك يفلت aggro من حقك تقوله يسوي mark
اقرا وتفرج فديوهات عن الانكاونترز كي لا تكون عالة على غيرك وينتهي موضوعك بـ Vote to kick
ماتعرف التاكتك , اسأل مو عيب ابدا , وانا اقدر اللى يسأل بدال اللى جالس ساكت ومسوي انا الفاهم. وبالاخير يكون سبب wipe

التانك
اذا ماتقدر تقود القروب وتوجهه وتسأل احد فاهم ولا ولأ..توقع الـwipe
اذا ما تحب الـ CC وتخش على القروبات وتسحب بدون ما تطق كوول داوناتك , والهيلر لك عليه..من ناحية مهارة او قير,, توقع wipe
انت مسؤول عن القروب ياتحميه من الدمج وتوجهه يا respecc
الجميع يتوقع منك انت تكون فاهم وقد المسؤولية فلا تخيب ظنهم

الهيلر
مو لازم القروب كله يكون فل HP ارررررررربع وعشرين ساعة كل في كل ثانية... لأ ,, هذاك اول..بتسوي كذا بتلاقي نفسك OOM باسرع مما تتصور وكل دقيقة بتقول .. MB MB MB وبتطفش قروبك منك
اذا منت واثق في قيرك او مهارتك ,, اطلب من القروب يسوون CC ما رضوا فهمهم هالشي وانهم بيتحملون نتيجة هالعناد.
القاعدة الاساسية اللى تغيرت في الاكسبانشن لجميع الهيلرات .. الهيل السريع يكلفك غالي.. والهيل اللى كاست طوويل هو اللى تعتمد عليه اذا ماتبي تكون OM
اللى يستغبي وما يسمع كلامك او نصايحك لما تقوله وخر عن كذا او لا توقف على كذا ويعاند .. اتركه يموت وكنه العيد ولا ماراح يتعلم ..
كل الهيلرز تغير الروتيشنز اللى يستخدمونه البالادين صاروا نادرا ما يستخدمون flash of light والدرويد نادرا ما يستخدم regrowth هذا على سبيل المثال
افهم كلاسك وشوف وش صار الـ fillers تبعك

الثلاثة كلكم اذا انت حاشر شناطك كل انواع القير بس عشان ilvl تستاهل vote to kick رح سو نورمال كم مرة وبعدها حياك على العين والراس , ولا رح مع ربعك, الغريب عنك ما يحب يخدمك بدون مقابل . وبالاخص الاجانب.
داخل القروب وانت لابس لي ايتمات هرويك ما عليها انشانتز ولا جيمز..توقع انك تطق اصبع عند باب الدنجن.


عني لا جيت اتنك ,, اللى ياخذ اقروو وانا حاط له SKULL كبر وجهه على تارقت ورايح متفلت على تارقت ثاني اخليه يصير اوف تانك وياي

في ناس جديدة في اللعبة وهذول يستحقون الفرصة اذا شفتهم يساعدون نقسهم.. في قروبات اكون فيها الاول على الدي بي اس سنقل تارقت وقيرهم تعبان لكن ما اطلع من القروب لانهم يلعبون صح .. بدون دلاخة..صحيح run طويل لكن متعة. وعلى الهيلرز اذا قيره تعبان , لكن اشوفه يحاول ويعرف يهيل ويرجع لنفسه مانا , بما معناه فاهم كلاسه. ما اوفر كوول داوناتي في كل سحبة عشان اريحه.

شي ما تعرف عنه , كلاسك , fight ولا اي شي له علاقة بغيرك .. اسأل .. اسأل .. والله مافيها شي.

واختلاف الرأي لا يفسد للود قضية

وبالتوفيق وعذرا على الاطالة

اقتباس:

---

المشاركة الأصلية كتبت بواسطة ولد بطنها

كلكم ماتدرون وين الله قاطكم

---

اقتباس:

---

المشاركة الأصلية كتبت بواسطة ولد بطنها

فلان نووب و علان نووب

والله ماكو نووب باللعبه الا انت وياه اللي كل كلمه والثانيه تقولون نووب

تقولي بيبن الهيلر النوب والجيد ؟ ليش في هيلر نوب بعد ؟ لا ولفل 85 ؟ قول النوبات في لفل 60 ايامك بالاتاري او 70 واحد توه طايح بالعبه فيها , مو لفل 85

والله ماكو نووب الا انت واللي يأيدك , او توكم عارفين شنو يعني نووب ومستانسين فيها تكتبونها

---

والله انت شكلك ماتدري وين الله قاطك

يعني تبيني افهم ان مافي هيلرز نووبز ؟

لا في وتقدر تعرف هالشي من الهيلر الي يصير oom بسرعة ومن الهيلر الي يعرف يحافظ على الmana والي يعرف متى يهيل التانك ومتى يهيل القروب والي يعرف اي سكيل يستخدم ومتى يستخدم cd... لكن بما انك ماتعرف تفرق بين الهيلرز انا اتوقع انك انت اصلا noob ولا تدري شسالفة بس جاي تسوي مشكلة وتتهم الكل بأنهم نوبز.. ياخي اذا اكثر من 10 متفقين على هالشي فالموضوع هذا جاي انت تبي تثبت العكس

وبعدين محد مستانس على كلمة نوب الا انت .. كاتبها في رد واحد 15 مرة .. شكلك انت توك متعلمها

رجاء يعني ياتعلق بشي مفيد ولا لاتعلق

اقتباس:

---

المشاركة الأصلية كتبت بواسطة Sealth

والله انت شكلك ماتدري وين الله قاطك

يعني تبيني افهم ان مافي هيلرز نووبز ؟

لا في وتقدر تعرف هالشي من الهيلر الي يصير oom بسرعة ومن الهيلر الي يعرف يحافظ على الmana والي يعرف متى يهيل التانك ومتى يهيل القروب والي يعرف اي سكيل يستخدم ومتى يستخدم cd... لكن بما انك ماتعرف تفرق بين الهيلرز انا اتوقع انك انت اصلا noob ولا تدري شسالفة بس جاي تسوي مشكلة وتتهم الكل بأنهم نوبز.. ياخي اذا اكثر من 10 متفقين على هالشي فالموضوع هذا جاي انت تبي تثبت العكس

وبعدين محد مستانس على كلمة نوب الا انت .. كاتبها في رد واحد 15 مرة .. شكلك انت توك متعلمها

رجاء يعني ياتعلق بشي مفيد ولا لاتعلق

---

انت هيلر؟ ولا دي بي اس؟ ولا تانك؟ ولا نووب ؟ هههههههههههههههههه

اقتباس:

---

المشاركة الأصلية كتبت بواسطة mero0o

انت هيلر؟ ولا دي بي اس؟ ولا تانك؟ ولا نووب ؟ هههههههههههههههههه

---

ماتشوف التوقيع ؟

والمطلوب يعني ؟

اقتباس:

---

المشاركة الأصلية كتبت بواسطة ولد بطنها

كلكم ماتدرون وين الله قاطكم

فلان نووب و علان نووب

والله ماكو نووب باللعبه الا انت وياه اللي كل كلمه والثانيه تقولون نووب

انت ارجع للفل 80 و70 و60 واعتقد لفل 60 ماكنت تعرف شي اسمه كمبيوتر كان حدك اتاري ولعبه الطيارات البيضه والسوده

انت شوف اول شي عند اي هيلر حركه الهيل , يقولك نورش مثلا تعطي 5000 هيل ولما تشوف كم مانا تاخذ تشوفها تاخذ 6000 مانا ؟؟

هل يعقل تاخذ مانا اكثر من تعطي هيل ؟ اذا جذي يلغون كلمه هيلر ويخلون الهيلر يكون راندوم من القروب ويهيل first aid

تقولي بيبن الهيلر النوب والجيد ؟ ليش في هيلر نوب بعد ؟ لا ولفل 85 ؟ قول النوبات في لفل 60 ايامك بالاتاري او 70 واحد توه طايح بالعبه فيها , مو لفل 85

انت ادخل اي هيروك ياللي تقول نووب وادخل كهيلر في جير نورمال , وبشوفك شلون تخلي الشباب بالمنتدى يقولون عنك هلير جيد , قاعد ورى جهاز وماعندك الا شخصيات دي بي اس وتعلق على كلاسات انت عمرك مالعبت فيهم بجديه

اذا كان الهيلر مازال يعطي نفس لفل 80 و المانا تاخذ اكثر من الهيل والموبات في cata كلهم aoe وقليل تحصل موب وحداني , اقل شي 3-4 الواحد فيهم يدمج 20 الف و غير الaoe على الجروب كله وانا مابي اذكر الدنجنات اللي فيها اكثر من موب بكل مكان , تتوقع شنو يسوي الهيلر ؟ مانا ريجن 2400 ويعطي هيل حق جروب اقل واحد فيهم 100 الف الهيلث , والمانا تاخذ اكثر من الهيل وتقول نووب ؟ والله ماكو نووب الا انت واللي يأيدك , او توكم عارفين شنو يعني نووب ومستانسين فيها تكتبونها

لا يا حبيبي ماكو نووب باللعبه الا اذا انتوا , والهيلر مظلوم بالcata ماتغير فيه شي من لفل 80 , اللهم الا زادوا المانا ولكن صارت المانا تاخذ اكثر من الهيل , روح شوف الدرود , حدث ولا حرج , هيل 4000 وتاخذ مانا 5000 وغيرها وغيرها نفس lifebloom مازالت تعطي 1500 هيل ؟ شنو فرقها بلفل 80 و 85 ؟ واخر حركه بالتالنت نسيت اسمها تعطي 800 هيل ؟ شالمهزله ؟ الناس طاقاتهم 120 الف واعطيهم 900 هيلر وتقولون نووب ؟

المشكله ان الهيل ماتغير والجير مايغير شي بالهيل ولا بالمانا ريجن والمشكله بالموبات كلهم aoe والمشكله الهيلث عالي ويحتاج يسوي سبام عشان يرفع الهيلث للتانك والمشكله ان المانا تاخذ اكثر من الهيل اللي تعطي

بشكل عام كل الهيلريه معذورين ولا احد يقول نووب نفس النوبات الموجودين , المشكله ان الهيلر مظلوم بالcata

---

اسمحلي ياخويه أبد ما حصلت اي منطق من كلامك .. لاني قريته ثلاث مرات .. بس ما اقتنعت

اقتباس:

---

المشاركة الأصلية كتبت بواسطة mero0o

انت هيلر؟ ولا دي بي اس؟ ولا تانك؟ ولا نووب ؟ هههههههههههههههههه

---

لا ياخويه اذا حاب تستبيخ .. افضل انك تخلي بياختك في مكان منفصل .. الناس تناقش موضوع .. وانتي عميتنا ببياختك