هي والله يا الوكارد اتمني انهم يحطون مراكز اللعيبه
بلاك ماعليك امر لو ترفع لنا الجداول عشان اشوفها, بتسوي خير D:
هي والله يا الوكارد اتمني انهم يحطون مراكز اللعيبه
بلاك ماعليك امر لو ترفع لنا الجداول عشان اشوفها, بتسوي خير D:
السلام عليكم ورحمه الله وبركاته
اخواني من الامارات والله يعجز لساني عن شكركم انتو على الراس انتو اهل واخوان وسامحوني على القصور تحياتي لكم مني ومن اخوانكم بالكويت انتظر قدومكم عندنا واتشرف بحظوركم عندي لأعمل الواجب معاكم لكم كل تقدير واحترام واوعدكم راح نلتقي في اقرب وقت واي طلب انا تحت امركم اخوي محمد وفهد وعبدالله وحمدان واسف اذا نسيت اسم احد انا اشكركم يااهلي وعزوتي وشكر خاص حق اخوي alucard.4.ever
اخوكم بوبدر
السلام عليكم ورحمه الله وبركاته
الصراحه البطوله كانت من اروع مايمكن واللعب مع عملاقه الكويت شي كبير بالنسبالنا وشرف عظيم والله .... الصراحه يعجز اللسان عن شكر كل من حضر البطوله من اهلنا من الكويت والبحرين وقطر والسعوديه
وطبعا كل الشكر لكل لعيبة الامارات ... كلكم ماقصرتوا
تواجدكم نجاح هالبطوله ..... الصراحه البطوله حماسيه رغم تفوق اخوانا في الكويت ماشاء الله عليهم ... بصراحه دروس اتعلمناها من وراهم يعطيهم الله الف عافيه
ومليووووووووووووووون شكرا لاخويه الغالي " بــو بـــدر " واسمحلنا على القصور واذا زل اللسانا في حاجه ف السموحه منك وان شاء الله المرات اليايه نشوفكم يا في الامارات ولا في بلادنا الغاليه الكويت
وطبعا الشكر موصول لاخواني :
1- محمد التميمي : بلاك بيرسيركر"
2- فهد : فهد نمكس
3- عبدالله : دوقفليد
4- احمد الزرعوني
على التنظيم وماقصرتوا واسمحولي انا عالتقصير
بالنسبه للمراكز نتريا الاخ بلاك يحطلنا المراكز الاولى لانه عنده ترتيبات المراكز تحياتي لكم
اخووووكم حمد
والله الشكر لله وبعدين الشكر لكم اخواني بالامارات وما بدر منكم كل طيب بالمعامله والاخلاق وهذ من اصلكم الطيب انشاء الله نلتقي عن قريب
اخوكم بوبدر
السلام عليكم
إسمحولنا على التأخير بس إنشغلت وايد وكان لازم أشكر جماعة البرج الأبيض يعطيهم ألف عافية
أول شي شكر خاص لحبايبنا وإخواننا من الكويت ماقصرتوا رايتكم بيضاء والله والشكر الجزيل لإخواننا من البحرين أنس ومجيد وأخونا من السعودية M-Vash-M وأخونا حسن من قطر نورتوا البطولة بوجودكم ويعطكم ألف ألف عافية وإسمحولنا على القصور يا إخوان
أيضا شكر خاص جدا ل فهد الي لولاه ما صارت هالبطولة وتعب وايد في التنظيم وشكر خاص ل أخونا حمد على الجوائز وإن شاء الله تكون عجبتكم وشكر ل دوق فليد على تضبيط الأركيد الخاص بالبطولة مع حمد وشكر لأحمد الزرعوني على التصوير ماقصر والله بس مايشبع من التصوير خلانا نحس إنه الجماعة من قوم عارضين الأزياء لووول
وأشكر أخوي فارس ماقصر دبر مؤونة كاكاو وعصير لما خلص الموجود وأيضا أمين ماقصر وشكر ل شين فيرجيل على الطاولة
وشكر خاص لأخواننا من الكويت البطولة مب بطولتكم بس ساعدتونا في المشكلات التقنية يعطيكم ألف عافية وبنردها لكم إن شاء الله ومتى ما بغيتونا حاضرين والله
الحين المراكز كالتالي:
الأول : بهباني
الثاني" قانون
الثالث: دوق فليد
الرابع: معن
الخامس: حمد
السادس: عمار
السابع: حمدان
الثامن: نوكس
كنت أتمنى لاعبين البحرين يلعبون أفضل لكن باين مب متعودين على جو البطولات وإن شاء الله المرات القادمة يبدعون
مستوى الكويتيين ماشاء الله بكل صراحة قريب جدا لليابانيين....اللعب كله option select وماحصلت حد منهم عمل راندوم في مباراة وحدة...لعب تحبيس ...وقانوون بدع ماشاء الله عليه أمتعنا جدا في البطولة ونوكس شفنا منه أفلام هندية لوول ومعن ردة الفعل عنده ماعليها كلام...كأنه يقول للخصم تكفا إغلط! وطبعا بهبهاني على قولة البحرينين ( Broken player )
لعب ممتاز يعطيكم ألف عافية ماقصرتوا وطبعا كل الشكر والتقدير لمعلقنا يوسف والله إنه عزيز وغالي...تعليق صح...يعطيك معلومات حلوة جدا وسطالمباراة عن اللعبة والفريم داتا وغيرها وكان ودي أساعد بس أنا ألعب الثيرد وإن شاء الله لما تزورنا مرة ثانية بنسوي أستوديو تحليلي لوول
بالنسبة للاعبينا فالي مستواهم عجبني الصراحة حمد بدع الصراحة و shin UAE لعبه كان حلو و A-N-N ماقصرت بس نوكس كان بالمرصاد ^__^
وأتمنى إنه اللاعبين عندنا إستفادوا من هالتجربة وشفتوا لعب الكويتيين كيف....وشفتوا كيف يتشاركون بالمعلومات وماقصروا بعد البطولة عطوا نصايح للعيبتنا وأشياء ماكانوا يعرفون إنها موجودة...المفروض هالتعاون يكون موجود بشكل دايم عند الكوميونيتي عشان يتطور لأنه ماكو فايدة واحد يخش عن ربعه عسب يفوز لأنه صاحبك ماراح يتطور مستواه وبالتالي إنت ماراح تتطور...معادلة بسيطة أتمنى إنه الكل فهمها
وأتمنى إنكم تبطلون الإعتماد على لعب الأونلاين أو أقل شي إلعبوا على شاشات عدله مب تتعودون على شاشات اللاق فيها ألف!!! والي يقول مافي شاشة بقوله عندك تلفزيون CRT ووصل السوني معاه ب واير كومبونينت...المهم مب الصورة المهم اللعب...أو إلعبوا على الأركيد للي بيتوهم قريبة من الأركيد وفي ناس بدت بهالشي ونتمنالها كل التوفيق
وإن شاء الله البطولات القادمة لاعبين ال 4 هم الي ينظمونها وماتحتاجون مساعدة لأنه ماشاء الله عددكم كبير مقارنة بنا والشغلة يبالها كم نفر بس يحبون اللعبة وبيون يسوون بطولة من أجل المتعة وتطوير المستوى
بوبدر مشكورين على الهدايا وإن شاء الله في إنتظار الحدث الكبير الي جالسين تحضرون له ونحن إخوان...أي شي تبونه حاضرين..تبون الشاشات تبون أجهزة تبون دعم مادي والله حاضرين ..كم يسوى إنه في كوميونيتي في الدول العربية مهتمين وفاهمين الفايت صح مثلكم ...وطبعا برجع وبشكر المنظمين وكل إخوننا من دول الخليج ماقصرتوا وإسمحولنا على القصور
طبعا في رد ثاني بذكر فيه سلبيات البطولة لأنه إذا الواحد مايعترف بالسلبيات ويحاول يحلها ماراح نتطور ونحن نسوي هالشي في بطولات الثيرد ولازم تطبقون هالشي في بطولات ال 4 ^___^
السلام عليكم
اولا مبروك للمراكز الثلاث الاولى وهاردلك للبقية تعوضون في البطولات القادمة
ثانيا اتمنى ان الجميع استفادوا من جو البطولةت واستفادوا ايضا من معرفة المستويات وكيف انهم يتجنبون الاخطاء الي صارت في هذي البطولة
انا عن نفسي استانست كثير بتنظيم الاماراتيين الحبايب وكفو على هالتنظيم الابداعي وعيشتونا اجواء رائعة صراحة
اذكر اول مادخلت القاعة ظنيت التنظيم صاير من جهة رسمية من زود الترتيبات فيعطيكم الف الف عافية يالربع على الشغل الاحترافي والروح العالية
شكر خاص للغاليين
محمد
عبووودي
وحمد
وفهد
والزرعوني
احرجتوني بكرمكم وحسن استقبالكم مع اني اول مرة اشوفكم الا اني حسيت اني واحد منكم وفيكم وهذا مب غريب عليكم ياهل الامارات والله يقدرنا نرد جميلكم واسمحولنا تعبناكم
وكذلك ما انسى اشكر الكوايته الوحوش ومعلقنا المرح جوزف ... لعبكم ياشباب زادنا اصرار كبير في التعلم وتسلم يا شيبتنا بوبدر على العروض النهائية وقواكم الله
هلا حبيبي حاضرين وتحت امرك حبيب قلبي ويعطي العافيه للكل
هلا والله ب حسن وبوبدر ويعطيكم العافية ماقصرتوا وإن شاء الله نتلاقى في المستقبل إذا الله كتب لنا عمر
أظن نسيت أذكر إنفي ماسك....ماقصر ساعدنا في موضوع حجز القاعة ويعطيه العافية ^__^
بذكر السلبيات بعدين بحط باقي جداول البطولة وبيكون دوري إنتهى والباقي على فهد
أول نقطة : إلتزام اللاعبين بالحضور في الوقت المحدد
للأسف شي محبط الصراحة...بدينا الساعة 5 العصر والمفروض نبدأ الساعه 4 ...ساعة كاملة تأخير....ليش؟ الجماعة ماقصروا حضروا من الكويت والسعودية والبحرين وقطر وكانوا متواجدين على الوقت....بتقولون كنا في أبوظبي وهم في دبي بقولكم الأخ من السعودية ماخذ تاكسي من بوظبي بعد صلاة الجمعة ووصل على الوقت؟ شو العذر؟ لايوجد ببساطة تسيب وعدم إلتزام....أتمنى هالشي مايتكرر مرة ثانية لأنها فشلة الصراحة ناس حاضرين من بلادهم وملتزمين بالوقت وأهل البلاد متأخرين؟ إذا مب عشانا المنظمين ياخي عشان الضيوف والله مب حلوة أبدا
والمصيبة الكبرى
إنسحاب بعض اللاعبين بدون ذكر أساميهم...في البعض مشكورين خبرونا قبل يوم البطولة ولو إنه المفروض قبلها بفترة بس بعد كثر الله خيرهم ...بس المصيبة قبل البطولة ب كم دقيقة إنسحابات!!!! مادري بصراحة شو العذر (دوران الأرض حول محورها مثلا؟!!!) ويعطيه العافية حمد دبر لعيبة بدلاء
ثاني شغلة: الوقت المبالغ جدا في تضبيط الأزرار...ياجماعة الخير طابعين القوانين + حاطين موضوع في المنتدى وبالأخير هالشغلة تأخرنا بدون مبالغة أكثر من ساعة...المباراة ماتزيد عن دقيقتين أو 3 لووول !!!شي غريب...كأنه الجماعة أول مرة يضبطون ازرار في حياتهم
طبعا كمشاكل تقنية واجهنا مشكلة مع الصوت لأنه الجهاز لما تزداد حرارته يفصل....الغرفة كان المكيف فيها شغال بس كانت باردة والجماعة طلبوا نخفض درجة الحرارة وكنتيجة صار الي صار
بالنسبة للنظام صارت غلطات مني لأني الصراحة شفرت لووول وماشاء الله أخونا من السعودية كان يلقط الغلطة ويصلحها لي وكان صاحي مب مثلي خلاص مطفي خخخخخ وكان لازم أشرح النظام أكثر بس محد من لعيبة الإمارات طلب مني أشرحله والموضوع كان في المنتدى والجداول حاطنها فأي سؤال كنت بجاوب عليه والناس بتعرف لو خسرت بهالمرحلة شو بيصير وغيره....طبعا للمرة القادمة إن شاء الله شباب ال 4 بيطلعون نظام جديد أو بيشوفون إذا العدد كبير ف خروج المغلوب أو نظام الإيفو أو غيرهم....ويقدرون يخلونها نظام فرق بعد
لاتتحسسون من كلامي ياشباب أنا قلته لأني أباكم تستفيدون من الأخطاء ومايتكرر هالشي في البطولات القادمة ويعطيكم العافية خصوصا اللاعبين الي إلتزموا وشاركوا وحضروا على الوقت والبدلاء الي تواجدوا لسد النقص ^____^
وآخر شي ...بوبدر نبى هالسنة إنجازات من لعيبتكم سواء في الإيفو أو التوجيكي لازم نشوف شي يرفع الراس وإنتوا قدها إن شاء الله
الحين الجداول وأنا خلصت شغلي هني والباقي على فهود ^___^ الحين يافهد إمسح رقمي لمدة شهر خخخخخخخ ما أعرفك لوووول
السلام عليكم ورحمة الله
اولاً يعطيكم العافية شباب ابصراحة البطولة ممتازة بكل المقايس وعلى مستوى عالي والف مبروك لاخوانا الكويتيين على المركز الاول والثاني وهم مبروك لاخونا عبدالله على المركز الثالث .
كان خاطري اشارك في البطولة بس ما كان لي نصيب يله خيرها في غيرها
ابشر طال عمرك وما يصير خاطرك طيب انا شاكرلك حسن الضيافه وماشاء الله الشباب عندكم لعيبه سلم على الجميع وانشاء الله نلتقي قريباقتباس:
المشاركة الأصلية كتبت بواسطة Black_Berserker
اخوكم بوبدر
السلام عليكم ورحمة الله وبركاته
اولا بغيت اقول شكراً على مشاركة الشباب منهم من الامارات و الكويت و السعودية و قطر و على تواجدكم ومشاركتكم المشرفه لنا :biggthump
بصراحه البطولة كانت وايد حلوة:أفكر: وهذا طبعاً بشهادة الجميع والحمدالله منها لعبنا ومنها تعرفنا على الشباب من :Dالامارات و اخوانا من الكويت , البحرين .السعودية و قطر
وبغيت اشكر على الاخ محمد التميمي (بلاك_بيرسيركر) على مجهوده في التنظيم
والصراحة كانت بتكون صعبة بدونه :cray:
وبغيت اشكر الشباب الي ساعدوني في اثناء الدوري
وهم : فارس المزروعي ,امين , حمد العليلي, محمد العلي(انفي ماسك) , عبدالله
و اخوانا من الكويت الاخ جابر و بو بدر و يوسف و الشلة الوايت تاور
ما قصروا ساعدونا مع المشاكل التقنية و غير
:biggthump
الحين خلنا نتكلم عن
السلبيات :( الي صارت في الدوري
و نرد على اخونا بلاك :wink2: قبل ما يحذفني من قائمة الاصدقاء
لووول
احم .....بالنسبة الى تاخير بدأ البطولة الصراحة هاي الامور تحصل
احيانا بسبت بعض المشاكل التقنية:28: او بسبت انسحاب الشباب:12: في اخر دقيقة من بدأ الدوري و ادخال شباب غيرهم و تعديل الانترو و....الخ
وعن التاخير في تضبيط الازرار
نفس ما قال الاخ محمد:cool2:
والصراحة انا في نظري الجماعة كانوا مربوشيين في وقت تضبيط الازرار و مخلينهم مش متاكدين
ما ألومهم , لانه ما في عندنا دوريات اس اس اف 4 بكثرة حق يخلي الواحد متهيأ لجو البطولات
والحين بالنسبة الى اغلاطك :28: يا الاخ بيرسيركر شو تباني اسوي فيك الحين , (:slomo: يعني تباني اسوي فيك ريجين ديمن و انا ابتسم مثلا لووول
Vs
محمد:swordfight:فهد
الحمدلله اهم شيء انه الاخ من السعودية (سامحني نسيت اسمك ) ساعدك في
في اغلاطك
وشو نسوي كلنا نغلط اخرتها
وبخصوص الفيديوهات
اتمنى الكل يعذرني على التأخير على الرد و السبب وجود مشكله حصلت معاي وانا اصور المباريات تفاجئت فيها وللأسف ماكان في وقت اعدل المشكله و انا حاولت ابحث عن اي شخص صور فيديو الفاينال او اقل شيء قبل النهائي
:no:بس بدون اي فائدة
و سامحوني على اي قصور
اخوكم فهد
افا عليك فهود ماعليك قصور وابصراحه مجهود تشكر عليه انت والاخوان صحيح اني ماكنت متواجد بس بشهادة الجميع انه البطولة كانت تنافسية
بمعنى الكلمة واخلاقية عاليه وصدقني كنت اتمنى الجميع يشارك لانه فرصة حلوه مب عشان اللعب اولاً انك تتعرف على أخوانا
الكويتين,السعودين,القطرين,البحرينين,والعمانين,وووووالخ مادري حد ياكم من عمان.
على العموم بخصوص المباراة النهائية افاااا عليك فهود احيدك فطين ياخي خليهم يعيدون المباراة ويطرشولك الفيديو افااااعليك فهود ههههه اقول
لاتصدق اسولف وياك حبيبي .............سلاااااااااااااااااااااااام