طــــــنش تعـــش تنتعــــش
والي يتمصخر أو يتكلم بطريقه سلبيه أفضل حل معاهم انك تكسر جمجمته بالبار << ما عنده تفاهم:12:
عرض للطباعة
طــــــنش تعـــش تنتعــــش
والي يتمصخر أو يتكلم بطريقه سلبيه أفضل حل معاهم انك تكسر جمجمته بالبار << ما عنده تفاهم:12:
بالنسبه لي عادي يعني احب اسولف واغير جو مو لادرجه اسحب ع التمرين اول شي
النادي لتغير الجو والتمرين وانت مو بطل عالم او كذا عشان تجي تتمرن وانت ساكت وتمشي
ولله الحمد تعرفت على ناس بالنادي الحين العلاقه معهم حتى خارج النادي وزيارات يعني فيهم الزين والشين
وبخصوص رمي الاوزان عاديه جدا ومثل مااقالو اللي يغثك اللي مايرجع الوزن او مايمسح عرقه
والصراخ نوعين نوع يحمس لان وزنه يستاهل ونوع خايس وزنه ضعيف وصراخه تسمعى من باب النادي
((اكثر ما يزعجني في الصاله زي ما قلت اللي يقعد على الجهاز وما يقوم
واللي يعرق كثير وبعد ما يقوم من البنش ما يمسح عرقه
واذا شفت "محنسه" و"طعوس" يستهبلون ويتعبثون في النادي ))
ليتك ماحددت فئه معينه كان عممتها ع الجميع اشوفها افضل
انا من يوم ادخل النادي اسلم على الشباب بعد كذا اشبك السماعه ولا كأن فيه احد بالنادي
وطبعا وقت الراحه بين الجلسات اتمشى حول الجهاز حتى اترك مجال لغيري
ياجماعه وش فيكم مكبرين الموضوع ومعطينه اكبر من حجمة لو يقرأ الموضوع شخص مايلعب حديد كره الحديد وكره اللي يلعبون حديد هع
صحيح فيه فئه ماخذ اللعبة هياط بس هذي فئة قليلة جدا والعينة هذي غالبا انه مايستمر في اللعبة و بالنسبة للصراخ اشوف انه شي عادي
وكذلك اعادة الاوزان خصوصا اذا كان الوزق ثقيل ماراح ارجع الوزن بعد الجلسه لازم اريح شوي وزي ماقالو الاخوان اكثر شي يرفع الضغط
اللي يجلس على الجهاز ومايبي احد يتمرن معه على نفس الجهاز على اساس ان الجهازجايبة من بيتهم !
اهم شئ تتأكد من النقاط الاتيه هل توفرت فيك كلاعب في الصاله:
1-منشفه لوضعها على الكرسي اللي تستخدمه علشان العرق .
2-الوزن اللي تستخدمه رجعه محله بسرعه بعد ما تخلّص عداتك.
3-إذا لقيت احد حاجز الجهاز اتركه ونفّذ التمرين بطريقه اخرى ولا ثضيّع وقتك وما مداك ترجع للجهاز بعد ما يخلّص خويك.
4-ركّز نظرك على معدات التمرين اللي تأديه وتفحّص كل صاموله وسير ومقبض ومحيط تمرينك ولا تطيل النظر لمن حولك إلاّ للشخص الذي تعرف انك تستفيد من طريقة تمرينه واداءه..
5-تأكد من انك استخدمت مزيل العرق ورشيت عطر خفيف سبورت على صدرك لكي لا تكون مؤذي لمن حولك.
6-حاول ان تكون موجه لغيرك ولكن باسلوب اخر يعني إذا شفت احد من الشباب ترك اوزانه وخلع حاول ان تستدرج انتباهه وترفع اوزانه وتضعها في محلها وهاذي رساله صامته تقول له استح على وجهك يا وحش.
-كن انت القدوه في كل شئ حتى يتبعك الغشيم ويتعلّم منك العبيط لا تكن انتقادياً لكل شئ حتى لا تحمل نفس الصفات التي تنتقدها من الغير
درر ياسترونق درر ....
انا عن نفسي مايهمني الي يهايط او الحسود او الي يصارخ لانهم في الاخير ماراح ياثرون علي وبصراحه وجودهم في الجم يعطيني حماس اكبر واحب اتنافس معاهم وعندك حلين ياتستخدم سماعة الادن (تهرب) او تتاقلم معاهم
لا تاخذوا الموضوع بحساسيه زايده .. يعني الموضوع عام وليس شخصي
لاحظت .. بعض الردود ترد علي مو على الموضوع او الحاله بشكل عام .. لا يا بطل الموضوع عام وليس شخصي ..
اكثر نقطه اثارتكم هي ( الصراخ عند رفع الاثقال ) انا ما قصدت ان كل من يصارخ مهايطي . انا اقصد اللي يتعمد الصراخ بطريقه استفزازيه وملفته للنظر وتنتقص من الغير
انا كنت اصارخ احيانا . بس بيني وبينكم تركت الصراخ بسبة واحد نظر لي بنظره استحقار لانه هادئ وانا رجيته رج ههههههههههه
بالنسبه للنقطه الثانيه ( المضايقه ) بعضكم مو فاهمها ..
اقصد فيها الحركات الصبيانيه المعروفه > .. انا ادخل دورة المياه قبلك .. اذا جا يمشي لازم يحط كتفه بكتفك .. يعني اقوى منك .. تجي بتمر من مكان ضيق ما يفسح لك الطريق عشانه هو معضل اكثر منك . تمر جنبه وهو يتمرن فجأه يرمي عليك الوزن ) يعني حركات استفزازيه .. والحمدلله نادرا ما يواصلون في اللعبه هذه الفئه لانهم منبوذين ..
مثل ما تعرفون لعبة كمال الاجسام يبالها نفسيه مرتاحه طوال اليوم . سواء في البيت او في العمل وخاصه في النادي .. ودام في احد يعكر مزاجك في النادي ماراح توصل للهدف اللي انت تتمناه
بعض الردود .. يقولون اسحب عليهم او حط سماعات باذونك .. انا من ناحيتي ساحب عليهم وبقوه .. بس مهما كان انت في النادي معهم ولازم بكون فيه احتكاك وخاصه اذا كان النادي صغير ومزدحم
والأخ ( ابيها حديد ) حط فيديو توضيحي للمهايطيه . وان كان الفيديو هذا شيء بسيط فقط لكنه يوضح بعض تصرفاتهم الصبيانيه ..
انا متاكد ان بعض الشباب معصبين من الموضوع هههههههههههه :silly: بس ثق تماما دام الموضوع استفزك في نقطه او صفه من الصفات فاعلم ان هذه الصفه فيك وان كنت لا تشعر بها
كلنا نخطئ . لكن يجب تصحيح الخطأ ولا نكابر
شكرا ..
^^^^
ردك اعجبني
الا الجمله هذي
اقتباس:
انا متاكد ان بعض الشباب معصبين من الموضوع هههههههههههه :silly: بس ثق تماما دام الموضوع استفزك في نقطه او صفه من الصفات فاعلم ان هذه الصفه فيك وان كنت لا تشعر بها
ممكن يجيك واحد يقولك شوف فلان لابس كت ومطلع كتوفه مسوي مهايطي
وأنت ما تشوف انه عيب ولا هو مشكله ... لكن هو مسكت معاه انها هياط وصفه شينه
مو شرط ان فينا هالصفات اللي ذكرتها
لكن انت تشوف انها سلبيه وغيرك يشوف انها عاديه وهذي نقطة الخلاف
وعن اللي ذكرتهم يضايقونك انا ما قد شفت زيهم صراحه
وانت تراك مكبر الموضوع ومدقق على كل واحد .. ريح مخك يا حبيبي وادخل تمرن وما عليك من احد دام ما يمسونك مباشره منت في حاجتهم
انا كنت اعاني من الصنف الثاني
يجيك واحد توه بادي ويحطمك ويطلع فيك عيوب ماهي موجوده اصلا بس حسد يبغيك تنقطع
والحل صرت ادخل الصاله ومااسولف مع احد
اتمرن وامشي وخلهم يقولون عني نفسيه انطوائي وكل شيء
النادي للتمرين فقط
وايضا اي واحد يعيب بجسمي اعيب بجسمه
زي واحد قبل 7 شهور حطمني يمسك الباي ويقول ليش صغير
عادي انا رديت عليه رد سكته
قلت الحمد لله جسمي مقسم وماعندي كرش وانا العب لصحتي اذا تضخم جسمي شيء طيب واذا ماتضخم اظل مستمر بالتمرين واطور نفسي
عاد هو فهممها وطاح وجهه
اقتباس:
المشاركة الأصلية كتبت بواسطة humax2007
وش تقول فيني اللي اشجع في مبتدئ مدة 6 شهور .. يوميا اشجع فيه .. واطلع فيه مزايا ماهي فيه ( جسمك عضل اصلي بدون تمرين . جسمك ضخم . تدريباتك كلها اوك . اوزانك ثقيله . طولك اوكي )
وفي يوم وليله .. وبعد ما تعود على الشباب في النادي وسولف مع هذا وذاك وعرفته على اصدقائي .. صار يذم فيني عند اصدقائي وعند اصدقائه المبتدئين .. صار يشير علي بالبنان ( فلان من الناس عضل بدون ضخامه واحيانا جسمه اكثره دهون مو عضل ) < يعني واضح التناقض .. حسد اعوذ بالله
المهم اني قبل العيد باسبوع هزئته قدام اللي في النادي كلهم وصار اذا شافني ينزل راسه ( خويه الطيب طلع عكس ما يتوقع ) فيه ناس مبزر الطيب عندهم ضعف والنذاله قوه < نعطيك من النذاله اذا تبي
بعد العيد .. تعرفون الكل يعايد على صاحبه وكذا ومريت على خوياي كلهم الا هو واقف متلخبط مني بنزل راسه على منقهر .. قلت اسلم عليه بدون مصافحه بس لان ماحب الزعل وعشان اعلمه ان اللي سويته فيه عشان يصير رجال فقط مو هياط
.. < رجعت توهقت فيه مره ثانيه ههههههههه
رجع مثل قبل حسد وانت فيك ومافيك .. بس هالمره بعطيه تهزيئه يحبها قلبه :blackeye:
شوف هذا الفيديو فيه اصناف الناس الي ذكرتهم وهم بالنادي ,,
واصلا الفيديو دعاية حلاقه ,, بس حلو ضابطها هههههههه
http://www.youtube.com/watch?feature...&v=9Puy8t4imz0
صرخة هل انتي فخوره بي ماما هههههههههههه
ومع هذا انا ليس ضد ولا مع ,, كل واحد له حريته مع احترام الغير وشكرا
اقتباس:
المشاركة الأصلية كتبت بواسطة ابيها حديد
هههههههههههههههههههههههههههههههههههههههههههههههههههههههههههههههه استغفر الله واتوب اليه .. جالس اتبسم واضحك وانا اتابع المقطع اتذكر بعض العينات من الناس
لكن لمن جاء المقطع اللي قبل الاخير يوم ابو شعر مربوط يجي يتدخل على اللي يتمرن بنش بار مستوي ويتفلسف عليه ويقول كذا ومو كذا ثم يوم قال : I am personal trainer .... قهقهت من الضحك ههههه والله انك فرفشتني يالذيذ
.....................................................................................
نقول لصاحب الموضوع اخي كلاش ..
اللي يصرخ واللي يسوي نفسه او يستصغر غيره واللي يطالع فيك او حتى اللي يتكلم ( لسان العبد بين فكين يطربق فيها مثل مايبي ماتقدر تحاسب العالم .. اذا اخطأ او تجبر او ظلم فالله وكيله )
الناس هذي مالها حل الا نفسها والرشاد .. وهم نوعين :
1 ) طبع ( الطبع عزيزي مثل الشكل ماتقدر تغيره ) طبعه غرور او طبعه فيلسوف او طبعه حقار او طبعه ثرثار ( الطبع ممكن يتهذب او يتسير لكنه يبقى موجود مستحيل يتغير )
2 ) تراخي ( يعني الولد محترم لكنه تحمس شويتين وافرط او طلعت منه هفوات او الشباب عززوه ونفخوا راسه )
اللي مطبوع او مجبول ماله الا انه يتهذب او يتربى ( يصقلونه اهله من يوم هو صغير فالمشكلة اذا كبر وعاف )
واللي تراخى ونسى .. يوم من الايام يرجع لأصله
فاقصد هؤلاء اتركهم وليسوا صدد .. يكفي اننا نشفق عليهم اصلا وليس نعاتبهم
لكن كان الكلام أثقل في الممارسات او الاخطاء ( الفعلية معك ) داخل الصالة
يعني يجيك واحد وانت تتمرن يسولف لك عن طلعتهم البر أمس ههههههه ..
ولا مثل ماحصل لي يجيني المدرب الفلبيني كل شوي وانا على الدراجة ولا الاوزان يسولف .. فاحتراما له ارد على كلامه او سوالفه
لكنه ينبسط اني رديت فقام ياخذ ويعطي اكثر .. ياربي رباه .. لدرجة تمر 7 دقائق راحة بين الجلسة والجلسة .. وهو مسكين يتودد ويسولف ويضحك
وانا متأكد مليون في المية لو قلت له معليش ارجوك خلني اتمرن ولمن اخلص بعد ربع ساعة تعال نشرب عصير ونسولف .. راح يعتذر ولا يكلمني ثاني لكن استحي جدا اقوله كذا
قمت أخذت سماعاتي بس بالكذب حطيتها يعني اني اسمع فهو يبتعد ويعرف اني مشغول مع الميوزيك ( تمثيل جالس اسمع نفسي بس هع )
ولد عمي بس اللي امون عليه قدرت اوجه له ضربة قاضية .. جاء يكلمني في الصالة وقلت له : لوووووووووووو سمحت لاتكلمني لمن اخلص انا جاي هنا عندي عمل هههههههه
فمثل هذي الممارسة مزعجة اللي هي السوالف وسط التدريب يحسبونها كوفي شوب ..
او انه اللي يسولف معك مش على باله نبضات قلب وحرارة جسم ووتيرة عدات ونظام التدريب .. فما يعرف انك انت تحتاج تلتزم وتنشغل حتى تتقن جدولك .
أو على قولكم اللي يجلس على الجهاز ولا يقوم بين الجلسات
جربت مرات أجي عندهم وأقول : ايش رأيك انا جلسة يكون انت مداك تخلص راحتك ؟ فيرد بكل خاطر ابيض ويقول طيب اوك
وبالنسبة لـ : I am personal trainer >>> ههههههههههههههههههههههههههههههههههههههههههههههههه يلعن بوه كيف يمثل ويستهبل هههههههههههه
فهذي ايضا تسبب لي ازعاج .. اني اتمرن بطريقة هو ماقد شافها او مابلغها او ماعرفها او ماسمع عنها ..
يجي يقولك : لاتحط رجولك هنا كذا غلط .. او يقولك : السمانة لمن تمرنها خلي قدمك للامام .. او فجأة : ياكابتن ياكابتن نزل يدك أكثر عشان تستفيد من التمرين
كلللللللللللللللللللهم ارد عليهم حسب ماأذكر رد واحد : فيه 100 تكنيك للتمرين وهذا واحد منهم .. فينكمش عني ويروح
اذا تدربت خطأ او مسكت وقمت ونزلت بشكل خطأ يأثر على عضلتي او عمودي .. مرحبا الف احب اللي يهتم فيني بالعكس ويقولي انتبه
لكن تتفلسف وتفتي لأنك أول مرة تشوف هالنوع من التمرين ؟ Get lost :28:
تماشيت مع المواقف اغلبها الاولى .. لكن بالنسبة لمن الواحد يسولف معي وانا استحي ارده .. وجدت ايضا حل جذري وانبسطت عليه في الآخر :
اصطياد الصالة في وقت مبكر من اليوم تقريبا الى ماقبل الظهيرة ( أتمرن لحالي واحس الصالة كلها ملكي وعجبني الوضع جدا وماأبغى احد يحمسني او احمسه هع )
الزبدة .. اشفيني الى الآن ماخلصت رد !!!!!
كفاية ؟ أسكت ؟
طيب :boggled:
هههههههههههههههههههههههههههههههههههههههههههههههههههه
(( go lower .. lower )) بغى يكسر صدره هاللعين الملقوف ههههههه
احسن شيئ بالصاله انك تعطيها وضع الصنم حتى المدرب اللي تأخذ منه التمرين لا تخليه يمون عليك
البلشه اذا واحد دخل معاك بنفس التمرين واليوم الثاني سوى خويك ههههههههههههه وش عندك اليوم
رمي الجله