الزواج بالصغيرة المدلعة ضار أم نافع

عائض
كلامك في شي من المنطق, أنا كمان ما أوافق انوا الرجل يتزوج وحدة أكبر منه ولا يعجبني, لاكن انت تقول انوا الصغيرة أكثر نشاط من بنت ال25 ?: يعني ايش بنت 25 خلاص عجوزة؟ أجل لو وصلت 30 خلاص بتطلقها أو تتزوج عليها! والله في رأيي البنت عموما في العشرينات تكون في قمة العطاء وتدلل زوجها. وما في شي اسمه تكون أتعودت على أشياء صعب تغييرها, ليش انت تبغا تغير كل شي فيها وتخلق لها طباع ثانية الله ماوجدها فيها؟؟ بطبيعة الحال كل من المرأة والرجل بعد الزواج بتتغير فيهم أشياء وطباع بناء على الظوف اللي تفرضها عليهم الحياة الزوجية, فتلاقي كل واحد فيهم لاشعوريا بتتغير فيه طباع وعادات كانت موجودة في شخصه قبل الزواج, ولو انك بتفكر بطريقة الزواج من صغيرة جدا عشان تربيها على كيفك فاسمحلي أقولك انك مابتدور على شريكة لحياتك قد ما انت بتدور على ( مرات سي السيد ) اللي تنفذله أوامره من غير ما تقول بم....... في رأيك حلوة هذي الحياة؟؟ وهل انت تسميها حياة زوجية؟؟؟ ما أقولك غير الله يعينك ويعينها لأني أشك بانك رح تكون سعيد.

الله يهديك يا بنت البلد ...

أعوذ بالله أن اتحكم وأملي على زوجتي ما لاتريده .... الحياة الزوجية شراكة وتفاهم لا أوامر ونواهي ...

ماقصدته هو أن البنت لما تكون صغيرة تتأقلم بسرعة وتكون أكثر مرح من وحدة كبيرة ... يعني تكون دلوعة أكثر ..

أما حكاية سي السيد فهذا غير ممكن لأنه الشخص لو كان كما قلتي فلن يعيش حياة زوجية سعيدة وهانئه ...

لكن اللي أقوله .. الله يعننا على بنات هذي الأيام .. ;-)

انت كدة عداك العيب ... بس انشاء الله ماترجع في كلامك وتقول انوا المدلعة يبغالها العين الحمرا لأنوا طلبك هو المدلعة.
بس في حاجة أنا مستغربالها ؟ انوا انا الصوت النسائي الوحيد في هذا الموضوع اللي بيدافع عن حقوق المرأة !!!

أختي بنت البلد وفقها الله

ان شاء الله تكتب هكذا (ان شاء الله ) ..

والبنت ولو كانت دلوعة فلابد في بعض الأحيان من العين الحمراء .. لأن البنات اليوم دول اصبحوا يخوفوا ..

أما كونك الصوت النسائي الوحيد فلأن معظم السيدات يؤيدونني ;-)

عائض
شكرا على التصحيح الاملائي, أحب اصحح انا كمان:
لأن البنات اليوم دول اصبحوا يخوفوا.. تكتب كده ( اليومين دول ) :p وأنا ما أعتقد انوا سبب غياب الأصوات النسائية هو التأييد.

أولاً البنت مو على عمرها البنت على تربيتها تلقون فيه بنات أعمارهم صغيره ويتحملون المسوؤليه أكثر من البنت اللي عمرها تقريباً في 25 فيه بنات اعمارهم على 23 ولا يعرفون يطبخون البنت على تربيتها يعني اللي بيتزوج بنت لا يطالع في عمره يطالع في مسؤوليتها هل هي في بيت أبوها تطبخ وتنفع أذا ما نفعت في بيت أبوها ماراح تنفع في بيت زوجها ولكن البنت على تربيتها لا على عمرها.

السلام ختام

أولاً البنت مو على عمرها البنت على تربيتها تلقون فيه بنات أعمارهم صغيره ويتحملون المسوؤليه أكثر من البنت اللي عمرها تقريباً في 25 فيه بنات اعمارهم على 23 ولا يعرفون يطبخون البنت على تربيتها يعني اللي بيتزوج بنت لا يطالع في عمرها يطالع في مسؤوليتها هل هي في بيت أبوها تطبخ وتنفع أذا ما نفعت في بيت أبوها ماراح تنفع في بيت زوجها ولكن البنت على تربيتها لا على عمرها.

السلام ختام