أسباب تحريم البوكيمون

بالعكس هاذي معلومات مفيده
انا اول مره اسمع فيها
عاد انا كنت اشوف باباي بوكيمون
بس زين خلص

هاي
مشكور يا اخ شاهين على المعلومات بس انا طبعا مو مقتنعة بالتحريم ابدا لاسباب غبية واحب اقول انه البوكيمون لعبة آر بي جي من عام 1995 وبعده سووا لعبة بوكيمون يالو كرسوم والمعروف عن العاب الار بي جي الخيال الواسع واستخدام السحر والوحوش في الار بي جي يستخدمون السحر والبوكيمونات ماهم الا وحوش مب حيوانات وهاشي اكيد في الار بي جي والتطور ماهو الا اكتساب الخبرات في الار بي جي وبعدين قالوا عن الاسماء انا بروحي يبت معجم يهودي من صديقتي وما شفت شي يعني ما عندهم اي سبب وبالنسبة لعلامة اسرائيل وهي النجمة السداسية فاحب اقولكم هاي موجودة في وايد اشرطة آر بي جي منها سوكدين2 ووايلد آرمز1 و2 وبلاك ماتريكس فليش ما حرموا العاب الار بي جي وحرموا البوكيمون عيل؟اما بالنسبة لتاثيره على الاطفال فانا اخواني الصغار شافوه وما تاثروا وبعدين عن الاطفال اللي ماتوا بسببه ففي اطفال بعد ماتوا بسبب سوبر مان صح؟المهم في النهاية حبيت اكتب لكم هاي الدلائل على ان البوكيمون حلال مو حرام وانا عن نفسي اتابع العابه على الادفانس والجيم بوي وانا قلت هالكلام على علمي بالعاب الار بي جي :)

اربي جي جيرل عندي لج كلام:)

انا معاج في اشياء مثلا:

انا عندي بلاي ستيشن تو بس لو عندي اجهزة ننتندو مايمنعني اني العب بوكيمون.. ليش؟
صج اني اعرف ان البوكيمون حرام بس انا واعي... اعرف ان نجمة داوود غلط واعرف ان نظرية التطور خاطئة واعرف ان هالاشياء خيالية ولكن هالشئ لا يحرمني من المتعة مادمت ياقنا وحذرا وواعيا... هذا ما يغير فكرتي ان البوكيمون حرام:) وان هناك افكار ممكن تجي منه فما اعترف فيها مجرد العب... واذا معاي احد اصدقائي اقول لهم عن انه غلط... الخ.

انا هذا اللي اسويه لما العب او اشاهد انمي مع احد:)

شوف البوكيمون فعلا خيالي وها شي عادي في العاب الار بي جي ومن هالمنطلق اقتنعت انه مب حرام كلاعبه آر بي جي انا واعية واعارف انه خيال كما انه النجمة موجودة في البوكيمون تراها موجودة في الديجيمون عيل ليش حرموا البوكيمون وماحرموا الديجيمون مع انه تطور هم ما حرموه لانهم حرفوا في فيه بدل ما يحطونه تطور حطوه استدعاء وهاشي انا ما قبلته ابدا اصلا ما شي اي خطأ في البوكيمون وعن التطور لو تعتبره حرام او خطأ عيل عمرك ما بتلعب العاب الار بي جي
واعيد واكرر البوكيمون مب حرام لو عندكم دليل واحد منطقي قولوه مب تقولوا يأثر على الصغار ترى في وايد انيمي يأثر على الصغار مثل كونان عيل ليش ما حرموا ما في ولا سبب مقنع

قالو البوكيمون حرام اوكي
زين عاد اذا لعبنا شكو
بالجيم بوي ماكو غير بوكيمون والباجي بايخين
المهم الحين اذا طلع حلال وله حرام
المهم اني خلصت الشريط
بس انا ما اعتقد انه اذا لعبنا فيها شي

اختي اللعبة الها علاقة لانه قصة المسلسل هي قصة اللعبة Pokemon yellow :)

وطبعا التحريم أساسا عشان الأطفال!!
لأن البوكيمون بشكل عام يستهوي الأطفال بقوة ويؤثر فيهم بشكل غير عادي!!!

أما حالة الشذوذ الجنسي فهي حقيقة حية!!!!!!

ولكن ...
معظم الحالات وهي لعوامل نفسية وسوء تربية للأسف !! ...


...

هلا بأخواني Rassam و شاهين

شككت إن ردودكم بخصوص الزنى و السرقه حتكون بهذا الشكل


إسمعوا يا أعزائي

إن للزنى و السرقه أشكال عظيمه وكثيرةٌ جداً و لكن القران أتى بتحريمهم

بشكل عام فهذا ما يسمى في الفقه الإسلامي بالإطار العام

وله فروع والفروع تركت لجتهاد العلماء

لا أريد أن أتكلم على الزنى فأنا أشمئز من الكتابت عنها

ولكن سأذكر بعض أشكاله : مثل زنى النظر و زنى اليد وغيره

و السرقه : مثل سرقة الحقوق الفكريه و السرقات الإلكترونيه مثل ما في البنوك من الحسابات الإلكترونيه

فهذه الأشكال تركت للعلماء كي يجتهدوا فيها

المثال الأوضح الربا حيث قال تعالى ( وحرم الربا )
هذا هو الإطار العام أما أشكاله وفروعه التي دبت في العهد الحديث
تركت لإجتهاد العلماء


ففي هذه الأيام الزنى والربا والسرقه وغيرها كثير تأخذ أحكامها من إجتهاد

العلماء

فالذلك شبهة حكم البوكيمون بأحكام الزنى و السرقه فكلها من إجتهاد

علماء الأمه الأفاضل

وأسف إذا أطلت بالكلام :)

يا أخ قاتس
مسلسل بيرسيك نظيف ولا فيه شي؟؟؟
في هذا الإطار تقدر تقيس على أشياء كثيرة..:)

مشكور شاهين

أنا الصراحه أكتسبت معلومات حلوه من موضوعك:)
وياليت تستمر باخراج مواضيع نقاشية شيقه مثل هذي وخصوصاً من الواقع العام ولكن إن قدرت حاول ماتكون في المواضيع شي له صلة بالدين حتى مانقط ونحط ونغلط ونزيد و000وو0000و000الخ

وشكراً مره أخرى:-)

لما قالوا ان البوكيمون حرام ما اقتنعت بهالشي...

ولما قالوا انه حرام علشان الاسامي اللي فيه...
بصراحة هالموضوع وايد ضايقني...
لان هالكلام ماله اساس من الصحة.. والقهر ان الكل قعد يردد الاسامي ومعانيها بدون تفكير...

بصراحة في ذيكي الفترة اللي الدنيا كلها كانت تتكلم عن البوكيمون حسيت الموضوع سخيف وايد...
يعني في قضايا اهم من جذي..
والكل سهى عنها واتجه للبوكيمون...

كلامك 100 % عاجبني واشوفه مضبوط يا اورنج روود

تدرين يا اورانج رود مين الغلطان بذيك السالفه ؟


انت !

ايه الانسان نفسه :)

مادامك تسمعني كلام الناس وبدون ما تتأكدين منه .. فالشيوخ والعلماء مالهم دخل بالي تفهمونه ..

الانسان اذا شك بشيئ او سمع عن تحريم شيئ ..
يروح يسأل الشيوخ والعلماء حتى يتأكد !!

واتحدى اي عالم او شيخ يقول ان البوكيمون حرام عشان المعاني ! لان المعاني غلط × غلط مثل ما انتوا عارفين ..

والله انتبهوا من هؤلاء الناس الي ينقلون كلام خاطئ عن المشايخ ..


اسمعوا كلام الناس /


تصدقون ما بقى شيئ ما حرموه ! حتى البوكيمون حق الاطفال هذا حرموه !!===> هذا كلام الناس المبتعدين عن دور العلم ويحبون تنقل الكلام والقدح بالعلماء ..


يكفي ان المشايخ لما سمعوا عن اشاعة المعاني بنفسهم راحوا تأكدوا وطلعت غلط .!!

لكن شافوا البوكيمون بصفه عامه .. وانتوا ادرى بها كما وضحها اخونا شاهين .. لذلك حرموه ..


بس والله اني انقهر من هذول الناس الي ينقلون الكلام الفاضي عن المشايخ ..


وشكرا :)

أودين
أنت تتكلم عن شيوخ تعرفهم بالتحديد؟؟
والا عن هيئة الافتاء؟؟
طيب أنت شفت ورقة الفتوى اللي صدرت من هيئة الإفتاء؟؟

هاي شباب

انا الصراحه ما اعتبر البوكيمون حرام


وان البوكيمون حاله حال غيره من المسلسلات الكرتونيه

ليش ما قلو مازنجر حرام مو في ناس يبون يقزون الارض من الكواكب الاخرى وليش ما قالو حرام حق المسلسلات الثانيه الي الحيوانات تتكلم


تبون الصراحه هذول ناس فاضيين وما عندهم سالفه قالو خندور سالفه يديده شافو البكومون اليهال متعليقين فيه قالو خل نخرب عليهم الانه شنو من عمل اسرائيل

يمعود الدول العربيه متروسه من المطاعم الغير عربيه
واسف اذا دشيت في متهاهات
طلعوا نفسكم الحين منها ;-)