مجنون الماكس رجع للماكس ^^ تفضل حياك الله(موضوع تعليمي)

فتح لنا الملف ...و اللي هو بالنسبه لكمبيوتري C:\3dsmax5
و داخله موجود ملف تشغيل برنامج الماكس الحقيقي

الحين نروح للسي دي و نجيب الكراك منه و نحطه جنب ملف تشغيل الماكس


من الـMy Computer
إضغط بالزر الايمن للماوس على ايقونة السي دي
و إختار Open

لما يفتح السي دي دور على ملف فيه كلمة Crack بأوله
و إفتحه :cool:

بعد ما فتحنا ملف الكراك اللي بالسي دي f:\Crack-paradox
راح تلقا داخله ملف اسمه Licpath.lic اللي هو ملف الترخيص ^^



و إذا ما كان الملف Licpath.lic موجود بنفس ها المكان ..... سو له بحث داخل السي دي لما تلقاه .. للتأكيد راح احطه بالرد الجاي و لو ما قدرت تحمله لا تتردد بطلب نسخه من ها الملف مني برساله خاصه ..

ملف الترخيص Licpath.lic ^^

الحين اسحب الملف Licpath.lic بزر الماوس الايمن من السي دي و إحذفه داخل الملف اللي فيه برنامج تشغيل الماكس

سو له كوبي جنب برنامج تشغيل الماكس :D

الحين روح مثل ما هو موضح بالصوره
لما توصل للـ License Configuration Switcher



تلقاه في
Start >> Programs >> discreet >> 3d max 5

غير خيار الـ Serial Number و إختار بدالة الـ Network مثل الصوره تمام



ها الخيار راح يشغل لنا الترخيص اللي نسخناه من السي دي الجاهز بدال ما نكتب الـ Serial Number اللي مكتوب على كرتون البرنامج الاصلي

الحين شغل برنامج المااااااااااااكس :D

فتح معاك بنجاااااح :D و الحين يطلب منك إعداد نوع مشغل الـ Graphics

ها الخيار يعتمد على نوع الكرت الثلاثي اللي عندك و على اي بيئه يشتغل
لو ما عندك كرت ثلاثي إختار الخيار الاول .. Software

أما لو كان عندك كرت ثلاثي خاص بالمعالجه الثلاثيه اختار واحد من الخيارين OpenGL او Direct3D

طبعا اكثر الكروت تدعم خاصية الـ OpenGL سواء كان الكرت الثلاثي من النوع القوي او الضعيف

لكن خاصية الـ Direct3D تنفرد بالكروت اللي جودتها عاليه تقريبا و هي اكيد الأكثر دقه بالتصوير و لو الكرت محترم بيكون التصوير مقارب للي تشوفه بالبلي شتيشن 2 كمثال حي :6
و برنامج ماكس مصمم بشكل خاص على شان يتوافق مع ها الخاصيه و كل فتره يطورون فيها اكثر و اكثر لما صارت بالفعل تسهل التصميم و تخليه ناعم و سلس لدرج كبيره حيل


شي مهم حيل حيل و أساسي ان يكون عندك كرت ثلاثي محترم (32MB و فوق ) و كمبيوتر محترم (بانتيوم 3 و فوق) يساعدونك بالتصميم غير ها الكلام بتكون انت غارق بالأماني و الاحلام و هم التعليق و عدم قدرت الجهاز على الإستمرار و تحمل التصميم

اختار مثلا الـ OpenGL (أنا استخدم الـDirect3D لكن اخترت الـOpenGL لإنه الاكثر انتشار)

ها الخيارات راح تطلع لك مره وحده بس لما تشغل برنامج الماكس لأول مره
لو انك اخترت خيار ما يناسب جهازك او حبيت بعد فتره تطور جهازك ممكن ترجع و تغير بها الخواص من امر change graphics mode
راح تلقاه في
Start >> Programs >> discreet >> 3d max 5

الحين فتح المااااكس
و إشتغل بشكل سليم ميه الميه مع الـ Windows XP ^^

لكن بقت مشكله صغيرونه :cool: هههههههه
مشكله مع ترخيص الـ character studio
هاذا البرنامج مرفق مع الماكس دائما و هو اللي يخلي الشخصيات تتحرك
ممكن تخزن الـ character studio من الإنترنت بشكل مستقل و تسوي له كراك بروحه راح يشتغل
برنامج الماكس ماله غنا عن الـcharacter studio ^^ ان شاء الله اشوف له حل بالفتره الجايه لكن أحسن وسيله هي انك تخزنه بشكل مستقل و تسوي له كراك بروح ;)

بها الخطوات السابقه نكون خلصنا اول خطوه و هي تخزين الماكس 5 و ترخيصه على الـ Windows XP :)

الحين ان شاء الله راح يبدا الموضوع الحقيقي و هو إستخدام برنامج الماكس ^^

ان شاء الله بها الفتره راح اجهز تكملة الموضوع

و بشوف ... نسوي مقدمه تعريفيه لأزرار البرامج و لا نبدا سيده بالتطبيق
اللي يقرا ها الكلام يا ليت يبدي رايه بتوجيه مسار الموضوع

إما نبدا سيده بالتطبيق

أو نعمل مقدمه تعريفيه بكل القوائم المهمه و أزرار البرنامج

الحين ان شاء الله يكون الجزء الاول من الموضوع هو اول خطوه واضحه نخطيها مع بعض

و أقول الحين سلاااااااااااااااااااااااااااااااااااااااااااااااام يا فنانين :D

و خلوكم معانا بتشوفون شي حلو مع الايام إن شاء الله ;)

سلالالالالالالالالالالالالالالالالالالالالالالالالالالالالالالالالام على مجنون الماكس mzm :0)

يعطيك العافية على هل شرح الحلو يا فنان ..:6

انا من أشد المتابعين لك و لموضوعاتك ..:#

الصراحه موضوعك ظرب على الوتر:" لأني من زمان أبي أتعلم على الماكس و الحمدلله انه الشرح جا بوقته لأني كنت على وشك أشقق كتابي اللي شريته و تحسفت عليه اني ما رديته بوقته:غضب:

الحمدالله مافاتني شي:6

مشكوووووووووووووووووووور و ما تقصر و عساك على القوة موضوعك وايد حلو و الشرح فيه واضح جدا و مفصل تفصيل حلو:D

و بالنسبه حق شنو أحسن أول تبدى بشرح القوائم و لا تبدى التطبيق على طول ؟

من رايي القوائم بتنشرح و نفهمها و احنا نطبق و نعرف وظيفتها عملي:-) و شذي ماراح نظيع وقت التطبيق العملي:6

أبي أتعلم على الماكس بسرعااااااااااااااا:"

أووووووووو شد حيلك و طول بالك معانا لأني مثل ما قلت انا تحت الصفر و قاعده أحاول الحين أقرى بالكتاب و أدور مواقع بالنت بس شرحك مالنا غنا عنه ;)

أووووووووووو أسفة على المقاطعه :# من فرحتي ما قدرت لازم أكتب رد:0)

أشوفك على خير mzm ;-)

ننتظر شرحك يا فنان :6

http://www.funnygreetings.com/congra...ath_md_wht.gif


سلالالالالالالالالالالالالالالالالالالالالالالالالالام
;-)

و عليكم السلاااااااااااااااااااااااااااااااام :D

كيف حالج يا فنانه

الحمد لله ان الموضاعات عجتج يا فنانه ^^

رايج يهمني حيل :D

انا كتبت ها الموضوع لإني ادري ان اكبر فنانين و فنانات عندنا بالمنتدى يحبون يتوجهون للماكس :D

اهتمامج بمواضيع الشروح هو اكبر سبب لإستمرارها

و مشكوره يا فنانه على رايج ... بالفعل كنت محتار اشرح القوائم و لا ابدي بالتطبيق سيده

لكن دام الكل يبي يشوف النتيجه بسرعه :D خل الاكشن يبدا على طووووووووووووووووول ههههههههههههههههههههه :6

الحين وصلني خبر فجر الحماس بداخل :D

و هو انضمام الفنانه لوجين و أخوي المصمم Doel :D للشرح بالموضوع

حياكم الله و وجودك شرف كبير لي و للكل و بيزيد الموضوع قوه

بدت الإخت لوجين بتصميم اول رسم اساس للشخصيه اللي بنصممها بالماكس

و راح يكون الشرح عن تصميم وجه لشخصيه بمنتهى الروعه بالنسبه لي و هي شخصية الطفله الجنيه اللي ابتكرتها الإخت لوجين (بعمل مشترك كان بين لوجين و خلود و شاهين و تايدوس و mzm ... لكن العمل تأجل)

و راح تكون معانا صاحبة الشخصيه طول وقت الشرح بتصميمها الأساسي لوجه الشخصيه

و هاذي هي الشخصيه للي يبي يشوفها ( هي من رسمي لشخصية الفنانه لوجين للطفله الجنيه )

تعابير وجه الرسمه مع الفوطه اللي على الراس مستوحاه من رسمة مانجا ;)

الشخصيه بالفعل تستاهل التصميم :D

و التصميم بياخذ وقت و اتمنى يكون صدركم وسيع معانا :6

و لما ينتهي التصميم راح نعرض الطريقه كامله هني

و أقول من الحين شكرا جدا جدا للفنانه لوجين اللي شاركت بالموضوع و قبلت ان شخصيتها تكون محور التصميم بالموضوع ^^

سلااااااااااااااااااااااااااااااااااااااااااااااااااام

إنتظرونا

السلام عليكم ...
كيف حال الأخوة و مجنون الماكس ^^ ...
الموضوع مثيرا جدا أخ MZM واتى بوقته ((في الاجازة )) :D

وانا ناوي بعد أتعلم الماكس ... :)
بانتظار دروسك اللذيذة ^^ ...

على فكره ... الرسمه الأخيرة رهييبه ;) , والله اشتقنا لرسوماتك ...

على العموم بكون متابع الموضوع أول بأول !!... :)


بالتوفيق في الشرح ^^

يا سلام يا MZM
مشكور جدا
الحين بروح ادور على البرنامج عشان اتابع معاكم


بالنسبة لطريقة الشرح ارجو ان تعرف الادوات التي ستستخدمها في التطبيق فقط و هكذا لكل تطبيق حتى تغطي ما تستطيع من الادوات
و ان توضح لماذا استخدمت الاداء الفلانية لعمل كذا او كذا و ماهي الاستخدامات الاخرى لهذه الاداة *مهم جدا
و اذا كان هناك ادوات ضرورية يمكن ان تعمل درس مخصوص عشان تبين مزاياها
بمعنى اخر افضل طريقة : (فالنتعرف على هذه الادات.).لان هذه الطريقة تعطي الشخص فكرة عامة عن الادوات و لا تربطه بطريقة معينه و الواحد يستعملها على كيفه
و لا احب طريقة : فالنعمل كذا ...لاني لاحظت ان الشخص بهذه الطريقة حتى اذا فهم الدرس لا ينتبه للاستخدامات الاخرى للادوات المستعملة او ترتبط بذهنه فكرة معينة فقط

السلااااااام اخوي REFLEX ^^

ردي متأخر جدا

حياك الله و وجوده بالموضوع شي كبير يا فنان :D
مشكور على ردك و كلامك الطيب :)

و ان شاء الله يمشي الموضوع بالشكل الصحيح

يمكن عندي مشكله بتنظيم وقتي لإني حاليا مسافر عند اهلي بالكويت

و ها الموضوع ما زال دائما على البال و ان شاء الله تلقى فيه اللي تبي تعرفه ن الماكس ^^

حياك الله يا فنان


Flashanime
هلا فيك يا مبدع الفلاش ^^
و ان شاء الله الشرح يكون وافي و مقبول
حياك الله

و آسف جدا على ها الإنقطاع بسبب الوقت اللي امر فيه حاليا و ان شاء الله أنظم وقتي بصوره افضل .. أول ما يتعدل المنتدى راح اعرض صور من التصميم اللي انا واصل له بالوقت الحالي

أحاول احط الصور لكن المنتدى متعطل

سلااااااااام

السلاااااااام

هاذي هي المرحله اللي وصل لها التصميم حاليا

هاذا قالب الوجه حق الشخصيه بس و ان شاء الله يكمل التصميم بسرعه و اكتب الشرح كامل

واضح بداية التصميم رسمة رصاص للإخت لوجين لوجه الشخصيه من جهتين .. الامام .. و من جنب
و بدا الشد و تصميم الوجه و تحويله لقالب ثلاثي بالماكس
ما شاء الله هههههههههههههههههه رسمت الرصاص متطابقه تماما من الجهتين و المقاسات مدروسه
http://amzm.jeeran.com/test.jpg



http://amzm.jeeran.com/f_max2.jpg


http://amzm.jeeran.com/all_f4.jpg

ماشاء الله رووووووعة بكل معنى الكلمة :cool: :cool:

و أهلا بيكم يا لوجين وريفليكس و فلاش انايم (شكلنا جمعنا أحسن الأعضاء من منتديات الرسم و الفلاش) و انشالله ينضم لنا المزيد


اخوي MZM انا على احر من الجمر انتظر شروحك و انشالله عقب ما نخلص الـ modeling الإكساء علي انا (بنخليها Cell Shaded )


و اهلا بالكل مرة ثانية