[ XFan's Club ] موضوع النقاش العام عن العاب . استفسار . حلول . مشاكل

اقتباس:

---

أنا صراحةً بشوف لي منتدى جديد يكون حيّ. كنت حاب اسأل اذا كان فيه اي احد يعرف منتدى كويس للفيديو جيمز بس ممكن يكون ممنوع ذكر منتدى آخر؟. هنا حتى موضوع الدردشة يقعد بالأيام مافي اي احد يشارك فيه .,.
فرصة سعيدة اتعرفت عليكم جميعاً. ٍSayonara ...

---

ايه المنتدى ميت لكن ادا ماقدرت تكون جزء من نهوضه ماراح تكون ابدا فالمنتدى الثاني
لازم شويت صبر وتعب احنا شغالين شوي شوي خطوه خطزه مافي شي يجي فرمش العين

لوول صالح , في مجال العاب لازم تكون قناعة xD

اقتباس:

---

المشاركة الأصلية كتبت بواسطة AL- M a T a D o r

افا .. والله انك تدخل القلب بسرعه باخلاق واسلوبك الرائع..

عموما بالتوفيق لك ..بس مو لا لقيت منتدى جديد ماتزورنا نهائيا ..ع الاقل في الاسبوع
تحياتي لك..بس لاتنسى تشرب عصيرك قبل ماتروح^_^

---

الله يخليك ياغالي من طيب اصلك. واشكرك على العصير، واهديك باربيكان بالتوت ^^ .,.
ان شاء الله احاول كل ماقدرت اجي اسلم ...

اقتباس:

---

المشاركة الأصلية كتبت بواسطة Tetra

ايه المنتدى ميت لكن ادا ماقدرت تكون جزء من نهوضه ماراح تكون ابدا فالمنتدى الثاني
لازم شويت صبر وتعب احنا شغالين شوي شوي خطوه خطزه مافي شي يجي فرمش العين

---

شوف تاريخ تسجيلي من متى. شفت المنتدى في ايام عِزه. وهو تقريباً من كم سنة من سيء الى اسوء وماتغير اي شيء. بس اتمنى لك التوفيق .,.
مع السلامة ...

اقتباس:

---

المشاركة الأصلية كتبت بواسطة Night Road

أشكرك على اهتمامك .,.
----------------------------------------------
أنا صراحةً بشوف لي منتدى جديد يكون حيّ. كنت حاب اسأل اذا كان فيه اي احد يعرف منتدى كويس للفيديو جيمز بس ممكن يكون ممنوع ذكر منتدى آخر؟. هنا حتى موضوع الدردشة يقعد بالأيام مافي اي احد يشارك فيه .,.
فرصة سعيدة اتعرفت عليكم جميعاً. ٍSayonara ...

---

حتوحشنا سوالفك اخوي .. انا اسعد اخوي ^_^

ممكن تظيفني عندك في الـ XBL

شباب وش ذي المهزلة

List Price:		$299.99
Today's Discount:		- $0.01
Gold Box Price:		$299.98

هذا امازون مسوي تخفيض للاكس بوكس 4G بندل كينكت

لك التوفيق ان شاء االه واتمنى تتهنى ^^

اقتباس:

---

المشاركة الأصلية كتبت بواسطة NiN RevO

حتوحشنا سوالفك اخوي .. انا اسعد اخوي ^_^

ممكن تظيفني عندك في الـ XBL

---

وحتكون لك وحشة انت بعد ياغالي. انا زي ماقلت راح احاول كل فترة اعدي على الموضوع واشوف ايش جديدكم واسولف معاكم شوي .,.
راح اضيفك ان شاء الله اذا شغلت الاكسبوكس ...

اقتباس:

---

المشاركة الأصلية كتبت بواسطة TwOMeN

شباب وش ذي المهزلة

List Price:		$299.99
Today's Discount:		- $0.01
Gold Box Price:		$299.98

هذا امازون مسوي تخفيض للاكس بوكس 4G بندل كينكت

---

لا تومين اقرأ الكلام الي فوق .. مكتوب انك اذا اشتريت الجهاز بيضيفون في حسابك 100 دولار

هذه الـ 100 دولار تقدر تشتري فيها اي شيء من مخازن امازون يعني الاشباء الي تبيعها امزون نفسها مو من بايع اخر ..

ريفو لك نفس تكتب انا بديت في الموضوع الرسمي حق جيرز 3
لانه الالعاب القويه كثيره شوي ومتقاربين فقررت انني ابدئ من الحين

^
يس اكيد بس افتح لها موضوع في الجروب الجديد وانا بشارك ان شاء الله ..

اوكي ان شاء الله
راح ارفع معنوياتك مشان تكتب ونفسك مفتوحه ههه

اقتباس:

---

لا تومين اقرأ الكلام الي فوق .. مكتوب انك اذا اشتريت الجهاز بيضيفون في حسابك 100 دولار

هذه الـ 100 دولار تقدر تشتري فيها اي شيء من مخازن امازون يعني الاشباء الي تبيعها امزون نفسها مو من بايع اخر ..

---

شكلي أنا تسرعت , عرض جيد أصبح سعره نفس سعر ال 4g بدون كينكت

للأسف فاتني العرض :( الميزانية ماتسمح الحين xD

اقتباس:

---

المشاركة الأصلية كتبت بواسطة Tetra

اوكي ان شاء الله
راح ارفع معنوياتك مشان تكتب ونفسك مفتوحه ههه

---

اوكي بالانتظار ^_^

نينو فتحت الموضوع الرسمي

شباب ليش مافي موضوع يجمع الجيمر تاج حقت اللاعبين اللي هنا ويكون قابل للتجديد كل فترة
لانه صراحة الصفحة حقت الموقع فيها الجيمر تاجز حقت اللاعبين القدميين وصرلها قرن ما تحدثت

انا اقدر اتولى مهمة تحديث الموضوع

أخيراً من أمس وانا أحاول العب ستاركرافت 2 و مو راضية تزبط. قبل شوية مشي الحال. Hell, its about time^^ ...

اليوم اول مرة اجرب هالو ريتش جربت الاون لاين احس نفسي ضايع في اشياء كثير لازم اتعلمها (:

^
صحيح بالنسبه لواحد اول مره يجربها .. بس بعد فتره تتعود :)

اللعبه مره حماااااس ما ينزهق منها .. احبها مع اني اكره اغلب العاب الـ FPS

قبل فترة كنت قاعد افكر اشتري قيرز اوف وور. بس شفت قريب حينزل الثالث فقلت خلاص استنى. صراحة مني بق اون العاب الخيال/شوترز. حتى ماس ايفيكت مو مرة داخلة مزاجي. أفضل العب فاينل تاكتكس بدلها ^^ .,.
بس مع كذه شكلي بجرب ماس ايفكت الأول والثاني. أشوف لو خلوها اكشن/ادفنشر/خيال. يكون احسن. مدري ليش خاشين نفسهم في الار بي جي بالقوة ...

انصحك في غيرز بقوة @.@" ,, كل شخص عنده اكس بوكس لازم يلعبها

فيه اصدار نزل لها اسمه Gears of War : Triple Pack و يحمل معه الجزء الأول و الثاني و الـDLC الكبير للجزء الثاني

http://xbox360media.ign.com/xbox360/...1295372521.jpg

اقتباس:

---

فيه اصدار نزل لها اسمه Gears of War : Triple Pack و يحمل معه الجزء الأول و الثاني و الـDLC الكبير للجزء الثاني

---

من متى اعلنو عن الاصدار ..
لاني اول مره اسمع عنه

قاعد احمل Sonic Generations Demo يااااااااااااااااااي

ما ادري ليه امقت أي جزء لسونيك أو ماريو .... لما يكون خارج أجهزة ننتندو

اقتباس:

---

المشاركة الأصلية كتبت بواسطة A E A K i N G

انصحك في غيرز بقوة @.@" ,, كل شخص عنده اكس بوكس لازم يلعبها

فيه اصدار نزل لها اسمه Gears of War : Triple Pack و يحمل معه الجزء الأول و الثاني و الـDLC الكبير للجزء الثاني

---

يعطيك العافية. حطيته في الشوبنق لِست. خليني العب من الجزء الأول أحسن عشان أشوف القصة.الخ... .,.
بس ياليت اذا انت او اي احد هنا يكون جرب قيرز وهيلو يقولي ايش يشوف احلى وليش؟ بما انها الأثنين شوترز خيال علمي .,.

اقتباس:

---

المشاركة الأصلية كتبت بواسطة AL- M a T a D o r

من متى اعلنو عن الاصدار ..
لاني اول مره اسمع عنه

---

من منتصف فبراير هذي السنة ...

توم
سونيك عالاكسبوكس جميل جدا
انليشد 2 عجبني وحبيت اجرب هذا لانه شفت الرسوم فيه عالية الجودة

لول مادري ليه مب قادر اغير هذا الشعور , يبيلي اجرب اللعبة عشان اقتنع :)

اقتباس:

---

المشاركة الأصلية كتبت بواسطة TwOMeN

لول مادري ليه مب قادر اغير هذا الشعور , يبيلي اجرب اللعبة عشان اقتنع :)

---

لا تخسر فلوسك في لعبه مو داخله مخك لكن ماراح تخسر شي في الديمو :)
بالمناسبه اليمو مو راضي يشتغل معاي مدري ليش + يكتب انه له ناريخ صلاحيه وراح ينتهي يمكن الشهر الجاي بينتهي ان شاء الله
راح اضيف يومين دهبي مخبيهم من فتره لوول واعيد تحميله من الماركت بليس ان شاء الله

اقتباس:

---

المشاركة الأصلية كتبت بواسطة Night Road

يعطيك العافية. حطيته في الشوبنق لِست. خليني العب من الجزء الأول أحسن عشان أشوف القصة.الخ... .,.بس ياليت اذا انت او اي احد هنا يكون جرب قيرز وهيلو يقولي ايش يشوف احلى وليش؟ بما انها الأثنين شوترز خيال علمي .,.من منتصف فبراير هذي السنة ...

---

بالنسبة للجيم بلاي جيرز اسهل

لكن هالو احلى بكثير من ناحية القصه والاون لاين

بالمناسبه انت لعبت تيلز اوف فيسبيريا ؟

اقتباس:

---

بس ياليت اذا انت او اي احد هنا يكون جرب قيرز وهيلو يقولي ايش يشوف احلى وليش؟ بما انها الأثنين شوترز خيال علمي .,.

---

اللعبتين انا اعتبرهم شي خيالي ,, متميزتين عن كل الألعاب الأخرى ,, لكن اسلوبهم مختلف عن بعض ,, هيلو FPS و غيرز TPS

من ناحيتي احب هيلو اكثر من غيرز لكن هذا مو معناته ان غيرز بها عيوب و ما الى ذلك ,, اصلا هيلو ثم غيرز هم الأسباب الرئيسية الي دفعتني عشان اشتري اكس بوكس بدل الـPS3

أهلين شباب أخباركم :)

قررت أشتري Xbox360 وللمرة الثالثة من يوم ما نزل ... أجهزتي القديمة كلها أنجلطت بــ RROD -___-

أفكر أخذ السليم 250 جيجا ... بس أمس شفت اللمتد إديشين حق هالو ريتش وعجبني جدا فصرت محتار بين العادي ولميتد هالو ؟

هل أخذ الكينيكت مع الجهاز ؟ ... ما أشوف عليه ألعاب قويه الحين تستاهل الواحد يأخذه ولا شو رأيكم ؟

بالنسبة للألعاب بأخذ هالو ريتش , تيلز أوف فيسيبريا ( بحملها من Games on Demand للأسف ما لقيتها أوروبيه عندنا -__-) , وسبيلنتر سيل ... هل فيه ألعاب ثانية تستحق أشتريها ؟

وعليكم السلام ورحمة الله
بالنسبه للنسخه المحدوده والعاديه تقنبا مافي فرق بيناتهم تبق مسئله ماديه في الاخير ادا مدخولك يسمح فعادي خد النسخه المحدوده
الكنكت للحين العابه كلها mini games لكنها في الاخير ممتعه باسلوبها الفريد وكمان فيها وناسه فيه العاب قويه راح تنزل للجهاز ان شلء الله لكنها لسه تحت التطوير
والجهاز لسه في ايامه الاولى راح تتطور وضائفه مع الوقت
ادا قدرت تحط اسماء الالعاب اللي عندك مشان اعرف شنو اللي لسه ماجربته بقولك ان شاء الله ومبروك مقدما تتهنى في ان شاء الله ^^

تترا أظن أنهم قالوا 20 يوم و ينتهي الديمو , عموما راح أجربه ان شاء الله

سادنيس , بخصوص النسخة العادية أو اللمتد ايديشن الأمر يرجع لك

أنصحك تاخذ معاه كينكت راح تستانس بالعابه كثير ^^ , ولو اخذت معاه هالو ريتش و تيلز اوف فيسبيريا راح تشغلك

الى حين صدور forza 4

يا شباب وينكم ليش كذة القسم نايم بدنا نشوف الهمة والنشاط والمواضيع الحلوة ؟؟؟

الله يبارك فيك تيترا :) , شكرا على ردك ومساعتدك لي ... خلاص إن شاء الله بأخذ لميتد هالو ... أشوف سعره مناسب وقريب من سعر الجهاز الحالي

بالنسبة للكينكت شكلي بأجله ... ما في لعبه حاليا تخليني مهتم فيه ... إن شاء الله أخذه بعدين ^_^

بالنسبة للألعاب لعبت جيرز 1,2 و فورزا 3 , Halo 3 ... هذي كانت ألعابي على الجهاز

الاكس بوكس كنت مخليه للألعاب الحصريه عليه وبعض ألعاب الملتي ... لكن غالبا ألعاب الملتي كنت أشتريها على PS3

إن شاء الله قريبا نرجع للــ Live :)

^
حلو ومبروك مقدما ً على الجهاز ^_^

لا تفوت Tales of Vesperia .. احلى لعبة RPG في هذا الجيل ,, غريبه كان عندك جهازين ولا لعبتها >_>

^^

الله يبارك فيك مبارك ^_^

بيني وبينك أن مب فان كبير لألعاب الأربيجي وكنت حاط أمل كبير أن فيسبيرا تنزل على PS3 -__- ... و بما إنها آخر لعبة من سلسلة تيلز صدرت للغرب فلازم أجربها

تنصحوني بألعاب ثانية غير إلي ذكرتها ؟

TwOMeN


نعم 20 يوم ينتهي ولازم تكون شابك بالانترنت

EVIL KNIGHT

القسم ماعليه كلام الحين تمام اخبار بنزلها على طول والشكر راجع لكم طبعا في الاول و الاخير لكن
المشكله تكمن في غياب الشباب والاعضاء صارو قلائل فطبيعي انه مافيه نشاط وهالشي اكيد يحبط عالعموم
ان شاء الله يرجع مثل ماكان

LightYear

العفو اخوي وان شاء الله نشوفك بالايف
الاعاب الي تستحق تجربها كالتالي
اكشن ومغامرات
باتمان
اساسنز كريد الاول ادا نفسك مفتوجه والثاني والاخير برودرهود
سبلنتر سيل كونفيكشن
انسلايفد
اطلاق النار
ديد سبيس الاول والثاني === لعبه رعب
كريزس 2 === منظور اول
باتل فيلد باد كومباني 2 === منظور اول
بايوشوك 2 === منظور اول
كال اوف ديوتي مودرن ويرفاير 2 === منظر اول
بلاك اوبس === منظور اول
رزدنت ايفل 5 === اكشن منظور ثاني
هالو ريتش === منظور اول
رياضة
نيدفور سبيد شيفت 2 و هوت بورسيوت البوليسيه
فورزا 3
فيفا 2011
ديرت الثاني والثالت
وهناك المزيد يمكن نسيتهم ^^

سلطان اذا بتاخذ الجهاز وتحب الرعب لا تفوت الان ويك ..

اقتباس:

---

المشاركة الأصلية كتبت بواسطة NiN RevO

بالنسبة للجيم بلاي جيرز اسهل

لكن هالو احلى بكثير من ناحية القصه والاون لاين

بالمناسبه انت لعبت تيلز اوف فيسبيريا ؟

---

همم اوكي. أجل لازم اجرب هيلو قبل لا أشتري قيرز عشان اشوف ايش الي تناسبني. سانكيو على الرد ^^ .,.
نُب. عندي بس باقي مالعبتها (تيلز اوف فيسبيريا). كنت قاعد أقول في الصفحة الماضية انه بحاول اشوف لي فرصة عشان العبها ولو انها مو مرة ماي تايب. بس اتفرجت على الفلم، نص ونص. مدته ساعة ونص وأسمه تيلز اوف فيسبيريا: فرست اتاك ...

اقتباس:

---

المشاركة الأصلية كتبت بواسطة A E A K i N G

اللعبتين انا اعتبرهم شي خيالي ,, متميزتين عن كل الألعاب الأخرى ,, لكن اسلوبهم مختلف عن بعض ,, هيلو FPS و غيرز TPS

من ناحيتي احب هيلو اكثر من غيرز لكن هذا مو معناته ان غيرز بها عيوب و ما الى ذلك ,, اصلا هيلو ثم غيرز هم الأسباب الرئيسية الي دفعتني عشان اشتري اكس بوكس بدل الـPS3

---

أنا من يوم شفت كثيرين يحبوا اللعبتين هذي قلت خليني اجربها. بما أني جربت قيرز فلازم أجرب هيلو ان شاء الله، يصير اذا عجبتني اكثر من قيرز استبدلها بها، ويعطيك العافية على ردك ^^ .,.

اقتباس:

---

المشاركة الأصلية كتبت بواسطة LightYear

أهلين شباب أخباركم :)

قررت أشتري Xbox360 وللمرة الثالثة من يوم ما نزل ... أجهزتي القديمة كلها أنجلطت بــ RROD -___-

أفكر أخذ السليم 250 جيجا ... بس أمس شفت اللمتد إديشين حق هالو ريتش وعجبني جدا فصرت محتار بين العادي ولميتد هالو ؟

هل أخذ الكينيكت مع الجهاز ؟ ... ما أشوف عليه ألعاب قويه الحين تستاهل الواحد يأخذه ولا شو رأيكم ؟

بالنسبة للألعاب بأخذ هالو ريتش , تيلز أوف فيسيبريا ( بحملها من Games on Demand للأسف ما لقيتها أوروبيه عندنا -__-) , وسبيلنتر سيل ... هل فيه ألعاب ثانية تستحق أشتريها ؟

---

أهلين فيك لايت. ان شاء الله انت بخير ^^؟ .,.
الليميتد اديشن اكيد طبعاً قصدك على السلِم. هذا الفرق بينه وبين لو اشتريت سلِم، زيادة 30$ تقريباً . بس مافيه إلا واحد باقي، الي بسعر 438$. الباقي من 470$+ وكمان زيادة قيمة الشحن من البائع. ولا تنسى طبعاً قيمة الشحن لعندك. يعني راح يكلفك كثير .,.
اذا صممت عليه فبالتوفيق وتتهنى فيه ان شاء الله ^^ .,.
الكِنيكت حلو وفيه العاب نازلة حلوة عليه. بس حالياً مافيه شي حلو عليه الا كِنيكت سبورتس و يور شيب فتنس ايفولفد. فأحسن لك أشتري بالـ 100$ لعبتين او ثلاثة .,.
سبلينتر سيل كونفكشن (باقي ماجربتها). من الريفيوز الي شفته عنها من فترة انها أسهل من الي قبلها. يعني ماصارت صعبة كثير. خاصة من ناحية الستيلث .,.
بالنسبة للألعاب الثانية، أعطيني أول شي خلفية عنك من ناحية الألعاب الي لعبتها وعجبتك وماعجبتك، وأيش مهتم فيه حالياً من الألعاب عشان اقدر اعطيك اقتراحات بشكل دقيق ان شاء الله ...

اقتباس:

---

المشاركة الأصلية كتبت بواسطة NiN RevO

لا تفوت Tales of Vesperia .. احلى لعبة RPG في هذا الجيل ,, غريبه كان عندك جهازين ولا لعبتها >_>

---

شكلك تحب الاكشن ار بي جي. من ناحية الار بي جي فأحلى لعبة في الجيل هذا (آخر لعبة بالأصح على الأكسبوكس) فهي لوست اوديسي ^^ ...

^^

أهلين نايت .. والله أنا بخير والأمور طيبة ولله الحمد :)

بالنسبة لليتمد هالو كنت أقصد السلم :) ... إن شاء الله بأخذ الجهاز من هنا لأنه الفرق بينه وبين العادي بسيط جدا + أوفر مصاريف الشحن وأحطها في ألعاب الجهاز أفضل

والكنيكت ناوي عليه بس بعد فترة ... يمكن مع وقت نزول فورزا 4

بالنسبة للألعاب تقريبا جربت أغلب ألعاب الملتي ( الي تصدر على xbox360 , PS3 ) على PS3 فما راح أرجع أشتريهم على الجهاز مرة ثانية

من ألعاب الجهاز جربت جيرز 1&2 , فورزا 3 , Halo 3 .. وللأمانة كلهم عجبوني وأستمتعت فيهم جدا

وبأخذ مع الجهاز Dirt 3 , سبلتر سيل , alan wake , هالو ريتش , وتيلز أوف فيسبريا ( بحملها من Game on Demand )

الله يعطيكم العافية على المساعدة القيمة :)

الله يعافيك يارب. ومبروك مقدماً وتتهنى فيه ان شاء الله ^^ .,.
اعتقد ممكن تعجبك كاستلفينيا اذا انك تحب العاب الأكشن ؟. (انا باقي مالعبتها). قائمة طويلة عندي ومني لاقي وقت العب الألعاب للأسف ولا كان اعطيتك انطباعي عنها .,.
-----------------------------------------
نفسي لو تنزل اونيموشا على الاكسبوكس، من أحلى الألعاب الي لعبتها على السوني 2 ...

اقتباس:

---

المشاركة الأصلية كتبت بواسطة LightYear

^^

أهلين نايت .. والله أنا بخير والأمور طيبة ولله الحمد :)

بالنسبة لليتمد هالو كنت أقصد السلم :) ... إن شاء الله بأخذ الجهاز من هنا لأنه الفرق بينه وبين العادي بسيط جدا + أوفر مصاريف الشحن وأحطها في ألعاب الجهاز أفضل

والكنيكت ناوي عليه بس بعد فترة ... يمكن مع وقت نزول فورزا 4

بالنسبة للألعاب تقريبا جربت أغلب ألعاب الملتي ( الي تصدر على xbox360 , PS3 ) على PS3 فما راح أرجع أشتريهم على الجهاز مرة ثانية

من ألعاب الجهاز جربت جيرز 1&2 , فورزا 3 , Halo 3 .. وللأمانة كلهم عجبوني وأستمتعت فيهم جدا

وبأخذ مع الجهاز Dirt 3 , سبلتر سيل , alan wake , هالو ريتش , وتيلز أوف فيسبريا ( بحملها من Game on Demand )

الله يعطيكم العافية على المساعدة القيمة :)

---

بس لا تغلط مثل غلطتي اشتريت جهاز اوربي وسويت حساب امريكي لانه كروته متوفرة وكل ما انزل شي من الجيم اون ديماند يرفض يقولي هذا المنتج فقط لامريكا @_@ !

^^

أهلين صهيبي

بالنسبة لخدمة Game on demand تراني فاهم طريقة التحميل بس في بعض الألعاب ما تقدر تنزلهم إلا إذا كان الــIP مالك من أمريكا

مممم أفكر أنزل موضوع يشرح الخدمة بالتفصيل .. ما أشوف موضوع خاص بالخدمة عدنا هنا في المنتدى

اقتباس:

---

شكلك تحب الاكشن ار بي جي. من ناحية الار بي جي فأحلى لعبة في الجيل هذا (آخر لعبة بالأصح على الأكسبوكس) فهي لوست اوديسي ^^ ...

---

لا انا احب جميع العاب الار بي جي ولعبت لوست اوديسي بصراحه روعه لكن بالنسبه لي العاب تيلز شيء ثاني ولا توصل مستواها اي لعبه ^_^

اقتباس:

---

المشاركة الأصلية كتبت بواسطة NiN RevO

لا انا احب جميع العاب الار بي جي ولعبت لوست اوديسي بصراحه روعه لكن بالنسبه لي العاب تيلز شيء ثاني ولا توصل مستواها اي لعبه ^_^

---

ماقلت لي اذا شفت الفلم و الاوفا تبع تيلز ^^؟ .,.
============================================
جربت هيلو ريتش. أحس قيرز ناسبتني أكثر .,.
بعد الصلاة ان شاء الله شكلي بجرب ماس ايفيكت ...

اليوم حتمت ميدل اوف هونر.....اللعبة قصير جدآ يعني تقريبا 7 ساعات مدتها
تقريبا محركها شبية بـ باتلفيد 2 ..وطبعا في بعض الاشياء ماخوذة من كود ..زي لما تفتح الباب تكسره برجلك .وبعدين بالحركة البطيئة..طبعا اللي جرب كود يعرف اللي اقول
....
الملتي بلير اسلحة قليلة ..+ ليش محرك الملتي مو نفس محرك القصة ...-_-

طبعا متاكد ان محد جربها الا قلة بالمنتدى ..اللعبة ماشفت لها اهتمام

سي يو

صالح هي مشابه لباتلفيلد 2 بشكل كبير ؟

لاني أكرههههههه التقليد -_-

يس مشابهة لها ..

انت ناوي تجربها..؟

^
نعم باذن الله , ناوي اجرب كل العاب القوية اللي فاتتني

wave/
وينكم شباب. حتى موضوع الدردشة ميّت ...

أمس إشتريت الجهاز ^_^
خذيت معاه فورزا 3 , Alan wake وحاليا جالس أنزل تيلز أوف فيسبيريا
مشكوررين على النصائح شباب

^
مبروك وتتهنى بأروع لعبة ار بي جي في هذا الجيل ^_^

شكلي بشوف صورة يوري في بروفايلك قريب :)

اقتباس:

---

المشاركة الأصلية كتبت بواسطة LightYear

أمس إشتريت الجهاز ^_^
خذيت معاه فورزا 3 , Alan wake وحاليا جالس أنزل تيلز أوف فيسبيريا
مشكوررين على النصائح شباب

---

مبروك يالايت. أقعد فحط في فورزا ^^. وقلي اذا الان ويك مرة خطيرة. صراحة اكره العاب الرعب ماعدا ريزدنت ايفل (آخر شي كود فيرونكا بالنسبة لي) و داينو كرايسس على السوني 1 .,.
----------------------------------------
على سيرة فورزا. شوفوا ايش سويت من زمان.(سجلت الريوايند. راح عن بالي الإعادة من بعد ما أخلص. كان طلع اوضح) ان شاء الله يكون باين.,.
http://www.youtube.com/watch?v=EKFdSVo5024
هذي اللفة مدري كيف جات معاي ^^. كنت داعس وجات اللفة وماكان فيه وقت اهدي. اتشهدت ومدري كيف جات معاي ...

شباب ساعدون شو اختار وشو الاحسن Xbox ولا Wii
ونشالله تساعدووني في هذا المشكله و لانكم خبراء فهذا المجال

ايهما الافضل فكل شي Xbox او ؟Wii

بالراحة اكسبوكس ^^. اذا تحب نظام الويي تقدر تشتري بَنْدل الاكسبوكس مع الكِنيكت ...

اقتباس:

---

ايهما الافضل فكل شي Xbox او ؟Wii

---

ما تقدر قارن بينهم الاثنان لهم متعة خاصة , شوف العاب الحصرية للجهازين و قارن ايش يعجبك , مع اخذ الجرافيك بعين الاعتبار

====

شباب اذا لحد الان ما سويتو موضوع العاب الشهر القادم , اتركوا المهمة علي

قودلك تومين ^^ ...

اقتباس:

---

شباب اذا لحد الان ما سويتو موضوع العاب الشهر القادم , اتركوا المهمة علي

---

اوكي انتظر الموضوع ^_^

اقتباس:

---

ايهما الافضل فكل شي Xbox او ؟Wii

---

تكنلوجيا الاكسبوكس هو الافضل
انصحك تشتري اكسبوكس راح يملئ عينك وتلعب وانت مستانس

يعني شو الاحسن XBOX اوWII
رد ابسرعه :33:

خاوني انا اول مره اشارك ف منتديات و بغيت منكم مساعده وين ارووم اكتب المواضيع
ترا ابا اكتب بعض مواضيع ؟
بس اعرف كيف ارد على مواضيع الناس بس ماعرف كيف اكتب الموضوع ؟؟

اخاوني انا اول مره اشارك ف منتديات و بغيت منكم مساعده وين ارووم اكتب المواضيع
ترا ابا اكتب بعض مواضيع ؟
بس اعرف كيف ارد على مواضيع الناس بس ماعرف كيف اكتب الموضوع ؟؟

اقرا القوانين اول عشان ما تحط نفسك في مشاكل ,, بعدين تعلم تكتب مواضيع ,, و مرحباً بك الشيخ

سيرفايفر يوم تكتب موضوع قول رجاءً او بأسلوب مؤدب. أقل شي قول شكراً يوم احد يرد عليك. ولا تكرر الردود ...

على فكرة شباب انتم معقول ماتنتبهوا؟. اكثر من مرة اكتب رد فيه تعليق، رأي، سؤال.. الخ... ماأشوف اي تفاعل او رد. كأني أكلم نفسي ...

مشكوورين (:

اقتباس:

---

المشاركة الأصلية كتبت بواسطة Night Road

مبروك يالايت. أقعد فحط في فورزا ^^. وقلي اذا الان ويك مرة خطيرة. صراحة اكره العاب الرعب ماعدا ريزدنت ايفل (آخر شي كود فيرونكا بالنسبة لي) و داينو كرايسس على السوني 1 .,.
----------------------------------------
على سيرة فورزا. شوفوا ايش سويت من زمان.(سجلت الريوايند. راح عن بالي الإعادة من بعد ما أخلص. كان طلع اوضح) ان شاء الله يكون باين.,.
http://www.youtube.com/watch?v=EKFdSVo5024
هذي اللفة مدري كيف جات معاي ^^. كنت داعس وجات اللفة وماكان فيه وقت اهدي. اتشهدت ومدري كيف جات معاي ...

---

الله يبارك فيك نايت ^^ .. أنتظر الإضافتك
لووول تذكرت نفس الموقف صار معاي بس في GT5
يالنسبة لآلن ويك لين الحين ما لعبتها إن شاء الله اليوم ببدأ فيها
شباب هل التحميل يأثر على الشبكة .. أمس عانيت من اللاق والتقطيع وأنا أحمل تيلز أوف فيسبريا

^
Yep
التحميل يأثر على الشبكه طبعا ً ..
بس اعتقد انك اذا لعبت اون لاين الجهاز يوقف عن التحمل تلقائيا ً

يب. التحميل/تحديث يوقف اذا دخلت الأونلاين. يعني مثلاً اذا تلعب طور القصة التحميل حيكون شغال. اذا التحميل وقف حتلاقي جاك مكتوب في الشاشة انه الداونلود توقف .,.
ان شاء الله أضيفك بس من زمان ماشغلت الاكسبوكس. قاعد العب في الثاني .,.
أمس من بعد ماذكرتني بفورزا وشفت المقطع حقي على طول أضفت فورزا البلاتنيوم اديشن مع باقي الأشياء الي طالبها. بعدها شغلت كاستلفينيا وعلى طول كنسلت طلب فورزا واخذت بداله كاستلفينيا ^^ ...

<----- قاعد يشاهد ملخص E3 في احدى القنوات الفرنسية ^^

صراحةً ماتوقعت ماس ايفيكت كذه.... فاقت جميع توقعاتي. اللعبة من جد روعة. اليوم قاعد كم ساعة العبها وعجبتني بشكل كبير. الله يستر شكلي بشتري ماس ايفيكت 2. الشهر هذا فلست من جد .,.
----------------------
نين وينك. كلمتك اكثر من مرة ماترد؟ ...

^^
نايت اللعبة ار بي جي ؟ , وكيف طريقة اللعب ؟

همم انا ما اعتبرها نهائياً ار بي جي. اعتبرها اكشن/شوتر. بس فيها أشياء من الار بي جي. زي مثلاً انه معاك أثين تختارهم وفيه زي الابيليتيز عندهم وعندك. كل ماتاخذ اكس بي كل ماتقدر تضيف نقاط وتزيد الطاقة/القوة. الخ... طبعاً يجيك أسلحة وتطور أسلحة .,.
يعني فيها من الار بي جي بس انها مش ار بي جي. اللعبة من جد روعة .,.
طبعاً القصة مرة عميقة. يعني لو تقعد تقرأ المعلومات الي تجيك والي تكتشفها من جد حتدخل جو مع القصة وتنسى الوقت .,.
الباتل/كومبات من جد حماس وتكتكة نوعاً ما. طبعاً يكون معاك اثنين في التيم. تقدر من الدي باد تعطيهم اوامر. تقدر ترسلهم قدام او تخليهم ياخذوا كفر او يجوا عندك. تقدر تغير السلاح خلال المعركة، او تستخدم أحد الحركات الي تجيك من الابيليتيز الي فكيتها بالنقاط (توقف اللعبة في الحالتين وانت ضاغط على الزر ار بي او ال تي). طبعاً يحتاج لها تكتيك يعني مو بس طاخ وطيخ. لأنه حيروح الشيلد منك ومن الي معاك اذا مااخذتوا كفر. بعدها حيصير الدمج ينقص من هيلثك وحتموت نوعاً ما بسرعة اذا ماتخبيت .,.
برضه زي العاب الاكشن/شوترز التصويب. يعني تقدر مثلاً تفك الزوم او بدون وتطلق على الأعداء. تقدر ترمي قنبلة وتخليها تنفجر لحالها او انت تفجرها. (أحلى شي عندي السنايبر. في اي لعبة تلاقيني سنايبر^^) .,.
اللعبة تعتمد على اختياراتك في المواقف. يعني مثلاً تقدر تاخذ فلوس مقابل انك ماتبلغ عن واحد. او انك ماتاخذ رشوى وتبلغ عليه. هذا شي رائع انه يكون في كانسكوينس لبعض قراراتك .,.
هذي نبذة سريعة عن اللعبة من بعد مالعبتها (باقي في البداية. تقريباً 4 ساعات لعبت اليوم) ...

صراحة حمستني للعبة

يعطيك العافية على الشرح المميز ^^

كيف حالكم شباب

اليوم بديت ألعب تيلز أوف فيسبريا ... تقريبا كملت حوالي 3 ساعات لعب ... بصراحة اللعبة شدتني جدا من كل النواحي
رغم إني ما لعبت غير 3 ساعات ( طبعا ما تكفي عشان تحكم على لعبة أربيجي ) ... أحس أن القصة , الشخصيات , الحوارات كلها تشد اللاعب عشان يكمل اللعبة من أول ساعة لعب
..هذي اللعبة هي الحلم لكل شخص يحب أربيجي ويحس أن معظم ألعاب هذا الجيل ما قدمت له التجربة "المميزة "... بعد ما أختمها بقرر إذا كانت تستحق لقب أفضل لعبة أربيجي لهذا الجيل (ولو إني حاس إنها تستحق وبجدارة )

اقتباس:

---

المشاركة الأصلية كتبت بواسطة TwOMeN

صراحة حمستني للعبة

يعطيك العافية على الشرح المميز ^^

---

الله يعافيك يارب. وعقبال ماتختمها ^^.,.

اقتباس:

---

المشاركة الأصلية كتبت بواسطة LightYear

كيف حالكم شباب

اليوم بديت ألعب تيلز أوف فيسبريا ... تقريبا كملت حوالي 3 ساعات لعب ... بصراحة اللعبة شدتني جدا من كل النواحي
رغم إني ما لعبت غير 3 ساعات ( طبعا ما تكفي عشان تحكم على لعبة أربيجي ) ... أحس أن القصة , الشخصيات , الحوارات كلها تشد اللاعب عشان يكمل اللعبة من أول ساعة لعب
..هذي اللعبة هي الحلم لكل شخص يحب أربيجي ويحس أن معظم ألعاب هذا الجيل ما قدمت له التجربة "المميزة "... بعد ما أختمها بقرر إذا كانت تستحق لقب أفضل لعبة أربيجي لهذا الجيل (ولو إني حاس إنها تستحق وبجدارة )

---

الحمد لله. وانت ايش جديدك مع الان ويك؟ .,.
تيلز ان شاء الله ناوي العبها بس اخلص ماس ايفيكت. بس اللعبة اكشن-ار بي جي، مو ار بي جي ^^ ...

قاعد اتصفح ومر عليّ دعاية واو. العب 7 أيام ببلاش عشان الباتش الجديد فايرلاند. قاعد افكر العب الفترة المجانية. بس عندي أشياء كثير أسويها + كم لعبة اخلصها. همممم. الوقت مُشكلة ...

بسم الله الرحمن الرحيم
اخواني اعزاء انا بغيت اسئلكم انتو لانكم خبراء في هذا المجال فلجيت عندكم
انا الحين اريد ان اشتري شيئان ولاكني اريد الافضل و احدث فايهما افضل لاشتري xbox ام
wii
انا حبيتهم هذان لعبتان ولاكني ساشتري لعبه واحد اريد ان اعرف لماذا و وبتفاصيل
اخواني مب الي عنده اكس بوكس يقوول اكس بوكس لا قوولولي الافضل
يعني وش احسن ؟ اي واحد الاحدث ؟وكم كنترول يجي معهما ؟ كم سعرهما ؟ وكم سعر الاشرطه ؟
وش البرامج الي فيه ؟وكم اسعار الكوبي والأصلي؟
انا حمود من الامارات
شكرا جزيلا ................

وعليكم السلام ورحمة الله وبركاته
اخوي الكريم .... من الناحيه التقنيه مايصير نقارن بين الجهازين لانه وبكل وضوح وضح الشمس انه الاكسبوكس هو الاقوى من الوي بكثير
احدث من الوي اقوى منه رسوميا ومدعم بشبكه اونلاين ممتازه ومن اقوى الشباكات حاليا نقدر نقول هي الاقوى حاليا
من ناحية المتعه كل جهاز له العابه الممتعه وكل جهاز له حصرياته والوي كمان له حصريات لا يستهان بها طبعا
من هنا اقول نصيحتي لك بما انك اول مره راح تشتري جهاز اشتري جهاز اللي راح تلعب بيه مده طويله والعابه على طول تنزل
انصحك بالاكسبوكس 360 مشان لا تشتري الوي وبعدين تجي تقول انهيت حصرياته وبعدها مليت مفيش العاب قويه تنزل عليه ... هدا المنطق
الجهاز يجي معاه يد تحكم وحده وسلك الصوره وسلك الانترنت وبطاريتين
اي شي ثاني ان شاء الله انا خاضر

مشكوور اخوي على رد

بسم الله الرحمن الرحيم
اخواني اعزاء انا بغيت اسئلكم انتو لانكم خبراء في هذا المجال فلجيت عندكم
انا الحين اريد ان اشتري شيئان ولاكني اريد الافضل و احدث فايهما افضل لاشتري xbox ام
wii
انا حبيتهم هذان لعبتان ولاكني ساشتري لعبه واحد اريد ان اعرف لماذا و وبتفاصيل
اخواني مب الي عنده اكس بوكس يقوول اكس بوكس لا قوولولي الافضل
يعني وش احسن ؟ اي واحد الاحدث ؟وكم كنترول يجي معهما ؟ كم سعرهما ؟ وكم سعر الاشرطه ؟
وش البرامج الي فيه ؟وكم اسعار الكوبي والأصلي؟
انا حمود من الامارات
شكرا جزيلا ................

مستحيل تقارن الوي بالاكس بوكس لانه كل جهاز له طريقة تحكمه الخاصة

انت شوف حصريات كل جهاز و الاعاب الصادرة عليه و شوف وش يعجبك

اذا كنت تبي تلعب اونلاين أو حاب العاب قوية من ناحية الجرافيك فما عليك الا اختيار الاكس بوكس

اما اذا ماكان يهمك ماذكرته فوق و تهتم بطريقة التحكم في الويي كما انك راح تلقى متعة اكبر في اللعب مع الاصدقاء

عن طريق هذا الجهاز مع ان الكينكت يمكن يحل محله , الان الامر راجع لك

شوف المواضيع المثبتة في القسم لتعرف اكثر عن الكينكت و الاكس بوكس

تومين لا تعب نفسك وترد عليه .. اليوم رديت على استفساراته على الخاص وكل الي لقيته منه السب والشتم على العموم ما يهم هالنوعيه مرت علي في حياتي كثير ... الله يهديه ويصلح باله ^_^

اقتباس:

---

المشاركة الأصلية كتبت بواسطة selverdoom

بسم الله الرحمن الرحيم
اخواني اعزاء انا بغيت اسئلكم انتو لانكم خبراء في هذا المجال فلجيت عندكم
انا الحين اريد ان اشتري شيئان ولاكني اريد الافضل و احدث فايهما افضل لاشتري xbox ام
wii
انا حبيتهم هذان لعبتان ولاكني ساشتري لعبه واحد اريد ان اعرف لماذا و وبتفاصيل
اخواني مب الي عنده اكس بوكس يقوول اكس بوكس لا قوولولي الافضل
يعني وش احسن ؟ اي واحد الاحدث ؟وكم كنترول يجي معهما ؟ كم سعرهما ؟ وكم سعر الاشرطه ؟
وش البرامج الي فيه ؟وكم اسعار الكوبي والأصلي؟
انا حمود من الامارات
شكرا جزيلا ................

---

اخوي ردينا على ستفسارك ليش مص تعيد طرحه

انا قلتلك اسف اتخيل انت ساعدتني ليش بسبك اكيد مب انا هذا اربيعي الي كان وياي فارجوا انك ماتفهم غلط وتسامحني

اقتباس:

---

تومين لا تعب نفسك وترد عليه .. اليوم رديت على استفساراته على الخاص وكل الي لقيته منه السب والشتم على العموم ما يهم هالنوعيه مرت علي في حياتي كثير ... الله يهديه ويصلح باله ^_^

---

انت نويت خيرا وساعدته لايت ,فلا داعي للانزعاج من امثاله

هلا شباب
كيفكوووون ......ان شاء الله طيبين؟؟

هلا وغلا بالماتدور .......... , اخباركم يا شباب الاكس والله من زمان عنكم << الى الان مصر ما يسوي قيمر تاق خخخخخ

شباب حصلت ابليكشن اكس بوكس لايف للأندرويد مرة خطير تقدر تدخل على البروفايل وتشوف ايش اللي حاصل مين اونليان ايش قاعد يلعب , ترسل مسجات , تضيف العالم , تشوف النقاط اللي عندك ... إلخ
صراحة ابليكشن ممتاز وانصح اي احد يستخدم نظام اندرويد ينزله من هنا

كنت ادور عليه مده ومالقيته
جزاك الله خيرا راح اجربه على طول بعد تحديث االاندرويد

اي ها البرامج عندي اياه من فترة, لكن اغلب ميزاته لازم تشتري البرنامج عشان تحصلها

http://cdn3.staztic.com/screenshots/...tics-220-1.jpg

اي نسخه اندرويد يطلب البرنامج
او انه يعمل مع جميع نسخ الاندروي انا لقيت مشكله في تحديث اندرويدي لوول

تيترا ... ما يحتاج تحديث , لان البرنامج يدعم جميع النسخ , حتى نسخة 1.5

اها
شكرا لك يا سنيك ^^ راح اجربه ان شاء الله

هلا شباب كيف حالكم , راح اغيب قرابة العشر ايام و راح ارجع لكم باذن الله

اذا وفقني الله راح اشتري الاكس في هذه الايام القادمة و راح ألقاكم في اللايف ان شاء الله

السلام عليكم

بالسلامه تومن ^_^

يا ساتر ليش القسم كذة مرة مهجور ؟؟
صرت احس كل ما ادخله كاني داخل صحراء تكساس ولا هاوس اوف واكس :silly:

معاك حق
المشكله تتمحور حول الوجود المنعدم للاعضاء
مهما حاولنا ننشط القسم هو رايح للاسوء الله يستر شو حصل /=

لازملنا حاجة نسويها علشان ننشط القسم
نسوي مسابقة ولا مجلة ولا اي حاجة تخلي القسم يتحرك شوي
انا هلأ راح اطلع خليني ارجع وبحكيلك كم حل براسي يمكن يساعد على تحريك القسم

Knight
انا مستعد اساعدك باذن الله لما ترجع دز لي رساله بالمشاريع اللي فبالك وانا بحاول اشوف بدوري ^^

فعلا قسم الاكس بوكس فيه خمول مو طبيعي يحتاج تحريك

انا اقترح عمل بطولات ومسابقات في اللايف بين الاعضاء

او فتح قسم خاص بالـ XBOX LIVE تقام فيه بطولات ومسابقات بالالعاب مثلا GOW و COD و Halo

ولا ننسى المحفزات لتشجيع الاعضاء على النشاط في القسم ( كمثال اوسمه خاصه بالكلانات او المجموعات الفائزه بالبطولات )

وطبعا القرار اولاً واخيراً يرجع لأدارة قسم الاكس بوكس والمنتدى

صراحة انا بشوف رايك حلو لو نسوي قسم للبطولات والتحديات بالايف ^^
خلينا نكسر روس الأعضاء ونفتفت عظامهم:12: <<<<<<<< شايف نفسو على الآخر خخخخخخخخخخ

شباب مافي احد يبغى يخاوني بكول اوف ديوتي زومبي ؟؟
طفشت من الاجانب النوب اللي يدخلو وما يعرفو ايش الطبخة >__<

^
والله ودي العب معاك لكني بطلت العاب الـ FPS ما عدا هالو :09:

بطلت تلعب FPS !!!!!!!!!!!!!!!!!!!
لا لا لا كذة انا حزعل منك :bigeyes: كانك تقولي بطلت اشرب مويه :silly:<<<<<< سلمات خخخ
طيب شباب مافي احد ثاني لسه يلعب كول اوف ديوتي يخاويني ؟؟

ZzZzZzZzZzZz هدووووووووووووووء
يا شباب ما بينفع كذة القسم مرة نايم :ponder:
شكلنا حنحول ونلعب زومبي هنا بالقسم :silly:

هههههههه اي والله القسم صاير مهجور بالفتره الاخيره
انشالله نشوف نشاط في القسم بالفتره الجايه

اما بالنسبه لبلاك اوبس انا العبه لكن الزومبي مافهمت منه شي هههه << قديم:31:
مره دخلته ولعبته بس ماني فاهم شسالفه بالضبط
يعني بالعربي الاجانب النوب اللي تقول عنهم صدقني ارحم مني << يعترف:silly:
مع كل هذا اذا تبي احد يلعب معاك ترى انا ماعندي مشكله << لا ياشيخ


:biggthump

عادي ياخوك مو مشكلة ترا الزومبي ما يبغاله حاجة بس اشرد وفك بيبان وقتل بهالزومبي
وبعدين الاجانب قد ما تفهم فيهم كل واحد يسوي اللي براسه >__< اقلها انتا عربي وحنعرف كيف نتفاهم وننسق ^_^

وبخصوص القسم انا قاعد اسويله دعاية بالايف خخخخخخخ كل ما قابلت واحد عربي اجلس اعزم فيه على المنتدى :silly:

السلام عليكم و رحمة الله وبركاته
شلون الشباب , عساكم مرتاحين؟:)
أمس اشتريت X360 Slim 250 GB , بدون الكنيكت , لعبة مجانية ( خيارات محدودة و قديمة , خذيت Konami Classic بحكم إنها الأفضل من اللسته الموضوعه )
وطبعاً خذيتلي ميمبرشيب لمدة سنة + 4000 نقطة
طبعاً هذي أول تجربة لي لشيء اسمه XBOX
الستور جميل و مريح استخدامه , فكرة Games On Demand عجبتني , ألعاب الستور أكيد كثيرة و متنوعة و حلوة
شريت Bastion , كانت عاجبتني من الفيديوهات , ما ترددت و علطول شريتها , لعبتها شوي , حلوة و تستاهل
طبعاً أخوي عنده 360 , فخذيت منه هاللسته من الألعاب , على فكرة أنا RPG Fan:biggthump

اللسته

Alan Wake
Lost Odyssey
Left4Dead
Tales Of Vesperia
Culdcept Saga
Blue Dragon
Fable II
Viva Pinata

هذي صورة الجهاز + اللعبة إلي معاه

http://i52.tinypic.com/vhcm6g.jpg

http://i54.tinypic.com/34o8x3d.jpg

مبروك اخوي الجهاز
هالنسخه يكون معاها الكينكت اقصد 250جيكا
المهم انك جربت وعجبك ان شاء الله تتهنى فيه وترتاح معاه ^^

مبرووك الجهاز ياخوي وتكسره بالعافيه انشالله

ماشاء الله قائمه العاب تكفيك دهر :D خصوصا Lost Odyssey مع انها قديمه شوي بس بتستمتع فيها بما انك RPG Fan

- اعلان -

ترقبوا مسابقة رمضان المبارك بقسم الاكس بوكس الليله ان شاء الله ..

مع تحيات ..

NiN RevO و Tetra

اقتباس:

---

المشاركة الأصلية كتبت بواسطة Tetra

مبروك اخوي الجهاز
هالنسخه يكون معاها الكينكت اقصد 250جيكا
المهم انك جربت وعجبك ان شاء الله تتهنى فيه وترتاح معاه ^^

---

الله يبارك فيك تيترا ^_^
لا بدون الكينكت
الحمد الله , مشكور عزيزي ^^

اقتباس:

---

المشاركة الأصلية كتبت بواسطة PS Player

مبرووك الجهاز ياخوي وتكسره بالعافيه انشالله

ماشاء الله قائمه العاب تكفيك دهر :D خصوصا Lost Odyssey مع انها قديمه شوي بس بتستمتع فيها بما انك RPG Fan

---

الله يبارك فيك ^^ , بس ماراح أكسره:09:
فعلاً , و هذا إلي أبيه:biggthump

رمضان كريم للجميع
يدخل عليكم بالرحمه والمغفره باذن الله تعالى

السلام عليكم ورحمة الله تعالى و بركاته

كيف حالكم شباب ان شاء الله بخير و رمضان مبارك لكل المسلمين في مختلف اقطار العالم

لي ايام قليلة راجع من السفر بس كان عندي امور خارجة عن ارادتي مسكتني عنكم

--------------------------

مبروك الجهاز توكوشي تتهنى فيه ان شاء الله , بس تبي الصراحة انت اخر واحد كنت متوقعه يشتري الجهاز xD

اقتباس:

---

المشاركة الأصلية كتبت بواسطة TwOMeN

مبروك الجهاز توكوشي تتهنى فيه ان شاء الله , بس تبي الصراحة انت اخر واحد كنت متوقعه يشتري الجهاز xD

---

الله يبارك فيك تومين ^^ , لول ليش؟:28:

مبروك توكي

ورمضان كريم

Hallo guys ^^
ادري مختفي من فترة وما استحي على وجهي >__< بس الفترة اللي راحت كنت مشغول بالسفر والتسجيل والحين ولله الحمد خلصت كل حاجة علي ^^
وبعدين ما شاء الله اشوف الشباب شادين حيلهم مسابقات وحركات الله يعطيكم العافية ^^

^
أهلاً بعودتك عزيزي:)

http://ecx.images-amazon.com/images/...500_AA300_.jpg

http://ecx.images-amazon.com/images/...IL._AA300_.jpg

http://ecx.images-amazon.com/images/I/61bmEXD1RLL.jpg

عجبني!
بس المشكله سعره غالي , حوالي 73 دولار + وزنه 5.8 باوند , بس عجبني الشكل

شباب منو جرب ديمو Driver ?

انا امس نزلته وبعد التجربه اول شي حسيت فيه هو اني قاعد العب Burnout Paradise على نظام شرطه ومطاردات

بصراحه يعني ماحسيت بنكهة درايفر الاول

التحكم لاباس فيه بس انعطاف السيارة لليمين او اليسار ثقيل حيل لدرجة انه ضروري انك تسحب Hand Break في كل لفه

اكثر شي غثني انه مافي Free Playing

يعني عندك مهمة ولازم تنجزها بحيث انهم حاطين لك وقت تقريبا 3 دقايق

يعني مايمديك تستكشف وتفتر بالماب

فاتحين تقريبا 10% من الماب

ثلاث اطوار تقدر تلعب فيهم بالديمو وخمس سيارات

واو الكفر عجيب توكو لو مكملها بالرابط افضل

عاد هالجم يوم قاعد افكر بستيكر حق الاكس بوكس

بسبب البصمات الواضحه على الجهاز

مادري مايكروسوفت مافكروا يعني بسالفه البصمات لم اختاروا نوعيه الفنش قلوسي

انا من البدايه حاط ببالي هالسالفه وكنت مفكر اخذ 4GB اللي اهو Matte واحط له هارد 250GB لكني تسرعت الظاهر :33:

اقتباس:

---

المشاركة الأصلية كتبت بواسطة PS Player

واو الكفر عجيب توكو لو مكملها بالرابط افضل

عاد هالجم يوم قاعد افكر بستيكر حق الاكس بوكس

بسبب البصمات الواضحه على الجهاز

مادري مايكروسوفت مافكروا يعني بسالفه البصمات لم اختاروا نوعيه الفنش قلوسي

انا من البدايه حاط ببالي هالسالفه وكنت مفكر اخذ 4GB اللي اهو Matte واحط له هارد 250GB لكني تسرعت الظاهر :33:

---

أوبس نسيت أحطه , هنا
أنا بعد قاعد أدور على كفر , ولقيت هذا وعجبني , بس وزنه كبير , بجانب سعره

تعديل : هذي صفحة لنفس فكرة السكينز

تعديل آخر :هذي صفحة رهيييييبة للسكينز , في حتى على ألعاب نينتيندو و سوني

^
لقيته ينباع عندنا بالخبر بس تصدق ما سألت راعي المحل كم سعره .. S:

http://i565.photobucket.com/albums/s...7/450b4939.jpg

شرفونا:)

* طق طق *
* يمين يسار ..*

السلام عليكم و رحمة الله و بركاته

*أول مره تدخل قسم الأكس بوكس *XD

كيف الحال إن شاء الله بخير .. ؟! الله يتقبل منا صالح الأعمال يارب ^_^

لو سمحتوا بما أنه أول مره أدخل القسم و مالي خبره نهائياً بالجهاز أتمنى مساعدتكم لي ..
أنا قررت أشتري إن شاء الله Xbox kinect

و ش أفضل أشتري pal أو ntc ؟؟

انا راح اطلبه من امازون إذا كان الntc أفضل
لأن الألعاب اللي فاتتني على الأكس بوكس كثيره -_-
و مالقاها بالسوق ( PAL )
و العاب ال NTC اقدر احصلها


فأتمنى تنصحوني لو سمحتوا عشان اعايد اخواني فيه <<< هي اللي بالتعيد فيه XD

تطلبينه من آمازون؟! , والوزن أكيد حاسبتله ألف حساب؟ , لأن وزنه ثقيل