ملتقى وتجمعات لعبة star wars: the old republic او بإختصار SWTOR

شوف لك حل مع الشنب خلي لوعه ينقي لك الستايل..

تعرف رقم يوشي ؟ دق عليه خله يدخل يمسح الصور وبعدين نتكلم باللعبه ، الحين خله يدخل ويمسح ، دق عليه لو نايم قعده غصب

مشكور جيرمي على التحديثات

شكل اللعب بتتطور للأفضل وتكون أحلى
تغييرات جميله وتحمس
الله ياخذ البنك الزفت الغو فيزا الأنترنت ويبغالي اكلمهم عشان اطلع غيرها قبل مايخلص اشتراكي واتوهق في التجديد

جيلد وار 2 انا شاريها منذ مبطي واحلى مافيها انها بدون اشتراك شهري مثل بقية الالعاب

تتوقع ياجيرمي اننا نترك ستارووز عشان عيون جيلد وار2 وإلا لا

أنتم بتتركونها بس أنا متكي معاها لين تجي تايتان ... أنا بكل الحالات وفي كل لعبه MMORPG ألعب هيلار وبعدين أحول على تانك..... صعبه أروح لعبه مافيها تانك وهيلر وكل شي سهل في الTrade chat ....LF8 PPL for .. ماتسوى علي.. يجي مثلاً المسمار أقوى Damage تلقى الكل بالقروب مسمار ... أنا ليش ألفل DPS وفي الأخير Low DMGوإلي شفته بالجيم بلاي سيث واريور أكثر حماس.. وفي شي لاحظته من معجبين جيلد أ, وار 2 يقولون ستاروارز كرت شاشه من ثلاث سنين يشغله ...... هذا الشي خلى ردود كثيرة معظمها من صالح ستاروارز .... ومنها إذا أنت ولد نعمة غيرك لا ...... تخيل نفسك عندك PC من 5 سنيني وتعيش على المكافأه وفجئة تجيك جيلد أوف وار ولا قادر تلعبها... مأضنه شي في صالحهم....
مشكلة ستار وارز إنهم إلى الأن ما دعمو الPVP بشكل مقنع ... انا بكل الحالات معندي مشكلة لإني PVE وياليتهم يحطون DUmmy علشان نحسب ونخطط .... ميزة ستار وارز أنا إلى الحين مأدري GW2 زيها ولا لا ,, موضع التلفيل يخليك تحس بأنك مميز عن الكل وتقدر تسلك منحنى مختلف ومعاك مساعدين لهم حياتهم الخاصة.... صحيح البقات مليانه بس هم يحاولون ويستمعون للاعبين ويحاولون بقدر الإمكان بأنهم يخلون اللا عبين مايعتمدون على الأدونز ............ وارأشيف أنتو جربو رايد بستار وشوفو الفرق لا تعتمد على الفديوز أنت لما تجرب كل شي غير...

انت يا كبتن جيرمي عندك عقده من ووركرافت

الا وهي التانك والهيلر

شوف نظام الجديد مافي تانك ولا هيلر ولكن مو معناته انك مافي تانك او هيلر نهائيا

يعني لو تشوف الافلام راح تشوف شخص يمسك الموبات على طول و تشوف الشباب الثانيين يضربون لكن مايجيهم الموب او البوس ليش ؟

سؤال حير حتى العلماء والكتاب والمفكرون , ولكن الحل وين ؟ ماكو غيره ملك ملوك افريقيا قصدي ملك ملوك الالعاب

رفيجي اللي عروقه بالماي قال "اللي يبدأ بالمعركه يكون اهو التانك"

يعني احنا مثلا 5 dps حلو

انا اقولكم بروح اصير تانك اوكي , تقولون اوكي , اروح واهجم الاول بدون ما استخدم شي معين , نفس حركه تعطيني اجرو او taunt او غيره

عرفت , يعني الاول يهجم اهو راح يكون التانك , طبعا في شي مهم , الا وهو ان بعض البوسات عندك حركات الراندوم , يعني يضرب اي لاعب بالفريق عاد , وبالحاله هذي انت ماتسوي taunt او تحاول تسحب البوس , اهو رفيجك اللي بالقروب يحاول يتحاشى الضربات من البوس

عرفت الحين شلون التانك , اهي مو مجربه ولكن رفيجي اللي عروقه بالماي قدس سره يقول هذي الطريقه , ومن الافلام اللي يشوفها ليل نهار استنتجد ان طريقه التانك راح تكون بالشكل هذا , منو يهجم اول اهو اللي راح يكون التانك

طبعا كلكم dps مو لازم واحد لابس جير تانك عشان يكون تانك

الهيلر نفس الشي , كل اللاعبين هيلر وعندهم هيل

ولكن بعطيك مثل عشان تفهم الطريقه

اتمنى اول شي انك فهمت طريقه التانك , اذا مافهمتها قولي ولا تستحي عشان اعطيك بالتفصيل الممل

نجي على الهيلر

الهيلر كل الشخصيات يكونون هيلر , لكن مو هيلر متخصص

كل لاعب يقدر يعطي هيل 2 الى 5%

يعني انا لو طاقتي 10000 عشره الاف وعملت هيل اوفر تايم راح يجيني 200 بس او اكثر شوي

طبعا ال10.000 مثال مو صج

لما تجيني ال200 وانا خارج الدنجن او الرايد راح تكفي الا اذا كانوا علي 5 وفوق

اما بالدنجن لما تكون 200 ماراح تسوي شي ؟ لذلك كل الشباب عندهم هيل , وراح يكون الهيل جماعي

يعني مثلا احنا 5 بالدنجن , كل واحد لازم يشتغل بروحه ويستخدم شخصيته احسن استخدام , لما انا استخدم الهيل واعطي نفسي والشباب 200 تروح انت وتستخدم الهيل الجماعي بعد وتعطي نفسك والشباب 200 والاخ الثالث والرابع نفس الطريقه

نتشارك بالهيل لغايه مايوصل الهيل 1000 وبالحاله هذي ننقذ انفسنا ونكون قاعدين نلعب لعبه جماعيه 100%

ووركرافت صحيح يقولون انها لعبه جماعيه , ولكن لو تجي بالتفصيل ماتشوفها جماعيه , لأن الهيلر بروح والتانك بروح والدي بي اس بروحهم

كل واحد مهتم بشي يسويه , ولكن جيلد وور2 تنطبق عليها كلمه لعبه جماعيه , لأنك انت يا جيرمي تقدر تعدل النتيجه باللعبه

عكس ووركرافت وغيرها اذا مات التانك رحتوا فيها , او مات الهيلر رحتوا فيها واذا ماتوا الدي بي اس هم رحتوا فيها لأنك بتقعدون يوم عشان تذبحون البوس وهذا اذا كان التانك والهيلر لابسين صح

لذلك جيلد وور2 تخليك انت تقلب النتيجه مو شرط يكون الفريق كامل , انت تدخل وتصير تانك وهيلر و دي بي اس

لعب جماعي من البدايه الى النهايه , كل واحد مهتم بنفسه وبنفس الوقت مهتم بالفريق , يموت التانك يجي الثاني من الفريق ويمسك مكانه , يموت هيلر الباقي يكونون هيلر

يعني لعبه جماعيه 100%


هذا والسلام عليكم ورحمه الله وبركاته

جيرمي اللعبه ناطريها ملايين

من الصحرا الى الصحرا

لعبه ماقدروا يصيدون عليها غلطه او عيب

نفسك انا بسالفه التانك والهيلر مع اني في ووركرافت كنت تانك طول عمري , ولكن من عرفت سالفه جيلد وور2 عرفت انها لعبه قويه ولا فيها شي غلط

كل هذي الامه تنطر اللعبه وتقول انك بتقعد في ستار وورز

غريبه والله

تقول ماكو تانك ولا هيلر , في تانك وهيلر ولكن مو شي ضروري لأن مايبونك تقعد 5 ساعات تنطر تانك او هيلر

نفس ايام ووركرافت قبل يربطون السيرفرات مع بعض

ونفس ستار وورز لما تدخل وتشوف بالفليت 3 اونلاين , 2 منهم لفل 20

عرفت شلون , ولاتنسى سالفه WvW وانا اشك انهم مسوين الpve نفس الطريقه تاخذ من العالم والسيرفرات الثانيه عشان تروح رايدات


لا انت لما الحين عقده ووركرافت براسك

عزيزي فهد على الأقل تحس إنك لك قيمة تعال حبي ياتنوكي ... عمري أنت يالهيلر ..... تقنعني فهد بإنك لو تلعب بGW2 وأنت في رايد عند بوسس تلقى إلي معاك مفتحين ويأخذونه عنك لين تتهيل وترجع..... معصي ..... أقعد 5 ساعات بس أحس لما أكون في جيلد ولا في قروب أني مهم... عندنا بالسيرفر بستار نعاني من الDPS أحياناً ما نلقى والباقي موجود تلقى تانك وهيلر........ أنت لما تكون نفس إلي معاك = مالك قيمة بدل ال DPS .... 10000 بس لما تكون تانك مثلاً ويكون الكل وراك خايفين لا يكفخ فيهم البوس ولا تكون هيلر وتقول لا تخليني أخسرك وأنت تصلح .... هنا الكلام.... وسالفه مافيه CC يعني زي مايقولن شختك بختك ...... أضرب إلي تبي تنك إلي تبي شغل عشوائي ولا فيه تربيط Sap بل ال BG's مافيه حماس إطلاقاً ... ولا تخاف اللعبه يحسبونها بعدد الاعبين .. يعني بتبقى واو المركز الأول... وإذا مايقدرون يصيدون عليها غلطه أو عيب خليها تنزل ونشوف.

إلي أقدر أقوله عط سداح فرصة ستار وارز إستعجلو ونزلوها بسرعه علشان كذا البقات وال BG's .... والحين مع الباتش الجاي في بصيص أمل....


فهد إفرض عدد لاعبين GW2 ......يساوي 5 ملاين... بتقنعني كلهم سكل و عندهم مخ..... إنت جربت كم لعبه MMoRPG .. معصي..... وخصوصاً عندك في Gw2 لما يحتاج الواحد بشغل مخة ويعتمد على نفسة...... كان معاي بريست في واو بعد 3 سنين توه يدري بإنه عنده سبيل ينقص الدمج بنسبة 90% ... هذي عينة بسيطة ... كلفنا 10 وايبات علشان هذي الشغلة وكان أوفيسر....

انا بدأت اشك فيك بصراحه

انت يا جاسوس او جاسوس ستار وورز


خلني اروح اتفطر أذن الحين وبعدين نتكلم

مأدري اللغه ليست واضحه؟؟

اخوي جيرمي
انت ليش من اولها قامط على اللعبه عشان مافيه تانك ومافيه هيلر ومافيه تصير تانك مدلع او هيلر محبوب الجماهير
انت عطي اللعبه فرصه اول ماتنزل وجربها وبعد ماتتعمق فيها وقتها قووول رأيك وسوي اللي تبيه
لكن الهجوم على اللعبه وهي بعدها مانزلت ولا جربناها ماهو حكم صحيح

انا مثلا اول مانزلت ستارزوور وشفت مقاطع الفيديو قعدت اسب فيها وانها خايسه وتقليد لواو
الحين انا شريت اللعبه وجربتها ولعبتها وفليتها وشفت اني كنت غلطان واللعبه ممتعه وان كان فيها عرق خايس من واو من ناحية البالانس والانتظار للحصول على قروب للعب
غير انه PVP اللي اعشقه واللي يجري في دمي ماخشيته في ستارزوور الا مرات معدوده لانه ابدا ابدا مايحمس مثل واو ومع كذا اشوف اللعبه حلوه وكويسه

فوق كذا
انا اقولها من الحين
اعتقادي الشديد بأنه لعبة جيلد وار 2 مخصوصه للعيبه PVP بشكل كبير وانه PVE بشكل ثانوي لكن بإهتمام كبير
هذه الاسباب تخليني اعشق اللعبه من الحين وقبل صدورها وخاصه بعد ماشفت المقاطع الجديده للواريرو وكيف انه كل سلاح له سبلات وحركات تختلف عن كل سلاح ثاني
وانه فيها بالانس وماراح تكره نفسك لما تقابل هيلر او تانك في الباتل وفوقه 5 يحاولون يذبحونه ومو راضي يموت

عموما اللعبه في مخباتي شريتها قبل ما يكنسل البنك الزفت الفيزا وراح انتظر جيلد وار 2 على أحر من الجمر وبفارغ الصبر
الجهاز حاط فيه 10 الاف ريال مو من فراغ خخخخخ

هل تعلم وارأشيف اللعبة الوحيدة إلي شفت لها عروض وفيديوز هي GW2 .. ألباقي شختك بختك أشتري على عماها......................... وانا الشي إلي أشوفه بالأول الجيم بلاي ولا أحب أشوف العرض.... وأركز بشكل عام على توافق الجرافيك وحركة الشخصية ... تيييرا مثلاً الجرفيك أحلى من ستار وجيلد أوف وار بس المشكلة حركة الشخصيات كأنك تلعب لعبه كوريه على الأركيد ..... الصوت والإنيميشن يساعد مرة ... Aion كانت جرافيك وتصميم الشخصيات أعتبرة إلى الأن الأفضل بس خلنا ساكتين.... أنا مقدم على البيتا ونشوف .... GW2 تبقى أول لعبه أشوف لها فيديو وأشوف لها مقارنات وأقدم على البيتا كي ...


صحيح ستاروارز تحس بإنهم قلدوا واو شويتين بس مافيه شي يختلف في ألعاب الMMORPG نفس الشي مهما كان... الشات الجروبات البيع والشراء الدناجن والريدات..... بس الحلو فيها القصة تبقى موجودة حتى بالرايد ...... الكويستات صحيح إنها طويلاة بس على الأقل تدري عنها ... الشي إلى بقى بجيلد أوف وار 2 الكويستات أنا إلى الحين ما شفت شي بس إذا طلعوا على واو..... إسمح لي... لأول مرة أحس بإنه عندي شخصية ألعب فيها وتبقى مهمة باللعبة.... أفضل من تكون عندي شخصية أقطها على باور لفل لأنه مافرقت أصلاًً ...............

جيلد وور 2 مختلفه اختلاف كلي عن ووركرافت و ستار وورز

جيلد وور 2 يااخي الناس قاعدين يشتغلون فيها من تقريبا 10 سنين , و بين فتره وفتره يسربون مقطع ولما تشوفه تعرف ان اللعبه قويه مو حشو مثل ايج اوف كونان او مادري شسمها

والحين حاطيلك البيتا تشوف المدن والرسم والامور هذي كلها

تدري يا جيرمي ان ستار وورز دافعين 200 مليون على اللعبه عشان المحادثه اللي تصير بين شخصيتك و شخصيات الكمبيوتر , لما تروح تاخذ كويست وكذا تشوف المقاطع الفيديو يتكلمون فيها

هذي كلفت بايوير 200 مليون

تدري ان جيلد وور 2 عندهم نفس الشي هذا واكثر ولكن اللي مستغرب منه انا وكل اللي عندي اهو كم دافعين جيلد وور 2 على هالشي وشلون راح يعوضون , اذا ستار وورز اعلنت انهم ادفعوا 200 مليون بس عالكلام

جيلد وور كم ادفعوا يعني ؟ مع ان الكلام عندهم اكثر واحلى من طريقه ستار وورز 2


وورشيف يقول يمكن مركزين على الpvp والpve هامشي

لا مو جذي , لأن ناس و منهم اخوي مايحب الا pve ولما بليزرد عملت رايدات سخيفه صار مدمن pvp ولكن لما دخل وشاف جيلد وور2 قال بشوف نظام الpve ولما بحث وتعمق فيه تدري شنو قال ؟

قال نفسك كلامك بس العكس , قال الشركه مركزه على الpve و الpvp هامشي

هذا معناته تدري شنو ؟ يعني اللي صمموا اللعبه او لعبه جيلد وور 2 ما نست شي ولا هضمت حق احد

اهل الpvp اذا لعبوا قالوا هاللعبه اصنعوها مخصوص لنا , ومساكين اهل الpve ماعندهم شي

واهل الpve اذا لعبوا قالوا هاللعبه مصنوعه لنا ومساكين اهل الpvp مالهم شي

ياجماعه ترى اللعبه مو شويه , والله اللعبه مو قليله عشان نختلف عليها , الناس المهتمين بالالعاب نفس النوع هذا كلهم ينتظرون جيلد وور 2 , في امور لغايه الحين ماندري عنها

وانا اقول بما ان اللعبه بدون تانك او هيلر , او نفس ماقلت اي شخص يكون تانك وهيلر ولكن بما ان اللعبه بالسهوله هذي اكيد ان في امور اكبر من مجرد تروح تذبح بوسات

يعني لو تفكر شوي وتقول الرايد اروحله بكل سهوله ومايحتاج تانك او هيلر كلنا ندخل فشنو المميز الحين اذا كنت ابحث عن التمييز ؟ يعني ادخل اذبح البوس واطلع وبعدين ؟ لازم في شي قوي لكن ما اعلنوا عنه


انا اقول لما تنزل اللعبه نحكم عليها , ولو ان من افلامها عرفنا ان الرسم والحركه والموسيقى والقصه وكل الامور هذي فوق الممتازه , بس باقي نشوف الجيم بلاي و التلفيل وشلون نروح رايدات

لا تسبقون الاحداث كلها 10 سنين وتنزل

منو مسؤول الاوسمه بالقسم هذا خلني ادق معاه صحبه ؟

فهد ماصارفايبر......

أمس قلت أتشع وأشوف فيديوز لGW2 أبي أدخلها في مخي وبعد كم فديو ماقدرت..... نظام الكويستات مختلف مأدري شلون الواحد يلفل أنتو شوفوا بنفسكم أنا أفضل كويستات لعبة شفتها SWTOR .... ويبقى الجيم بلاي سيئ بس خلينا نشوف البيتا.... نسخة الألفا ماراح تدخل اللعبة في مزاجي إطلاقاً..

أمس كنت أشوف فيديوهات لي ستاروارز مع فهد 2 على أيام نسخة ألفا إلي عرضوها تزامناً مع معرض E3.. كانو مسوي عليها ضجة ولعبه خطيرة .... لما شفت الفديو.... زين إني شريت اللعبة قبل الفديو.. مستحيل أشتريها يوم إنعرضت على نسخه ألفا , كان الحين راجع للصالة ومع يوشي في قسم كمال الأجسام.. سيئه بشكل فضيع والجيم بلاي غبي والكويستات ماتضغط Space بس تحرق الكيبورد من الملل.... الحين هي متغيرة 360 درجة عن نسخة ألفا...الدرويد إلي مأدري كم رقمه إذا تكلم ودك تجيب الوانيت ودعسه دعس.....

أنا سجلت في البيتا حق GW2 ونشوف أفضل من الألفا في تقدم....ولا لا.... تقنياً ماعجبني إلى نظام ال سيرفرات من أول موجود... مافيه شي ثاني عجبني...


فهد خش على منتدى ستاروارز وشوف العالم وش طالبين... بايوير حاطين قسم للطلبات .. يقدر إي احد يطلب شي يشوفه ناقص باللعبه.... فيه واحد طالب بإنك تقدر تستدعي ال Alt بدل المساعد....... وهم قالو علشان مشكلة السيرفرات فاضية ماراح يوعدون بخدمة نقل أو دمج سيرفرات بسبب مشكلة الأسماء بس قالو بيشتغلون بسالفه LFG finder .


ستاروارز ماطلعت نسخه من واو هي نسخه من KOTOR = Star Wars: Knights of the Old Republic نزلت عام 2003 .

ترى ستار وورز حلوه مو شويه

يعني الكلام اللي اقوله مو معناه ان ستار وورز فاشله

بالعكس احلى من ووركرافت اول ما طلعت

ووركرافت اول ماطلعت كان هيرث ستوم اللي ينقلك من مكانك الى البيت ما كان فيها

تقزرها ركض كله