عرض للطباعة
ماشاء الله من ون بيس إلى قمصان نوم إلى ذئاب بشريه إلى مسالمين إلى زقاير إلكترونيه ... كل هذا عشاني غبت يومين بس !!
المهم دام فتحت سالفة الزقارة ياخي والله اني طفران قعدت اصلح السياة إلى الآن خسرت 1000 ريال ولسى باقي حق السمكري وفي كم قطعه ماشريتها :(
خليها بالنيه الزقارة الالكترونيه بخليها الشهر الجاي ان شاء الله ^.^
لا تخاف لوعه فهد بيطلب لك معاه وبيرسلها لك هدية بDHL ... لا تشيل هم.
ديروفر بما انك قلت الكافتريا و المصري اللي يشغتل , لايكون معهد التطبيقي مال ضاحيه صباح السالم
اذكر في مصري بالكافتريا يلبس دشداشه و عبيط شوي , نسيت اسمه والله , مثل ما انت عارف خبري فيه المعهد يمكن قبل اكثر من 10 سنين , اذكر العصر نروح للكافتريا وكان مايبيع الا همجرر مال الصبح واحنا كان دوامنا العصر
بس حلو لما يكون الهمجرر شوي طايف عليه الوقت , وبعدين عاد تركنا الكفتيريا هذي ورحنا مطعم المواصلات , اول ماتطلع من المعهد روح يمين تشوف اشاره عدل اخذها يسار تشوف المطعم على ايدك اليمين , عاد تروح سيده تشوف الجمعيه يسارك
اذكر المدرس كان يطرشني اشتريله كرت اتصال دولي , كنت مضبطه بالكروت , و جبت نتيجه ولله الحمد تخرجت بأمتياز + عطوني 250 فوق الاعانه , كانت الاعانه 500 كل كورس واذا جبت امتياز تروح للأداره بالعديليه يعطونك شيك مكافأه 250 دينار
اذكر قصيت فيهم تذكره , قلت الله يجزى المعهد خير , كنت اخذ المنحه كل كورس واطير تايلند "ايام العزوبيه طبعا الحين تكنت وصرت خوش ولد" وكنت اتسلف الذكره من اي احد بالبيت
عاد وقتها اخذت منحه 250 قلت هذي التذكره الله يخلي المعهد لنا وفوقهم 500 , وطبعا تخرجت واهلي ماصدقوا اني تخرج من بعد 7 سنوات بطالي وراعي جيتي , المهم كل واحد قام يقط علي , وكل ما اطلب واحد يعطيني لأنهم قالوا نعطيه الحين وخلاص نفتك منه
لأن راح يتوظف ويفكنا , المهم كانت احلى سفره وقتها
اما الزقاره الالكترونيه هذي الله يسلمك شريتها بعد ما وصلت مرحله اللا مبالاه , يعني اسحك 3-4 باكيتات بدون ما احسن بنفسي
طبعا ماكنت مقتنع فيها نهائيا وقلت مستحيل تسوي شي حق واحد نفسي
ولكن الحين من وصلتني من تاريخ 29 الى اليوم تاريخ 4 ما طبت بحلقي زقاره عاديه ولله الحمد , حتى تعودت اني مااشم ريحه زقاره , امس رحت الدوانيه جان اشوف غيوم داخل من كثر الدخان والريحه بطت راسي , قلت ياجماعه شنو هذا ارحموا نفسكم
طبعا قبل ما كنت اشوف جذي لأني مدخن , ولكن بعدين قمت اشوف واحس بمعاناة الغير مدخن , الريحه تسد النفس
انا زقارتي مو اللي بقناة الرعب , هذي صينيه اللي تشوفها , مايمدحونها ماادري ليش
ولكن الامريكيه جوده
وبصراحه منها فايده الزقاره هذي , كل مكان تشربها ولا تزعج احد وتعطيك جوده الزقاره العاديه
يعععععع انتووو مرررررررة كخخخخخخه !!
قريبا في هذا القسم القمصان ولوفي ................. برعاية كارزان للعطور
انا بالي راح بعيد مع قمصان النوم الله يقطع ابليسكم
بس مو قمصان شرطه و دكاتره وخياس بالله هذه قمصان نوم
انا راقي شوي راح بالي في اللانجري و الايف سان لوران يقطعها من سوالف يخص عليكم مايصير هالكلام
خلكم على التواير والزقاير بس قمصان نوم تخب عليكم
بعدين يوشي سروال السنه الطويل اما القصير يسمونه هاف يابعدي شكلك ماتدري وين الله حاطك
اما اللي اقصر من الهاف يطلق عليه بحسب معايير القياس الدوليه والحربيه إسم كلوت عاد خلونا في السليم ولا يروح بالكم غلط استغفر الله
قم جب السجادة ياولد
تخيل نلبس لانجري في البيت ههههههههههههههههههههههههههه
قسم بالله ان يمحطني تمحيط ابوي بالعقال ههههههههههه
لانجري ماينفع < يتخيل الموقف !! الله يرجك ياشيخ
بعدين تعال وش صروال السنه وما السنه الحين ماحد يلبس سنه خلاص قديم انت دقه اول :28:
اغلب العالم تطورت الحين و صارت تلبس سراويل شيعه < برااااااا خخخخخخ :biggthump
شف يابعدهم خلني اعلمك
مثلا هذا لابس سروال طويل
http://up.g4z4.com/uploads/1858368aa9.jpg
والسنه او السنواي هو من اسمه ( نص ) اللى فوق الركبه يعني يوصل للفخذ فهمت ابوي :09:
شكلك ماسمعت بقصه الـ :09:
http://a7.sphotos.ak.fbcdn.net/hphot..._5138755_n.jpg
انا قلت دكتوره وشرطيه لأن الشباب مايعرفون غير سوالف الثمانينات والتسعينات , يعني تقوله لانجري يقولك يعني شنو ؟ قصدك هنجري
احنا بالكويت نسمي السروال الطويل مكسر "حط شده بين الكاف و السين"
واللي اصغر منه نسميه خري "حط كسره تحت الخاء"
واللي اصغر منه سليب
طبعا الخري في نوعين , نوع نفس المكسر بس صغير و نوع نسميه خري مصري لأن صناعته مصريه و يكون قطن ف مشت عليه
طبعا ولد بطنها رفيجي اللي عروقه بالماي , يحارب سوالف السراويل , ويطالب الناس انهم يكونون نفس 100 سنه وقبل , يعني بدون سراويل بس وزار
اهو حاليا يلبس وزار تحت الدشداشه بدون سروال
يمكن عشان يسويها وقافي بأي مكان وبدون احد يصيده ؟ مدري
المهم انا عندك كويكر شلون احطه بالتوقيع ؟ اشوف ناس تحط الكويكر مالهم بالتوقيع يكون حرف T وتضغط يوديك
احد يسويلي الشي بالفوتوشوب او مادري شلون
كوكري @felnoobs طبعا كل يوم اغيره
امس كان nightbear_
يعني سوولي بسرعه قبل مااغيره
بليزر الملايين , المشكله اتباعي و تلاميذي ملايين ولكن مافيهم الذكي , كلهم متسكعين و بطاليين وعاطليين , ودي واحد من اتباعي وزير او رئيس حكومه او شي جذي , يعني استفيد منه
انتوا حتى فوتوشوب ماتعرفون
المهم واحد يقولي شلون احط كوكري بالتوقيع , يعني مايطلع بس يطلع حرف او صوره ويضغط عليها يطلع كوكير
ثاني شي بعرف شلون يجي واحد يكتب مثلا هالجمله
اتمنى تفهمون قصدي
يكتب
مثلا يعني
تبي برنامج الكوكير اضغط هنا واذا مااشتغل ادخل هنا
شوفوا كلمه "هنا" تكون اهي الرابط بس مخفي تحت هالكلمه , شلون اسويها جذي ؟
اللي باللون الاحمر اهي كلمات تقدر تضغط عليهم ولما تضغط يودونك صفحه فيها الرابط او الموقع
ابي شلون اسوي جذي
وسلامتكم وتعيشون
انا مو باط جبدي بالسالفه كلها الا لوعه الفرقا اللي مسوي روحه فقير على باب الله
واهو من اغنى اغنياء السعوديه , والدليل ان يقطع تذاكر طيران داخلي عشان يروح معارض اللي تقام بالسعوديه عن الالعاب وهالسوالف
واخر مره وكلكم تشوفون حاط معرض وقاعد عند كوجيما مصور معاه و يحضر مؤتمرات صحفيه ويدفع فلوس عشان يتعشى بالفنادق الغاليه هذي وبالاخير يدخل هني يقول ياشيخ سيارتي مكلفه 1000 ريال ومبتلش فيها
واهو سيارته اقص ايدي اذا مو شاريها بمليون ريال ويقول مكلف التصليح 1000 ريال يعني شوفوني ترى سيارتي كرولا وحدي فقير واهو سيارته لمبرغيني مرشلاغو التاير الواحد 1500 دينار
يااخي لا تسوي روحك يعني فقير ترى صايدينك
اكثر واحد يتشكى اهو اكثر واحد يملك
وانا اقص ايدي اذا ماعندك مليون لا مو اقص ايدي اقص راسي اذا ماتملك مليون يابو مؤتمرات و فنادق
اففف مين لاعب عليك انت
اما مليون الله يسمع منك كان الحين ماتنازلت وكلمتك ههههههههههههههه
ياخوي ترى المعرض سووه بالرياض والدخول ببلاش وهذي السنه الثانيه على التوالي على كلام الشباب ^.^
ويومها تعشيت في برجر كينق كان هو ارخص مطعم قريب من المعرض وانا متحسف إلى يوم مدري ليش غاليين برجر كينق وبالله عليك شلون عرفت سيارتي والله عندك خبره في تكاليف التصليح
انا طموحي في السيارات اشتري جمس يوكن 8 مسمار واطلع به الشرقيه اقابل فهد (حقنا) ونطعس شوي مقابل الهاف مون هههههههههه
لكن انت ماشاء الله اقص يدي لو راتبك راتبك اقل من 1000 دينار وقت ما خربت سيارتك اشتريت غيرها والتواير إللي قعدت تتمسكن عليها يا شيخ اقص يدي لو انك ما غيرتها مع الجنوط بعد هههههه
المهم ماودك تباشرلي ببكت زقاير إلكترونيه كلها 50 دينار << واضح من العمله انكم كاشات
حنا الـ50 حقتناهذي لو تعشيت بها انت وخويك احمد ربك لكن الـ 50 حقتكم تجيب ذبيحه والله فرق ....
على فكرة انا طفشت من ستار وارز إللي يبي الكريدت يكلمني على الخاص وانا ادخل اللعبه واعطيه اياه ^.^
احنا ناس بسطاء على نياتنا مانعرف من هالدنيا غير العمل بالمزرعه وسجادة الصلاة
اما اللي لهم تجارب في عالم الجريمه والسرقه مغامرات الهروب من السجون مانعرفها
اذا انت ياولد بطنها قاتل مأجور محترف ومتمرس احنا زي ماقلت بسطاء
أقول متى راح نشوفك بالجيم
جيرمي ياخي وين الكويست اللي يفتح الدنجن حق الدايركتف 7 مادري شنو اسمه صح
خشيت امس من منوبه ومن اول بوس اسهل شئ وايب 5 مرات
اوف نسيت اني في منتدى واو
يوشي مشيها يامعلم ولك هديه طقم لانجري من النوع الخوقاقي بلون دم الغزال خخخخخخخخ
نسيت اقلك يا ولد بطنها
وش الفلتر إللي ضبط معك الثقيل مره وإلا اللايت ولا ألترا لايت ولا بدون ؟؟
واخذت نكهات ولا الكلاسيك بس ؟
وورشيف الخدمه لما الحين ما اشتغلت , كل يوم اتهاوش معاهم , ماخليت وسيله اتصال ما اتصلت عليهم فيها , اخر شي فضحتهم بتويتر
اليوم بروح الغي الاشتراك واروح شركتي القديمه اشترك معاهم
لوعه الفرقا
انا اول طلب طلبته كنت مااعرف الفلاتر و طلبت الترا لايت و لايت ولكن طلعوا نفس الشي من ناحيه الطعم ولكن المشكله ان اللايت و الالترا لايت للناس اللي مايدخنون كثير , يعني اهو قبل لايشتري الزقاره كان مدخن غير شرس والباكيت يقعد معاه اسبوع
الترا لايت للشخص اللي مو شرس , بس ان كنت شرس او تبي الفلتر يطول اشرب فل فليفر اللي اهو اعلى شي
قلتلي ليش عدل
حلو تعجبني سؤالك منطقي و ان دل فأنما يدل على رجاحه عقلك و نقاء سريرتك
الزقاره الالكترونيه مافيها جمره <------- ادري قديم
لذلك الاعتماد على شنو ؟ على عدد المزات , يعني الفلتر يقولون يعطيك باكيت تقريبا , او 250 مزه
انت لو تاخذ فلتر الترا لايت شنو راح يصير ؟ راح تمز وتمز و تمز لغايه ما تاخذ النيكوتين المطلوب لجسمك وبعدين تحطها في مخباتك
يعني ماتحاتي فيها جمره وتخلص و تحاول تمز منها قبل تطفي
اذا اخذت فل فليفر اللي اهي اعلى نيكوتين , راح تمز بدل ال5 مزات عشان تاخذ الكميه المطلوبه لدمك من الترا لايت , بالفل راح تمز مزه او مزتين وتشبع وتحطها في مخباتك
فهمت الفكره , اتمنى وصلت الفكره مثل ما ابي اوصلها
يعني الفل تاخذ مزه تشبع
الالترا لايت تاخذ 5 مزات عشان تشبع
والفلتر 250 مزه
يعني بالفل راح توفر , اللهم الا اول ايامك راح تمز مز لين يخلص الفلتر بساعتين لأنك مو مصدق عيونك ولا مصدق ان هالزقاره فيها كل هالامور
طبعا انا قلتلك قبل اني كنت اشرب 3 باكيتات والرابع مو بعيد
الحين فلاتري الترا لات و لايت وقاعد يقعد معاي الفلتر تقريبا يوم او يوم الا ربع
يعني تقدر تقول كل فلتر يوم يكفي , هذا الترا لايت و لايت
امس رفيجي عمل طلبيه جديده للشباب بالدوانيه , كل اللي شافوها اقتنعوا فيها وقالوا اطلب لنا , قلت مو انا روحوا لفلاني اهو ملك الطلبات الامريكيه وعنده بريد في امريكا وبريطانيا و فرنسا والصين , تخصصه طلبات من بره
المهم راحوا وطلبلهم , وانا طلبت 12 فلتر بكل النكهات و كلهم فل فليفر اعلى شي يعني , اخذت العالي بالنيكوتين عشان اشبع بسرعه بما اني تعودت على الزقاره الالكترونيه وصرت ما اسحك عشان اشوف الفلتر كم يعطيني مزه او اشوف الدخان
طلبت 12 علبه وكل علبه فيها 5 فلاتر , اذا 6 علب تكفيك شهر انا قلت شهرين احسن
بس فيها ميزه محد يحس فيها الا اللي يبخصون مثلي
شوف الحين صارلي على حد الاسبوع او 6 ايام ما شربت زقاره عاديه , و مالي نفس عليها , حتى ان شميت ريحتها تضايقت , صار حالي و حال الغير مدخن واحد , يعني ما الوم الناس لما قالوا ممنوع التدخين بالاماكن العامه , الريحه تصرع + ريحه حلقك = الناس تروح فيها
المهم انا على الريج تعرف ريحه الحلق و الزقاره اهلي يروحون فيها , عاد امس كلمت نسيبي جاي البيت ياخذ عياله وركبت معاه السياره وشميت الريحه وكرهته قلت انت شلون متحمل نفسك , المهم كلمته عن الزقاره واقتنع من اول دقيقه وقال اطلبها لي , وفعلا طلبتها له مع الشباب الثانيين
عاد السر بالزقاره شنو , انك اول مره تستعملها راح تسحك عشان تشوف الدخان و تشوف الوضع والتغير , ولكن بعد ماتتعود عليها راح تشوفها عاديه وماراح ترغب بتدخينها بشراهه , يعني تشوفها جدامك تقول خلني اخذ مزه , تمز وتحطها وتنساها ربع ساعه بعدين تمز منها
تصير مالك مزاج عليها وهذا الشي يساعدك على ترك التدخين
كل ماتطول يكون افضل الى ان يجي اليوم اللي تاخذ مزه بكل ساعتين او كل 6 ساعات
ولكن الجميل بالامر ان من 6 ايام ماشربت زقاره عاديه , ريحه البيت الحين صارت حلوه , عيالي و زوجتي وباقي اهلي مرتاحين , وانا ارتحت 4800 ماده مضره من اسبوع ماشرفوا جسمي , وان شاء الله يتنظف جسمي بالفتره القليله القادمه من هذه السموم
يعني تغير الوضع وانا اللي ماكنت مقتنع فيها نهائيا
امس قاعد بالسرير وعيالي نايمين وانا داش تويتر اقرأ و الزقاره بحلقي , ولا احد حس فيني ولا احد يدري
يااخي وناسه , صرت ادخنها بأي مكان بدون ازعاج احد
ويني عنها ايام اقعد 7 ساعات بالطياره مستعد ادفع 1000 دولار عشان اشرب زقاره
ويني عنها كان تاجرت فيها بالطياره , المزه ب100 دولار
انا جربت الكرز والتباكو والخوخ والنعناع بس
الكرز والخوخ كأنك تشرب معسل , حلوين
النعناع حلو بس تحس طبيعي 100% يعني طعمه بالحلق قوي
التباكو انا كرهته بالبدايه لأنه طعمه سيجار , بس بعدين تعودت عليه وصار حلو عندي واهو يطول اكثر من غيره تقريبا , طعمه سيجار بعدين يصير قهوه , مادري شلون
الطلبه الجايه شريت كل الانواع الفانيليا والقهوه والاناناس
بس كلهم حلوين صدقني الا التباكو ماراح يعجبك يمكن لأنه طعمه سيجار بس
يمكن تاخذ عليه ويعجبك مثلي , ولكن بالبدايه اخذ فواكه ولما ترتفع اسهم الشركات وترجع الملايين اشتر كل الانواع واقعد جربهم
بس شوف بقولك شي
انا اللي اكلمك عنها اسمها blu cigs هذي اللي استعملها
في انواع كثيره ترى ويمدحون نوع اسمه V2 و في بعد و كلهم جوده
انت شوف الاحسن والارخص , اهم شي امريكيه تكون , مو ارخص يعني صناعه ابو طقه , لا يعني مسوين عروض و خصومات تاخذها ارخص
عندك انواع اذكر منهم مالتي اللي استعلمها و v2 و green smoke
عندك نوع صيني بس درجه اولى و شفت افلام عنها ويمدحونها في امريكا و اوربا اسمها joye
http://www.youtube.com/watch?v=YCAkfQAq4uA
هذا فلمها
واللي يجربها اسمه سكوت هذا عرفته من كثر بحثي عن الزقاره وطلع اهو الافضل لأن جرب كل انواع الزقاير الالكتروني ويعطيك الخلاصه ان كانت تسوى تشتريها او لأ
وفي انواع ترى كثيره , انا الحين ناطر المعاش عشان اشتري نوع ثاني واللي اهو هذا
http://www.youtube.com/watch?v=5KNyxuZn0hU
لهجته بريطاني اصلي , ولد بطنها
كل عيال بطنها لازم يكونون مبدعين , وهالشخص ماكو زقاره ما جربها , الشركات يعطونه زقايرهم عشان يسوي تقرير لهم
المهم هذي بشتريها ان شاء الله
خلاص تركت الزقاير وبما ان الزقاير الحين صار صحي , ليش بعد ما اتعمق واجرب كل شي
اقعد اشتري زقاير ابرك من اشتري حمام واقعد فوق السطح اطيرهم , وكل يوم حمامه جديده او غامت حمامه واحد
اطيح بالزقاير ابرك