قهوة WoW .. :P

الخرمه ياطويل العمر مثل ماتقول لو انك كنت بطيارة وممنوع تدخن اول ماتنزل من الطيارة تكون حالتك (خرمان سجارة) يعني واحد يشوفك عاد تركض لغرفة التدخين يقولك وش فيك مستعجل تقوله خرمان سيجارة وبعد ماتدخن تروح الخرمه

قصدي انا ان السيجارة الالكترونيه ماطفت الخرمه 100% يعني لسى في خرمه للسجارة العاديه ولكن إلى الآن صامل مادخنتها

بالذات بعد كلامك وتشجيعك لي لن اعود مهما كلفني الثمن ^.^

بعدين هين انا لاخلصت فلاتري دقيت على الرجال وقلت له بمرك آخذ فلاتر ههههه البكت ب50 ريال يعني 5 دنانير

وطلع دوامه قريب من دوامي مايجي 400 متر بس اقر امره مشي من دوامي خخخخخـ



ايه الكلاسيك اقصد التوباكو

ايييي قصدك مقحط

احنا نقول مقحط يعني ودك علي زقاره اذا باكيتك خالص او مكان ممنوع

اي فهمتك فهمتك

بس اهم شي قوله في باكيتات او لأ خوفك لما تدق عليه يقولك خالصين

5 دنانير لل 5 فلاتر يعني الفلتر بدينار

والفلتر عن باكيت زقاير , احنا الباكيت عندنا بالكويت ب600 فلس

وانا اشرب 3 باكيتات يعني 600+600+600=

600+600= 1200 يعني دينار و 200 فلس

+600 يعني دينار و800 فلس عدل ؟

يعني دينار و800 فلس عشان اكتفي باليوم من النيكوتين

حاليا اشرب فلتر واحد يعني بدل الدينار و800 فلس راح ادفع دينار

بس المشكله ان ماعندنا فلاتر , بحثت في جوجل و كل مكان ولا حصلت

ماكو الا اروح للشرقيه , انت وينك بالضبط وين دوامك عشان امرك ؟ انا اعرف الخفجي وقبل الخفجي امسك طريق ابو حدريه اروح سيده لغايه ما اطوف الخفجي , يعني ما ادخل الخفجي داخل اخليها على ايدي اليسار وامشي الخط السريع سيده لين اوصل تقاطع واطلع على الشارع اليسار واخلي اللي انا عليه

بعدين اروح سيده لغايه ما تجيني راس تنوره واطنشها اروح سيده لما اوصل تقاطع او جسر اخذه يسار ادخل الدمام و جبيل والخبر ومنطقه نسيتها تكون قبل الخبر

بعدين الف يمين واكمل سيده كم كيلو اوصل لجسر البحرين

بس انا مابي اروح البحرين برجع الدمام بروح الخبر انتوا اي فندق تقعدون فيه ؟ عشان امركم و اشتري فلاتر واصطر عيال الدمام وارجع ؟

على فكره الكلاسيك اول ماتشربه تقول سيجار بعدين لما تتعود عليه تقول قهوه بعدين يتغير ويعطيك نكهات غربيه , بس لما تتعود عليه راح يعجبك

واخذ النيكوتين مو تاخذ اللي بدون نيكوتين وتقول ما عطتني حقي , بالباكيت شوف مكتوب اي حرف N L M H اذا N يعني بدون نيكوتين

اخذ H او M واول مزه اشفط وقبل تطلع الدخان اشفط وطلعه دخان الشفطه القديمه من خشمك

كربن يعني مزتين وبعدين اشربها عادي

يبيلك شوي

انا الحين صرت اطول , قبل فلترين باليوم

الحين الفلتر قام يقعد معاي اكثر من يوم , وقل شربي لها يعني كل ربع ساعه او نص ساعه اشربها

عقبال ما افتك منها مره وحده

مزه بالشهر ان شاء الله

ولو ان قلبي مايطاوعني

لأن التدخين سر المرجله وحلات الرجال مدخن

آخر مرة سألت عن آلدينآر كم ريآل قآلي
13.63 قبل أشهر

يعني 5 دنآنير 68 ريآل ..
وبعدين آي تشجيع .. تحسسني مشجعك آنك تختم القرآن ولآ تقوم الليل
صدقني تمشي ورآه تضيع .. يآمآ ضيّع مستقبل شباب بعمر آلزهور
مآورآه إلا آلخرآب .. آنآ نصحتك وآنت كيفك

عدو الملك

انت عدو الاستاذ والتلاميذ

انا احذر كل التلاميذ منك , الحين اكتشفت 100% انك عدو الملك والمندوب والتلاميذ

هذا وانت كويتي , المفروض انك معاي قبلا وقابلا ضد الوحوش , نسيت يوم حاولوا يستدرجونك الى الرياض وانا حذرتك منهم ؟

وله كان الحين انت في جاخور بالربع الخالي محد يدري عنك , بدل ما تكون معاي تصير ضدي

وانا نصحته وابي انصحك انت بعد

شنو ال5 فلاتر ب5 دنانير ؟

ابرك من الزقاير اللي ال5 باكيتات ب3 دنانير

على الاقل الفلاتر مافيهم الا نيكوتين , والنيكوتين مو نفسه اللي بالتبغ نفس الزقاير و ضايفين عليه مواد كيميائيه تتلف جسمك عشان بس تولع الزقاره و ماتطفي طول ما اهي فيها تبغ

النيكوتين مستخرج من الخضروات لأن كل الخضار فيهم نيكوتين , وهم حطولك نيكوتين صافي و طبيعي بدون اضافات

ثاني شي الزقاره فيها الكربون و القطران وهذا كله يقعد بالرئتين , النيكوتين بالدم واهو اللي تحتاجه بس من الزقاره

بس الزقاره فيها 4800 ماده مثل القطران والكربون اللي ماتحتاجهم اصلا

الالكترونيه مافيها شي من هذا , بس تاخذ النيكوتين وتحطها بمخباتك , وتشربها بكل مكان تبي عكس الزقاره , في بيتكم عند عيالك ولو انك عزوبي لكن عن نفسي اشربها بكل مكان ولا اضايق احد

وانت ماتدري عن لوعه يمكن يخاف من خدامتهم وكل مايبي يدخل بيتهم يخش الباكيت بالزرع او بالسور مال بيتهم ويدخل , الزقاره تشربها ولا احد يدري عنك

فايدتها اكبر من فايده الزقاره العاديه

حتى الحين انت لو اقولك العب كره قدم شرط من اول 5 دقايق راح تروح صوب العارضه مالت فريقك وتقعد تقول للشباب انك بتصير دفاع

وتقعد طول اللعب قاعد عند العارضه تسولف مع الحارس واذا اهجموا قمت

لأنك تتعب بسرعه من الركض ولا تقدر تسوي شي , مع انك كبير الحين , لو تذكر ايام كنت صغير كنت تعلب كره و هجوم وماتتعب

تدري شنو السبب ؟ من الكربون والقطران اللي ترس رئتينك و سكر الشعب الهوائيه عندك , ان ركضت تحس انك تتنفس بصعوبه لأن الشعب الهوائيه مسكره من هالبلاوي

اما الالكرتونيه ماتاخذ الا النيكوتين و هالنيكوتين مايكون الا بدمك بس , يعني الرئتين مايدخلهم شي يسكرهم وراح ترجع مره ثانيه قلب هجوم ويطلقون عليك ربعك بعد ماترجع للفريق الكابتن ماجد

يبا افيد الالكترونيه , انتوا مشكلتكم ماتصدقون الا اذا شفتوا بعينك , اذا واحد سولف ماتصدقونه

نفس ربعي بالضبط واشك انت واحد منهم

اقولهم عنها محد يقتنع , يوم شريتها وشافوها وشافوا الدخان وشافوني اسبوع مادخنت زقاير عادي قالوا فهد تكفى اطلبلنا

و وجيهم نحس من طلبتلهم تكنسل الطلب والحين سوينا اعاده طلب والله يستر


اذا مو مصدقني , اسأل لوعه الفرقا , قوله شلونها ؟ و هل يوم دخنتها قمت تدخن الزقاره العاديه او قطعت

اسمع الرد الشافي على مكذبين روايات الكافي

وش إللي مقحط !!

ماعليك قال لي ان عنده باكيتات كثير وانا اخذت منه 4 باكيتات مع باكيت السيجارة

اخذت 2 ميديم وواحد لوو وواحد كرز لوو برضوا قلته له ابغى هاي قالي ماعنده

بصراحه ودي بكرز هاي بس هو مايجيب كرز إلا لوو

وانا دوامي على طريق الملك فهد في شمال الرياض عند إللي يروحون البقاله مع شغالاتهم هههههههه

والله قهر انا لي كم سنه اتعلم انجليزي دخلت مره برجر كينق في شمال الرياض وإلا اشوف ولد صغير بلبل انجليزي ولبسه اتيكيت وانا ما اعرف إلا الثوب واقوله قيف مي نمبر 8 وااشر على الوجبه للتأكيد واقوله بيق وانا اوضحله بالرسم البياني يعني اني زي ماتقول احط يديني فوق بعض كأني اسلم على نفسي واتر مسافه بين اليدين مايقارب ربع متر مع المحافضه عليهم بشكل عامودي وابدأ ازيد المسافه بيني اليدين واقللها وانا اكرر كلمة بيق بيق عشان ابين له ان الحجم كبير حق الوجبه هههههههه

كمل على البحرين هذا إللي شريت منه الدخان مو قلت لك انه قال لي انه برات السعوديه

طلع في البحرين وانا شريت الباكيت من خويي هو كلمه وقابلت خوييه وشريته منه !!


كنت ابي اسألك شلون اعرف ان الفلتر خلص او انه على وشك انه يخلص !!

وكذلك البطارية شلون اعرف؟

يا عيال لايفوتكم لووووووووووول

الذبابه .. الملعونه .. بنت الملعونه تابعوا الفديو .. خ ـيال


http://youtu.be/lzao_A8P4VE


http://www.youtube.com/watch?v=lzao_...layer_embedded

مقحط يعني مخرم

خرم الباب يعني فتحه بالباب صغيره او خرم بالطوفه

اما خرم زقاره ما عندنا

اللي عندنا مقحط بس , يعني مثلا تلعب بالكمبيوتر او بلي ستيشن و لما تريح تقول بشرب زقاره ولما تفتح الباكيت تشوف مافيه ولا زقاره , والساعه 3 الفجر واقرب محل فاتح بالوقت هذا 50 كيلو عنك . وودك على زقاره فتروح تدق الشفر 82 سلف وتروح تشتري زقاير وانت بالدرب ودك على زقاره

هذا نطلق عليه اسم مقحط

بس سالفه الهمبجرر , ربع متر الله يهداك , شكلك بالصوره ضعيف

والموضوع سهل , انا بعلمك ان دخلت اول شي خلك ثقه , يعني واثق من نفسك مو ترتبك لأن اذا ارتبكت راح تقط بدليات , اول شي قبل تنزل من السياره سكر زرار غولتك اللي فوق , واذا لابس طاقيه او شماغ قطهم , يعني خلك حاسر الرأس وسكر زرارك وانزل

ادخل وقوله GEVE ME BOGRER

لا تقول همبجرر لأن هم او هام خنزير , قوله بجرر بس

نفس اسم المحل شنو اسمه ؟ اسمه همبجرر كنج او بجرر كنج ؟

قوله geve me bogrer

على طول اهو راح يفهم وجبه , وتعرف وكل الناس تعرف ان البجرر المشهور اهو ووبر مال بجرر كنج , راح يقولك ووبر او عشان ابسطتها وتفهم بالانجليزي راح اقولك السالفه بالانجليزي

gem me bogrer

راح يقولك what bogrer ? wober or dabl bogrer

يعني تبي ووبر او اللي دبل بجرر

انت قوله wober no tamat

انا اطلبها بدون طماط عاد انت كيفك , اذا نفسي قول نو طماط واذا تبي طماط اسكت قوله يس يس ووبر

وبعدين قوله male يعني وجبه , اغلب الناس مايدرن ان الامريكيين والاوربييه لما يبون وجبه يقولون ميل , مايعرف الا العلماء العرب والمفكرين وعباقره , نفسي يعني اللي نعرف الكلمات الانجليزي العاميه

عرفت شلون , ناس يقولك شنو ميل يعني رجل , لا يا حبيبي ميل يعني وجبه واذا مو مصدق روح المطعم وقوله geve me bogrer male راح يستغرب منك ويقول معقوله هالجيكر هذا يعرف المصطلحات الانجليزي

المهم وعشان مااعطلك اذا تبي بطاط وبيبسي سهل لأن راح يعطيك مع الوجبه بس يمكن يسألك اذا حجم صغير او وسط او كبير

smol يعني صغير

medyam يعني نص

big يعني كبير

خلني احطهم لك في جمله مفيده

hi
plz me want geve me bogrer male medyam

بس , يمكن يقولك شنو تشرب , يعني مشروبك شنو , وهذا تعرفها لما تسمع wat u drenk قوله كولا , قول كولا بالعربي والانجليزي لأن اغلب العالم مايدرون ان كولا تنقال بالعربي والانجليزي , مثلا على بالهم كولا بالانجليزي و بيبسي بالعربي

انت قول كولا عشان يعرف انك ولد بطنها من اهل الرياض الاصليين اللي من تفتحت عيونك وانت في مدرسه انجليزيه

البطاط نفس السالفه ماراح يقولك لأن راح يجي مع الوجبه بس يمكن يقولك big btat قوله yes



هذا السالفه كلها , ترى سهل الانجليزي

اتمنى ان يتثبت الموضوع لما فيه الفايده العظيمه للأخوه العرب خصوصا وان بلادنا متروسه مطاعم امريكيه سريعه و الشعب مايعرف شلون يطلب

اتمنى التثبيت

هههههههههههههههههههه

مشكور على المساعده القيمه

انا اقصد بالربع متر إللي هو حجم البيبسي مو البرجر ههههههههههههههه

لان بالعاده في الحجم الكبير والصغير إللي يميزه اكثر شيء البيبسي


المهم اهم سؤال في ردي ماجاوبت عليه قهرتني ياخي

وانا قلت الحين بلاقي اجابه شافيه واثاري اني احرجت الملك ههههههههه

اقتباس:

---

كنت ابي اسألك شلون اعرف ان الفلتر خلص او انه على وشك انه يخلص !!

وكذلك البطارية شلون اعرف؟

---

رد واذا ماتعرف واذا احرجت قول ما اعرف عادي خخخخخـ

وبعدين وش إللي ومقحط يعني مخرم

مو مخرم

تقول خرمان << على وزن نعسان << وتقولها في حال نسب الخرمه لك

فنقول (خرمااااان زقارة) !!!

اما الخرمه واقولها عندما اريد وصفها

مثلا اقول من الخرمه دخنت في الحمام
او مثلا من زود الخرمه حششت خخخخـ

وهكذا اما مخرم على كيفك انت توزنها على مقحط !!!!!

اسف نسيت ، تعرف اذا خلص الدخان يعني تمز وما يطلع دخان يعني خلص ، الحين انا يقعد معاي يرم الفلتر لغايه يخلص مايطلع دخان ، والخرمان احنا نقول مقحط يعني خرمان ، يعني خلص باكيتك تقول لرفيجك عطني زقاره حدي مقحط ، يعني خرمان ، انتوا سعوديين عرب ؟ خرنان شنو فيك خرم ؟ الخرم اهو فتحه يعني اللي نعرفه بالعربي ، لما رفيجك يقعد بغرفه وانت تبي تشوف شنو يسوي تقعد تطالعه من خرمه الباب او خرم المفتاح مال الباب ، انا اكتب من الايفون والصور ماتطلع عندي ، شوف المراقب مسح صوري اللي حاطهم

إثنين يحششون في مقبره جتهم شرطه انحاش واحد وقال الثاني انا ميت بس طالع اشوف وش السالفة

بايخه -.-

0

<--- داخل عرض بسألكم شرايكم بالدرود feral combat cat

لاني سويت لي ورلوك لفل 85 وندمت اني سويته ماعجبني ولا حبيته عقده خخخ

حبيت الدرود وسويت له التلنت feral combat cat وعجبني بس شرايكم بالدرود

وايش السلاح المناسب له بالورام ستيف ستاف ولا ديقرت ولا ميس مدري ماس

وانا ابي اسوي له قيرين قير لل pvp وقير لدينجنات والريدات صحيح كذا ولا فكرتي غلط بسالفه القير

وش تنصحوني فيه للدرود انا الحين لفل 70 وصلت 70 بعد ماطلعت روحي 4 ايام متواصله :(

وايش الضرببات المعينه الي ابدى فيها والفينشنق وهل فيه ضربات اقدر ابعد الامراض او السحر عني ؟؟ <== بالعربي ابي شرح وافي عنه مالقيت بالمنتدى شرح كامل له ومتوهق فيه

طيب خذ هذي


محشش سألوه لوخلص النفط ومافي بنزين بالسياره وش بتسوي
قال عاد الشكوى لله مالنا غير التكاسي http://www.riyadhmoon.com/vb/images/...milies/141.png