ايه عندي كامل بساقتباس:
المشاركة الأصلية كتبت بواسطة Cry Me A River
انا من الـ ..... ـريا ض
سلمات تتابع انمي من الوسط !!
على العموم انا مايهمني تتابعه اولا ولكن انصح فيه وبقوة :)
عرض للطباعة
ايه عندي كامل بساقتباس:
المشاركة الأصلية كتبت بواسطة Cry Me A River
انا من الـ ..... ـريا ض
سلمات تتابع انمي من الوسط !!
على العموم انا مايهمني تتابعه اولا ولكن انصح فيه وبقوة :)
ملف مرفق 350570
راحت ايامك يابو مسعد
شخبار لوعه الفرقا بعد الالكترونيه
اهو ق\ع الزقاير او رجع للزقاير العادي
انا اشك انه راح يرجع لأن ضميره مايسمحله يقطعها
خصوصا وانه راعي شفر 79 و من الرياض وبالتحديد شارع الخزان ومازال يسمع بشير و اغنيته المفضله ياراعي التسعه شفر
وينك يالحبيب شصار عليك ؟
هلا هلا موجود انا
ماتدري ان االخميس والجمعه عندي بريك عن المنتديات ^.^
الزقارة فله ياشيخ والله انها ريحتني كثير نفسيا وصحيا :)
ودي أجدد واو عشان اعرف كيف وضعي في اللعبه بيصير مع الزقارة ا لالكترونيه خخخخخـ
اكيد راح انسى شيء اسمه ويب بسبب اني ادخن ههههههه
كمواطن شرير و مقبل ان تكون مواطن طيب و مدخن الكتروني
من شريت الزقاره هل رجعت للتدخين العادي او رجعت بالبدايه لما قلت شربت زقارتين بس و الى الان ماشربت ولا زقاره
يعني الحين لما تقعد مع مدخنين هل تتضايق من ريحه الزقاره ؟
انا الحين صرت ان قعدت بالدوانيه وطبعا كلهم مدخنين كل شوي اقول للهندي يفتح الباب والشباب يقولولي صكر الباب برد و طبعا تعرف انا مجرم و شرير فأتهاوش معاهم كل يوم بسبب الباب
طبعا اقعد مع واحد بالسياره ويدخن اروح فيها , حسيت في معاناه الغير مدخنين لما كنت مدخن , وحسيت بأهلي وعيالي والله , لدرجه اني بكيت من شربت الالكترونيه الى اليوم وانا كل مااتذكر عيالي و كل شوي موديهم المستوصف عشان ياخذون كمام و صدروهم بلغ اعرف انه بسببي
وقاعد ابجي ليل نهار لدرجه اني مره ماتحملت و طلعت على خري و فانيله اركض رايح الحوش الثاني عشان اقط نفسي بالجليب لكن اخوي مسكني , كنت خلاص واصل حدي وضميري عذبني قلت لازم احذف نفسي بالجليب وارتاح
لكن الحين مشكلتي مع الفلاتر , ماكو صيدليه مادقيت عليهم و حصلت لكن انواع ثانيه , مو نوع اللي استعملها واللي تكون برقم 510 واللي يكون السخان مع الفلتر , اللي احصلهم 901 و 801 واللي يكون السخان مع البطاريه , اما الفلتر يكون بروحه بس فيه النيكوتين
ولكن طحت على صيدليه في النقره , مو البقره لا تضيع مو بدليه اسم المنطقه النقره , المهم طحت عليها عندها نكهات سائل 10 مل والحيوان يبيع النكهه هذي ال10 مل ب10 دنانير , مايخاف ربه ولا يشجع الناس عشان يقطعون الزقايره , تقول شاري 10 مل هيروين
شنو 10 دنانير , وقعدت اتهاوش معاه لين طيحلي دينارين واخذته ب8 دنانير
10 مل بس ترسلي يمكن 15 فلتر و باقي من ال10 مل تقريبا 35% , راهيه ال10 مل وانا على بالي حدها تعبي فلتر
عاد خلصوا فلاتري وطلبت ولما الحين الطلبيه ماوصلت و الحمدلله طحت على النكهه وغصب شريتها بالسعر وله مااشتريها لكن مابي ارجع للزقاير العادي
الحين انا تطورت بشتري galileo mod مع تانك dual coil tank وبشتري السائل معاهم من بره لأن ال50 مل ب10 دنانير تقريبا ابرك من اللي عندنا هني , وحسب شهاده شهود و بحث وتحري طلع تحتاج تقريبا للتانك 60 مل لأن معدل الشرب يوميا 1 ونص الى 3 مل
والتانك يشيل 6 مل و في اصغر منه 3 ونص مل , يعني ان شاء الله انت اذا صرت سحيك الكتروني راح تعرف كل شي في عالم التدخين
الحين رفيجي ملك اللعبه اللي عروقه بالماي صار ملك التدخين الالكتروني وانا صرت مندوب ملك التدخين الالكتروني
يعني تم اضافه لقب
ملك اللعبه اللي عروقه بالماي فتى الجبل والبراري والقفار حامي الديار مبيد الاشرار ملك الالكتروني
والالقاب كثيره لكن نكتفي بهذا القدر
والسلام عليكم ورحمه الله وبركاته
أبي اروح الجاخور اسلم على المصبنجيه واسألهم تعرفون عايض قصدي تعرفون فهد
واسألهم عن أحسن نوع للكيف
انا عارف انه مافيه احسن من صنف القذافي الله يرحمه
بس يمكن الاقي صنف ابو خنبقتين لما تجربه يخليك تحس انك استلمت كفين في كف واحد :D:D
والثالث جاي من فوق
امحق كيف
هذا اللي يخليك تبطل الزقاير وتدمن شئ عليه الكلام ويستاهل
حاجه كذا تخليك مفهي فاتح عيونك وماتشوف شئ وتحس راسك صار كبير وخفيف وانه يطير
خلني اعبر عن شعوري
اللي بالرياض روحوا معرض الكتاب واشترولي كتاب التلمود البابلي المترجم بالعربيه
لا تخاف راح اعطيك فلوسه , بس روح اشتر لا يسكر المعرض
ماشاء الله متابع أخبارهم وتعرف معارضهم متى تفتح ومتى تصكر
وقبل تسولف عن شارع التحلية وراس تنورة وبعد منطقة نسيت اسمها
شكلك مزدوج ! لازم ابلغ عنك انا مواطن شريف أخاف على بلدي
وتعآل بسألك آلحين الزقارة الإلكترونية بجم شريتها؟ وجم سعر الفلتر؟ وجم يوم يقعد معاك الفلتر؟ وتقديرك لتدخينك للإلكتروني جم يساوي باكيت باليوم؟
حالياً قاعد اسوي درآسة مكثفة أي هو الأوفر بالفلوس التدخين الإلكتروني او العآدي
وطبعاً نبي كلام صج مو تقولنا الفلتر بربع دينآر ويقعد شهرين عشان نحول
وعندي سؤآل شصآر على كرسي الإعتراف؟
هل رآح يتجدد آلموضوع؟
انا مو مزدوج بس لازم تعرف مناطق السعوديه لأنها هي الام اللي انجبت عيال الجزيره وبعدين تفرقوا بعد التقسيم البريطاني و رسم الحدود
واغلب المناطق عرفتها من طاش ماطاش خصوصا راس تنوره سمعت ابو هلال يحذرهم من تحويله دون الرماح خطيره , وبعدين يوم يقولهم سالفه البنشر كان طالع من راس تنوره
وبعدين عاد انا رحت السعوديه وشفت ان صج في مناطق مو من نسج خيال المؤلف , و شفت لما رحت منيفه حداق , يعني قضينا على فقع مالهم والحين ناووين على سمجهم , طبعا مشرحه نشفنا سمجها
هذا الشق الاول من سؤالك
الشق الثاني واللي تتكلم عن الزقاره الالكترونيه , انا قلتلك من زمان اني اشرب باليوم 3 باكيتات والحين تركت من تاريخ 29 فبراير الى اليوم ماشربت ولا زقاره عاديه , بل اني كرهت ريحه الزقاير بالدوانيه وكل شوي افتح الباب عشان نتنسم هوى نقي والشباب يقولون الجو بارد سكر الباب وتصير هوشه كبيره
شوف انا اول ماجربت الزقاره كنت اشرب فلتر ونص باليوم وكان النيكوتين لايت , حتى مو الثقيل , وكنت اول ايامي اشرب واجد لأن الفلتر بحدود 250 مزه , فكنت اشرب واجد عشان اشوف الدخان تعرف مو مصدق . و عشان اخلي الشباب يشوفون ويقتنعون انها كأنها عاديه
بعد الفتره التجريبيه صرت اشرب باليوم فلتر واحد , اخر ايامي الفلتر صار يقعد عندي يوم و ربع , والحين مخلصين فلاتري والطلبيه لشهرين واصله الكويت بس الجمارك الله يهديهم مضربين عن العمل
ومقزرها على السائل اعبي الفلتر كل ماخلص وطبعا مايضبط نفس الفلتر من الشركه , لأن لما اعبيه يقعد ساعتين او 3 ساعات , ماادري انا مااعرف اعبي او اهو قل قوه السخان
بس شوف اهي من ناحيه مفيده مفيده , نفس ماقلت لا حرق دشاديشك ولا ريحه تطبع بالسياره و البيت ولا ممنوع التدخين والدليل اني امس رحت كنكاتي و دخلت وانا اشربها وطلبت وطلعت ولا احد قالي يالطيب زقارتك , يعني 100%
والفلتر ماادري عن الشركات لكن بلو فلاترهم يوم كامل , ويطول بعد شوي
الفلتر ماتقارنه بالباكيت , هم قالوا الفلتر عن باكيت , بس انا اقولك كنت اشرب 3 باكيتات والحين فلتر واحد , يعني احسب حسابك فتلر كل يوم مو كم باكيت تشرب وتقسم الفلاتر وتقول 3 فلاتر باليوم
والسعر الله يسلمج ارخص من الكرز , يعني انا الدفعه اللي طالبها 12 علبه وكل علبه فيها 5 فلاتر , يعني تكفيني شهرين لأنهم 60 فلتر , طلعوا علي ب30 دينار تقريبا
قبل يوم كنت مدخن كنت ادفع 30 دينار بالشهر عشان زقاير , يعني الحين انا وفرت 50%
وزوجتي رفيجتها صيدلانيه و قالت لها عن الفلاتر و عطيتها فلتر تشوفه وصورته ودزته لرفيجتها عشان تشوف اذا عندها , الصيدلانيه ماقصرت دقت و اسألت وبحثت بكل صيدليات الكويت , ماحصلوا نفس فلتري
لكن عندها فلاتر اهي و دزلتي مع السايق فلاتر وحتى مكتوبين بالعربي تحس وكلاء لهم هني , ولما شفته طلع مايركب لأن فلتري يحتاج النوع 510 واللي يكون السخان بالفلتر , اما اللي عندهم السخان يكون بالبطاريه والفلتر بس فيه النيكوتين
وقالت ال10 فلاتر منه ب3 دنانير و 800 فلس يمكن و في انواع طبعا , في 10 فلاتر ب5 دنانير يمكن يعني تشتري 3 علب من ابو 10 فلاتر يكفونك شهر ب15 دينار بدل ماتقط 30 على زقايرك كل شهر
يعني تدفع اكثر و تضر نفسك و تضر الناس وفوق هذا تحرق دشداشتك او وانت تسوق تطيح الجمره وماتدري وين تروح , هذا غير انك وفرت فلوس الجباريت بعد او انت كشيخ تشتري ولاعه لا و ام ليزر بعد
المهم , روح اي صيدليه وبما انك حسب علمي من جابر العلي لأنك تمدح مطعم هندي هناك او قريبه عليك المنطقه العاشره , الصيدلانيه هذي صيدليتها مجابله سوق اللي عالبحر مدري بس اللي بالفحيحيل مادري الفنطاس
المهم اللي هناك , وكلهم هناك عندهم هذي لأن الظاهر لها وكيل بالكويت والفلاتر علبتهم مكتوب فيها عربي , روح وقولهم ابي زقاره تكون امريكيه الصنع يعني جوده , وقولهم اللي فلاترها متوفره واشترها يمكن سعرها ب35 دينار , وبعد تشتريها صدقني راح تدعيلي ليل نهار
كلمه ممنوع التدخين انساها , و خلاص ماكو تروح الحمام تشرب زقاره وتجي عشان الخدامه ما تطيح عليك
بعد ماتشتريها اشتر 30 فلتر و قزرها عليهم واول شي راح تسحك عشان تشوف شلون تشتغل او توري الناس شوفوني ترى الكتروني وبعدين لما تتعود عليها راح الفلتر يكفيك يوم كامل , وراح يكفيك اكثر من يوم بعد
ابو عجرة بدل ما تنصحه وتقول له التدخين مضر بالصحه وانت توك بعز شبابك ..................... أكتب تقرير كامل عن الزقارة وحطه مدونه..
درفور بالنسبه لكرسي الإعتراف... أنا مأدري مر عليك الدور ولا لأ.. انتوا أقترحو وانشاء الله يصير خير.....
التدخين مشكله
التدخين صعبه احد يقطعه , واجد يخدعون نفسهم ويقولون لو نبي نقطعها نقطعها من ثاني يوم بس مانبي , قوله فيك خير اقطعها اسبوع عشان تثبت كلامك وبعدين ارجع , يقولك لو اقطعها بعد ليش ارجع
هذا عذره لأنه ماعنده عذر
الزقاره لحد يقص عليك ويقولك قطعتها سهله , على قولتكم بالسعودي راح تصير خرمان طول اليوم وكل تفكيرك بالزقاره , لكن الالكترونيه اهي افضل بديل
اول شي انها مو مضره وانا من هني اتحدى اي دكتور يقولي ان النيكوتين مضر بالصحه , لما يقولك التدخين مضر , لأنهم يقصدون الزقاره كلها , بال4800 ماده اللي تتكون منها , هذي انا معاك مضره
لكن نيكوتين طبيعي سائل مو معاه ولا شي زياده مو مضر , فالاخوان لما يشربون هالزقاره راح يفتكون من امور كثيره كثيره جدا , من الريحه والصحه وازعاج الناس
ثاني شي هالزقاره حسب تجربه تخليك تخفف شرب , يعني انا بعد ال3 باكيتات رحت للألكتروني و صرت اشرب فلتر ونص باليوم وبعدين صار فلتر باليوم و الحين فلتر يكفيني يوم و ربع او نص , يعني شوف التغيير هذا حصل معاي بفتره ما تجاوزت الاسبوعين
ويمكن راح يجي اليوم اللي اشرب فيه فلتر بالاسبوع
يمكن اذا اخذت فلاتر فيهم نيكوتين عالي مثل 24 مم راح اشرب فلتر كل يومين
اهو المدخن ماله حل غير هذا , اذا انت مدخن وتبي تفتك من مشاكل الزقاره وتخفف , عليك بالالكترونيه
هذا اهو حل المدخنين خصوصا الشرسين
نبي سالفه جديده غير الدخان والتتن ياعيال ..
اللى ع ـندهـ سالفه يجيبها لنا نناقشها
انتوا اختاروا موضوع وانا اشارك معاكم
رفيجي ملك اللعبه اللي عروقه بالماي ماشاء الله عليه كل شي يعرفه
يعني حط موضوع و اي شي تبي تعرفه او تجارب او شهود عيان لازم رفيجي اللي عروقه بالماي عنده تجربه و ناس ثقات مجربين او شايفين
رفيجي ولد بطنها اللي عروقه بالماي نذر نفسه للبشريه
و قالوا عنه المفكرين والعلماء والادباء , الشمعه التي تحترق لتنير طريق البشريه
هذا رفيجي ولد بطنها اللي عروقه بالماي
اكتب موضوع يلا