-
المزيف..
ما عندك اسألة وايد؟ خسارة لكن القليل أحسن من عدمة صح؟
لكن عدم وجود المزيف أحسن من وجوده ^^
(أتغشمر)
- أنت ألفت قصة الخطاف
أكيد أنا مألفها... ودخلت معاي الظل الأزرق إلي هو هارد روك حالياً
وساعدني في بعض الحركات والوضعيات في القصة غلي رسمتها..
أعتقد بأن أغلب الأعضاء يذكرون القصة..إلي رسمتها..
- حل كرونو كروس ( علشان سكورا أنت ليش ما تساعد أحد )
الحل لسكورا
لحظة أنت قصدك ليش ماساعدت ساكورا في لعبة كرونوا كروس؟
ما شالله عليك.. وايد طيب يا المزيف
أولاً ساكورا أحد أعضاء عصابتنا وأنت مالك شغل (دور أفراد عصابتك أحسن)
ثانياً أنا ما قلت بأني ماساعدتها عشان تقول عني جذي
ثالثاُ شنو سؤالك؟
رابعاً يمكن أنا صج غلطان وأنت صج تحب تساعد الناس
أوبس...
أنا آسف يا المزيف حقك علي...
بس أنت طيب وتحب تساعد صح؟
عيل أكيد بتسامحني وبتساعدني..
أبيك تحطلي وصلات للحلول مثل ماحطيت لساكورا
أبي الحل للعبة :
كينك أوف فايتر كل الأجزاء-- فاينل فانتسي كل الأجزاء (وخصوصاً أون لاين)
-- بريث أوف فاير-- لورد أو دراكونز--
ميغا مان كل الأجزاء-- ستريت فايتر كل الأجزاء
بس ذلين الالعاب .. يالله راونا طيبتك لأي حد توصل يالطيب يا رئيس عصابة المسخره
- شنو أحب أكلة لقلبك ( جوعان )
جوعان؟
المزيف جوعان؟ رئيس عصابة الماسيكر جوعان؟
وين عصابتك عنك؟ خلهم يطعمونك نخي وباجله^^
والله أنت جوعان وهذه مشكلتك... تصرف
وأنا جاوبت على ذي السؤال ..
لكني باقولك بأن أحسن أكله عندي هي (تخيل معاي)
ينزل يمّك طبق عود من العيش الأبيض جداً جداً
وينزل يمك وعاء ممتلئ السائل البرتقالي المحمر وطالعة منه عظمة يبين لك بأنه على لحم
وأنت ماترف اللحم بالملعقة أو شي... لا...
ترفعه بيدك... وتحوس في اللحمه وتنتف فيها عشان تخلطها مع الهمزة إلي بيدك من العيش وتضيعها في حلجك
وااااو...
بس لحظة... بعد ما بلعت اللهمزة إلي في حلجك..
مرت عليك عنزة فاقده ريلها... حزينة وهي تطالع نتفة اللحم إلي في يدك
وأنت تكتشف بأن اللحم إلي في يدك يكون ريلها...
هني
تستانس بالأكل وتتمتع فيه وتستطعم به وااااااااااااااو ..
في أحد وده يجرب؟
- تحب الشر أو الخير أكثر وليش
أخيراً... مشكور يالمزيف هذا أحد الأسألة إلي كنت أنتظرها
أحم... أنا أحب الشر أكثر أكيد...تعرف ليش؟
لأن مستحيل لقصة تنجح أو فلم ينجح أو مسلسل أو أي شي ..
ينجح بدون شرير قوي... الشرير له دور أساسي أكبر من البطل...
البطل دوره معرزف..الكل يعرف بأنه بيفوز في معاركه وضربه قوي ومايموت..
لكن الشرير يبدع بأحساسه للشر وغضبه ودوره وايد أصعب من البطل
لأنه لازم يحسس المشاهد بأنه عنيف وشرير وبدون رحمه ولا أحساس..
والشرير يتلذذ من أعمالة أكثر الطيب...
يعني في عوامل وايد تخلي الشرير أحسن من الطيب
والدليل ..
إن في مدرسة المنتدى أغلب الأعضاء قالو لي بأنهم يبون يكونون مشاكسين
والدليل الثاني...
الكل يحب الخطاف ومقالبة
صح؟
ومشكور يالمزيف على الاسألة..
ونجوف منك زود^^
:D
-
هلا اللورد زاكس
شلونك؟ زين نجوف اسألتك واتهاماتك
1) شو تحب تصير في المستقبل؟
أحب أكون مصمم جرافيكس للإعلانات ومقدمات النسلسلات وأشارك في الأفلام
2) شوله ما تشارك مع عصابتك في الحرب؟
ليش ما أشارك في العصابات؟
تبي تعرف ليش؟ لأنهم كاسرين خاطري...مابي أحبطهم خل هارد روك كافي عليهم
يقدر يرد عليهم كلهم وأنت تدري بعد يا اللورد زاكس
وأنا بالنسبة لي كفاية إلي سويته في موضوعي كاريكاتيرات على الأعضاء
أما إذا يبوني في العصابات أرسم معاهم... قول وااااااا على الدنيا السلااااااام
3) سأل محرج شوي مين فيكم زعيم العصابه انت ولا هارد روك بصراحه؟
يعني من توقع رئيس العصابة؟
أنا او هارد روك ؟ أعتقد بِأن الكل يعرف الجواب...
أنا فاهم قصدك زين يا اللورد زاكس... لكن خلني أقولك
أنت كنت رئيس سابق لمنظمة شيفت صح؟ وأعتقد بعد ما طلعت أنا وهارد
كنسلت العصابة أنت؟ بس مافي داعي أكمل صح؟
4) موقف محرج صادك في السوق او البراده(وايد متعقدين من البراده)؟
أحم ..
موقف محرج ها...قصدك إلي في البراده؟
أنا باقول هالموقف لكن لأثبت بأني صج شرير...
في يوم من أيام رمضان... كنت طالع بعد صلاة العشا رايح البراد أشتري
حاجات للفطور... ولما دخلت البراد كانت هناك بنتين وحده بيضة ووحده سمرة
وقاعدين يتكلمون في التلفون...وأنا قلت للهندي في البراد يجهز ليس الحاجيات..
لكن ياتني البنت البيضة وقالت لي: عندك رقم تلفون نتصلك؟
أنا أستغربت ونظرت له نظرة بقباحة وسكت عنها... رجعت البنت البيضة للسمرة
وقالت لها بأني أستحي أكلمهم... وهني... (بدى الخطاف يشتغل)
وقالت السمرة لصديقتها وهي تعطيها السماعة... أخذي كلميه)إلي في التلفون)
وأنا أعرف شلون أتصرف معاه (عني)
وياتني البنت السمرة... وتوها كانت بتتكام جان تجوف روحها مجابلة صوب الثاني وهي تفتر
وطاحت على أغراض للبراد (جبس ومينو وبفك وغيره)
وجان تقوم وماتدري شصار لها..
وطالعتني باستغراب..
جان تجوفني وأنا أهمز يدي بعد الكف إلي عطيتها
وأنا بعدها طلعت من البراد ومشيت والبيضة طلعت يم الباب وكانت تغلط علي..
وأنما طالع كنت أضحك..
لكن في شي غريب...
غريب كلش كلش...
تعرفون شنو؟
خدها كان أسفنجي...:": :# :": :# ?: :! :": :# :واو: :! :": :# :واو: :! ?:
ههههههههههههههه^^
أدري بأن السالفة ماتنقال... بس معليش طوفوها..
وهذه السالفة قبل 3 سنوات تقريباً...
والسنة إلي طافت في وكان يوم من أيام العيد...
جفتها البنت تتمشى من بعيد وياية صوبي...
لكن... لكن... كان معاها شخص أسود ضخم معضل
أقدر أشبهه بالمارد الأسود (غير عن المارد الأخضر)
وكانوا يايين صوبي..
بيني وبينكم أنا تشهدت... قلت هذه نهايتك يا الخطاف..
لكن الله ستر ومشو عني.....
أحم..
عزبالكم كنت خايف منه؟ ؟؟ أنا كنت خايف عليه هههههه ^^‘
-
تعجبني
سلام عليكم
شلونك يا زعيم ^^
أشوف الأعضاء مستلمينك هني ^^ .. اوكي ^إذاً حان دوري ;-)
بسم الله نبدأ ..
1- ما هو هدفك من الرسم ؟
2- ماذا تعني لك موهبتك الفنية ؟؟
3- إلى أين تود أن تصل في الرسم و لماذا ؟؟؟
4- ما هو الشيء الذي تعتقد بأنه يميز رسومك عن غيرك ؟؟؟؟
5- ما هو سر نجاح الرسام برأيك ؟؟؟؟؟
6- كلمة تود أن توجهها للأعضاء (لتحميسهم)؟؟؟؟؟؟
7- عتاب تود توجيهه للأعضاء ؟؟؟؟؟؟؟
8- سؤال كنت تتمنى أن تُسْأَلْهْ .. و ما هي إجابتك عليه ؟؟؟؟؟؟؟؟
شكراًً ^^ و آسف على الإطاله
:D
بالتوفيق ;-)
-
سلام عليكم .. كتبت أسئلة حلوة يا زعيم .. بس اخترب الرد و مضطر أكتبه مرة ثانية ?:
على العموم يبدو إن الأعضاء مستلمينك هني ^^
بسم الله نبدأ ..
1- ما هو هدفك من الرسم ؟
2- ماذا تعني لك موهبتك الفنية ؟
3- إلى أي حد تريد أن تصل بالرسم و لماذا ؟
4- ما الذي يميز رسومك عن غيرك من الرسامين ؟
5- كيف تقيم مستوى رسامي المنتدى بشكل عام ؟
6- كلمة توجهها الى الأعضاء ؟
7- عتاب توجهه لرسامي المنتدى ؟
8- كلمة أخيرة ^^؟
و بالتوفيق يا زعيم;-)
-
مرحبا الخطاف ^^
عندي سؤالين بس ^^
1- كيف اخترت اسمك المستعار( الخطاف)
2- هل شكل شخصيتك (الخطاف) من خيالك ولا مستوحاه من شخصية ثانية شفتها؟؟
و بس هاي اسئلتي :o
-
بسم الله نبدأ ..
1- ما هو هدفك من الرسم ؟
في البداي آبي أثبت لنفسي بأني فنان وفني غير عادي...
يمكن بعضكم بيقول عني مغرور من ذي الإجابة لكني صج أحب بأني أكون فنان غير طبيعي...
وأحب بأني أثبت لشاهين إلي علمني الرسم من الصفر بأني للحين أتعلم ولي يوم أوصل لمستواه
وبعدين....هي هي هي
2- ماذا تعني لك موهبتك الفنية ؟؟
الموهبة الفنية هي الشي الوحيد إلي أملكة... أقدر أقولك بأنه صديقي الوحيد الفاهمني وإلي
أخاطبه وأشكيله همومي وأفراحي ويشاركني كل شي, وإذا تصدق... أنا لما أفكر بشي بجدية تجوف يدي تحرك
إذا ما كان عندي ورقه وقلم...تحصلني أحرك يدي بحركات غريبة يلاحظوني إلي معاي
وجان أراويك أوراق الإمتحانات حتى النهائية ...بتجوفها كلها رسم....
3- إلى أين تود أن تصل في الرسم و لماذا ؟؟؟
في الرسم ودي أثبت بأني أقدر أواجه أكبر فنانين الرسم...
أنا بديت من شاهين (يما تحديته قبل المنتدى)... وبعد مادخلت المنتدى واجهت عزيزي الغالي ريكس
وبعدها تميت أتدرب على أسلوب توتو شوي...
واللحين قاعد أواجه ( أكيمي تاكادا)...وعندي رسمات إلي تدربت على رسمها بالهبل
باعرضهم قريباً بالجالري مالي وأنا اللحين أشتغل على مدرسة المنتدى...
4- ما هو الشيء الذي تعتقد بأنه يميز رسومك عن غيرك ؟؟؟؟
العنف والجنون لشخصية الخطاف والشر إلي فيه...
أحاول أحط في كل رسمة للخطاف رسالة يقراها المشاهد من تعابير وجه الخطاف
وإبتسامته وحركته...ووضعيته وقصصه مع الإعضاء ومقالبه...
5- ما هو سر نجاح الرسام برأيك ؟؟؟؟؟
بأنه ينجح بتوصيل الرسالة أو الفكرة إلي في الرسمة مثل ما يبيها إلى
المشاهد أو مستقل الرسمة...
6- كلمة تود أن توجهها للأعضاء (لتحميسهم)؟؟؟؟؟؟
أجوف أغلب رسم الأعضاء بدون إحساس...
الفن له حق والرسم له حقوق لازم تتبعها...
مثلاً...
أحترم وقت الرسمة إلي بترسمها عطها من إحساسك
أبدع فيها... قبل لترسم أي رسمة وأنت مبرز القلم والورقة
قول... أنا باضيع من عمري ساعتين على رسمة وحده
بانسى كل شي في بالي وأتفرغ وأحط كل إحساسي وتفكيري فيها
بابدع وأطلعها تحفه وكنز يعترف فيها الكل وأي واحد يجوفها بيحفظها عنده..
أقدر بالرسمة ذي أجذب لي اصدقاء وأقوي بها صداقتي من الأعضاء وأكون لي جمهور
ومعجبين... لكن حط في بالك بأنك أنت ماترسم لغيرك..
أنت ترسم لنفسك...
في أحد يقدر يسويها؟
إذا سويتها وماعجبتك الرسمة يعني أنت مو فنان
وإذا سويتها وعجبتك يعني أنت داخل دائرة الفنانين
جرب وجوف نفسك إذا كنت فنان أو لا...
7- عتاب تود توجيهه للأعضاء ؟؟؟؟؟؟؟
بصراحه ودي أعاتب كل رسام يقول بأنه ماعنده وقت للرسم...
وأعاتب كل واحد قال بأنه بيرجع بعد الأمتحانات وما رجع...
وأعاتب بعض الأعضاء المنحكرين في بعض المواضيع بس
وأعاتب الأعضاء إلي شاركوا في المنتدى للدردشة بس..
الدردشة شي طيب.. لكن مو أغلب أوقاته فيهم...
وأعاتب كل عضو يقول بأنه يتحطم إذا جاف فرق كبير بين رسمه ورسم واحد ثاني أحسن منه
يا أخي اتعب على نفسك وطلع فنك وأثبت بأنك أنت أحسن ...مو منه بس..
من طوايف طوايفه...
أنت مادخلت المنتدى عشان تجوف رسم غيرك وتتحطم...
أنت دخلت المنتدى لتطلع فنك وتراوي غيرك بأنك فنان...
المفروض تتشجع أزيد كل ماتجوف واحد يرسم أحسن منك...
8- سؤال كنت تتمنى أن تُسْأَلْهْ .. و ما هي إجابتك عليه ؟؟؟؟؟؟؟؟
والله اسأله وايد... ممممممممممم
منهم ..
ماهي الحكمة أو المثل إلي تتبعة وتمشي عليه؟
وجوابه..
((( هاكوناماتاتا )))
حكمة مفيدة وايد لكل واحد^^
حكمة من (تيمون وبومبا)
5- كيف تقيم مستوى رسامي المنتدى بشكل عام ؟
بأنهم مستقبل الفن العربي...
في منتدانا كل شي موجود من أنواع الفن...
الرسامين المتميزين.. مصممين خشنين (منهم نيو سيد)
ومنهم مألفين مبدعين (مثل رواية) ومنهم حساسين للرسم (مثل توتو)
ومنهم إحترافيين في التلوين (مثل ريكس و أورنج رود)
ومنهم ومنهم ومنهم...
6- كلمة توجهها الى الأعضاء ؟
ودي أقول لكل عضو بأنه فنان... مبدع...
ماكوا شي مستحيل...( تعلمت هالمثل من كابتن ماجد^^)
تقدر أو تقدرين تطورين نفسك أو نفسج لتتحدى أو تتحدين أقوى رسامين المنتدى
لكن عطوا الفن حقه
8- كلمة أخيرة ^^؟
في أحد يقرى إجاباتي؟ ^^‘
؟؟؟
مشكور يا ميثم وايد عجبتني اسألتك:D
-
كيمينو ...
حليون اسألتج...
وناس وايد سألوني إياه لكن على المسنجر زين سألتيني إياهم هني..
وهالسؤالين كنت أنتظرهم بصراحة^^:D
1- كيف اخترت اسمك المستعار( الخطاف)
في البداية...
وقبل لأدخل المنتدى.. كان شاهين مشارك فيه..
وكان يقولي إلي يسير كل شي بالتفصيل عن المنتدى وتشوقت لأشترك...
وكان رواية وأورنج رود وريكس من الفعالين جداً فيه...
وأنا دخلت المنتدجى عشانهم...
لكني قلت لشاهين بأني بابرز شخصيتي إلي بشارك فيها قبل لأسجل...
وكنت أرسم سكتجات لشخصية الخطاف...
وقلت باخلية قوي وسرع جداً في القتال...
وتفاجئت يوم الثاني حزة المغرب بأن شاهين يقولي وهو مجابل الجهاز...
أختار نيك نيم للمنتدى بسرعة...
وأنا طليت عليه جان هو فاتح على صفحة التسجيل...
وأنا أنصدمت وقلت لها بدون تفكير...
السريع... قالي شاهين... هذا اسم؟ غيره بسرعة...
قلت له البرق... قالي غير ..لكن إلي بتختاره اللحين باحطه لك...
وسمعت من التلفزيون من قبل في إبتهال كلمة الخطاف...
تذكرتها وقلتها له...
الخطّـــــاف
وسجله لي...
مع إن محد كان مقتنع منه...
ولما سجلت ... كان كل الأعضاء طيبين جداً معاي ومن بينهم...
وقلت باغير الجو هني وباكون عضو شرير جداً...
وطبعاً بما أن شاهين خالي والكل عرف...
ما يقدرون يطردوني على طول... وقمت وأعطيهم من الرسمات السخرية...
وتفاجئت بان السالفة عجبتهم...
وحطيت موضوع (( كاريكاتيرات على الأعضاء))
وتميت أرسمهم والكل حب رسمي والحمدالله أستانسوا من الخطاف وشخصيته الشريرة...
وحد اليوم وأنا مع ردودي النادرة...
في عضوين أول مرة أجوفهم يقولون لي بأعجابهم بالخطاف
ورسموه ويبغون يعرضونها في المنتدى....
ومنهم لينك فوكس...
2- هل شكل شخصيتك (الخطاف) من خيالك ولا مستوحاه من شخصية ثانية شفتها؟؟
من خيالي ... تعبت عليه وايد... صج يمكن شكله عادي شوي...
لكني حبيته وهو بسيط... عشان لين يرسموني مايتعبون معاي..
هم بروحهم اللحين متأذيين...
:"
وأول ما شاركت وايد وايد ناس قالوا لي بأني مقلد على زورو وسباون
وأنا يوم أرسمه ما فكرت فيهم أبد...
وعلى العموم يمكن زي الخطّــاف مو عاجبكم...
لكن شخصيته أكيد عجبتكم صح؟
:D
مشكورة كيمينو على الاسأله...
:D
سؤالين لكنهم وايد وايد عجبوني وأي واحد عند زود أنا حاضر...
:D
-
^^
اسئلة حلوة واجابات احلى يا خطاف ..للاسف سألوك كل شي كنت بعرفه منك^^
بس انا عندي سؤال واحد^^
*هل انت غامض في الحقيقة مثل ما غامض في المنتدى ..؟؟بصيغة ثانية..*هل تحب تمارس شخصية الخطاف في بيتكم؟؟؟
باياتو+سلامي
-
هلا مانجا كوين...
خذو الاسأله عنج ها؟^^
مو مشكلة بقى واحد عندج بعد أحسن من ماكو^^
هل انت غامض في الحقيقة مثل ما غامض في المنتدى ..؟؟بصيغة ثانية..*هل تحب تمارس شخصية الخطاف في بيتكم؟؟؟
يسسسسسسسسس... (تقريباً)
لأني قلت بالخطاف أنا أبرد حرتي في في أي ظرف يصيدني في الواقع...
ومنه أعبر عن حبي للشر ...
في البيت أنا غامض فعلاً.. لكن مو مثل الخطاف بالضبط...
لي أسلوبي الخاص...
والخطاف جزء بسيط من شخصيتي... لكن بالمقالب لا...
:D
-
رجعت مرة ثانية للاسئلة.. شكلك مابتخلص منها هههههههه
انا ياتني اسئلة من خلال اجاباتك... اجاباتك كانت حلوة وغريبة نوعا ما ^_^
1- انت قلت : "أنا بديت من شاهين (يما تحديته قبل المنتدى)... وبعد مادخلت المنتدى واجهت عزيزي الغالي ريكس
وبعدها تميت أتدرب على أسلوب توتو شوي...
واللحين قاعد أواجه ( أكيمي تاكادا)..."
اظن ان التحدي عندك له معنى ثاني.. هل كنت تنتظر نتيجة التحدي في كل مرة؟ اذا انت فزت في التحدي او لا!؟
2- وقلت: " أحاول أحط في كل رسمة للخطاف رسالة يقراها المشاهد من تعابير وجه الخطاف
وإبتسامته وحركته...ووضعيته وقصصه مع الإعضاء ومقالبه..." ... رسالة مثل شنو؟
3- سؤال من غير تعليق على كلامك.. بس هل انت تاخذ الاسئلة معاك البيت وتجاوب عليها وبعدين تيي تحط الاجوبة.. ام هي تلقائية؟:6
وبس.. حتى الان ^_^
-
السلام عليكم :) .. كيف حالك يا الخطاف ^^ .. مستعد للأسئلة ؟ :6 .. بدينا ..
1/ وين تشوف نفسك بعد 10 سنوات؟
2/ كيف حلوى الشويطر معاك ^^؟
3/ متى آخر مرة رحت فيها الريحانة؟ :D
4/ بمن تقتدي بالرسم في بعض الأحيان؟
5/ ماهي مشروعاتك الفنية القادمة؟
ننتظر إجاباتك على أحر من الجمر :cool:
-
كل هذا طافني و انا ما دري
رانما أطلقوا صراحه..و اللورد زاكس فلت من أسئيلتي
و اللحين هي هي هي الخطـــــــــــــــاف الضحيه
..الاسئله:
1_ رسمت مانجا طويل لهو عده أجزاء؟ و إذا نعم شو إسمه و قصته الرئيسيه؟
2_ شو أحلى موقف صار لك في المدرسه؟
3_ شو رايك بأنيمي Rave؟ إذا سمعت عنه؟
4_ كيف تيك الافكار الكوميديه حق كاراكتيراتك ؟ لان أفكارك ماشاالله عليها كثيره و متنوعه؟
هذا اللي عندي ألحين ...^ ^
-
شاهين... مشكور لأنك كثرت من الاسأله..
وأنا آسف شباب على التأخير بعد...
وأوعدكم بأني ماراح ايتأخر مرة ثانية بعد ماوصل خط الأشتراك البيت^^
نتابع شاهين
رجعت مرة ثانية للاسئلة.. شكلك مابتخلص منها هههههههه
انا ياتني اسئلة من خلال اجاباتك... اجاباتك كانت حلوة وغريبة نوعا ما ^_^
يس...
أحب الأشياء الغربية ^^ أخذ راحتك شاهين...
1- انت قلت : "أنا بديت من شاهين (يما تحديته قبل المنتدى)... وبعد مادخلت المنتدى واجهت عزيزي الغالي ريكس
وبعدها تميت أتدرب على أسلوب توتو شوي...
واللحين قاعد أواجه ( أكيمي تاكادا)..."
اظن ان التحدي عندك له معنى ثاني.. هل كنت تنتظر نتيجة التحدي في كل مرة؟ اذا انت فزت في التحدي او لا!؟
قبل لأجاوب باقولكم تعريف كلمة التحدي مالتي
التحدي: بأنك تثبت لنفسك بأنك أحسن من الشخص أو المجموعة إلي تتحداها في شي معين, وعلى فكرة أنا شخصيتي تتأثر من الشخص إلي أتحداه لدرجة كبير.
يعني أختار إلي أتحداه من رسمه وشخصيته بعد...
وأنا كل واحد تحديته كنت أتحداه في شي معين أنا أحب أطور نفسي فيه وما أوقف إلا لما أقتنع بأني وصلت لمستواه أو فزت عليه...وأحسن كلمة أعبر فيها عن هالأحساس والتصرف هي كلمة التحدي...
مثلاً شاهين كنت أتحداه في جمال الرسمة وفي تطبيق قواعد الرسم(من العضلات والجسم وغيره)
أما ريكس كنت أتحداه في جمال الرسمة بعد لكن كنت أتحداه أكثر في حركة الشخصية والتلوين وأنتوا تعرفون أسلوب ريكس ماشالله عليه...
وأما عن توتو وأنا تحديتها بيني وبين نفسي (حتى هي ماتدري لكني قلت لها بأني أحاول أقلد رسمها شوي لكن مو لدرجة إني أغير إسلوبي) وكنت أتحداها على وضع إحساس في الرسمة بحيث إن الرسمة تنجاف بالعين ولكن القلب يتأثر فيها بعد... (وهي ماشالله عليها محترفة وايدفي وضع الإحساس في الرسمه وكأن رسمتها تتكلم)
وأما عن أكيمي... وأنا للحين أحاول معاها...لكني قربت أخلص...
أجوف رسمها روعه ورسم أكيمي مميز لأن من شكل الشخصية وحركته في الرسمة بتفهم أي نوع من الشخصيات هو...
وطبعاً تلوينها ما أجرب صوبه.. يعني إذا بتقارنون بين تدريبي ورسمها قارنوا بدون ألوان...
وأما عن النتيجة بأني أفوز أو لا..
أنا ما أهتم إذا فزت... أهم شي عندي اني طورت الشغلة إلي أنا محتاج لها من المتحدي الثاني..
ومن جذي أنا ما أهتم إذا قالوا لي الأعضاء بأن رسمتي حلوة أو لا... أهتم لملاحظتهم وأعز العضو إلي يطلع لي الأغلاط في الرسمة والأشياء إلي عجبته بعد...
2- وقلت: " أحاول أحط في كل رسمة للخطاف رسالة يقراها المشاهد من تعابير وجه الخطاف
وإبتسامته وحركته...ووضعيته وقصصه مع الإعضاء ومقالبه..." ... رسالة مثل شنو؟
أنا حبيت بأن تكون شخصية الخطاف مميزة عن غيرها بالضحكة مالتة... وورى هالإبتسامة الشريرة
رسالة... كل واحد يجوفها بيفهمها على طريقته...
منهم من قال ( المقلب القادم إحتمال يكون عن أي عضو قوي أو حتى عني)
ومنهم من قال (شخصيته شريرة ومسيطر على الوضع تمام ومقتنع من مقالبة وحركاته ومايخاف)
ومنهم (شخصية قوية لكن ماأقدر أخمن أي شي من قصته لأني ماعرف شنو هدفه من هالحركات)
3- سؤال من غير تعليق على كلامك.. بس هل انت تاخذ الاسئلة معاك البيت وتجاوب عليها وبعدين تيي تحط الاجوبة.. ام هي تلقائية؟
إذا كانت الإجابات طويلة أو الأسألة كثيرة آخذهم معاي^^
أما إذا قصيرة وقليلة أحلها في نفس الوقت... بس بعد اتأخر معاها ^^‘
وبس.. حتى الان ^_^
-
ياحيالله بولبن ...
سعيد بتواجدك معانا...
السلام عليكم .. كيف حالك يا الخطاف ^^ .. مستعد للأسئلة ؟ .. بدينا ..
وعليكم السلام أنا مستعد... أبتدي...
1/ وين تشوف نفسك بعد 10 سنوات؟
في دولة غير البحرين... أفكر بأني أستقر برع البحرين...
2/ كيف حلوى الشويطر معاك ^^؟
وااااااو... حلوى شويطر... خلني أقولك.. حلوى شويطر أحشن حلوى في الخليج... وأكيد أكيد في العالم العربي وأكيد أكيد في العالم...
يعني أحسن حلوى الحلوى البحرينية تعرف ليش؟
لأن البحرين مملكة :D
3/ متى آخر مرة رحت فيها الريحانة؟
يوم أمس الصبح شريت لي ريوق من عندهم :D
إذا تبي أشتريلك وأطرش لك السندويش على الإيميل:D
4/ بمن تقتدي بالرسم في بعض الأحيان؟
بكل واحد يعجبني رسمة... أو كل رسمة أجوف فيها شي أنا ما أقدر عليه أو للحين ماوصلت لمستواه..يعني حتى كيمينو وشادوكات وزاكس وميثم وغيرهم أجوف عندهم حركات حلوة في الرسم أو التلوين أنا أستفيد منها لما أدقق في رسمهم وأحاول أجربه بعدين...:D
5/ ماهي مشروعاتك الفنية القادمة؟
الهجوم على شاهين في العصابات...
الفوز على كل المجموعات فيتحدي بين المجموعات
أرجع لموضوعي كاريكاتيرات على الأعضاء وأول قصة أحطها عنك...
وسلامتك...
حلوين اسألتك بولبن.. لتخليني أنتظر وايد... اسألني مرة ثاني ها؟...:D:D
ثانكس بولبن:p
-
-][HaNa Sun][-
وااااااو... ويلكم باك -][HaNa Sun][-....
طولتي وايد هالمرة...
كل هذا طافني و انا ما دري
رانما أطلقوا صراحه..و اللورد زاكس فلت من أسئيلتي
و اللحين هي هي هي الخطـــــــــــــــاف الضحيه
جفتي شلون؟ حق تعرفين بأنج تأخرتي...
..الاسئله:
يس يس
1_ رسمت مانجا طويل له عده أجزاء؟ و إذا نعم شو إسمه و قصته الرئيسيه؟
رسمت وايد وايد وايد قصص...
ووحده منهم حطيتها في المنتدى ...
(( موت الخطاف قصة مصورة)) هذا أسم الموضوع لكن الرسمات أنحذفوا لما أخترب المنتدى في يوم من الأيام...(( جفتيها القصة؟))
وكان رسمي وايد تعبان ذاك اليوم...
واللحين أنا وهارد قاعدين نخطط لقصة العمر مثل مايقولون..
2_ شو أحلى موقف صار لك في المدرسه؟
أها,, أنا باقولج موقف صادني وكنت فيها أحسن من كونان...
مرة في إمتحان المنتصف لمادة الإجتماعيات على ما أذكر...
وكان أمتحانا في قاعة كبيرة تضم كل الطلاب إلي عندهم نفس الماده...
أنا حليت بشكل حلو الحمدالله وزاد من عندي وقت... وأنا تملل...
والعادة أحسن شي تسويه في الملل شنو؟
الرسم
لكن ماعندي أوراق أرسم عليهم؟
شلون عيل؟ شاسوي؟ لحظة؟ عندي ورقة الاسألة في يدي...
مافي مكان فرغ أرسم فيه... وعندي أوراق للإجابة عليها...وااااو في صفحات وايد من ورى فاضيين .. يس يس
رسمت وأنتوا بكرامه خنزير شكله مضحك مع الشنب والنظارة...
وبعد كم يوم وزعوا علينا أوراق الإجابة ممع النتايج...
لكن الشي الغريب بأن الأستاذ وبخني توبيخ قاسي وصرخ في ويهي
ويقول بأني حليت في ورقتين من الإجابه وحده منهم درجتها حلوة والثانية درجة تعبانه جداً... وقلت له بأني حليت أنا في وحده بس وجوف الخط في الحلول مثل خطي الدرجة الحلوة هي مالتي...
وقال لا.. أنت تاخذ صفر على هالفعلة...وإذا تبي تناقشني كلم المشرف بالأول..
وأنا قعدت مكاني وأنتظر الفصحة لأكلم المشرف...
وفي نفس الوقت لما وزع الأوراق كان في واحد ماخذ ورقته وكان ساكت... وقاله الأستاذ وين ورقتك؟ أنت كنت موجود في قاعة الأمتحان؟ وأنا على طول قلت يمكن هو إلي كتب أسمي على ورقة إجابته ووهقني...
وقلت للأستاذ عن هالشي.. وقال الأستاذ لذاك الطالب: عدل إلي يقوله؟
وجاف الخط من دفاترة وخط الإجابات نفس الشي ...
وقالي الأستاذ.. عدل الدرجة الزينه لك...
لكن عندك دليل؟
وأنا تعجبت... شاقوله اللحين؟
وتذكرت الخنزير
قلت له بأن في ورقة الإجابة صورة خنزير في الصفحات الفاضية الأخيرة..
وتم يدور.. وجاف الرسمه... يسسسسسس
وعطاني الورقة وجان الطلاب كلهم يصفقون لي...
وااااو كنت باروح فيه ... هههههههههه
ينفع هالموقف الطويل؟^^‘
3_ شو رايك بأنيمي Rave؟ إذا سمعت عنه؟
سوري... ماعرفه ^^،
4_ كيف تيك الافكار الكوميديه حق كاراكتيراتك ؟ لان أفكارك ماشاالله عليها كثيره و متنوعه؟
الأفكار تييني بتفكير طوييييييييييييييييل... ياخذ لها يومين تقريباً وهي في بالي وتتطور.. وأكثر شي أحاول أحلل أسم العضو^^
هذا اللي عندي ألحين ...^ ^
يعني بترجعين مرة ثانية
كوووول
ننتظر اسألتج أختي هاناسان وثانكس على الاسألة ":"
