للرايقين -مقارنة بسيطة في ألعاب الرعب

اقتباس:

---

ترى كل الصفات السيئه و الجيده موجوده في الاولاد و البنات! ما فيه فرق!

---

كلام منطقي وصحيح100%...وكل له طباعه سواء كان بنت او ولد...

اقتباس:

---

سنفر + سيون : كملوا هواشكم لأن يونس

---

:) أنا وسيون مانتهاوش...وانتي عارفه سيون بنت ماتتعدى حدودها في الكلام..وانا بعد مااحب أجرحها ولا احب أزعل احد:o

اقتباس:

---

و بعدين حنا بنات يحبسونا مثل المساجين في المدرسة :"

---

مساكين:D انا لما كنت في الثانوي كنت اهرب من المدرسة...المدير تعب معاي
صار يقل لي ياولدي ياولدي والله تعبتني وش اسوي فيك مذاكره ماتذاكر في الحصه نايم وفي الغياب مين قدك ياحبيبي...
وفي المدرسه مافي ولد سلم منك انت واللي معاك...
وأنااسوي نفيخه بااللبان وأفرقعهايعني مطنش...الله واعلم التعهدات اللي كاتبها قد ايش....
بس آخر سنتين شديت حيلي وصحيت من خمولي صرت اجيب التفوق ويوم التخرج المدير صار يضحك ويقل لي
انا عمري ما عدى علي ولد مثلك ولا رح يعدي علي....
بس كنت عن جد فاشل:D...الله يرحم ايام الثانوي:o

اقتباس:

---

أعترض ... إذا مو مصدق تعال و شوف الجامعه عندنا ... كلهم نماسيس ... نماسيس جمع نمسيس:6

---

هلا كلير الحمد لله احنا بخير ....وانشاالله انتي كويسه بعد...
نماسيس في الجامعة قصدك يعني أولاد ولا بنات؟؟:D
يه يه احنا مو عندنا في الجامعه نماسيس وبس حتى كلمة نمسيس لزقه ماتنفع معاهم ...
وخاصة اصحابي اذا لزقوا في بنت مااعرف وش اللي يفكها منهم...بس انا لأ ....:D
اليوم شافوني بنات المشكله مزعجين انا وصاحبي ماشيين باالدبابات خلاص
وعاد انا قاعد ارفع باالدباب وهذول البنات اللي تصرخ واللي تعض على يدها كنهم اول مره يشوفون واحد معه دباب
...والله مصخرة... :":
بعدين انا وصاحبي نبي ناخذ قهوه من محل ستار بكس انا وقفت الدباب واهو نزل يجيب القهوة...
وعاد اهي تقرب مني معاها صحباتها قاعدين يتمسخرون وجايه معاها ورقه تبي تعطيني النمرة
(شفتوا بس آخر الزمن البنات صاروا يرقمون):أفكر: ...بس طبعأً ماخليتها تقرب مني فكيت البنزين حق الدباب
تعرفون كيف صوته عالي عررررررررر كذا يعني:D ..مسكينه خليتها اهي وصحباتها من الخوف
صاروا يجرون راحوا بعيييييد :6 والمشكله قاعده تجري وتقول ياي قاسي...وخلاص انا قاعد اضحك عليهم
جاه صاحبي يقل لي وش سويت في البنت خليتها تجري مثل المجنونه في الطريق...وأنا خلاص الدمعه نزلت على خديني من الضحك:D
<<ماشاء الله على السوالف:D الأخ فاااايق...
ياالله علشان مانمل :6
المهم ابي أسألكم انتم هاالأيام وش سالفتكم انتم والشوش والكشات:6
والله مثل أختي الصغنونه كل ماتشوفني تمسك الفرشه تقعد تمشط لي أقلها انا شعري حلو انتي روحي رتبي الشوشه حقك
أقعد اغنيلها( أم الشوشه المنكوشه) تزعل وتروح تفتح فمها عند ماما ولا تقفله:D

المهم سيون متى بتكملي جزئك؟؟
كلير على فكرة اشتقنا للقصص حقك^_^

اقتباس:

---

المهم ابي أسألكم انتم هاالأيام وش سالفتكم انتم والشوش والكشات

---

XD XD XD :D

هذي صايره صج؟ *ضحك هستيري*

اكيد تمشط لك شعرك و انت نايم XD

بعدين حتى اختي تجي تمسك مشط يعور >_< و تفتح شعري من المسكه (العضاضه و ما ادري شسمها ?: ) و تقعد تكشط, انا بطبيعتي هادئه و لا اطق, بس لكا تمصع شعري لدرجه غير معقوله و تنزل دموع الالم من عيوني, تقول لي: عورتك؟

:" :" :اي عورتني! اذا خلصتي رفعي شعري زي ما كان...

عاد الله لا يوريكم التسريحات و التقليعات الجديده اللي تطلع :(

بس اني ما اهاوشها مهما كانت شوشتها معفوسه :D

اقتباس:

---

أما يا رني : ليش أنتي كذه عنصر خامل (( متأثرة بالكيمياء )) ليش ما تكملين نقاش حول لصاقة الأولاد

---

انا ما اعرف حيل عن لصاقه الاولاد, لاني و بكل بساطه ما احتك فيهم ^_^

الكليه كلها بنات و انا ما البس عباه كتف ^_^ البس عباه رأس :0)

و بعدين يا ويل اللي يقرب مني اصلاّ! اصمخه (اطقه) عدل بالمسدسات حقي! *او في السوق بس بالشنطه
?: *

تري شنطتي تعور! فيها غرشه عطر ضد الكسر ^_^ *الغرشه مو الرأس*

:D

زيللي ما راح الرحله, قعد يغثني طول اليوم حاجز البلايستشن علي :غضب: ما أدري كيف القي سؤال حلو حق اللعبه و انا ما لعبت! :غضب: :غضب:

المهممممممممممممممم.... وين القصه؟؟ زهههههههههقققققققققت!

ابي اقرأ!

البنت معطله و لا عندها شغل :D

Renny~

ما شاء الله يا سنفير عندك ماضي مشرق أيام الثانويه :6 و زين سويت بالبنات لما كنت بالدباب ..... شنو دباب ؟ :D... تقصد سيكل ؟ ( دراجة ناريه )

اقتباس:

---

نماسيس في الجامعة قصدك يعني أولاد ولا بنات؟؟

---

الأولاد و البنات بعد <<< تغير الموقف :6 ..... للأسف هذي الحقيقه ، موقف سنيفر أبسط موقف :6 تعال و شوف حركات البنات عندنا حتى يقولون للشباب إحنا إهني ...(((( مصايب )))) ، الحمد لله و الشكر إنشاء الله ما يبلينا و يهديهم إنشاء الله ..
أنا أقول بصراحه ، أنا مع صديقاتي نقعد ندرس في الجامعه ... لكن ما نقدر من الضحك إلي يصير حولنا ، وحده تسوي حركات عبيطه و هي تتكلم بالموبايل جدام الشباب و لا أربعه يمشون ورا وحده ( ما أدري شنو الفايده ) ... و لا مجموعه يمشون و يردون من نفس المكان مثل النحل ( طبعا شغلهم ما له فايده مو مثل النحل المسكين :D ) و غيرها من الهوايل و نعود بخفي حنين و نرجع البيت و ندرس

اقتباس:

---

أنا وسيون مانتهاوش...وانتي عارفه سيون بنت ماتتعدى حدودها في الكلام..وانا بعد مااحب أجرحها ولا احب أزعل احد

---

لا تفهم غلط إهي مو قصدها هذا ... تقصد الهوشه على لعب أو ضحك .. يعني إلي قاعد يصير و يتبعها :D أو :6 يعني ما تقصد إلي فهمته

اقتباس:

---

الكليه كلها بنات و انا ما البس عباه كتف ^_^ البس عباه رأس

---

فعلاً إنت مرتاحه ... و سواء لبست عباءة كتف أو راس ، ما نفتك من لصقة الصبيان ... يظل يحوس جدامج كأنه يقول شوفوني أنا موجود ... كلب حراسه مو صبي :أفكر: ما أقصد الكل طبعاً ، أنا أحترم الصبي إلي ماشي بحاله و يخلي البنات بحالهم

اقتباس:

---

و بعدين يا ويل اللي يقرب مني اصلاّ! اصمخه (اطقه) عدل بالمسدسات حقي! *او في السوق بس بالشنطه

---

يا خطيره ... تعجبيني ^_^

اقتباس:

---

البنت معطله و لا عندها شغل

---

نتبادل أماكن ... أقصد أنا أعطل و إنتي إتروحين بدالي للعله أقصد الجامعه

و الحمد لله أخيراً أقدر أكمل القصة لكن ، لوووووثروووهه :6 لازم يطلع في بداية التكمله و سيون ما كملت ، لهذا ما أقدر أكمل ... أو أكمل ؟؟؟؟؟ ما أدري ?:

اقتباس:

---

اكيد تمشط لك شعرك و انت نايم

بعدين حتى اختي تجي تمسك مشط يعور >_< و تفتح شعري من المسكه (العضاضه و ما ادري شسمها ) و تقعد تكشط, انا بطبيعتي هادئه و لا اطق, بس لكا تمصع شعري لدرجه غير معقوله و تنزل دموع الالم من عيوني, تقول لي: عورتك؟

:اي عورتني! اذا خلصتي رفعي شعري زي ما كان...

عاد الله لا يوريكم التسريحات و التقليعات الجديده اللي تطلع

بس اني ما اهاوشها مهما كانت شوشتها معفوسه
XD

---

هو هو... وانا نايم مو تمشط لي شعري بس...مرة جابتلي الموس(آلة الحلاقه)تبي تخرب لي شعري
بس الحمدلله اني قمت من النوم ولحقتها قبل لاتسوي فيني شي(شرانيه):D

الله انت مرة هاديه...انا اختي تخاف مني بس اقلها شوفي لوقربتي مني ياويلك تجلس مقابلتني
وتحط المشط واراها وتقلول لي خلاس انا أ ُسسس:6
انتي كثير حنونه على أختك ريني:D

اقتباس:

---

و بعدين يا ويل اللي يقرب مني اصلاّ! اصمخه (اطقه) عدل بالمسدسات حقي! *او في السوق بس بالشنطه

---

ايه كذا البنات عدل :D

اقتباس:

---

زيللي ما راح الرحله, قعد يغثني طول اليوم حاجز البلايستشن علي ما أدري كيف القي سؤال حلو حق اللعبه و انا ما لعبت!

---

ياحليله زيلي...بأي لعبه قاعد تلعب الحين؟؟انا مشغول ب Tenchu3هاالأيام:D

اقتباس:

---

ما شاء الله يا سنفير عندك ماضي مشرق أيام الثانويه و زين سويت بالبنات لما كنت بالدباب ..... شنو دباب ؟ ... تقصد سيكل ؟ ( دراجة ناريه )

---

أقصد الMotorcycle اللي اهي الدراجه النارية مثل ماقلتي او السيكل

اقتباس:

---

لا تفهم غلط إهي مو قصدها هذا ... تقصد الهوشه على لعب أو ضحك .. يعني إلي قاعد يصير و يتبعها أو يعني ما تقصد إلي فهمته

---

انا اعتذر على سوء فهمي لها:o ...وانا ماكنت اقصد شي وآسف اذا الكلام زعلها......سامعتني يا ألين ماحصل شي:) :D

السلام عليكم ..

متأسفين على التأخر في الرد .. لأن الرد هنا يبغاله قعدة شوي :D

المهم .. بأحاول بقدر الإمكان أنني أكمل جزئي .. لأن الظروف ذابحتني .. و مني قادرة أكمل .. كل ما أجي أبغا أكتب تنط علي بروبلام .. و كما تعرفوا لكتابة القصة يبغالها شوي وقت ..

نعود للنقاش :D

ماشاء الله ماضي باهر للغاية يا بابا سنفور :D يعني حياة الممل التي عند الفتيات أبدا لا تناسب الأولاد , إحنا سبع حصص ملصقين على الكراسي و لا نروح لا يمين ولا شمال ?:

هااهاهاهاهاه بس قصتك حلوة (( أكيد كانت النمسيسية معك في الدباب :6 )) بس أحسن فشالة و حلال في مثل هذولة البنات إلي ما عندهم حياء :أفكر: ..

و عن الشوش أنا شوشتي مرتبة و لا تتغير أبدا :o و ما أخلي أحد يمسك شوشتي :D

سنفور وش فيها تحلق لك شعر راسك .. خايف عليه :6 مسكينة أختك الصغيرة :D (( وحدة ملقوفة ))

و يا ريني : أنا عمري أيضا ما أحتكيت معهم أبدا ?: بس لصاقتهم تطلع في الشات (( لما كنت أخشه قبل مائة سنة ))

هههه أصلا كلهم يهربوا مني (6) معي النمسيسية بودي جارد :p ( أمزح )

و يا ريني ليش يعني بالشنطة .. تكسرين العطر الغالي على ناس ما يسووا .. خذي معكي درزن رشاشات و بنادق وبوازيك و أضمن لكي النتيجة الطيبة :D ..

و إنشاء الله الجامعة التي سأذهب إليها ما فيها إختلاط .. أصلا ما عندنا ها الشيء ..

كلير: كلامك صح يا كلير .. يعني حتى لو كانت نمسيسية تحت العباية بظلوا يجروا وراها ?:

طبعا مو كلهم مثل كذه .. أنا بأتكلم عن الأولاد التافهين إلي ما عندهم غير سيرة البنات .. :أفكر: .. يعني لو يدورولهم على شيء ينفعهم أحسن ..
و لا من عدالتهم يعني .. يحسبون نفسهم لوثر و لا توم كروز :6 (( أمزح :D ))

و أخيرا يا حليلكم جالسين تلعبوا بلاي ستيشن و أنا حايسة مع المدرسة و همها >_<

بنشوفكم إنشاء الله مع القصة قريبا :6

و هذا النوع إلي يعجبني :6

[QUOTE]الرسالة الأصلية كتبت بواسطة SINVER
[B]
:) أنا وسيون مانتهاوش...وانتي عارفه سيون بنت ماتتعدى حدودها في الكلام..وانا بعد مااحب أجرحها ولا احب أزعل احد:o

______________
أدري و هي و أنت على عيني و راسي (صح العباره ولا لأ) المهم أنا مو قصدي تتهاوشون بمعنى تتهاوشون يعني لما انتا وسيون (مادري شيسمونها الي تصير بينكم) على فكره موبس انت وسيون كل اللي مشتركين بالهذا الموضوع خصوصاً أنا وكلير لأني بعد شوي راح أكشر أنيابي و أبرز مخالبي لومو اللي يصير و اللي مادري شسمونه أنا راح أسميه مناوشات لأني مره سمعته بالأخبار و عجبتني الكلمه صراحه لومو هذي المناوشات جان مادري شلون كل واحد يكتب قصته ويمشي تصير بايخه لكن بهذي المناوشات تصير حلوه
_________________

بعد عمري و الله كليرD: انتي دافعتي عني و كلامج صح و أنا توني وضحت حق سنفر المهم انتي ماقصرتي دافعتي يا أم الأحمر :غضب: لكني مو لزقه أصلاً توني طالعه من عزاء 1000000000000 فبس خلاص كلهمماتوا طبعاً بفضلي انا انا ذبحتهم
ظل بس واحد اهو :# :# ستيف وسلا متكم على الأقل واحدأهب فيه يوم مولزقه بريووو أصلاً أمس بعدالعشا أنا و ريو قعدنا انحش فيج ما سمعتي صوت صفاره بأذونج ريو كان قاعد يقول "واااي قطيعه هذي كلير ما نقدر نتنسم منها لزززززقه " وكنت ابي اهدي الوضع جان أقول"لا كلير مو لزقه كلير شبه لزقه " :6 :6

اقتباس:

---

هااهاهاهاهاه بس قصتك حلوة (( أكيد كانت النمسيسية معك في الدباب )):6

---

لو نمسيسه معي في الدباب ماكانوا قربوا مني أصلاً:6

اقتباس:

---

ترى فيه اوالد لزقات. يسمونهم (شباب الشات) ^_^ هذولى اغث من مدرسه الرياضيات!

---

اقتباس:

---

أنا عمري أيضا ما أحتكيت معهم أبدا بس لصاقتهم تطلع في الشات (( لما كنت أخشه قبل مائة سنة ))

---

اللي في الشات مايتسموا لزقه ماتناسبهم ابداً...اللي يتلفضون باالألفاظ الخليعة واللي ماتتناسب مع الدين...
بصراحه آخر مسخره وآخر نذاله صايرين يلهفوا ورا شهواتهم مثل الكلاب اللي في الشوارع أستغفر الله العظيم بس ....
اصلهم في نظري ماهم رجال "اللهم جنبناهم وابعد عنا عشرة أهل السوء يارب":o :o
والله الواحد يشوف الكلام اللي يتكتب أستغفر الله انا أخجل من نفسي أقول وش مدخلني عند هذول
وخاصة arab chat عن جد فظيع...
والله انا لما أسافر على أوروبا اروح عند خوالي ابداً مااسمع مثل هاالكلام هناك...هم صحيح عندهم
بس مو علني مثل هذول اللي في الشات:":
المهم خلنا نشوف غير هالسالفه:o

اقتباس:

---

.. خذي معكي درزن رشاشات و بنادق وبوازيك و أضمن لكي النتيجة الطيبة ..

---

أووووف ليه مو قنبله ذريه باالمره:أفكر: :D

اقتباس:

---

طبعا مو كلهم مثل كذه .. أنا بأتكلم عن الأولاد التافهين إلي ما عندهم غير سيرة البنات ..

---

لأ ابداً هاالكلام مو صحيح...انتي لو تعرفين ان هاالأولاد اللي تتكلمين عنهم مايفكرون في ولا بنت ولا يشغلون بالهم باالبنات أصلاً...
هذول يفكرون بنفسهم وكيف يلعبون ويرمون مثل البزر اللي في يده لعبه ويستغني عنها لما تجي له لعبة جديده...
يعني حطوا فراسكم ان هاالنوعيات من الشباب مايعرفون شي أسمه أخلاص...أنا ولد مثلهم وأعرفهم كويس:)

اقتباس:

---

بنشوفكم إنشاء الله مع القصة قريبا

---

أشوف القريباً هذا كل ماله يبعد ويقرب قاعد يلعب على راسنا:6 ...المهم بننتظر:أفكر:

اقتباس:

---

أدري و هي و أنت على عيني و راسي (صح العباره ولا لأ) المهم أنا مو قصدي تتهاوشون بمعنى تتهاوشون يعني لما انتا وسيون (مادري شيسمونها الي تصير بينكم) على فكره موبس انت وسيون كل اللي مشتركين بالهذا الموضوع خصوصاً أنا وكلير لأني بعد شوي راح أكشر أنيابي و أبرز مخالبي لومو اللي يصير و اللي مادري شسمونه أنا راح أسميه مناوشات لأني مره سمعته بالأخبار و عجبتني الكلمه صراحه لومو هذي المناوشات جان مادري شلون كل واحد يكتب قصته ويمشي تصير بايخه لكن بهذي المناوشات تصير حلوه

---

أنا فاهم قصدك ياألين:) واللي حصل قبل مثل ماقلت لك كان ناتج عن سوء فهم أعذريني:": scusami il disturbo^_^

[QUOTE]الرسالة الأصلية كتبت بواسطة elain
[B]

اقتباس:

---

الرسالة الأصلية كتبت بواسطة SINVER

:) أنا وسيون مانتهاوش...وانتي عارفه سيون بنت ماتتعدى حدودها في الكلام..وانا بعد مااحب أجرحها ولا احب أزعل احد:o

______________
أدري و هي و أنت على عيني و راسي (صح العباره ولا لأ) المهم أنا مو قصدي تتهاوشون بمعنى تتهاوشون يعني لما انتا وسيون (مادري شيسمونها الي تصير بينكم) على فكره موبس انت وسيون كل اللي مشتركين بالهذا الموضوع خصوصاً أنا وكلير لأني بعد شوي راح أكشر أنيابي و أبرز مخالبي لومو اللي يصير و اللي مادري شسمونه أنا راح أسميه مناوشات لأني مره سمعته بالأخبار و عجبتني الكلمه صراحه لومو هذي المناوشات جان مادري شلون كل واحد يكتب قصته ويمشي تصير بايخه لكن بهذي المناوشات تصير حلوه
_________________

بعد عمري و الله كليرD: انتي دافعتي عني و كلامج صح و أنا توني وضحت حق سنفر المهم انتي ماقصرتي دافعتي يا أم الأحمر :غضب: لكني مو لزقه أصلاً توني طالعه من عزاء 1000000000000 فبس خلاص كلهمماتوا طبعاً بفضلي انا انا ذبحتهم
ظل بس واحد اهو :# :# ستيف وسلا متكم على الأقل واحدأهب فيه يوم مولزقه بريووو أصلاً أمس بعدالعشا أنا و ريو قعدنا انحش فيج ما سمعتي صوت صفاره بأذونج ريو كان قاعد يقول "واااي قطيعه هذي كلير ما نقدر نتنسم منها لزززززقه " وكنت ابي اهدي الوضع جان أقول"لا كلير مو لزقه كلير شبه لزقه " :6 :6

---

:أفكر: الله يخليج قولي لي بعدين شنو كاتبه بالضبط ... لازم ترجمه ، ما فهمت إلا أم الأحمر و ريو يقول حقج : يا إلين لوعتي جبدي من لزقتج فيني :6

اقتباس:

---

عمري و الله كليرD: انتي دافعتي عني و كلامج صح و أنا توني وضحت حق سنفر المهم انتي ماقصرتي دافعتي يا أم الأحمر لكني مو لزقه أصلاً توني طالعه من عزاء 1000000000000 فبس خلاص كلهمماتوا

---

واجب الأخوة و القرابة و الصداقة و الصحبة و الطفولة و الشباب و ال... إلخ :6 ، و على فكرة ظل إثنين لكن ما أذكر إسمه ... أعتقد سكول في فاينل فانتسي و لو ما أدري شنو القصة لكن أعتقد ما يموت في النهاية و ستيف ... كل إلي لاصقه فيهم مساكين يموتون ... ( قبسه ) :6

اقتباس:

---

لو نمسيسه معي في الدباب ماكانوا قربوا مني أصلاً

---

هذا يدل إنك تحبها وااااااااااااااااااااااااااااااااااااااااااااااااااااايد بس مستحي إتقول \ :D

اقتباس:

---

المهم .. بأحاول بقدر الإمكان أنني أكمل جزئي .. لأن الظروف ذابحتني .. و مني قادرة أكمل .. كل ما أجي أبغا أكتب تنط علي بروبلام .. و كما تعرفوا لكتابة القصة يبغالها شوي وقت ..

---

إذا ما تقدرين خلي بس يوم الأربعا دراسه و يوم الخميس لعب ( في هذا اليوم كتبي القصة (6) ) و الجمعه مراجعه إذا كان هذا بسبب الدراسه ... وضعت لج جدول إشتبين بعد :6

اقتباس:

---

و أخيرا يا حليلكم جالسين تلعبوا بلاي ستيشن و أنا حايسة مع المدرسة و همها >_<

---

أنا مو قاعده ألعب :" ... بعد خمس دقايق تبدى محاضرة العله ، الفيزيا ... الله ياخذك يا نيوتن ( أهو ميت :6 )
ليش كلكم عندكم تواقيع جديده إلا أنا :" و دي لو عندي توقيع مثلكم <<< نصابه يعني ما أبي أكتب و أقول سوي لي توقيع :6 :D

بعد أن توجهوا سيون و أربي جي و لوثر إلى القصر .. فقدت أربي جي و عيها من دون سبب .. ترا ما هو السبب ؟؟؟



فور ماي لايف فو ماي هوم
ذيز إز ماي لاست تايم تو وري بعض ناس شغلها
ذيز إس ماي لاست فرصة ..

لوثر: يه !! وشبها زميلتك راحت وطي ؟؟؟ سيون: يمكن عجبها القصر .. من كثر ما حبته يغمى عليها (( تخفف دمها ))
لوثر: وات إيفر .. سيون: لا تخاف .. إلحين تصحى .. هي تحب تمزح معي ..

و تقترب سيون و تجلس بجانبها .. و من دون أي أهمية : أربي جي قومي .. أربي جي فزي .. أربي جي !!!!!!

سيون في لحظة : وااااااااااااااء وشبك أربي جي ردي علي !!!
لوثر: ما قلتلك !!!
سيون مكملة بكاءها : وااااااء خلتيني لحالي في هذا المكان البارد .. إلي صاحبه رامينا في العتبة الباردة هذه
لوثر: :! ماذا ؟؟؟؟ :غضب: وش تقصدي
سيون تدير رأسها و تعلوا عينيها نظرة شريرة .. نيهاهااهاهاه (6) أمزح معك :D
لوثر: :أفكر: أهل العقول في راحة

سيون: :غضب: يعني ؟؟؟ و النهاية ..
لوثر: أوبس متأسف ...

و يحمل أربي جي .. و يقول لسيون : أتبعيني ..

بعد أن حملها إتجهوا إلى الدور الثاني و توجهوا إلى غرفة ووضع فيها أربي جي على السرير الكبير ..

سيون عندما دخلت : كأنني أعرف هذا المكان من قبل !! كأنني كنت فيه ؟؟
لوثر: هذه غرفة النوم للضيوف ..

خرجوا كلاهما من الغرفة .. و نزلوا مرة ثانية للأسفل ..
سيون: طيب إلحين وش نسوي !! فين الباقيين ؟؟
لوثر: :أفكر: تراكم لخبطتوني بكثرتكم .. خايف أنه يطلع لي عاد ناس جدد
سيون: :غضب: يعني وش فيها يعني !! مو عاجبينك ..
لوثر: ما راح تفهمين !!

سكوت لبرهة ثم ...
سيون: طيب وش العلة في أربي جي إلحين ..
لوثر: ما أدري وش فيها !! تعالي المعمل معي نشوف دواء لها ..
سيون: معمل ؟؟؟
لوثر: أي ..
سيون: لا يكون مثل معمل كيرك ؟؟
لوثر تغيرت ملامحه : أي معمل ؟؟
سيون: إلي تحت القبور ?:
لوثر: هو ذاك المحل ما تهد ((تدمر)) للحين :أفكر: .. هذا كيرك سوف أدمره هو و مساعده والكتورة صحبته
سيون : :( ليش يعني !!! هو ساعدني مرة .. ما أقدر أني أأذيه
لوثر: :غضب: هذاك العفريت يساعد أحد .. هذا ما خلافيني شي ..
سيون: :o هو أنقذ أربي جي من ورطتها

لوثر: :! كيف حصلت هذه ؟؟؟
سيون: ((بدأت تثرثر )) أربي جي كان يغمى عليها لقيتها في المقابر .. جاء الأخ كيرك قاعد يخربط علي كلام بعدين قال تعالي للمعمل حقي هو طبعا رمانا بعدها في تلك الغرفة المفجعة .. بس المهم أنه أنقذ أربي جي من الموت و بعدها أنا بمهارتي أكتشفت ...
لوثر : :أفكر: ممكن لو سمحتي ترجعي للموضوع !!!!
سيون: :غضب: لا تقاطعني .... المهم .. لما كانت مغشي عليها طلع دواء لونه ..همم كما أتذكر أخضر مكتوب عليه GV و بعد ما حقنها بالإبرة قال لوسا ...
لوثر: :o خلاص لا تكملي .. أنا أقلك يا عزيزتي وش بها أربي جي ..
سيون: :غضب: رغم أنك قاطعتني هات إلي عندك ..
لوثر: بكل بساطة ضحك عليكم كيرك .. و أعطى لأربي جي فايروس يحولها لزومبي خلال 24 ساعة :o
سيون: :! ما أصدق ... عملها الكلب :غضب: .. إلحين وش أسوي :" ..
:غضب: ما راح يسلم مني كيرك ...
لوثر: هذه مشكلة :أفكر: .. أدوات هذا الدواء أو العلاج يبغالها وقت عبال ما تتلاقى ..
سيون: :" يعني نادرة .. !!!
لوثر: لا ليست نادرة مثل الدواء الثاني .. بأطلع أنا بأدور علي الأدوات .. و أنتي خذي راحتك في البيت و روحي إرتاحي ..
سيون: أي دواء ثاني ..
لوثر: لا تقلقي :)

خرج لوثر إلى الخارج في طريقه لحديقة المنزل .. لكن فجأة يسقط على ركبتيه ماسكا قلبه .. رأت سيون المظهر .. و خرجت مسرعة إليه ..
سيون: :" :" وشبلاك .. لوثر رد علي !!!

لكن لوثر يقف مرة أخرى و بكل وثوق .. وهو يقول: لا تقلقي علي ..
سيون: لالا لازم تقول وش فيك ..
لوثر مغيرا للموضوع : :D سيون ليش كلامك صار كثير .. ما كنتي مثل كذا ؟؟
سيون متحجرة في مكانها مستغربة من كلامه :! .. و خرج لوثر من القصر ككل .. تاركا سيون في دهشتها وهو مبتسم ...

سيون: يعني هو إيش قاصد بالضبط :أفكر: .. يتريق علي :غضب: .. ما أدري :o .. المهم .. خليني أرجع على البيت .. و أقعد أتلقف شوي :D ..

سيون الآن داخل القصر .. يا الله .. البيت مرة حلو ..مثل بيوت الأفلام .. خليني أطلع عند أربي جي .. و إنشاء الله يجي لوثر بالسلامة و يلقى الأصدقاء .. كلير و رينوا و سنيفر ودراجون و الكل إنشاء الله .. (( كل الكلام في نفسها مهي مجنونة :o ))

صعدت سيون لأعلى عند غرفة أربي جي .. جلست بجانبها و هي مرقدة في السرير دون حراك .. مسكت شعرها و تمسد فيه .. لكن فجأة تبدأ تذرف دموعها وهي تقول: لا تتركيني يا أربي جي .. ما لي غيرك في الدنيا .. أنت صديقتي الوحيدة و عائلتي الوحيدة .. أنتي اللي ساندتيني قبل سنتين لما كنت وحيدة ما أعرف من أنا ..

لكن سيون تمسك نفسها و تمسح دموعها .. لكن إنشاء الله ترجعي بخير .. و نرجع مع بعض ..

تقوم سيون و تخرج من الغرفة و تقفل الباب ورائها ..
سيون في نفسها : :أفكر: يعني إلحين كيف يصير الواحد شكله وهو زومبي .. :أفكر: من غير شوشة .. و لا من غير عيون و لا من غير عقل .. ?: يعني وش جاب ها السيرة إلحين !!!

لكن فجأة تسمع دبيب أقدام في الجوار .. و ترا ظل فتاة صغيرة ..
سيون: :! بسم الله .. وش ذا !!! لا يصير فيلم مرعب !!!

لك سيون تتبع الخطوات و تمشي وراؤه .. و كلما سرع ذلك الدبيب لحقت به و أسرعت معه .. سيون و هي تركض : يعني في الأخير وين بروح ..

تصل إلى ردهة غريبة .. كأنها معروفة .. كأنها زارتها من قبل ...
سيون: هذا مثل إلي في حلمي ؟؟؟ حلم الذي فيه لوثر بالدم .. ووحش مخيف ...
يكمل الدبيب طريقه .. و يغلق الباب خلفه ..
الآن سيون لا تعرف ما تفعل .. هل تقترب من مصدر الصوت و تواجه مصيرها .. أم تبقى في محلها وتتراجع ..

سيون تتمالك أعصابها .. و تقول : أمري لله ..
بدأت تمشي في ذلك البهو .. إلى أن وصلت للتقاطع الذي ينفصل لليمين و الشمال .. سيون خائفة من التقدم .. لأنها لا تريد أن تعود مشاهد الأحلام حقيقة ..

تتقدم .. :D الحمد لله الخطوة أولى تمت وجات سليمة ..
لكن تبقى لها أن تختار الطريق الأيسر و تفتح الباب .. تمشي سيون ببطأ .. و تفتح الباب و قلبها مليء بالرعب ..

فتحت الباب .. الدهشة تملأ سيون .. غرفة كبيرة .. مليئة بالتحف و اللوحات ..غرفة فخمة .. لكنها كانت مايئة بأقفاص كأنها أقفاص للحيوانات ..

تقترب سيون من الأقفاص .. ترى فيها أشياء مرعبة .. وحوش مثل الوحوش التي كانت تظهر في المدينة .. !! .. لكنها كانت بأشكال سحالي متوحشة و أشياء من هذا القبيل .. و المنظر الذي زاد دهشتها .. قفص مخصص لوضع الحشرات .. وخاصة الفراشات .. إنها من أحى الفراشات المضيئة التي قامت بلدغ سيون ..

سيون: :! يعني وش الحكاية !! يعني لوثر كان وده يموتني ؟؟ ما أصدق ..

يرجع ذلك الدبيب مرة .. سيون: هذه المرة محا تفلت مني :غضب: ..
سيون بدأت تجري وراء ذلك الدبيب و بكل قوة ..

و هي تردد : لن تفلت مني .. جرررر

و ظلت تتابع هذا الدبيب إلى أن عادت إلى الصالة الرئيسية للقصر .. و توقف الظل عن المشي ...
و كانت المفاجئة !!!!

كان هذا الظل هو فتاة صغيرة لا يتعدى عمرها 8 سنوات .. شقراء الشعر .. تمسك بعروسة على شكل دب في يدها ..

و تنظر لسيون في كل براءة .. و سيون في دهشة عارمة متسمرة في مكانها !!!


يا ترى من هذه الفتاة ؟؟ و ماذا تفعل هنا !!!!

بعديــــــن أرد علــى رسائــلكم :أفكر: :"

اقتباس:

---

لاصقه فيهم مساكين يموتون ... ( قبسه )

---

شنهو يعني قبسه؟ ?:

اقتباس:

---

لو نمسيسه معي في الدباب ماكانوا قربوا مني أصلاً

---

لو نمسيسه معاك ما تحركت الدراجه اصلا :!

اقتباس:

---

هذول يفكرون بنفسهم وكيف يلعبون ويرمون مثل البزر اللي في يده لعبه ويستغني عنها لما تجي له لعبة جديده

---

*nod nod* سينفر على حق! شكثر نقرأ عن مشاكل و امراض بسبب *العاب الاطفال* :غضب:

اقتباس:

---

scusami il disturbo^_^

---

هذا ايطالي صح؟ :واو: انا اعرف اشوي ايطالي :D من كثر مطالع سانا و أكيتو :6

اقتباس:

---

أدري و هي و أنت على عيني و راسي (صح العباره ولا لأ)

---

صح العباره ^_^ أظن :! المناوشات هي اللي تحلي الموضوع زي ما قالت الين :0)

اقتباس:

---

يعني حياة الممل التي عند الفتيات أبدا لا تناسب الأولاد , إحنا سبع حصص ملصقين على الكراسي و لا نروح لا يمين ولا شمال

---

واهاهاها!!! انا كنت ملزقه في الكرسي ست شهور ago ^_^ :0) :0)

الله يعينك! كلها شهور وتقعدين في البيت *سواء فاضيه او انتساب زيي* :! لا تستعجلي! ;) ;)

اقتباس:

---

انتي كثير حنونه على أختك ريني

---

مو بكيفي... صدقني -_-;;

فيه شيء ما لنتبهتوا له..

اقتباس:

---

زيللي ما راح الرحله, قعد يغثني طول اليوم حاجز البلايستشن علي ما أدري كيف القي سؤال حلو حق اللعبه و انا ما لعبت!

---

كيف انا عرفت انه ما راح؟ ;-) حزر فزر!

renny~

:D :D كلير, اي نوع من التواقيع تبغين؟

اقتباس:

---

شنهو يعني قبسه؟

---

قُبِسَه ... تقرأ بهذه الطريقه و تعني :أفكر: .... يعني ... الشخص يسبب المشاكل و المصائب دون إرادته للناس حوله و لنفسه بعد

اقتباس:

---

لو نمسيسه معاك ما تحركت الدراجه اصلا

---

صح ، صح :p

اقتباس:

---

أدري و هي و أنت على عيني و راسي (صح العباره ولا لأ)

---

فشلتينا ، صح العبارة :6

اقتباس:

---

كيف انا عرفت انه ما راح؟ حزر فزر!

---

اقتباس:

---

كلير, اي نوع من التواقيع تبغين؟

---

إهيه واضحه من زمان من أول ما قال عن الغلاف ... أنا شاطرة و عبقريه :6 لهذا سوي لي توقيع على كيفج ... كل شي منج حلو ^_^

اقتباس:

---

بعديــــــن أرد علــى رسائــلكم

---

لأ ... أبي إلحين ، إلحين إلحين تردين على رسايلنا ...كيفي :6

إنشاء الله راح أكمل باجر مساءاً >>>> حلوة هذي :6

السلام عليكم:D :D :D

وين التكملة؟؟:غضب: :غضب:

اقتباس:

---

كيف انا عرفت انه ما راح؟ حزر فزر!

---

انا أعرف!! أنا أعرف!! أقول؟؟
رينوا ساحرة:6 زي اللعبة:0) بس ما عندها Maelstrom:6 :6

ما أظن احد فهم...

وش سالفتكم مع الشوشات؟؟ انا الحمد لله ما عندي شوشة كثيفه كأنها غابة الأمزون:D :D توني حلقت:6

أشوف سيون كملت جزئها:أفكر: ...بأرجع اقراه الحين..

اقتباس:

---

لو نمسيسه معاك ما تحركت الدراجه اصلا :!

---

لا وأنت الصادقه لو نمسيسة معي ماكان خلت لي مكان في الدراجة اصلاً:D

اقتباس:

---

هذا ايطالي صح؟ انا اعرف اشوي ايطالي

---

؟WoOw sprechen sie gut etaliano:)

اقتباس:

---

من كثر مطالع سانا و أكيتو

---

chi e con??:D

اقتباس:

---

واهاهاها!!! انا كنت ملزقه في الكرسي ست شهور ago ^_^

---

:واو: ست شهور مرة وحدة!

اقتباس:

---

انا الحمد لله ما عندي شوشة كثيفه كأنها غابة الأمزون توني حلقت:6

---

ماشاء الله توك حلقت:D عقبالنا...ولا أقول مو عقبالنا "اللهم طول في عمر شعري ولايقرب منه المقص"آمين:o :D

السلام عليكم

اقتباس:

---

ماشاء الله توك حلقت عقبالنا...ولا أقول مو عقبالنا "اللهم طول في عمر شعري ولايقرب منه المقص"آمين

---

إذا وجهك زي اللي في توقيعك...
حظك:D

http://d1d.net/net/renoa/sinver_nmssh.jpg

http://d1d.net/net/renoa/me_hit_with_bottle.jpg



http://d1d.net/net/renoa/blond_kid.jpg

http://d1d.net/net/renoa/re_cover_vol4.jpg

http://d1d.net/net/renoa/rpg_zombie.jpg

http://d1d.net/net/renoa/sinver_laugh.jpg

http://d1d.net/net/renoa/sion_butterflies.jpg

:D