First Cooperation Cup "Saidai Tournament" for 3rd strike

بلاك هالحركه يبالها قعده وياك و انشوف كيف انا حاليا ماعندي ماتش اكسبيرينس بماكوتو و يوك العب احس اني ماعرف اتصرف, و يوم العب في جيجي بي او كله يعلق ف لين احينه مب قادر استفيد شي,
يالس اشوف مباريات j and boss و احاول اطبق يلي يسونها لكن الشغلات يلي يسويها Mimora خخخخخ حاليا ما اضن اني بسويها لان شغلات يلي يسويها ميمورا اصعب شي في ماكوتو, ف انا حاليا ابا اخذ لي اكسبيريانس ضد الشخصيات و كيف اتعامل ضدهم و عقب set up لل سوبر الثاني و يوم اخلص من هالشغلتين ان شاء الله, بركز في مهارات ميمورا D:

و بالنسبه ل نيكرو, الحمدلله احس اني جيد فيه و ناقصني فيه شي واحد اللنكات السريعه مثل Back MP + SAIII or Down LK + SAIII هاللينكات انا اشوفها اكثر شي مفيد لنيكرو ف المشكله مرات السوبر تطلع وياي و مرات لا >.<

و بشر يا بلاك كيف كيو يلي عندك D: ياويلك مني ترياني يوم ارد بلعب وياك اوف لاين كيو ضد كيو و لا لازم ريزو يكون موجود, لاني شفتله فيديو يلعب بكيو و بعد اودي, خخخخ لعيبه الكيو لازم يتيمعون و يلعبون و يمملون و يرقدون الجمهور شوي P:

no mirror match....specially Q vs Q ....no freaking way

ما أبى أنام...ماكوتو حياها بس كيو لا....باخذلك حد ثاني....ومستواي في الحضيض لأنه هالفترة ما ألعب والله يستر الشباب لما يتجمعون عندي يتشوف شو بيصير فيني

بس تبا الصراحه يا بلاك, انا اشوف ان كيو ضد كيو ما منه اي فايده, الصراحه ما تستفيد يعني يمكن يوم بتلعب ضد كيو الاستفاده بتكون 5 % لا اكثر لكن لو تبا نصيحتي العب ضد لعيبة كين, اضن يوم بتلعب ضد كين الاستفاده بتكون 100 %

D: اسمعها مني و ما بتندم

و لو تبا تنحبط و انت تلعب بكيو العب ضد ماكوتو هههههههه ياخي يصيبك احباط مش طبيعي

و بالنسبه لي اجازتي بتبدأ في شهر 5 تاريخ 3 ف ان شاء الله شهر و اسبوعين اكون مخلص و ارد البلاد و يوم ارد المستوي ان شاء الله يرتفع, لاني هني ما العب وايد و يوم ادش جي جي بي او ماروم اطبق شي و التايمنج عندي يخترب ف تريا يوم ارد, ان شاء الله بتيمع وياكم و عالم الفرح و اللعب بيكون جميل D: و ان شاء الله بتشارك بالمعلومات بين كيو و ماكوتو, بس اتمني لو تيمعتو جريب يا بلاك اباك تصور اللعب و ترفعهم

Gambit
مرحبا جامبت

اسف على التأخير

الرجال في futuresky قليل ما يرد على الايميل
وصار عندهم مشكلة :
عندهم فرع في مقاطعة بالصين صار فيها زلزال
وقاعدين يشيلوا الجويستيكس الباقية هناك على فروع ثانية
ومشغولين وايد وعطلوا كل الطلبيات

اذا تريد : في جويستيك ثاني احسن عن فيوتشر سكاي
اسمه qanba
الموقع هو www.qanba.com
سعره تقريبا 400 درهم
ويشتغل على السوني 3 والبي سي
وقاعدين يسوا وصلة حق السوني 2 والwii
شو رايك تتواصل معهم?

حصلت فيديو لماكوتو و اضن انه J

ماشاءالله عليه مبدع

السلام عليكم ،،

اولاً حبيت اشكر الاخ محمد ( بلاك ) على حسن الضيافة واليلسه الممتعه ليلة امس ..

كانت الاجواء حماسية وخاصة ً بعد ماعصب فرقان ، تغير لعبه 180 درجه وقام يطلعنا واحد واحد

وضحكت على انفي في البداية واجهه صعوبه في التعامل معنا لانه كان يستخدم الاركيد ستك ..ولكن على آخر لحظة غير الى باد وقام يستلمنا صح ..

لكنه ماشاء الله مستواه في الاركيد ممتاز جدا ً وننتظر ونشوف نسخة ايبوكي لانفي في الاركيد ستك هل راح يوصل الى مستوى الباد او راح يعديه ، لكني متأكد ان راح يعديه ..

وبخصوص البوكيمون اليديد ( حمدان ) ماشاء الله عليه باري ولينكات على كيف كيفك ...وانصدمت انه مايبى يدخل البطولة الياية , والله حرام مستواه حلو

لكن انتظر عوده السويدي ويشوف شغله مع هالبوكيمون هل راح يقنعه ولا لا ( تابعوا معنا في الحلقه القادمه خخخخ XD جلبتها رسوم )

الشباب بعد التسخين استلموني صح ، مسكين يورين ياه ضرب من خاطر ...لكن هذا يعطيني دافع لإحسن المستوى ..


وشكراً بلاك على النصايح وجاري التقليل من استخدام راندوم اي اكس هيد بوت ...


-----------------------

السويدي عندي سؤال عن ماكوتو ، تذكر جيه يوم عمل ستان كومبو على كوكوجين ؟

super +high jump to axe+shoryuken+high jump to HP

انا ضبطتها كذا مرة بالصدفة شكلي ولكن امس انا وثاني جربنا نعملها لكن مش راضي تضرب بـ hp في الاخير ..

ممكن نصايح وخاصة التايمنج للضربة الاخيره ؟

الحمدلله يا الوكارد انك استانست و ماعليك ان شاء الله يوم ارد بنتقم لك خخخخخخخ انت اشر بس خخخخ P: عن الكل يحطني في باله و اتوهق ههههههههه

و فرقان يباله تحدي خاص, لان ماشاءالله شان لي يلي عنده قويه و هو ماشاءالله عليه يعرف يفوز, حتى لو تحس ان ماله امل يفوز ماشاءالله عليه يكتشف طريقه و يفوز هههههه عقبالنا

و بالنسبه ل ماكوتو, في طريقتين يا انك تسوي هادوكن لكن ترفع الاستك للاعلي عشان يعتبر هادوكن مع قفز او انك تسوي تحت و عقب فوق بسرعه ف عقب ال high jump اضغط HP مرتين, لان الهاي جامب بتكنل اول input ف عشان تضمن هالشي يا انك تكون بطيئ في ال HP و تضغطه مره او انك تضمن و تكون سريع و تضغطه مرتين, ف تذكر ان الهاي جامب تكنسل اول انبوت ف انت من الافضل انك تضغط HP مرتين D: و لو في شي اسالني و ان شاء الله اجاوبك

السلام عليكم يا الربع

كيف الحالكم
بلاك و الشباب الي حضرو اليمعه

السموحه منكم والله كان خاطرية ايتمع معاكم بس للأسف كالعاده أشغال و دوام بس اهم شي انكم استانستو و غيرتو جو

و ان شاء الله المرات اليايه بيتمع معاكم :biggthump

فكرة روعة
وبالتوفيق للمشتركين

السلام عليكم ،

حصلت فيديو يقولون ان صاحبه RX

الصراحه ضابط الفيديو والموسيقى صح ..




لا يفوتكم

ماشاءالله علي ار اكس, مبدع والله, مركب اللحن مع الحركات في وقت واحد

و هالفيديو بعد فيه ار اكس و فوجيوارا, شوف كيف ضبطو الفيديو



مسوينه جنه سينما هههههههههههه

هلا ألوكارد

إسمحلنا ماقدرنا نفيدك وايد لأنه ماعندي خبرة ب يوريين بس نصيحه وأكررها...لاتعيد نفس الأسلوب....لازم تغير...وإن شاء الله تتطور أكثر وأكثر

الجلسه كانت زينة بس أنا بعد العشاء خلاااااااص قفلت بالمرة والشباب إستلموني خخخخخخ

وجربنا ال High jump cancel to karakusa وتضبط مع ماكوتو ...يعني حتى أورو تضبط معاه...يااااااه هذي الي يضبطها يخلي الخصم يفكر ألف مرة قبل لايمسك!! واليوم بجرب الكومبو الخاص ب J وإن شاء الله تضبط

وأما عن البوكيمون فماعليكم منه...هذي حركات دلع...لما يدلع البوكيمون عطه وحده محترمة على راسه وراح يضبط السيت أب ماله خخخخخخخ

وسالم موضوع الفرق بخليه عليك...في ناس طالبوا بتوزيع الجروبات أكثر....أنا عادي عندي بس إنت إرجع ورتب هالشي....عن نفسي أنا خاطري أدخل ب فريق low tier أو معوقين من شلة كيو و أورو و 12 و نيكرو خخخخخخ

محمد احسن من احينه ترتبون الفرق عشان يتدربون ويه بعض و عقب ما نتلخبط او نتوهق, يلي يقدر يرتب فريق من احينه, احسن له انه يرتب

يعني انت و انفي و مادري منو الثالث

و ريزو و موسي و اي حد ثالث

و اودي و جون و ربيعهم الثالث و جي عسبت انسهل الامور و انخليهم دوم يتدربون و انشوف الناقصين و انرتبهم بعد

خخخخ انا احب العب في فريق لو تير لو بتلاحظ البطوله الرابعه ههههههههه والله فريقنا شو متوهق, AZ اول مره يلعب ب ايلينا, و دوق فليد اول مره يلعب ثيرد سترايك و كان ب ريمي, و انا اول مره العب ب اركيد و دشيت بكيو ههههههههههههههههه فريق اي شي, لكن الحمدلله طلعنا الرابع D:

لكن هالمره ان شاء الله بشوف تان و تيزاب او تان و الوكارد, و ان شاء الله ارتبها D:

و نفس ما قلت لك يا محمد لو من احينه في ناس تقدر ترتب فرقها الامور بتتسهل علينا و بيكون افضل لنا و انشوف منو نقدر انخليه يدش ويه منو.

هي الفكرة حلوة بس مثل ماقلتلك...في كم واحد يفضل لو يتوزعون الفرق ...عالعموم أنا عن نفسي عادي دام إنه إنفي معاي فماعندي مشكلة الصراحة عالأقل ضمنت 2 معوقين في الفريق ^___^

بس أهم شي الزعيم مايلعب مع سانادا في نفس الفريق...هالاثنين لو حطيتهم في فريق تحسهم كل واحد يعتمد على الثاني+ الاثنين من النوع الي يحتاج كم مباراة بعدين الديزل يشتغل خخخخخخخ ...فالأحسن تفرقونهم

وجربت الحركة الخاصة ب J وضبطت كم مرة ...يبالها تدريب على الوقت فقط

ان شاء الله راح اغير الاسلوب قدر ما أقدر ..

المشكله ما أحصل احد في العين يعلب معاي ...اتم العب بروحي مع الكمبيوتر حتى قمت احفظ الحركات اللي بيسويها قبل ماتطلع ..

يعني مافيه فايده ...الاسلوب مابيتطور ...وتعبت من الكوفيات ما القى احد يلعب الثيرد كله فوور وبدل ما اقنعهم يلعبون معاي هم يقنعوني العب معاهم XD

ان شاء الله لو كودي وسانادا لقوا اجازه يوم يومين أو اكثر راح نرتب يلسه للثيرد ..


بلاك عندك فيديو المسجل لليلسه ؟؟؟ لاني ابى كوبي بعد

ابى اشوف الاغلاط اللي طحت فيها ...لو تقدر عط سانادا الفيديو حتى ا1ذا رجع العين راح آخذه منه ..


وشكراً للديفيدي ..