اهلا بكم في عــــالم BLEACH

اقتباس:

---

المشاركة الأصلية كتبت بواسطة finaldream

ياهو والله الموضوع يستاهل التثبيت

ما يصير كل ما بغيننا نناقش اروح ادور على موضوع اللي مختفي زي الابرة في كومة قش

بصراحة ما تحس انه مسرعين في الاحداث سرعة مهي طبيعية
يعني ichigo من يوم ما دخل السول سوسايتي وهو اتضارب امكن 3 مرات غيرالقتال اللي حيصير الحلقة الجاية
ما ادري ليش مستعجلين لو يجيبوا شوية عن ايشيدا واوريهيمي وتشاد مواحسن

---

لا الله يرحم والديك خل المسلسل ماشي زي ما هو .. ولا تبيه يصير نارتو ثاني :vereymad:

اقتباس:

---

لوول انا اليوم مطالعه حلقه34



مملة بس اخر شي جلوو انه ايزن مات وصرخه البنت عجيبه والحين قاعده انزل35

---

اي وناسه البنيه متعذبه p=
بس احسن شي في الحلقه 35 يوم غضبت p=

اقتباس:

---

بصراحة ما تحس انه مسرعين في الاحداث سرعة مهي طبيعية
يعني ichigo من يوم ما دخل السول سوسايتي وهو اتضارب امكن 3 مرات غيرالقتال اللي حيصير الحلقة الجاية
ما ادري ليش مستعجلين لو يجيبوا شوية عن ايشيدا واوريهيمي وتشاد مواحسن

---

عليك نور انهم متسرعين بس ذي ميزه انهم يختصرون مراحل في مرحله اي بدل مايقو شوي شوي يقونه مره وحده p=
انا الصراحه ودي بمعركه حق القطو p=
ابي اعرف شو ممكن يسوي :)

اقتباس:

---

لا الله يرحم والديك خل المسلسل ماشي زي ما هو .. ولا تبيه يصير نارتو ثاني :vereymad:

---

عدل , اوافقك الراي جذي احنا مرتاحين محد مهتم بس ولا احد يشوه صورته << انمي حصري لنا :09:

:bigeyes: توني شايفه الحلقه 36 ...

الحلقه عجيبه ...هذيه بوشعر شوك الكابتن رقم 11

معقوووله قوته بهالطريقه ............ بل شنو ذيه ... حتى جلده ما ينقص :afraid:

بعدين انا عندي اساله اوكي انا صج متابعه الانمي كامل ^^

بس في اشياء ما عرفها مثل :

1-الحين كل كابتن لابس ابيض واسود اوكي وكل واحد له رقم ... انزين السؤال اللي معاه اللي لابسين اسود هذيلا مساعدين ؟! ولا هو مدربهم ولا شسالفه .. مثل الكابتن رقم 10 الصغير مساعدته ذي اللي تشبه تسونادي ههههههه ^^ صح ولالا

2-الحين كل كابتن له رقم القوه تكون من الاول لين النازل ولا العكس؟

يعني معقوله الصغير بوشعر ابيض رقم 10 اقوى من ذي بوشعر مشوك رقم 11 ^^ لا ماصدق

بعدين معقوله الياهل اللي معاه ام شعر وردي اقوى تساوي في قوتها رنجي ^^ ههههه

3-اللي لابسين ابيض بس مثل بو كبوس مخطط اللي كان في الارض اللي علم ايتشقو ودربه علشان يدخل السول سوسايتي ^^ ذذي كابتن بعد ولا شنو ^^

المشكله ما حفظت الاسماء لين الحين ههههههههههه ^^

4-هاي الخدامه مادري شنو اللي مع ايتشقو ورفيجه ^^ اعتقد اسمها هانا ؟ هذي بنت ولا ولد؟!!

اللي عالجت ايتشقو :o ومشكورين

الرجاء الاجابه وتحياااتي لكم ^^:ciao:

:

:

:

السلام عليكم ورحمه الله وبركاته

اقتباس:

---

:bigeyes: توني شايفه الحلقه 36 ...
الحلقه عجيبه ...هذيه بوشعر شوك الكابتن رقم 11
معقوووله قوته بهالطريقه ............ بل شنو ذيه ... حتى جلده ما ينقص :afraid:

---

اهلا بك اختي , اي عبالهم انا مايقدرون يقطعوني XD
بس هاي بيحلي المعركه بينهم بتصير اثاره اكثر باذن الله ^_^

اقتباس:

---

بعدين انا عندي اساله اوكي انا صج متابعه الانمي كامل ^^
بس في اشياء ما عرفها مثل :

---

اوه يعني مب بس انا p=
بس اسألتك سهله فبرد عليها ^_^

اقتباس:

---

1-الحين كل كابتن لابس ابيض واسود اوكي وكل واحد له رقم ... انزين السؤال اللي معاه اللي لابسين اسود هذيلا مساعدين ؟! ولا هو مدربهم ولا شسالفه .. مثل الكابتن رقم 10 الصغير مساعدته ذي اللي تشبه تسونادي ههههههه ^^ صح ولالا

---

اي عليك نور اختي ذول هم مساعدين الكباتن وايضا في نفس الجنود تحت سيطرته اي كلا منهم فرقه من الناس لهم رئيس ومساعد .

اقتباس:

---

2-الحين كل كابتن له رقم القوه تكون من الاول لين النازل ولا العكس؟
يعني معقوله الصغير بوشعر ابيض رقم 10 اقوى من ذي بوشعر مشوك رقم 11 ^^ لا ماصدق
بعدين معقوله الياهل اللي معاه ام شعر وردي اقوى تساوي في قوتها رنجي ^^ ههههه

---

لا هاي غلط , ترتيبهم عشوائي وايضا المساعدين قواهم تختلف وعلى مااعتقد رينجي اقوى مساعد كابتن .

اقتباس:

---

3-اللي لابسين ابيض بس مثل بو كبوس مخطط اللي كان في الارض اللي علم ايتشقو ودربه علشان يدخل السول سوسايتي ^^ ذذي كابتن بعد ولا شنو ^^
المشكله ما حفظت الاسماء لين الحين ههههههههههه ^^

---

هاي ماضيه مجهول حاليا حتى في المنجا على مااعتقد , وعلى فكره انا مب حافظ اساميهم بعد :09:

اقتباس:

---

4-هاي الخدامه مادري شنو اللي مع ايتشقو ورفيجه ^^ اعتقد اسمها هانا ؟ هذي بنت ولا ولد؟!!
اللي عالجت ايتشقو :o ومشكورين

---

لا هاي ولد مب فتاه حسب علمي p=

اقتباس:

---

الرجاء الاجابه وتحياااتي لكم ^^:ciao:
:
:
:

---

ان شاء الله وفقت في الاجابه عليك :)

اقتباس:

---

المشاركة الأصلية كتبت بواسطة King Sarab

السلام عليكم ورحمه الله وبركاته


اهلا بك اختي , اي عبالهم انا مايقدرون يقطعوني XD
بس هاي بيحلي المعركه بينهم بتصير اثاره اكثر باذن الله ^_^

اوه يعني مب بس انا p=
بس اسألتك سهله فبرد عليها ^_^

اي عليك نور اختي ذول هم مساعدين الكباتن وايضا في نفس الجنود تحت سيطرته اي كلا منهم فرقه من الناس لهم رئيس ومساعد .

لا هاي غلط , ترتيبهم عشوائي وايضا المساعدين قواهم تختلف وعلى مااعتقد رينجي اقوى مساعد كابتن .



هاي ماضيه مجهول حاليا حتى في المنجا على مااعتقد , وعلى فكره انا مب حافظ اساميهم بعد :09:


لا هاي ولد مب فتاه حسب علمي p=

ان شاء الله وفقت في الاجابه عليك :)

---

مشكوووور ماقصررررت ^^ اجابات وافيه وكافيه :ciao: :biggthump
:
:
:

اقتباس:

---

السلام عليكم و رحمة الله و بركاته...

كيف حالكم! إن شاء الله بخير و بصحة و عافية... أحب أشارك بمشاركة بسيطة و أحب أذكركم أن مشاركتي فيها حرق n_n;

Spoiler!

بصراحة الأنيمي وصلت فيه إلى الحلقة 35, في البداية في الحلقات الأولى الأنيمي ما شجعني لكن بعد ما وصلوا إلى الـSoul Society تغير الأنيمي بصراحة و صار أروع بكثير من السابق... أكثر شيء أعجبني في الأنيمي هو فكرة الـCaptains و المجموعات في الـSoul Society و خاصة أن الشخصيات أقوياء و لهم مكانتهم الخاصة و طبعا وجود 12 من المساعدين... أعجبني الفكرة و الشخصيات روعة بصراحة, و طبعا من الذي أعجبوني هو الأخ الأكبر لـRukia و هو Byakuya بصراحة من أروع الشخصيات إن لم يكن الأروع... و حتى مساعده Renji رهيب بصراحة n_n و أيضا Zaraki و Ichimaru Gin رهيبين بصراحة ^_^

Spoiler!

لكن فيه شيء أعتقد أنهم استعجلوا فيه, و هو أن Ichigo استطاع أن يهزم Renji و هو الذي يعتبر من أقوى الشخصيات بعد الـCaptains, أعتبرها خسارة, فكان المفروض أن هؤلاء مساعدي الكابتن أن يكونوا بقوة كبيرة و كل واحد منهم يحتاج له قصة لكي يهزم, كان بيكون أفضل لكن على طول من البداية يهزم Renji على Ichigo هذا خسارة, و خاصة أنه Renji يقول أنه أقوى من ما كان عليه بـ5 مرات لما ظهر في عالم البشر, صحيح أن Ichigo تدرب و غير هذا بس بعد اعتقد انهم استعجلوا... و نفس الشيء أعتقد أنهم استعجلوا في قتل Aizen T_T المفروض كان يعيش أكثر...

طبعا أنا أحكم على حسب ما شفته من الأنيمي, أما المانجا فما أعرف عنه شيء إلى الآن... لكن على كل الأنيمي بصراحة رائع و الشخصيات فيها مميزة و اتمنى أن يكون دور لكل شخصية منهم....

و شكرا لكم على الموضوع!

---

اهلين بالأخ العزيز DLD منورنا^^ انا معاك انهم استعجلوا بقتال Renji ..صحيح انه ichigo ادرب على يد Urahara وغير العوامل الأخرى ,مثل ماقلت اقوى منه ب5 مرات لماكان في عالم البشر ...اوكي مع ذلك حلوه انه ichigo تغلب عليه بس اعتقد كان على الأقل يكثرون عدد الحلقات بالحدث هذا.. بس عالعموم الحلقه كانت حلوه جدا والقتال ايضا

بنسبه لموت Aizen ماعندي اعتراض علي ...بس تحسوون ichimaru حده نذل بالحلقه هذي لووووووووول ولاهامه الأخ بس شخصيه رهيبه احبه وايد !:biggthump

وقتال Zaraki و ichigo شكله بيصير موطبيعي!

اقتباس:

---

وقتال Zaraki و ichigo شكله بيصير موطبيعي

---

القتال حماس وجدي بس المشكلة هذه البنوتة الصغيرة هي اللي مخربة عليهم

تحس الاغنية حماسية وشوية تقلب على كوميدي :vereymad: مسخوها

الحلقة الجاية ما اظن بيكملوا القتال بيجيبوا عن قتال تشاد

وااو من زمان ما كتبت هني +_+ I MISS BLEACH
اكتشفت صج الي يقرا المانجا و يعرف السبويلر ما يكون متحمس حق الانمي +_+ بس هم ابي اشوف الانمي * اضطراب نفسي *

اوكي الحين كالعاده انا ضايعة بالطوشة بالانمي ...الي عرفتة من مناقشاتكم ان ِAizen انذبح و عرفت Hinamori و عصبت ..و الحين اتشيجو قاعد يتهاوش مع زاراكي ^^
ابي اسأل سؤال حق الي قرو المانجا و هم يتابعون الانمي يعني اذا ما قريتوا المانجا لا تقرون الي كاتبته ..ّ!!

الحين تحولت Yoruichi حق بنت ولا للحين ؟¬
و اتشيجو تهاوش مع الWhite Ichigo ؟ لما خذاه Zangetsu في عالمه الخاص علشان يدربه ؟
اتوقع اذا وصلتوا حق موت Aizen يعني صارت هذه التفاصيل +_+
ولا اذا انا مو غلطانة اتشيقوا راح يكلم سيفه في معركته مع زاراكي لان هو الوحيد الي ما يعرف اسم سيفه +_+

[/COLOR]

السلام عليكم

والله شفوا نصيحه الي بتابع انمي لا يفكر يتابع المانجا لانه الصراحة بتصير عندك تعصبات نفسيه

وبما اني مصاب بهل الشيء في نروتو فلا تجربون

واما عن بليج الانمي الصراحة حلقه 36 كانت عجيييبه والله , ولا هذا بو سبايكي <---- جيل اصلي يمكن KMS
XD

طاقته رهيبه , ولا يوم يوقوله اضربني ولما ضربه ما صارله شيء , الصراحة ضبطوها

وشكرا ^^

السلام عليكم و رحمه الله و بركاته

صراحه BLEACH انيمي خرافي . احلى انيمي لحد اللحين شفه .

و حبيت اقول . بحكم خبرتي بالانيمي و المانجا <-----------------------صدق نفسه :09:

ان BLEACH من الانميات القليله اللي كون الانيمي احسن من المانجا

وسلامتكم

:ciao: :33: :reporter: :biggthump :jester: :D :p :bigeyes: :) :wow: :أفكر: :09: :196:

طبعا الحلقات واصلة آخر شيء 37 وذا رابطها
( توني بدأت اتابع بلييتش وآخر حلقة تابعتها 8)
ومدحكم للانمي يعطيني دافع اتابعه رغم انه الى الان ماجذب اهتمامي :31:
http://dl9.national-anime.com/new/(L...(8C896639).zip
وموقع ثاني
http://69.9.37.50/~bpmedia/

السلام عليكم :ciao:

انا توني شايف الحلقة 19

صحيح انة البطل بيموت بعدين

بصراحه بليج غطى على ناروتو ...^^ ... وانا ماشفت المنجا .. بصراحه لاني تعقدت من ناروتو

المنجا غير والانمي غير .. وبصراحه باسمع نصيحتكم ومب شايفه المنجا ^^ ...

:biggthump


الحلقه 37 خطيره ... عجيب ستايله ذي اللي تهاوش مع سودو او ((جادو )) على قوله ايتشقو :D

ذكرني بخرابيط جرايا .. ^^ هههه اللقطه اللي ضحكتني يوم يقول حق المساعده مالته


(( هي انتي خلاص لا تقطين ورد )) هههههههههههههههههههههههههه:D

بعدين سادو شسالفته انا مافهمت وايد طلع مكسيكي ولا شنو ! هههه

عموما انا عجبني هالكابتن .. واعتقد ان سادو ماراح يقدر عليه بروحه ... اما القطو الاسود بيساعده

ولا ايشدا وارويهيمي ... بيطعلون فجأه وبيساعدون ^^ ....




بصراحه متشوووقه للحلقه اليديده ^^ ... خاطري اشوفها احين :09:

نشوفكم بعد الحلقه القادمه انشا الله ^^ ومشكورين على التحليل الحلو ^^

:
:
:

السلام عليكم ورحمه الله
مادري اذا احد يدري او لا , بس الاوفا حق Bleach نزلت وهاي لنك التورنت لها :
[Lunar]_Bleach_Jump_Festa_2004_Anime_Tour__13_Squad_Omake_[DVD][AF803142].avi
والله يسامحكم اذا كنتوا تدرون وماقلتوا :09:

مشكور على الحلقة

خلينا نشوف الحلقة كيف بتكون

خسارة :sad2:

الحلقة الخاصة مجرد اعادة للحلقة رقم 9 بس زودوا شوية تفاصيل

حركة مالها داعي منهم :vereymad:

انا ابي اعرف ايهو اقوى كابتن و ابي اعرف بالسبويلر منو راح يفوز ايتشيقو ولا زاراكي لو سمحتم جاوبوني :biggthump

ياشباب انا حملت الجمب فيستا 2004 والحلقه 38 هل يوجد ترتيب معين ... منو اشوفه قبل.. ولا ماتفرق ؟؟

سلام

اقتباس:

---

اشباب انا حملت الجمب فيستا 2004 والحلقه 38 هل يوجد ترتيب معين ... منو اشوفه قبل.. ولا ماتفرق ؟؟

سلام

---

اتفرج على الحلقة رقم 38 احسنلك وتابع قتال اتشيجو ضد زاراكي

اما الحلقة الخاصة ترنها مملة جدا هي نفسها الحلقة رقم 9 بس شوية اطول

لاااااااااااااااااا..رودريغو لاااااااااااااااااا..اهااهاااااااااااااااااا..

ههههههههههههههههههههههههههههه...

يحليله Chad كنت متوقع هالنهاية..بس حرام..ما عطوه حقه والله..
Ichigo صارله متضارب 3 مرات و هذا اول ما بين جتلوه..

كانوا يقدرون عالاقل يخلونه يضارب اي Squad Member عادي ..
اذا Chad ما فلح جيه..الله يستر Ishida و Inoue شو بيسوون <<< حد يذكرهم هالاثنين :06:

و عندي زؤال...اللي بين في اغنية النهاية...قائد اي فصيلة؟؟
و منو الـLt. ماله؟؟

الظاهر Rukia كانت بفصيلته..و الاثنين اللي بينوا معاه مبين عليهم اوكيه..اتمنى يحطون معلومات زيادة عنهم..