[الموضوع الرسمي] Dragon Ball Z: Budokai Tenkaichi 2

لو سمحتم كيف اعرف الأصلى من الكوبى

^^
^^
انا عندي الاصلي
ويجد في القرص من تحت علامة البلايستيشن

حدكم قديمين =)

كل النسخ عندي

الاوروبية والامريكية واليابانية

وكلهم انهيت فيهم بنسبة 100%

بس مع ذلك يظل بودوكاي 3 ( بالنسبة للي ) افضل منه بجميع النواحي

حتى ان الستوري مود للجزء الثالث احلى بواجد تروح واشياء وغموض

لكن هذا روح عند الصفرة او الحمرة والسلام عليكم

يعني مافي اشياء وغموض في بالستوري مود

واغلب اغاني النسخة الانجليزية مو حلوة

افضّل اغاني بودوكاي 3

على العموم اللعبة تظل حلوة

....

معلش يا شباب .. آسف على غيابي اليومين اللي راحوا ..

كنت مشغول في اللعبة و خلصتها كلها و فكيت جميع الشخصيات ..

اقتباس:

---

الحين اذا تكرمت تقدر تشرح لنا خطوات نقل الموسيقى ؟

---

خلني اجربها و بعطيك شرح كامل مضمون ان شاء الله ..

اقتباس:

---

قولي شن اخبار الوورد تورمينت عندك
وعندي ملاحظة في القائمة الرئيسية هناك خيار يمكن تقدر تصنع فيه شخصيتك او شيء من هدا القبييل

---

ها أخوي شيفا :) ..

انت بعد ما خلصتها .. :)

بالنسبة للوورلد تورنمت بعد ما لعبتها .. ان شاء الله هاليومين بلعبها و بخلصها ..

و بعديها أدخل ال ultimate battle .. :)

و بالنسبة لصنع شخصية للأسف مب موجودة هالخاصية في هذه اللعبة :( ..

و خلني أسمع أخبارك :)

اقتباس:

---

بس مع ذلك يظل بودوكاي 3 ( بالنسبة للي ) افضل منه بجميع النواحي

---

شوف أخوي ..

أنا أول أمس اشتريت أول ps2 في حياتي .. :)

و اشتريت تينكايشي 2 و بودوكاي 3 .. خلني أقلك رأيي فيهم ..

لما لعبت تينكايشي 2 في البداية كنت ضعيف جدا ً في اللعبة ..

و ما رضيت أكمل الستوري مود و أنا ضعيف .. رحت لعبت training ..

و قعدت ألعب ضد الكمبيوتر و كل مرة أزيد الصعوبة و أجرب حركات و كومبوهات ..

لما أتقنت اللعبة تمام .. و كملت الستوري مود .. وحسيت نفسي لا أقهر :) ..

رحت بعديها قلت خلني أجرب بودوكاي 3 و أتقنها .. و لعبت ال training و خلصته ..

و دخلت dueling قلت أجرب نفسي .. أول قتال انهزمت و الثاني فزت و الثالث انهزمت و كذا ..

حسيت اني عمري ما اقدر اتقنها .. و قلت في نفسي يمكن هذه اللعبة كلها حظ ..

أحس انه تينكايشي 2 فيها حرية أكثر من بودوكاي3 ..

الحين انت قلي بصراحة .. لما تضرب الكمبيوتر و بعديها تختفي و تضربه من ورا ..

اذا انت اختفيت و هو اختفى في نفس الوقت ايش بتسوي .. انا دووم يسويها معاي ..

الصراحة اللعبة احسها معقدة و صعبة جدا ً يعني احيانا أفكر اقول كيف اخوي الصغير يلعبها ؟؟

اذا انا بصعوبة افوز .. كيف هو ؟؟

معلش سامحوني على الإطالة .. بس حبيت أبين وجهة نظري :)

السلام عليكم


شباب كيف أميز النسخة الأنجليزية واليابانية من الغلاف انا امس شريت نسخة وطلعت يابانية فكيف أعرف ؟؟؟


وسلام ومشكورين ...!!:)

صحيح ان تنكاشي2 مملة بعض الشيء في الستوري مود وخاصة في تجميع الكرات
لكن مثل ما قال اخوي dragon_z في اسلوب القتال افضل من بودوكاي3

أخوي fazz ..

النسخة اليابانية اسمها sparking neo

و النسخة الإنجليزية اسمها tenkaichi 2

أما اذا مبدلين الغلاف هذا شي ثاني :)

أخوي شيفا ..

بالنسبة لبيبي فيجيتا .. دور عندك في ال potaras البنفسجيين ..

راح تلاقي potara اسمها baby .. ادمجها مع vegeta second form ..

و راح يطلعلك baby vegeta :)

و بالنسبة لي .. أمس لعبت كل التورنمنتس و فكيتهم كلهم :)

و الحين قاعد ألعب ultimate battle .. و بلفل جوكو سوبر ساين 4 بعد ..

حاليا ً لفله 116 .. و في الطريق الى 160 :)

السلام عليكم .....



مشكور اخوي dragon_z

لكن المشكلة ليست الأسم انا أعلم ان النسخة اليابانية اسمها sparking neo و النسخة الإنجليزية اسمها tenkaichi 2


لكن أنا شريت اللعبة ولا فيه في الغلاف كلمة وحده يابانية أو تدل أن الأصدار ياباني لكن العبة كانت يابانية

المهم أنت وش هو شكل الغلاف اللي شريت اللعبة فيه وطلع لك أنجليزي ؟؟


ومشكور على ردك السابق و مشكور مقدما على ردك القادم ;)

اقتباس:

---

المهم أنت وش هو شكل الغلاف اللي شريت اللعبة فيه وطلع لك أنجليزي ؟؟

---

http://www.wog.ch/assets/img250/ps2/...tenkaichi2.jpg

هذا هو غلاف النسخة اللي عندي .. النسخة الأوروبية

اقتباس:

---

ومشكور على ردك السابق و مشكور مقدما على ردك القادم ;)

---

العفو مقدما ً ;)

سلام

الجزء لا باس فيه ولكن في قتال ليس افضل من الجزء 3

ويش فايده الكرات البنفسجية ( الي يضعونه في أذانيهم )
سلام

اقتباس:

---

المشاركة الأصلية كتبت بواسطة Dragon_Z

أخوي شيفا ..

بالنسبة لبيبي فيجيتا .. دور عندك في ال potaras البنفسجيين ..

راح تلاقي potara اسمها baby .. ادمجها مع vegeta second form ..

و راح يطلعلك baby vegeta :)

و بالنسبة لي .. أمس لعبت كل التورنمنتس و فكيتهم كلهم :)

و الحين قاعد ألعب ..ultimate battle و بلفل جوكو سوبر ساين 4 بعد ..

حاليا ً لفله 116 .. و في الطريق الى 160 :)

---

مشكور حبيبي على المعلومة:kiss:
بلنسبه ليه قاعد العب بروفليشن 6 :biggthump
وان شاء الله ححاول اكمل الوورد تورمنتس
واقولك شن صار في
قولي ماهي شخصيتك المفضلة:33:
بالنسبة لي افضل شخصية جوكو سوبر ساينس 3 والماجن فجيتا:bigok:
وطبعا اقوى شخصية هي اتحاد السوبر ساينس 4 شخصية سريعة ورهيبة :wow: وبس ما احب العب به كثير لاني احس ان خصمي:swordfight: ضعيف جدا :p والمعركة تصبح مملة:(
سلامات

السلام عليكم .........


آلحين مشكور 1000000000000000000000000000 مرة لانك 100%100 فدتني جدا وصحيح شكل الغلاف الي انا شريته مختلف تماما عن هذا الغلاف



سلام ونشوفكم على خير :D

اهلين اخوي Dragon_Z :)

اقتباس:

---

شوف أخوي ..

أنا أول أمس اشتريت أول ps2 في حياتي .. :)

---

عالبركة يالغالي , وعقبال الـ ps3 ان شاءالله

اقتباس:

---

و اشتريت تينكايشي 2 و بودوكاي 3 .. خلني أقلك رأيي فيهم ..

لما لعبت تينكايشي 2 في البداية كنت ضعيف جدا ً في اللعبة ..

و ما رضيت أكمل الستوري مود و أنا ضعيف .. رحت لعبت training ..

---

ايه ... سلسلة تنكايتشي تعتمد على الفن ,وحتى انك لو لم تجرب الجزء السابق

اقتباس:

---

و قعدت ألعب ضد الكمبيوتر و كل مرة أزيد الصعوبة و أجرب حركات و كومبوهات ..

لما أتقنت اللعبة تمام .. و كملت الستوري مود .. وحسيت نفسي لا أقهر :) ..

---

.....

اقتباس:

---

رحت بعديها قلت خلني أجرب بودوكاي 3 و أتقنها .. و لعبت ال training و خلصته ..

و دخلت dueling قلت أجرب نفسي .. أول قتال انهزمت و الثاني فزت و الثالث انهزمت و كذا ..

حسيت اني عمري ما اقدر اتقنها .. و قلت في نفسي يمكن هذه اللعبة كلها حظ ..

---

اممممم خلني اقولك السبب

صعبة تلعب بودوكاي 3 علطول من دون اللعب بالاجزاء السابقة

صدقني لو انك سويت مثلي , كان قلت الثالث افضل جزء

خلني اقولك سالفتي ... قبل 3 او 4 سنين اول مانزلت لعبة بودوكاي1 شريتها واول شي كان صعب بعدين اتقنت اللعبة وعرفت شلون العب اللعبة

عقبها بمدة نزلت بدوكاي2 وكانت من افضل الالعاب اللي شفتها والستوري مود حقها حلو وممتع وماشاء الله تطورات كثيرة عن الجزء السابق

اذكر شهر 10 من سنة 2004 كانت توها نازلة بودوكاي3 رحت الرحاب علطول وشريتها

احس انه افضل جزء من اللي قبله وطبعا اعرف للعب عدل ومتعوّد على القتال والاسلوب

انصحك تشتري الجزئين السابقين ( بودوكاي 1 + 2 ) لايغرونك اشكالهم تراهم حلوين

خاصةً بودوكاي1 الستوري مود حقه حلو حده واحلى من تنكايتشي 2 ( من حيث رسوم الـ3d )

اقتباس:

---

أحس انه تينكايشي 2 فيها حرية أكثر من بودوكاي3 ..

---

تقدر تقول صح ... بس الشحن , يعني لما تشحن الـ ki مو حلو وسخيف وماعندهم سالفة

يجيبون كهرباء مدري شنو , لو تشوف بودوكاي 3 شلون تشحن عجيب مثل الانمي واحلى بعد ! والكوموات ( الضربات ) احلى من تنكايتشي2 صدقني عجيب ... شوف انت وجرب ضربة باردوك.

والستوري مود لبودوكاي3 افضل من تنكايتشي2 تعرف ليش؟

لأن تنكايتشي2 كل شي واضح لك بالخريطة بس مهمتك تروح عند النقطة الصفرة او الحمرة

لكن بودوكاي3 تروح وتدور اشياء وتقدر تاخذ الدراجون ريدر وتبحث عن الكرات وانت تطير

يعني مثل الانمي بالضبط وغموض واجد

مو مثل تنكايتشي2 تلقا الكور لما تنزل المدينة ... لأ والمشكلة تلقاها قدام عيونك

شوف اخوي ... فكرة تنكايتشي حلوة , قصدي القتال بس مع ذلك فيه عيوب ويظل تحت بودوكاي3

اقتباس:

---

الحين انت قلي بصراحة .. لما تضرب الكمبيوتر و بعديها تختفي و تضربه من ورا ..


اذا انت اختفيت و هو اختفى في نفس الوقت ايش بتسوي .. انا دووم يسويها معاي ..

---

اختفي مرة ثانية ... بيصير فيه اثارة مثل الانمي كل شوي ومختفي

اقتباس:

---

الصراحة اللعبة احسها معقدة و صعبة جدا ً يعني احيانا أفكر اقول كيف اخوي الصغير يلعبها ؟؟

---

امممم معقدة لأنك ماجربت الاجزاء السابقة

انا بالنسبة لي مو مقعدة ولا شي , بالعكس مريحة ( وجهة نظري )

اقتباس:

---

اذا انا بصعوبة افوز .. كيف هو ؟؟

---

لول عادي , انا اخوي الصغير في العاب يعرف يلعبها احسن مني

اقتباس:

---

معلش سامحوني على الإطالة .. بس حبيت أبين وجهة نظري :)

---

لا عادي اخوك , من حقك تظهر وجهة نظرك للعبتين :)

ومثل ماقالوا الناس اشكال والوان

وكل واحد وذوقه.