البطولة الرمضانية لستريت فايتر ثيرد سترايك في الامارات ( 27th aug )

الزعيم... رديت على التواضع و يا تان قطعتنا... انا متأكد اني سلمت منك عسب اللاق و لا كنت باخذلي عالاقل ثلاثه بيرفكت... بالحل حبوب ترى لاحظت هالشي حتى يوم حاولت اسوي Challenge ماشي فايده.. بس سالفة انك تفاجأت يوم ما وصلني المسج عيبتني... تحمل انك تتفاجئ مره ثانيه و لا بسويلك مفاجأه و بظهرلك من سماعة التلفون لووول!


ايمن... حبيبي و الله هذا الزناتي هو الزعيم الكبير(فيجا الكبير لووول) ترى سلمت منه كل الدور كان لاق بس ما يبيين في الريبلي... ان شا لله بدخل عالساعه 12 و خلنا انشوف 12


سؤال محرج يطرح و يبطح و يسدح نفسه عشر مرات...شوه معنى الزناتي؟!

شوف تان...لو إنت كنت مضبط الأزرار إنه مايكون فيه لاق في الإنبوت وتحطه مثلا 0 أو 1 وكان فيه لاق فإعرف إنه المشكلة من النت مب من البرنامج...لما لعبت مع أيمن كان ممتاز وفنان...عالعموم الحين أنا موجود والي بيدخل حياه

اقتباس:

---

المشاركة الأصلية كتبت بواسطة AL999e3ry

سؤال محرج يطرح و يبطح و يسدح نفسه عشر مرات...شوه معنى الزناتي؟!

---

الزناتي سلمك الله كان حاكم تونس ايام قوم بوزيد الهلالي يقولون راضع من جنيه يطعنونه اليوم باجر يجيهم بخير و سهاله و كان من أشجع حكام العرب و اذا سمعت الشواب يوم يطرون واحد ولا يعيبهم يقولون والله مب الزناتي ( مثال حي ) هههههههههههه
أسمه : الزناتي خليفه

ملاحظة
ليش يضيفون في SSF4 شخصيات من الثيرد و يخبصون الدنيا
الله يسلم من التصميم الشخصيتين على نظام 3D ما ابا اشوف تصميمهم مثل دادلي الي من جنتل مان إلى شنب مان

تويلف بيسلم عليك كثييير الزعيم ، وبالنسبة لـ KOF2002UM اذا نويت ترجع مهاراتك ، ما عليك الا تشوف الكومبوز من اليوتيوب وبس بيرجع حماسك للكوف على طول ،،
أي ساعة تدخل اون لاين ؟

بلاك... كالعاده اجرمت فيني و كرهتني اللعبه ... الظاهر المشكلة من النت لأني حاط الـ Smoother على 0 و اللاق مستمر... ما في شخصيه الا و لعبت فيها ماشالله عليك... بس الصراحه كين و ريو اللي عندك وحوش,,,و هالزبال Q قهرني... يباله خصم راتب عسب ما يطرش لأهله لووول


فيجا الكبير... اسميه الزناتي اسطوره و انا مادريبه...


انا بعتزل اللعب ويا بلاك لفتره و برد متى ما قدرت عالـ Revenge لووول...

السلام عليكم ،،،

امس رحت للاتصالات ، الصراحه مصخوها على الآخر .. فاتح سرعه 4 ميجا ... بدايته كان ماعليه كلام . التحميل يوصل 800 كيلو للواير الرئيسي مع الراوتر تتوزع توصل 300-400 ...والابلود بحدود400

لكن قبل شهوور السرعه قلت تدريجيا حيث الواير الرئيسي مايتعدى 120 كيلو ...والابلود مايتعدى 40 كيلو ...

فقدمت بلاغ وحظروا اليوم العصر ، طلع المشكله من اريل ( الهوائي ) للواي ماكس ، كانوا من قبل حاطينه على برج يبعد عن منطقتنا تقريباً 10-15 كيلومتر ، حتى الفني اليوم استغرب قال كيف ركبوه على هذه الجهه !!

المهم غير الاتجاه وحطه على اقرب برج على بيتنا بالمسافة تقريباً 1-3 كيلو متر ...

قاسوا السرعه من كمبيوترهم وكانت اوكيه :

الدوانلود 3.76 ميجا ( تقسيم 8 = السرعه الحقيقية ) الابلود 427 كيلوبايت ولكن للأسف البينغ واللي هو الاهم شي طلع 190ms ، قالوا لي هذه مش من عندنا وما نقدر نقللها ...

^^

قصه مالها خص بالسالفة


المهم بعد ماراحوا مباشرة دخلت ggpo حتى اقيس الاختلاف وحصلت صديقنا ريزو بالصدفة ..

قبل كان البينغ يوصل عندي على حدود 400-500 ...لكن اليوم لاحظت اختلاف ووصل معاي 49-55 لكن اللاغ موجود للأسف ..

فلعبنا كم دور ولاحظنا ان التقطيع قام يزيد ، وحليله ريزو يرسل لي رسايل عن السبب ، وانا ما قدرت الخص المشكله على السريع فقلت له بكتبه في المنتدى حتى توضح السالفة ..


ان شاء الله غداً يبدأ الويكند لو رحت بيت صديقي ان شاء الله ادخل ، لانه النت اللي عنده DSL والبينغ مايتعدى 15 ....لو دخلت اول واحد ان شاء الله العب معاه هو ريزو :) تعويضاً لمباريات اليوم ..

بالنسبة لحالتي مافيه امل غير انتظر الفايبر يوصل عندنا وخاصة منطقتنا النحيسه بيوصلها في عام 2015 لان dsl ماوصل حتى الآن .

-------------------------------------

بلاك لاحظت فيه تسريب كيماوي بدأ ينتشر ، الحين طلع ريزو يلعب بـ Q ، ياخي خلص السويدي وطلع لنا بلاك ومن بعده ريزو الله يستر اخاف يقوم big boss يلعب به مع اني آخر شخص اتوقعه يلعب به ...

لكن مستواه جيد جداً بكيو وبدايه موفقه له لكن plz no kimawi anymore ، المشكله يورين ماب لابس شي يغطي عليه من الكيماوي XD

وايضأ بدأ يلعب بـ دادلي ولعبه حلو .


ان شاء الله لو دخلت بكره بلعب معاكم .

خخخخخخخخخخ الوكارد دام جي كل حد يلعب بكيو خخخخخخخ بثبت على نيكرو و ماكوتو عيل P:

الله يعينك مع الاتصالات, نتريا انترنت du

هلا تان

خخخخخ لا مستواك عسل...إنت من البوكيومنات الي على طول تتطور وصرت تفهم اللعبه صح

بس صج ياخي أحس لعبك فيه حقد....خخخخخخخخ أحلى شي لما إخترت الشين شوريوكين وتعطيني هادوكين من بعيد وإذا قربت منك تروح للزاوية الثانية...هني أنا قلت شو السالفة؟ كين صار كيو؟! بس اللعب حلو

يله أنا مصدي في أكوما وماكوتو...يبالي عليهم تدريب محترم

ألوكارد....الحال من بعضه بس إنت قصتك أليمة أكثر...ننتظر الفايبر الي شكله مابيوصل

وعن ريزو فأتمنى يتم على أكوما لأنه المناسب للعبه مع إحترامي له...كيو لازم واحد خبرة مثل السويدي أو واحد بارد مايستعجل...عن نفسي ما أستعجل حتى لو أخذت شوتوز وحتى السويدي لما إخترت ضده ريو لاحظ هالشي...وكيو حبيبي في هالشغلة...ليش أعور راسي وألحق الخصم وغيره...خله يهجم وعاقبه وفك عمرك من صدعة الراس....هذا أسلوبي...أما السويدي فيلعب ميكس ب كيو وتحسه في هجوم وإندفاع وهالشخصية الحبيب قعد عليها أكثر من 3 سنوات والسوبر الثالث يعرف كيف يشبكه بينما أنا عمري ماستخدمته....لو كان مستواي يساعد كنت بسوي مثل كورودا وأعمل داش للخلف لين الزاوية واستنى الخصم هناك وما أعور راسي بالمرة...ريزو برجع أقولها للمرة الألف وحتى لو حاول يغير أسلوبه مايقدر لأنه هالولد سونيك...الباري والكارا والسرعة هذا أسلوبه...بس الصراحة ماشاء الله عليه شارينقان محترمة...كسر خاطري السويدي...الحبيب يقعد يطلع أسلوب ويكتشف في نيكرو وعلى طول ريزو بعد كم مباراة عمل كوبي بيست^___^ بس ليش أشجعه على أكوما لأنه هذا الأسلوب الخاص به...المفروض مايقعد يعمل كوبي ويلعب بأسلوبه...بس للإستمتاع خليه حتى ياخذ 12 أو sean حتى ^____^

وياخي شكلي بسرق كيو من السويدي...السويدي أقولك من الحين ...لو رجعت من أمريكا وماصفعتني ب كيو راح آخذه منك وأقطع الشوتوز وغيرهم....ببساطة...كيو غييييييييييييييييييير...ماصدق إنه هذا هو الي كنت أقول عنه زبال...صدق لما قالوا...ألي مايعرف الصقر يشويه!

هههههههههههههههه

انا تعودت على كيو وشفت انه الشخصيه المناسبه لي و بصراحه يوم اخسر وااايد, اروح و اخذ كيو افوز وايد خخخخخخ احس خلاص تعودت على لعبه يعني انا مخلي كيو لوقت الضروره و الوهقات ههههههههههههههه
خاصه مع الامريكان يوم العب وياهم يستهينون في نيكرو خخخ يوم اعصب اروح اخذ كيو خخخخ عاد شوف مباراه او مباراتين ما يكملون خخخخخخخخخخ

انا كله احاول العب مع يابانين لكن لو مالعبو اروح للامريكان XD

ماعليك يوم برد ان شاء الله بتشوف كيو غيييير ^_* و شد حيلك فكيو يا بلاك D:

و نفس ما قال بلاك الصراحه ريزو ما ينفع له الا akuma و لو راح للاعب ثاني اضن yun هالثنينه ينفعون له

لكن افضل انه يتم على اكوما لانه الشخصيه المناسبه له و على استايله

اقتباس:

---

المشاركة الأصلية كتبت بواسطة Alucard.4.ever

السلام عليكم ،،،

امس رحت للاتصالات ، الصراحه مصخوها على الآخر .. فاتح سرعه 4 ميجا ... بدايته كان ماعليه كلام . التحميل يوصل 800 كيلو للواير الرئيسي مع الراوتر تتوزع توصل 300-400 ...والابلود بحدود400

لكن قبل شهوور السرعه قلت تدريجيا حيث الواير الرئيسي مايتعدى 120 كيلو ...والابلود مايتعدى 40 كيلو ...

فقدمت بلاغ وحظروا اليوم العصر ، طلع المشكله من اريل ( الهوائي ) للواي ماكس ، كانوا من قبل حاطينه على برج يبعد عن منطقتنا تقريباً 10-15 كيلومتر ، حتى الفني اليوم استغرب قال كيف ركبوه على هذه الجهه !!

المهم غير الاتجاه وحطه على اقرب برج على بيتنا بالمسافة تقريباً 1-3 كيلو متر ...

قاسوا السرعه من كمبيوترهم وكانت اوكيه :

الدوانلود 3.76 ميجا ( تقسيم 8 = السرعه الحقيقية ) الابلود 427 كيلوبايت ولكن للأسف البينغ واللي هو الاهم شي طلع 190ms ، قالوا لي هذه مش من عندنا وما نقدر نقللها ...

^^

قصه مالها خص بالسالفة


المهم بعد ماراحوا مباشرة دخلت ggpo حتى اقيس الاختلاف وحصلت صديقنا ريزو بالصدفة ..

قبل كان البينغ يوصل عندي على حدود 400-500 ...لكن اليوم لاحظت اختلاف ووصل معاي 49-55 لكن اللاغ موجود للأسف ..

فلعبنا كم دور ولاحظنا ان التقطيع قام يزيد ، وحليله ريزو يرسل لي رسايل عن السبب ، وانا ما قدرت الخص المشكله على السريع فقلت له بكتبه في المنتدى حتى توضح السالفة ..


ان شاء الله غداً يبدأ الويكند لو رحت بيت صديقي ان شاء الله ادخل ، لانه النت اللي عنده DSL والبينغ مايتعدى 15 ....لو دخلت اول واحد ان شاء الله العب معاه هو ريزو :) تعويضاً لمباريات اليوم ..

بالنسبة لحالتي مافيه امل غير انتظر الفايبر يوصل عندنا وخاصة منطقتنا النحيسه بيوصلها في عام 2015 لان dsl ماوصل حتى الآن .

-------------------------------------

بلاك لاحظت فيه تسريب كيماوي بدأ ينتشر ، الحين طلع ريزو يلعب بـ Q ، ياخي خلص السويدي وطلع لنا بلاك ومن بعده ريزو الله يستر اخاف يقوم big boss يلعب به مع اني آخر شخص اتوقعه يلعب به ...

لكن مستواه جيد جداً بكيو وبدايه موفقه له لكن plz no kimawi anymore ، المشكله يورين ماب لابس شي يغطي عليه من الكيماوي XD

وايضأ بدأ يلعب بـ دادلي ولعبه حلو .


ان شاء الله لو دخلت بكره بلعب معاكم .

---

ههههههههههههههههههههههههههههههههههههههههههههههههههههههههههههههههههههههههههه & كككككككككككككككككككككككككككككككككككككككككككككككككككككك


ياخي موتني من الظحك الله يعينك بس

اقولك كل يوم نزل سوالفك اهني الصراحه مواقف ما تلقاها في الاحلام الا اقولك وين ساكن انت عشان ال dsl ما يكون واصل عندك !!!!!!!!!!!!!!!!

^^

الحين السالفة أو سالفة ريزو أو كلامي عن كيو او الرد بكبرة هو اللي ضحك ولا شي ثاني ؟ !!!

السالفة اللي تبى تعلق عليها اعمل لها اقتباس خاص وشاركنا الضحك وياك .

المهم لو اخبرك سوالفي ما بتسكت من الضحك ، الصراحه عندي مواقف ولا احلى ...

اقتباس:

---

ا اقولك وين ساكن انت عشان ال dsl

---

طال عمرك ، ساكن في منطقة جديدة كلياً على اطراف الغربية لمدينة العين ، وفيها فلل ينعدن بالاصابع والاراضي توها ظاهرة ، وبعض الخدمات مش متوفره والارسال مايساعد .

ياخي لو نرجع لبيتنا الشعبي افضل بـ 100 مرة عايشين على dsl ومرتاحين ...

لكن الحمدالله على كل شي .

**********************

المهم شو آخر اخبار يورين عندك ؟

بالنسبة لي لاحظت في تقدم صغير في المستوى والانبلوك ابل في وسط الشاشة بديت اتقنها شي فـ شي ..لكن اللي ملعوزني هو ان يورين طويل .. يعني بعض الباري لبعض السوبرات لازم تصد اكثر من غيرها وقد لاحظت هذا على هيوقو بعد ...

على سبيل المثال :

سوبر دادلي رقم 1 أو سوبر اكوما رقم 3 : يوم اعمل لها باري بـ ريو ريو فقط يصد ضربتين ويوقف اما يورين يصد تقريباً 4 او خمس ضربات بسبة الطول ..

وانا يوم اعمل باري بيورين اعمل فقط ضربتين وانسى لاني متعود على ريو ...

هذه مشكله بسيطه مع الوقت راح اتغلب عليها ..




اعتقد نفس مشكله صديقي fa3fo6 مش متعود يعمل باري الا على شخصيته دادلي ...كان نفسي لكن مع الوقت بيتروح السالفة ..


ان شاء الله لو رحت بيت صديقي راح ادخل ..

alucard

المشكلة انه الاق في البرنامج الجديد غيرررر.. انه اللعبه تصير اسرع و تقطع بشكل غريب
الله يعينك على مشكلة النت .. انشالله اليوم انا موجود و بالانتظار:)

black

الله يسامحك وين راح تفكيرك :33: العب في Q فقد للمتعه لا اكثر لاني بصراحة مليت من الشوتوز و احاول اني اغير فقط .. الحين العب في urien,Q,Dudley, العب حلو فيهم و يعجبني :) و Q ما افكر ابدا انه يكون من اللاعبين الاساسيين ! just for fun :biggthump و نعم ما اخالفك السويدي TOP في Q ويلبقله و فاهم الاعب صح :) موضوع الرش احاول قدر المستطاع التخفيف

هلا يا الربع

الوكارد

بخصوص يورين قتلك هذي الشخصيه لها خفاها لاتحصا و بخصوص الانبلوكيبل ضد هيوقو له حركه خاصه عشان تصيده في الانبلوكيبل و دادلي بعد يختلف انا اتكلم عن وسط الشاشه

بلاك

السموحه منك انا كان عندي شغل ولا لحقت عليكم ولا كان خاطري العب معاكم بس للأسف ما اسعفني الوقت بس الظاهر معارك طاحنه كانت بينكم حصلت مكان مكسر و اليدران فيها حفر من بكوس كيو و نطحات يورين هههههههههه مزحه بسيطه ( بصراحه فاتني )

ريزو

مرحبا بالقاطع عجبتني فكرة انك تلعب بأكثر من شخصيه للفان بالعكس هذا شي طيب لان تكتسب خبره اكثر مع انك ما تحتاج ماشاء الله عليك على الاقل انته التطور سريع انا حدي اورو و دادلي و المستوى تعبان فيهم بعد و ارد اقول ان انته ماشاء الله عليك التايمنق في الباري ممتاز يمكن مثل ما قال بلاك الشارينقان :biggthump ( صح عيني حاره بس ذكرت الله ) امزح ;)

اذا في احد بيدخل معاي عالم المبتدئين مرحبابه لا يتردد

هههههههههههههه كودي شي طبيعي انا وياك في عالم المبتدئين خخخخخخ ف ماعليك انا وياك ان شاء الله مع الوقت نحترف P:

الحمدلله اخيرا جي جي بي او , ضبط وياي بنسبه 85 % و الحمدلله وان شاء الله يضبط اكثر,

حاليا رفعت سرعت النت الى 50 MB مع fiber optic و + راوتر gamint ف الحمدلله اخيرا كل شي ضبط وياي D: خخخخ كل ها عسبت العب مع اليابانين P:

عاد نبا انشوف فيديوهاتكم اول باول يا شباب لاتقصرون

Big Boss

اهلا بك عبدالعزيز :) معك حق تعرف الحين استعد للمدراس و اخر سنة الله المستعان :) رجعنا للتواضع العجيب ؟ ههه وين ياخي انت BIG BOSS احسن اورو :biggthump ودادلي المايند جيم الي قطعتني فيه :D نعم تغير لا اكثر واوكي انه الواحد يبدل ويغير .. بصراحة دادلي رهييييب, ما توقعت ان بيكون لي نفس العب فيه لان دائما اسمع انه صعب اللعب فيه ويباله مايند جيم ف ما كنت احاول اني اجربه !! بس جربته تغير كل شي ( فرق كبير بين ثيرد و سوبر 4 ) صراحة اللعب فيه ممتاز ويعجب .. كيف اورو معاك ؟ ليش ما اشوفك اونلاين ؟؟ :28:

قبل امس تجمعت انا و فرقان في بيتي و لعبنا اكثر من 5 ساعات :blackeye: ذبحني في ريمي و الكس :biggthump
اي شارنقان يا عمي ؟؟ هذه اسمها mangekyou sharingan :ponder: تطور الشارنقان !! خخخ استهبل

هلا ريزو

نبدأ بدادلي
دادلي في الثيرد غير و حرام يكون فالسوبر بهذا المستوا لان في السوبر مخلين بلاروق افضل من دادلي بكثير مع ان بلاروق طفل مقارنه بدادلي الفرق بين دادلي في الثيرد و السوبر كالتالي:

دادلي في السوبر ( شنب مان ) :jap039:
دادلي في الثيرد ( جينتل مان ) :jap002:

غيرو هيبت الشخصيه بشكل واضح مع ان هذا ليس من صالح الشخصيه و بطيء مقارنه بالثيرد و حتى دادلي ما سلم من الدوران في الالترا هههههههه
لو بتلاحظون في السوبر اكثر الحركات طيران و دوران ( مع احترامي للعبه ) ;)

و الحين العم ( أورو )
اورو لاعب متوسط يعني مش هجومي و مش دفاعي كوكتيل نص نص تقريباً
و الحلو فيه عنده دبل جامب و الداش ممتاز و كومبو على كيف كيفك و ميكس أب كوكتيل و انبلوكيبول
و عنده كارا ثرو خياليه اطول من كارا تشان لي هذي سريه هههههههههههههههه
و العم اورو حياته كلها رقاد و تفكير ههههههههه :hmmmm2: :sleep:

افكر اركز على يانق و يورين و هيوقو حالياً
مستحيل العب بريو او كين او اكوما في اي بطوله لأن مستواي تعبان جداّ فيهم اذا فكرت العب فيهم بس للفان

بعدين وين احسن اورو و دادلي بالعكس انا تعبان جداً في دادلي حاليا و اورو أمشي حالي حالياً

و بالتوفيق فالدراسه

السويدي دخل عندي في عالم المبتدئين من بيدخل معانا التسجيل محدود يعني ألحق ما تلحق

^^

ضيفوني معاكم في الصف ، يوم انتو مبتدأين انا شو ؟؟ بعدني جرو ...

حالياً قاعد اركز على الباري اكثر هالايام ..

ريزو الله يوفقك في الدراسة ...والجامعه على الابواب 0o0

شباب بطولة tougeki غدا السبت .
اللي عنده موقع للبث المباشر يكثر خيره .
كل الاضواء مركزة على البطولة .
الثيرد سترايك انا مرشح MOV +Kuroda و لاعب معاهم yun لا اعرف اسمه .
احلى بطولة في العالم .

مرحباً ايفيل ،

حصلت رابط لـ توغيكي 2010 يمكن هو:

http://blog.nicovideo.jp/niconews/2010/09/009072.html


وهذا موقع به معلومات عن البطولة :

http://shoryuken.com/content/want-wa...e-stream-1750/

هالسنة الموضوع شكله بفلوس ولازم يكون عندك كريديت كارد يابانية وتقدر تشتري رصيد بس يبالها شغل وصدعة راس...شكلي بنتظر المباريات على اليوتيوب وأنتظر ديفيدي مجلة أركيديا إنه يكون متوفر

الزعيم

إن شاء الله هالأسبوع نلتقي معاك إنت ومبارك وتصير المعارك صح...إنتوا متى مافضيتوا عطوني خبر بس

ياخي مقهور أبى أشوف البطولة...وشوفوا هالفيديوز

ياخي مستوى خرافي..الكل يلعب صح....أتوقع الي يلعب ب كين هو كورودا...لعب خرافي...شوفوا الدقيقة العاشرة من الفيديو الأول

كلامك صحيح يا بلاك الي كان يلعب بـ KEN ( كورودا ) بصراحه حركات اول مره اشوفها و مستواه خيالي

نريد اخر اخبار لـ RX الجزار بصراحه هذا يوم يلعب تحس المباراه من طرف واحد الشوط الاول يقولك تيك يور تايم و الشوط الثاني يكون معبي سوبرات و يقولك سوري يو دونت هاف اتايم ههههههههههههه

الوكارد
حبيت اقولك ان تم تسجيلك معنا في عالم المبتدئين

يا بلاك لو اني مب غلطان
Ken = Chinta
Yang = Tokura
Ryu = Vanao
chun li = AFM
Q = TM

نيكرو عاد غريب يمكن يكون Nerd legend or Legend nerd


------------------

مباريات قويه الصراحه

و صج من قال ان الثيرد Hardcore
خاصه بين كين و ريو

في مباريات قويه و قديمه مسيفنه عندي و ان شاء الله تستمتعون بالمبريات D:

بطوله صغيره و النهائي كان بين j and namijin
المشكله اول مباراه ل J ماحصلتها XD










------------------

و هاذي بعد بطوله صغيره و عجيبه D:




و نتريا ال SBO :D

^^^^

لا ما أتوقع شينتا...صح نفس اللون بس هالأسلوب أسلوب كورودا...ألوحيد الي ياخذ شين شوريوكين ضد كيو هو كورودا

ودوري شيروبي عندي إياه كامل من زمان...أيام!!!!

المهم كمل تدريباتك في أمريكا...ومانوصيك إعصر اليابانيين عصر نبى مستواك يكون خرافي لما ترجع

صحيح هذا كورودا حتى المعلق يقول ( سوقاي!!! كورودا ) معناتها مذهل! يا كورودا :biggthump

بصراحه انا يوم شفت لاعب ماكوتو الي هوه J يوم فاز على كوكوجن بيرفكت شوطين قلت هذا لاعب خرافي بس يوم شفته يلعب مع RX اشفقت عليه بصراحه صدق صدق جزار

بلاك و السويدي

مشكورين على الفيديوهات بصراحه انا عن نفسي استفد اشياء منها :biggthump

بلاك... صح انه توني عاللعبه و عالفلسفه بس تعرف انا ملاحظ ان شين ريو كين مؤثره مع كيو اكثر من السوبر الثالث... اكرر شين ريو كين مب شين شوريوكين= السوبر الثاني لريو


لأن اللعب مع كيو يعتمد اساسا على الحذر و اصطياد الغلطات مب عاللينك... الغلطه مع كيو سلم عالدور( لو تحسبها عدل... اول ما تغلط ويا كيو المعادله تقول... دامج محترم+ تاونت= اكره نفسك)

ههههههههههههههههههههعب

يا بلاك حاليا اكثر شي مطيح مع اليابانين, تدري يوم العب مع اليابانين و عقب احول للامريكان احس ان الامريكان لعبهم عادي XD مع ان في منهم لعيبه لكن غير يوم العب مع يابانين من بين 10 مباريات افوز مباراتين خخخخخ ان شاء الله مع الوقت ابدع,

ياخي مباريات الثيرد ما امل منها مهما اشوفها 100 مره

و هني اس بي او 3 يوم دايجو فاز على كي او الصراحه شفته وايد و مامليت



و هني بعد مباريات قويه

لكن تمنيت ان RX يفوز XD



[Tougeki'09] Street Fighter III 3rd Strike Tournoi Team 3vs3

Demi-Finale :
Vanao (RY) / RX (UR) / Kouchun (CH) vs Tokido (CH) / KO (YA) / Ochibi (YU

--------------

كل ماشوف مباريات البطولات اتحمس ل بطوله الامارات لل Teams >.<

عاد انا من الحينه برتب فريقي خخخخخخخخخخ P:

ماعرف شو السالفه حاولت اسوي تعديل ماستوا عسبت ازيد رابط

لكن بحطه هني XD

من اقوا المباريات و احلى الكامباكس D:

ما شاء الله اللعب مرعب وممتع ، ثانك يو
-------------------------------------------
-------------------------------------------

شو رأيك بسرعة تويلف http://www.fightersgeneration.com/ch...hink_small.png

ماشالله على هالتلويف تكتيييك
هذا ايمن المستقبل p:

حتى كورودا لعب بكن في sbo..??? ...(((شايف يا بلاك ..و تبغى نسخة الاونلاين بدون تغيير الوزنية)) قارن الشخصيات المستخدمة في ثيرد بتلك المستخدمة في 2
3S

1. MOV (Chun-Li), Kuroda (Ken), Nitto (Yun)
2. Kokujin (Dudley), Haitani (Makoto), Nuki (Chun-Li)
3. Raou (Chun-Li), Mesuta (Yun), Higa (Ibuki)
3. K.O. (Yang), Ochibi (Yun), Tokido (Chun-Li)


ST

1. MAO (Claw), Ito (Dee Jay), Futachan (Ryu)
2. Abebin (E. Honda), Sasori (Ryu), Oonishi (Dictator)
3. Tsuji (Boxer), Inro (Old Chun-Li), Danjiri (Dhalsim)
3. Nuki (Chun-Li), Muteki (Guile), Shiki (Boxer)

BTW
اوزن الالعاب في النتائج هي ST .VF5 .GGAC

اقتباس:

---

المشاركة الأصلية كتبت بواسطة AL999e3ry

بلاك... صح انه توني عاللعبه و عالفلسفه بس تعرف انا ملاحظ ان شين ريو كين مؤثره مع كيو اكثر من السوبر الثالث... اكرر شين ريو كين مب شين شوريوكين= السوبر الثاني لريو


لأن اللعب مع كيو يعتمد اساسا على الحذر و اصطياد الغلطات مب عاللينك... الغلطه مع كيو سلم عالدور( لو تحسبها عدل... اول ما تغلط ويا كيو المعادله تقول... دامج محترم+ تاونت= اكره نفسك)

---

شين ريو كين...طيب...دور على مباراة للاعب كين يختار هالسوبر ضد لعيب كيو سواء في اليابان أو غيره...ماراح تحصل...حتى السويدي حط مباراة بين كورودا ونفس اللاعب TM وكورودا بكين وإختار نفس السوبر وخسر وتحسه كان يلعب بدون نفس....كورودا يعرف الثيرد سترايك بالتفصيل ففي إحتمالات منها إنه يريد يثبت مستواه الخارق من خلال إستخدام أحد أسوء سوبرات كين أو إنه لأنه يلعب ب كيو فيحس بفرق القوة فماتدري يمكن ماله خلق يلعب ضد كيو وهو مختار هالشخصية فيخلي نوع من العدل بإستخدام هذا السوبر....لو تريد نشوف لو في أحد سأل كورودا ليش يستخدم هالسوبر بس صدقني لاعب مثل هذا خارق لدرجة إنه يمشي نفسه تقريبا بأي شخصية وبمستوى ممتاز جدا....شفتوا أكوما من قبل كيف يلعب فيه وأنا شفت دي في دي كامل شو يسوي في دينجين ريو والحين إنتوا تشوفون شو يعمل ب كين...هذا غير الزعامة ب كيو...ببساطة لاعب خرافي وأفضل لاعب في ثيرد سترايك....بس الصراحة الحق يقال...لاعب يانق وأظني تاكورا هذا جني...الوحيد الي كان يعقد كورودا....مب معقول هاللاعب...أشوفه طاف KO

اقتباس:

---

المشاركة الأصلية كتبت بواسطة محمد شعيب

حتى كورودا لعب بكن في sbo..??? ...(((شايف يا بلاك ..و تبغى نسخة الاونلاين بدون تغيير الوزنية)) قارن الشخصيات المستخدمة في ثيرد بتلك المستخدمة في 2
3S

1. MOV (Chun-Li), Kuroda (Ken), Nitto (Yun)
2. Kokujin (Dudley), Haitani (Makoto), Nuki (Chun-Li)
3. Raou (Chun-Li), Mesuta (Yun), Higa (Ibuki)
3. K.O. (Yang), Ochibi (Yun), Tokido (Chun-Li)


ST

1. MAO (Claw), Ito (Dee Jay), Futachan (Ryu)
2. Abebin (E. Honda), Sasori (Ryu), Oonishi (Dictator)
3. Tsuji (Boxer), Inro (Old Chun-Li), Danjiri (Dhalsim)
3. Nuki (Chun-Li), Muteki (Guile), Shiki (Boxer)

BTW
اوزن الالعاب في النتائج هي ST .VF5 .GGAC

---

مازلت ما أريدهم يغيرون الوزنية...وكورودا لاعب خارق...عندي ديفيدياته يلعب بتقريبا كل الشخصيات...الوحيد الي شفته مستواه فيه مش ولابد نيكرو...هو كان على كيو...وعمل إنجازات فيه...وبعدين أكوما وجاب بطولة فيه وحاليا كين...هالإنسان يريد يثبت إنه الأفضل بأي شخصية ومن حقه على المستوى الي وصل له

جرب إلعب الثيرد صح وجرب تختار شخصيات خارج التوب تير وإلعب ضد التوب تير...هنا ببساطة يعتمد على مستواك وهني متعة الثيرد...كورودا ب كيو يرعب الكل سواء الثلاثي المرح أو ماكوتو أو دادلي أو غيرهم...الكل يهابه...شوف البطولات الفردية في الثيرد والدوريات الي تصير...لو متابع صح بتحصل يوريين وكيو وريو وأكوما ويانق وأورو وغيرهم ماخذينها وتحصل معارك طاحنة جدا....وأحلى شي لما واحد يلعب بهالشخصيات ويطلع فريق يتكون من الثلاثي المرح ...هني المتعة...ما أقول إنه اللعب بالتوب تير ممل....أنا بديت ب كين ومازلت أشوفه ممتع لكن مع الوقت بديت أبطل لأني إذا بلعب فيه لازم أضبط كارا شوريوكين واللينك يكون عندي 100% عسب أحس إني ألعب فيه صح...فغيرت على أكوما ودينجين ريو وكل له إيجابياته وسلبياته المعروفه....وشوية ماكوتو بس إستقريت هالفترة على كيو لأنه تحس بالمجهود لما تفوز وتحس بطعم الفوز...غير لما تقعد المبارة كلها تخطط كيف تعمل فخ للخصم وتصيده...أو إنه المباراة كاملة تعتمد على لحظة تصيد فيها أكوما بالسوبر الثاني ولازم قبلها ريد باري...صدقني هني المتعة كلها....تريد تقولي إنه عشان الجدد يلعبونها يخربون الوزنية في اللعبة وكورودا وغيرهم الي ناموا على اللعبة وتعبوا يروح تعبهم على الفاضي وواحد توه بادي لتسهيل اللعب وتقوية الشخضيات يسوي الأشياء الي قعدوا سنين عسب يضبطونها ويحرفننونها؟!!! إذا إنت تشوف هالشي عادل فخلهم يعملون نسخة خاصة لك...نحن مازلنا على الثيرد وسنستمر عليها كما هي حتى مع إختلاف القوى فبالنهاية الموضوع راجع للاعب نفسه...تريد تطور مستواك وتهزم الشخصيات الأقوى تقدر بس لازم تتعب أكثر وتجتهد أكثر...تريد تآخذ شخصيات قوية وتفوز فيها تقدر لكن إذا ماطورت مستواك ف 12 وكيو وغيرهم راح يغلبون الشخصية التوب الي تلعب فيها لأنه الي يلعب فيهم أفضل منك في المستوى

إلا بسألك....الترتيب الي حطيته نتايج ال SBO ؟ لأني بعد مادريت إنه النقل لليابانيين ولازم صدعة راس وغيره فقعدت أتابع مباريات الدوري الإنجليزي والإسباني والإيطالي

أوه طلعت النتايج

شفت الفاينال....خخخخخخخخخخ أوهنوكي صابغ شعره أشقر...وأنا أقول ليش يصارخ كله لما يعلق على المباريات...شكله فيه هفة الولد هالفترة...والصدمة كوكوجين معاهم؟! ماألومه ماقدر يصبر على ثيرد سترايك

بس شكل كورودا يضحك لما غلبه أوهنوكي تحسه معصب...صج إنه اوهنوكي مصري...1هيت كونفيرم؟! بس المباراة كانت ممتازة...تحبيس على الآخر وإنتظار للإخطاء...المباراة كانت بتتغير في اللحظة الي عمل فيها كورودا باري لرفستين من تشن لي...كان المفروض بعدها شوريوكين متبوعه بكارا شوريوكين والمباراة بتتغير نتيجتها....ولاعب ماكوتو الي معاهم مب طبيعي...بس عاد هذا MOV أحسن تشن لي في العالم وكان في السابق أوهنوكي لكنه تخطاه....المستوى ماعليه كلام بس المشكلة إنه فريق الثلاثي المرح فاز لول....يله...هي للمرة القادمة!!!



السؤال الي يطرح نفسه...بأي شخصية كورودا بيدخل في البطولة القادمة؟

فيديوز الألعاب الثانية

http://www.youtube.com/results?searc...C20%2C22&uni=3

اقتباس:

---

ماشالله على هالتلويف تكتيييك
هذا ايمن المستقبل p:

---

سالم ، هذا من تعليمك يا باشا، سنجح لولو اللي يلعب :o :silly: ما شفته كيف استحى بالآخر ...هههه
من بعد البطولة اكتشفت إني سلحفاة بتويلف ، فقعدت أتدرب على السرعة بدل
ما أتدرب على الباري، والحمد لله صار عندي تحكم سريع وكنترول.

عندك نظرة ما شاء الله (الحاسة السابعة) :أفكر: تذكر اصرارك علي اني اختار تويلف زمان ..؟
وهالمقطع سجلته وأنا ألعب مع jmf ، الدقيقة 18 ضد هوجو
من برنامج أركليف ، وتسجيل المباريات بصيغة AVI رائع وواضح جدا وبدون تعليق مثل ما انت شايف.
------------------------------

ما اعرف اذا حد شاف هالمباراة قبل ولا لأ بس لعبهم حلو خصوصا في الجولة الأخيرة ، شو رأيكم ؟
Necro vs. Urien
http://www.youtube.com/watch?v=XPHKWWFB4P8

ههههه..
انا معاك يا خوي الفوز على التوب فيه متعة .. هذا يحدث معي لمن افوز على كن بشون... لكن انا لمن العب بين لمن انهزم عادي بس اذا فزت احس اني ما تعبت التعب اللي يتعبه اللي ضدي ...
كل ما اريده ان ارى تنوعا في البطولة مثل جلتي و سوبر تيربو ...المزيد من الشخصيات المستخدمة... المزيد من الافكار و الاستراتيجيات...
حتى لو عدلوا في ثيرد ستكون هناك شخصيات اقوى و اضعف.. فقط اريد تصغير الفجوة حتى ارى العديد من الشخصيات...
فكرتي ليست من اجل 10 او 100 محترف ياباني فكرتي لألأالاف الذين يلعبون اللعبة من مختلف انحاء العالم ....
لكن
لكابكوم القول الفصل...

اوه محمد شعيب P: long time
الصراحه كلام بلاك صحيح و انا وياه افضل انهم ما يغيرون اي شي في اللعبه و يخلونه نفس الشي لان انا اشوفه جي متوازن بشكل كبير
خلنا نسولف عن البطوله الي طافت

شوف كورودا ب Q وين وصل و هم كانو ناقصين

ملف مرفق 330815

ف ركز على كورودا Q و في واحد ناقص من عندهم و شوف وصل

يعني انا ماتوقع اني اشوف واحد في ستريت فايتر 4 ياخي DAN or Sakura

و لا فريقه ناقص و في اقوا بطوله SBO و يوصل النهائي ^_*

و بعدين انت لو بتلاحظ منو الي يوصل النهائي في يان و شان لي و ماكوتو بتلاحظ دومهم

ochibi , k.o , yakkun, ino, niku, mov, koshun, master, tokido, rikimaru........ETC

هايله ياخذون chun li - yun - makoto

و دومهم يوصلون النهائي, و السبب انهم هم اصلن لعيبه لو ان اللعبه ماكانت متوازنه كنا بنشوف ناس جداد و كل من هب و دب لعب في يان و شان لي و ماكوتو يوصلون النهائي

شمعنى ان كل مره هايله يوصلون النهائي ليش مب ايك واحد لاعب مب مشهور و يوصل النهائي.؟؟؟؟ لان هم اصلن لعيبه

لو ان صج اللعبه مب بالانس اقل شي كنا بنشوف لعيبه غير معروفين و يوصلون النهائي ^_* و الدليل انهم لعيبه شوفهم في ستريت فايتر 4 تراهم من top players

و ها فيديو صغير يبرهن ان tokido اصلن هو لعيب مب يفوز لانه ياخذ شان لي حتى و هو ماخذ mid tier



شوف الدليل يوم توكيدو خذ يورين و لعب في امريكا و شوف سو سوا ^_*

ف هذا هو الدليل ان اللعبه بالانس :) بس ماعليك لو شفنا في كل سنه في لعيبه من يان و شان لي وماكوتو مختلفين و لعيبه غير معروفين و يوصلون النهائي بنقولك و بنأكد ان اللعبه مب بالانس D:

و في شي بعد شوف الفرق بين كم لاعب في super street fighter 4
و street fighter 3rd strike

و حياك الله محمد في اي واقت, خلنا انشوفك ^_^

----------------------------

صنقح لولو ههههههههههه افا عليك ياخي خخخخخخخخ انا اول مره يوم شفتك ماخذ تويلف شفت ان لعبك حلو فيه ف قلت فرصه حلوه نستفيد يكون عندنا لاعب تويلف و ماشاءالله عليك يا ايمن انت لعيب تكن و كوف ف لو لعبت ثيرد بتكون لعيب ماشاءالله عليك, شوف الحينه انت ماشاءالله عليك في تويلف وحش و مسوي رعب للشعب D: ماعليك ان شاء الله انشوف المفاجأت في البطولات اليايه,

هالمباراه شفته من احلى المباريات D: هاذي هي ثيرد سترايك اتشوف العجب ^_*

اقتباس:

---

المشاركة الأصلية كتبت بواسطة محمد شعيب

ههههه..
انا معاك يا خوي الفوز على التوب فيه متعة .. هذا يحدث معي لمن افوز على كن بشون... لكن انا لمن العب بين لمن انهزم عادي بس اذا فزت احس اني ما تعبت التعب اللي يتعبه اللي ضدي ...
كل ما اريده ان ارى تنوعا في البطولة مثل جلتي و سوبر تيربو ...المزيد من الشخصيات المستخدمة... المزيد من الافكار و الاستراتيجيات...
حتى لو عدلوا في ثيرد ستكون هناك شخصيات اقوى و اضعف.. فقط اريد تصغير الفجوة حتى ارى العديد من الشخصيات...
فكرتي ليست من اجل 10 او 100 محترف ياباني فكرتي لألأالاف الذين يلعبون اللعبة من مختلف انحاء العالم ....
لكن
لكابكوم القول الفصل...

---

I see ur point

لكن شو الأحسن؟ Qulaity or Quantity ?

صدقني الجودة أفضل من العدد...لو العدد يزيد بدون تخفيض الجودة على العين والراس لكن على حساب الجودة !-___-

وعن نفسي إعتبرهم مثل الجنرالات في صراع الجبابرة أو لعبة dynasty wariors ....لاعب ياباني واحد يسوى 100 أمريكي أو أكثر ^__^ ولو كان مثل "لوبو" يعني كورودا فيسوى 1000 !

ممكن الكوميونيتي يزيد وهذا الي يصير وصدقني في الإيفو القادمة حاس إنه اللعبة راح ترجع للقائمة وشهرتها ماراح توقف هناك وإنت أدرى...فرنسا وبريطانيا مستمرين وكل يوم تحصل دولة جديدة تعمل دوري وتحصل مستيات حلوة في اليوتيوب

الباقي على اللاعبين وإرادتهم...يريدوا الطريق الصعب أو السهل...يريدوا الإستمرار أو لا...الصبر هو المفتاح ولو الواحد يدور راح يحصل لعيبة للثيرد ويوم بعد يوم بيزيدون وهذا الي صاير عندنا...بين فترة وفترة نكتشف بوكيمون أقصد لاعب جديد!!

خخخخخخخخخخخخخ عاد تفوز ب Sean !!! المفروض الي تلعب ضده بعد مباراة وحده عرف كل الي هالشخصية لها وسلبياتها وكيف التعامل معها...هاللاعب شيلوه بره ولاتفكرون فيه خير شر...حتى كورودا لما حاول فيه...منظر مؤلم...كورودا يحاول ويحاول وريد باري وغيره وكلها كم ضربة والحبيب ودع وخسر الجولة...لكن للأمانه تقريبا من أصل 7 مباريات ضد كين ياخذ مباراة وحدة وأحيانا 1 من أصل 5 (هذا بالنسبة ل كورودا)

دائما أتساءل عن Sean ...كيف عنده سوبر هادوكين وهو مب من الشوتوز أصلا!!!!!
=================================================================================================
أقولكم من الحين..إنتظروا تاكورا في البطولة القادمة...صدقوني هذا لو دخل مع فريق محترم فهو الفريق الوحيد الي يقدر يوقف فريق كورودا...لاعب يانق خيالي....

بلاك... شكله اللي قلت عليه عسب جيه ياخذ السوبر الثاني... كورودا يأدي رسالته على اكمل وجه... دام انه يدور الصعب في كل مره و ينوع اللعب احس انه يستاهل لقب افضل لاعب و الدليل حاول بشون بس ماشي فايده( تقدر تقول شبيه دان في الفور), و الدليل اللي قلتوه انت و السويدي اقتنعت فيه على ان اللعبه بالانس ان دوم اللي يوصلون النهائي في الثيرد سترايك محترفين و معروفين(يعني اذا شغلك متعوب عليه تستاهل و مب اي واحد مني و الدرب يوصل)... لكن السوبر تلقى اللاعب اول ظهور له و يسوي العجب... الفور حلوه بس لو يتداركون شوية عيوب على كم خرطه...

ههههههههههه... انت لو اطالع كيف قام مع النظره كأنه يقول( يابن الإيه ما تبا تتحرك من مكانك شوه هاللعب الزباله... انا اربيك)...دخوله للـ SBO القادم بيكون بـ !؟... ماعرف كيف المعقدين يفكرون و بالنسبه لكورودا نوع نادر من المعقدين ما تعرف شوه من قظه اتييه عقب و يدخل بـ يانج!

خخخخخخخخخ

افا عليك يا طلال D:

عيل شوف هني كورودا شو سوا خخخخ شكله مباراه انتقاميه بين kuroda & k.o

لان كي او هزم كورودا في اس بي او 5 على ما اضن ف الحينه دور كورودا ينتققم خخخ و شوف الانتقام



-----

اضن اس بي او الياي كورودا يمكن يدش ب
hugo - 90%
Q - 80%
ryu - 70%
oro - 60%
remy - 50%
dudley - 40%
yang & yun - 30%
makoto - 20%
elena - 15%
necro - 10%
ibuki - 5%

------------------

يالله انا حطيت احتمالاتي و الي عنده احتمالات يحطها P:

--------------

خخخخ ما قلت لك يا بلاك ان تاكورا لاعب خرافي خخخخخ يوم قلت لك عنه انه اخطر يانج, انت قلت لي ان كي او افضل منه خخخخخخ عقب راويتك مباريات تاكورا خليتك تتخبل شوي P:

بس لو لاحظت شي خخخخخخخ تاكورا يعقد الكل خخخخخخخ لاكن فاالاخير TM يعقده خخخخخخخخخخخ يعني شوف يروح و يرد اخرتها اي تي ام و يعقده ههههههههه عيل لو تاكورا دش اس بي او, بيكون منحوس لو ظهرله تي ام P: مسويله ازمه نفسيه ههههههههههههه

السلام عليكم

ما شاء الله عليكم نقاشاتكم كلها عن البطولة وأكثر شي عن اللاعب كورودا
بصراحة من كثر ما تمدحون فيه كرهته كره شديد مادري ليش حتى أني فرحت لما خسر من لاعب تشان لي :D

بلاك
السموحه منك مافضيت هالأسبوع لرفع الفيديوهات بس ماعليك أماره بغيت اليوزر والباسوورد للقناة

عطوني مباريات لتاكورا.. السبلنج ما مايجي معي تمام...

بلاك و شعيب
--

صعب بعد عشر سنين ترجع و تقول للفانز ترانا بنعدل البالانس في اللعبة، شو ذنب الي " حب " اللعبة و قعد يتعلمها وراضي عن البالانس؟ مش بس في ثيرد سترايك في اي لعبة ثانية، بعد عشر سنين ببساطة الي كره اللعبة و شاف انها كلها عن التوب تير + مب متوازنة ترك اللعبة وراح شي ثاني والي حب اللعبة قعد يلعبها علشان جذي تحصل الكوميونتي للعبة " مستقر " ومايريد التغيير.

سف4 مانرحمت لان اللعبة توها نازلة، والي هب و دب يريد يلعبها، يريد يشوف "نفسه" الكنج ومحد يهزمه، فيوم حد يهزمه راح على طول منتديات كابكوم ولا شوريوكن.كوم وكتب بالخط العريض " capcom .. you ***

ببساطه لان ما كلف عمره يسير التدريب و يشوف ليش هو يخسر .. لأن ما يصير! كيف انهزم!!!1!!

نرجع لنقطة من وجهة نظري، سف4 ما كانت تحتاج كل هالتغيير في البالانس لأن كل شي كان له " حل "، وبعد كابكوم ما قصرت مع سوبر و سوت بالانس اكثر، لدرجة ان شخصية ممتازة في سوبر مثل فايبر تعتبر تلحين mid-low ( بس علشان اعطي مثال عن كيف الشخصيات متقاربة ) ونادر او شبه معدوم تحصل ماتشات 7-3

لو كابكوم ما نزلت سوبر، وبعد عشر سنين قالت بنعدل على سف4 بتحصل نفس الشي الي يستوي في هالموضوع من معارضة موجود ..

أوووف...خلص على الفريق كامل...الله يغربله...لول على التعليق الي في الفيديو....

Kuroda>>I will OCV the Team
Nitto>>>Kuroda will OCV the team
MOV>>>>I will cheer him on!!!!

صراحة مارحمهم

على فكرة السويدي...شكله Tokura مثل MOV شوف أول في الثيرد مهما تحاول تحصل أفضل تشن لي يكون أوهنوكي..لكن MOV صار الأفضل على الرغم من المستوى الممتاز لأهونوكي....ونفس الشي KO وقبله Roshihikari وأيضا حسب ماذكر Boss والحين طلع هالجني الجديد Tokura

sanada

بطرشلك المعلومات برسالة الحين

ساشيو

فعلا...10 سنين صعبة جدا تغيرها

ستريت فايتر 4 يغيرون فيها وايد ونزلوا السوبر 4 ومازالو يغيرون....فما بتحصل ثبات في قائمة التير والحريفة إلا لما تكتمل كل التغييرات ويصدر الإصدار النهائي من كابكوم لأنه حرام واحد يقعد يدور حل ويكتشف أشياء عسب يتعامل مع شخصية معينة بعدها كل تعبه ضاع سدى بسبب التغييرات الجديدة..ونتمنى الأفضل لسوبر 4

محمد شعيب

بتحصله في آخر dan battles موجودة في اليوتيوب

http://www.youtube.com/watch?v=wGr5pQ7Rpyo

هذي وحدة منهم

مادري هل في لاعبين ل كين أو واحد ...لأنه فيه واحد إسمه روكو بس متأكد إنه أوهنوكي يذكر كورودا في هالمباريات!

هلا يا الربع شحالكم

ماشاء الله متفاعلين في النقاشات ما الومكم مباريات قويه جداً و حرفنه صح

بصراحه كورودا مبدع و باين أبداعه ما ادري احس عندكم ميول كبير مع كورودا مع ان فيه ناس مثله و شرواه عندكم ino بصراحه أفضل كين شفته صحيح كورودا فاز ولا انكر هذا الشي بس الحرفنه كانت من ino أكثر و ما انكر حرفنة كورودا في نفس الوقت و انا اعتبرها اقوى مباراه في تاريخ الثيرد بصراحه :33:

الي ابا اقوله كورودا لاعب و ino لاعب و التطور مستمر و الكل يفوز و يخسر :biggthump

صحيح RX قال افضل لاعب كورودا بس أتمنى نهم يلتقون و نشوف الافداع و الحرفنه بينهم

بالنسبه لأفضل دادلي انا اشوف FUJIWARA أفضل من كوكوجن من ناحية اللينك و الميكس أب و المايند جيم و الحرفنه ( ما يرحم )

و اتمنى ان ما اكون ضايقت احد في هذا الرد ;)

هاذي كمن فيديو فيها مباريات ل Tokura - yang (تاكورا الي يلبس قميص بنفسجي غامج و بنطلون اسود )






















































-------------


سنقح لولو هني في لاعب تويلف اول مره اشوفه اسمه moge







في دقيقه 7 بيطلع و شوف لعبه D:

و في هالفيديوهات في مباريات قويه D:

ان شاء الله الكل يستمتع ^_*

اقتباس:

---

المشاركة الأصلية كتبت بواسطة xCODYx

هلا يا الربع شحالكم

ماشاء الله متفاعلين في النقاشات ما الومكم مباريات قويه جداً و حرفنه صح

بصراحه كورودا مبدع و باين أبداعه ما ادري احس عندكم ميول كبير مع كورودا مع ان فيه ناس مثله و شرواه عندكم ino بصراحه أفضل كين شفته صحيح كورودا فاز ولا انكر هذا الشي بس الحرفنه كانت من ino أكثر و ما انكر حرفنة كورودا في نفس الوقت و انا اعتبرها اقوى مباراه في تاريخ الثيرد بصراحه :33:

الي ابا اقوله كورودا لاعب و ino لاعب و التطور مستمر و الكل يفوز و يخسر :biggthump

صحيح RX قال افضل لاعب كورودا بس أتمنى نهم يلتقون و نشوف الافداع و الحرفنه بينهم

بالنسبه لأفضل دادلي انا اشوف FUJIWARA أفضل من كوكوجن من ناحية اللينك و الميكس أب و المايند جيم و الحرفنه ( ما يرحم )

و اتمنى ان ما اكون ضايقت احد في هذا الرد ;)

---

هلا الزعيم

الشغلة مب شغلة ميول...هذا الواقع

وهذا من كلام RX وأغلب اللاعبين

لاتحكم على مستوى INO من المباراة الإستعراضية بينه وبين كورودا...شغلة إنك تعمل ريد باري لسوبر الهادوكين الخاص بأكوما سهلة مقارنة بالبلاوي الي عملها كورودا فيه بأكوما....تشوف كومبو ال hurricane kick الي سواه كورودا عليها....صعبه جدا جدا تسويها على الشوتوز...لو ضد الشخصيات الكبيرة بقولك أوكي لكن ضد شوتوز لازم تكون جونقر أو غريندايزر عسب تركب

وأكرر مباراة إستعراضية ومباراة ملعوبة على أعصاب هادية مثل مانلعب مع بعض مباريات ودية

شوف كورودا كيف يلعب في البطولات ب كين وقارن بينهم....صدقني كين ضد كين كورودا راح يغسل Ino

وعن فوجيوارا فالصراحة بديت أقتنع...خصوصا الميكس أب...مب طبيعي...واللينكز...خسارة يعتزل...-___-

على فكرة...أتوقع إنهم إلتقوا كذا مرة وبالنسبة للنتايج الله أعلم لكن أنا أقولك من الحين...دي في دي كورودا ب كيو عامل فيها مجازر ضد يوريين...والله مايرحم لعيبة يوريين...تحصل كيو يصير شوتوز معاه!!!

يا هلا ب سنادا و كودي ، علومكم.؟
ماشاالله على فوجيوارا وحش و هو الي حببني في دادلي، الصراحه متوحش و أتمني انه يرد للثيرد،
و كورودا مخترع وايد أشياء و هالشي الي يميزه انه يسوي أشياء محد سواه من قبل عسبت جي مأخذ افضل لقب، و لاتنسون اكثر الشخصيات وصل فيهم s class ف الله يهنيه هههههههههه
اقتراح، ليش ما نسوي موضوع نقاش للثيرد.؟

اه اسمه توكورا و ليس تاكورا.... (((لكن عجبني لاعب ريو اكثر ))

لاعب ريو اسمه vanao ماشاءالله عليه من افضل مستخدمين الدينجين

شباب حد شاف مباريات ل RX لل sbo 10..?
و على الاقل الجدول النهائي.؟

بصراحه VANAO لاعب و احلى مبارياته مع RX

بالنسبه ليورين فيه لاعب اسمه Tomo استغربت من لعبه مايند جيم و ميكس اب و ضغط على الخصم ( اسلوبه مختلف عن لاعبين يورين نهائياً ) بس RX غييييير

و ننتظر فيديوهات SBO

الفور لعبه حلوه و انا اتمنى انهم يركزون على البالانس اكثر من زيادة الشخصيات لأن كثرة الشخصيات تخرب البالانس... لو اللعبه كانت نفسها سف4 و بس عدلو على ساجات و كم شغله كان احسن... عن نفسي ما انكر للحين العبها و العب الثيرد.. احس المستوى يتطور في الفور كل ما لعبت ثيرد اكثر( عالاقل هالشي ياب نتيجه وياي) و منها اغير من لعبه للعبه عسب ما امل...

مومنتوم... كورودا قبل لا تفكر انك تبني افكار يهدملك الفوز من اساسه... بدون تعصب بس اشوفه احسن لاعب ثيرد... طبعا مع حبيب قلبي RX حاول انك تنهي الدور قبل لا يعبي بار السوبر و طبعا هالشي مستحيل... و بشكل عام المستوى الياباني في الثيرد ما تقدر تقارنه بأي دوله ثانيه... ابا البطولات في الفور و الثيرد اتكون مستمره في الامارات و بشكل شهري او عالاقل كل ثلاث اشهر مره... اللي كان في فريق KO كان توكيدو و لا... اظني مايلعب الثيرد


السموحه عالاطاله!

هلا تان

فعلا الفور لعبة حلوة بس لازم يوصلون لمرحلة إنه يقولون للعيبة خلاص هذي النسخة الأخيرة ومافي تعديل بعدها عسب الواحد ياخذ راحته في دراسة كل شخصية وكيف يتعامل معها

ويا تان تراكم صراحة مصختوها....متى بتسوون بطولة حق سوبر 4؟ لما يبيض الديك...على فكرة في كم مرة صارت وباض فيها...المهم والمغزى إتفقوا على بطولة ونحن مابنقصر إن شاء الله...

عن نفسي لو الشباب بيسوون للثيرد بعاونهم بس إنه الحمل الأكبر يكون علي أبد مابدخل وبنحاش...ياخي البطولة لها طعم لما السويدي هني...والله غير العلاقات العامة ^__^

وعن توكيدو تراه في الأصل يلعب الثيرد وقبل ستريت فايتر 2 ومازال حسب علمي

السويدي

عن موضوع النقاش الصراحة هالفترة صعبة...مشغولين بشكل....يعني دوامي 8 ساعات أشغل فيها عقلي يمكن 6 أو 7 ساعات...الصراحة مع إني أنام 6 ساعات تقريبا بس مافي فايدة أرد هلكان...ونفس الحالة مع الزعيم...عاد هذاك مسكين الله يعينه تطلعله مناوبات بشكل!!!! خل الفكرة حاليا موجودة ولما نفضنا نرتبها...لاتنسى شغلات مثل دعمة وغيره ماتمشي لول لازم يكون نقاش صح ومصطلحات ثيرد سترايكية بحتة!

طلال الي اعرفه ان توكيدو بعده يلعب لاني شفت له مباريات

خخخ افا عليك يا بلاك D:

اتصدق اني مشتاق للاعب الياباني الي اسمه Persona9 ياخي دوم ادور عليه في الجيجي بي او لكن ما احصله :( والله يبالي دوم ادش بس عشانه خخخخ اسميه طور مستواي خخخخ ماشاءالله عليه لعييييب و هو العب واحد لعبت وياه فحياتي, ياباني ما ينلام

و الي يبا يشوف لعبه تراه موجود في youtube

اضن اخذ 10 مباريات من اصل 40 مباره من كورودا شي جي لو انا مب غلطان

بلاك

انا سمية القعدة قعدة التسطيل ( محاربين النوم ) ههههههههههههه
بصراحه كانت قمة التسطيل يعني انا اسوي باري و مازال اللاعب فالأرض ولا بعد اقول التايمنق تعبان اليوم هههههههههه
جربت الباري من شوي كان عكيف كيفك و تذكرت ان التسطيل كان يلعب دور قوي بصراحه في التايمنق
تخيل حالتي من اسبوعين النوم عندي من 3 إلى 4 فقط بس شو اقول غير الله كريم حتى ما فضيت العب بالكوف نهائياً
بس مب نحن كنا مسطلين بس حتى شخصيات اللعبه بصراحه كانت خبصه ما تتفوت اكتشافات جديدة فاللعبه حتى اليابانيين ما عندهم خلفيه عنها و على الثرو جمب الي عند اكوما من التسطيل انشوفه يمسكه الخصم و هوه مازال على الارض ههههههههههه
بس كالعاده Q يتنيذل على ORO و يكسر خشمه كل مره ;)

السويدي

بخصوص الموضوع الخاص بنقاشات الثيرد انا عن نفسي ما اعرف مصطلحات الثيرد و اخربيط حتى بلاك استغرب على المصطلحات مثل ( فاصل و كوكتيل و التبنيج ) انا عن نفسي بتتوهقون مني و من مصطلحاتي ههههههههه

انا اشوف نعمل موضوع النقاشات يوم بتنزل الاون لاين :biggthump

تعرف يا بلاك... سبحان الله توفقت وياكم و ماشي مشاكل و لله الحمد بس في موضوع الفور استوت مشاكل ما يعلمها الا ربك حتى الحين لا تلفونات بيني و بين الشباب و لا اعرف شوه صار وياهم... من يوم طاحت هاللعبه و تغيرت امور كثيره خلها على ربك... مادري يمكن الغلطه مني الله المستعان... و بعدين من يوم عرفت الفور و انا ما يخصني في التنظيم و لا شي هم ينظمون و انا مجرد مشارك... على قولتك مافي احسن من العلاقات العامه بحاول احسنها في القريب العاجل...


مومنتوم... يا بختك تلعب ويا اليابانيين... لو مكانك بدور نكات اللعيبه المشهورين و بلعب وياهم


كودي... صدقني هالمصطلحات ما يبالها كم كلمه عربي على كلمه مكس انجليزي عربي و الدنيا بخير... اهم شي ارباب انك شغال صح في اللعبه و هذا المهم


خارج عن الموضوع... يقولك اللي ما يعرف الصقر يشويه... هالديك ما بييبلك الا الفضايح انصحك تحرقه لول

Ketabt RAd 6weeel Laken a5r shy 6'ahar alphone mayekteb Arabic lool

تلعوزت مارمت اكتب من تليفوني و الحينه ان شاء الله بكتب الفكره D:

طلال المشكله في جي جي بي او ديلاي خايس يعني اسوي السوبر 10 مرات عسبت تظهر وياي مره !!؟؟

انزين يا شباب ليش ماتسون نفس اليابان

cooperation cup and 5 VS 5

و الحمدلله حاليا في الامارات في Ranking battle

و انا اأيد فكره
5 ضد 5

يعني انروم انكون 5 فرق او 6 فرق على عددنا حاليا و هالفكره جميله جدا

cooperation cup انروم انسويه اي وقت

و مب لازم جوائز و من هالشي بيزيد الخبره و بيخفف التوتر و يطور المستوى

و جي احسن عسبت البطوله اليايه نباها فرق و كل فريق يتكون من 3 ف مب لازم المنافسين يكونون راندوم, نباه يكون اختياري عسبت البطوله تكون اقوا يعني عادي اتشوف فريق فيه انا و طلال و كودي و فريق الثاني بلاك و سنادا و فرقان..... مب لازم يكون عشوائي, و هالشي بيزيد المستوا اسرع و يعطي حماس للبطوله لان كل ما كان فيه فرق اقوا كل ماكانت المنافسه احلى و اقوا :) ( و ان شاء الله سالفه A,B,C ) بينحذف لان ماشاءالله على المستوا الحينه قوي جدا :)

شرايكم.؟

اقتباس:

---

المشاركة الأصلية كتبت بواسطة AL999e3ry

تعرف يا بلاك... سبحان الله توفقت وياكم و ماشي مشاكل و لله الحمد بس في موضوع الفور استوت مشاكل ما يعلمها الا ربك حتى الحين لا تلفونات بيني و بين الشباب و لا اعرف شوه صار وياهم... من يوم طاحت هاللعبه و تغيرت امور كثيره خلها على ربك... مادري يمكن الغلطه مني الله المستعان... و بعدين من يوم عرفت الفور و انا ما يخصني في التنظيم و لا شي هم ينظمون و انا مجرد مشارك... على قولتك مافي احسن من العلاقات العامه بحاول احسنها في القريب العاجل...

---

طيب...إنتوا حاولوا توزعون موضوع التنظيم...كل واحد يمسك شغلة وأنا لو تبون مني شي حاضر ومابقصر إن شاء الله....بس المهم إنكم إنتم الي تبون تسوون بطولة...خسارة هالعدد الكبير من لعيبة 4 وآخرتها على شغلات ماتسوى ماتنقام بطولة....يعني لاتزعلون مني بس أحس البعض منكم بدون تحديد يتحسس من شغلة إنه واحد يفوز عليه أو غيره وبعدها الثاني يتطنز عليه ويتطور الموضوع وإلخ...!!!!ياريال تعال عندنا وشوف..الي يفوز بالبركة...مباراتي ضد إنفي ماسك قبلها قلتله يا شريك إرحمنا لاتنسى إننا كنا في فريق واحد:o ...مسكين قالي ماعليك إن شاء الله تفوز...:)ويمكن أكبر شغلة صارت شغلة فرقان وطلعت بسيطة جدا بينه وبين ريزو ومافي شي أصلا وكلمت فرقان إنه هذا صاحبك ومن سنتين الحين وآخرتها عسب كلام يصير بينكم هالشي....والله أشهد إنه ريزو طيب...في البطولات الي قبل الأغلب كانوا يشجعون ضد فرقان إلا هو كان يشجعه...عن نفسي لو شفت الشباب زودوها أشجعه بعد مايصير نخليه مسكين بروحه ^___^:biggthump

لو المشاكل البسيطة الي بينكم تختفي خلاص بتحصل السوبر 4 عندكم كمستوى راح يرتفع وأيضا البطولة راح تخلق جو من الحماس وبتشوف الكل مواضب على التدريب

إنتوا حاولوا بس...

السويدي

شغلة الرانكينق حاليا صعبة لأنه في مدارس وغيره وشباب العين صعبه نتجمع معاهم في الويكيند لأنه يسيرون العين....أنا ماعندي مشاكل بس صدقني بالكثير بنقدر نجمع 3 فرق فقط

وفكرة إنه البطولة القادمة مايكون فيه إختيار فأصبروا شوي...نعم الشباب يتطورون بس مانبى فريق يكون مظلوم...تقدرون تخلون إنه الشباب وحسب مستوياتهم يختارون الفريق الي يبونه ...مثلا واحد يريد فريق من فرقان وتان مثلا ويدخل هو معاهم وهو مستواه C مثلا عادي هالشي...

أنا أتفق معاك مانبى شغلة الترتيب تبقى بس نصبر شوي

ممكن نخلي قاعدة ثانية...ممكن فريق يتكون من بلاك + السويدي + واحد مستواه C بحيث إجباري إذا 2 لعبهم A يكون معاهم الثالث C

خخخخخخخخخ ذكرتني ...A عندنا يمكن احسن الاحوال C عند اليابانيين ...لو يحسبوني جذا بستانس الصراحة

مومنتوم... البطوله الاخيره كانت روعه لو انكم تمشون على هالتنظيم بيكون احسن... بالنسبه للفرق لا تحسبوني B انا حسبتي C اقل ما فيها خلوني استانس ويا صغارية اللعبه(يونسوني و اونسهم و ناخذ على بعض اكثر عسب اتزيد المحبه لول)


بلاك... خيو اللي قلت عليه صح و ان المشاكل تافهه لا تذكر لكن يوم يكون عندك واحد يسوي مشاكل من اسباب مالها داعي و يبدا يكبر في الموضوع و ما تلقى حد يوقفه عند حده لا و يمكن يشاركوه بعد في المشاكل... هني تبدا اتلوع جبدك وودك الا هالموضوع ينتهي بأي طريقه بس ما تعرف كيف... المشكله انه لو انك ماخذت عالشباب و ماخذو عليك وين بتسير و لا وين بتلقى لعيبه غيرهم يعني توهيقه فتوهيقه... الله المستعان و عسى الامور اترد مثل ما كانت و خصوصا اللي صار عقب البطوله الاخيره و البعض يقول اني انا سويت مشكله و جيه... لو كنت موجود بتقول شوه هالتشجيع يعني مافي تنظيم و لا في اي احترام و عيني عينك تحيز اللي يقولك مال بوظبي و اللي يقولك هذا من دبي... و الله البعض كان يقول ما عليك هذا ايراني شوه تبا فيه عيني عينك... فرضا لو قلنا شارك فرقان في البطوله بيقولون لك لا هذا باكستاني شوه تبا فيه يعني عنصريه بحته... يوم صار هذا كله في البطوله الاخيره شوف كيف اتكارهو الشباب و ماشي فكره للحين لتنظيم بطوله للسوبر فور... انا اقدر انظم بطوله و ارتب الفيديوز و اعرف في هالسوالف بس المشكله منو بيحضر و لا كيف بتتواصل وياهم... ايد وحده ما تصفق( بيني و بينك الشباب يبالهم تصفيق عاللي صار... ما توقعت ان ماحد يفكر ينظم بطوله في الامارات) وايدين يتعذرون و يقولون لك ما نفضى... عيل متى بتفضى و بنرتب!؟ ما عليك زود بلاك و ادريبك ريال ما تقصر لكن شوه بتسوي و ماحد يشجعك على انك اتسوي بطوله... يعني لو انت جربت مثلا اتسوي بطولة للسوبر فور... بيشاركون وايدين و قبل البطوله بيوم بتلقى الكل تقريبا يتعذرون و يقولون لك السموحه حصلت ظروف و حصل مادري شوه... طيب ليش خليت هالظروف اتيي قبل البطوله بيوم... تعرف ان عندك بطوله باجر يعني المفروض اتفرغ نفسك قبلها... شي محبط... بس في شي اخير ابا اقوله... اوك البطوله الاخيره في الفور كانت فيها مشاكل و فيها و فيها... معناها خلاص ما انرتب لبطوله يايه اتكون احسن و ايكون التنظيم احسن... لازم تتصافى القلوب و ما يكبرون في سالفة انا فزت و انت خسرت و انت لعبك فيه و فيه... انا اقتنعت في كلام ان اللي تعطيك اياه اللعبه سوه و اللي في اللعبه استفيد منه و اللي يلعب بأي اسلوب في اللعبه يلعب فيه( اسمه في النهايه اسلوب و انت و لعبك)... السموحه طولت عليكم لكن من حره في نفسي بسبب هالمشاكل اللي مالها داعي... المشكله تحاول اتفهمهم شي هم خلاص عقولهم ما تستقبل منك... ماخذين فكره منك و خلاص و هني المشكله.... الله المستعان

الله يستر يا طلال هونها تهون و ماعليك ان شاء الله ويه الوقت امور تتعدل ^_*

و بلاك حاول انك تنظم فكره 5 ضد 5 لانها فكره حلوه و اضن بيطلع وياك 5 فرق لان عددنا حاليا وصل 50 و لاتنسى اهل دبي بيشاركونا هالمره ان شاء الله

و ان شاء الله يوم ارد من امريكا بنسوي البطوله الرسميه الي هي تيمس اوف 3 :) ف انت ماعليك حاول ترتب فكره 5 ضد 5 و انا بيكون عليه فكره تيمس اوف 3

و بلاك عسبت البطوله الرسميه تيمس اوف 3 صدقني لو تخليها اختياري احسن, الحينه كملنا سنتين على البطولات, خساره لين الحينه نستمر في الراندوم !!!

صدقني يوم بيعرفون ان النظام مب راندوم, كل واحد بيشد حيله لان بيعرف ان في فرق قويه ف هالشي احسن,

انزين انا ان شاء الله برد في الصيف قبل رمضان بشهر تقريبا ف انت رتب بطوله و ان شاء الله لين ما ارد بنسوي البطوله الاختياريه ^_*

و الاختيار لازم يكون من طرفين

عالعموم حاليا لو انك اتروم اترتب فكره 5 ضد 5 و تعزم ربعنا من دبي بيكون حلو

و فكره 5 ضد 5 ما يبالها جوائز او لو تبا تسوي لها جوائز اضن الميداليات مناسبه

شوف هالفيديو 5 ضد 5 و كورودا كان يلعب ب ريو D:



النهائي



و هني بعض الفيديوهات



هالفيديو فيه لاعب كين اسمه روكو ( هاللاعب الي لعوزنا تحسبناه كرودا و انا تحسبته شينتا خخخخ )





توكورا و يوكي اوتوكو موجودين في هالفيديو




boss مب طبيعي o_0

------------

الديسكريبشن للفيديوهات الي حطيتها يا بلاك توهم ضايفينها ولاعب كين مب كورودا ولا شينتا خخخخخخ

هاذي هي الديسكريبشن

Vanao(RY), Roku(KE), TM(Q), Tokura(YA), AFM(CH), Yakkun(NE

yakkun necro !!!!?? شكله بيحول ل نيكرو خخخخخ هو ماشاءالله عليه في يان لعيب لكن لاحظت ان هالايام يلعب بنيكرو يمكن يبا يحول XD

السلام عليكم يا شباب
شكلها البطولة اليايه بعيدة ،،،
إن شا الله إنظم بطولة على الآركيد قريبا ^ ^
............................................

آخر حركة سواها Oro،،، كيف أستوت ؟

bbsilver

ماشاءالله على الاركيد, ان شاء الله يوم ارد الامارات بتواصل وياك و بي صوب الاركيد D:

نظامنا فالبطولات ان كل سنه نسوي 3 بطولات

ف ان شاء الله على 2011 بنبدأ

لكن اتمنى انهم يسون 5 ضد 5 و رانكينج باتل عسبت المستوا و ان شاء الله ان سوها, ان شاء الله انشوف مبارياتكم

هلا يا الربع

مرحبا اخوي bbsilver شحالك ؟

بخصوص حركة ORO الاخيره هذي غلطه او جليتش من اللعبه
اما الاركيد صحيح اني لاعب جويستك بس منظر الاركيد مغري و يشجع للعب بصراحه

بلاك و السويدي

اذا بعدكم بتمشون على نظام تقييم اللاعبين الي هوه A \ B \ C انا ما انصحكم لان فيه ناس ماشاء الله عليهم يتوحشون فالبطوله و ما تقول هذا مستواه C او B
و مثل ما قال بلاك هالايام مدارس و دوامات و ضغط و شغلانه وقت ما نحس ان الامور طيبه بنتشاور و بنبدأ و اذا تبون تعملون هذا الشي من الحين ماشي يمنع اذا انتو فاضين بنفضي عمارنا الكم فالكم طيب

تام

مثل ما قال بلاك مشكلة السوبر فور فيه حد من الشباب متعصب و يحط في خاطره و يزعل لو هذا الشي مش موجود عند الشباب بتكون الامور طيبه و اليمعات حلوه و فيه ناس كثار من لاعبين السوبر وقفو اللعب هذا السبب انا ما اقصد اي شخص موجود او غير موجود معنا لاكن هذي المشكله الي حاصله و ارد و اقول السوبر له معجبين و الثيرد له معجبين و اللعبتين من عالم ستريت فايتر

تدري يا كودي دوم احاول اسوي الجليتشات للثيرد صعبه ماروم اسويها >.<

و على سالفه A,B,C ان شاء الله بنلغي هالسالفه, قبل ما اسافر كلمت بلاك على هالسالفه و قلنا خلاص اننا بنلغيها ان شاء الله
-----------

bbsilver

تروم تصور لنا مبارياتكم.؟ نتمنى ان انشوف المباريات ^_^

اقتباس:

---

المشاركة الأصلية كتبت بواسطة MoMeNTuM

تدري يا كودي دوم احاول اسوي الجليتشات للثيرد صعبه ماروم اسويها >.<

و على سالفه A,B,C ان شاء الله بنلغي هالسالفه, قبل ما اسافر كلمت بلاك على هالسالفه و قلنا خلاص اننا بنلغيها ان شاء الله
-----------

bbsilver

تروم تصور لنا مبارياتكم.؟ نتمنى ان انشوف المباريات ^_^

---

للأسف اللي يلعبون اللعبة عندي شوية مب هاك العدد ،،، أنا أحب اللعبة وهذا السبب اللي خلاني أشتريها...
الحين نفس الكبينة ركبت عليها شريط زيادة فيه 309 ألعاب من ظمنها كل أجزاء ستريت فايتر و كينج أوف فايتر وفي نفس الوقت الCPS3 مال ستريت فاتير موجود ويتبدل بسهولة

تقريبا KOF2002UM فيه ناس لعيبة أنا أعتبرهم "وحوش" ممكن أصور مبارياتهم لكن ستريت فايتر نادر ما أحصل حد ألعب معاه

اقتباس:

---

المشاركة الأصلية كتبت بواسطة MoMeNTuM

bbsilver

ماشاءالله على الاركيد, ان شاء الله يوم ارد الامارات بتواصل وياك و بي صوب الاركيد D:

نظامنا فالبطولات ان كل سنه نسوي 3 بطولات

ف ان شاء الله على 2011 بنبدأ

لكن اتمنى انهم يسون 5 ضد 5 و رانكينج باتل عسبت المستوا و ان شاء الله ان سوها, ان شاء الله انشوف مبارياتكم

---

حياك الله يا أخوي،،،
إن شا الله ترجع سالم و غانم ،،،
ولو حد حب يتواصل معاي أو حب يمر عليه في دبي حياه الله ،،،
ولو حبيتوا أتعاون معاكم في بطولة على الآركيد تراني حاظر،،،
وهذا إيميلي: zoom2dubai@gmail.com

اقتباس:

---

المشاركة الأصلية كتبت بواسطة xCODYx

هلا يا الربع

مرحبا اخوي bbsilver شحالك ؟

بخصوص حركة ORO الاخيره هذي غلطه او جليتش من اللعبه
اما الاركيد صحيح اني لاعب جويستك بس منظر الاركيد مغري و يشجع للعب بصراحه

بلاك و السويدي

اذا بعدكم بتمشون على نظام تقييم اللاعبين الي هوه A \ B \ C انا ما انصحكم لان فيه ناس ماشاء الله عليهم يتوحشون فالبطوله و ما تقول هذا مستواه C او B
و مثل ما قال بلاك هالايام مدارس و دوامات و ضغط و شغلانه وقت ما نحس ان الامور طيبه بنتشاور و بنبدأ و اذا تبون تعملون هذا الشي من الحين ماشي يمنع اذا انتو فاضين بنفضي عمارنا الكم فالكم طيب

تام

مثل ما قال بلاك مشكلة السوبر فور فيه حد من الشباب متعصب و يحط في خاطره و يزعل لو هذا الشي مش موجود عند الشباب بتكون الامور طيبه و اليمعات حلوه و فيه ناس كثار من لاعبين السوبر وقفو اللعب هذا السبب انا ما اقصد اي شخص موجود او غير موجود معنا لاكن هذي المشكله الي حاصله و ارد و اقول السوبر له معجبين و الثيرد له معجبين و اللعبتين من عالم ستريت فايتر

---

أنا بخير و الحمد الله ،،، كيف أخبارك يا أخوي xCODYx
،،،أفااا يعني حركة Oro ما تستوي ^ ^ طلعت الحركة غش
،،، إن شا الله نلعب معاك على الآركيد خبرني إذا مريت صوبنا خبرني و بتلاقى معاك...
مشا الله عليكم يا شباب مستواكم في اللعبة قوي و تحبون اللعبة وايد، تذكروني بجروب KOF اللي يزورون في المحل حبيت أعرض لكم فيديو بسيط يمكن بعضكم يعرفه بالنسبة لي كان شي جديد هو أسلوب ال Buffer كثير من اللاعبين ماينتبهون لهذا الموضوع رغم أنه مهم، طبعا أكشفت الموضوع من خلال بحثي عن حركات لاعبي المفضل Remy، وهذا الأسلوب يعطي سرعة ومهارة عجيبة في اللاعبين اللي حركاتهم تعتمد على الcharge

...........................................
بالنسبة ل SSF 4 Arcade بتنزل في نهاية ديسمبر 2010 وإن شا الله بحاول أوفرها
http://arcadeheroes.com/2010/09/14/s...s-a-price-tag/

سلام عليكممم شبااااب :) أخباركم انشالله بخير و مرتاحين ،، longy time noo zee andy talk ..

كيف أموركم ؟ :) وين مختفيين؟ ما حد يبين اونلاين غير الوكارد.. اسمحولي على التاخير في المشاركة بس هذه السنة في ظغط في الدراسة ومافي دلع ... والويك اند يمر بسرعة وما نلحق نرتاح الله المستعان ، الحمدلله

نشوفكم عن قريب انشالله :) *

ماعليك يا بيبي سيلفر حتى مبارياتكم العاديه صوروها D: اقل شي نبا نشوف شي

عن ريمي هافيديو حلو للتوتيريال ( و هالتوتاريال يتضمن كل الشخصيات )





هالفيديو لو اتجدمون ل نص الفيديو اضن بتشوفون التوتاريال عن باقي الشخصيات





-----------

يا هلا فيك ريزو شد حيلك و الله يوفقك ان شاء الله

BBSILVER
انشالله هالويكند بنلعب ثيرد بعد KOF2002UM نتمنى انك تكون موجود حتى نتحداك و نتدرب ونصور فيديوهات لي ثيرد و كوف.

ان شاء الله في البطوله اليايه تيمس اوف 3 بيكون في 3 فرق من دبي

yamazkii
lin mafia
hamad4uae
dukefleed
shinvergil
friend of shinvergill
bbsilver
و على ماضن في واحد من دبي بعد يلعب

عاد هالشي حلو 3 فرق يداد :) و نتمنى لكم البطوله

انا هالمره ان شاء الله بدش ويه اخوي Sparken

و بشوف لاعب ثالث P: خخخ بشوف dukefleed :P
Remy

(( شباب اخر فيديوهات حطيتها في المنتدى عن توتاريال لكل الشخصيات اتمنى انكم تشوفونها لانها مفيده جدا :)

اقتباس:

---

المشاركة الأصلية كتبت بواسطة YamazakY GeesE

BBSILVER
انشالله هالويكند بنلعب ثيرد بعد KOF2002UM نتمنى انك تكون موجود حتى نتحداك و نتدرب ونصور فيديوهات لي ثيرد و كوف.

---

إن شا الله بكون موجود هالأسبوع و بنسوي بعض التعديلات في المكان، علشان الشباب ياخذون راحتهم وبنوسع الجلسة و بنحط الكبينات عدال بعض (SF3 & KOF) في نفس المكان ،،، وحاليا أدور على طريقة لتسجيل الفيديو للمباريات من خلال الكبينة نفسها ولو أمكن إحتمال أعرض المبارة اللي تصير على شاشة الأركيد , و بعد على شاشة تلفزيون المحل + تسجيل فيديو

إن شا الله أني بحاول أسجل والشباب بعد ما بيقصرون ^ ^

يا شباب لاتفوتكم المباراه, صج هالمباراه ما تتفوت

تسلم يا Bbsilver
هذا هو الجو المناسب للفايتنج
يارب كل الربع يكونو موجودين
انا متحمس للويكند
----------------------------
MoMeNTuM
شكراً
انا لساتني في الدوام :'(
بس لازم اشووف التيتوريالس لما اوصل البيت

شكرا السويدي على الفيديوهات ،،

بخصوص المباراة الاخيرة الصراحه قوية ، كنت اتمنى ان يفوز يورين لكن اللاعب تسرع على آخر لحظة ، كان يقدر يجنب السوبر ، لو كنت مكانه بعمل ex destroy يمكن تصيب وممكن تخيب

اقتباس:

---

المشاركة الأصلية كتبت بواسطة MoMeNTuM

انا هالمره ان شاء الله بدش ويه اخوي Sparken

و بشوف لاعب ثالث P: خخخ بشوف dukefleed :P
Remy

---

اذا كانت البطوله القادمه بنظام التيمز ان شاء الله احتمال الفريقنا كالتالي :33:

Gambit = Urien
Shin Akuma = Akuma
Alucard = Ryu

Big Boss = Oro or Dudley or Yang ( لاعب أحتياط ) :biggthump

و بنشوف الين وقتها هذا مجرد احتمال ;)

^^

المشكلة التيمز من 3 ، انا ما ريد اخرب عليكم افضل لو يتكون فريق العين من اقوى ناس : gambit - S.akuma - Big Boss وبنفس الوقت اكون احتياط .

بالنسبة لي بشوف لي مجموعة ثانية كحل آخر


كودي اشوف افضل لو تدخل ب دادلي لانك ماشاء الله عليك حريف صح فيه ...

الوكارد لازم تشجع solid snake

و ماشاءالله فريق العين بيكون اقوا فريق ماشاءالله

عيل الله يستر علينا

السلام عليكم

السموحه على التأخير في رفع الفيديوهات , بصراحة مضغوط هالأيام
لكن الحمدلله أني حصلت وقت هالأسبوع للرفع وحالياً جالس أرفع

الوكارد

انته تكون فالفريق افضل اذا قست المستوى فالبطوله كان مجرد حظ لا غير ( انا لاعب أحتياط احسن ) :biggthump
تخيل الفريق كيف
Akuma ملك الـ Mix-Up
Urien الجزار No Mercy
Ryu انته :biggthump

بيكون فريق رانك ( A+ )

انا فنظام التيمز اطينها أشوف ان انته تكون موجود أفضل و حاليا مستواك تطور اما انا قليل العب المستوى طايح

السلام عليكم

إسمحولنا يالربع مشغولين عالآخر هالفترة وآخر مره لاعب ثيرد سترايك لما لعبت مع الزعيم وسانادا...قمت ما أقرب صوب اللعبة خير شر

كله من السويدي هو الي دلعنا..أول أنا بروحي فيتامين ثيرد موجود عندي وكنت صامد...عاد لما السويدي طلع خلاص عودنا عالفيتامين الي عنده خخخخخخخ

بشوف لما أفضى برجع للثيرد...حاليا خلني على الPES 2010 السوني 2 جالس أدرب هالشباب وأعمل فريق محترم

بالنسبة لنظام الخمسه ضد خمسه هذا الحين أشجعه وبقوة...نحن قول 30 واحد...يعني 6 فرق صح

أحلى كلام...كل واحد شخصية وصدقني اللعيبة مايحبون كلهم يتجمعون في فريق واحد وجذا بنخلي الي يبون يكونون مع بعض براحتهم ويختارون على كيفهم وشغلة الترتيب والرانك نقدر نخفيها ف=من هالبطولة...بس طبعا فريق كله A مفروض بيننا البين مانسمح فيه...وأتوقع كل واحد من ال A يريد ينتقم من الثاني لول أو يكفخه فمايحبون يتجمعون في فريق

عالعموم شوفوا الي تبونه والأفضل تتفقون على النظام من الحين

والسويدي قولي متى تكون موجود على الماسينجير عسب فيه كم شغلة بناقشها معاك

سانادا مشكور على الرفع وكلنا مشغولين والحال من بعضه...الله يعين بس

تسلم يا سنادا على الفيديوهات

كودي ماشاءالله فريق جامد @_@

بلاك

اتمنى انك اتسوي هالنظام لانه وايد حلو و عادي لو الشخصيات تتكرر يعني عادي اتشوف فرقان - شان لي و طارق - شان لي, يكونون في فريق واحد P:

و ان شاء الله قريب يا بلاك بطرش لك ارقام الشباب,

و ماعليك لو في اي شي طرشلي ايميل على ايميلي و ان شاء الله نتواصل, و ماعليك ترا عندك رقمي مال امريكا ف ماعليك اتصل لو انك تروم ^_*

-----------------------

يا شباب توني اكتشفت ان chinta لاعب مب صاحي

هو بروحه هزم RX,Nuki,K.O

@_@ ماشاءالله عليه

طبعا حبيت اخبركم شباب اني من شوي مرمس بلاك عن نظام 5 ضد 5 و قال ان شا الله بيسويها ف جهزو اعماركم ^_*


و هذا الفيديو عن ديشيكن يوم انه يهزم فريق يتكون من كورودا و ار اكس و اينوي




Meso - Ken
Pistachio - Twelve
Kuroda - Q
Inoue - Oro
RX - Urien

هلا شباب

من زمان عنكم..وصارلي أكثر من 3 أسابيع ماقربت صوب ثيرد سترايك وأتوقع شباب العين مثلي والصراحة مشغولين وايد هالفترة والله يعين الجميع

بالنسبة لنظام 5 ضد 5 حلو ونشجعه وخلاص نريد نلغي شغلة الرانكينق وهذا الي قاله السويدي وأأيده في الموضوع

فخلاص من الحين عشان ماتقولون ماعطينا وقت لول إختاروا فريقكم....وبنشوف السويدي بيخطط لنظام وإذا كان مشغول بشوف A.Z وثاني وبنضبط نظام مع بعض

طبعا الي مشغول يحاول في نهاية الأسبوع إنه يلعب على الخفيف عسب ماينسى وايد وماينزل مستواه

سالم بالنسبة ل GGPO فشوف هالصور بعد ماتختار Option

خلها صفر لو ماتبى لاق في الإنبوت...

ملف مرفق 331608

وبالنسبة للموقع الي سألتني عنه فشيكت على الوصلة والظاهر الموقع تسكر خلاص....مالك إلا تشوف مع جماعة البرج الأبيض...وأنا بشوف بعد لأني حصلت رد اليوم وبشوف

الفيديو بعلق عليه بعدين بس أظني شايفنه...الصراحة أحس ديشيكين كان بيخسر من كورودا بس الحظ شاله...لو كورودا فاز عليه كان بيخلص على الفريق الثاني كامل

اقتباس:

---

المشاركة الأصلية كتبت بواسطة Black_Berserker

هلا شباب

من زمان عنكم..وصارلي أكثر من 3 أسابيع ماقربت صوب ثيرد سترايك وأتوقع شباب العين مثلي والصراحة مشغولين وايد هالفترة والله يعين الجميع

بالنسبة لنظام 5 ضد 5 حلو ونشجعه وخلاص نريد نلغي شغلة الرانكينق وهذا الي قاله السويدي وأأيده في الموضوع

فخلاص من الحين عشان ماتقولون ماعطينا وقت لول إختاروا فريقكم....وبنشوف السويدي بيخطط لنظام وإذا كان مشغول بشوف A.Z وثاني وبنضبط نظام مع بعض

طبعا الي مشغول يحاول في نهاية الأسبوع إنه يلعب على الخفيف عسب ماينسى وايد وماينزل مستواه

سالم بالنسبة ل GGPO فشوف هالصور بعد ماتختار Option

خلها صفر لو ماتبى لاق في الإنبوت...

ملف مرفق 331608

وبالنسبة للموقع الي سألتني عنه فشيكت على الوصلة والظاهر الموقع تسكر خلاص....مالك إلا تشوف مع جماعة البرج الأبيض...وأنا بشوف بعد لأني حصلت رد اليوم وبشوف

الفيديو بعلق عليه بعدين بس أظني شايفنه...الصراحة أحس ديشيكين كان بيخسر من كورودا بس الحظ شاله...لو كورودا فاز عليه كان بيخلص على الفريق الثاني كامل

---

Im Back >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

بلاك انا ما كنت متابع للموضوع و ما فهمت سالفة ال 5vs5 ف ياريت شرح ع السريع .......................................................................

Welcome Back

الشغلة بسيطة...أول لما كنا نسوي فرق كنا نخليها 3 لعيبة ضد 3...الحين بنخلي الفريق الواحد يتكون من 5 لعيبة وإنتوا تختارون الفرق الي تبونها...



Finally

لما رجعت ألعب ثيرد اليوم حصلت هالفيديو....Long live TM sama!!

على فكره يا بلاك ترا فريق ديشكن يتكون من

boss, daigo, hayao and raoh, deshiken

----------

يا هلا فيك مان

النظام ان كل فريق فيه 5 لعيبه و عادي في الفريق ان الشخصيات تتكرر و هاذي بطوله حلوه لكن مب نفس البطوله الاساسيه الي نسويها الي هي 3 ضد 3
و اشوف نظام 5 ضد 5, بيكون حلو لو يتطبق عليه نظام ال knockout او نظام المجموعات ان يكون فيه مجموعتين و يلعبون ضد بعض و فالاخير يكون الاول ضد الاول و الثاني ضد الثاني عشان انشوف منو الاول و منو الثاني و منو الثالث,
لكن ماعرف ليش احس احلى نظام لل 5 ضد 5 هو النوك اوت نظام الكواليفيكشن

على فكرة سالم

أذكر إني مرة شفت كورودا وأظن كانت بعد 5 ضد خمس يسفح في الفريق الثاني كامل إلين ما طلعله ديشيكين وخسر بغلطة بسيطة وأشوفها حظ....هذيك الي أذكرها...لو حصلت الفيديو بحطه

ونظام ال 5 ضد 5 حلو...نشوف كيف بيكون ترتيبه بس الأهم إنكم تختارون فرقكم من الحين...عن نفسي بدور على المعوقين وشكلي بشوف أيمن لو يباني معاه أو لا....لازم نسوي فريق أكثره من المعوقين لول....عشان محد يفهمني غلط...المعوقين = الشخصيات المعوقة مثل كيو و 12 ونيكرو

اوه زين لو تحصل الفيديو

خخخ فريق معاقين خخخ عيل سمي الفريق هب صاحين ههههههههه او مرضى

زين اقولك ياخي ماحصلت الي تقولي عنه

ماعليك امر لو تصور لي و تحطه يكون احسن و تسلم

اقتباس:

---

المشاركة الأصلية كتبت بواسطة MoMeNTuM

اوه زين لو تحصل الفيديو

خخخ فريق معاقين خخخ عيل سمي الفريق هب صاحين ههههههههه او مرضى

زين اقولك ياخي ماحصلت الي تقولي عنه

ماعليك امر لو تصور لي و تحطه يكون احسن و تسلم

---

بدورلك على المباراة لما أفضى

شوف بالنسبة ل GGPO فمثل ماقلتلك...في زر option أعلى اليمين

إضغط عليه وراح تطلعلك الصورة الي حطيتلك إياها وخلها صفر وإنت والخير رباعة

حطيىته 0 و ان شاء الله يضبط

ماشاءالله الكونكشن عندي حلو في اقل من دقيقه يسوي ابلود للفيديو ^_*

ها شباب ماخبرتونا عن الفرق الي بتدش

تصدق يا بلاك حاليا اشبك مع اليابانين و الكونكشن حلو ^_* ان شاء الله دوم جي الكونكشن يكون اوكي

بلاك هالله هالله في الفريق الي بتسويه D:

اهم شي إنه ضبط

ماشاء الله الفيديو في أقل عن دقيقة وأنا أقعد أقل شي نص ساعه لول

وإن شاء الله تلعب مع اليابانيين بدون لاق

بالنسبة للفريق فأفكر في أيمن وواحد ثاني بعد...المشكلة الزعيم مع فريق العين وإلا كان خاطري ندخل فريق أورو + 12+ كيو...بشوف منو الثالث هذا لو وافق أيمن...يمكن هيوقو ؟ لازم نشوف الشباب كلهم....A.Z مشكلته إنه مايتدرب وكل همه في أي بطولة إنه يسوي "الكومبو الذهبي" ب إيلينا...عليه طلعات هالإنسان!!!

أوه تذكرت...بشوف دوق فليد...نحتاج المعوق ريمي مع الشلة لول

يعني انتو ناويين على بطولة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زين متى ؟؟؟؟؟؟؟؟؟؟؟؟؟؟؟؟؟؟؟؟؟؟؟

عشان نعرف نستعد تمام ............................... انشاءالله هذي المره المستوى بيكون ممتاز لاني لعبة مع اغلب الشباب في ال ggpo و عرفة اساليبهم بس ما بقى الا بلاك (النشبه) و السويدي (السوسه) و بيج بوس (الفار) و سانادا (الجزار) و انفي ماسك (حسنيين) ككككككككككككككككككككككككككككككك

على العموم الله يستر

بتكون وقت عطلة المدارس....أتوقع شهر 1 من سنة 2011

وإن شاء الله المستوى يكون الأفضل بين كل البطولات

ونصيحة لاتعتمد على إنك تتعود على أسلوبهم....تعود إنك تغير أسلوبك بالطريقة الي تلائم طريقة الخصم....حتى بعض الأحيان تحصل لعيبة الثيرد يخسرون الجولة الأولى فقط عشان يدرس الخصم فيها بالكامل والجولة الثانية يشتغل وتحس لعبه متغير بالكامل....لو الإثنين يغيرون الأسلوب في الجولة نفسها وهذا حال اليابانيين راح تكون الجولة كلها سفك دماء وإسعاف شغال وغيره لول

على العموم بالتوفيق للجميع...وشدوا حيلكم وإختاروا فرقكم من الحين

وخذها مني...أغلب اللعيبة الي عندنا بوكيمونات يعني على طول يغيرون أسلوبهم إذا شافوه مب ماشي...يمكن ينفعك هالشي في أول مباراة لك ضد هالشخص وإذا هو لعب بأسلوبه العادي الي إنت متعود عليه وماغيره عادي تصيده وإنت مرتاح

مادري شكلي هالبطولة بعد بدخلها ب كيو أو يمكن دينجين ريو؟ المشكلة فريق العين الصراحه بيكون متعب جدا اللعب ضده...خصوصا لو سوليد سنيك دخل معاهم...أعوذ بالله....هذا غير إنه في الأغلب فرقان وريزو نفس الفريق وإحتمال كينشين يكون معاهم لول...إنفي ماسك وثاني نفس الفريق أتوقع...شباب دبي لازم نشوفهم خصوصا شين فيرجيل وصاحبه...أوووه لو يدخل معانا...كيو +12 + ريمي+ يانق...بينقصنا معوق أخير لول...الصراحه الله يعين الفرق الثانية...المفروض الشباب يطورون مستواهم لأقصى حد عشان يقدرون ينافسون...طارق لو زاد على مستواه من آخر بطولة وضبط اللينكز فيقدر يشيل فريق وهو مرتاح

هالبطولة شكلها راح تتطلب الواحد يعطي كل الي عنده وأكثر إذا كان يفكر في المراكز الثلاث الأولى ولازم التوتر يكون أقل عن كل البطولات السابقه

اقتباس:

---

المشاركة الأصلية كتبت بواسطة Black_Berserker

بتكون وقت عطلة المدارس....أتوقع شهر 1 من سنة 2011

وإن شاء الله المستوى يكون الأفضل بين كل البطولات

ونصيحة لاتعتمد على إنك تتعود على أسلوبهم....تعود إنك تغير أسلوبك بالطريقة الي تلائم طريقة الخصم....حتى بعض الأحيان تحصل لعيبة الثيرد يخسرون الجولة الأولى فقط عشان يدرس الخصم فيها بالكامل والجولة الثانية يشتغل وتحس لعبه متغير بالكامل....لو الإثنين يغيرون الأسلوب في الجولة نفسها وهذا حال اليابانيين راح تكون الجولة كلها سفك دماء وإسعاف شغال وغيره لول

على العموم بالتوفيق للجميع...وشدوا حيلكم وإختاروا فرقكم من الحين

وخذها مني...أغلب اللعيبة الي عندنا بوكيمونات يعني على طول يغيرون أسلوبهم إذا شافوه مب ماشي...يمكن ينفعك هالشي في أول مباراة لك ضد هالشخص وإذا هو لعب بأسلوبه العادي الي إنت متعود عليه وماغيره عادي تصيده وإنت مرتاح

مادري شكلي هالبطولة بعد بدخلها ب كيو أو يمكن دينجين ريو؟ المشكلة فريق العين الصراحه بيكون متعب جدا اللعب ضده...خصوصا لو سوليد سنيك دخل معاهم...أعوذ بالله....هذا غير إنه في الأغلب فرقان وريزو نفس الفريق وإحتمال كينشين يكون معاهم لول...إنفي ماسك وثاني نفس الفريق أتوقع...شباب دبي لازم نشوفهم خصوصا شين فيرجيل وصاحبه...أوووه لو يدخل معانا...كيو +12 + ريمي+ يانق...بينقصنا معوق أخير لول...الصراحه الله يعين الفرق الثانية...المفروض الشباب يطورون مستواهم لأقصى حد عشان يقدرون ينافسون...طارق لو زاد على مستواه من آخر بطولة وضبط اللينكز فيقدر يشيل فريق وهو مرتاح

هالبطولة شكلها راح تتطلب الواحد يعطي كل الي عنده وأكثر إذا كان يفكر في المراكز الثلاث الأولى ولازم التوتر يكون أقل عن كل البطولات السابقه

---

الوقت حلو


انا ما بعتمد على اسلوب الاعب بشكل كامل بس انا جربة مع اغلب الى كانو في البطولة على ال ggpo و قدرت اغلبهم بس في 3 ما بذكر اساميهم سببولي مشكله كبيره في اللعب لاني ما كنت حافظ وقتها ظربات يورين كلها ولا بالعكس كنت بس اعرف كومبو واحد بس و معتمد على الدفاع الصح و الباري في المباريات و حتى الثلاثه كنت اشيل عليهم مباريات و هذا كان حافز كبير لي لانه في فرص للفوز و يمكن الفرصه هذي تكون يوم البطولة و اقدر افوز و بصراحه ما جربة مع الشباب من فتره يمكن المستويات تطورت لاكن بحاول ارفع مستواي انا بعد , المشكله الحقيقيه بالنسبه لي هي نقص الخبره في لاعبيين ما اعرف اتصرف معهم مثل alix او 12 و انتو تعرفون كيف لانكم قدام في اللعبه على العموم استلمونا هني و انشاءالله نردها في ال4 ما بتمون طول حياتكم على هذي اللعبه.


اذا وصلة مستوى جيد بيكون بفضل السويدي و ريزو بصراحه شجعوني بشكل كبير.

لووووولز على فريق المعوقين......
لو تبون هوجو ويا الفريق مع اني لا زلت دون المستوى خبروني حتى اضاعف التدريب...!

بلاك, يمازاكي ينفع يكون وياك في الفريق

مان, بعدك تفكر في ال4 خخخخخ خلهم يعدلونها بالاول و عقب خير P:

تدرون انا اشوف لو تان و اخوي سباركن و ثاني الرميثي و بعد يدورون على 2 يدخلون في فريق , الصراحه الفريق بيطلع جامد و اضن هو الفريق الي بيوصل النهائي P:

السلام عليكم و رحمة الله و بركاته
سامحونا على هالغيبه الشغل ما يخلص بس الله كريم

المهم حبيت اقولكم ان نظام الـ 5 ضد 5 فنان بس ما يدق عوود :biggthump
و المستوا اذا قلت طايح بعده وايد لاني ما لعبت من مده طويله
احتمال اورو اكنسله لانه كبير فالسن و احتمال ارجع لشنب دادلي

رجل الامارات

ابشرك بتفوز و انته لان المستوا طاااايح و ما شاء الله عليك انته من الناس الي يتطورون بسرعه

و سامحونا على الغيبه :wink2:

اقتباس:

---

المشاركة الأصلية كتبت بواسطة xCODYx

السلام عليكم و رحمة الله و بركاته
سامحونا على هالغيبه الشغل ما يخلص بس الله كريم

المهم حبيت اقولكم ان نظام الـ 5 ضد 5 فنان بس ما يدق عوود :biggthump
و المستوا اذا قلت طايح بعده وايد لاني ما لعبت من مده طويله
احتمال اورو اكنسله لانه كبير فالسن و احتمال ارجع لشنب دادلي

رجل الامارات

ابشرك بتفوز و انته لان المستوا طاااايح و ما شاء الله عليك انته من الناس الي يتطورون بسرعه

و سامحونا على الغيبه :wink2:

---

عليكم السلام ورحمة الله وبركاته

افا عليك مسموح بس لا تحرمنا من وجودك ويانا

هههههههههههههه يا تافه لا تعيدها مره ثانيه خخخخخخخخخخخ لا امزح

والله ياريت افوز ولا بعد بعطيك نص الجائزه و مشكور بس لا تبني امال علي ترا من ارتبك يظيع التركيز.

هلا يامازاكي

الصراحه هيوغو معوق من الطراز الرفيع ...نحتاجه في الشلة

بس لازم تدرب صح

شوف فيديوز YSB + Hayao

ونشوف ترتيب الفرق إن شاء الله ^__^

السويدي

لاتزعل مني ونا ماقصد شي بالنسبة لتان أو سباركن او غيرهم....بس بصراحه من يوم عرفتك توقعاتك كلها صفر لووووول

دايما ماتضبط

بس تان وسباركن مشكلة لو لعبوا مع بعض...تخيل الي يلعب ضدهم لو فاز على واحد "الحمدلله تخلصت من كين" أوه "طلعلي واحد ثاني " وعلى طول من الإحباط يخسر

وماننسى يخوفون هالإثنين...يله نشوف كيو إلين وين يقدر يوصل في هالبطولة...لول يمكن الفريق يكون مستواه سوبر ومايلعب....ساعتها بقول للشباب " إذا تبون تلعبون ضد كيو لازم تغلبون شن لونق بالأول" ^___^

اقتباس:

---

المشاركة الأصلية كتبت بواسطة Black_Berserker

هلا يامازاكي

الصراحه هيوغو معوق من الطراز الرفيع ...نحتاجه في الشلة

بس لازم تدرب صح

شوف فيديوز YSB + Hayao

ونشوف ترتيب الفرق إن شاء الله ^__^

السويدي

لاتزعل مني ونا ماقصد شي بالنسبة لتان أو سباركن او غيرهم....بس بصراحه من يوم عرفتك توقعاتك كلها صفر لووووول

دايما ماتضبط

بس تان وسباركن مشكلة لو لعبوا مع بعض...تخيل الي يلعب ضدهم لو فاز على واحد "الحمدلله تخلصت من كين" أوه "طلعلي واحد ثاني " وعلى طول من الإحباط يخسر

وماننسى يخوفون هالإثنين...يله نشوف كيو إلين وين يقدر يوصل في هالبطولة...لول يمكن الفريق يكون مستواه سوبر ومايلعب....ساعتها بقول للشباب " إذا تبون تلعبون ضد كيو لازم تغلبون شن لونق بالأول" ^___^

---

بلاك ابغي منك كم نصيحه في المايند جيم لاني ملاحظ من زمان ماشاءالله عليك في المايند جيم توب من تمسك اي شخصيه توصل مستوى خيالي بصراحه انصدمة في ال ssf4 مع انك لاعب ثيرد بس انت احسن تشان لي مرت علي في الاونلاين (شي خيالي) بس ما فهمت انت على اي استراتيجيه تبني لعبك ؟؟؟؟

مرحباً شباب ،،،

من فترة طويلة مالعبت ،،، الا في الويكند شوي ادخل GGPO

بخصوص الافرقة شي جيد انها 5 ضد 5 ، لاني ما ريد العب ضد الاخوة سانادا و كودي ...

بخصوص العضو الخامس بشوف سوليد سنيك جان بيشارك بس اكيد بيرفض ..

على العموم انا متواجد الآن على GGPo اللي يبى يلعب معاي تراني مليت ماحصلت حد :( بلاك ولا مان انتظركم

Loool
7ram 3leek ya black, a5er tournament e7temalaty Kant 99% 97ee7a :p
black da5el man4uae and a-a-n in ur team bykon freqak jamed
o bashervsho el teams now.?

شباب هاذي بطوله يديده ل 5 ضد 5 و ماشاءالله على فريق TM قوي جدا
ي
الديسكريبشن للفيديو الاول
Players: Team [Jiro BM] Ebara(HU), OUT(Q), Ruu(RY), TM(Q), YSB(HU) vs Team [Star Stories 4+1] Vanao(RY), RX(UR), Koshun(CH), たくろー(KE), Higa(IB)




ماشاءالله على y.s.b


و هني فريق اسمه ken masters الفريق كله كين



------------

بشرو يا شباب شو الفريق وياكم.؟

هلا سالم

خخخخخ وين توقعاتك صح؟ إنت دايما ماتضبط معاك...بو الشباب من الآخر حظي وحظك داااون فلاتفكر تتوقع وغيره ^__^

عالعموم حاليا في إغراء قوي من جانب سوبر 4 ...وعلى فكرة إنفي محول سوبر 4 وبقوة ومابيرجع يلعب ثيرد إلا يمكن قبل البطولة بأسبوع (ما ألومه الصراحة لول أونلاين ال4 عسل وبالهبل يحصل لعيبة...أنا أول مانزلت نفس الشي كنت متحمس وإنحرفت عن طريق ثيرد سترايك لول بعدها النت شفر ومازال والسويدي رجع مع الفيتامينات!!)

وبالنسبة للفرق...عن نفسي كلمني ثاني ونويت أدخل معاه + إنفي + أيمن + يامازاكي....المفروض هذا فريقنا

وعن شباب ال 4 الصراحة لو كلموني قبل على طول معاهم بس الحين متفق مع ثاني...لو يبون فريق قوي ف Tan+sparken+man+A-n-n+? اللاعب الأخير يمكن جابر أو طارق أو يشوفون واحد من البوكيمونات الي تتطور بسرعه من البطولة الأخيرة...وبنشوف شباب دبي بعد وبنعطيهم خبر

سالم مشكور على الفيديو
دايماً اتحمس لما أشوف هوجو يلعب و انشالله بصير ماستر في هوجو مع التدريب
بس ايبوكي دايماً مشكلة
---------------------------------
بلاك
احلى شيء اكون مع ايمن في نفس الفريق
الصراحة ما ابي اتحداه ترا بهدلني البطولة الماضية ههههههه
ابا لي يوم تدريب معاكم يا شباب حتى تنصحوني و لعبي يكون صح

انفي ماشاءالله عليه لو يتدرب قبل البطوله اسبوع ها بتسده و زود لان ماشاءالله عليه بروحه بيكمل في الثيرد 9 سنوات تقريبا ف ماشاءالله عليه اسبوع تكفيه ك تسخين قبل البطوله ^_*

فريقك حلو يا بلاك

--------------

اما سباركن و تان انصح انهم يكونون سوا في فريق واحد ماشاءالله عليهم بيبدعون

الظاهر الكل حط تصور لفريقه ،،،
لين الحين عندي 5 من دبي لكنهم مب مظمونين،،،
إن شا الله أنهم ما يخونون

الحين فريقنا " فريق العين " : سانادا - شن اكوما - كودي - الوكارد - ؟؟؟

في عندنا نقص : فـ بنشوف الاخ بلاك جان يقدر يتبرع لنا احد من اتباعه ...


تان + سباركن صحيح يتفع يكونون في نفس الفريق لان عندهم نفس الاسلوب تقريباً ...لكن اذا ريزو دخل وياهم بيكون اسم الفريق " rush team reacing " كل واحد منهم اسلوبه اسرع من الثاني ماشاء الله عليهم ..


بخصوص شخصيتي شكلي برجع لصديقنا ريو ، كنت ناوي اجرب يورين في البطولة القادمة لكن اخليه لإهله ، سانادا يستحق لقب الجزار بدون منازع ..



بخصوص انفي سمعت آخر مرة منه انه راح يحاول يدخل بهيوغو في البطولة القادمة ، الصراحه بيفكنا من ايبوكي لانها دوخت اغلب المشاركين وأولهم أنا ...

هاه السويدي بتم على نيكرو ولا بتجرب ماكوتو ؟!

هلا يا الربع

من ايام لعبنا انا و سانادا ابشركم المستوى وايد طايح المشكله ما نحصل وقت نلعب فيه بس بنحاول نفضي وقتنا قدر الامكان عسبت نرفع المستوى على الاقل

احتمال اغير اورو :biggthump

يا هلا ب الوكارد

حاليا ماكوتو عندي جيده لكن يبالي بعد اتدرب اكثر عشان اروم ادش بماكوتو :)

و ان شاء الله قريبا المستوا يتحسن في ماكوتو

خخخخخخخخخ كودي الله يعينك مع اورو

هي والله فريق لو يتكون من سباركن و تان و ريزو.... يطلع فريق هجومي 100 % و قوي جدا

السلام عليكم

يا شباب انا كنت فاضي و سوية مكس اغاني ستريت فايتر

http://www.mediafire.com/?xkbzdov92ukx04x

اتمنى يعجبكم

اخي الفاضل لا تنسى اترك تعليق

^^

موسيقى بالروغ بالبداية روعه ،

وجايل بعد نسخة السوبر نينتندو sf 2 turbo بس اللي كرهني فيها يوم بدأت نسخة sf4 ..

كنت اتمنى اسمع موسيقى دي جي ولا تي هوك

لكن ماشاء الله المكس راكب وممتع ،

ننتظر القادم

اقتباس:

---

المشاركة الأصلية كتبت بواسطة Alucard.4.ever

^^

موسيقى بالروغ بالبداية روعه ،

وجايل بعد نسخة السوبر نينتندو sf 2 turbo بس اللي كرهني فيها يوم بدأت نسخة sf4 ..

كنت اتمنى اسمع موسيقى دي جي ولا تي هوك

لكن ماشاء الله المكس راكب وممتع ،

ننتظر القادم

---

مشكور الوكارد

بصراحه المكس مو ذاك الزود لاني ما فضيتله بس شوية وقت ولا كان زدت في player theme‘s song

على العموم دام ارتحت لمقطع فيه ف بكون وصلة المطلوب و انشاءالله القادم افضل

خطير يا مان طلعت راعي دي جي من ورانا p:

بلاك في مشكله في فيديوهات يبالهم تقطيع قبل الرفع لان فيه ضغط ستارت و تغيرت الازره ف شو الحل ارفعه جي ولا احسن انك تقطع الفيديو و ترفعه.؟ ( بالاصح يعني الفيديوهات الي يبالهم قطع و تعديل اخليك عليك انت و الباقي علي, شرايك.؟ )

اقتباس:

---

المشاركة الأصلية كتبت بواسطة MoMeNTuM

خطير يا مان طلعت راعي دي جي من ورانا p:

---

مشكور سالم

و الله انا ودي اسوي واحد لل 3rd و بصراحه بدية شغل فيه و بدايته خطيره , المهم انا ما شفت غير لحن ديدلي حلو في ال 3rd سويته مع ريمكس خيالي كككككككك بس المهم الحين خبروني شو الالحان الى تبونها او الى تكون اوكي ؟؟؟؟؟

اقتباس:

---

المشاركة الأصلية كتبت بواسطة MoMeNTuM

بلاك في مشكله في فيديوهات يبالهم تقطيع قبل الرفع لان فيه ضغط ستارت و تغيرت الازره ف شو الحل ارفعه جي ولا احسن انك تقطع الفيديو و ترفعه.؟ ( بالاصح يعني الفيديوهات الي يبالهم قطع و تعديل اخليك عليك انت و الباقي علي, شرايك.؟ )

---

النت عندي من سيء إلى أسوء...حتى ما قمت ألعب ثيرد سترايك أونلاين...الأحسن إنك إنت تقطعهم وترفعهم...مايبالها شي الموفي ميكر بسيط جدا قطع الفيديو هناك وإرفعه....شكله إجازتي من الثيرد بتكون أكثر من شهر ويمكن شهرين...المهم إنت شد حيلك هناك ونباك لما ترد تقطعنا مب نرجع ونفوز عليك ترى ياويلك

ماعندي موفي ميكر ولا جان قطعتهم

ماعليك ان شا الله ههههههههههههه

ريزو قالي عن فريقه ماشاءالله جامد

بشرنا عن الفرق الي بتشارك

مان اسمع لحن كيو و قولي شرايك

اقتباس:

---

المشاركة الأصلية كتبت بواسطة MoMeNTuM

مان اسمع لحن كيو و قولي شرايك

---

والله ينفع بس مو ذاك الزود

على العموم ريمكس ال 3rd خلصته اسمعوا و عطوني رايكم بس هذي المره شوي طويل 4 دقائق و نص

http://www.mediafire.com/?ss4dn56lk4r4vcv

اقتباس:

---

المشاركة الأصلية كتبت بواسطة MaNForUaE

والله ينفع بس مو ذاك الزود

على العموم ريمكس ال 3rd خلصته اسمعوا و عطوني رايكم بس هذي المره شوي طويل 4 دقائق و نص

http://www.mediafire.com/?ss4dn56lk4r4vcv

---

نايس ^ - ^
جرب تزيد عليه هذا اللحن
http://www.youtube.com/watch?v=8wlEV...eature=related

ماعندي علم عن الفرق ....وحتى فريق ريزو ما أعرفه...بس في الغالب بيكون ريزو + فرقان + كينشين+موسى؟+؟

وفريق العين ناقصهم واحد....وفريقنا مثل ماهو

والتدريبات على ثيرد صفر ...كله شغال في البرو إيفولوشين الجديدة...طمنا شو صار لنتايجك مع اليابانيين


على فكرة

الحين إتصلي ريزو وقالي حصلوا واحد فلبيني مب طبيعي ريد باري وغيره ويلعب من سنة 2001 !!!!

خخخخخخخخخخخخخخخخخخخخخ وهالفريقين موجودين (العين +القوة العظمى)....ياسلام ...سلمولي على البطولة

طول عمرك مبدع يا مان P: بشر كيف يورين وياك.؟

و بلاك ترا ريزو قالي عن فريقه يعني ماشاءالله حاليا في فريقين جاهزين الي هو فريق فرقان و العين

لكن ماعرف ليش خخخخخخ احس تان و سباركن يدشون في فريق و عادي يسون OCV ماشاءالله عليهم P:

---------

فيديو لكومبوهات ريو اول مره اشوفه



و هالفيديو ل اكوما الي ما امل منه كثر ماشوفه

اقتباس:

---

المشاركة الأصلية كتبت بواسطة MoMeNTuM

طول عمرك مبدع يا مان P: بشر كيف يورين وياك.؟

---

مشكور سالم فشلتنا ياخي ما اعرف شو بقولك ههههههههههههه

والله يورين ما يسرك حاله تركته فتره و ظاع المستوى امس جربة ويا الوكارد ما قدرت اشيل عليه دور واحد ولا قدرت اسوي اي كومبو بس ابشرك طلعت عندي موهبه ب akuma و انا ما ادري انشاءالله يوم ترد بجرب وياك.

اوه ماشاءالله زين عيل صور لنا كم مباراه ب اكوما عشان اشوف D:

و اي فريق ناوي اتدش يا مان

مشكووور سالم على الفيديو ،،

لفتت انتباهي كم من حركه راح اجربها قريب ...

بخصوص مان لعبك بورين جيد ، لكن حاول تنوع في الانبلوك ابل لاني لاحظت امس عندك فقط نوع واحد او اثنين ...حاول اتشوف في اليوتويب وادرب عليه ، الصراحه اللعب بيورين ممتع جداً بديت شوي اتأقلم معاه ...

واكوما امس تفاجأت يوم قلت لي اول مرة تلعب فيه ، لكن لعبك فيه مايقول واحد اول مرة يستخدمه توهقت معاك امس يوم كنت مختار لك يورين ...الهوريكين كيك لاكوما خطيرة ...


انا استمتع اكثر شي يوم العب ضد ريزو ، ياخي هالانسان عنده اكثر من اسلوب وانا شغال كوبي على اسلوبة على يورين ...

لكن يبدأ الفن في مباريات ريو ضد ريو ...

ان شاء الله عاد نسوي شي في البطولة القادمة ..

------------------------------

مان ريميكسك خطير ...

اتمنى الريميكسات القادمة تحتوي على موسيقى دي جي وكامي وتي هوك ( anniversary edition ) .

ممممممممممممممممم والله لو كنا واقعيين يا سالم فالصراحة فريق سباركن وتان صعب يفوز في البطولة ولو إني أتمنى إنهم يعملون مفاجأة....السبب بسيط....شوف أكثر فريق يتدرب حاليا والأقوى...فريق ريزو...+الفلبيني الجديد ويلعب ب كين فشوف فريقهم...تشن لي +كين +ريو+ددلي+أكوما وموسى مستواه متطور جدا حسب كلام ريزو وشاد حيله على الآخر....بالتالي هذا الفريق المرشح وأتوقع إنه البطولة لهم بنسة 70%...فريق العين عسل لكن اللاعب الخامس لازم يكون أوكي + يستمروا على التدريبات وأنا اعرف أشغالهم لول خصوصا الزعيم الله يعينه بس

وعن فريقنا فالأمل في أيمن وثاني...إنفي محول على سوبر 4 وأنا مش ولا بد هالفترة ويامازاكي مازال يتدرب وتوه جديد وأتمنى فعلا إنه يبدع ويتطور مستواه ^__^ مين يدري يمكن هو يشيل الفريق بالكامل

أتمنى محد يحط في خاطره أو أي شي لكن الإحصائيات والمعطيات تقول هالشي....وكل شي وارد وشدوا حيلكم ^__^

مان سمعت كم ثانية من الريميكس...صراحة إنت واحد تفهم في السيستيم صح...على قولة إخوان الكويتيين...شغل عدل

اقتباس:

---

المشاركة الأصلية كتبت بواسطة MoMeNTuM

اوه ماشاءالله زين عيل صور لنا كم مباراه ب اكوما عشان اشوف D:

و اي فريق ناوي اتدش يا مان

---

انشاءالله في اقرب فرصه المشكله انه عندي هوبوج بس ما اعرف كيف استخدمها ف اطر اخلي تان يستخدمها لي لانه يعرف كيف و هو يظبط الفيديو و يقطع الزوائد و غيره.

والله ما ادري اذا كنت بشارك اصلاً متى البطولة ؟؟؟؟

و خبرنا متى بترد انت والله لك وحشه ودنا نشوفك جريب

الله يردك بالسلامه