جاوب بصراحة:)

السلاااام عليكم ورحمة الله..
:D :D يوم الاربعاء آآآآآآآخر يوم دوام عندنا.. حرررررره :p

السعال الاول مادري الثالث اللي عن الجن:
ممم ماتذكر صارت لي مواقف مع الجن... لالا في موقف يوم عرس عمي لكن موقف بايخ مايذكر..

السؤال الثاني: وبخصوص الملابس العربيه.. اعتقد انها مناسبه.. لأن احنا نبي نسوي مجله عربيه بشخصيات عربيه وبأفكار عربيه.. لو لبسناهم لبس غربي بنثبت ان هويتنا تغيرت.. يمكن البعض يقول انها مجرد ملابس ولكن الملابس الغربيه مانتشرت الا بالمجلات.. واحنا لازم نعرض افكارنا وشخصياتنا بزيها العربي ونعرّف عالاقل اطفالنا اللي بدوا ينسون الثوب..

السعال بتاع العأل:
في قدرات خارقه او فوق القوى الطبيعيه للعقل البشري.. قريت كتب وايد عنها ومره شفت برنامج عن بعض القدرات الفائقة للعقل في قناة ديسكفري.. كان برنامج waaaaayed حلو (ليش قلبت انجليش!! مادري..)

اااخر سؤال:
طبعا مافي مجله قفزت للقمه على طول.. لكن مممم... المجله بتشمل جميع الانواع.. يعني قصص اطفال وقصص شوي للكبار.. اتوقع ان الاطفال يشترونها اول وبعدين الكبار من الملل بيقرونها وبيكتشفون ان المجله حلوه.. وبجذيه بتنتشر بين جميع الاعمار وانشالله بين كل الناس وبتلقى الرواج اللي نتمناه..

هلا هلا ريفليكس شخبارك.. والله انا ولهان عالمنتدى لكن شسوي.. اخبارك الوكاااااارد اخوي... انشالله برجع للمنتدى قريبا جدا ;) بس سووا لي حفلة اوكي":"

يا سلام عليك يا رانما كل هذي المعزة الي نعزّك اياها يالحبيب و تقول حفلة بس! أنت تأمر بس عندي لك حفلة بالقصر و الفطور من يد دِث ;)..هلا فيك مرة ثانية و مبروك علينا العطلة:D
----------------
1-هل تظن بان العقل البشري والمخ يحتوي على اسرار كثيرة قد تكون خارقة للقدرات البشرية؟؟؟ وما اشكال هذه القدرات؟؟؟
نعم, أظن أن العقل البشري يخبّئ قدرات لا يعلمها البشر نفسهم حتى يومنا هذا سبحان الله شوفو البشر قبل 2000 سنة و شوفوهم الآن اختراعات بالملايين و اكتشافات بالبلايين هذا لم يأتِ من فراغ أنه العقل البشري,بالنسبة لأشكال هذه القدرات فأقول هناك قدرات لا يعلمها الا الله سبحانه كما أن هناك قدرات نعلمها و لا نستغلها و هذه نقطة مهمة و تثير الشفقة برايي..
2- هل تظن بأن ظهور مجلة مانجا عربية ستلقى رواجا ونجاحا كبيرا.... وما الفئة العمرية التي ستقبل اليها مع العلم ان القصص ستكون شاملة لأنواع المانجا ماعدا الخليع طبعا..
ستنجح برايي لأن العرب قد أقبلو على عصر الإنفتاح بسبب الإنترنت و أصبح العالم العربي مطّلع على الأنيمي و المانجا بشكل كبير..و بعدين اذا كانت جودة هذه المجلة و ذوقها بطبيعة الحال أفضل من المجلات المتواجدة في الأسواق العربية حاليا ما المانع من نجاحها,نقطة أخرى أرى أن عالمنا العربي هو عالم دعايات و اغراءات و هالعنصرين يدفعو الناس الى قبول البضاعة حتى لدرجة غير معقولة!! الدعاية و الإعلام يلعبو دور بدرجة من 70% الى 100% و برايي لا يقل عن ذلك!!!
بالنسبة الى الفئة العمرية يعتمد على البضاعة نفسها فمثلا في أشيا تغري الأطفال في المقتنيات الي يشتروها بما أني مراقب سوق العاب الفيديو جيمز من زمان أعرف بسهولة شنو الي يغري الأطفال في الألعاب مجرّد أنهم ينظرو الى غلاف اللعبة يشتروها علطول بالنسبة الى الشباب الوضع مختلف دايما تلقى هالأيام أذواق مختلفة و لكن الفكرة وحدة و هي الإثارة الشباب دايما يبحثو عنها في كل شي..لكن في النهاية الذوق و الجودة هم الي يدفعو أي شخص بأي فئة عمرية أنه يطلب البضاعة..عليك فقط أن تقنعهم بجودة هذه البضاعة مثل بالإعلام و الدعاية..طوّلت عليكم هالمرة اعذروني:-)
بالتوفيق
;-) It's been fun

شكرا لكل من تفاعل مع الاسئلة ووضع ردا هنا.. شكرا للجميع ^^

بالنسبة لي:
فانا أرى ان العقل البشري اكبر معجزة يصادفها الانسان.. فكما يقول العلماء فان الانسان لا يستخدم مخه الا في جزء صغير اقل من نصف المخ.. كما قد عرفت ان المخ يحوي على ذاكرة هائلة فلقد سمعت في برنامج علمي ان لو الانسان يحفظ في ذاكرته معلومات في كل دقيقة منذ ولادته الى نهاية اجله دون ان ينسى شيئا منها لما امتلأت ذاكرته بعد.
سبحان الله:)
أما عن قدرات المخ الخارقة فمنها ماهو معروف كالتخاطر وقراءة الافكار وقراءة المستقبل و منها قدرات بسيطة كالقدرة على الحفظ كحفظ الارقام والاماكن ..الخ.

أما عن المجلة ونجاحها فانا مع من يقول انها ستنجح وخاصة ان هناك فقر حاد في سوق المجلات لمثل هذه المجلات وبالمستوى المطلوب:)

-------------------------------
اسئلتي هذه المرة:
1- لو كان لديك رجل آلي (جاندام او جرندايزر... الخ أو من خيالك) فما أهم شئ يتميز فيه هذا الرجل الآلي؟ طبعا كل واحد ومايفضله؟
2- ما هو الجهاز الذي تنوي شرائه في المستقبل او في أقرب ممكن؟؟ ولماذا؟؟

هههههههههههههههههههههههه

موضوع روعه شاهين .... أسئله غريبه و حلوه :D

و الجواب عليها ممتع :6

هل تؤمن بالأطباق الطائرة؟ وهل في اعتقادك انك سترى طبقا طائرة يوما ما؟

الاطباق الطائره :)
أضن لو القصد هو الاطباق الطائره اللي داخلها مخلوقات غريبه :D ههههههههههههههههههههه ما اضن موجوده غير بـgــرينديزر و جونـgـار :6 و الخيال :) ..

اما لو الاطباق المجهوله اللي بالجرايد الحقيقيه و الكتب :) فأضن انها بالفعل تجارب حيه و خفيه مثل ما الكل يعرف ان طائرت الشبح المعروفه كانت موجوده تصاميم لها من أيام الحرب العالميه الثانيه و انصنعة بفتره وجيزه من بعدها ... يعني بمجر التفكير :) ...راح تعرف شنو المصايب اللي تصير بسبب التكنلوجيا السياسيه
و اللي يطلعون بالتلفزيون و يقولون حنا انخطفنا :D ... و شفنا انوار و مخلوقات و اجسامنا صارت غير قبل :6
الظاهر انهم كانو ضحية ها التجارب و انمسكو و راحو وطي :cool: لإنهم بالصدفه دخلو بمكان كان المفروض ما يدخلونه ... و طبعا ما بيذكرون شي من اللي حصل

البركه في العلم و التكنلوجيا :6
هاذا هو الاقرب للواقع عندي و الله أعلم

- هل تؤمن بأن في المستقبل سترى أنمي (فيلم أو مسلسل) بجودة الانمي المشهورة مثل:
X , Ranma1/2 , ghost in the Shell , Vampire Hunter D
؟؟


إنمي عربي بجودت عاليه :)
لا تستبعد ها الشي ... اتوقع لو الله عطانا عمر بنشوفها بحياتنا
الدنيا تتطور بسرعه كبيره ... لكن العرب تتبهدل بسرعه أكبر :D ههههههههههههههههههههه
تدري شنو اللي ناقص :) ...
اللي ناقص فقططط شركة عربيه واقعيه لإنتاج فلم المانجا ... و الرسامين موجودين ;-)
يعني مو ناقص غير الاداره و التنظيم و التمويل و الفن موجود و نقدر نطوره بسهوله و سرعه :)
و نقدر نستعين بالخبره و الاجهزه الاجنبيه ليما نكتفي و نكمل باقي الطريق بروحنا
ان شاء الله نشوف ها الافلام قريب :)

هههههههههههههههههههههه

الاسئله ممتعه صج
وصلنا حق الجن

1- هل حدث لك موقف مع الجن؟ هل سمعت حركة او رأيت شيئا احدثه احد من الجن؟ او اي شئ تظنه من عملهم؟


حصلت مواقف كثير .. لكن ما تدري شنو سببها
انت تبي تفصيل و ذكر الاحداث لكن جذي بيطول الموضوع حيل .. بكتفي بذكر بعض المواقف اللي حصلت لي او لأهلي
لما كنا صغار في البر في منطقة الصمان بالسعوديه (1991-1997)مرت علينا سوالف كثير و مواقف :)
ها السوالف و المواقف غريبه منها كلام ما يدخل العقل و منا اشيا حقيقه شفتها انا و صدقتها
مثلا الحيوانات الغريبه اللي تتغير اشكالها تمر بشكل طبيعي علينا من بعيد لكن وجودها و ظهورها نادر حيل حيل يعني بالسنه يمر موقف واحد و مو واظح ..او نسمع فيه

مثلا كلب يركض من بعيد و يدخل بالارض ... او حيوان مثل الكلب ينمط و يصير طويل و يتمرغ بالتراب ليما يتلاشى و يطلع غبار بالارض و بعدها و لا شي ... و كإنه ماكان موجود ( هاذي حقيقه .. موجوده)

او نور على الارض يمشي بالليل بروحه حول المكان من بعيد حزت نهاية الامطار لما تكون الارض ريحتها طين

او حشرات غريبه ما عمرك شفتها من قبل مو صغيره كبر الطيور الصغيره تمر بسرعه و تروح و تكون اشكالها جذابه و ما تبين عدل

او سياره خربانه طايحه بالبر من فتره طويله .. و يجي يوم من الايام تلقاها تشغل انوارها الاماميه و تطفي بروحها :)

او تلاقي حد يحذف صخر على السيارات و الخيام ... مع ان كل اهلك موجود حولك هههههههه ... منو هاذا اللي يحذف الحصى زين

كل ها الاشيا حصلت حقيقه و انا شفت بعضها (النور يمشي على الارض + السياره المهجوره اللي تشتغل انوارها +الحصى اللي يتحذف من مجهول بشكل مقصود على السيارات و الخيام بس ) و صدقت كل الباجي و ما تدري شنو تفسيرها الحقيقي ..

و الجن موجودين اكيد مافيه خلاف ... و الله اعلم

هل تعتقد ان اللبس العربي كالخليجي سيكون مناسبا في مسلسل او فيلم انمي؟ ام انها ملابس تحتاج الى تطوير؟


اضن ان المهم هو موضوع المسلسل و اللبس راح نحبه لما نحب المسلسل
مثلا .. رسوم مسلسل قطعه 13 بالبدايه ما كنت متقبلها ابدا الرسوم و الملابس و الاشكال لما شفتها لأول مره ..

لكن بعد ما تابعة المسلسل صرت ما افوت و لا حلقه :6 و صار بنظري الرسم اللي يرسمونه و الملابس بمنتهى الروعه
اصلا اشك اني اقدر ارسم بمثل ضرافة رسمهم :D مع انه خطوط و تلوين بسيط

يعني الملابس العربيه و الخليجيه حلوه و لا تحتاج لتطوير بنظري
يمكن هي بس ما تصلح للأكشن ..هذا رأيي :)
لكن فيه افلام تكون خاليه من الأكشن و قصصها هادفه و ممتعه و مشوقه تصلح لها اللبس
و ما شفنا اعمال قويه تحببنا بالمانجا اللي ابطاله يلبسون الملابس الخليجيه العربي
لو نشوف بنحب و بنشوفه مناسب

1-هل تظن بان العقل البشري والمخ يحتوي على اسرار كثيرة قد تكون خارقة للقدرات البشرية؟؟؟ وما اشكال هذه القدرات؟؟؟


سبحان الخالق
العقل البشري واسع بالحيل ما ينعرف لقدرته نهايه :)
مرات ينط عرض واحد جدامك يسوي اشياء غريبه ما تتوقع انها تطلع منه :D ... حتى يكون شكله على نياته :6 ههههههههههههههههههههههه

مثلا شفت لي جاهل هههههههههههههههه
هو صغير حيل .. لكن لما تسئله بضرب الارقام يجيبها لك تمام و بسرعه ما شاء الله عليه بشكل محير
بشكل يخليك تموت من الضحك على روحك لإنه يحلها اسرع منك
زين منو علمه و شلون :D ههههههههههههه ما شاء الله
ها القدره انا اشوفها مو عاديه بالنسبه لطفل صغير ببداية دراسته
هاذا شي بسيط ..

و فيه مثال بسيط بعد شفته و اضن سره صج عجيب سبحان الله
مثل فزة الام لولدها لو صار له شي مع انها ما تشوفه ..و هاذا شي من لا شي من تفكير و احساس الام

هاذا بالنسبه للي شفته بحياتي و الامثله كثيره

اما بالتلفزيون نشوف أكيد أشيا كثيره عجيبه :) .. مثل اللي يقرا ورقه داخل دفتر مسكر ?:
و يكون حواليه باحذين و مفكرين و دكاتره يسجلون كلامه و يحددون نسبة الخطأ بقرايته ?: .. يعني شي بالمره غريب .. خوش عقل و الله

او مثلا يطلعون ها الشخص برا الغرفه ...و يحشون شغله داخل الغرفه
و يدخل الشخص الغريب ... و هو معصوبه عيونه طول الوقت.. يمشي يمشي و يوقف عند نفس المكان اللي خاشين فيه الشي اللي يبونه يطلعه لهم ... و بدون ما يلمس شي بالغرفه يأشر بيده و يقول هني انتو خشيتوها .. بدقه كبيره مع انه كان برا الغرفه

و لا شاف شي

و ها البرامج تكون عالميه و موثقه من جهات مسؤووله و علميه بحته :)

هل تظن بأن ظهور مجلة مانجا عربية ستلقى رواجا ونجاحا كبيرا.... وما الفئة العمرية التي ستقبل اليها مع العلم ان القصص ستكون شاملة لأنواع المانجا ماعدا الخليع طبعا ؟؟


انا بقول رأيي الشخصي بكل صراحه :)
المجلات العربيه اللي تنباع الحين بالاسواق دائما الرسم فيها ما يشد و القصص دوم تكون للأطفال ..حتى بعض الاطفال يضحكون على القصص لتفاهتها و يقعدون يحلون الاسئله و الألغاز اللي فيها بس
و تلاقي الاغلب لما يكون فيه رف للمجلات معروضه فيه مجلات عربيه و جنبها مجلات اجنبيه تلاقيه سيده ياخذ الاجنبيه لإن حتى شكلها الخارجي منسق بشكل جدي و جذاب .. اما العربيه الله يخلف عليها :)

ما اذكر اني شريت مجله رسم او قصص كرتون بشكل مستمر و متابعه دائمه
كنت اشتريهم على المزاج .. يعني لما كنت صغير اشتري مره كل ثلاث شهور طبعا لما تكون عندي هبرت فلوس :D

اما الحين صرت اشتري مجلات اجنبيه و قصص مرسومه للمانجا مره كل شهر او شهرين تقريبا
حتى المكتبه اللي اشتري منها ما قامت تجيب مجلات قصص كرتون عربيه بكم كبير مقارنه بالاجنبيه
يعني رف واحد عربي فيه اربع مجلات فايت عليه شهر و شهرين ..و سبعه رفوف اجنبي نازلات ها الإسبوع فرش :)
انا اتابع الرسم اكثر من القصص لإني احس ان القصص بصراحه تافهه و طفوليه بأكثر المجلات يعني تكون للأطفال بشكل خاص

فأضن مجلات المانجا العربيه الجاده بمواضيعها و متنوعه و اللي تحترم تفكير القارىء و المتابع راح تلاقي رواج معقول و محترم لكل

الاعمار احسن من مجلات ها الوقت اللي مستواها ما تعدى طبقة الاطفال إلا بالقليل

الموضوع اكثر من رائع شاهين

برجع اجاوب على الاسئله الباجي
على شان اعطي كل سؤال حقه

سلااااااااام

1-هل تظن بان العقل البشري والمخ يحتوي على اسرار كثيرة قد تكون خارقة للقدرات البشرية؟؟؟ وما اشكال هذه القدرات؟؟؟

طبعا ... :)
القدرات الخارقه هذي هي اللي نسميها (الحاسه السادسه) و هي موجوده بالفعل عند الانسان لكنه مو عارف اشلون يستخدمها ! لانها حاسه مو ماديه مثل باجي الحواس ...
و يمكن اقدر اعطي امثله على هذي الحاسه :أفكر: بس لا تضحكون :D ... مثلا لما تتخيل موقف معين او صوره معينه في دماغك و ما تفهمها .. و بعدين عقبها بيوم يسير هذا الموقف او الصوره اللي تخيلتها صج جدامك و تتذكر انك شايف هاللقطه من قبل !! ...... و بعد مثال لما تحس بشي مثلا تحس و انت تشتغل شغله او تسوي شي تحس ان بيسير شي مو زين و تكون متضايق من الداخل و مو عارف ليش .. و فعلا يسير شي مو زين و يخرب الشغله اللي كنت قاعد تسويها .... و هم يسير (مثل الافلام الهنديه هههههه) انك فجأه و انت قاعد مرتاح تفز من مكانك و تحس بان شي مو زين حصل لشخص تعزه وايد و في نفس هاللحظه!!! و بالفعل يكون احساسك في محله !!! .....
و اكو وايد امور غريبه و حسيه تحدث مع الانسان مالها اي تفسير غير انها اشارات من عقل الانسان الباطني !! :)
و تدرون لو ان الانسان عرف اشلون يتحكم بعقله الباطني جان سار(ماني قايله سوبر مان) لكن سار قادر على العيش بشكل افضل و يعني :أفكر:
و انا سمعت ان الانسان لحد الحين بس قدر يستخدم 1,% من قدراته العقليه بس !!!!!!!!!(مو متأكده ان الرقم صح لكن النسبه ضئيله جدا ! اقدر اطلع لكم الرقم الصحيح من الكتاب اللي عندي لو تبون)
------------------------
- هل تظن بأن ظهور مجلة مانجا عربية ستلقى رواجا ونجاحا كبيرا.... وما الفئة العمرية التي ستقبل اليها مع العلم ان القصص ستكون شاملة لأنواع المانجا ماعدا الخليع طبعا

أكيد و نص ;) لان المجلات عندنا بالرغم من المعلومات الحلوه اللي تقدمها للقراء الا انها تفتقر للقصص !! و كل القصص اللي فيها بدون مبالغه رديئه من حيث الرسم و اشبه بالكاريكاتير >_< و لا تخدم خيال القراء و سطحيه و .. و.... فيها مليون عيب !!
في حاله انشاء مجله راح تكون الفئه العمريه من القراء (الاغلبيه) بين 11 سنه و 16 سنه اتوقع :) .. طبعا اكيد في اعمار اقل و اكبر ... لكن الاكبر فقط لو كانت الرسومات او القصص حلوه و مو حق يهالو !!
و ياريت تغيرون فكرتكم عن بعض الامور :( اللي من بينها الخيال الوااااااسع امتلاك قوه خارقه او عجيبه ، و الانتقال بين العوالم يعني وجود اكثر من عالم ....!! و لا تنسون ان كل واحد فيكم لما كان صغير كان له عالمه الخاص في احلامه و لا انا غلطانه ؟؟؟
----------------------
[31- لو كان لديك رجل آلي (جاندام او جرندايزر... الخ أو من خيالك) فما أهم شئ يتميز فيه هذا الرجل الآلي؟ طبعا كل واحد ومايفضله؟ [/COLOR]

افضل انه يكون مثل رعد العملاق (مافيه اسلحه) و اتحكم فيه من خلال جهاز التحكم اللي عند حسام هههههه او انه يكون صغير مثل جوماروو ^^
طبعا راح استخدمه في السفر الى اليابان كل يوم ههههههههه ..
و هم ودي يكون عندي مركبه فضائيه اروح فيها للكواكب الثانيه ادور مخلوقات فضائيه ^_^ او ادور كوكب ثاني يمكن العيش فيه غير الارض .... وايد في شغلات الوحد يتخيلها لو كان عنده رجل ^_^
--------------------
4- ما هو الجهاز الذي تنوي شرائه في المستقبل او في أقرب ممكن؟؟ ولماذا؟؟

سكانر جديد ?: لان اللي عندي باط جبدي .. و ابي برنتر للكمبيوتر بعد لنفس السبب ^_____^

mmmmmmmm
ج1: بخاطري رجل الي مثل روبوكوب او مثل رعد العملاق ينفع حق الحروب والمعارك:D :D يعني ابي اتخدمه ضد اسرائيل :غضب: :غضب:


ج2: والله حاليه افكر اشتري جهاز يشغل ملفات mp3
وجهاز سينما منزلي انشالله

اقتباس:

---

الرسالة الأصلية كتبت بواسطة shaheen
شكرا للاجابة اخواني اخواتي...
لكن مابالك اخي رواية لا تأخذ الامر بحساسية فالسؤال بسيط وقد اردت ان اعرف ماهي فكرة الاخوان والاخوة عن ذلك... فعندما تعرف الواقع تستطيع ان تصححه...
بالنسبة لي لم اقصد شيئا من السؤال:) هذا بدل من ان تجاوب على اسئلتي؟!

---

غلطة غلطة يا شاهين... ?:

عادي غلطة أزغنطوطة... :أفكر:

إييه يعني عادي فوتها؟... !... :D

اقتباس:

---

الرسالة الأصلية كتبت بواسطة shaheen
ثانيا انا اظن ان وقت الانمي العربي قريب وخاصة بوجود رواية وأمثاله فالموهبة موجوده لكن الجهد والتفكير الجاد هو مايتطلبه الامر... والانمي القوي سيزدهر ان شاء الله عندما ينتج اول فيلم وبالمستوى الطيب عندها ستبدأ سوق لترويج مثل هذه الاشياء.. !

---

شوووكران! :D <== الأخ متفجج لآخر حد! ":"

ااااااالمهم, بالنسبة للأسئلة... :) <== شويه وبيروّن! :D

ما شاء الله إم زد إم كفى ووفى! :"
ما بقي شيء! :0)

لا صح هنيه كل واحد يكتب شوه هو اللي يعتقده... :أفكر:
زين! :D


1- هل تؤمن بالأطباق الطائرة؟ وهل في اعتقادك انك سترى طبقا طائرة يوما ما؟
- نعم, أنا أؤمن بوجود "أجسام طائرة مجهولة الهوية (حتى الآن)".
Unidentified Flaying Objects بإختصار: بوفوز UFOs. :)

أذكر إنه (يا إنه الوالدة الله يطول بعمرها أو إحدى القريبات) قالت:
"مساكين هالإمريكان... كل ما شافوا شيء أسود مدّوَّر يطير قالوا صحن طائر مادري مخلوقات من برع!!
هذا الله يهديهم تلقونه جني إفقيّر شال الأكل حق عياله على صينية سودة... صينية أكل حاملنها على ظهره ويطير مسكين راد بيته...
هم لأنهم (أي الأمريكان) ما يقولون "بسم الله" مثلنا عشان جذيه عادي يجسّد لهم فوق وهو يطير... وأول ما يشوفونه على طول كتبوا إنهم شافوا أطباق طائرة... "
^^ ههههههه

شخصياً, أنا أشوف هالتفسير بتفق مع إسم "الصحون" الطائرة! :أفكر:
:D كخخخخخخخخخ
صحون أكل!!
Unidentified Food Objects! :_: هههه

وفوق هذا, اللي يعزز هالنظرية الفكاهية, إنه في عهد سيدنا سليمان عليه السلام كانوا الجن يخدمونه, ويقدمون له الأكل على "أطباق طائرة"...

ولا تنسون قصة علاء الدين وجني المصباح, كان يجيب الأكل على أطباق!
يعني الجن يحملون صحون فيها طعام!!!! :_: ههههههه

يكسرون خاطري الأمريكان!

أما بالنسبة لأن أرى أطباق طائرة شخصياً فما أعتقد...
لأنه ليش يعني أنا من بين كل هالعالم؟؟ :)
مع إني أتمنى... :(

أما بالنسبة للمخلوقات الفضائية ووجودها (إن كان هذا قصدك يا شاهين), فأنا ما أظن فيه ناس غيرنا. :)
أو مخلوقات ثانية...
الجن كانوا ساكنين الأرض قبلنا, والله نزل آدم بعدين على الأرض...
فما أظن إنه في خلق آخر على كواكب ثانية...

الله إستوى على العرش, وبعد ما خلق القلم واللوح المحفوظ والكرسي والعرش والملائكة من نور والجن من مارج من نار, خلق آدم من طين...

فأعتقد إنه آدم هو أول الكائنات الحية اللي خلقها الله عز وجل من بعد المخلوقات السماوية... :)
وما فيه غيرنا!

حتى فكرة إنه في أرض ثانية وناس غيرنا على هالأرض الثانية وإنها في مكان آخر من الكون وإنهم الله أرسل لهم رسل وراح يعذبهم أو ينعم عليهم... ما أؤمن بها... هالفكرة أنا أستبعدها... :أفكر:

يتبع:-

تكملة:-

2- هل تؤمن بأن في المستقبل سترى أنمي (فيلم أو مسلسل) بجودة الانمي المشهورة مثل:
X , Ranma1/2 , ghost in the Shell , Vampire Hunter D
ولكن صناعة عربية من الرسم والدبلجة ومن الألف الى الياء؟؟؟
- طااابعااان! :o
حتى إلا أحسن من فامباير هانتر دي وأبو فامباير هنتر دي!! ":"
مو صعبة إنه واحد يكوّن ثروة عملاقة ويكوّن فريق عمل عربي من مائة شخص ورسام ويدربهم وينتجون أنيماي عربي مائة بالمائة من الألف للياء! :أفكر:

إنتوا وايد على فكرة مستصغرين مقدراتكم! :06:

ومن زين اليابانيين عاد كلش عاد... :12:
جنه محد في الدنيا يقدر يناهزهم؟!!؟!!

وبعدين أنا صحيح قلت إني بعمل على تشييد صناعة أنماي عربية مائة بالمائة من الف للياء... :o
بس هذا مو معناته إذا فشلت راح أتوقف وأحط إيدي على خدي... لأ!
بستعين باليابانين لو إحتجتهم وبشوف النتايج! :o
أنا راسي مو يابس لهالدرجة! :6

1- لو كان لديك رجل آلي (جاندام او جرندايزر... الخ أو من خيالك) فما أهم شئ يتميز فيه هذا الرجل الآلي؟ طبعا كل واحد ومايفضله؟
ابي رجل آلي مثل جراندايزر.. قوي ومليان اسلحة
واقدر اطير فيه واهدم اللي ابيه
على طول طيران فوق اليهود اقصفهم... نياهاهاها

2- ما هو الجهاز الذي تنوي شرائه في المستقبل او في أقرب ممكن؟؟ ولماذا؟؟
ابي اشتري سي دي رايت من فصل.. لان اللي عندي اخترب من زمان :(
وابي اشتري سكانر يديدة لان سكانري اختربت..
وابي اشتري لايت بين... وابي اشتري من الاساس كومبيوتر يديد... ما كأني مصختها..
بس الاهم السي دي رايت :D

حلوة وايد اسئلتك شاهين..
يعطيك العافية على هالموضوع الحلو :o