مش مهم مين هو الاقوى او الافضل .
المهم ان تستطيع ان تجد جهاز لديه العدد الاكبر والاجمل من الالعاب .
فلنحسم هذا الموضوع نهائيا
مرحبا بكم اعضاء المنتدى,
انا مشارك جديد معكم وهذي اول مشاركه لي في المنتدى واتمنى ماتكون الأخيره. السبب الرئيسي اللي جعلني اكتب في هذا المنتدى هو الموضوع هذا اللي ارى مع احترامي للكل انه ماله فايده فهو محسوم قبل بدايته. فيه نقطه ابي اقولها قبل ما ابدا واللي هي
ان الموضوع غير محايد فهو ضد السوني والدليل انه يقول حرب ال PSX وال NENTINDO لو تلاحظون انه قام بمقارنة جهاز واحد بشركه لها اكثر من جهاز في السوق اوكي؟ ثانيا ليش ماقال حرب السوني والنيتندو؟ لأنه عارف انه خسران فمن اين لشركه كنيتندوا ان تقف امام امبراطور الألكترونيات وتعتبر رابع اكبر شركه في العالم برأس مال يفوق ميزانية الشرق الأوسط. على العموم الموضوع من عنوانه يدلك على خوف كاتبه من مقارنة اجهزه محدده او خوفه ايضا من مقارنه شركات محدده.
ومع ذلك انا باخذ بكلام الأخ ونقارن ال PSX مع ال NENTINDO
ابلخص كلامي في نقاط ارجو انها تكون ثقيله على قلوب النيتندوين
1)انت تسأل عن الحرب ابفهم وينها الحرب؟ احنا نسأل ايهم افضل السوني بلاي ستيشن ام اجهزة نيتندو اللي في السوق صح ولا لأ؟ اذا كانت المقارنه بين السوني وال N64 فهو من الغباء انا نقارن لكن انا بقارن السوني مع اجهزة نيتندوا كلها اوكي. اذا نبي نعرف مين الأفضل فما هي الطريقه الأحسن لذلك؟ هل ان كل واحد يقول انا احب كذا ولا انا احب كذا؟ لالا حبايبي اذا بغينا نعرف مين الأفضل لازم نشوف المبيعات حول العالم صح ولا لأ؟ صح لساني, المهم, من المعروف ان السوني وبجداره يعتبر اكثر جهاز مبيعات في تاريخ الفيديو جيمز وههذا يكفي بجعله المركز الأول بين الأجهزه وانه الأفضل. المفروض هنا ينتهي الموضوع لكن انا ادري بيطلعون بعض الأشخاص ويقولون ان فيه ارباح لنيتندوا اكثر من السوني وهذا كله بفضل الله م بوكيمون انا اقولهم شوفوا ارباح شركة سوني من الجهاز ومن الألعاب اللي تنزل عليه من المعروف ان الشركه تاخذ ارباح على اي شريط او لعبه تنزل على جهازها سواء كان من الشركه نفسها او من غيرها. خلونا نسوي حسبه بسيطه اتمنى انكم تفهموها. من المعروف ان اكثر جهاز باعته شركة سوني هو البلاي ستيشن اوكي. ومن هذا المنطلق لو عرفنا ان شركة سوني راس مالهايفوق ال 200 مليار دولار. ونعرف ان نشاطات السوني هي تتضمن التلفيزيونات والمسجلات والفيديوهات والجوالات والتسجيلات الغنائيه اوكي؟ لو قسمنا رأس المال على هذي المنتجات وبمافيها السوني نلاقي نصيب كل واحد مهنم 33,3 مليار دولار ولكن احنا نعرف ان السوني له اكثر من غيره كونه اكثر جهاز باعته سوني صح؟
اذا لازم يكون السوني له اكثر من 33,3 مليار دولار هذا كرأس مال له وكلنا نعرف ان رأس المال يكون اقل من الربح اذا نقدر نقول ان ربح سوني من البلاي ستيشن اكبر من هذا يمكن محد يصدق او الآرقام تكون كبيره برايكم لكن فكروا بكلامي وراح تلاقونه منطقي وحقيقي في نفس الوقت وهذا رقم اكبر بكثير من رقم ال 5 مليار دولار اللي دخلها بوكيمون لنيتندوا.
اظن الى هنا والدعوى لصالح سوني اوكي ( لسا ماخلصت)
2)في القضيه السخيفه اللي تقول ان ال PSX كان ملك لنيتندوا وانهم باعوه لشركة سوني. مع انه كلام صعب تصديقه لكن لو فرضنا(جدلا) انه حقيقي فما ادري وين المشكله القضيه تجاره في تجاره شركه عندها جهاز وشكره ثانيه تبيه واشترته منها وين المشكله؟؟؟؟؟؟؟؟؟؟؟؟ ابي احد يفهمني, ثانيا الأخ LINK يقول ان سوني حراميه. مدري, كيف صاروا حراميه مع انهم شارين الجهاز من نيتندوا؟ اللي اعرفه انهم لو ماخذين الجهاز بدون مايشرونه يحق لك تقول عنهم حراميه لكن انه يدفعون قيمته مالك حق. فأنا هنا اطالب الأخ لينك بالأعتذار عن كلامه وسحبه اياه امام الجميع.
3)في القضايا المستقبليه اي مع سوني 2 و الجيم كيوب فما نستطيع ان نحكم طالما ان احد الجهازين لم ينزل بعد اولا ينزلون كلهم بعدين بعد فتره بالسوق نشوف من الأفضل.
4)ما ادري لكن ودي اسأل الأخ LINK ليش مايتوقع ان ميتل جير 2 يكون بالروعه والنجاح زي الأول يعي هو قال انه مايتوقع النجاح لكنه ما اعطى اسباب لكلامه لكن بيني وبينكم ما اظن انه يقول توقعه لكن اظن انه يقول امنياته لأن نجاح ميتل قير 2 يعني نجاح للسوني وهو الشي اللي مايبيه.
هذا اللي عندي وشكرا لكم على تحملكم لكلامي واتمنى اني ما اكون طولت عليكم. وعلى فكره فيه موضوع صغير ابي اقولكم عليه قبل فتره قصيره كنت اتكلم مع واحد من محبي نيتندوا وجبنا سيرة الأسطوانات وقلت له صح اسطوانة الجيم كيوب اكبر من الأسطوانه العاديه لكن الديفيدي اكبر من اسطوانة الجيم كيوب لكنه قال ان الفرق صغير بينهم انا هنا ابي اعطيكم السعه بالأرقام وانتم احكموا اذا الفرق صغير وبسيط ولا لأ حجم اسطوانه الجيم كيوب = 1,5 جيجا بايت وحجم اسطوانة الديفيدي= 4,9 جيجا بايت اضن الفرق واضح وباين يعني ماادري وش يبي اكثر من الضعف.
على العموم انا اتمنى يكون الموضوع انتهى وارجوا محبي النيتندوا بعدم المكابره والكلام اللي مايقوم على أساس وان مدري اللعبه هذي اصلا هنا واللعبه هذي احلى والجهاز اقوى ومدري ايش من الكلام الي يقوم على الذوق الخاص لصاحبه, فرجاء اذا كان اي واحد من محبي نيتندوا يبي يرد فأتمنى يكون كلام عقلاني بعيد عن كونه يحب اللعبه الفلانيه ولا يكرهها, وبيني وبينكم الحق واضح لكن اللي بيعاند ماراح يشوف شي لأنه بيعاند وماعنده حجه. شكرا لكم على تحملكم لي وقراءتكم لمقالي والسلام
وتحياتي لكم محبي السوني واشكركم على الدفاع عن الحق.
باااااااااااااااااااااااااااااااااي
الله يهاديكم ويعينكم علي وعلى اللي جايكم من غيري.
ههههههههه صراحه يعجبني التفاهم والتناغم فيما بينكم
ميوتو يقول الحرب بين الأجهزه(مع العلم انه لم يحدد اي جهاز لنيتندو) ولينك يقول انه بين الشركتين ههههههههه
شباب بالله اختارو شي وخلوكم عليه عشان اعرف وشلون ادمركم اوكي؟
على العموم في كلا الحالتين السوني كسبانه مع الأجهزه ال PSX هو أكثر جهار عرفه كوكب الأرض مبيعات ومع الأجهزه ايضا هو الكسبان فشركة كشركة نيتندوا (اذكركم ان نيتندوا عملوا احتفالات مهوله والآخبار انتشرت في العالم لما حقق لهم بوكيمون الخمسه مليار دولار) اسألكم بالله ماذا تشكل الخمسه مليار لشركه كسوني بمجالاتها المختلفه (لينك بيوديكم في داهيه مع مقارنته المحسومه) هههههههههه
بعدين ليش ماترد يالينك ؟ انا هنا مطالبك بأعتذار امام شباب المنتدى لو انت تستاهل اني اطلب منك كذا اعتذر اما اذا كنت ماترى انك تستاهل رد وقلي الأسباب في كون سوني حراميه اذا اشتروا السوني من النيتندوا(وتكون اسبابك في هذا النطاق بس)
بعدين ابي اقول كلمه لماريو لما قال في مقاله ان السوني دائما تقوم بتقليد نيتندو, خلنا نقول انها تقلدها, ليش زعلان؟ انا ادري ان اللي يبتكر يقدر يسحب السوق من اللي يقلد ليش مايصير هذا؟ ثانيا حتى لو قامت نيتندو بالأبتكار وقامت سوني بالتقليد
اذا كانت سوني قدرت تسوق لسلعتها المقلده احسن من تسويق نيتندوا فهذا مشكلة نيتندوا. ثالثا انا اعرف ان فيه شي اسمه حقوق اختراع او ابتكار(اظن سمعتوا فيها) هذي تحمي اي شخص او شركه من ان الشركات الثانيه تقلدها او تنسخ هذي التقنيه الا بأن تقوم الشركه (اللي تقولون انها مقلده) بشراء حقوق استعمال هذه التقنيه من الشركه المبتكره وهذا أيضا يعد تجاره ولا شيء فيه, صح ولا لأ؟
على العموم اتمنى ان تكون عند لينك الجرأه انه يرد واتمنى منكم انكم تتعلمون بعض النقاط التجاريه عشان تتأكدون من صحة كلامي. وفي الأخير أبي اوضح لميو تو ان هذا قصدي لما رديت ردي الأول
انت تشوف ردك يقول (انا احب فيديو سوني اكثر من ماريو) هل ترى هنا ان عقلك مازال مرتبط بطريقة النقاش العقيمه القائمه على التوجهات الشخصيه لكن الصح انك تقول وش الأكثر مبيعات فيديوهات سوني ام مبيعات لعية ماريو؟ هنا ايضا يكون من الممكن المقارنه اوكي, وبعدين مو هذا اللي قصدته اللي اقصده لما تقارن شركتين انك تقارن مكانتهم بالسوق وقوتهم في التأثير على الأقتصاد العالمي والدولي على العموم انا كملت وقلت في موضوعي الأول ان سوني كشركه اكبر واقوى واغنى من شركة نيتندوا وقمت انا وصرفت الموضوع لكم وحولت الحرب بين الأجهزه وبرضه وضحت ان مو السوني افضل والمبيعات الدليل ولكن الأخ لينك مو عاجبه اني اصرف الموضوع له والا بيعابط ويكابر ويروح لحرب الشركات وهذا صدقوني مو في مصلحتكم ولا مصلحة النيتندو وانا وضحت لكم الأسباب في كون عدم وجود مقارنه بين الشركتين اظن ياميو تو اني قلت الكلام اللي يكبر السوني. بعدين اتمنى ماترد الآ لما تقرى كلامي كله ولا ارجوك لا تعلق عليه خلنا شباب متحضرين نقوم بالأطلاع على رأي الطرف الثاني بالأول (اطلاع كامل مو تقرى البدايه وبس) وبعدين نرد (لو قدرتوا تردون).
وفيه كلمه بعد للينك الأخ لينك ياشباب صاير يتنبأ بالمستقبل ويعلم بالغيب يقول خلاص من الحين السوني 2 مهزوم من الجيم كيوب والجيم كيوب لسا مانزل ويقول ان اللي يقول غير الكلام هذا انسان مكابر (وضحت انا قبل شوي من اللي يكون مكابر ولو ماتتذكر اقرى المقال من الأول) انا بفهم لينك كيف يتنبأ بكذا
انا اللي اعرفه ان علم الغيب من اختصاص الرب صح ولا انا غلطان؟
يعني يا أخ لينك هل تقدر تحلف امام المنتدى كله ان اصلا الجيم كيوب راح ينزل هل تقدر تحلف انك الثانيه الجايه راح تتنفس هل تقدر تحلف انك راح تلعب بالجيم كيوب هذي اشياء غيبيه اتمنى انك ماتتدخل فيها لما ينزل الجيم كيوب وبعد سنه او سنتين هنا قوم بالمقارنه.
وشي ثاني بعد انت ماكتبت اقوالك ضد ميتل جير ?2
اتمنى انك ترد وبدون مانشعلها خلنا حبايب وهادين اوكي
باي
