-الســلام عليكم ورحمة الله وبركاتـــه-
-بصراحة..موضوع شيّق وجميل جداً..ماشاء الله,سأشارك مشاركة واحدة لضيق الوقت,وبإذن الله نكمل فيما بعد:)-
-أنا حصلت لي قصص كثيرة ومواقف..بعضها لاأعرف كيف بقيت على قيد الحياة بعدها,سأذكر جزء منها-
في إجازة الصيف السابقة,أي قبل عدة أشهر..حيث كانت بداية إلتزامي وكنت بأشد إيماني,حصل لي موقف هزني فعلاً..وصعب جداً,قبل لاأروي لكم الموقف..أود إخباركم إن الله عزوجل وهبني أو إبتلاني بالإحساس بالشيئ أو رؤيته قبل وقوعه..بأيام أو أسابيع...أي مثل هذا الموقف حلمت به على شكل رموز مترابطة وتحقق بعد أسبوع
تعبت من الفصحى,خلنا ماشيين بالعاميه أحسن :D
-كنت نايم الفجر..ولا صحتني الوالدة وقالت لي والدك فيه شيئ غريب ويهذي قوم شوفه..والوالد حسب علمي كان للتو جاي من إجتماع,فأنا توضيت ورحت صليت,ومسكت كتاب لي دايم ملازمني<كتاب ال100 فوائد,فيه أذكار ورقيه شرعيه إلخ>,ولما دخلت على الوالد تبهدل..وتغيرت ملامحه..وكان خايف بدون سبب,وسألته فيك شيئ؟..رد بإرتباك وقال لأ مافيني وروح نام وإرتاح أنا بخير-
-أول ماخرجت..بدأ يهذي ويصرخ..ويقول كيف هذا الرجل الغريب يدخل؟وكان يبي يقتلني إلخ,أنا عرفت الوالد فيه شيئ..وفعلاً إتضح إن جني دخل فيه لما كان يمشي بممر مظلم وداس عليه بالغلط..والوالد ماكان متحصن وقتها-
-عالعموم ..حصل حوار بيني وبين الجني وأنا بصراحه كنت يعني بقمة الإثارة ومستمتع بالموقف..لإنه أكشن :D ,لكن المصيبه حياة الوالد كان بين إيدي..أي خطأ يموت بسبب هذا الجني الي كل ثانيه يحاول يخرج من مكان خطأ ويقتل الوالد..ويهدد بقتله أو إعاقته,وكل دقيقه ينصرع علي..يعني كان موقف عصيب لكن بالأخير خرج مثل الحلم الي حلمته تماماً..وبطريقه غريبه..تبخر ,وماخرج من الإصبع مال الرجل مثل ماهو معتاد-
الموقف الثاني حصل من أسبوعين<الترموميتر الإيماني وقتها= زيرو :blackeye: >..كنت شبه غافي..أو نايم مادري والله وقتها,ولقيت نفسي فجأه ببيتنا القديم وكان شكله غريب..والشمس لونها وردي ,وأنا وقفت بالوسط وجيت أصلي...ولا أسمع أصوات وراي...المهم كملت صلاتي وكانت المغرب الصلاة,وأول ماقلت آمين ولا ناس وراي تأمن,أنا هنيه حصلت لي حالة إرتجاج,إنرجيت رج غير طبيعي...وكملت صلاتي وغلطت فيها..مع هذا أطلت السجود والركوع..وقاعد أتوسل لربي يحفظني ويعيذني..ويجيرني,كنت بقمة الخوف,وبعد الصلاة ولا أشوف واحد قصير واقف بجانبي..وانا نزلت راسي وفجأه رفعته..وياليتني مارفعته..................المهم راح مع أبوه وإختفوا..وأنا صحيت فجأه
لكن قسماً بالله..كان كأنه واقع..مو حلم
وموقف ثاني بعد رمضان حصل,كان الجاثوم يجيني فجأه وبشكل قوي جداً..حتى بعض المرات أحس نفسي ميت خلاص,وماكان يجيني إلا إذا زدت بالنوافل,وزاد إيماني,والهدف من هذا يصدني عن إيماني ويخليني أتركه,وكاد ينجح..ولما عرفت الي يقصده تركني..لكن قبل لايتركني عملت أشياء كثيره ,جبت ماي زمزم وقرأت عليه ونثرت بجوانب الدار إلخ...بالمقابل الصور بالبيت قامت تناظر فيني وبأهلي :blackeye:
المهم..بعدها كثفت الرقيه الشرعيه..ونمت,ولا إختي الصغيره تبكي الفجر وتصيح وتقولي سمعت صوت <قطوه> = CAT,تبكي...أنا طنشت وكملت نومي,وبعد فتره صحيت من نومي,وسمعت صوت بالممر الموصل لغرفتي..شخص يبكي..ويطلع صوت مثل الزومبي :09: ,وغريب الصوت لكن صوت شخص يتألم..كنت أعتقد الأهل يمازحوني,لكن فجأه الصوت وصل لداخل غرفتي وانا وجهي لناحية الباب ينظر..فرفعت إيدي وغطيت فيها وجهي من الخوف,ولا شيئ يمسك إيدي وانا مغطي وجهي بالبطانيه..وحرقني حار جداً كان..وقمت أهذي وأدعي بشكل سريع..وفجأه صحيت من النوم ومافيه شيئ..
أما أحسن موقف..كان لما عمري تقريباً 4 سنين او 6,كنت صغير مرره,ونايم بغرفة الأهل,ولا سمعت الآذان مال الفجر..بعد الآذان دخل شخص ماعنده أرجل ولابس لبس الملتزمين عندنا,وكان قصير وماعنده ملامح..وكأنه يطير مو يمشي...وماسك قرآن مدري كتاب..وضربني فيه على راسي فجأه وماحسيت بألم لكن شفت...فلاش
-والمعذرة لو اللهجه والكلام مو واضح,لكن الوقت مايسمح أكتب بالفصحى وأرتب إلخ,حقك علينا-
-إحترامي وتقديري...في امان الله عزوجل-
