حبايب قلبي تكفووون أبي مساعدتكم ... لا تخيبون ظني وتحطموني

اخوي لا تخلط بين PCI-Express و PCI
×_× هذا شيئ وهذا شيئ
PCI-Express و AGP هذي منافذ كروت شاشة مالها علاقه بالموضوع

اما PCI هذي المنافذ الباقية الي تكون تحت منفذ كرت الشاشة ! اضن فهمت قصدي !
المنافذ الباقيه الي تقدر تركب فيها مودم وكرت شبكة و كرت صوت الخ هذي تسمى PCI
ومافيه فرق اذا منفذ كرت الشاشة AGP والا PCI-Express لانهم مالهم علاقة في بعض !
وبخصوص الفروقات انا شرحت لك الفرق بينهم ×_×
هذي الانواع الاربعه من X-Fi + كرت Blaster Audigy2 ZS
يعني شرحت لك اياهم بالي اعرفه ~_^

مشكور وتسلم على المعلومات .....

شباب انا وصيت واحد يشتري لي RADEON X1800XL 256MB من ATI

طبعا اهو بالخبر و راح يوصل لي اليوم

ماادري حبيت اسئلكم شرايكم في هالكرت :33:

طبعا خلاص الرجال حجزه و مااقدر اغيره :D اذا كان مو زين يعني

كان الاحسن انك تسأل عن الكرت ولكن ... خلاص

الكرت ممتاز اخوي ويعتبر من الكروت الجديده والقويه ... بس هل عرفت انه الكرت يتلائم مع جهازك ..؟؟

لا تخاف اخوي جنتل مان الرجال خبره و راح يشتري لي الكرت مع الجهاز يعني يوصل لي جاهز مركب

:D :D :D كلامك رخوو و يخوف الكرت شكله مو عاجبك

تكفى قول اذا فيه عيوب و الا شي لا تستحي :06: :06:

و انتظر راي باقي الاعضاء و خصوصا amajed

طبيعي يكون غير عاجبه ^_^ يعني الكرت لك عليه شوي لكن حلو ومافيه كلام ~_^ لكن لو ماخذ 7800GTX 256MB افضل لك ^_^ واحرص انك تنزل آخر درايفر للكرت وهو 6.2
http://www.montada.com/showthread.php?t=458635

ومعليش ماعلقت صح لكن والله مشغول واعذرني ~_^

اخوي amajed ممكن توضح لي هالنوع مو ذاك الزود ليش :33: :33: لاني صراحه احترت من اي

ناحيه ؟


انا واحد قالي من ناحية الحراره ATI افضل من الNIVIDIA و الا انا غلطان


بس تكفون وضحو لي الفرق


و سؤال ثاني شنو معنى الدريفر انا اللي اعرف انه تعريف بس كيف يكون اصدرات ؟؟

مو يعني مو ذاك الزود يعني انه ضعيف
بالعكس كرت جبار بمعنى الكلمه
لكن مقارنة بـ 7800GTX 256MB نجد الفرق في السعر قليل والفرق في الاداء عالي ! والتفوق لصالح 7800GTX 256MB

شوف الفرق في المواصفات واحكم
كرت 7800GTX
Core clock: 450MHz
DirectX: DirectX 9
DVI: 2
Memory Clock: 1250MHz
Memory Interface: 256-bit
OpenGL: OpenGL 2.0
PixelPipelines: 24
Tuner: None
TV-Out: HDTV/S-Video Out
VIVO: Yes

وكرت X1800XL
Core clock: 500MHz
DirectX: DirectX 9
DVI: 2
Memory Clock: 1000MHz
Memory Interface: 256-bit
OpenGL: OpenGL 2.0
PixelPipelines: 16
Tuner: None
TV-Out: HDTV/S-Video/Composite Out
VIVO: Yes

لو ملاحظ الـ PixelPipelines متفوق بقوة الـ 7800GTX وهذي مهمة لرفع اداء الكرت وتعتبر من اهم عناصر قوة الكرت
وبرضو Memory Clock نشوف التفوق لصالح 7800GTX
الفرق فقط في Core clock والفرق بس 50 يعني مايستاهل ! اضافة الى ان Core clock تنزل اهميته امام PixelPipelines

طبعا مااقدر اشرح لك فوائدها ! لاني اجهلها ! لكن الي اعرفه ان ارتفاع او انخافض PixelPipelines يأثر على اداء الكرت بشكل رهيب !

وبخصوص الحراره ! ياخي مافيه لا مشاكل حراره ولا شيئ ! خصوصا ان الكرت X1800 او 7800 ماتعاني من مشاكل حراره نهائيا ! غير اصلا ان الكرت يتحمل الى مافوق 100 درجه
يعني الي يقول لك حراره هذا لا تسمع منه ابد ~_^

وبخصوص الدرايفر
طبعا تعريف ! ويتحسن التعريف كل فتره بنزول العاب معينة ! يعني احيانا تنزل لعبه والكرت مايشغلها صح ! والسبب ان الكرت مايتوافق مع اللعبه بشكل جيد فيجي التعريف الخاص بالكرت ويعدل الاخطاء هذي !
هذي فائدة الاصدارات في التعريف ~_^ وللعلم كل شيئ فيه تعريف يحمل اصدارات وكل اصدار جديد يكون بالعادة افضل من القديم الا ما ندر ~_^

مشكور اخوي amajed على الشرح التفصيلي و ماقصرت

طيب بغيت استفسر عن بعض الالعاب اللي يقدر كرتي يشغلها بشكل ممتاز

لاني صراحه في بالي العاب قويه ابغى اجربها

و اهل الخبره ادرى مني في امكانية تشغيل هالكرت للالعاب و امكانياته ؟

عطوني كم لعبه يقدر يشغلها لاني بشتري اليوم بس خايف اشتري و تطيح في جبدي خصوصا انها اصليه

مو كوبي :biggthump

خخخخخ لا تخاف ما قلت مو عاجبني بس قلت لك تأكد انه ملائم لجهازك ....

وممكن اتقولنه انواع الالعاب الي تحبها ..؟


وشكرا ..

انت تبي ننصحك في العاب راح تحبها والا تبغى ننصحك بالعاب كرتك يقدر يشغلها ×_×؟
اذا على كرتك فهو يشغل كل الالعاب بدقه عالي
بس انت ابدأ مثلا بـ اعلى الخيارات واستخدم الرزلوشن 1600×1200 اذا واجهت تعليق قلل الرزلوشن الى 1280×1024 واذا واجهت تعليق نزل الرزلوشن الى 1024 × 768 وهكذا
يعني انت الادرى باعدادات العابك ~_^ لكن من ناحية التشغيل ماراح تواجه اي مشكله مع اي لعبه ~_^

مشكورين اخواني amajed , gentleman على الردود الحلوووه

لا الحمدلله شريت الجهاز لحاله و باقي القطع لحالها و كل شي ضبط مع كررت الشاشه

و حسيت بالفرق صراحه

انا بغيت استشيركم في العاب حلووه انتو مجربينها

طبعا انا من هواة الاستراتيجي لكن مايمنع اذا في اي لعبه حلوه مو استراتيجيه تنصحوني فيها

و ان شالله على كلامكم كرتي يشغلها و هالشي واثق منه بس لا تلوموني من كرت 32 الى هالكرت :D

الواحد مو مصدق الفرق

اول لعبة rise of nation الجزء الاول مااقدر اشغلها ؟؟؟؟

المهم انتظر نصايحكم في الالعاب

اقتباس:

---

المشاركة الأصلية كتبت بواسطة alhzeeen

مشكورين اخواني amajed , gentleman على الردود الحلوووه

لا الحمدلله شريت الجهاز لحاله و باقي القطع لحالها و كل شي ضبط مع كررت الشاشه

و حسيت بالفرق صراحه

انا بغيت استشيركم في العاب حلووه انتو مجربينها

طبعا انا من هواة الاستراتيجي لكن مايمنع اذا في اي لعبه حلوه مو استراتيجيه تنصحوني فيها

و ان شالله على كلامكم كرتي يشغلها و هالشي واثق منه بس لا تلوموني من كرت 32 الى هالكرت :D

الواحد مو مصدق الفرق

اول لعبة rise of nation الجزء الاول مااقدر اشغلها ؟؟؟؟

المهم انتظر نصايحكم في الالعاب

---

FPS Games
BF2 / F.E.A.R / DOOM3 / Riddick / Call of Duty 2 / Half-Life 2 / Far Cry / Quake 4

+++++++++++++++++++

Strategy
Age of Empires 3 / Rome Total War

++++++++++++++++++

Others
FIFA 06 / NFSMW / Prince of Persia the 2 thrones / The Sims 2

+++++++++++++++++++

هذه ألعاب الي كان لها ضجة كبيرة...
و هي ألعاب رائعة.. رائعة

تلاحظ أنا سميتلك أكثر شيء FPS ... ما أعرف اذا
تلعب FPS ... بس PC Games = FPS