تحياتي .. وشكرا لكل اللي دخل بالنقاش ! ..
حسين: بالنسبة للآية فالآية ممكن تفهم بأكثر من طريقة .. الحديث يمكن كان مع النبي بزمن النبوة .. بيحكي عن بداية الإسلام .. لو مش مصدق ان القرآن بيفهم بأكثر من طريقة راجع موضوع ابن باز وكروية الأرض ! ..
بعدين الموضوع مفتوح عن الرسالة !! بدك تعلق عالموضوع على الأقل اقرأ الموضوع الأساسي مش بس آخر كم رد !! .. لو ما قرأت اذكر انك ما قرأت ولما أطلب منك ترجع تقرأه اقرأه او ما تكمل حكي ..
ما طلبت منك تقرأ كتاب 600 صفحة .. كلها رسالة صغيرة ..
الدليل على ان كلامك خطأ وضعته بأكثر من مكان لكن انت مش حابب تتقبل ان في يهود عمبيشتغلو لقضيتنا بالوقت اللي انت ما عمبتعمل شي مفيد .. أرجو ما تكمل رد غير لما تقرأ اللي وضعتلك اياه احتراما لعقول الجميع ..
zero : بتمنى كمان تقرأ الرسالة .. وتقرأ ردودي على حسين .. مش مستعد أعيد كل الكلام ..
بس الموضوع مش موضوع تعامل بلطف مع اليهود .. الموضوع موضوع ادراك حقيقة بعضهم .. ادراك انهم ليسو كلهم وحوش .. جبت أمثلة عن هم كيف واقفين مع لبنان وحتى مع حزب الله "المقاومة اللبنانية" ضد اسرائيل بالرسالة !!
hod hod: عني وأعتقد زميلي norther ما قلنا "
اليهود منكسر خاطرهم على الفلسطينيين واللبنانين" بنقول "يهود منكسر خاطرهم .. وبيشتغلو لصالحنا .. بينشرو الوعي بالغرب عن همجية دولة اسرائيل وعن الكوارث الإنسانية بحق اللبنانيين والفلسطينيين" لو مستصعبة قراءة الرسالة فالرسالة بتوضح دعم المفكرين "2 منهم يهود" للمقاومة اللبنانية .. ووقوفهم مع الشعب اللبناني .. معارضتهم لجرائم اسرائيل بحق البشر ودولة لبنان .. ويا ريت تشوفي هذا
الموضوع ..
بعدين بأي حق بتقولي عن شعب كامل انهم أحقر خلق الله !!!!! .... أحقر خلق الله قدمو للعلم والبشرية الكثير الكثير ! .. اذا الواحد ولد من والدين يهوديين بس رافض للعدوان الإسرائيلي صار حقير وواحد مولود من والدين مسلمين بس داعم لاسرائيل مهما عملت بيصير انسان خير ؟!...
لوس: الموضوع فتح لعرض وجهة نظر أحد أهم مفكري القرن من اليهود .. ليس دفاعا بل لنقل جزئ من الصورة الحقيقية الخفية عن الكثيرين للأسف .. والمعارضات اليهودية مش أفراد فقط .. في جماعات كثيرة مثل Jews not Zionists"يهود ليسو صهاينة" .. وشخصيات يهودية مهمة جدا تتعارض مع سياسة دولة اسرائيل ..
hod hod مرة اخرى : :) .. الجيش تحركه الحكومة وبالتالي بنحكي عن الجيش لما نحكي عن دولة اسرائيل .. احنا ما بنقول في يهود بيفضلو العرب على اليهود "موجودين لكن قلال" بنتحدث عن يهود ما بيقبلو اللي بيصير باسمهم باسرائيل .. ما بيقبلو قتل المدنيين والأطفال سواء بفلسطين أو لبنان .. ولو مثل هاؤلاء موجودين ليش ننكر وجودهم ونرفض مساعدتهم !! مع ان
اصواتهم بتسمع بقوة أكبر بالغرب وباسرائيل أفضل ب20 مرة من أصواتنا !! بمعنى هم اللي بيجيبولنا دعم الشعوب اللي صعب نوصلها واللي شوه بعضنا عندهم صورتنا .. واليهود المرتاحين منهم Norman Finkelstein اللي امضى سنين بغزة مع عائلات فلسطينية حتى يكون عنده تجربة شخصية لما يحكي عن القضية الفلسطينية .. كيف هذا مرتاح ؟ .. راشيل كارول الأمريكية اللي ماتت تحت جرافة اسرائيلية وهي بتحاول توقف هدم منازل فلسطينية .. هي كيف مرتاحة ؟ ..
Peace.