أجل تبي تلعب حديد...البداية هنا : الجزء السادس : البروتين PROTEIN

يصراحة هو كله يعتمد على كمية استعمال عضلاتك للبروتين الذي تستهلكه
الضرر الوحيد الي يمكن يجيك هو تحول البروتين الزائد إلى الدهون
وهناك بعض الأطباء الذين يقولون أخذ جرعات كبيرة من البروتين يسيء للمعدة ولكن كثير من لاعبي الحديد لم يصبهم أي شيء

شكرا..والسلام

يااااااااااااااااااحبي لك ياشيييييييييييخ

والله قريت مواضيعك كلها واستفدت منها بشكل مو طبيعي حتى الردود كلها قريتها

دامك تقرا ردي تعال اعلمك انا وش ابي خخخخ

شوف يالحبيب..
انا محشش نت وزني وصل 84 واحس كل جسمي ترهل ماصرت اتحرك ولا اروح مكان ابد عمري 23 طولي ما ادري اخبهر حول ال176

مشكلتي جسمي صاير زي حرف الاس بالانقليزي S خخخخ كرهته من قلب صاير كني بطه لا بدله اقدر البسها ولا بنطلون يجي مقاسي <= يعاني

زبدة الهرج انا مابي عضلات ولابي اصير عصل

ابي جسم طبيعي عادي متوازن سليم البنيه (الظاهر اللياقه تناسبني)

اكلي كله رز ولحم بدون خضار ولا حتى فاكهه

=================================
اللي سويته خلال 3 ايام
الاكل:
اللحم ماصرت اقربه ابد
صرت اكل خضار فجل وبصل وسلطة خضار مع رز
الصبح افطر على بيض وخبز بر مع فول


التمرين:
صرت اركض بغرفتي خخخخ مو من كبرها بس اركض من زاوية لزاوية يعني 7 امتار رايح جاي 20 مره سريعه
بعدين اسوي تمارين مشكّله للرجل ادور الاماكن اللي فيها شحم فخوذي والورك واحاول اتعبهم
بعدين اجي اسوي تمرين البطن المعروف امبطح على ظهري وارفع بطني ورجولي تكون على شكل مثلث اسويها 50 مره بعدين اجري على سيكل التمرين اجري عليه وانا واقف (جهازي نوعه يسمحلي اتمرن على الجهاز وانا واقف) اجري تقريبا 500 دورة تاخذها رجولي الثنتين يعني 1000 كلهم مع بعض وبعد ما اخلص من السيكل ارجع على طول اسوي تمرين البطن 50 مره وتمارين اضافية وانا على بطني زي مثلا ارفع رجليني على جمب 50 مره لكل رجل وارفع راسي واحرك رجولي بالهوا 50 مره..التمارين هاذي كل يوم اسويها بس ما اعرق كثير يمكن عشان البرد

شي اخر ابي اضيفه الحين ذولي حقين كمال الاجسام معقوله اجسامهم مافيها شعر ياخوك ماعمري شفت واحد معضل بصدره شعر..يحلقونها؟؟؟ نتف والا موس والا وش لا يكون ليزر بس الله يخلي عيادة ديرما اجل خخخخ

هذا مختصري وانت قريته عاد ابي رايك قسمن كاره جسمي ما اطيقه ابي احرقه انتفه نت مابي عضلات ابي اشد بس وابي البنطلون يدخل فيني ياشيخ <=== خخخخخخ رحمتك

وش تنصحني اجري والا وش اسوي يقولون الجري يكفي طيب يعني لو اجري كل يوم نص ساعه والا ساعه يكفيني من التمارين اللي جالس اسويها؟

ويعطيك العافيه مقدما

الصرقعاني

أخوي الصرقعاني :
أنا مواضيعي حقت حديد
انت هدفك تنقص وزن ، بساعد بس أبي أستأسف مقدما إذا ما قدرت أساعدك زين

والله أول ما قريت محشش قلت شكله ذا مع صاروخ الحين :p

أوكي أجل وزنك 84 كيلو ، وطولك 176 .
ال BMI حقك هو 27.1
واحد مع نفس مواصفاتك لازم يكون ال BMI حقه بين 18.5 و 24.9 .
انت هدفك تنقيص الوزن.

لازم تركز على هالأشياء :
1) تقليل الكمية المحتاجة من السعرات الحرارية ، الرجال يحتاج من 2000 إلى 3000 سعرات حرارية في اليوم .
يعني عشان تنقص وزنك ، خل الحد 2000 أو 1500 لو أحسن .

2) لياقة/رياضة : هنا مب لازم أشرح ، بس أهم شيء إنك تعرق وتشد على نفسك ، أنا أنصحك بالجري كل خمس أيام متتالية في الأسبوع ( حط نفسك أيام راحة ;) ) . ولا تمشى أو تركض ، هرول ، نص ساعة كل يوم .
أول يوم بيكون صعب ، حط نفسك راحة كل 5 دقايق أو 10 دقايق ( باين عليك رجال يستحمل ما شاء الله ) . وبعدين إن شاء الله مع الأيام تتعود .

نرجع للتغذية ، ابعد عن الرز ( لأن فيه زيت ) ، حول إلى حليب منزوع الدسم ، كل 3 وجبات في اليوم ( لا تسحب على أي وجبة ) ، ركز على الأكل الي فيه كاربوهيدرات معقد عشان يخليك شبعان طول اليوم . ركز عالخضروات ولا تكثر من الفواكهة . والتمر لا تكثر منه أو أحسنلك توقف عنه لأن فيه سكريات كثير . انسى البيبسي ( خذ diet لو تبي ) ، انسى الحلويات ، انسى mac و burger king .

شكرا...والسلام

أخي المبدع
VaSh ThE sTaMpEdE

أريد نصيحتك لي

،ا أريد العب حديد لتكوين جسم مشدود وليس ضخم
وهوه بعض المعلومات عني

الطول 178 سم الوزن 54 كجم ( وزن ريشة) العمر 24سنة

بصراحة أكلي قليل وجبتين في اليوم تكفيني

ماذا تشير علي للبداية الصحيحة هل ،اخذ واي بروتين مع التمارين أو نأخذ منتج آخر يساعد في زيادة الوزن


وجزاك الله خير مقدما

هلا أخوي
بالنسبة لك
انت حاليا وزنك 54 كجم ( وأظن إن كمية الدهون في جسمك قليلة )
والمشكلة انت تبي جسم مشدود مب ضخم

أوكي أجل لازم ترفع وزنك 10 كجم ( عضلات مب دهون ولا شيء ثاني )

يعني ركز على المنتجات في زيادة الوزن whey protein بعد التمرين وركز على
وما أنصحك بعمل اللياقة إلا لو شفت الدهون تزداد في جسمك

وخلك على هالنظام لين حد معين .

ملاحظة : تراي مني متأكد من هالمعلومات ، بسأل عنها وأرجعلك

شكرا...والسلام

أنا في إنتظارك ..... أخي

يعني أستخدم الواي بروتين فقط مع بداية التمرين أو بعد ثلاثة شهور من التدريب

لا يالحبيب من الحين ابدا استخدم ال whey protein
وبالنسبة للمنتجات الي تزيد الوزن عندك مثل smart gainer
والشيء الحلو في المنتجات هذي إنها معظمها يتكون من carbs معقد وبروتين . اختارلك نوع وركز عليك.

أخي العزيز VaSh ThE sTaMpEdE

بصراحة أنا احترت بين عدة انواع من البروتينات مثل

1) ميغا ماس 2000 أو 4000 من شركة GNC وهل يفرق مع الواي بروتين ويقولو انه فيها نسبة دهون

2) مايو بلكس MAYO PLEX من شركة EAS وفيها 42جرام بروتين يقولو احسن من الميغا ماس

وهذا رابط للمنتجين http://www.gnc.com.sa/index_files/arabic/sports.htm

وإلا هناك نوع أفضل منهم ؟؟؟؟؟؟؟؟؟ أتمنى أن تذكره ( مع طريقة استعماله )


أرجو منك الافادة مع العلم أني أريد منتج موجود في السعودية

وأنه كما ذكرت لكم جسمي نحيف ونحتاج 14 كجم حتى يصبح الوزن مثالي



معليش أخوي زودتها معاك بس ( أنت كريم و نحن نستاهل ):D

اقتباس:

---

معليش أخوي زودتها معاك بس ( أنت كريم و نحن نستاهل ):D

---

شدعوة يا رجال اسئل واسئل لين ما تشبع حنا هنا نساعد بعض

أوكي بالنسبة للأسئلة :

1)
- المنتج mega mass 2000 هذا مخلوط بروتين يحتوي على فيتامينات و عناصر مهمة وبروتين وجلاتومين ومضادات أكسدة ، يفيد في تزويد الجسم بالعضلات وتقليل الدهون ،
- المنتج mega mass 4000 نفسه بس يحتوي على مواد أكثر وهدفه زيادة الوزن ( فيه carbohydrate ) .
4000 سعرية حرارية في الوجبة الوحدة ، أوف :wow: ، بس زين إذا انت نحيف ;)

2) المنتج mayo plex مخلوط بروتيني أيضا

بس بصراحة يخوي هذي معلومات عامة لو كان في الإرشادات كان أحسن
بالنسبة لوين تلاقيها في السعودية والله مدري ، هي المشكلة إني مب ساكن في السعودية ( حاليا فقط :biggthump )

أخي VaSh ThE sTaMpEdE

هذا رابط خاص بمحتويات المنتج مايو بلكس وحصلته في محلات ( gnc)
(أعطيني رأيك فيه ينفع وإلا هناك أحسن منه تنصحني فيه )


http://register.eas.com/OA_HTML/ibeC...&section=10027

ودمتم سالمين

مشكور يالحبيب على الرابط
أنا قريت الإرشادات
هذا منتج تاخذه بعد التمرين ، وفيه نسبة عالية من البروتين لبناء العضلات
تستخدمه 3 مرات في اليوم ، اخطله مع كوبين مويا أو حليب .
بس المشكلة غالي جدا وعدد الواجبات الي فيه قليلة
أنصحك تستخدم منتج آخر

شكرا...والسلام

السلام عليكم

كيف نرفع الصور الى المنتدى اخوك ابو مهدي

وينك اخوي vashنشاء الله بالخير اخوك ابو مهدي zaki_01Z@hotmail.com

يالحبيب هد أعصابك وقلي وش سؤالك

سلام