بطولة الإمارات في ستريت فايتر 3 ثيرد سترايك

السلام عليكم
طبعا تغير نك نيمي من xxQxx and momentum
الى DieoXiN
حبيت احط لكم نك نيمات المشتركين
1 - Rizu
2 - MZL
3- DieoXiN
4 - KenShiN
5 - Scoobi
6 - Tareq
7 - Black - Berserker
8 - Arkive
9 - Shin Goku
10 - Gambit
11 - Thani
12 - A.Z
13 - Jaber
14 - Mhd Mahmood
15 - Furqan
16 - Alucard
17 - Shin Akuma
18 - Spark
19 - Lee
20 - Fahad-NMX
21 - Yom3a
22 - T Bone
23 - Sultan Jackson
24 - Ken - Alzaabi
25 - Bin - Classic
26 - D3
27 - Xfire
28 - K. Obaid
29 - Kiser
30 - Envy Mask

و في اخوان كانو مشتركين بس طلعت لهم ظروف و قالو مايرومون يلعبون و ان شاء الله المره اليايه يشاركونا و يتواجدون ويانه :)
ان شاء الله لو الدوري نجح ان شاء الله نلقى سبونسر و يكون للدوري اسم و icon و جهه اعلانيه تساندنا :)
حياكم الله

اقتباس:

---

ان شاء الله لو الدوري نجح ان شاء الله نلقى سبونسر و يكون للدوري اسم و icon و جهه اعلانيه تساندنا :)

---

آمين ،،،
------------


من الاسامي مبين ان اللاعبين غير طبيعيين ،،، الله يستر شكلي بنشات من اول جولة !

قاعد ادور قفاز لليد ---------->>> متعود احط غترة على الجهاز XD


-------------------------------

شكرا للاخوان القائمين على البطولة وعلى جهودهم ....

والله الموفق :)

هههههههههههههه عاد حرام عليك غتره عاليد جي بتكون ظلمت الغتره بيشكتي عليك عقب :P
ماعليك ماعليك ان شاء الله تفوز فالدوري و تكون في المرتبه الاولى :)

:أفكر:

اقتباس:

---

المشاركة الأصلية كتبت بواسطة evil-kusanagi

ما تنسى تسجل مبارياتك . عشان اشوف اوكما بتاعك زي اكوما حقي. هههههههههههههههههه

---

حاضرين ....أكوما الي عندي مسكين وفقير على نياته...لاتنسى إنه كبير في السن :أفكر: مين يدري يمكن يكون أقل عن الي عندك بكثير...طالما مافي فيديو فما نقدر نحكم :D

اقتباس:

---

MoMeNTuM
ان شاء الله لو الدوري نجح ان شاء الله نلقى سبونسر و يكون للدوري اسم و icon و جهه اعلانيه تساندنا :)
حياكم الله

---

جميل التفاؤل....نتمنى إنه هالشي يصير...وحتى لو ماصارت...عشان ثيرد سترايك لو الشباب يبون دوري نسويه لو في المريخ حتى ;)

ممممم متحمس ألعب مع envymask لأنه يدوخني ب إيبوكي ف بشوف إذا حصلت حل لهالمشاكسة أو لا

+
Shin Akuma
من الإسم شكله يلعب ب أكوما....شكله بيطلع وحش وهذا المطلوب...كل مازاد المستوى كل مازادت المنافسة


ألوكارد.....

غترة!! يا ريال قول وزار هذا متعودين عليه لاستخداماته المتعددة :09: يعني يقولون له سبع استخدامات ومنها البرشمة :أفكر: عالعموم موفقين إن شاء الله والمهم من البطولة إنه نسوي community للعبه ولعيبة ثيرد سترايك يتعرفوا على بعض ونقدر نفيد ونستفيد وعلى الأقل الناس تعرف إنه في ناس تلعب اللعبه في الدولة ويعرفون كيف يلعبونها صح :)

هلا هلا اخونا بلاك يالله شكلك تدربت عدل اما انا كل تركيزي و تدريباتي على الباري الله يعين بس شو بيستوي
و بعد envy mask ماشاءالله عليه منافس كبير و شكلي انا وياك بنتكفخ منه :P

الله يوفق اليميع ان شاء الله

ما تنخضع بالالقاب.هههههههههههههه
انا عن نفسي ادخل اي بطولة باسمي الشخصي Zouni . و كثير منهم اساميهم اكبر منهم.
هيا الوكارد خليني افتخر فيك.
اكوما بتاعي ها هو . بس لاحظ وصلت لنهائي بس كما العدة اهزم . ههههههههههههه
http://www.youtube.com/watch?v=nggKAGbu8lE

احسن Ibuki في المغرب .
http://www.youtube.com/watch?v=eyc2fKGvrzY

ايفل ...

شفت مباراة من مبارياتك ضد يورين ...

ماشاء الله عليك ضاغط علييه من البداية الى النهاية ....


بس حبيت استفسر كيف تتجنب حركة يورين يوم يعمل الدفلكتر ويحاصرك ؟؟؟!!!

لاني شفت في مباراتك انك عامل بلوك في الكل الجهات !!

هل تعمل بلوك للامام والخلف بسرعة ؟!!

************************************

انا تعقدت من يورين بسبة هاذي الحركة !!!

بس كم من مرة قدرت اهرب منها ...

1: اعمل باري لضربة واحدة وعلى طول back +l.p+l.k
2 : ارمي الخصم بسرعة للخلف اذا تأخر في توقيته ..

بس اظن في البطولة ماحد بتأخر في توقيته ...يعني مافي فرصة ...

******************************

لعبك بأكوما ممتاز وخاصة في الشوط الاول ....لكن الشوط الثاني والثالث الخصم ضيّق عليك ، فكنت دفاعي اكثر من هجومي ....

ان شاء الله في المستقبل تفوز بالبطولة :)

ان شاء الله تحقق ما عجزت عنه.
اما يورين اعمل باري احسن لك . و ضيق عليه الخناق و اجعله في موقع دفاعي .
نوع من حركاتك و لا تقفز معه بدون تفكير .
بس يوريين اللي لعبت معاه ممتاز . لا اظن ان الكثير يملك مهاراته.
بس ممكن . خليك حذر
اعمل خطتي في البطولات .قبل ما تبدئ تكون تسخينات. لا تلعب بشخصيتك و قم باختيار شخصية اخرى.
حتى تاخذ فكرة عن لعب خصمك. و هو لا يدري انها ليست شخصيتك.
او اذا اردت اللعب بها . اختر شخصيتك و لكن وسط شخصيات اخرى.

اقتباس:

---

المشاركة الأصلية كتبت بواسطة evil-kusanagi

ان شاء الله تحقق ما عجزت عنه.
اما يورين اعمل باري احسن لك . و ضيق عليه الخناق و اجعله في موقع دفاعي .
نوع من حركاتك و لا تقفز معه بدون تفكير .
بس يوريين اللي لعبت معاه ممتاز . لا اظن ان الكثير يملك مهاراته.
بس ممكن . خليك حذر
اعمل خطتي في البطولات .قبل ما تبدئ تكون تسخينات. لا تلعب بشخصيتك و قم باختيار شخصية اخرى.
حتى تاخذ فكرة عن لعب خصمك. و هو لا يدري انها ليست شخصيتك.
او اذا اردت اللعب بها . اختر شخصيتك و لكن وسط شخصيات اخرى.

---

في هالبطولة يمكن يكون فيه 2 أو 3 لكن RogerM مابيكون موجود وهو يعتبر أفضل يوريين في الإمارات فنصيحة للبطولة لاتركزون على الريفليكتور...لو واحد حريف صح ب يوريين وعمل ال Unblockables صح فصعبه جدا...لكن للمهتمين فيه فيديو شفته من فتره وبحاول أطبق الي فيه بعد البطولة...لو تلعب ب أكوما استخدم teleport على طول وتقدر تشرد أو لو تقدر parry لاول ضربة وشوريو....عالعموم هذا الفيديو



ممممم استراتيجيات....مب لهالدرجة :أفكر:...يعني صح الواحد يريد يفوز بس تمويه وكذا...عالعموم كل واحد حر...:ponder:

شكرا ايفل على النصيحة ....

اخوي بلاك شكرا على الفيديو ....

بس السؤال كيف يعملون بلوك لكل الجهات نفس 1:06 ؟؟!!

اقتباس:

---

المشاركة الأصلية كتبت بواسطة Alucard.4.ever

شكرا ايفل على النصيحة ....

اخوي بلاك شكرا على الفيديو ....

بس السؤال كيف يعملون بلوك لكل الجهات نفس 1:06 ؟؟!!

---

اسمحولنا شكله فيه لعيبة يوريين يستخدمون ال Aegis ...

بالنسبة للكيف لازم تجربها في التدريب...وجرب اعكس الجهة وانت تصد...الاختلاف في الاتجاه الي تصد فيه....يمكن 3 لليمين و 3 لليسار...جرب في التدريب أحسن وإن شاء الله تضبط...المشكلة مشغول اليوم وإلا كنت جربتها بنفسي وخبرتك...السموحه...إن شاء الله بعد البطولة نشوف سالفتها...

جربنا البروجكتور والأشياء الثانية..الحمدلله كل شي مضبوط...نفكر البطولة الجاية يمكن بعد 6 شهور كحد أقصى...

خلصت البطولة الساعة 12 ونص تقريبا....طولنا لأنه بدينا متأخرين بعد صلاة المغرب

المراكز الخمس الأولى من الأول إلى الخامس:

Rizu (تلميذي النجيب) :D
Forquan
Lee
Gambit
Black_Berserker

خسرت من Rizu :أفكر: ...طبعا بتلاحظون إنه المستوى مقبول وبدى يرتفع على آخر مباريات والسبب بسيط أول مرة نجرب هالبطولة وتوتر مب طبيعي...ريزو في البداية كان متوتر كثير لكن بعد مباراتين خلاص صار كول ويلعب استمتاع وماعنده مشكلة في الكارا أو الريد باري....لكن الثانيين ومنهم أنا كنا متوترين...بس يستاهل البطولة

طبعا البطولة مليئة بالأخطاء وحاولنا نتداركها... اقتراحاتي بحطها بكره إن شاء الله...والشباب الي حضروا لو في أي شي ممكن نحسنه للبطولة القادمة خبرونه من الحين...ك موعد أولي نفكر نسويها بعد 6 شهور...لكن لو الشباب طلبوا يمكن نقدمها ونخليها كل 3 شهور....يعني في السنة 4 مرات

الشباب الي حضروا وشاركوا....مشكورين والله وماقصرتوا واسمحولنا على القصور وإن شاء الله موعدنا البطولة القادمة

السلام عليكم
الحمدلله البطوله مشت على خير و كل شي كان تمام و الحمدلله من الابتسامات تبين ان البطوله كانت حلوه ^_^
و ان شاء الله الكل يشد حيله طبعا نتمى ان نلقى لعيبه اكثر عشان مره ثانيه نسوي دوري اكبر و نبا الشباب يتدربون و يشدون حيلهم عسبت الدوري الياي يكون اقوا ^_^
و الف مبروك اخونا ريزو :P طبعا انا طلعت فالمرتبه السادسه لو انا مب غلطان
و ماشاءالله اخواننا بدعو الصراحه :)
و اقتراحي ان الدوري يكون كل 3 شهور لان كل 6 شهور وايد كل 3 شهور الواحد ما بيدور اللعبه و بيتم يلعبها و يتدرب اما 6 شهور عادي يكون تدرب اول شهر و عقب ينشغل و يوقف و ما يلعب و عقب مستواه يطيح ف الافضل انه يكون كل 3 شهور :) و ان شاء الله نتلاقى في البطوله اليايه
و مثل ما قال اخونا لو في اي اقتراح عن الدوري خبورنا اياه عسبت نحسن البطوله :)
و حياكم الله :)

هارد لاك اخي برايكرز. تلميذك غلبك.ههههه
على العموم ملحوقة. اتمنى لكم التوفيق .ان شاء الله تكون سجلت لنا المباريات . متشوق ارى اكوما بتاعك.
المهم انا سعيد لان البطولة مرت بسلام. هنيئا لكم . و الى الامام بحول الله.
قريبا بطولة المغرب في العاب القتال . ان شاء الله احصل ابطولة المرة القادمة بس مش في الثيرد سترايك في الكوف
اصل الثيرد مش معمول في البطولة.
المهم مرة اخرى هنيئا لمك و ممتاز بلاك المرتبة الخامسة جيدة بالنظر الى عدد المشاركين.