[ الموضوع الرسمي ] FINAL FANTASY XIII - Japanese Version

^
^

مبروك شباب على الي اخذ النسخة اليابانية

لكن ايش انطباعتكم عن الجيم بلاي ؟؟؟؟

بالنسبه للعبه انا اقول انها افضل لعبة ار بي جي نزلت على البلايستيشن 3 وستكون الافضل . جربتها وانطباعي عنها هو انها 10 من 10 بالراحه ^ . ^ . اسلوب قتال رهيب والرسومات اقدر اقول عنها افضل لعبة على البلايستيشن 3 في الجرافكس , غير كذا المؤثرات والاصوات وغير وغير ... هذا رأي واقول ان العبه مو غريبه انباع لها اكثر من مليون و500 الف نسخه في 3 ايام تقريبا .

كل هذا دفاع عن حلا ؟؟

لو انه درو صاحب الموضوع كان سمعنا اصوات رياح لووول


بس بصراحه يا محب ننتندو مالك حق تقول الموضوع فاشل كانك قاعد تتهجم عاللعبه وعشاقها كلهم اللي هم اخوانك المسلمين , بكل اختصار

لو حد جايك بموضوع breath of fire وسب اللعبه والموضوع وكل محبيها عادي عندك ؟؟

تم حذف جميع الردود الخارجه عن مسار الموضوع
اتمنى ما تحصل جدالات اّخرى من هذا القبيل ..

(( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ))

nintendo lover1

اخوي انا اكثر شخص يحب حرية الرأي و ان الشخص يعطي نظرته الخاصه بحريه بدون ما احد يتحكم فيه , فـ ما نختلف من هذي الناحيه :) , لكن نجي للجانب الثاني حرية الرأي ما تكون على حساب الشخص و تحسسه با النقص رغم انه عمل حاجه لك و لي و لغيرنا .. بس مجرد كلمه منك بدون ما تدلل عليه و تجيب اشياء واضحه ليه انت حكمت عليه با انه فاشل ؟ , مجرد انك ما تقدر تثبت كلامك با اول رد لك معناته اتوقع ما تقدر تعمل موضوع بمعلومات متابعينها من سنوات و تصاميم خاصه للموضوع .. 16 عضو ضغطو على زر الشكر منهم مراقبين و اعضاء مميزين و اعضاء معروفين في هذا القسم و غيره على انه اعجبهم .. فهل فعلا شكرو الموضوع و هو فاشل :) ؟ , اترك لك الجواب ربما انت رأيك ارقى منهم ... و كمان اللعبه فاشله ؟ , مشروع معلن عنه من 2006 و سبب ضجه با انفكاك حصريته في معرض E3 ولا لعبه غيرها سبب هذي الضجه و منفق عليه مبلغ و قدره و اللعبه تكون فاشله و هي جامعه بين مصممي اجزاء FINAL FANTASY القدماء و منهم فريق Versus XIII لهدف اسراع اصدراها بمظهر ممتاز و مبيعات كبيره للعبه و انطباعات لا زالت ايجابيه في مواقع اجنبيه و تقييم من فايمستو 39 / 40 درجه واحده عن البيرفكت و تكون فاشله ؟ , فيه فرق حبيبي بين الفشل وانها ما ناسبت ذوقك , مثلا انا ما احب FFXII لكن ما اعتبرها فاشله اللعبه قويه لكنها ما تناسب ذوقي , لكن FFFXIII تعتبر اول اصدار من السلسله للجيل الجديد و لحد الآن ما شفنا شي سلبي واضح فعلا في اللعبه فـ ليه نهتم فيها و موضوع المستجدات وصل فوق 100 صفحه ما دام انها فعلا فاشله ؟ , فا ارجو منك انك تفكر قبل ما تكتب الرد بكلمات مناسبه تناسب رأيك المقصود لأنها راح تساعدك في التعبير :)

و كمان حبيت اقولك حاجه تعجبك ان شاء الله إذا كنت متابع لقسم FINAL FANTASY .. انا الي قلت لـ حلا كويتيه تعمل موضوع صغير ولا تكثف للمعلومات و الصور , موضوع يمشي حال الي اشترو النسخه اليابانيه , اما موضوعها الأساسي والي انا و المراقبه حلا محتفظين با الأفكار و المعلومات و معانا فريق كامل راح يساعدونا فيه ان شاء الله و ما يقصرو و اعضاء ايضا من الـ montada و فريق المواضيع الرسميه في montada.com راح نضعها في موضوع من اوله إلى آخره ان شاء الله تصاميم و معلومات تليق با اللعبه وقتها خليني اشوف ردك هناك و رأيك ... او تدري انا استبق الأحداث و احس فيها .. ما راح تقدر ترد و تقول الموضوع رائع و نفس الوقت ما راح تتجرأ و تقول عنه فاشل ,,

با التوفيق لك اخوي nintendo lover1 ;) ,,

اقتباس:

---

لو انه درو صاحب الموضوع كان سمعنا اصوات رياح لووول

---

خخخ سمعت اصوات الرياح و خلصت P: , و ترى هنا انا اقول الحق مو دفاع بدون معنى الي قلته انا حاس فيه , وانت كمان كينج اتذكر قد دافعنا عنك لأنك عضو و النعم فيه :D

.
.

- ملاحظه -

رد زياده بعد ردي بخصوص هذا الأمر راح يحذف , طريقه رد مو مناسبه راح يتم التعامل معها ! ولا راح يكون الحذف هو الحل الوحيد وقتها

.
.

اتمنى يرجع الموضوع لأتجاهه الأساسي ولا مانع تكتب رأيك بخصوص اللعبه او الموضوع و تنقد لأن ما فيه شي كامل في حياتنا , لكن بشكل معقول على الأقل :ponder:

اقتباس:

---

بالنسبه للعبه انا اقول انها افضل لعبة ار بي جي نزلت على البلايستيشن 3 وستكون الافضل . جربتها وانطباعي عنها هو انها 10 من 10 بالراحه ^ . ^ . اسلوب قتال رهيب والرسومات اقدر اقول عنها افضل لعبة على البلايستيشن 3 في الجرافكس , غير كذا المؤثرات والاصوات وغير وغير ... هذا رأي واقول ان العبه مو غريبه انباع لها اكثر من مليون و500 الف نسخه في 3 ايام تقريبا .

---

واو ماشاء الله عليك على طول قيمت اللعبة 10/10 http://www.montada.com/images/smilies/biggrin.gif

اللعبة شكلها فعلا نازلة بدون سلبيات ^_^
من ناحيتي بلعب الأنجليزية لاني اعاني في اليابانية

اقتباس:

---

بالنسبه للعبه انا اقول انها افضل لعبة ار بي جي نزلت على البلايستيشن 3 وستكون الافضل . جربتها وانطباعي عنها هو انها 10 من 10 بالراحه ^ . ^ . اسلوب قتال رهيب والرسومات اقدر اقول عنها افضل لعبة على البلايستيشن 3 في الجرافكس , غير كذا المؤثرات والاصوات وغير وغير ... هذا رأي واقول ان العبه مو غريبه انباع لها اكثر من مليون و500 الف نسخه في 3 ايام تقريبا .

---

ما شاء الله

كلامك يبشر عن الخبر عن اللعبة

في انتظار النسخة الانجليزية على احر من الجمر

كما عودناكم:09:
انهيت اللعبة ب3 أيام :biggthump
now its mission time
(thnx odin u saved my arz :D)

Guilty ! , nice to see u again

و مبروك ما شاء الله عليك انت افضل لاعب يلعب الـ RPG الياباني :fing02: , طيب لو على الأقل انطباعاتك عن اللعبه لو سمحت :irked: <- متحمس P:

اقتباس:

---

المشاركة الأصلية كتبت بواسطة Guilty Gear X

انهيت اللعبة ب3 أيام :biggthump
(thnx odin u saved my arz :D)

---

:wow:
3 ايام بس
:33:في كم ساعة يعني ؟
انا الأر بي جي الي لعبتهم اطول فيهم يعني اقل شي اسبوع وانا فاضي حدي :D
فعلا وقت عجيب :bigeyes:

انزين ويش رايك في اللعبة ؟ جم تقييمك ؟

جلتي..
اهم شي القصة.. القصة كيف.. ما اريد اشوف قصة كقصة فف12 وبطل ماله خص بالقصة من اوله لاخره!

ومبروك عليك التختيمة.. ها كيف التروفيز.. يباله شغل ولا لا (&)


بالنسبة لباقي الاعضاء اللي شروا اللعبة (النسخة اليابانية)
مب تقليل ولا شي.. بس ليش تلعبون النسخة اليابانية وانتو بالاساس ما تعرفون ياباني.. يعني بس مشاهدة اللعبة والسلام؟!!

اقتباس:

---

المشاركة الأصلية كتبت بواسطة باري بارتن

:wow:
3 ايام بس
:33:في كم ساعة يعني ؟
انا الأر بي جي الي لعبتهم اطول فيهم يعني اقل شي اسبوع وانا فاضي حدي :D
فعلا وقت عجيب :bigeyes:

انزين ويش رايك في اللعبة ؟ جم تقييمك ؟

---

الصراحة اللعبة حلوة.
تقييمي كلاتي

قصة
8 من 10
ما أحب اخرب عليكم شي ، لكن طريقتهم في سرد القصة تمام
بمعنا ثاني كل شوي راح يكون فيه حوار بالضبط كانك تشاهد فلم
بداية اللعبة راح يتكلمون عن كل شخصية و قصتها بالبطيء character devolopment
طبعا هذا أول مرة اشوفه بفف
هما شوي مبالغين بالدراما والنهاية راح تحبس انفاسك و ترضيك...نوعا ما

gameplay
9 من 10
اوكي
اللعبة ببساطة عبارة عن خليط من فف10 و 12
فف10 بالاماكن و طريقة التنقل
اللعبة مافيها لا مدينة ولا قرية
هذا يعني عدم وجود محلات متخصصة : في عالم التكلنوجيا تلقى كل شي في مكان التسجيل:D
فف12 بالقتال ، و طريقتة ولكن مع بعض التحسينات و أسرع (الشرح يطول)
منو يتذكر الوحوش الي بالmissions بالFF12؟ شكثر مزعجين؟ في منهم هني
و في وحوش المخرج يمل و يذبحك :biggthump
من البداية لي نص اللعبة سهل . بعدها تبدي الصجية...

الجرافيك
11 من 10:biggthump
الجرافيك لا يعلى عليه
قوي بشكل مو طبيعي
والله اني بعض المرات ما ادري اذا الي اشوفة فلم سيجي ولا جيم بلاي:D

الموسيقة
7 من 10
في اغاني تمام و في اغاني اي شي. اكيد يوماتسو مو هني:09:

Replay value
coming soon :09:

انهيت اللعبه ب38 ساعة
هذا وانا حد الدوس
اللعبة مافي اللغاز
واهي super linear
لكن في مكان عملاق باللعبة مثل فف10 تلقى فيه الي تبيه الي ما تبيه
اللعبة فيها missions مثل فف12
اذا خسرت باللعبة ما تعيد من أول اللعبة او التخزين لكن يمكن أن تعمل retry وتبدي القتال من أول
و أكثر شيء راح يزعجم هو عدم القدرة على تغيير الشخصية بالقتال . واذا الشخصية التي انت تتحكم فيها ماتت يعني GAME OOOOOVER :D.....أقصد retry :09:

..

السلام عليكم ورحمة الله وبركاته

انا اسف لأني حطيت السؤال قبل كذا في غير محله

لكن حقيقه انا من السعوديه وناوي اجي للكويت هاليومين زياره

وانا من مدمنين فاينال فانتسي 10 و12 كلهم ختمتهم ياباني

ومتحمس اخذ 13 يابانيه لكن لو تفيدوننا من وين نقدر نشريها ولكم الشكر الجزيل ...

..

^^^
اخوي جلتي بعض الاسئلة
اللعبة صج لينير ؟ يعني ابدا ما في مجال للاستكشاف ؟؟ اذا لعبت انترنال سوناتا هل هي نفس الشي من ناحية ان اللعبة مستقيمة بدون استكشاف؟؟
واذا انهيت اللعبة في اوبشن New Game + او شي من هالقبيل؟؟
المهمات الجانبية كثيرة؟؟

والله اللعبه شكلها قويه و حلوه وبترد أمجاد فاينل فانتسي