مبيعات Final Fantasy XIII تصل إلى 1.2 مليون نسخه في اول اسبوع عالمياً

مرحبا,

شكرا على الخبرية ;) الغريب ان الأجزاء الأليمة (العجيبة) القديمة كلها ماحصلت مبيعات كثر هذا الجزء مدري ليه علما ان الجيم more as devil may cry than an RPG as we all know

لكن حبيت اذكر الكل بتاريخ سكوير اينكس المالي, فيه غلطات كثيرة حاولت الشركة تسويها بعدما اندمجت من عام 2004 إلى اللحين, الهدف من التحركات اللي سوتها سكوير هي التوسّع التجاري بما انها اصبحت من اكبر المعالم في تاريخ ألعاب الـ RPG. زي ماانتم عارفين كيف خسرت قدام Tecmo لما حاولت تشتري 30% من اسهمها وبرضوا ماادري ليش اللحين اشترت Eidos علما ان الشركة خلقة فاشلة مقارنة بكبرى الشركات (مجرد رأي شخصي, معجبين تومب رايدر وهت مان لا تطبون عليّ -.-")

انا اعتقد بـ رأيي الشخصي راح نشوف العاب اسوء من سابقها وراح نستمر نشوف هالشيء لطالما ان الإقتصاد سيء, لأن هدف الشركة حاليا مش انها تتميّز وتبني أسم قوي ونظام غريب ورسوم جبارة وقصة تشدك اكثر من 80 ساعة بغض النظر عن الأسرار اللي ماتقدر تنتظر تفتحها ووحوش الإستدعاء (الغير آلية -.-"). هدف الشركة الآن هو انها تحصل اكبر قدر ممكن من الأموال جراء لإصلاح المشاكل الكبيرة اللي سوتها الشركة سابقا وبرضوا علشان تضمن مش بس لعيبة الـ RPG انهم يكملوا لعب, بل تجبر الشعب المحب للأكشن انه ينظم لقاعدة المعجبين بالسلسلة. لذا اصدروا لعبة فاينل فانتسي كـ لعبة محايدة تجمع بين الأكشن الغير منتهي (علما ان القصة غير مفهومة ابدا واغلبها كتابة في الـ Datalog) ومليانه ثغرات تضطر تسأل نفسك وانت تلعبها مليون مرة " وش اللي قاعد يصير؟! "

أعتذر من عشاق السلسلة, لكن كـ شخص عاشق للسلسلة ويملك كل مااصدرته شركة Squaresoft و Square Enix محليا ً وعالميا ً. أنا خاب ضني بـ الشركة. أتمنى يركزون على إبهارنا نحن المعجبين أكثر من إبهار رئيس الشركة كم تستطيع الشركة ان تجني في السنة ؟!