اللي حاب يسوي صالة بالبيت .. الأجهزة + الأسعار + تنبيه مهم جداً

انا عندي نفس الجهاز الثاني طحت عليه صيده وامريكي من واحد هندي ماعرف يلعب عليه ويحلف مشتريه غالي له ولولده وشريته منه ب 500 بس والله رهيب متعدد استخدامات

والله احسن فكره ترتاح من النادي وزحمته بس يمكن تصل لمرحله لازم تروح فيها للنادي خاصة في المراحل المتقدمة أو تبقى على جسمك

ممتاز جدا جدا جدا موضوع اكثر من رائع

شرفتوني جميعا بردودكم .. أتمنى أكون أفدتكم

في انواع واشكال من الاجهزة اذا بتدور .. وأفضل بعد تضيف البار والدمبلز ..

تحياتي

يعطيك العافية ,, أخوي ,,
موضوعك أفاااد الكثير ,, بما فيهم اخوك ,,

بس عندي سؤآآل / الي مايقدر يروح نادي ؟؟ ياخذ الاجهزه ويتمرن في البيت ؟ عادي ؟

لأن للآسف مافي انديه رياضيه حولي ,, بالمره ,, والحديد حلمي من زمآآن ,,
وش تنصحوووني فيه ؟

بصراحة فكرة الجيم المنزلي روعه وتوفر الكثير من الوقت لكن ما احس ان فيها حماس مثل النادي

النادي يكون معاك اشخاص تساعدهم ويساعدونك وممكن يكون فيها مثل المنافسه الشريفه والتشجيع فيكون لها طعم ثاني ،

طبعاً انا افكر اذا شريت بيت اكبر اني اخصص غرفه للجيم لاني الحمدلله وصلت للهدف ولا ابي ازيد وزن اكثر فتمريني فالبيت راح يكون للمحافظه فقط

Up >>>>>>>>>>

.. الجهاز المنزلي لازم يتكون من عدة أشياء ..

تمارين للصدر .. الظهر .. الباي ..التراي .. الارجل ..
انا عندي جهاز منزلي عجيب .. بحيث فيه هذي التمارين المذكورة ..
وفيه جهاز بار .. ووايد ساعدني بحيث اني اقدر العب اكثر من تمرين على بار جهاز ..
غير هذه اني اقدر اضيف فالاوزان واغير حسب مااريد .. ومب محصورة نفس اغلب الاجهزة
لاننسى بعد .. يوم بتشتري جيم منزلي .. اسأله ان كان صناعة تايوانيه .. صينيه ..
اصناعه الالمانية .. والامريكيه افضلهم والاغلى سعرا .<< وانصحك انه تدور مستعمل لانه بيكون ارخص من النت

وما انسى اني اضيف البار الحر والدمبلز .. وفي اكثر من موضوع في قسم المواضيع المميزة ممكن تبحث عنها وتفيدك عن الجيم المنزلي ..

وجهة نظري ..اذا الجيم كان بعيد عن البيت .. افضل فكرة جيم منزلي وبمواصفات متكااااملة .. بحيث اني احافظ واواصل فاللعبه وبدون انقطاع

والله فله وتمخمخ ع التدريب : )

السلام عليكم ورحمة الله وبركاته

الحلو بالموضوع ماشاء الله تبارك الله انك ما تستخدم مكمل غذائي

بس حبيت اعرف لو سمحت اخوي هل زاد وزنك ولا لا؟ وهل النتائج كانت جداً مرضية؟

بشرنا جزاك الله خير الان عندي gym home وما استخدم مكمل غذائي ولا شي، وابي ازيد وزني واعدل جسمي

الله يوفقج واسف عالازعاج :)

اقتباس:

---

المشاركة الأصلية كتبت بواسطة Man msn

السلام عليكم ورحمة الله وبركاته

الحلو بالموضوع ماشاء الله تبارك الله انك ما تستخدم مكمل غذائي

بس حبيت اعرف لو سمحت اخوي هل زاد وزنك ولا لا؟ وهل النتائج كانت جداً مرضية؟

بشرنا جزاك الله خير الان عندي gym home وما استخدم مكمل غذائي ولا شي، وابي ازيد وزني واعدل جسمي

الله يوفقج واسف عالازعاج :)

---

وعليكم السلام ورحمة الله وبركاته .. هلا فيك اخوي

بالنسبة للمكملات كنت مااستخدمها .. لكن الآن استخدمها :)

وبالنسبة للوزن انا ماكنت ابي ازيد وزني .. وزني كان طبيعي بس كنت ابي ابني عضل واخفف دهون

وبالنسبة للفائدة .. جداً ممتازة وتستاهل هالتعب وأكثر ..

لكن اهم شي تنتبه للنقطه الاخيره في الموضوع .. لاتتمرن وانت ماعندك خلفيه عن طريقة التمارين .. الأفضل أنك تتمرن تحت إشراف مدرب

وبالتوفيق .. :)

جزاك الله خير عالرد :)

انا بحكم اني اعمل بمدينة اخرى اتمرن بالنادي
واذا رجعت لعرعر خميس وجمعه وايام الاجازات اتمرن بالبيت

والحمد لله قبل اسبوعين جهزت غرفة بالدور العلوي
واشتريت جهاز هوم جيم + كرسي بنش وفيه مستويات وتمرين ارجل وبطن + عندي حديد 50 كيلو شريتهم من زمان + بار مستوي ومتعرج وبار صغير للدمبل

وبصراحه اشوف ان تمرين البيت افضل
لان النادي زحمه ولازم تتمرن بمواعيد محدده
لان وقت العصر والمغرب مايصلحون للتمرين لضيق الوقت وقرب موعد الصلاه

ولاننسى انك تضرب مشوار رايح وجاي وكل شوي تسخن السياره بالبرد !!
ولاننسى ان الواحد يخاف اذا تدرب بالنادي تصكه العين اذا الناس المبتدئين شافوه يشيل اوزان عاليه !!
وبالبيت تاخذ راحتك وتلبس اللي تبي حتى لو تمشي مفصخ هههه

ماتقدر تستغني عن الصاله مو المقصود الاجهزه ولاكن التمرين محتاج شده ويكون واحد يساعدك في التمارين للاوزان الثقيله