رد: تجربتي مع المنتج انمال ريج
يعطيك العافية اخوي على الموضوع ...
انا جربت الانيمال ريج ... كان المنتج بودرة بنكهة البرتقال... الفترة كانت اربع اسابيع ...
ايجابياته ...
- يعطيك قوة تحمل ونشاط في التمارين... وتطلع من التمرين وللحين فيك نشاط... يعني ما يصيبك خمول بعد التمرين..
- يعطيك مزاجية عالية لتفجير الصالة... يعني كنت اخذه وفي الطريق للصالة احس اني ودي اسوي "درفت" بالشارع... لا.. ورافع صوت "الهيب هوب" وداعس طبلون الموتر..
- مفعولة سريع جدا... يعني كنت اخذه وبعد عشر دقايق يبدأ وجهي "ينمل" واذني تقلب حمرا من كثر الدم اللي يسري بوجهي وجسمي..
سلبياته...
- قلة النوم.. يعني لازم تاخذه قبل لا تنام بـ 10 ساعات على الاقل بدون مبالغة ولا راح يكون نومك متقطع بشكل رهيب.. حتى لو انك تعبان حيل راح تنام ساعة وترجع تصحى وترجع تنام 4 ساعات وتصحى... ويروح نومك بهالشكل..
- طعمه سيء.. بس مع الوقت تتعود عليه مع الوقت.. وتصير ما تبي الا هالطعم علشان يعطيك مزاجك..
- التعرق اثناء التمرين.. معاه كان التعرق شيء رهيب مقارنة النواكسبلود والسوبرتشارج... صرت اشرب دبل كمية الموية..
اما بالنسبة لزيادة الاوزان وعدد التمارين..
- في عدد التمارين.. احس انه فادني في عدد التمارين.. يعني كنت اسوي 5 تمارين للعضلة الكبيرة وبعدها اتعب... صرت اقدر اسوي 7 تمارين عضلة كبيرة... لا.. ويبقى فيني حيل للزيادة..
- في زيادة الاوزان ... تقريبا اوزاني ما زادت.. وان كان فيه زيادة بالاوزان فهي شي بسيط...
عموما انا اعطي المنتج 7.5 من 10
وانتم تقدرون تحكمون على المنتج من خلال السلبيات والايجابيات
ونرجع نقول ... كل جسم يختلف تفاعله مع المنتجات.. وهذي تجربتي انا مع المنتج ...
ودمتم ..