رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة I3bady
دورت مالقيت شي دقيق لانه مثل ما انت ذكرت يعتمد على عدة عوامل مختلفة ... رايك بالساعات اللي تحسب عدد السعرات باليوم تتوقع تكون ادق خصوصا انه فيه ساعات حتى تحسب الحرق في رفع الاثقال مثل بعض الساعات بماركة polar
اتفضل أخوي هذا موقع يحسب لك :
http://www.freedieting.com/tools/calorie_calculator.htm
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة adel1992
كبير يا ابو حيدر
يعطيك الف عافيه
ههههههههه كيف عرفتني ؟ :D
حياك الله أخوي عادل ، نورت موضوعي يالغلا :)
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة ARNOLD.
ماشاء الله تبارك الله والموضوع يستحق ينقل الى قسم المواضيع المميزه
خلال هاي الفتره انت داخل بكورس هرموني صح ؟
تسلم أخوي ولو هذا أقل شي أقدر أقدمه لكم ، ومعليش بس ما راح أجاوب عن أسئلة خارج الموضوع! :)
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة thewave
ماشاء الله ياكابتن الله يعطيك العافيه ويكتبلك الاجر في مساعده اخوانك
عندي سؤال وطلب
سؤالي عن النوم انا عندي مشكله ارق رهيبه مدري ايش سببها رغم اني بعيد عن اب مصدر للكافيين وهل احتاج انام سبع ساعات ؟
الطلب : لو ممكن تذكر تمارينك لعضلات الصدر لانها مسويه ازمه ((:
وشاكر لك تجاوبك معانا
تسلم أخوي !
ولو أن أسئلتك خارج الموضوع بس راح أجاوب عليك على السريع :
النوم ضروري جداً للاستشفاء العضلي ، أهم شي تنام النوم اللي يحتاجه جسمك يعني فيه ناس يكفيها 6 ساعات وفيه ناس 9 ساعات .. نصيحة لنوم مريح هو أن قبل النوم بساعة تترك عنك الجوالات واللابتوب والتلفزيون أو أي شيء فيه أشعة وضوا مشع ، أنصحك تدخل غرفتك وتحط لك شمعة وتشرب لك حليب ساخن وتقرأ لك كتاب .. جرب وادعي لي :)
بالنسبة لتمارين الصدر .. فراح أتكلم عن التمارين بشكل مفصل في موضوع آخر!
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة ma1j1ed
-
موضوع مثالي والله وقريته كامل وكان ودي في اكثر عشان استفيد
واخوي راسلتك ع الخاص وانتظرك والله
ناس كثير م ساعدوني ومسحوب علي :bigeyes:
حياك الله أخوي ، رديت على رسالتك الخاصة :)
رد: ~ الطريقة المثالية لـ الضخامة (بناء عضل صافي بدون دهون) + صوري ~
ما شاء الله بارك الله ..
مستواك عالي وواضح انك خبره بالمجال وهذا واضح من مقالك المدروس حرف حرف
أتمنى لك الأستمرارية والنجاح
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة بن ماجد77
ياخي وينك من زمان عنا ,, طبعا الكباتن ماعليهم قصور و موضوعك جدا جدا رائع و ياريت تواصل مواضيعك اخوي و ماتوقف لان تعبنا دوم نسمع من فلان و فلان لكن نبي نسمع من الشخص الصحيح و اللي له تجربه طويلة في هذا المجال
استفسارات منك لازم نستغل وجودك ..
انا وزني 86 كيلو حاليا و في نزوول ,, الطول 185
مع انه هدفي الضخامة لاكن لاحظت ارتفاع نسبة الفات في جسمي و قللت الفات بشكل جدا كبير و استخدم رشاش الكانولا و زيت الزيتون و اللوز و الفات الصحي يعني, فقط كمصادر فات
اكثر شي قدرت اوصل له فاليوم هو 2700 سعرة ,, منها 381 جرام كارب و عادة تكون من رز اسمر , معكرونة سمرة , خبز اسمر او بطاطا حلوة , شوفان و انواع الحبوب و القمح و ملتزم فيهم
بروتين 200 الى 220 جرام فاليوم مرات اوصل 160 جرام فقط و مرات اوصل 300 .. حسب ظروف اليوم
الفات 32 جرام الى 50 جرام فات فاليوم
واتمرن خمس ايام فالاسبوع,, اول يومين ثقيل و قوة , ثالث يوم باي و تراي و كارديو 30 دقيقة و اخر يومين اعيد عضلات اول يومين لكن باوزان اخف و مجرد ضخ العضلات
جسمي بدا شوي ينشف و من بديت هالنظام لكن خايف اخسر كتلة و انا ودي ازيد حجم ,
استخدم جميع المكملات و كل شهر اجرب نوع مختلف من امينو و بروتين و غيره
اخر شي ضفت قطرات IGF-1 و بخاخ HGH و مادري اذا بيفيدون ولا لا,, بس ببدا فيهم هالاسبوع
و ممكن الشهر القادم باخذ كورس اول كورس جروث
ودي اوصل لحلمي وهو جسم ضخم , مقسم و صلب
وماشاء الله عليك وحش و اللح يحفظك وكل معلوماتك مقنعة و مفيدة
والله أخوي تعرف الشغل والأهل أشغلوني وما يكون عندي وقت كثير وأنا أصلاً نسيت المنتدى والحين توي متذكره وقلت لازم أساعد أخواني يوصل للأجسام اللي يحلموا فيها وكل ما أطلبه هو دعوة لتيسير أموري لأني أعيش في مرحلة صعبة في حياتي الله يستر بس ..
عموماً ..
في البداية أنا ما فهمت عليك أنت تقول وزنك في نزول بس انت تبي ضخامة؟ هل انت كنت تضخم والحين حاب تنشف؟ ولا انت توك بادي وناوي تخسس فقط؟
لازم تحدد هدفك لأنه شي لازم تعرفه وهو أنك ما تقدر تبني عضل وتحرق فات في نفس الوقت (إلا إذا كنت تستخدم منشطات أو إذا كنت توك بادي في اللعبة)
ملاحظة : لحساب السعرات الحرارية وكمية البروتين والكاربوهيدرات والفات أنصحك تستخدم تطبيق MyFitnessPal
خلنا نقول انت تبي تخسس بما أن وزنك في نزول ، خلي يكون همك أنك تنزل في نهاية الاسبوع نص كيلو أو كيلو بالكثير "أنا أنصحك بنص كيلو إذا كنت مضخم من قبل أما إذا بس تبي تخسس فتقدر تنزل نص كيلو في الاسبوع" .. لو كنت تنزل أكثر من نص كيلو فإذا انت احتمال كبير حرقت عضل!
طريقة تمرينك غريبة شوي ، كل يعني آخر يومين خفيف؟!! هذا أكبر غلط (شيل من راسك هالخرافة اللي تقول وزن خفيف وتكرار عالي حق تحديد وتنشيف!!! لا وألف لا) ترقب موضوعي عن التمرين الصح راح أكتبه إن شاء الله هاليومين ..
أخوي أنصحك توفر فلوسك ولا تشتري مكملات غير البروتين والكيرياتين فهم الأساسيين وحتى البروتين تقدر تستغني عنه .. أمينو ومنتجات باور ومنتجات تخسيس هذه فقط محرقة فلوس ومو ضرورية بس إذا أخذتها طبعاً ما راح تضرك إنما راح تضر جيبك .. باختصار النتائج اللي بتجي من المكملات الغير مهمة ما تتعدى ال5% .. اللي لازم تركز عليه للمرة المليون هو أنك تتمرن جامد ويكون هدفك أن تزيد أوزانك كل اسبوع والشي الثاني أنك تأكل كمية البروتين والكرابوهيدرات والفات اللي يحتاجها جسمك يومياً !
الجسم اللي في بالك راح توصل له بس حط في بالك هالفكرة وهي أن كمال الأجسام مثل الجامعة يبي لها سنين على ما تتخرج .. النتائج ما بتجي في شهر أو شهرين!
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة Branch Warren
اوافقك الرأي في اغلب ما قلته عدا نقطتين : الاولي البروتين الزائد يتحول الى فات و ذكرها احد الاعضاء . الثانية ( - لازم تأكل 5-6 وجبات في اليوم ، والحقيقة هي أن لا يهم إذا أكلت وجبتين أو 8 وجبات طالما تاكل الكمية اللي يحتاجها جسمك من البروتين،الكاربوهيدرات،والفات في نهاية اليوم .) من غير المعقول انك تاكل وجبتين في اليوم بالنسبة للاعب كمال الاجسام لان العضلات محتاجة انك تغذيها على مدار الساعه. موضوووع مميز و يعطيك العافية
هلا أخوي :)
تم الرد على هذا الاستفسار ، راجع ردودي الأخيرة !
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة رائد الملكي
يعطيك العافيه اخوي الغالي ع الموضوع الي
راح يفيد ناس كثيره ونا اولهم
عندي سوال بسيط
بالنسبه لتمارين البطن
الي اعرفه ان كل يوم تتمرن بطن بطال
ياليت تعطيني طريقتك وتمارينك في البطن
الي تتمرنه انت بالظبط اذا ماعليك امر
ويعطيك الف عافيه
راح أكتب موضوع فيه تفصيل كامل عن التمارين ، عموماً البطن مثل باقي العضلات تمرنه مرتين في الاسبوع 2-3 تمارين بأوزان 3 جلسات 8-12 عدة!
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة ابو يوسف الورد
تشكر على هذا المجهود و على حرصك على مشاركة تجربتك مع زملاءك
بالنسبة للنقطة التي ذكرتها حول بدائل السكر و كون الاسبارتيم يسبب الامراض فلم يثبت حتى هذه اللحظة تسببه بالامراض ( إلا في حالة تناول كميات كبيرة ) انصح بالاعتدال و على فكرة معظم المكملات محلاة بالاسبارتيم
العفو أخوي ما سوينا إلا واجبنا :)
الاعتدال هو أفضل شي طبعاً وكلامك صحيح مافي دراسة تثبت عن أن السبارتيم تسبب في السرطان بشكل مباشر!
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة O.X.Y.G.E.N
اولا أهنيك على جسمك
ما شاء الله تبارك الله شد حيلك أكثر و أكثر حتى لو كان بـ ستيرويد فواضح انك بذلت مجهود كبير الله يقويك
بعلق على نقطه بس
هذا الشي هو اللي رافع ضغطي
كثير من المبتدئين يجيك جسمه حلو نسبة الفات فيه من 10% الى 12% يعني يجيك هو ناشف خلقه
يقوم يحشي في الاكل يحشي يحشي دهون ومطاعم وخرابيط تقول ليه يقولك والله قاعد اضخم لازم اكسب دهون
واللي يرفع ضغطي أكثر لا جاك المدرب وأعطاه مكمل فيه فات وكارب كثير زي الميقا ماس وسيريس ماس وطقتها
تشوفه بعد 6 شهور كسب 5 كيلو عضل و 10 كيلو فات
وزي ما قلت يخش كورس تنشيف 3 شهور شال الـ 15 كيلو كلها ورجع من البدايه
اشكرك يا كبتن على موضوعك
العفو كبتن ..
وفعلاً ياخي تشوف ناس أجسام لها القابلية للضخامة العضلية الصافية وإذا دخلوا تضخيم يخربوها في الأكل يضخموا شهرين لو ثلاثة وتروح السكس باك ويقول بانشف عشان أرجع السكس باك!!! يرحم أمك أنت مضخم شهرين بس يعني ما بنيت شي والمشكلة أنهم إذا جوا في التنشيف يحرموا نفسهم من كل شي ويشيلوا أوزان خفيفة وهذا أكبر غلط لأنه الجسم يحتاج تحفيز عشان يبقي عضلاته والشيء الوحيد هو أنك تشيل أوزان ثقيلة!!!!
وبالنسبة للنقطة الثانية فأنا والله ضد جميع مكملات الضخامة بكل أنواعها لأنها خسارة فلوس ومكوناتها رديئة ومليانة سكر!!!
عن نفسي آخذ شيك واحد في اليوم وأعتبرها وجبة ، هذا اللي أحطه في الخلاط واللي يعتبر أكثر من 1000 كالوري :
2 كوب قليل الدسم
2 سكوب واي بروتين
2 مقدار يد شوفان
2 موز
2 ملعقة بتر
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة شقاوي غير
يعطيك العافيه صراحه موضوع جبار ووافي وانا معاك في زياده الوزن انا لي تقريبا شهر احاول ازيد الوزن وما زاد غير كيلو والمشكله مرات ينزل يارجال تعبت لدرجه اني فكرت ازيد دهون علشان يتحرك الوزن شوي في كل الاحوال كلامك منطقي والله يزيدك ويعطيك الصحه
لا تخلي الميزان أكبر همك أخوي ، يعني في ناس توزن يومياً ولكن هذا خطأ لأنه الوزن يختلف من يوم ليوم آخر لعدة عوامل مثل هل تمرنت الأمس أو لا؟ وش أكلت الأمس؟ وش آخر وجبة أكلتها الأمس؟ متى آخر وجبة أكلتها الأمس؟
فالطريقة الصحيحة هي أن تكون مرة واحدة في الاسبوع في الصباح على معدة فاضيةوتكون العوامل نفسها يعني تكون الأمس متمرن وآخر وجبة تكون نفسها وبنفس التوقيت ... الخ!
عموماً .. أنا ما أنصحك تزيد دهون وتظل على نفس كمية الأكل بس إذا نهاية الاسبوع وزنك ما تغير فلازم تزيد الأكل شوي بحيث أن نهاية الاسبوع تكون الزيادة نص كيلو مثلاً "إذا كنت مبتدئ أو متوسط" ..
موفق!
:)
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة Rashed.S
ما شاء الله بارك الله ..
مستواك عالي وواضح انك خبره بالمجال وهذا واضح من مقالك المدروس حرف حرف
أتمنى لك الأستمرارية والنجاح
إن شاء الله راح أواصل في المنتدى وأرد على الاستفسارات قد ما أقدر .. بس أحياناً الوقت يكون ضدي فاسمحوا ليي على القصور!!
رد: ~ الطريقة المثالية لـ الضخامة (بناء عضل صافي بدون دهون) + صوري ~
ماشاء الله تبارك الله ألف تبارك الرحمن
جسم روعة اللهم صلي على سيدنا محمد
ونصائح آروع
شكرٍا لك
رد: ~ الطريقة المثالية لـ الضخامة (بناء عضل صافي بدون دهون) + صوري ~
اقتباس:
المشاركة الأصلية كتبت بواسطة ‘آرنولد آلعـرب‘
العفو أخوي ما سوينا إلا واجبنا :)
الاعتدال هو أفضل شي طبعاً وكلامك صحيح مافي دراسة تثبت عن أن السبارتيم تسبب في السرطان بشكل مباشر!
