احب هالسوالف
http://www.youtube.com/watch?v=9lhIvndaO0M
عرض للطباعة
احب هالسوالف
http://www.youtube.com/watch?v=9lhIvndaO0M
يا شباب احد يطرش من ذالعيشه الطيبه
السلام عليكم بو شنب اول فيديو حطيته هذا الطباخ اسمة جيمي والصراحه ما يعجبني ومقرف ساعات تشوفه يقص خضره من المزرعه الي في بيته وما يغسله ويطبخه يقول اونه النكهه ما تخترب ولو تلاحظ يوم يتكلم زعابيله اطيح بالاكل ويع ويع
ما تلاحظون السالفه فيها اكل يوشي قام من سباته الشتوي
اي اعرفه جيمي اولفر لكن باليوتيوب كنت واصل عنده , افتح مقاطع عشوائيه واشوف
و تبين الصج , حلاه الطبخ لما يطيح زعابيل و عرق الطباخ فيه , خصوصا العرق عشان يوفر عليه ملح
وترى هذا كله تصوير , يعني كل مقطع و مقطع يسوون cut و يضبطون الشغل , يعني مو يقطع من مزرعته ويحط سيده , في تقطيع بس ما تلاحظين انتي وفوق هذا حتى لو يقطع من المزرعه ويحط عادي لأن هم ماعندهم غبار
احنا كعيال الطبقات الراقيه و الانتيكيت دايم نصيف في اوربا و انتي لو رحتي اوربا كان ماشفتي رمل , الزرع كل مكان و ماكو غبار عندهم مثلنا
سنه من السنين كنا في سويسرا مثل العاده , المهم اني نسيت موعد طيارتي و كنا بالفيلا مالتنا هناك و مضبط خوش عشا , ولما جيت ابي اكل قالولي تلحق ماتلحق على طيارتك , المهم خليت العشا و طلعت ركض للمرسيدس مالت السايق هناك و على طول المطار و رجعت الكويت زين لحقت عالطياره
بعد سنه رحت اصيف في سويسرا وتفاجأت ان وجبتي قبل سنه موجوده كأن قبل دقيقه مسوينها , جان اقعد واكملها
لو عندنا هني جان شنو صار فيها
بس انتي دوديت او شبحها ؟ غريبه اليوم مو دوام و موجوده
تعودنا عليج بأوقات الدوام الرسمي
اقتباس:
المشاركة الأصلية كتبت بواسطة QTR .SOUL
ي رجال اسكت بس .. حدي انا وياكـ
http://www.karamatnews.com/assets/im...97a6b7070.jpeg
XD
فيه برنامج تلفزيوني أمريكي اسمه Burger Land , يعرض كل انواع مطاعم البرجر في أمريكا ..
البرنامج هذا جاب الشيطان في راسي قعدت امخمخ اسوي لي مطبخ لهالانواع من البرجر
جربت اسو لي Cheese Steak Burger With Mushroom
http://steakbytes.com/wp-content/upl...er-620x350.jpg
كأني اشوفكم بعد ما تشبعون من المشكل تنسد نفسكم عن كل هذا
نفس رمضان , تقزر النهار كله باليوتيوب تشوف الاكل والطبخ و بعد الفطور تتبرأون منه
توني ماخذ 5 زبيديات 48 دينار
العيشه ولعت نار , راح يجيكم يوم تصيرون نفس الاسيويين تاكلون عقارب و غبابيه و الدود الكبير
ملف مرفق 357606
بوفيه مفتوح , 50 بات بس
راح يجيكم اليوم اللي راح تمونون عليهم
اذا 5 حبات زبيدي بحد ال50 دينار والخروف ب130 دينار
انطروا بس
^
ليش الدنيا خلت نباتات ؟
ترى يقولك المثل المصري .. الفول مش معؤوول ..
فوووووووووووووووووووووووووول
يدافع البلا
الله يديم النعمه , فول النهار و مسقعه الليل
بس لابد من الحشرات , يقولك مليانه بروتينات
عموما احنا نعيش عالتمر و اللبن و صيد البحر والبر
متى يشتفي منك الفؤاد المعذبُ
وسهم المنايا من وصالك اقربُ
انا بروح انام ياشباب وشابات
عندي دوام الصبح والاربعا او الربوع و الخموس او الخميس اللي فات ما داومت بشوف صكوني غياب او لأ
باي
عممت مساءا بلغه الهاي هاي
صباح الخير جميعا
امس رحت مطعم تشيز كيك فاكتوري الصراحه كنت بصور اكثر بس استحيت يقولون مب شايفه خير فصورت الاكل بس
نبدأ بسم الله
هالصوره يبتها من النت لان الصوره الي صورتها مب واضحه المهم هاي اسمها سلطه اللواو
ملف مرفق 357616
وهاي صوره سلطه اسمها هاي فاي
ملف مرفق 357617
وهذا طبقي المفضل
دجاج مديرا مع روبيان
ملف مرفق 357618
ملف مرفق 357619
وهذا دجاج كاجون حق الي يحب الحار
ملف مرفق 357620
وهذا عصيري المفضل ميكس بيريز
ملف مرفق 357621
ونتريا نشوف المطاعم الي انتو رحتوها
خوش اكل خصوصا وانا توني اقعد من النوم
احب اكل جذي , بس الدجاج لو مخليته لحم يكون احسن , بس انتوا البنات لازم يكون دجاج
شكرا على الصور لكن شلون الطعم والجوده هذا اهم شي
انا مو امس قلت ما داومت الربوع والخموس , اليوم رحت الدوام و كنت اول شخص , بعد انتوا عارفين كل السالفه , حتى دوامي عارفينه ومتى اروح , المهم وعشان اكون حقاني كنت ثاني واحد يداوم بالاداره كلها
لما دخلت غرفه المهندس لأن التوقيع بمكتبه شفت و رحت حرف ف وصفحه 245 اللي اهي صفحتي شنو شفت ؟
شفت ان احد موقعلي الربوع و الخموس و الاحود بعد , الظاهر ان هالشخص لما وقع الخموس قال باجر عطله محد يدري خل اوقعله الاحود عشان مره وحده يطلع راحه 4 ايام
الخط بصراحه كأنه بنت , ليش ؟ لأن انا مااعرف احد بالدوام الا 3 , طبعا اعرف غيرهم بس مو ملزومين فيني يوقعولي , ال3 اللي اعرفهم واحد ما يداوم وكل يوم ناشب فينا نوقعله , الثاني مايداوم لأن في ناس نفس ماتقولون عصابه او مافيا يوقعوله من سنين
الثالث اللي اداوم انا معاه و اوقعله ويوقعلي , لكن الحين اهو مجاز صارله شهر , وفوق هذا كله اعرف خطوطهم , زين منهم يعرفون يكتبون اسمائهم
اما اللي موقعلي كاتب اسمي بطريقه تحسون ان يعرف يكتب مو واحد من اللي اعرفهم
انا ادري اعيش بحلم وبالنهايه يطلع تمساح مع اللي اعرفهم
يمكن شافوني اداوم كل يوم و ما وقعت هالايام هذي قالوا حرام خل نوقعله
رجعت من الدوام و نمت وتوني اقعد , عسى بس ما طولت عليكم ؟ اشتقتولي صح
لهدرجه غيابي يؤثر عليكم
لا وباجر عندي امتحان اخر السنه , امتحاني حاسوب
دوديت لما تصورين وتحطين بجهازج الكمبيوتر
ادخل عالصور و شوفيهم وتحت بالاطار تشوفين خيارات مثل علامه تشغيل و سهم يمين ويسار و سهم على شكل دائره
الاسهم يمين يسار عشان تروحين للصوره التاليه عدل ؟
السهم اللي على شكل دائره يقلب الصوره
انتي اقلبي الصوره لين تشوفينها صارت عدله , لأن تصوير التلفون لازم تطلع الصوره لافه مو مع شاشه الكمبيوتر وانتي تضبطينها بعدين
لفيها خليها متناسقه مع الشاشه بعدين اطلعي من الصور بالضغط على x اللي فوق بالزاويه اليمين مو الاكس اللي مع الاسهم يكون لأن هذا يمسح الصوره
و اهي تتخزن بالشكل اللي طلعتي منه
هذا موقع طلبات مادري اذا تعرفينه او لأ
هذا قبل كان بالكويت والحين صار بكل دول الخليج
تسجلين عنده وتحطين العنوان و بعدين تدخلين بالايميل والباسورد و كل مره تطلبي يكون عنوانج مسجل عندهم ويوصلون
الحلو انهم يحطون صور للأكل , يعني كل مطعم تدخلين عليه تشوفين المنيو و كل اكله يحطون صوره لها , في بعض المطاعم مايحطون صور
طريقه الدفع اما لما يوصل الطلب لج تدفعين او بالكي نت , مادري عن الامارات وباقي الدول لكن بالكويت في كاش و كي نت وياخذون الموقع 200 فلس او 300 حسب المطعم ك اجره توصيل
لو تدخلين مطاعم الكويت , تقريبا كلهم جربتهم الا اللي يسوون حلويات و ايس كريم
ايس كريم بلهجه المخمليين , يعني بلهجه الشعب برد او بريد او بوظه في بعض الدول العربيه
هي مسوينه عندنا بس بعده مب شغال والصراحه ما فهمت شو يسوي بس سجلت فيه وما وصلني شي ؟؟