عرض للطباعة
تم الإعلان عن نتائج مسابقة الطبخ وجاءت كما هو متوقع الفائز يكون مراقب او مشرف يعني صاحب شعبية في المنتدى , يعني مع احترامي صاحب المركز الأول في المسابقة ليس لديه حتى صور واضحة في الموضوع صور عليها ضباب 0.1 ميجا بيكسل.. الأخت دي دي كانت تستاهل احد المراكز الثلاث , وليس الاكتفاء بقول "و ايضا شكرا للذين شاركوا و لم يحالفه الحظ" ...... اي حظ واي مهلبية .
تكلمت انا بهذا الموضوع من قبل و حاربوني كلهم وسكت عشان مالي خلق توقيف
دع الخلق للخالق
كلامنا لا يودي ولا يجيب
احنا تكمله عدد لا غير , هم يمرحون ويتشاركون الاوسمه والنقاط واحنا وظيفتنا اننا نحرك الاقسام قبل تموت
فوق هذا مهدد بأي لحظه , احنا مهددين بالانقراض ومثل ما تفننوا بقتل الاعضاء راح يجي اليوم اللي مايشوفون امامهم الا احنا و ساعتها مالنا مفر
^
اقول الفتنة عيب .. و اللي عنده شيء ما يسولف و يتحرطم هنا و بدون حركة فعلية و مناقشة مع اصحاب الاهتمام ..
دوديت .. انتي مهتمة بالرقابة و لا بس كلام ؟
انا عرضتها لابوشنب و رفضها .. انا كنت متردد اني اعرضها عليج علشان انتي يمكن مشغولة و بالتالي يمكن ما يكون عندج اي اهتمام بهالسوالف ..
لكن لو فيه اهتمام ارسلي لي , لأني ما اراجع الردود كلها بسبب ابو شنب مسوي سبام بالموضوع و على الله لو اقر رد واحد و اخذ الزبدة منها ..
ابو شنب يكتب طلاسم زنجبارية لازم اتعوذ من ابليس و اقرأ سورة الكهف و المعوذات و امسح راسي بماي زمزم ..
و انت يا قزم , تراك قديم مسوي نفسك جديد و قاعد تزرع فتنة .. و ما تهمتي عضويتك .. فانتبه تراها موب محسوبة هنا , إنما محسوبة عليك يوم القيامة :)
العب حاليا لعبة شبيهة بـ World of WarCraft تدعى امل الشعوب , يعني وحوش وخيال واسلحة ولفل يرتفع ويهبط و مرافقين وتبادل واونلاين ودردشة وقتال ولحاق وضرب وهروب و مطاردة و ومعارف ونفوذ وواحد مقابل عشرة وذهب ونصب .. هذا هو التقرير الشامل عن اللعبة . قد اجرب World of WarCraft قريبا .
صباح الخير وكل عمام وانتو بخير ومع احترامي للكل بس الصراحه احس ان التقييم ما كان منصف ، وما ابي صدعه راس وتصبحون على خير وشكرا قزم وكرزان والله مشكورين على شعوركم وكلامك
مشكووور دارتيب بس ترا المنصب حق بو شنب يكون احسن ويقدر يدافع عنا ، وللعلم ومقيوله ترا الكرسي يغير البني ادم ويوم يكون كرزان مشرف ترا بيتغيير لانه بيكون مسؤول وهو الاحق وشكرا على السؤال
السلام عليكم
دوديت الرجال يقولج عرضتها على ابو شنب "اللي اهو انا" ورفضها , تقولين عطوها ابو شنب
انا مااصلح اكون مراقب فيني انفصام شخصيه , انقلب شرير واعفس القسم ويمكن ادش قسم من الاقسام واشوف مشاركه ماتعجبني و تجيني حاله هستريه وانقلب شرير و احذف المشاركات و اصك الكل توقيف بما فيهم المراقبين و يمكن اسوي انقلاب مو بعيده علي
انا اتكلم صج , انا جذي تجيني حاله هستيريه و اسوي اشياء وانا ماادري عن نفسي , عشان جذي ماابي امسك منصب او تكون عندي صلاحيات
وبالنسبه لموضوع الطبخ بصراحه وبدون زعل اللي يشوف لجنه التحكيم مالت montada idol يعرف ان اللجنه ماعطت كل واحد حقه , شنو يعني كلاب سندويتش او سندويشه ما تفتحين النار على عشان تقلين بيضه ؟
انا لو ادري كان شاركت بسندويشه بطاط وفلافل وباذنجان , عالاقل يمكن اطلع الثاني او الثالث فيها , مع احترامي الشديد للأخت اللي عملت الطبق و اهي مالها شغل كل اللوم على اللجنه , قامت بعمل طبق عادي
الكلاب سندويش شرايح توتست عادي , شرايح ديك رومي , شرايك جبن , خس , طماط , بيضه مقليه , ميونيز , و اي شي تحبه حطه معاهم و حط شي جديد مثلا افوكادو , لا افوكادو موجود حط مانجا او اناناس عشان يطلع غريب و اجمعهم مع بعض بعدين اضرب بالسكين على جنب من الزاويه الى الزوايه
بحيث تطلع الشرايح على شكل مثلثات و صورهم بنوكيا 7720 و تاخذ الجائزه الاولى هني , ليش عشان لجنه تحكيم montada idol ربعك , دهنا في مكبتنا , شيلني و اشيلك , ضبطني و اضبطك
وكل الشغلات اللي مستخدمه متوفره بكل ثلاجه
انا مااقصد الاخت انا اقصد الطبق اللي تقدم بالموضوع وكيفيه عمله , اهي ماقصرت شاركت , لكن تجي اللجنه وتخلي الناس اللي شاركوا و طبخوا تحذفهم اخر شي , لا ويقولون مشاركات لطيفه لكم 100 نقطه , كأن متفضلين عليهم بال100 نقطه , كأن يقولون تراكم تكمله عدد لا اكثر
الاخت استغفار قدمت طبق افضل وكان المفروض اهي تكون المركز الاول , اقل شي اقل شي وضوح الصور تاخذ المركز الاول , هذا غير الطبخ والنفخ , اهي صحيح طلعت الثانيه لكن ايضا مو منصف والمفروض المركز الاول
لكن شوف اللجنه شنو يبون , هل اللي يبونه اهي طبق عادي مع ردائه تصوير اهو اللي يفوز , مره ثانيه شوفوا كاميرات قديمه و صوروا منها يمكن تفوزون , والاطباق سوو بطاط وفلافل , سندويش سمبوسه مع بطاط , بزاليا بالطماط
سوو اشياء جذي 100% تفوزوا
لحد يزعل بما فيهم اراشي , مره ثانيه اقول اهي قدمت طبق عادي وماقصرت بالمشاركه لكن بقدره قادر تجي اللجنه وتخلي الطبق المركز الاول واللي تاعبين على اطباقهم يجون تحتها
مو حق هذا قسم بالله لو انا كان عملت شوشره هناك و مااشارك مره ثانيه بأي شي , لي متى المراقبين ياخذون كل شي ؟
الحين الاخت دوديت ومن كلامها مبين انها تحبطت وتقول مو منصف , خلاص انا اشوف ان يمكن ماراح تشارك بعد بأي شي , غير الاعضاء الثانيين في مسابقات ثانيه تحبطوا لما شافوا كل شي للمراقبين , راح يقولون بعد ليش نشارك دام السالفه محسومه من البدايه
ويجون بعدين يقولون ليش الاعضاء ما يشاركون , ولما يشاركون مايحصلون شي وكل شي يتقسم بين الربع
غلط
انا اعتذر ياجماعه على كثره الكلام , بس والله مقهور منهم
ملف مرفق 358880
مشكل "بطاط وفلافل و باذنجان" بالصمون المسمسم
اتوقع لو اشارك فيها اخذ المركز الاول
والسلام عليكم ورحمه الله وبركاته
دارك اذا دوديت ماتبيها طاف
احنا قسمنا مو قسم مشاكل مثل ماانت عارف , يعني مانحتاج مراقب , مافي ناس تسب او تحط صور مثل ماتقول جنسيه او تصير هواش عشان يكون مراقب يحذف و يغير ان لزم الامر
احنا ناس مسالمين , و اذا صار شي مني مناك نكلم اي مراقب عشان يحذف او يعدل , او انت تصير مراقب القسم هم تمشي السالفه
بس عطهم صلاحيه التعديل لما يطلب منهم احد الاعضاء , مره واحد قعد يسب بالقسم و كلامه بذئ عن الام طبعا كان السب , وماكان في مراقب عندنا و رحت كلمت مراقب عام اللي يجي لون اسمه احمر و قالي والله مااقدر اسوي شي
قلت طيب احذف الكلمات بس اللي اهم السب و اترك المشاركه , قالي مااقدر , اخاف اسويها ويزعل علي مراقب القسم ويشتكيني , يقول هذا تدخل بقسمي و هالامور . كانت السالفه نفس هالوقت و ماكان في احد من المراقبين الا اهو بس ما رضى يسوي اي شي
فأنت يعني لو تكرمت قول حق المراقبين اي طلب يجيكم من عضو من اعضاء ووركرافت يقولك احذفوا مشاركه مسيئه او اهو مشاركته مايبيها و يبي تنحذف او موضوع مسيئ اعملوا اللازم , لأن ماعندهم مراقب
بس انحلت المشكله , ليش ماتسوي شبيحه ؟ مراقبين المنتدى , 3 او 5 مراقبين يدخلون مخفي بس و وظيفتهم تعديل و حذف و تغيير اسماء العضويات و الملفات الاعضاء
يعني اي واحد فيهم يدخل جميع الاقسام و يطالع الاساءه او السب وعنده صلاحيه بالتعديل ولما يجي من باجر الشخص اللي كان يسب يشوف مشاركته عاديه , يمكن يجون ناس فيهم انفصام شخصيه مثلي ويكتبون كلام و بعد جم يوم يستوعبون و يتحسفون
او يدخلون ملفات الاعضاء ويشوفون اذا في اشياء غلط مكتوبه , واحد مسجل بأسم غير لائق ويغيرونه
شبيحه يعني
محد يشوفهم او يسمع عنهم ويقومون بكل شي حتى المراقبين اللي بالاقسام مايعرفونهم او يعرفون ان ادخلوا اقسامهم وعدلوا فيها المشاركات والمواضيع
صباحووو :33: كيف عرفت اني ما راح اشارك في شي مره ثانية
المهم ما علينا والله يوفقهم الي فازووو مع اني كنت اتمنى احصل على وسام بس يالله مالنا نصيب
المهم بو شنب انت بس لو تشيل صوره كفار قريش ، صدقني الي مستلبسينك بيطلعون عنك
اقول من وين يايب هالصوره من اي مسلسل ، بشوف مسلسل الزير سالم وبحط ويه بلود ايلف فيها يا سلام بتطلع عجيبه
اقول بو شنب شكلي راح اكون مشاهده من اليوم ورايح لان مهما سويت ما كو تقدير ولا شي ليش نشارك :)
بس وسام ؟
افا عليج بس , اليوم تاخذين الوسام لو على شنبي بعد
دارك عط دوديت وسام الطبخ و وسام ووركرافت , البنت صكتها حاله نفسيه
الصوره هذي للملك واهو لابس الملابس الرسميه
ماعرفتي شكله ؟ شوفيه عدل الملك هذا مو واحد ثاني
تبين ال200 ريال بعد او ماتبينهم ؟ ملات الجائزه اللي ابخصوا حقج فيها ؟
قولي لا تستحين وانا اخلي دارك ياخذ قرض لو ماعنده 200 ريال ويعطيج
جم دوديت عندي انا
الوسام ماخذته ماخذته لو مثل ماقلت على شنبي و مو وسام بس وسامين مال الطبخ ومال القسم هذا
وانا وراهم والزمن طويل
يعرفون البسطويسي مايحتاج اقول منو و متى يدخل
لا شكرا عمي بو شنب ما ابي اوسمة خلاص
وحق شو الاوسمة خلاص ما نبيها
ههههههههههه
لا شكرا ما فينا تحلق شنبك بعدين ابو جهل يزعل عليك ما فينا
حبيبي واخي الطيب الكرزان عشرت عمري , خليهم يعطوني وسام التميز لأن ردودي صراحة كلها فله وتمير يقطر منها العسل مثل العسل الذي يقطر من خلية النحل , ثاني شيء اريد لون اصفر ليموني للعضوية واكون مشرف على القسم والمنتدى الإداري , وثالثا يدخولون صورة ابو شنب مكان حرف O الكبير في شعار المنتدى ,وأخيرا آيس كريم مو ذايب على ويسترن يونيون .اقتباس:
المشاركة الأصلية كتبت بواسطة Karazhan
هذا حقج و محد يتمنن عليج فيه
انتي المفروض من المشاركين اللي مشاركين و ماخذين وسام , مو كلاب سندويش بدرهمين اخذ عليهم وسام و 200 ريال
وين قاعدين احنا تلعبون بالمسابقه على كيفكم واحنا نشوف , تبين الحق ما انصفوج بالمسابقه و اكسروا فيج كسره قهر
و غير قسم ووركرافت ومشاركاتج الدائمه فيه , وصلتي 600 مشاركه و معطينج وسام واحد بس , ليش
مراقبين 200 مشاركه وعندهم 13 وسام و مليون نقطه تقييم و 90% من مشاركاتهم سوالف او لعب بالترفيهي
انتي تدرين ان مايعرفج ويمون عليج بالمنتدى احد غيري و تدرين ان انا لساني طويل خصوصا مع هالنوع من المجحفين و اكلين حقوق الاعضاء , ف خليني وانا اجيبلج حقج يا بالطيب او الغصب
انا دايم ابلعها واسكت بس دام السالفه جذي لا ماراح اسكت
اي عضو يصير من حزبهم ارفعوه فوووووق وعطوه كل شي , والناس البسيطه تشارك ولا تاخذ 1% من اللي يحصلون عليه ربعهم وفوق هذا يتداورون الاوسمه بأقسامهم على كيفهم , مالنا شغل فيهم و بأوسمتهم
لكن لما تصير مسابقه للمنتدى كله و يجي الاخ دارك يحط جوائز للفائزين يروحون يلفونها من تحت لي تحت ويحطون ربعهم الاوائل و يتمننون عليكم ويذلونكم ب100 نقطه ؟
رديها ال100 نقطه لا تاخذينها , قولي اسحبوها مني مابيها , اما انكم تعطوني حقي او لا تعطوني وتتمننون علي
والله قهر , الحين زين منها البنت مشاركه معاكم تسوون فيها جذي
والمراقبين اللي مايستحون على وجيهم ما شبعوا اوسمه ؟ يعني فوق مايكون مراقب هم ياكل الاوسمه كلها ولا يعطي شي , القانون يقول مشاركات و انشطه تاخذ وسام عليهم
مانشوف اوسمه تتوزع للناس النشيطه , دوديت تشارك من فتره طويله وعندها فوق 600 مشاركه ماحصلت الا وسام نشاط واحد , ليش واحد وغيرها 100 مشاركه عنده 10 , الا المراقبين مو مخلين للأعضاء شي
انا عندي 8 اوسمه , 6 من الاوسمه اللي مبينين بالواجهه عند صورتي و وسامين مايبينون وتقدرين تشوفينهم من صفحه بروفايلي بصفحه الاوسمه
لأن المساحه ما تتسع الا ل6 اوسمه بس والباقيين يروحون للملف الشخصي , انا لما شفت جذي قسمن بالله استحيت على وجهي و قلت بس ياجماعه مابي اوسمه زياده
عشان اذا صرت نشيط بقسم و اذا كان التوزيع على اول 3 اعضاء وانا كنت احد الثلاثه يشيلون اسمي ويحطون مكان العضو الرابع عشان ياخذ الوسام بدالي و يتشجع اكثر
هذا كان هدفي و قلت مابي شي زياده لأني شفت 6 اوسمه والباقيين مايبينون ومالهم معنى و اعطي مجال لغيري
لكن المراقبين والبعض منهم يستنزفون للأوسمه و كل توزيع ماتشوفين الا اسمائهم من بين القائمه . اخذي لفه على التوزيعات اللي تصير تشوفين 90% مراقبين
شنو يبون يعني بالاوسمه ان كانوا مراقبين ؟ عشان نشطاء ؟ غصبن عليهم يصيرون نشطاء بأقسامهم و لا يطلبون حتى نص وسام
واذا كانوا يبون اوسمه يتركون الرقابه ويصيرون اعضاء عاديين ويشاركون وياخذون اوسمه , اما انك تكون مراقب و تاخذ كل شي بعد
انت مراقب المفروض انت ترشح الناس النشيطه والفعاله بقسمك عشان ياخذون اوسمه , مو ترشح نفسك وتاخذ كل شي , لا ويروح قسم ثاني و المراقب الثاني يرشحه ويتبادلون ادوار كل واحد يرشح الثاني بقسمه وتتوزع الاوسمه عليهم
عند الواحد فيهم اكثر من 15 وسام وفوق و هم يبون بعد , مثل النار كثر ما تاكل ماتشبع . هم جذي بينهم وبين ربعهم يصير التوزيع والناس الثانيه المسكينه واللي تشارك بشكل يومي ماتحصل ربع وسام
انا ادري كتبت واجد لكن خليني اقول اللي بجبدي , زهقوني , طفشوني وكل يوم قسمن بالله افكر اترك المنتدى بسبتهم , و جم واحد ترك المنتدى بسبتهم ؟
كل اللي اعرفهم قسمن بالله يقولون تركنا المنتدى بسبب بعض المراقبين
مايصير جذي مو منتدى ابوكم هذا تقعدون تلعبون فيه على كيفكم , انا اتمنى من دارك انه يسحب كل الاوسمه من المراقبين كلهم , اللي من العصابه واللي مالهم شغل و يمنع توزيع اي وسام للمراقبين
اما انك تكون مراقب و ترشح الناس عشان الاوسمه وتعطيهم اوسمه ونقاط او تصير عضو عادي وتشارك حالك من حال الاعضاء الثانيين و تاخذ اوسمه مثلهم
اما انك تكون مراقب و ترشح نفسك وتعطي نفسك وتخلي الناس , مو مقبول هذا الامر
لو بيدي كان كلهم توقيف و حذف عضوياتهم من المنتدى , بس احمدوا ربكم مو انا صاحب المنتدى وله جربعت فيكم ليل نهار
لكن انتي يا دوديت راح تاخذين الاوسمه غصبن على العصابه كلهم من كبيرهم لي صغيرهم وله قسمن بالله تركت المنتدى لهم وطلعت بلا رجعه
تحملتهم كثير عشان كانت الامور تخصني , لكن الحين يتطاولون عليج انتي بعد وغيرج من الاعضاء اللي مالهم احد بالمنتدى
راح تاخذين حقج وزياده بعد وله ما يجمعني معاهم مكان واحد