عرض للطباعة
اخوي المشتبه
ركب لك مكينة التيما تيربو
راح تعرف شو معناة اسمها
والزوايد من برع
ركب لها سبويلرات
وبيطلع رهييييب
اما الجناح
شرايك تركب لك الجناح اللي نفس جناح الكابرس اس اس
اللي يكون لاصق بالدبة
اما عن الرودماستر
اصبغها اسود
وركب لها رنجات فتح( اللي تكون عريضة وشكل الرنج للداخل تقول جدر )
السلام عليكم
اشكركم على الجهد الكبير اللي تقومون به
عندي نيسان93 طويل كربيتر صافي
خذته من عند شيبه . المهم الحين اظمره
ركبتله فلتر وتحسن شوي
الشباب نصحوني اركبله وايرات زرق وبلكات جيتي 7
بشوه تنصحوني
افكر اركبله ماكينة ستيشن :06:
ويعطيكم العافيه
تحياتي للجميع
وخاصة المحترف راعي الـــ GTR والمحترف MR استبنة(ماشاء الله عليكم).
(تصدق ان في واحد من الشباب شرى جمس ونيت1979 بــ3000 ريال وسوى عليه بلاوي ماتطري على بشر(جلس شهرين بالورشة ) دفع عليه 15000 , انا بغيت اذبحه ....
بس طلع عليه صــــوت يوقف الشعر _ لون دموي _ داخلية فخمة جدا
وتفاجئت بعد فترة انه باع الجمس بــ 25000 ريال ............. تخيل:bigeyes:
من هالمنطلق حبيت أجري تجربتي الخاصة :
انا عندي كابرس 1987 قريبا ابي اوضبها (أو اشوف لي مكينه ).
عاد يجي دورك اخوي . (لاهنت) .
فيه نوع محدد من المكاين (تشليح ) تنصح بها أفضل ؟؟ او تشوف اني (أوضب أحســن )؟؟؟
وانا دامني راح ادخلها الورشة .. بالمرة بظربها فرن ولــــون (أبيض).
ابي اسويها كلاسيكية من قلب .
اذا في أي شي تنصح به من تعديلات (من الصدام للصدام ) أطلق العنان واتحفنا بارائك بدون تردد بأي فكرة .
تحياتي للجميع .
سلام عليكم...
مشكورين على الجهد الرائع والمتواصل.
بغيت اضبط موتري الكامري 2001 في الشارجه, اعرف ان ولا خمسين واحد سئال عن تضبيط الكامري بس الله لايهينكم بغيت اسامي الاماكن اللي تنصحوني بها في الشارجه واللي تسوي شغل محترف ومضبوط.
أنا بغيت اركب سبويلرات وزينون واغير الشبك والرنجات وألبس الموتر تلبيسه مخمل تفصيل فاذا يمكن حد من هل الامارات يدلني على المحلات واكون شاكر لهم.
تحيــــاتي
سيارتي يوكن 2003، أبغى اضبطها، لونها عودي وذهبي
وفين أقدر ألاقي الشبك حق الدينالي؟
هلا بالشباب
اولاً
الاخ f1799
الضاهر انك من اهل الامارات (صح ولا لا)
اجل استفسارك يروح لاخوي عبدالله لانه من اهل الديره واخبر مني
ثانياً والاخ pirate
حركه التجديد معروفه وهي مكسبه بس يبيلها واحد فاضي وفاهم بالشغله
انا انصحك انك تشد لها مكينه وارده (استعمال امريكي)
وتصبغه عنابي او اسود
وتحط له تنده جدل او هارد توب
وتنجده من داخل بالجلد
وتسويله تخشيبه
وتغير السماعات
وطبعاً لا تنسى اللمبات والاسطبات
غيرها
وراح ينباع بسعر حلو
ثالثاً الاخ الجناحي
انت من اهل الامارات
اجل موضوعك عند عبد الله او راعي الجي تي ار
هو من الامارات وهو الي بيفيدك
رابعاً الاخ A_F_Lover
اخوي انت وين ساكن او بي منطقه
علشان اقدر ادبك على المحل
ok
waiting 4 راعي الجي تي ار ......
Loading.... :D
بالنسبة لأخوي f1799
النياسين شغلها سهل
روح لكراج فورمولا اذا تعرفه
ولا لكراج فيوتشر ولا الرالي الصحراوي
هذيل فنانين في النياسين
اما الاخ الجناحي
روح لصناعية الشارجة
وبتحصل كل اللي تباه
وراح تحتار شو راح تختار
واشكر اخوي pirate
على الكلام الطيب
وهذا من طيب اصلك
السلام عليكم ورحمة الله وبركاته
انا عندي يا اخوان سياره كابريس ال تي زد من ابوظبي وابي ازود للماكينه بور وقومه وابا اسويلها صوت فممكن تخبروني كيف استعين بكم
وايظا خبروني شو رايكم بوضع جناح مكسيما على الكابريس ترا انا شفته والله رهيب وشو رايكم في تعريض التواير الاماميه والخلفيه
ولو سمحتوا عندي طلب ممكن ترفقون تزويد لسياره كابريس لون ابيض لان سيارتي لونها ابيض وعشان ابا ازودها من الداخل والخارج
وشكرا لكم بس بالله عليكم لا تطولون يا اخوان
قريبا بدخل صورة السياره على النت قبل وبعد التزويد
وهذا بعد واحد من اهل الامارات
وينك يا عبد الله (الله يعينك)
اخوي شيفا_7777
شغل المكينه عند راعي الجي تي ار
اما التعديلات الخارجيه
انا انصك تركب لها بدي كت او زوايد
وتركب جناح الكابرس اس اس
وتقلبها جلد
وتركب زينون عالي واطي
مع تغيير الشبك الامامي
وغير الجنوط وركب جنوط كابرس اس اس الجديده مع التعريضه راح تطلع اوكي
السلام عليكم يا شباب
لقد بعت سيارتي الالتيما واشتريت لومينا ال تي زد موديل 2000 .
اود تعديلها من اول السيارة الى اخرها اود تغييرها بشكل كامل
اتمنى ان لا اكون قد اثقلت عليكم بكثرة الطلبات
هلا ومرحبا اخوي شيفااقتباس:
المشاركة الأصلية كتبت بواسطة شيفا_7777
الله يسلمك
تزويد الامريكي موجود بكل مكان
يمكن تحصله بالبقالات بعد ههه
والله شوف اخوي
الكابرس امريكي
ومشكلته القير
لو تقدر تغير القير وتركب قير كمارو اس اس عادي
بيكون احسن
ودزه بهدرز عشان الصوت
واما التزويد
روح لأقرب كراج وهو بيفيدك
لأني ما اعرف وايد للأمريكي
انا سيارتي كابرس ال اس 2004 اللون اسود
وش احسن تعديلات فيها
الاخ المشتبه
تعديل اللومينا
عندك تغير الصدامات
وتركب زوايد جانبيه
وركب جنوط
وراح تطلع حلوه
والاخ D.B
ركب صدامات هولدن وجناح اس اس
وركب جنوط بي ام
وزينون
وراح تطلع تمام
السلام عليكم
مشكور على الموضوع
أنا سيارتي فولكس واجن قولف موديلها 2001:cool: :cool: :cool:
ويش هي أحسن تعديل لها و أرخصها:tongue2:
ومشكور مرة ثانية