اهلا بكم في عالم BLEACH 2

اقتباس:

---

المشاركة الأصلية كتبت بواسطة Tokimeki

سااانكيو احمد على الوصله ! بس للأسف انا بالدوام للحين بس اكيد اول ما ارجع راح انزلها ^-^ * اخيرا خبر حلو بعد ما اعتفس المنتدى ليومين X3 *


لمحبين الالعاب اكيد كلكم تعرفون اصدار Bleach DS! Souten Ni Kakeru Unmei و هذه صورت الغلاف

http://www.n-philes.com/games/DSN/DS...hds/boxart.jpg

والي شرا الشريط راح يلاقي كوبون داخله تكتب اسمك و تدزه بس قبل 16 مارس و يتم السحب و الفائز بالمسابقه راح يحصل هديه رووووعه !!!

http://www.jeux-france.com/Webmaster...3527_0_big.jpg

و هي خمسين قطعه فقط ( يا حظهم الي راح يحصلونها T^T ) !! اكيد الحصه الاكبر اذا مو كلها حق السوق الياباني ×_×

---

مشكور على الخبر الحلو ةلكن ما اتوقع اتكون في المستوى لان القتال في الاجهزه الحموله بايخ بس قالولي الربع ان بليش على البي اس بي عجيب وما يندره :D

اقتباس:

---

السلام عليكم ورحمة الله وبركاته

وصله مباشره إضغط بالزر اليمين وحفظ بإسم هنا

إقتباس:
الفلرات كم حتستمر؟


حد يقول خمس حلقات وحد يقول 26 حلقه -_-

---

مشكور على الحلقه وان شاء الله ما يكون 26 حلقه لان راح اتكون اعتقد ممله .


.......................................................................................


ما شفت لا حلقة 63 الاسبشل ولا 64

ان شاء بنزلهم واقدر اناقش معاكم وانشوف الحلقات حلوه مثل ما تقولون او لا


وان شاء الله تتقبلوني كعضو مناقش معاكم

وشكراً

:ciao:

السلام عليكم و رحمة الله و بركاته .. ^_^


مشكـور أحمد على وصـلات الحلقـة .. :)

اقتباس:

---

حد يقول خمس حلقات وحد يقول 26 حلقه -_-

---

مـادري ليش حاس انهم 26 .. :blackeye:

لكن لـو كانـوا 26 .. و على قصـة وحدة وايـد أرحم من كل يوم قصـة .. :)

على كل حال .. 5 وله 26 وله حتى 50 .. إحـنا ما بـإيـدنا شي .. >_<

-----------

Angle

اقتباس:

---

أحس إن الفيلر موطبيعي بس نصيحة إلي ما يبي يخرب عليه الفيلر لا يشوف ال ending تبع هذه الحلقات له يكشوف كم شيء.

---

و انا معـاااك .. بداية تبشر بالخير .. :D

و اذا على الـ ending .. أصلاً مـا أشـوفهم .. ^^

------------

الحلقـة كانت حلوة .. ريـنجي هـو الستار بلا منـازع .. :biggthump

رينجي و ايتشيجو .. كل واحد يناحس الثاني .. صج يضحكون .. :D

و المشهد لما Kon يطلع حق رينجي ذبحني من الضحك .. :laughing:

ان شالله يكون فلر عسل قلوبنا .. :biggthump



و مشكورين .. ^.^

توني شفت حلقه 64 و بصراحه I'm releaved :أفكر:
توقعت يكون ممل + الرسم يكون بايخ .....بس الحمد الله كانت موفقه !! بس مساكين توهم رادين من هوشه طويله عريضة و الحين راح يبدون شيء ثاني !! و هم جنهم انتقلو لعصر ثاني او بوابه توديهم لبعد ثاني @_@ بس اول ما شفت البوابه عبالي Gate Of Hell !! قلت شلووون !!!! بس بعدها جان يقول رينجي انها مو بوابة الجحيم :D

من الاشياء الي استانست عليها ظهور Tasuki هذه البنت شخصيتها تعجبني ! و صج فقدتها ايام الSoul Society Arc .و طبعا الاغبيه ربع اتشيقو خصوصا الperv و شلون انطق طق هذه ضحكت عليها :09:

الحين يوروتشي ليش متنكره على هيئة قطوه ؟! خلاص الكل عرف مكانها و انها موجوده و مو ميته @_@ ؟ يعني تقدر تختار جسم Gigai على شكلها . بس يمكن تعودت على جسم القطوه + مثل ما تقول تستانس على تعابير الاعضاء لما يشوفون هيئتها الصجيه ! ;)

ما ادري شلون راح تستمر الFilliers بدون ما تخرب على القصه الاصليه ...@_@


بس من اغنيه النهايه كل الشخصيات الي طلعت مو موجوده بالقصه الاصليه .

اقتباس:

---

أكيد سنجد الكوبون ولكن أكيد سيكون مكتوب عليه for japan only -_-

---

لا هو حق العالم بكبره بس يطلعون حقيرين اذا كانو كاتبين الinformation بالياباني X3 و انت اذا استلمت اللعبه قولنا ^-^

اقتباس:

---

توكي..كم موصله في المانغا؟

---

انا قريت لي 207 يمكن ...ووقفت +_+ بس هم واصلين تقريبا 212 يمكن ^ه^

اقتباس:

---

كيفكم شباب وشياب ؟ < < عشان توكي ما تحس بالنقص

---

urusaaai <____<

اقتباس:

---

وخلك لما يهزؤن فيه ربع أوروهورا XD الصراحة شيء يفطس XD

---

ايي كسر خاطري رينجي X3 اوراهارا صج يعرف شلون يهزء بطريقته الخاصه ;)

اقتباس:

---

مشكور على الخبر الحلو ةلكن ما اتوقع اتكون في المستوى لان القتال في الاجهزه الحموله بايخ بس قالولي الربع ان بليش على البي اس بي عجيب وما يندره

---

بصراحه انا ما العب و لي اي شيء متعلق بمجال الVideo Games بس الي عجبني هو تصميم النتيندو X3 بس صح كلامك اجهزة المحموله تكون جودتها اقل بوايد من العاب الPSP .

الصراحة..اذا مستوى الفيلر راح يكون بنفس مستوى الحلقة 64...فانا ارحب بها و بقوة :biggthump
الحلقة حلوة..و لو ما كنت ادري انها فيلر..جان حسيتها من الاحداث الاصلية من زود ما هم مضبطين كل شي فيها..

كنت متوقع ان الفيلر بيكون عبارة عن Hollow of The Week..بس كلامي طلع غلط..
تحسونهم بيخلون الفيلر Arch كاااامل و مش كم حلقة غبية..و هالشي اشوفه حلو..

خاصة ان الشخصيات اللي بينوا باغنية النهاية اشكالهم Cool..

بانتظار الحلقة الياية..و ان شاء الله تكون بالمستوى.. :)

اقتباس:

---

الصراحة..اذا مستوى الفيلر راح يكون بنفس مستوى الحلقة 64...فانا ارحب بها و بقوة
الحلقة حلوة..و لو ما كنت ادري انها فيلر..جان حسيتها من الاحداث الاصلية من زود ما هم مضبطين كل شي فيها..

---

الظاهر تعلموا من ناروتو :D خصوصا الانميين ينتجونهم نفس الشركه ^ه^

اقتباس:

---

كنت متوقع ان الفيلر بيكون عبارة عن Hollow of The Week..بس كلامي طلع غلط..
تحسونهم بيخلون الفيلر Arch كاااامل و مش كم حلقة غبية..و هالشي اشوفه حلو..

---

انا عبالي راح تكون يوميات مدرسيه خصوصا مع Kon و كونه perv ! جان تذكرون حلقه 50 كانت بايخه ×_×

اقتباس:

---

خاصة ان الشخصيات اللي بينوا باغنية النهاية اشكالهم Cool..

---

ايي صح اشكالهم كول ! و انا ابي اعرف شنو قصتهم بعد @_@ يعني اذا مو شينيجامي عيل شنو ؟! و اشكالهم مو Hollow ...و ما اظن ان لهم علاقه بايزن :33:

Yoooo

أنا ماشفت لا 63 ولا 64 مادري الصراحة مومتحمس >___<

ومالي خلق أنزل ووحدة فيهم حجمها 200 ميجا والثانية 170

لكن اللي عندة الحلقات Rm ياريت يحط الوصلة ..

توقع ان فلير راح يكون كقصة لحالها زي سول سياتي
بس فرق ان مو من مانجا و اتوقع راح يكون بمستوى مطوب
http://www.anti-leech.com/antilink.p...&file=bleach64
جرب هاي وصلة

اقتباس:

---

Yoooo

أنا ماشفت لا 63 ولا 64 مادري الصراحة مومتحمس >___<

ومالي خلق أنزل ووحدة فيهم حجمها 200 ميجا والثانية 170

لكن اللي عندة الحلقات Rm ياريت يحط الوصلة ..

---

الي راح يفيدك هو معلم الوصلات مستر احمد كب ^ه^

بس انت مدام شفت 62 هذه نهايه الSoul Society arc ، حلقة 63 نصها معاد ( تذكير بالاحداث ) و النص الثاني نوعا ما مافيه شيء مهم و حيوي .

حلقه 64 بدايه حلقات الفيلر بس الحمدالله بدايه مبشره بالخير الحلقه حلوه ومثل ما قال انسان لو ما قالو انها فيلر تحس انها من ضمن المانجا الاصليه ^ه^


الحين بعد التحليلات لو قلنا المسلسل الزمني للاحداث راح نلاحظ :


1- يوروتشي تصير Tenshi Heisouban.
2- Soi Fong تصير تحتها و مرافقتها .
3- اوراهارا يكتشف طريقة تحول الشينيجامي الى هولو ( hougyoku ) و الGigai المحرمه .
4- ينطرد اوراهارايوروتشي للعالم الحقيقي و تروح معاه يوروتشي.
5 - تموت زوجة بياكويا.
6- يتبنى بياكويا روكيا .
7. Shiba Kaien ينقتل .
8. روكيا تصادف اتشيقو و تعطيه قوتها ليصير شينيجامي .
9. رينجي يترقى و يصير مساعد كابتن الكتبيه رقم 6 .
10. و تستمر الاحداث


بس خل نتناقش في مسأله وكل واحد يعطيني رايه ...اوراهارا اكتشف hougyoku و بعدين انطرد من ال Soul Society و ظل عنده الHougyaku مو قادر يتخلص او يدمره . في هذه اللحظه كان ايزن يدور عن المخبأ بس ما قدر . ليش عطى اوروهارا الGigai الي فيها الHougyoku حق روكيا ؟ يعني اذا هو كان منطرد من الSS من قبل 100 سنه و محد كان عارف المكان الي خاش فيه Hougyoku ليش خاطر و غير مكانه ؟ و اصلا من يوم عطى روكيا الGigai اتضح ان ايزن عرف بمخبأ الHougyaku . بصراحه قاعده افكر بالسالفه خصوصا ماضي اوراهارا غامض .
و اكيد في علاقه قويه بين اوراهارا و ايزن ...تذكرون لما قال حق اتشيقو عن مخططه و هو قاله كنت متأكد انك راح اتدش من البوابه الشماليه لانها من اختصاص اوراهارا . يعني مبين انهم يعرفون بعض @_@

اقتباس:

---

المشاركة الأصلية كتبت بواسطة Tokimeki

بس خل نتناقش في مسأله وكل واحد يعطيني رايه ...اوراهارا اكتشف hougyoku و بعدين انطرد من ال Soul Society و ظل عنده الHougyaku مو قادر يتخلص او يدمره . في هذه اللحظه كان ايزن يدور عن المخبأ بس ما قدر . ليش عطى اوروهارا الGigai الي فيها الHougyoku حق روكيا ؟ يعني اذا هو كان منطرد من الSS من قبل 100 سنه و محد كان عارف المكان الي خاش فيه Hougyoku ليش خاطر و غير مكانه ؟ و اصلا من يوم عطى روكيا الGigai اتضح ان ايزن عرف بمخبأ الHougyaku . بصراحه قاعده افكر بالسالفه خصوصا ماضي اوراهارا غامض .

---

و الله يا تـوكي هـانم .. تـطلعين لنا بطلعـات غير شكل .. :33:

ماضي أوراهارا يحتـاج قصة كاملة يحطـونها لنا ( same as kakashi ) .. :biggthump

اقتباس:

---

ليش عطى اوروهارا الGigai الي فيها الHougyoku حق روكيا ؟ يعني اذا هو كان منطرد من الSS من قبل 100 سنه و محد كان عارف المكان الي خاش فيه Hougyoku ليش خاطر و غير مكانه ؟

---

يمـكن على أساس .. إن عاجلاً أو آجلاً كـان في حد راح يوصل للـهوجيوك مهـما طال الوقت ..

و مثل مـا آيزين قال في الحلقة 61 .. إن أوراهارا أعطى الجيجاي اللي فيه الهوجيوك حق روكيـا مـب بنـيـِّة إنـقاذها ..

لكن بنـيـِّة إنـها تـصير بشريـة .. حتى يخـتـفي الهوجيوك للأبـد ..

يمـكن علشان هالسـبب غيـر مكانـه .. لأن هو الوسيـلة الوحيـدة للتخلص مـنه .. :06:

اقتباس:

---

و اكيد في علاقه قويه بين اوراهارا و ايزن ...تذكرون لما قال حق اتشيقو عن مخططه و هو قاله كنت متأكد انك راح اتدش من البوابه الشماليه لانها من اختصاص اوراهارا . يعني مبين انهم يعرفون بعض @_@

---

يمـكن لأن هـو كان متوقـع إن أوراهارا ماراح يتم ساكت .. و يسمح له إن ياخذ الهوجيوك بالساهل .. :D

( لا تسأليني أوراهارا شلون عرف بمخططات آيزين XD )

فطبيعي يـدشون من البوابة الشمالية .. ^^

و الله كل هالخرابيط اللي قلتها على فهمي المتواضع النص الكم .. XD

اقتباس:

---

و الله يا تـوكي هـانم .. تـطلعين لنا بطلعـات غير شكل ..

---

الهوس و بلاويه الله يكافيك الشر :09:

اقتباس:

---

ماضي أوراهارا يحتـاج قصة كاملة يحطـونها لنا ( same as kakashi ) ..

---

وقفت عن ناروتو فما ادري عن هوا داره :06: بس اكيد يحتاج Arc بروحه من الاسرار الي فيه :D

اقتباس:

---

و مثل مـا آيزين قال في الحلقة 61 .. إن أوراهارا أعطى الجيجاي اللي فيه الهوجيوك حق روكيـا مـب بنـيـِّة إنـقاذها ..

لكن بنـيـِّة إنـها تـصير بشريـة .. حتى يخـتـفي الهوجيوك للأبـد ..

---

اكيد هو ما عطاها الGigai علشان ينقذها هو احتاج روح علشان يخش فيه hougyoku مثل ما قلت يعني مو علشان سواد عيونها هذا ليش اخر شيء تأسف حق اتشيقو .

نظريه ان الطريقه الانسب لتدمير السلاح هو عن طريق ان يخشه داخل روح ( تعتبر منطقيه ) و انا معاك في هذه النقطه بس بوجهت نظري ان نهايتها مو ان يخليها بشر ، لان اذا كانت هذه هي الطريقه كان يقدر يلبس هو الGigai الي فيه ال hougyoku و تنتهي العميله مو ؟ بس اتوقع ( يعني كله افتراضات x افتراضات ) ان الروح الي تدخل داخل الGigai في النهايه راح تموت ؟! شرايك :33:

اقتباس:

---

( لا تسأليني أوراهارا شلون عرف بمخططات آيزين XD )

---

عاد لما قريت السطر الي فوقه قلت شدراه اوراهارا بمخططات ايزن XD هيهيه قاعده اقولك اكيد في علاقه قويه بينهم بس شنو هي ما ادري :D اتوقع حتى Kubo Tite ما يدري X3

هو أكيد في بينهم علاقه..

وأتوقع "خارج كلامكم" انو آيزين كان نائب أوكيتاكي..وكان أوراهارا و أوكيتاكي وشونسوي أول ناس أتخرجوا من مدرسة الشيبة.. :D

بعدين بكمل توقعات ونقاش..عندي مباراه جيم كيوب.. :D

تحياتي..

اقتباس:

---

المشاركة الأصلية كتبت بواسطة Tokimeki

الي راح يفيدك هو معلم الوصلات مستر احمد كب ^ه^

بس انت مدام شفت 62 هذه نهايه الSoul Society arc ، حلقة 63 نصها معاد ( تذكير بالاحداث ) و النص الثاني نوعا ما مافيه شيء مهم و حيوي .

حلقه 64 بدايه حلقات الفيلر بس الحمدالله بدايه مبشره بالخير الحلقه حلوه ومثل ما قال انسان لو ما قالو انها فيلر تحس انها من ضمن المانجا الاصليه ^ه^

---

بالأنتظار أحمد اذا عندك وصلات :09:

وغريبة من كلامكم شكلة الفلير على مستوى ..شي حلو

اقتباس:

---

نظريه ان الطريقه الانسب لتدمير السلاح هو عن طريق ان يخشه داخل روح ( تعتبر منطقيه ) و انا معاك في هذه النقطه بس بوجهت نظري ان نهايتها مو ان يخليها بشر ، لان اذا كانت هذه هي الطريقه كان يقدر يلبس هو الGigai الي فيه ال hougyoku و تنتهي العميله مو ؟ بس اتوقع ( يعني كله افتراضات x افتراضات ) ان الروح الي تدخل داخل الGigai في النهايه راح تموت ؟! شرايك

---

انزين يمكن هو مايبي يخاطر ويصير بشر ومستعد حق شي أكبر ..بس بنفس الوقت ماأعتقد اذا كان يدري هذا مصير روكيا بيخليها تموت ؟ هل تعتقدون هو مخطط اصلا انة أيزن ياخذه من روكيا؟

اسئلة محيرة ان شاء الله بتبين أكثر بعدين ومابي أتعمق بالنقاش خايف ايي واحد ويخرب علينا كل شي:biggthump

اقتباس:

---

هو أكيد في بينهم علاقه..

وأتوقع "خارج كلامكم" انو آيزين كان نائب أوكيتاكي..وكان أوراهارا و أوكيتاكي وشونسوي أول ناس أتخرجوا من مدرسة الشيبة..

---

لا ايزن ما صار نائب لUkitake ...لان لو تلاحظ تسلسل الاحداث .....

ان تخرج كل من Ukitake Juushirou و Shunsui من الاكادميه و صارو كباتن ، و صار نائب الكابتن لUkitake هو Kaien و في هذه الفتره انظم كل من روكيا و رينجي و كيرا و هيناموري للاكاديمه و كان ايزن كابتن الكتيبة الخامسه و اختار هيناموري معاه و خلاه كيرا عن Gin و رينجي ما قدر عليه مبين ان هو عصبي و قوي الاراده و راح يخرب خططه و هذا ليش خلاه نائب الكابتن مال بياكويا ، و هذه الفتره تبنى بياكويا روكيا .

اقتباس:

---

انزين يمكن هو مايبي يخاطر ويصير بشر ومستعد حق شي أكبر ..بس بنفس الوقت ماأعتقد اذا كان يدري هذا مصير روكيا بيخليها تموت ؟ هل تعتقدون هو مخطط اصلا انة أيزن ياخذه من روكيا؟

---

ما ادري عن خطط اوراهارا ...و الحكمه من ان خش السلاح في جسم روكيا الذات ...بس اذا هو مخطط اصلا ان ايزن ياخذ السلاح تصير مصيبه ×_×

احتمال والله ...يمكن كان يبي من هذه العمليه ان يوصل اتشيقو لمستواه الحالي ؟

اقتباس:

---

اسئلة محيرة ان شاء الله بتبين أكثر بعدين ومابي أتعمق بالنقاش خايف ايي واحد ويخرب علينا كل شي

---

لا اخذ راحتك هني ممنوع اي احد قاري المانجا ان يخرب ..×____×

اقتباس:

---

ما ادري عن خطط اوراهارا ...و الحكمه من ان خش السلاح في جسم روكيا الذات ...بس اذا هو مخطط اصلا ان ايزن ياخذ السلاح تصير مصيبه ×_×

احتمال والله ...يمكن كان يبي من هذه العمليه ان يوصل اتشيقو لمستواه الحالي ؟

---

هذا وارد أكيد ، وهم في احتمال ثاني يعني أعتقد اهو حتى لماحطها في روكيا كان يعرف أخر شي انة بينكشف وكانت محاولة فاشلة ..في هذي الأوقات كانوا ايزن وجين وتوسين خلاص طلعوا قرار بأعدام روكيا..لماصار الشي هذا أورهارا ماكان بيسكت ولما شاف قدرات ايشيجوا قرر انة يروح يحاول ينقذها بمساعده يورتشي وبالأخير كان يعرف انة الكل بيعرف حقيقة أيزن يعني الأقل انقذ روكيا وعرفوا الكل حقيقة أيزن

هذا اللي طلع معاي ههههه

ونشوف ان شاء الله يمكن يطلع كثير من التوقعات صحيح ^^

سلااااااااام شلونكم^_^


امس طالعت حلقة64 منزلتها تورينت بعد مافقدت الامل انه موقع ينزله دايركت

عجيبه الحلقةه معنها فيللا واحلى شي لمن يهزؤن رينجي اهني مت من الضحك

والشخصيات اليديده عجيبه شكلهم^_^

اغنيه النهاية شكيت انه هذولي يكونون مثل كون kigan؟؟

توكي اعتقادي انه تورهارا متورط بالسالفه بس انا قاعده افكر بشي واحد اهو حطها بروكيا واللي تصير عنده يصير عنده نصف قوة شييامي ونص هولو وايشجوو دايما يطلعله هولو لمن يقاتل ليش؟؟؟