قهوة WoW .. :P

شبآب كيف أطلع شريط الإختصآرآت اللي مسوي عليه تحديد بالأحمر

http://www.m5zn.com/img/?img=02b5538a3e850ea.jpg

السلام عليكم

و أسعد الله صباحكم ، مبطين عنكم ،،، ومبروك عليكم الشهر مؤخرا

انا ياشباب هذا اول رمضان لي عزوبي ،، عز الله انه اقشر

السلام عليكم

شلونكم ياشباب وبنات

هلا والله ميكافلي , الله يهداهم الشباب من رمضان كاتب كلامك و محد رد عليك

شنو القهوه ماتت من رحت عنها انا , والله و اثبت جدارتي ان القهوه ولا راح اقول المنتدى عشان مايقولون مغرور وشايف نفسه وانا بصراحه يحقلي الغرور ليش لأني اشبه سفلستر ستالون و عندي منطق و البنات مخامط علي

المهم اني اثبت جدارتي ان الحياه بدوني مالها طعم او لون والدليل ان كثير من الناس ماقمت اشوفهم يشاركون , اعتقد والله اعلم انهم انتحروا من بعد ماسمعوا اني اعتزلت المنتدى

عموما انا دخلت اسلم عليكم كلكم بلا استثناء ولا ابي اعدد اسمائكم عشان ما انسى احد ويزعل بس الكل بدون استثناء وحتى البنات اللي صكوني توقيف وحتى الشباب اللي جوني مطفين الليتات و طبوا فيني عشان انصكيت توقيف و هم اساسا مايدرون شنو الطبخه

ولا حتى يدرون ليش قلت ابي التوقيف و اصريت عليه , بالنهايه انحذف الموضوع و تقفل عشان يعرف الاخ ان ردي راح يزعله و يفحمه فقال اقفل الموضوع و افتك من شره , لأن معروف ان لساني طويل بالحق

فوق هذا مو زعلان عليه و لا على احد , انتوا عارفيني ان قلبي كبيره و يسامح وتدرون ان قلبي يسعكم كلكهم و يسع لزلاتكم و تجريحكم لي

عدل او انا غلطان

لا قول غلطان بعد

لا قول


عموما حبيت اسلم , دخلت عشان اسلم بس ماتهون علي انسى العشره اللي بيني وبينكم , والعشره ماتهون الا على اولاد الحرام مثل مايقولون

انا موجود اذا تبون شي دزولي واستاب او رساله خاصه , بس لحد يدق لأني ما ارد على ارقام غريبه , اللي يدق بصكه بلوك , تبيني بالتلفون واستاب بس

تدق على ما ارد عليك

ادري المكالمه تنحسب عليك مو بخل بس انا ما استقبل مكالمات

اي اي الكلام موجه لك انت , منو يعرف رقمي غيرك يعني

عموما انا استأذنكم الحين عندي شويه شغل بخلصه

مع تحيات كتيبه احفاد قصدي تلاميذ الملك

السلام عليكم

شلون كلن بأسمه . اسم اسم و نك نك و لقب لقب

حبيت اسلم عليكم لأني توه احصل كمبيوتر و قلت لازم ادش اسلم مايصير ما اسلم , معقوله اخلي التلاميذ يقولون جبان و انحاش

لا انا مو جبان ولا انحاش , قلت اسلم عليكم واشوف اخر اخباركم مع اللعبه اللي اسمها ووركرافت

لما الحين تلعبونها او بطلتوا ؟

اللعبه لعبتها لما نزلت واستمريت فيها زمن طويل , تقريبا سنه 2005 اولها او اواخر سنه 2004 , مااذكر بالضبط متى لأن كان اكاونتي امريكي و مادري وين راح والله , بس مو بايعه

لعبت العبه تقريبا لما 90% منكم ناجح بال3 ابتدائي و ابوه شاريله قاري يلعب فيه بالحوش والخدامه تحرص عليه عشان مايطيح

نفس هذا

http://img43.imageshack.us/img43/6214/img0595d.jpg

بس طبعا مو نفس الحجم لأن هذا كبير , اللي كنتوا تستخدمونه اصغر و فيه تواير صغيره يمين ويسار التاير اللي بالخلف عشان ماتطيح , طبعا غير الخدامه الفلبينيه اللي تحرص عليك

طبعا بوحا يمكن يفكر ان انا نفس عمره , يعني بالليل لما يقعد بينه وبين نفسه وقبل ينام يتخيلني ويتخيل شكلي ويقول :الحين ولد بطنها شنو قاعد يسوي ؟ وين يروح و وين يجي , باللحظه هذي وينه فيه وشنو قاعد يشوف:

يعني يقعد يتخيلني و يتخيل شكلي وشنو قاعد اسوي , و اهو حاط شكلي نفس شكله و عمري نفس عمره , بس بعدين يقول شلون ولد بطنها يلعب اللعبه واهو يقول سنه 2004 و انا بالسنه هذي كان عمري 8 سنين و توني ناجح وابوي جايبلي هديه النجاح ملابس سبايدر مان مع قاري حجم 16

شلون اهو يعلب اللعبه واهي بفلوس و اشتراك شهري

طبعا كل واحد يتخيل ويحلل على كيفه لأنه ماشاف بعينه

لكن ابشرك يا بوحا ان انا لما نزلت اللعبه كنت موظف . لا و مو بس موظف . كنت متزوج

لا و مو متزوج بعد . عندي عيال

واللي ينجح فيهم اجيبله قاري

الحين مايبون قاري يبون ايباد و ايبود و نزل الجديد ايباد ميني و يقولون جيبه لنا , الله يسلمك عندي 4 عيال انا , 3 صبيان و بنت , 3 منهم عندهم ايباد , يعني كل واحد ايباد خاص , وواحد فيهم قنوع عنده ايبود

ولدي ملك هاي نون او مدري شسمها , من كثر مايلعبها صار الملك فيها , قلتله بصير مندوبك طردني

اتوقع لو عيالي يطيحون بووركرافت يصيرون ملوك فيها من كثر مجابلهم

المهم ماعلينا

انت شلونك , خلصت المدرسه او بعد ؟ انت كأنك تدرس ثانويه , اذا عمرك 8 سنين سنه 2004 يعني عمرك الحين 20 سنه يمكن , يعني متخرج صارلك سنتين صح

وين الحين تشتغل او تدرس . وهل محتفظ بالقواري ملات السنين اللي طافت قبل ماتطيح باللعبه

عادي ترى مافيها احراج ولا شي , لأني 90% من الشباب نفسك , لما انا والملك نلعب ووركرافت كانوا يلعبون بالقاري , واذا يبي يروح البقاله الخدامه تمشي وراه وساعات تركض اذا كان الولد تعود على القاري وصار يسوقه بدون التواير الصغيره

واهي طبعا تركض وراه عشان محد يتحرش فيه من العيال الصيع اللي ابوهم مثلا عربجي سابق او ابوهم بخيل , وماعندهم احد يجيب لهم قاري , ف يمسكون عيال الحاره ويطقونهم وياخذون القاري منهم , الخدامه هني يجي دورها و تفكه من هالعربجيه

عيال خالد مسعد و محمد سليم

انت شلت التواير الصغيره او لأ ؟ او الحين شريت سياره ؟

اكيد كرولا و يسمونك ملك الدرفت او كامري

اشبك ياشيخ

شخبار كلاش لما الحين تمشي معه او تركته



بروح الحين اخليكم بحفظ الله

مع السلامه

ههههه هلا والله كارازان

احنا بخير حايسين مع اللاعبين ونساعدهم

انت شلونك فديت هالطله والله لا تطول علينا

هلا والله فاني

عسى دوم مو يوم تكونون بخير وعافيه , انت لما الحين لفل 85 ؟

تدري ان في توسعه نزلت اسمها باندا ؟ وصل اللفل 90 ؟

ادري مو مصدق بس والله نزل باتش جديد اقسم بالله و طلعت ديره جديده . انت شكل اشتراكك بطيئ حده ولما الحين تلعب لفل 85

لا يااخي روح اشترك ترى الاشتراكات الحين طاحت بالقاع

http://fasttelco.com/residential/gpon/

هذا الرابط اذا مو مصدق , لا و فايبر بعد , ال8 ميجا ب200 دينار عند فاستيلكو

طبعا واجد 8 ميجا اذا العاب , 2 ميجا كافي , انا 2 ميجا والعداد اخضر على طول 159 الهوم و 163 الوورلد و الاف بي اس 73 اللي اهو الفريم , جهازي ماك

طبعا ينزل اللاق يوصل 113 ويزيد 159 مع ان اول مره اشوفه 159 العاده 130

هذا 2 ميجا فايبر , وان شاء الله ان شاء الله اذا زادوا بدل اجار 100 دينار و الاولاد خلوهم 75 دينار بشترك 8 ميجا وادفع الفرق

بعد شنو
والله نسيت شبقول , لما اتذكر اقول

هههههه هلا والله ,,,, لا ياقلبي انت انا لفل 90 فديتك والله ههههههه دايم دمك عسل

فاستيلكو مو شي وليم الحين ما شغلوا الفايبر بالقرين عندنا :>

السلام عليكم

شلونكم يالربع كيف حالكم ان شاء الله بخير

انا بحاول ارجع هالقسم شوي شوي لين ربك يفرجها و تنزل لعبه جديده خاصه من نفس الشركه و ماادري اذا يصير لها موضوع خاص مستقل او موضوع يتثبت

لكن بالوقت الحالي انا شفت ان القسم مات , و في ناس تسأل وبالغصب احد يرد , مع اني قطعت اللعبه لكن بحاول ارد على اللي اعرفه

انا حاليا راح اتواجد يمكن بشكل يومي مو اكيد , انا اضربت على الكلام ولكن شفت ان القسم يحتاج تنشيط , ومصلحه المنتدى فوق مصلحتي الشخصيه

عموما بشوف اللي اقدر عليه و ابشركم راح اناشب كل الخارجين بكل الاقسام واخلي قسم الشكاوي ينشط مره اخرى من شكاوي الناس علي

يلا الحين بطق فره عالمنتدى بشوف الجديد

برب

امس يمكن او قبل امس وانا بالمطبخ في المزرعه لفت انتباهي تفاحه وذكرتني بشخص عزيز علي جان اصورها عشان انتوا تشوفونها

مو تشبه Gruul

ملف مرفق 356407

سلام عليكم كييييكرز

شخباركم واشلونكم

حبييييت اسلم عليكم وصج مثل ما قال عمي شنبو القسم ميت

ادري ادري لاني انا مب موجوده

عمي شنبو تدري اشتقت حق منو ؟؟؟؟؟

الي كان دوم يتضارب معانا حتى نسيت اسمه والله له وحشه ههههههههه

والسموحه اخاف الحين يدخل ويتضارب مافينا :)

اهلين دوديت شلونج شخبارج والله انتي اللي لج وحشه

قصدج بوحا , اي بوحا راح خلاص زعل علينا , اهو بعد الله يهديه مايتحمل توقيفات , توقف مره وزعل وتهاوش معانا وراح

خلك روح رياضيه و تقبل التوقيف بصدر رحب , مثلي بالضبط , شكثر اتوقف لكن اتقبل التوقيفات بسعه صدر

مع ان التوقيف يخدم , يعني شوفني انا كنت استغل التوقيفات واسوي روحي مسكين ومظلوم لين وقفوا معاي الناس و صاروا يساندوني

انت لو متمسكن يعني مسوي روحك مسكين بعد التوقيف جان كسبت تعاطف الناس , لأن بطبع الناس ان ينكسر خاطرهم بسرعه , انت المفروض تسوي روحك مسكين ومظلوم وراح تحصل تعاطف مع ناس و حتى انك تحصل شبيحه يدافعون عنك بالخفاء

نفس البسطويسي و نخيلان و باقي الشبيحه اللي اخر مره قاموا يتهاوشون معاك

انت خلك جذي جمع شبيحه غير الناس اللي يتعاطفون معاك

وين تعال بشوفك , من زمان ماشفتك ولا سمعت صوتك , مع اني ادري 100% انك تموت فيني بس تسوي روحك ماتحبني وكله تتهاوش معاي

اذا كان على الكلام الاخير اللي طلع منك فأنا مسامحك على كل كلمه قلتها لي و انا اصلا نسيت كل الماضي , انت انسى الماضي وتعال لأحضان حبيبك

ايديني مفتوحه لأستقبالك تعال بالحضن ياعمري

برب غداااا

هههههههههه ما عليك هو يقرا ومتابعك بس يستحي يدخل باسم مستعار ثاني بنقول حق مشرفنا الي قلبه ابيض يشيل التوقيف منه وصافي يا لبن ويدخل ويتضارب لان صج القسم ميت بدون ضرابه :)
وترا عمي شنبو هو بعد يحبك ويموت فيك وخلاص سامحك (امبيه صج اخاف يطلع وينهد علينا) ترا انا ما يخصني انزين

عالعموم شخبارك عمي شنبوووو

السلام عليكم ورحمته الله وبركاته ...

أعزائي الكرام:

حبينا نسلم عليكم ونفيدكم بأنه لا نعلم لماذا تركنا المنتدى.... أي شي حطوه برأس يوشي... قولوا هو ألي مزعلنا...
أنقذوا القسم ... أنقذوا الحيتان....
ولدبطنها .... لا تتزيدن PLZ.

وعليكم السلام

يوشي مختفي , يمكن تزوج و شارطين عليه بالعقد ان مايدخل النت

القسم توفى , الناس بطلت تلعب ووركرافت , ستار وورز و جيلد وور 2

بس تبي الصج احسن جذي , ماكو احد و تستفرد بالقسم على كيفك , يعني لو تكتب كل يوم "السلام عليكم" يعطونك وسام نشاط لأنك الوحيد اللي تكتب بالقسم

وهذي من صالحي لأن انا من هواياتي جمع الاوسمه , يعني لو تشوفني بالشارع وتقولي يالطيب انا هوايتي جمع الطوابع . انت شنو هوايتك ؟

اقولك انا هوايتي جمع الاوسمه ونقاط التقييم

بعدين عاد لما تاخذ ال3 اوسمه لكل قسم تبدأ تقول للناس تدخل المنتدى , تكون شنو ؟ ضبطت نفسك بالاوسمه و تقعد متفرج . مثل ماتقول تلعب فاينل فانتسي 8 و تحط كلمات سريه تخلي infinit health بدليه بس يعني طاقه ماتخلص وفلوس ماتخلص وكل شي مايخلص

ماعلينا

انا ملاحظ ان ناس تكتب تحت اسمهم كلمات شلون جذي ؟ انت ماشاءالله عليك خبير بالمنتديات وجذي . هل في اختيار يخليني اكتب ؟ دخلت الضبط وماشفت شي

ابي اكتب عضو موقوف هههههههه

ما يحتاي تكتب الحين بطرش مسج حق راعي المنتدى وبقول ولدبطنها تحرش ويغازل وبتحصل احلى توقيف مني :wink2:

شالمنتدى اللي نص اعضاءه يدخلون مخفي

انا ماتحرشت ولا غازلت , قاعد اتكلم عادي , حتى شوفي كلامي مافي اي شي مشبوه

يالخواف انزين بقول عالخاص غازلني

وانتي بس ودج اتوقف

ماشبعتي وانتي تشوفيني كل يومين موقوف

مع اني احب الاماراتيين مادري ليش ماتحبوني

اليوله , كندوره , ماروم , ميهود , دريول

يمكن اللي مايعرف يقول هذوله اسماء اسباط بني اسرائيل , خصوصا ميهود قريبه من يهود

لا هذي كلمات اماراتيه و حسب كلام صديق لي يقول كلمات قديمه والجيل هذا ماصار يقولها

المهم ان الامارات الحين تطالب الاتحاد الاوربي للأنضمام لهم

اي ركبت تواير من زمان . اخوانا الصينيين مو مقصرين , صراحه ماقصروا فينا , من بعد المطاعم و خصوصا بط بكين المحمره و مقطعه شرايح الى لزوم الكشخه من اقلام و محفظه و يكرم المشاهد جواتي و نعال

الحين قدموا لنا الشغلات الخاصه بالسيارات ومنهم تواير , لا اخوانا الصينيين مو مقصرين فينا ابدا

انا حاليا افكر ارفع السياره 6 انش , نفس الوانيت اللي كان عندي قبل و اخلي التاهو نفس جذي

ملف مرفق 356496

هذا فقير LT انا التاهو مالي LTZ

هذا تقريبا 6 انش مرفعه , وانا بسوي نفسه وكلمت واحد يجيبهم من امريكا ومادري بنطر اشوف اذا تكفي فلوسي

وهذا يبيله تواير بعد نص حجريه او حجريه عشان يطلع احلى

وهالصوره بعد ما ركب تواير حجريه

ملف مرفق 356497

بس لازم تراعيين الارتفاع , لأن الصوره فوق 6 انش و مع التواير يرتفع اكثر يصير 8 انش او 10

وانتي اذا فكرتي ترفعين سيارتج قوليلي عشان اضبطج , لأن مو على طول ترفعين و خلاص , جذي يطق الجير بعد شهر يمكن لأن الجير مبرمج على حجم تواير معينه

فأنتي اذا تبين ترفعين الموتر اول ماتخلصين روحي حق علم , مو علم الامارات لا , واحد اسمه علم , اهو جذي اسمه , قوليله ابيك تبرمج الجير , اهو يعرف شغله ويعرف المطلوب , هذا بالكويت بالشويخ خلف سوق رامز , بالامارات مادري وين تروحين

المهم ان سيارتي نفسها بالضبط ونفس اللون , وقاعد ادور كراج زين بصبغ السياره بعد كامل لون اسود ملكي وبعدين بشوف الرفعات واسعارهم

و التواير الله يخليلنا اخوانا الصينيين بس ياليت عندهم تواير حجريه


شكلج تهزين راسج يعني فاهمه وانتي ماتدرين عن شي

ههههههههههههههه ما فهمت شي شو السالفه

شنو مافهمتي

انتي بالامارات المفروض تعرفين , كل اليوتيوب لما ادخل اشوف هدرز جديد او تواير جديده او اي شي مخصص للسيارات اشوفهم اماراتيين , لأن عندكم كل شي متوفر , المفروض تعرفين

امس ويني ؟ امس رحت الكراج قطيت سيارتي صبغ و شرطت عليه يضبطها مو صبغ اي كلام , قالي شرط اخليها وكاله

بشوف شراح يسوي , اهم شي التموج , موج بحر يعني بس بطريقه اخرى نقولها , تموج الصبغه , يعني تشوفينها من قريب تشوفين مثل الموج

او تتقشر او تصير باهته كأني صابغ السياره صبغ طوفه

هم مفكر اركب هوائيات عالموتر , انا حاليا مركب دبه ماجنا فلو و شايل دبات التلوث و الدبه الرئيسيه الكبيره و اخر دبه الصغيره , شلتهم كلهم وركبت دبه ماجنا فلو عشان الصوت , والصوت الحين شوي قوي من شلت اخر دبه واللي يكون فيها فلتر صغير

الحين يمكن لما اروح الفحص الفني ما يطلعولي دفتر , يقولي السياره صوت

وافكر اركب هدرز 3 كامل مع وصلات 3 انش , واركب سستم شوته afe و ازيد قوه المكينه عند علم عن طريق الكمبيوتر

وتوني مستلم ليتات زينون طالبهم من امريكا بقوه 75 واط , لأن فريت الكويت كلهم 35 واط

و بشتري ليتات عدسات عشان ما اعور عيون الناس مثل هذول

ملف مرفق 356507

العدسات عشان يكون الزينون مستوى واحد مو مطشر بكل صوت نفس الحين على الليت العادي

والعالي بركب فيه الزينون ابو 75 واط , عشان اي واحد يتحرش اصكه بالعالي اخليه ينحرف عن الطريج ويدخل بالشبه

طبعا غير الرفعه مثل صور التاهو فوق , برفعه و متردد بين 3 انش و 6 انش

يقولون الناس ان الرفعه فوق 3 انش احتمال ينقلب الموتر اذا بتناور فيه او تروح البر والطرق الوعره . والتحكم بالسياره صعب و فوق هذا كله ان في اماكن ماتقدر تدخلها

نفس ماكدونالدز حاطين حديده على مدخل السيارات وارتفاعها مترين وشوي . خوفج لما ادخل يحك سقف السياره

غير المواقف بالوزاره والمجمعات هم حاطين حديده

وطبعا راح انكل الرنقات , شنو تسمون الرنقات ؟ جنوط

بخليهم نيكل مثل المنظره , بالحاله هذي اصير معروف

يعني وانت تمشين صوب البحر في دبي صوب برج العرب او النخله , راح تشوفين تاهو اسود مرتفع و رنقاته منكله و صبغته جديده و مركب ليتات و صوت السياره قوي شوي و عشان تعرفيني اكثر رقم السياره كويتي و ذرب , اهو واحد من هذوله 12000 22000 32000 42000 52000 62000

اهو واحد منهم , ان شفتي ترى انا

واهم شي وفوق هذا كله ان اللي يسوق السياره واحد كيكه , يعني مزيون يفضخ القلب , اذا شفتي السياره واللي يسوقها واحد جميل فأنا هذا

صوره , توقيع انا حاضر

ممكن تجيبين العيال يصورون معاي , هم عادي

وتحطينها هني وتكتبين المجنون اهو

يلا باي

يدافع البلا
توني بشوف طلبي شصار عليه بالجمارك

طالب قلم كارتير , التوصيل 7 دنانير الا 50 فلس

ارامكس نصابين , قبل كنت اطلب اشياء واجد والتوصيل 3 وشوي

7 دنانيييييييييييييير عشان قلم

البسطويسي موجود

يعني مازلت تدخل وتشوف وماتتكلم او ماتدخل كلش

انت ماتطلع الا بالهواش , اطلع الحين سولف معاي دام ماكو احد

ابي شخص ارتمي بحضنه واشكيله حالي

هههههههههههههههههههه عمي بو شنبووو انت وش تخربط دبة وموج بحر لايكون قاعد تسوي فلم 3دي بسيارتك وتبي ليتات وحاطلي ارقام 000000000 تقول رقم قطر وشياب الاراميكس بالموضوع وقلم كارتيير وخرابيطه وتبي حد تشكيله حالك

شو رايك اعطيك موقع فيه اغاني على بحر واسمعه واشكي حالك معاه

المهم ماعلينا

دام اننا في قسم اللعبه خليني اتكلم شوي عن اللعبه , انا واعوذ بالله من كلمه انا كل اكاونتاتي انصكت باند نهائي , تقريبا بكل اكاونتاتي هناك 25 شخصيه لفل مابين 80 و 90

وهناك ايضا بحدود ملايين القولد وغير الاغراض اللي تسوى جولد محترم , كل شي راح

حاليا وبالتحديد امس قلت بدخل اللعبه من جديد لأني قطعت عنها من يوم صكوني باند , قلت بدش وبشوف شنو الجديد وبوصل شخصيه لفل 90 وادخل رايدات وابحث عن الطرائد , لأني تقريبا 80% من وقتي باللعبه ابحث عن الجوائز والذهب

يعني مثلا اكتشاف اغراض سهل الحصول عليهم و يباعون بالمزاد بأسعار طيبه , او البحث عن rare يعني مونت او شي epic

على طاري الrare , انا شفت مشاركه من مشاركاتج تقولين في 5 اشخاص جدد باللعبه كل واحد يقط مونت , ممكن رابط هالشخص او الاشخاص عشان اشوفهم بالwowhead

المهم حاليا انا في السيرفرات الامريكيه , في سيرفر dark iron

قلت انحاش عن العرب و اليونانيين , العرب اقصد العرب صغار السن وليس انتم

بعد اشتراكي شفت ان اللاق زين , يعني الهوم و الوورلد بحدود 200 الى 250 لاتنسي والحركه سلسه ماحسيت ان في لاق

هذا السيرفر لما دخلته قعدت ابجي , يمكن طول الليل وانا ابجي , تذكر ايام اول , مر علي شريط ذكرياتي الجميل باللعبه , تذكر ايام عز اللعبه و اصحابي اللي معاي

لأن بدايتي باللعبه كانت بالسيرفرات الامريكيه و بهذا السيرفر دارك ايرون , هني رفيجي ولد بطنها اللي عروقه بالماي صار اول نينجا باللعبه , وهني كانوا ربعي كلهم يلعبون اللعبه ايام الرايد كان 40 لاعب , وكانوا ربعي بحدود هذا الرقم اذا مو اكثر

طبعا مو كلهم ربعي من الدوانيه نفسها , من الدوانيه نفسها كانوا 25% من مجموع العدد والباقي نعرفهم و من نفس المنطقه , كنا مانحتاج احد من الامريكان . بالعكس هم اللي ودهم يروحون معانا

المهم ان خلاص ماراح ارجع للأوربي , ماراح ارجع ابنوب

ماراح ارجع لليونانيين انعل ابوهم مافيهم واحد محترم الا من رحم ربي , كلهم نينجا , عسى ماندخل قروب نشوف 3 يونانيين , واذا طاح شي ابيه كلهم يضغطون need عشان يكون الفوز 3 مقابل 1

والخامس يكون اوربي و ماله شغل بالسالفه

يفوز واحد فيهم ويسوي trade مع رفيجه ويعطيه

لا خلاص ماراح ارجع , لا تحاولون

عاد الحين بقزرها لين يجي موسم الحمام , 14\4\2013

لما يجي هالتاريخ بروح المزارع او البر و بقتل من الحمام , هذا اذا صادفت





وبالنهايه لا يسعني الا ان اشكر طيب متابعتكم و


سلام عليكم

افا عليك والحين انا 3/5 وعقبال ال2 الباقين

http://wow.mmosite.com/news/01142013...are_mobs.shtml


اشفيك الحمدلله والشكر صج مب صاحي، تصدق ترا مافي غيري وانت الي في المنتدى هذا يعني لو سبينا وغلطنا يبالك دهر لي ما حد يلاحظ

ولا تنسى يطيحلك ربيتيشن ساعات 3 -5 يعني 3ك - 5ك ربيتيشن ببلاش

نعم انا مو صاحي اعترف

بس المونت هذا بس متوفر الشكل اللي بالرابط , يعني نفسه كلهم لكن الوان مختلفه او 5 كل واحد غير شكله عن الثاني ؟

و ما في مونت يطير حاطينه جديد وسهل مو نفس اللي يطير التنين صوب المدن الجديده مالت الهورد والاينس اللي يطير فوقهم وعليه شيلد لازم ينكسر وبعدين نقدر نذبحه


يعني ابي مونت سهل , اشوفه -> اذبحه -> لووت -> مونت

اقتباس:

---

اشفيك الحمدلله والشكر صج مب صاحي، تصدق ترا مافي غيري وانت الي في المنتدى هذا يعني لو سبينا وغلطنا يبالك دهر لي ما حد يلاحظ

---

للأسف في واحدة تتابعكم .

اقتباس:

---

المشاركة الأصلية كتبت بواسطة ام ابـراهيم

للأسف في واحدة تتابعكم .

---

يا حياه الله ام ابراهيم شخبارج والحمدلله في حد موجود في القسم غيري ومرحبابج في قسمنا المتواضع ترا إلا هي سوالف عزيزتي بعد مافينا نلقا توقيف مثل بعض الناس ويتشمتون فينا

شفتي شلون بغينا نروح مثل شربه الماي

مو عضو عادي طلع اللي يشوف كلامنا , طلعوا المراقبين كلهم قاعدين يشوفون , وانتي تقول يبيلهم دهر على ما يشوفون او ينتبهون

يبا المنتدى ملغوم , الحكومه كلها شايفه وعارفه ولا يخفى عليها شي , تبين نطلع اذكى من الحكومه يعني

ياهلا ام ابراهيم شلونج شخبارج , هذي الساعه المباركه اللي شفناج فيها

يااهلا وسهلا نورتي القسم بالطله الجميله هذي



دوديت غيري اسمج

المهم دوديت جم مونت جديد . كلهم نفس الشكل بس الوان مختلفه او مختلفين كليا عن بعض

وهل فيهم اللي يطير او كلهم مونتات ارضيه

والله انا سمعت 5 ماونتات بس انا طاحلي 3 والحين افرم حق ال2 البقية وامس واحد قالي هم 3 والرابع لونه احمر يطيح يوم تكون exalted مع المدينه الجديده والثلاثه الي عندي الوانهم مختلفه بس الحين حمستني حق الماونت الي يطير قولي وين مكانه اليوم بروحله تعرف مكانه دلني عليه

كلهم ارضية وشكلهم عبيط بس حلو تغيير شوي

اقتباس:

---

المشاركة الأصلية كتبت بواسطة Dudette

يا حياه الله ام ابراهيم شخبارج والحمدلله في حد موجود في القسم غيري ومرحبابج في قسمنا المتواضع ترا إلا هي سوالف عزيزتي بعد مافينا نلقا توقيف مثل بعض الناس ويتشمتون فينا

---

أنا بخير دائما اتابعكم , كلامكم ممتع رغم في كثير أشياء لا افهمها .
مو مشكل أفهم جملة و اترك اخرى .

المهم المنتدى يحتاجكم و يجب ان ترجعوا النشاط لهذا القسم .

{أما انت شكرا للسؤال انا بخير و المنتدى منور بوجودك لكنني لا أقدر أرد عليك لان في حكومة اخرى تتابعني و تتابع ردودي }.
تحياتي لكم ام ابـراهيم

الله يسلمج

المنتدى منور بأهله واحنا يشرفنا المشاركه عندكم في هذا المنتدى الجميل

لكن لا تحاتين الاداره او الحكومه بالها وسيع

لو مو بالها وسيع كان شفتيني موقوف من زمان و توقيف نهائي

متحمليني الاداره ومتحملين الشرير اللي بداخلي , انا قلتلج ان انا فيني انفصام بالشخصيه عدل ؟

انا مره اصير طيب و مره اصير شرير . وكل التوقيفات اخذهم بسبب الشخصيه الشريره , لذلك الاداره تعلم بهذا الشي و ماتعطيني توقيف نهائي لأن تدري ان اللي يكتب اهو الشرير مو انا الطيب

تعطيني توقيف يوم او يومين لحد ما ارجع طبيعي

حاليا انا الطيب

المهم انا وصلني خبر لما كنت مناك قالوا ان المنتدى انتهى . وان المشرفين كلهم اعتزلوا المنتدى . قلت مستحيل انا مشيت من المنتدى و في ناس . قالوا لا كل الناس راحوا

عاد رجعت اشوف لكن بدون تسجيل دخول , شفت مازال الناس موجودين . يعني قبل امشي كانوا الاعضاء 50 و الزوار 1500 و الحين نفسهم الاعضاء 55 والزوار 1500

بالعكس زدنا 5 افراد

لكن اللي احزنني ان شفت القسم هذا وقف نشاطه , طلعت انا صعب والله

طلعت انا اللي ماسك القسم وانا مادري , المفروض يعطون وسام التميز مو نشاط كاني فقير

المهم وعشان مااطول عليج بالقراءه انا بروح الحين عندي شغل وان شاء الله ارجع بعد ساعه

اقتباس:

---

المشاركة الأصلية كتبت بواسطة Karazhan

الله يسلمج

المنتدى منور بأهله واحنا يشرفنا المشاركه عندكم في هذا المنتدى الجميل

لكن لا تحاتين الاداره او الحكومه بالها وسيع

لو مو بالها وسيع كان شفتيني موقوف من زمان و توقيف نهائي

متحمليني الاداره ومتحملين الشرير اللي بداخلي , انا قلتلج ان انا فيني انفصام بالشخصيه عدل ؟

انا مره اصير طيب و مره اصير شرير . وكل التوقيفات اخذهم بسبب الشخصيه الشريره , لذلك الاداره تعلم بهذا الشي و ماتعطيني توقيف نهائي لأن تدري ان اللي يكتب اهو الشرير مو انا الطيب

تعطيني توقيف يوم او يومين لحد ما ارجع طبيعي

حاليا انا الطيب

المهم انا وصلني خبر لما كنت مناك قالوا ان المنتدى انتهى . وان المشرفين كلهم اعتزلوا المنتدى . قلت مستحيل انا مشيت من المنتدى و في ناس . قالوا لا كل الناس راحوا

عاد رجعت اشوف لكن بدون تسجيل دخول , شفت مازال الناس موجودين . يعني قبل امشي كانوا الاعضاء 50 و الزوار 1500 و الحين نفسهم الاعضاء 55 والزوار 1500

بالعكس زدنا 5 افراد

لكن اللي احزنني ان شفت القسم هذا وقف نشاطه , طلعت انا صعب والله

طلعت انا اللي ماسك القسم وانا مادري , المفروض يعطون وسام التميز مو نشاط كاني فقير

المهم وعشان مااطول عليج بالقراءه انا بروح الحين عندي شغل وان شاء الله ارجع بعد ساعه

---

إختي العزيزه ما عليج من عمي بو شنبووو ترا عادي تحصلين شنبة واصل مخه وهذا سبب انفصامة بالشخصية

المهم عمي بو شنب سرت الجزيره اليديده ودورت علي هذا الي راكب الديناصور وكسرت الشيلد الي عليه وذبحته بس ما طاحلي شي وذبحته يمكن 10 مرات انا وVoicee مليت منه وهو ما يطيح لنا شي بس يطيح مفتاح ايبيك وهالمفتاح يطيح مره بالاسبوع والدروب المفتاح في الموبز ضعيف بس في الرير عالي واتوقع تعرف شو تسوي بالمفتاح لو لا خبرني عشان اعلمك ...... والله دنيا عمي شنبو من بعد ما كنت تعلمني الحين انا اعلمك وين راح برستيجك انت مع الي في السرداب (عروقه بالماي)

ولا تنسى انا بعد ماسكه هالقسم مب بروحك

لا يا اختي الكريمه مو هذا

اللي اتكلم عنه معروف واكيد تعرفينه , بس يبيله سالفه عشان تكسرين الشيلد ماله

يعني اول شي الشيلد ماينكسر الا لما تذبحين موبات بالمكان او المنطقه اللي اهو يطير فوقها

Vale of Eternal Blossoms

عرفتي هالمكان , اللي فيه المدينتين الجدد الرئيسيتين للهورد والالاينس

في تنين يطير فوق عليه شيلد ويطير بكل المنطقه هذي , لما تبين تذبحينه لازم تكسرين الشيلد اللي عليه . توقفين مكان ولما يمر فوقج تسوي الحركه و يطلع channel منج للتنين مثل الجانل مال الوورلوك لما يبي يشفط الهيلث

لكن المشكله بكسره الشيلد هذا

تكسرينه شلون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تكسرينه بطريقه وحده فقط

بالمكان كله اللي اهو فيه يطير تذبحين الموبات , اي موب تشوفينه اذبحيه , في chance ضعيف حيييييييييييييييييييييييييييييييييييييييييل انهم يقطون skyshard

مثل الجوهره بنفسجيه واسمها بالبنفسجي

هذا رابطها

http://www.wowhead.com/item=86547

المهم انج تجمعين من الجواهر هذي 10 وبعدين دبل كلك تخلينهم جوهره وحده اسمها sky crystal

هذي اذا صارت عندج تروحين لأي برج او مكان مرتفع يمر فوقه التنين و لما يمر فوقج تضغطين عليها ويطلع نفس البرق منج للتنين فتره زمنيه بسيطه لغايه ما ينكسر الشليد

اهو شنو يصير فيه ؟؟؟؟؟؟؟؟؟

يزعل اكيد . شلون تكسرين شيلدي واسكت

راح يجي يطقج وانت تنطرينه لما يقرب وتذبحينه , سهل لا يغرج

المهم تذبحينه و تاخذين المونت اللي يقطه , يشبه بس زغير مو عملاق


المشكله شنو ؟ المشكله بالجواهر , انا قعدت شهر مشغل البوت افرم عليهم ماحصلت الا 2 بس بشخصيه و طلعت شغلت البوت بشخصيه ثانيه قلت يمكن هذا حظه احسن طلع اردى من حظ اللي قبله , طلعلي جوهره و انصك باند

و تبت بعدها من التفريم و حاولت ارجع اكاونتي وماكو فايده لين تركتهم ورحت للأمريكيه

اسم التنين

alani

رابط التنين

http://www.wowhead.com/npc=64403

انا تركته بعد غير ان الجواهر بالغصب تطيح , ان لازم اكزالتد مع 3 مدن من المدن الجديده , والمدن هذي لما الواحد يصير اكزالتد معاهم يقدر يشتري المونت التنين

فقلت بيني وبين نفسي , لو اخلص كويستات معاهم واشتري التنين منهم ابرك من اصير اكزالتد معاهم واروح اذبح الموبات ليل نهار عشان اجمع جواهر واكسر الشيلد

لكن كان الباند اسرع من الاثنين , لا انا صرت اكزالتد وشريت المونت و لا انا اللي ذبحت و جمعت جواهر


وختاما اشكر الكل على سعه صدورهم

ملف مرفق 356537

هي هذا عرفته لا ما ابي هذا انا عبالي واحد جديد صج طلعت مغبر عمي شنبو هذا من اول ما فتحووو البندريا وهذا موجود انا اتكلم عن الباتش الجديد 5.2

:)

انا قديم

قطعت عن اللعبه لما نزل الباندا . وصلت كم شخصيه لفل 90 عشان اشوف شنو الجديد وبعدين قطعت

الحين اي شخص يبي مساعده من لفل 1 الى 85 عندي

ومن لفل 85 وفوق الى 90 بقوله يروحلج

اقتباس:

---

المشاركة الأصلية كتبت بواسطة Karazhan

انا قديم

قطعت عن اللعبه لما نزل الباندا . وصلت كم شخصيه لفل 90 عشان اشوف شنو الجديد وبعدين قطعت

الحين اي شخص يبي مساعده من لفل 1 الى 85 عندي

ومن لفل 85 وفوق الى 90 بقوله يروحلج

---

افا عليك عمي شنبو وحاضرين لمنتدانا وكنت بقولك عن الماونتان الي يطيحون الخمسة تعرف شو طلع؟؟؟؟!!!!!

طلع الراير يطيحون 3 وواحد تشتريه يوم تكون exalted والخامس في جزيره فوق منطقة البندريا موجود بوس هناك ويوم تذبحه يطيحلك الماونت والدروب ماله مب 100% ولو في شي ثاني اتمنى تخبرونا فيه

كان المفروض يحطون مونتات تطير مو ارضيه

يعني الحين اللي قاعد اشوفه كل العالم يستخدمون المونتات اللي تطير , في كل بقاع الارض

صار المونت الارضي بس بالباتل جراند . ومع ان الاكثريه يستعملون المونت اللي يطير بعد ك مونت ارضي

----------


الحين عندنا ابديت , يوم الثلاثه الابديت بالامريكيه و الاربعه عندكم يالاوربيين , عاد توني مشغل البوت لأن كان عطلان يبي تحديث منهم بعد اخر باتش وامس نزل باتش نينجا عطل البوت و توهم يسوونه جان تقفل السيرفرات

ان شاء الله و ببركه رفيجي ولد بطنها اللي عروقه بالماي ملك اللعبه اسد ازيروث راح استمر لين اوصل 90 وبعد تجميع جير محترم للديره الجديده راح افتر على كل الرير اللي نازل واشوف شنو الجديد

--------------

انا بروح اكل شي من الصبح مجابل ebay ونسيت اكل , مدري يومين او 3 ايام ناسي اكل


-----------

موفقين خير

الحمدلله والشكر عمي شنبو ترا في منطقه جديده ما تقدر تستخدم المانت الي يطير اتوقع عشان شي خلووو الريرات ارضية عشان تستخدمها هناك وتقهر الي قاعدين يسوون الكويستات هناك

المهم ما علينا وبالعافية عمي شنبووو وشو قاعد تدور في ebay ???

كيفي فضولية

السلام عليكم ورحمه الله وبركاته

كيف حالكم

وبعد..

انا واعوذ بالله من كلمه انا ادش ايباي ادور الكشخه , بمعنى اني ومثل ماانتي عارفه انسان فقير . ان شاء الله في موضوع مستقل اكتب التفاصيل عن الفقر و الحاليه النفسيه السيئه اللي امر فيها

المهم اني ادش ايباي لزوم الكشخه , يعني قلم , بوك , اكسسوارات , الى الان شريت قلمين كارتير موديلات الثمانينات

هذا واحد

ملف مرفق 356562

وهذا الثاني

ملف مرفق 356563


لكن حاليا قاعد اتساوم على هالقلم , لويس كارتير اسمه , و مصنوع منه 888 قلم بالعالم و انا بشتريه مو لي عشان رفيجي ولد بطنها اللي عروقه بالماي واقدمه له هديه عشان يكون اهو من ال888 مجنون من مجموع 7 مليار عدد سكان الارض

هذا رابطه بس امانه لا تسومين فوقي ترى حدي حدي و متسلف بعد

http://www.ebay.com/itm/Mint-Cartier...item2ec6f66922


ومنها بعد تقرين الكلام لأن ما اعرف انجليزي , اي انا غبي مااعرف انجليزي غصب لازم اعرف ؟ لو اعرف جان ماطلعت من المدرسه من المتوسط

شوفي الجلد اللي عليه شنو , هل اهو تمساح او حيه , لأن في نفسه واذا بحثتي راح تشوفينه من نفس البياع عنده قلم من جلد كامل نفس اللي بالرابط , بس اللي بالرابط نص جلد و نص معدن

و القلم اللي كله جلد طاحت عيني على كلمه كركولست مادري كركدايل بس هالكلمه ماره علي في ووركرافت اشوفها على التماسيح , فأنا ذكي مثل ماانتي عارفه

شفت القلم جلد , وشفت كلمه كركلسك و ربطت الاثنين مع بعض طلع الناتج شنو ؟ طلع الناتج جلد تسماح , و كارتير اذا قالوا تمساح يعني تمساح مو نفس الصينيين يقولون تمساح وبالاخير يطلع نايلون او ماده تشبه النايلون على شكل تسماح

لذلك شوفي اذا تعرفين انجليزي الجلد شنو , تمساح او اوادم او صناعي , صناعي شنو بالانجليزي ؟ ماتدرين ؟

المهم ان حاليا طلبت ولاعه من الصين ومن شهر طالبها والى اليوم ما ارسلها , شكله باقني الاخ

اي بس , هذي كل الحكايه

وبعدين بقولج عن شركات التوصيل , ومحاسنهم و مساوئهم <------- هالكلمه احسها بدليه , جذي تنكتب ؟

ف من هذا المنطلق , انتوا بالامارات مايحتاج تطلبون من برع , انتوا تقولون بره او برع مثل البحرين

اي انتوا مايحتاج لأن كل شي عندكم متوفر

انا الحين لازم اروح , قولي ليش ؟

قولي


قولي ليش


بروح اسوي جاي و ارجع اشوف طلباتي اللي ابتلشت بعمري فيهم , قمت اقط فلوس بالهبل على الطلبات , تحسين انسان محروم 40 سنه وفجأه عطوه فلوس و افتحوا امامه كل متاجر العالم , شلون يبتلش ومايدري شنو يشتري بالنهايه يقعد ويبجي بس

هذا انا بالضبط , ترى قاعد ابجي الحين

بس انا فرقي وفرقه ان انا ماصارت عندي فلوس او عطوني فلوس , كل الموضوع ان الحكومه اعترفت بشهادتي و عطوني اسم فني و زادوا معاشي بسم الله ماشاء الله 30 دييييييييييييييييييينار














ثاني اغنى بلد بالعالم , هذا اللي يقهر

دا اوزي ناين ميلي ميدا

http://www.youtube.com/watch?v=UsNIikiuIp0

40 سنه يمكن بأمريكا و نزل انتخابات وفاز

ومازال ما يتقن اللهجه الامريكيه

السلام عليكم عمي شنبووو

اولا حلو القلم ما شاء الله بس للاسف مب من هواه اجمع اقلام :wink2: شان سرقته منك

وعن الجلد هي صحيح هذا جلد تمساح اصلي وعن المعدن ترا مكتوب ذهب وما اعرف يقصدون ذهب بييو او مطلي ذهب ؟

وعن كلمة بره او برع ترا نحن نقول الاثنين عادي ونقول خاري تراها نفس الكلمة :biggthump

وعن طلبك من الصين لايكون موقع علي بابا ما اعرف احس الموقع كله نصب ولو تلاحظ دور عن سلعه وبتشوف الاغلبية حاطين نفس الصوره

وعمي شنبو الصراحه ما عجبني شكل القوطي مال القلم شكله تقليد امبيه ما بحط الشك في قلبك بس حسيت شكل القوطي cheap هذا رائي وانا يوم باخذ ماركه بشتريها من المحل على طول لان اعرف وحده شرت من موقع وطلع تقليد وفي المحل قطعوو الشنطه وردولها اياه فعمي شنبو انا ما اييد النت حق الماراكات العالمية لان حقك ضايع هني ومب مضمون يكون اصلي او انت شاريه من شخص مب محل ولو اشتكيت عليه بيسكرون اكاونت الريال والريال يفتحله اكاونت ثاني

سوري عمي شنبو طولت عليك

ويه من زمان ما كتبت وايد :) شعور حلو تارسه الصفحه

اهلين دوديت صبحج الله بالخير لا وين الساعه 1 الظهر مساج الله بالخير

الاقلام اللي فوق هذوله الحين عندي alrdy و القلم ابو جلد هذا قاعد اتساوم عليه وانا اعلى سعر

كل مره اتساوم على شي واكون اعلى سعر لكن الشباب طلعوا ينطرون اخر دقيقه من انتهاء المزاد وبعدين يحطون اسعارهم و يقفل المزاد ويكونون هم اعلى سعر

صارت فيني بأقلام نفس ابو جلد هذا لكن يكونون بدون جلد , ذهب كامل

المهم ان هذا القلم اصلي والعلبه اصليه شوفي الختم داخلها , اما الكرتون الابيض هذا للحمايه فقط انهم يحطون كرتون القلم اللي بالاحمر داخله عشان مايتزلغ

وبقولج شي , كل بياع تشوفين عند اسمه نجمه لها لون , و كل ما صار الشخص محترم والناس تعطيه لايك لما يبيع شغلات يتغير لون النجمه وتزيد سمعته الطيبه الى ان ايباي يعطونه شعار اللي تشوفينه يمين اسمه اللي مكتوب داخل الشعار

top rated plus

هذا ان شفتيه عند اي بياع يعني ثقه و بضاعته مضمونه واصليه , الا اذا كتب بالوصف لأي سلعه خلاف ذلك او قال ترى هالقلم تقليد او في زلوغ , لكن بما ان كاتب عن كارتير ومصنوع منه 888 قلم بالعالم يعني معناته القلم اصلي


ماعلينا

الحين انتي كتبتي واجد وتحسين بتحسن بعلاقته في الدوام و البيت , عشان ما تلوميني لما اكتب واجد , الكتابه تخليني ارتاح

الحين انا توني قاعد من النوم وبروح اسوي شاي بالخاري , خاري شنو , يعني ال ج تخلونها ي , مو لهدرجه عاد , يعني التاجر تنادونه تاير , تقولين لأ , اجل لاتقولون خاري , شمعنا كل ج تخلونها ي الا التاجر ؟ تخافون من التجار

المهم بروح اسوي جاي وبدش ايباي بشوف اذا في اقلام جديده

عممت مساءا

احبك ولا يمكن انساك
اتمنى تبادلني نفس الشعور

حبتك العافيه

وانا احبك , الشعور متبادل هههههههه

من هذا الذي دخل في موضوعنا عرضاً

عليه اللحمة كيف تدخل الى مضارب قريش بدون ان تاخذ الذن من اسيادها

عليكم به هذا q8p واربطوه بالمنجنيق لنرميه في قسم اخر

ما علينا حبتك العافية مثل ما قال وحبيت اسوي فلم اكشن تاريخي

وبخصوص التاجر ترا هي نسميه تاير وعندنا منطقه اسمها جميرا ويسمونه يميرا واسم ماجد نسميه مايد ..... والخ

ما شالله ،، يعني تقولون كذا

ييب اليبن اليديد ولا ننسى الدياي ييبه و بنحوط للخاري ،، ماندري نحوط اليبل ولا يميرا ،، اهم شي نحوط برعععععععع ،،، وان ما طلعنا اليايات اكثر


هههه ترا امزح


==========

و العازمي قام ينقز و يتحداني ،،، ويوم انقضى الوقت جاب الشاعر الثاني


اسعد الله مساك يالعازمي ،، شلونك طال عمرك ،،، ختيت اليوم عالمنتدى واشوفك رجعت هنا

ياهلا يالاخ الكبير ميكافلي شلونك يااخي مااشوفك لا هني ولا هناك

بحاول ارجع امجاد اول و ارجع الملايين من الصحرا الى الصحرا اللي خبرك

فرحت والله من شفتك , بشرنا عنك




الاخت دوديت اذا كنتوا تسمون التاجر تاير فأكيد التاير له اسم ثاني , انا اللي اعرفه التاير اللي اهو عجله السياره , انتوا شنو تسمونه ؟ كفر او جنط مثل السعوديين او لكم اسم ثاني

انا من عرفت انكم تقولون ميهود و انا غاسل ايدي

ميهود من وين طلعتوها , اقرب مالها للي يسمعها اول مره يقول هذي كلمه عبريه مو عربيه

السلام عليكم

ابشركم و ابشر شبيحه الملك المخلصين

من الصحرا الى الصحراا

من الخليج الى المحيط

وابشر الامتين , العربيه والاسلاميه

صكونيييييييييييي بااااااااااااااااااااااااند بلييييييييزرد

اقتباس:

---

المشاركة الأصلية كتبت بواسطة ميكافلي

ما شالله ،، يعني تقولون كذا

ييب اليبن اليديد ولا ننسى الدياي ييبه و بنحوط للخاري ،، ماندري نحوط اليبل ولا يميرا ،، اهم شي نحوط برعععععععع ،،، وان ما طلعنا اليايات اكثر


هههه ترا امزح


==========

و العازمي قام ينقز و يتحداني ،،، ويوم انقضى الوقت جاب الشاعر الثاني


اسعد الله مساك يالعازمي ،، شلونك طال عمرك ،،، ختيت اليوم عالمنتدى واشوفك رجعت هنا

---

لووووووووووووول رمستك مية على مية بس ما نقول بنحوط خاري نقول بنطلع خاري ونقول بنروح نتحوط فبالعقل الحواطه تكون برع ما تكون حواطه في البيت

اسكت عن حد يسمعك من العربان ويضحك عليك هههههههه خلاص بستر عليك وما بواشي عليك (بواشي= افتن)

المهم ماعلينا ولو سمحتو عن الغلط على رمستنا الي تجنن

اقتباس:

---

المشاركة الأصلية كتبت بواسطة Karazhan

ياهلا يالاخ الكبير ميكافلي شلونك يااخي مااشوفك لا هني ولا هناك

بحاول ارجع امجاد اول و ارجع الملايين من الصحرا الى الصحرا اللي خبرك

فرحت والله من شفتك , بشرنا عنك




الاخت دوديت اذا كنتوا تسمون التاجر تاير فأكيد التاير له اسم ثاني , انا اللي اعرفه التاير اللي اهو عجله السياره , انتوا شنو تسمونه ؟ كفر او جنط مثل السعوديين او لكم اسم ثاني

انا من عرفت انكم تقولون ميهود و انا غاسل ايدي

ميهود من وين طلعتوها , اقرب مالها للي يسمعها اول مره يقول هذي كلمه عبريه مو عربيه

---

نحن نسميه تواير بعد يعني نفس الشي ويوم نغير الحرف من ج الي ي يعني ندلعه

انت شو دراك عمي شنبو

انتوا شقاعدين تقولون

شنو خاري و نتحوط و التحوط لازم برع البيت

برع هذي اعرفها يعني بره بس الباقي مافهمته

يعني لو اروح الامارات واقعد بين اثنين و يسبوني طول القعده والله ماادري عنهم

الامارات عربيه ؟

انتي من الامارات اللي بعد قطر ؟ اللي تصير بين قطر من شمال و عمان من جنوب و السعوديه غرب

او في امارات ثانيه او دوله نفس الامارات انجليزيه نفس امريكا ولايات بس تكتبونها بالعربي امارات


اعرف السودان امارات يسمون مناطقهم

انتي من السودان ؟

اقتباس:

---

المشاركة الأصلية كتبت بواسطة Karazhan

انتوا شقاعدين تقولون

شنو خاري و نتحوط و التحوط لازم برع البيت

برع هذي اعرفها يعني بره بس الباقي مافهمته

يعني لو اروح الامارات واقعد بين اثنين و يسبوني طول القعده والله ماادري عنهم

الامارات عربيه ؟

انتي من الامارات اللي بعد قطر ؟ اللي تصير بين قطر من شمال و عمان من جنوب و السعوديه غرب

او في امارات ثانيه او دوله نفس الامارات انجليزيه نفس امريكا ولايات بس تكتبونها بالعربي امارات


اعرف السودان امارات يسمون مناطقهم

انتي من السودان ؟

---

هههههههههه والله لو تقعد عند الشحوح بتتخبل وما بتفهم ولا كلمة والله والنعم فيهم نسايبنا :)

المهم انا من دولة الامارات العربية المتحدة، تقع في شرق شبة الجزيرة العربية في جنوب غرب قارة آسيا مطلة على الشاطئ الجنوبي الخليج العربي. لها حدود بحرية مشتركة من الشمال الغربي مع دولة قطر ومن الغرب حدود برية وبحرية مع المملكة العربية السعودية ومن الجنوب الشرقي مع سلطنة عمان. تأتي تسمية الإمارات نسبة إلى الإمارات السبع التي شكلت اتحادا فيما بينها وهي، إمارة أبوظبي وإمارة دبي و إمارة الشارقة وإمارة رأس الخيمة وإمارة عجمان وإمارة أم القيوين وإمارة الفجيرة. قبل 1971، كان معروفا في دولة الإمارات العربية المتحدة والإمارات المتصالحة أو ساحل عمان المتصالح، في إشارة إلى هدنة في القرن 19 بين المملكة المتحدة والعديد من شيوخ العرب. كما تم استخدام اسم ساحل القراصنة في إشارة إلى الإمارات في المنطقة من 18 إلى القرن ال 20 في وقت مبكر.

والله ونعم فيكم يااهل الامارات

انا احبكم والله لكن مشكلتكم ان كلامكم مو مفهوم

لكن قبل فتره رحت الامارات بسياره و شفت تعامل الاخوه الاماراتيين كان راقي جدا و كأنهم يحبونا لأن على الحدود قالي كويتيين ؟ قلت اي

قال تفضل و خلصني بسرعه مو نفس السعوديين الله يهداهم اللي يطولون ويزعل الناس ان قالهم حفره

يعني يدخلون السياره بالحفره مثل مالت اللي يغير زيت السياره و يفككون السياره عشان يفتشون

واذا خلصت وختم جوازي احذفه سقاطي

حتى ان طاش ما طاش حطوا حلقه عنهم

ان شاء الله راح اجيكم عن قريب و الوعد في برج خليفه , راح احط طاوله وكرسي واقعد باللوبي انطر الشباب والشابات , اللي يبي توقيع او صوره معاي

اقتباس:

---

المشاركة الأصلية كتبت بواسطة Karazhan

والله ونعم فيكم يااهل الامارات

انا احبكم والله لكن مشكلتكم ان كلامكم مو مفهوم

لكن قبل فتره رحت الامارات بسياره و شفت تعامل الاخوه الاماراتيين كان راقي جدا و كأنهم يحبونا لأن على الحدود قالي كويتيين ؟ قلت اي

قال تفضل و خلصني بسرعه مو نفس السعوديين الله يهداهم اللي يطولون ويزعل الناس ان قالهم حفره

يعني يدخلون السياره بالحفره مثل مالت اللي يغير زيت السياره و يفككون السياره عشان يفتشون

واذا خلصت وختم جوازي احذفه سقاطي

حتى ان طاش ما طاش حطوا حلقه عنهم

ان شاء الله راح اجيكم عن قريب و الوعد في برج خليفه , راح احط طاوله وكرسي واقعد باللوبي انطر الشباب والشابات , اللي يبي توقيع او صوره معاي

---

عمي بو شنب انت لو مفتقر تعال وافتح مشروع ب رادارين وصدقني بتكسب ذهب من كثر الرادارات الي عندنا

المهم ماعلينا ليش الناس تاخذ توقيعك على اساس منو انت؟ ممثل مشهور او كاتب مشهور او منتج مشهور او او او .......الخ مشهور . ؟؟؟؟؟؟؟؟؟؟؟؟؟

المهم بشر فزت بالقلم او بعدك؟

نعم انا كاتب مشهور

معروف في كل دول الخليج و شمال افريقيا

وعشان تتأكدين اكثر , دقي سلف الحين و روحي مكان في تجمع شباب و قولي منو فيكم يعرف المندوب ؟ اللي اهو انا , قولي منو يعرف ملك اللعبه ولد بطنها اللي عروقه بالماي ؟ او منو فيكم سمع فيه ؟

صدقيني راح تشوفين ان منهم اللي يعرفني او سمع فيني

نعم

انا مشهور ومعروف , من الصحرا الى الصحرا

و تعالي , شنو ابيع رادارات ؟ في احد يبيع رادارات . قولي بيع ايفونات او كروت تعبئه , هذا اللي الناس تحتاجه وتهتم فيه , مو ابيع رادارات

اقتباس:

---

المشاركة الأصلية كتبت بواسطة Karazhan

نعم انا كاتب مشهور

معروف في كل دول الخليج و شمال افريقيا

وعشان تتأكدين اكثر , دقي سلف الحين و روحي مكان في تجمع شباب و قولي منو فيكم يعرف المندوب ؟ اللي اهو انا , قولي منو يعرف ملك اللعبه ولد بطنها اللي عروقه بالماي ؟ او منو فيكم سمع فيه ؟

صدقيني راح تشوفين ان منهم اللي يعرفني او سمع فيني

نعم

انا مشهور ومعروف , من الصحرا الى الصحرا

و تعالي , شنو ابيع رادارات ؟ في احد يبيع رادارات . قولي بيع ايفونات او كروت تعبئه , هذا اللي الناس تحتاجه وتهتم فيه , مو ابيع رادارات

---

وبعد ابتعدت عن النص

فزت بالقلم او جرحتك يوم يبتلك طاريه :wink2:

على طاري القلم نسيت ارد

لا والله يالرغده ما فزت

كنت بالسياره والوضع 100% , انا اعلى رقم ب620 دورار

وصلني ايميل بالتلفون ولما فتحته كاتبين انت مو اعلى واحد الحين , ارفع سومتك

لما شفت هالايميل دمعت عيني , لأني عارف من خلال حسبه بسيطه ان المزاد ينتهي الساعه 4 و شوي

والحين الساعه 4 وشوي وانا بالسياره و لا يمدي اروح البيت , جان يوصلني مسج وراه على طول يقولي المزاد انتهى

جان اوقف السياره و انزل منها واقعد عالرصيف ابجي

وصلوني الايميلات متأخير , لاق وله شي اخر الرسايل

لما رجعت البيت حاولت ازور المزاد وازيد فوق اللي صار اعلى مني لكن للأسف فشلت

انا كنت 620 , اللي شرى القلم اخذه ب630

لاحول ولا قوه الا بالله

انا لله وانا اليه راجعون , هالعالم بس تحسد الفقاره , يعني انسان فقير على قد حالي متسلف عشان اصير من التجار و عيال الفلوس بقلم ماركه بدل اقلامي اللي قبل ايام النكسه , قلم تقليد و ماخذه من رفيجي اكشخ فيه

بغيت اكلم صاحب القلم اقوله يالطيب انت تبي تبيع حق ابو الشباب هذا ب630 دولار , شرايك تكنسل البيعه وانا اشتريه ب650 دولار ؟

بس تذكرت اني مااعرف اعبر عن شعوري بالانجليزي

يعني لغتي الانجليزيه ابو طقه , مثل

hi , me want ur pen u sel for me and cansl gay 630 dolar , me geve u 650 u ok

انا احس ان في شي غلط لكن اهو مو عربي عشان يفهم , مشكلتهم ان ما كتبت القواعد والافعال , حاضر , مستقبل , مضارع , ماراح يفهمون

بصراحه كثير منهم غبي

المهم ان خسرت
وانا دايم خسران , انا انسان فاشل
انسان مااستحق العيش

ههههههههههههههههههههه

يحليلك ولا تزعل بعطيك 10ك جولد بس لا تبجي كسرت خاطري ودموعك الي قاعده تنزل على شنباتك ويع ولوت جبدي انت وروانك و &#$%^ المهم الي معاي عالخط بيفهم ال______

ماعلينا

تبيع موترك هالجرمبع ؟

شنو لوعه جبد

انتي ماشفتيني لو تشوفيني تطقين على راسج

فوق هذا كله سوالفي حلوه و ماتخلص . يعني نروح البر للدحاريج او القطا او الحمام

راسي و راسج واسولفلج طول الطريق و احنا نقنص و نرجع وانا اسولف

وانتي تقولين ودي ما ارجع البيت . ودي نقعد اكثر واكثر

لا يغرج كلامي هني . ترى هني اكتب كلامي عادي لكن بالصج غير

انصحج بالروحه معاي . ترى واجد من الشباب ودهم يروحون معاي مره بعمرهم بس انا ارفض

لا مجال للتماسيح عندي


نرجع لمحور حديثنا . شنو كنتي تقولين ؟ ترى قاعد اكتب من الجلكسي ومااشوف كلامج

اي ابيع سيارتي

لا يبا ماابيع هذا الفهد الاسود . على يوم بصوره وتشوفينه

وانا اذا بعت راح اصيع واقعد طول عمري بدون سياره

مو كافي قاعد بدون العاب ومقزرها يوتيوب

سيارتي راس مالي . للرحلات البريه و السفر و بتاع كولو


يلا بشوف الشباب يقولون من دخلت وانت مدنق تطالع تلفونك

مايدرون اني قاعد ساعه امسح بالبدليات اللي اكتبها . الكيبورد يذل


اذا شفتي الكلام على حنب و بدون الوان تأكدي 100% اني قاعد اكتب من تلفوني


اخليج الحين عشان ما اطولها واهي قصيره

عاد انتي قولي

وانت خليتها صغيره


مو ناقص الا اسردلج قصه خالي رعد . عتوي الكاظميه

الكاظميه اللي بالعراق ، اي خوالي من العراق




يلا باي

ول ول ول ول

وش ذا كله المهم عمي شنبو دام انك فاضي وما عندك شغل غير اليوتيوب شو رايك اعطيك واحد من لاعبيني الي مول حفاي مب لابسين ولا قطعه وتقزر وقتك وتلبسهم :) ويوم تخلصه الي عقبه وهكذا شو رايك

تصدقين
قعدت نص ساعه اقرأ كلامج و احك راسي . اقول شنو تقصد

اول شي على بالي تقولين دام انك فاضي وماعندك شغل غير اليوتيوب , على بالي تطلبين مني اغير اليوتيوب اللي اهو المقطع بتوقيعي . انتي تقولين غير اليوتيوب , كلمه غير على بالي غيْر يعني

وقلتي شو رايك اعطيك واحد , على بالي رابط او مقطع فيلم باليوتوب احطه مكان اللي انا حاطه , بعدين حفاي مب لابسين , قلت شنو تقصد يعني مو لابسين ؟ يعني مقطع باليوتيوب ناس مو لابسين شي . هذا الزين , وبعدين حفاي مب لابسين ولا قطعه وتقزر وقتك وتلبسهم

قعدت احك راسي مره ثانيه , شلون البسهم ؟ شنو اهي تقصد تدزني على ناس يعني البسهم , هم هذا الزين , وبعدين قلتي ويوم تخلصه الي عقبه وهكذا , قلت هذي 100% بتدزني على اكثر من ناس مو لابسين وانا البسهم , شي جميل

عاد بعد نص ساعه اقرأ وافكر واعيد قراءه وافكر


طلع قصدج باللعبه

وانا استانست حدي و عشت الجو



ماعلينا

اي شنو العب يعني , انا اشغل بوت وما اضمن لج شي , يعني يصكونج باند وتقعدين طول السنه تدعين علي مو حلوه

اما اذا فيج روح اجراميه و الباند عندج عادي

مفيش مشكله

هههههههههههههههه

اكيد قصدي في اللعبه ترا نحن في قسم اللعبه

المهم وماعلينا اذا بتصقني باند لا شكرا ما ابي وما تقصر وسعيكم مشكور

ولو عن البوت ترا الصديق الصدوق عنده بوت بس انا اخاف انزخ نفس ربعنا الله يستر عليهم انمسكوو والحين يشحتون لاعبين :)

وانا قلت انت ما قلت تشغل لاعبيني على البوت :28: سوري انا لاعبيني مب مال بوتات وشاينيز انا كلهم بالتعب يتلفلون بس مساكين مب لابسين قير عدل يحليلهم

على راحتج

ولو ان احتمال التوقيف مايتجاوز ال50% لكن على راحتج

كنت ابي اخدم

بس تدرين شلون دزيلي البيانات و كل شي و هل اهو اكاونت بروحه او اكاونتج الرسمي اللي ماعندج غيره ؟

لأن ان كان اكاونتج الرسمي اللي ماعندج غيره جذي مااقدر ادش فيه لأن يصادف يمكن وقت تكونين شابكه وانا اشبك وتصير مشاكل

اما اذا اكاونت ثاني غير الرسمي و فيه شخصيات لفل 90 تبين تلبسينهم راح ادخل وقت ما اكون فاضي و لي خلق العب و ادش بي في بي و pve اجمع جير شوي شوي

يعني ما اضمن لج ان البسه بسرعه , يمكن كل شهر قطعه

اخر عمري قمت اطر اكاونتات و اسوي باور لفل

الله يالدنيا

من بعد مندوب الملك ولد بطنها اللي عروقه بالماي صرت باور لفل

يله

عشان الحبايب بس نصير صينيين

هههههههههه

لا خلاص شكرا عمي شنبو وما تقصر

وانا يمكن اودر القيم جريب وخلاص :)

ويمكن ادخل المنتدى واشوف شو تكتبون واطلع مع ان ادري محد بيكتب لان انا وانت الي قاعدين نكتب والناس تتفرج

الله المستعان

وشكرا عمي شنبوووو على كل شي وسامحني لو غلطت عليك او قلتلك كلمة بدون ما اقصد

والعائله الي هني سامحوني لو قلت كلمة بدون قصد وانتو فهمتوها غلط

بشتاقلكم وايد








المهم ماعلينا يمكن اودر القيم هي نعم بس اودر هني ما اظن بس بغيب 10 ايام لاني بسافر فرنسا يوم الثلاثاء ان شاء الله

ويوم برد يمكن اكلمكم ويمكن يكبر راسي وما اكلمكم :) لا امزح

يالله عمي شنبو والربع الي يقراون بس مع السلامة واشوفكم على خير

تروحين وترجعين بالسلامه

ماتبون خوي ؟

نفسي اشوف فرنسا , بليز اخذوني لو اشيل الجناط

فكري بالموضوع ولا تستعجلين , على فكره ترى اعرف جم حركه كاراتيه , يعني تقريبا اصلح بدي جارد

هههههههه لا شكرا عندي بدي جارد ويشل الشنط

ولا تزعل بصورلك وبراويك الصور

وباجر ان شاء الله بسافر

تروحين وتردين بالسلامه , الملك وقلب الملك والمندوب وقلب المندوب كلهم معاج في باريس

احنا متعودين كتنظيم اننا لازم نرسل مع كل تلميذ مخلص ناوي يسافر نرسل معاه احد المندوبين

ومن حظج ان انا اللي طلعت القرعه علي , احنا جذي لازم نرسل محرم مع كل تلميذ , للحمايه + للكرف + لتخليص الاجراءات , خصوصا ان في تلاميذ فرنسيين بعد

ينطرونا في المطار هناك , بس انتي جذي محد راح يعرفج , فلازم اكون معاج

يحز في خاطرنا ان تلميذ يفارقنا , حتى لو يوم , فما بالج بشهر

ابشرج , مجالس العزاء واللطميات لن تتوقف الا برجوعج من السفر , لا تطولين

مو تقعدين سنه او سنتين , فلوسنا تكفي نسوي مجالس عزاء حق شهر , والخروف غالي الحين ب130 دينار و نحتاج 30 خروف , مادري شهر 4 30 يوم او 31 يوم

غير الفيمتو و البيذان و شوربه عدس 24 ساعه باليوم

لا تطولين

ماتشوفين شر

هههههههههههههه

عمي شنبو خلاص عيل اترياك في المطار ولا تنسى جوازك والتذكره موجوده عندي

ويالله استودعكم الله اسبوع وراده بإذن الله

مع السلامة كيكرز حلو جميل يالله باي :silly:

هي صح عمي شنبووو وانا محد انت كلم الطوف يمكن يردون عليك الزومبيز الي يشوفون ومايكتبون

*الزومبيز = Zombis

هههههههههههههه

عمي شنبو خلاص عيل اترياك في المطار ولا تنسى جوازك والتذكره موجوده عندي

ويالله استودعكم الله اسبوع وراده بإذن الله

مع السلامة كيكرز حلو جميل يالله باي :silly:

هي صح عمي شنبووو وانا محد انت كلم الطوف يمكن يردون عليك الزومبيز الي يشوفون ومايكتبون

*الزومبيز = Zombis

لا بالعافيه تريقي انتي , انا توني منحاش من الدوام و مريت مطعم عباس اللي يم دوامي واكلت


بخصوص الجواز , مااقدر اخذ الجواز لأن انا جوازي مع امي مضاف معاها , يعني لازم اهي تسافر معاي

وكيكرز حتى انتي طحتي فيه ؟ يدافع البلا

انا عندي ناس تراسلني خاص , يعني اقزرها خاص معاهم لأن يستحون يتكلمون هني , اقزر معاهم لغايه ما ترجعين بالسلامه انتي و هديتي , لما توصلين روحي اي مكتب DHL وقوليلهم عندي هديه برسلها حق واحد بالكويت

وبالخاص التفاصيل كلها , عنوان و غيره


بس شوفي

سوالف بو طقه مابي , يعني شي اصلي

مثلا

ايباد ميني 128 جيجا او 64 جيجا 4 جي

قلم لويس كارتير لمتد ادشن ذهبي بالكامل

اذا فلوسج زايده جيبي سياره مو مشكله . حتى لو من مكتب مو شرط وكاله

يعني شغلات جذي

مو تجيبين كوب قهوه عليه صوره برج ايفل . او كروت معايده وهالسوالف

و كلج نظر عاد

السلام عليكم شابات

هاااي

خوش اكاونتات معروضه فوق , كل واحد يقول الزين عندي , بس خوفك اشتري واحد و يتنصب علي . كأن الاخوان مو عرب

ياحظج في ربوع باغيس قصدي باريس

متى اصير من عيال بطنها و اروح اوربا اصيف بدل تايلند , مو مفتك من الحر والرطوبه بالكويت اروح تايلند

ليله بفندقي هناك بحدود 3 دنانير , متى اصير من عيال التجار واسكن فندق 5 نجوم ابو نافوره بالنص عند الرسيبشن و بيانو بالزاويه و الليله ب80 دينار

اسكن فيه بكل هدوء ماكو مصبنه متهاوشين مع راعي التكسي مال الرحله ولا جرسون يخزك و يتبوسم ناطرك تعطيه شي

فندق 5 نجوم محترم محد له شغل فيك , الجرسون اشقر وعيون زرق يخدمك من بعد جاندرا اللي في بيتكم , اللي ماتعرف ايدها بطنها من ظهرها واظافرها لو يشوفها ذيب يستحي يوريك اظافره لا تنقد عليه

مطعم 5 نجوم تاكل فيه ستيك اصلي و تشوف ان طعمه حلو و مختلف عن اللي تاكله هني , هني كل يوم صايدين 10 مطاعم يبيعون لحم حمير او فاسد

الجو بديع

تروح حق شلال او نهر , مو هني تنطر يطق المطر عشان تروح البر تشوف خبره . والشباب من كثر وناستهم يدشون بالسيارات فيها , ويجيك اهل الحلال كل واحد و تنكره معاه و شفط بالماء لين تنشف بنص ساعه

سنه من السنين رحت البر للحبارى , كنت شاب في مقتبل العمر , تقريبا كبر بوحا الحين , كنت قبلها ب5 سنوات اقنص لها , المهم بالسنه هذي شفتها , اول ما شفتها بلغت بالجهاز للشباب في السياره الثانيه معاهم طير

اول ما بلغت قلت ياجماعه ترى عندي حبارى واذا لكم خاطر تعالوا بسرعه هدوا الطير عليها , كان البر فاضي , يعني على مد النظر مااشوف سياره , قلت حلو انطر الربع يجون واراقب الحبارى و اذا طارت رميتها عالاقل اكسر جناحها لين يجون المصبنه

المهم و في خلال 5 دقايق من ابلاغي للربع بالسياره الثانيه , تجمعوا علي تقريبا 400 سياره , مصبنه البر كلهم عندي , انا لما شفت جذي الناس تجي صوبي قعد ابجي

قلت هالناس هذي من وين طلعت ؟ توه البر فاضي , ان قعدت جذي راح يذبحونها وافلس انا , خلني ارميها و نصوبها احسن و نروح للمخيم نعطيها الربع

قلت حق رفيجي ارمها , قال ياولد الحبارى قريبه حيل و ان رميتها بقطعها , خلها تبعد شوي او تطير وارميها

قلت اوكي

قال رفيجي للحبارى : كش كش

والحبارى تطالعه

قالها واهو يلوح بيده كش كش كش

جان تطير الحبارى , قلت ارمها بجناحها , قال لحظه قريبه

اول ماصارت على بعد 100 متر قلت ارمها يابو الشباب

جان يرمي : طخ , افا , طخ طخ طخ , افااا , طخ طخ طخ طخ

طبعا اهو يرمي طخ ومايحوش ويقول افا , يعني شوفني ترى انا فنان بس مو قاعد عدل او مو مستعد او اي عذر , المهم يقول افا عشان ما ازفه

المهم قعد يرمي فيها والبندق اللي معانا تشيل 10 طلقات , رماهم كلهم ولا حاشها

انا قعدت ابجي , وقلتله الوجه من الوجه ابيض , لا عاد تروح معاي البر ولا تدق علي

المهم ان الحبارى ماصارت من نصيبنا و صادوها ناس غيرنا

ف من هذا المنطلق لا تنطر رفيجك اذا شفت حبارى او اي صيده . صيدها وبعدين قوله

عشان ان ماصدتها وانحاشت من سوء الرمايه او لأي سبب , تكون عامل حسابك و عندك خط رجعه بدون كذب

يعني ماتفتح الموضوع من اصله , تروح للمخيم والوضع طبيعي وتقعد معاهم وتستانس ولا كأنك شفت حبارى و رميتها وماصدتها

اما اذا بلغتهم و ما صدتها راح يسألونك اول مايشوفونك وين الحبارى , و من العادات والتقاليد عندنا ان اللي يقول شفت حبارى و حاولت اصيدها وماصدتها ياخذون السلاح منه ويطلقون عليه 5 طلقات من مسافه 50 متر و اهو وحظه يتصوب او يموت او مايصير فيه شي

اليوم ان شاء الله بروح البر , الحين شهر 4 وقت الحمام , الامر السائد عندنا ان ضربات الحمام في يوم 15 من الشهر , والحين 11 و وقت عطله بروح الفجر ليله الجمعه بشوف

فيكم خوي ؟

لا ؟

كيفكم , مع ان خوتي ماتنشرى بفلوس

انتوا الخسرانين , ياعاد سياره مكيفه وفيها مسجل و تلفزيون و عندي سبونج بوب و توم وجيري , و بندق و فشق و البيبسي و الككاو والشبس علي

يعني انت بس اركب


ملاحظه : شباب مابي













برب بشوف اخوي شنو يبي وارجع , لاتروحون راجعلكم

فاصل ونواصل


بس خوش اكاونتات معروضه , شكلي بغامر بواحد فيهم

هلا شباب تأخرت عليكم ؟؟؟

لاااا اخاف تأخرت , اعذروني صادني تفتيش وانا رايح اشتري فشق و قالي هذا شنو قلت فشق قال عندك تصريح قلت اي و عطيته تصريح

مع ان قبل يومين في حراميه سارقين مبنى التدريب مال وزاره الداخليه و ماخذين طن من الطلقات 9 ملي و طلقات m16

اللي قاهرني شلون يقولي عندك تصريح و ماقالوا للي اخذوا الطن عندكم تصريح

ليش يعني عشان انا مسكين , شنو يعني انتحر عشان ترتاحون ؟ المساكين مالهم شي بالدنيا ؟ ننتحر يعني ونفككم من شرنا ومصاريفنا و زحمتنا

مو كافي حطيتوا دوامي صباحي الحين من بعد الفلاتي او يوم بشهر , دام انكم ما تبونا و مبتلشين فينا ليش تخلون دواماتنا صباحي وكل يوم تجابلون وجيهنا

خلونا يوم بسنه مثل قبل عشان تفتكون من شوفتنا

حاطين مدير جديد و اول قرار الغاء دوام العصر والشفتات , بذمتك هذا قرار ؟ 500 موظف بقسم طوله 12 متر و عرض 5 امتار وين تبيهم يقعدون ؟ فوق بعض

والله حتى لو نقعد فوق بعض ماراح تكفي المساحه





مواطن كويتي مو قادر يروح جزيره كويتيه , مع ان الكويت فيها اكثر من 5 جزر

جزيره بوبيان اكبر جزيره بالكويت مسكرينها من سنه 1980 الى اليوم , لا وحاطين ميناء جديد فيها , قال شنو قال نبي نسوي مدينه الحرير

انت قرض اظافرك بالاول بعدين ضبط ميناء بوسط طفه و صبخه

قول ابي المناقصه , ترى الكل يدري




برب اخوي هم يبيتي

اعذروني ياشباب بس مزنوء و غاص بالمشاكل هذي

السلام عليكم

انا رديت شخباركم شنو هذا عمي شنبو مافي حد في المنتدى يرد عليك كلهم مشاهدين مافي ولا مشارك واحد

واعلية عليك قاعد تسولف بروحك ،،،،، المهم ماعلينا

اشوفك تتكلم عن تايلند ، قول ان شاء الله يمكن اروحلها عقب رمضان :wink2: من زمان ما رحتلها من سنه وشوي

وشو بتكلملك عن باريس يا حلات جوها ال-1 و 0 و اذا الشمس طلعت يوصل 7

والله المباني حلوه وشوارعها تجنن بس ما حبيت الشانزليزيه وصخه ويا كثر الشحاتين فيها بس ابعد عن هالشارع وكل شي يكون حلو

وديزني لاند اشحلاته من مكان ولعبنا لعبه اسمها فندق هوليوود كان يجنن والبنات الصغار كلهم لابسين ملابس اميرات كانو يجننون والعروض مالتهم حلوه وكل شي حلو هناك صح انه زحمة بس زحمة مع الوجه الحسن عادي يطوف الوقت مب زحمة هني من هالهنود والبنقالية والي ريحتهم فايحه من بعد ميل تشمة

وشحاتينهم مب مثل تايلند يلصقون فيك يعني لازم تعطيني ، هناك غير يغنون ويرقصون والي قاعدين مع كلابهم وحاطين هالقلاص وانت وكيفك

والي عجبني كلابهم اشحلاتهم ولا كلابهم غير اذا الجو مطر يلبسونهم ملابس مطر ولو مافي مطر برد يكون يلبسونه كوت وعليه فرو وماركه وعندهم محلات الماركات تبيع ملابس جلاب

وهناك عندهم حلاوه المكرون بالهبل هني اشتري 8 حبات ب 60 درهم هناك ال10 ببلاش حتى ماكدونلدز يحطلك كم حبه مع القهوه مب عندنا حتى ما يذوقونك اياه بس شوفه او اشتريه

وشو بقولك بعد لو بتكلم ما بنخلص ،،،

المهم وعن الصوغه سوري ما يبتلك شي :ee2: ان شاء الله يوم بروح تايلند فالك طيب

حمدلله عالسلامه

تو ما نورت الامارات

ليش ماجبتي هديه قلم لويس كارتير ذهبي لمتد ادشن اصلي

اهو حتى الماركه فرنسيه يعني بكل مكان هناك

تايلند شتبي بهديه من تايلند , شنو تجيبين رولكس درجه اولى او كبت كباونيا

ابي قلللللللللللم

داركـ تيب على كرسي الإعتراف لازم نطلع الشيب في راسه

هجووووووووووم

http://www.hdrmut.net/vb/imgcache/2/37038alsh3er.jpg

http://www.montada.com/showthread.php?t=767464&page=2

هلا والله السمي كيف الحال طيب ان شاءالله

دارك ياولد مايغشمر , خوفك تسأله سؤال يضيق خلقه تروح فيها

مثلا متى اخر مره تصطرت , عاد اهو شكله ثقيل وماعنده هالسوالف , يصطرك بالمنتدى ثم توقيف نهائي

تعال فكك عاد

انا انصكيت توقيف من مراقب عام و مازال التوقيف من 7 سنوات , لو يجيك التوقيف من المدير كم قرن يصير

فكني من شرك ترى انا بعد على طريف وبسرعه ينقص علي

فكني

هههههه

هي انا بعد رحت اشوف الاساله بس لاحظت ان المراقبين الي يسالون

الصراحه مافينا نساله ويضيق خلقة علينا ويعطينا بان من اسمه شنه يقولون ابو قلب اسود

ههههه الصراحه انا خوافه ومافيني الا اذا يسويلي بوست يوشي يمكن اروح واعطيه كم سؤال

وإلا شو رايك عمي شنبو

انا مالي شغل لاتقطونها براسي

توني كتبت كلام بالاداره و عصب وزعل زين ماطردني , حتى اني ماكتبت بعد او رديت لا ازيد الطين بله

انا مالي شغل , انتوا اداريين وتعرفون بعض وتعرفون اللي احنا مانعرفه , تتذابحون تنقلبون على بعض احنا مالنا شغل , اتركوا الشعب لحاله

دوديت الاداره مشكله , ان طحتي عليهم تعورتي و ان طاحوا عليج عوروج , فأنا اقول افتكي من شرهم و مثل مايقول المثل ابعد عن الشر و غنيلو

احنا ناس دراويش مالنا شغل بأصحاب القرار و الاداريين والسياسيين

اليوم بغيت انصك توقيف , قبل جم يوم مصكوك توقيف , باجر راح انصك او اتهدد بالخاص بتوقيف وراح ازعل شلون انا اتهدد واروح اطلب من الاداره يصكوني توقيف ويدخل كم واحد مطفي الليت ويقول انت صاحب المشاكل و يتكلم عني واهو مايعرف شنو الطبخه او الموضوع شنو

ليش لأن من كثر التوقيفات اللي اكلتها صرت مشبوه عندهم , اي مصيبه او مشكله تصير بالمنتدى على طول انا الغلطان بنظرهم , حتى لو اني صاحب الحق , بس السمعه تفرق , انا سمعتي سيئه وبالبلاك لست و الباقي عادي , ف على طول يقولون كرزان المجرم اللي يسبب مشاكل

يعني الحين لو تدقين على يوشي تقوليله تعال في مشكله بالقسم , اهو شنو راح يقول ؟

راح يقول اكيد ولد بطنها صاحب المشكله , ويدخل القسم حتى يمكن مو مغسل و يدور اسمي و يصكني توقيف ويرجع ينام

الناس تقول شسالفه ليش ولد بطنها موقوف ؟ مسكين ماله شغل

ولما يقعد من النوم يوشي ويدخل يشوف ان اللي مسوين المشاكل البسطويسي و بوحا , وانا اللي اكلتها

يروح يشيل عني التوقيف و يصك بوحا والبسطويسي توقيف

ليش ؟

لأن ماكو بالبلد الا هالولد , على طول ان سمعوا مشكله قالوا هذا اكيد ولد بطنها

وانا مسكين , ليش لأن ماعندي ظهر بالمنتدى ولا عندي احد يوقف معاي , قالوا نحط حرتنا فيه , كويتي وماكو كويتيين ومحد راح يفزعله , نخليه فار تجارب , اي مراقب جديد وده يجرب التوقيف يبحث عني

و عشان جذي , افتكي من الامور هذي , لا تحتكين مع احد الاداريين عشان ما يجي يوم تقولين كلمه مني مناك تزعله ويحطج براسه و الله يعينج , لا ترقيات ولا مشاركات , لدرجه ان تكتبين مشاركه يمسحها ويقعد يمسح كل مشاركاتج لما تزهقين وتقولين بضرب عن الكلام

افتكي منهم لا تخلين العين عليج و بعدين تشوفين نفسج بالبلاك لست , نفسي , كل شي براسي

الله كريم

اعطيك حل



اكتب الجنس : أنثى

وشوف راح تاخذ توقيف او لا :)

والله اهي خطه حلوه , منها ماكو توقيف و منها اخذ كروت رصيد ومنها معارف و واسطات

لكن انا معروف هني , يعني ادخل باجر مكتوب انثى منو راح يصدق , لازم اسجل من جديد بأسم بنت

مثلا الفتاه المرحه , كلير , هذي كلير مالت رزدنت ايفل , الكل يعرفها وراح اشبع كروت تلفون ويمكن اتمادى واقولهم ابي تلفونات ويدزولي بالدي اتش ال ايفونات

بس في مشكله

انا مااقدر امسك نفسي , يعني لو ادش بأسم بنت و اتكلم كأني بنت يمكن واحد يطفرني و انا اذا عصبت او طفرت انقلب شرير , الشرير اللي في داخلي يطلع , وبالحاله هذي راح يصيدوني

والله مدري , اخاف من الفضيحه , يحطون بنر عالقسم فيه اسمي والاسم اللي مسويه بنت ويقولون اثنينهم شخص واحد , اخذ كروت من الناس و كم جهاز ايفون و ايباد و عشم نص شباب المنتدى بالزواج وبالنهايه اكتشفنا انه كرزان

وسمعتي بتروح فيها لأن في ناس هني يتابعوني بدون حتى تسجيل بالمنتدى , نفس البسطويسي و نخيلان وغيرهم الكثير

بالله البسطويسي دخل و شاف حاطين اعلان انهم طاحوا علي شنو راح يقول ؟ الزعيم طلع نصاب , مندوب الملك طلع يطر كروت , بعد انا تلفوني تعبئه يعني 100% راكبتني السالفه

لا لا مااقدر , شوفي شي ثاني غير اسوي روحي بنت

هممممممممممم

والله ما اعرف شو اقولك

ما في غير تتريا لي ما الله يهديهم ويحبونك ويرقونك لمشرف او مراقب وهني بتنفرج

يعني تزيد 10سنين من عمرك وتصير با55 وعقبها انت بتكون شيخ المنتدى

السلام عليكم ورحمه الله وبركاته

مساكم الله بالخير جميعا

انا توني اقعد من النوم , اعتفس نومي مره ثانيه والصراحه انا اللي عافسه عشان الدوام , دوامي المجرم من الساعه 6 الصبح و لو اصير مثل الجامعيين اللي ينامون قبل الدوام كان الحين انا مفصول , ليش ؟

لأن انا نومي ثقيل وحياتي سهر , من عمري 10 سنين وانا اسهر , ولازم الساعه تعدي 12 ليلا عشان انام , امنيتي اصير نفس الجامعيين اللي ينامون قبل 12 لكن ماقدرت

وعشان جذي لابد لي من السهر لأن مثل ماانتوا عارفين الدوام 6 الصبح

كانت حياتي حلوه لما كان دوامي عصر يوم بالشهر , اصدموني من يوم بشهر و عصر الى صباحي 6 الصبح

--

الجزء الثاني

--

الرفيقه دوديت تقول تتريا يعني تنطر يا رفاق , اخوانا بالامارات يقولون تتريا او تترياني يعني تنطرني , كانت الجزيره العربيه قبل 1000 سنه بدون الامارات , بعدين صار زلزال كبير وضخم اظن اسمه تشرنوبل

المهم الزلزال هذا فصل دول و دخل دول على بعض , حتى انت عزيزي المشاهد لو تسأل نفسك تقول ليش الامارات اسمها الامارات ؟ يعني ليش اسمها مجموعه من الامارات اتحدوا ؟

الجواب بسيط , مثل ماقلت حصل زلزال عظيم واللي بسببه انقرضوا الدينصورات , كانت عمان مكان الامارات الحين و تحتها زنجبار , ماتشوفون يغنون عن زنجبار , تقولون شكو يغنون زنجبار وماكو دوله عندنا بالخليج اسمها زنجبار

هذي كانت تابعه لسلطنه عمان بعدين لما صار الزلزال انفصلت و راحت وين ؟ راحت افريقيا , الامارات كانت كل اماره بروحها , يعني ابوظبي جنب اليابان و دبي جنب امريكا و راس الخيمه جنب الصين , اهتزت الارض بفعل الزلزال و قعدوا يتحركون لين اجتمعوا وصاروا دوله وحده بعدين تحركوا وعمان نزلت تحت شوي

والامارات صارت مكانهم , جزر الامارات اللي محتلتهم ايران ابو موسى و طنب الكبرى والصغرى نفس الطريقه اهتزوا و مشوا لكن ما اتحدوا مع الامارات , اظن ابو موسى حسب الروايات تقول ان كانت جنب جزر سليمان قريبه من نيوزيلندا

تعرفون وين نيوزيلندا ؟ انتوا حدك تعرفون الخفجي اما انا اعرفها , المهم ان الحين مشاكل يبون يصيرون مع الامارات , توهقوا بنص البحر لا هم اللي راحوا والزقوا بايران ولا اللي الزقوا بالامارات

عشان جذي تسمعون كلمات غريبه , مثل اتريا , ميهود , كندوره , مو بندوره كندوره غير يعني دشداشه او ثوب , اي اي ثوبهم اللي بدون غوله و يدلدل منه خيط عشان تزنقه بسرعه ان بط جبدك

وبعد شنو بعد شنو , ماروم , يعني مريض يمكن , بعد شنو بعد شنو , داسكي , لا داسكي مال كرندايزر

المهم كلمات غريبه عشان حضارات مختلفه

--

البحرين مدري ان كانت مهاجره ايضا , لكن اللي اعرفه ان البحرين يوم دخلوا درع الجزيره بالمعدات اغطست مترين جان يطلعون منها بسرعه , كان طول البحرين 30 كيلو والحين صارت 20 كيلو , 10 كيلو غرق بالبحر بسبب مدرعات درع الجزيره , الحين يطالبون بتعويض الاهالي او تضيف الامم المتحده المناطق الغرقانه الى السياحه العالميه نفس مدينه البندقيه في ايطاليا اللي دخلها درع اوربا ايام الحرب العالميه و اغرقت

نفس السالفه تطبقت بالبحرين

--

انا مابي اصير مراقب , انا اذا قررت اصير مراقب ابي اصير مراقب عام الظواهر السلبيه بس

وانا ترى مو لهدرجه كبير , مو بعد 10 سنين اصير 55 سنه , بعد 10 سنين اصير 44 سنه بس

شاب بعدي و بكامل نشاطي

وانا لو اصير شيخ المنتدى هم اظل مندوب بسيط للملك , الملك اللي افنى عز شباب للرفاق

امثالج رفيقه دوديت و الرفيق فلان , مابي اذكر اسماءهم , فلان وكلن يحط بدل فلان اسمه , بشرط يكون من التلاميذ المخلصين والجنود المجهولين والشبيحه المواليين

--

طولت بالكلام وانا توني قاعد , تخزين وقت النوم طلعته الحين , المهم انا امتحاني الساعه 4 العصر , اي انا الحين بتاسع , قاعد ادرس وان شاء الله بصير مهندس كمبيوتر

اروح مصر ادرسها , قول والله تدرسها ؟

عرفتي شلون , ادعولي ياشباب


--

والسلام عليكم ورحمه الله وبركاته

تقبلوا تحياتي وقبلاتي و تحيات الملك وقبلاته الحاره

اخوكم

Karazhan

على وين

شو بتهاجر انت خلص الثنوية بعدين هاجر لمصر أم الدنيا

يا سلام على مصر

المهم ما علينا

تعال بقولك منو هذا الملك الي مأذينا فيه شو يلعب وشنو لاعبه وهل صار من الجي ام مال واو والا بعده كلمنا عنه

انتي من صجج ماتعرفين الملك ؟

لو لا الملك انا ماكنت هني اصلا , انا مندوب الملك في منتدى المنتدى قسم ووركرافت

وانا مندوب الملك في منتدى اخر للحوارات , بس مابي اذكر المنتدى عشان ما اسوي دعايه

كل الناس تعرف رفيجي ولد بطنها اللي عروقه بالماي , شلون انتي ماتعرفينه ؟

رفيجي ملك اللعبه اول شخص يستعينون فيه ووركرافت عشان يكتشفون الاخطاء في اللعبه

رفيجي ملك اللعبه اول نينجا باللعبه

رفيجي ملك اللعبه اللي افنى عمره في خدمه اللاعبيين العرب , وانا بعد افنيت عمري لخدمتهم لأني اكتب و اتكلم و ابحث واسأل عشان اوصل المعلومه الصحيحه للاعب العربي

انتي لو تسألين اي شخص بالمنتدى تقوليله تعرف عايض , قصدي تسألين اي شخص بالمنتدى تقوليله تعرف ولد بطنها اللي عروقه بالماي ؟ شرط راح يقول شلون مااعرفه , اشهر من نار على علم

هذا اسد ازيروث , ملك اوتلاند , حامي الديار مبيد الاشرار

دام ظله وظل شخصياته ال13

ولد بطنها الاصلي مو انا

ولد بطنها اللي فتح بوابه aq وكان الاول بالعالم مو بالعرب بس اللي يحصل لقب scarab lord واللي انقطع من اللعبه

ولد بطنها كان يملك لقب جراند مارشل بالالاينس و هاي وور لورد بالهورد

انتي من صجج تتكلمين ؟ من صجج ماتعرفين الملك

الملك اهو اللي قالي عن اللعبه و لعبت معاه وكانت احلى ايام عمري , لفل 60 كان فاشل وصعب وماكو شي , لدرجه ان الهيرث ستون ماكانت موجوده . يعني تطقينها مشي من المكان اللي انتي فيه لغايه المدينه الرئيسيه

بدأت اللعبه الحقيقيه في لفل 70 , كان ايام عز اللعبه . لا اشيفمنت ولا جير ابك الواحد يحتاج عشان يروح كل مكان , الحين لازم اشيفمنت ولازم جير محترم وبالاخير مع اطفال مبزره ادش الرايد . ماتشوفين الكباريه اتركوا اللعبه ليش ؟

مابي اتكلم عن العالم بتكلم عن اللي بالمنتدى , ماتشوفينهم اتركوا اللعبه او يلعبون عالخفيف , لأن الناس الفاهمه اطلوا من اللعبه وبقى الجهال بس , وانا حولت امريكي عشان افتك منهم ولو اني ماالعب ومشغل بوت لكن تقزيره عشان اسهر دايم

رفيجي ملك اللعبه اول شخص يذبح بوسات لفل 60 و 70

قدس سره

كان مخلص لأتباعه , ماعنده يمه ارحميني , كان صاحب جيلد وكل الموجودين اما المناديب او الاتباع المخلصين

لكن تركها للعيال الصغار الحين و وزع المهام علينا نروح المنتديات نساعد المحتاجين , وشوفه عينج , انا طلعت من نصيبكم

صحيح اني تعرضت لأبشع انواع التعذيب و الظلم , لكن بقيت صامد عشان التلاميذ المخلصين

صمدت سنين طويله عشانكم . حتى اللي تسببوا بتوقيفاتي الكثيره و اللي حرضوا المشرفين على توقيفي اتركوا المنتدى وبقيت انا موجود

يامه

يامه انطردت بسببك يافلان , وكانوا يقدمونك على الكل هني , بالنهايه تركتهم

وانا المسكين اللي انطردت و توقفت ظلما وعدوانا صبرت واستمريت بالمنتدى . صحيح اني زعلت كثير و تنرفزت كثير لكن ماكان في احد يحس ويوقف معاي


لكن كنت اقول كل مره مصيرهم راح يعرفون

والحين اعرفوا و تغير الوضع

ما اقول الكل كان ضدي , كانوا في ناس معاي لكن كانوا يستحون يتكلمون ويحسون اني قادر على الدفاع عن نفسي



على فكره انا مسجل ب3 مواقع زواج , من سنتين او 3 سنوات ومازال الطلب قائم

ماكو نصيب

يعني اتوقف هني اروح اقزرها هناك

عندي منتديات اشارك فيها كثيره , بيني وبينج منتديات قويه و فيها ملايين الاتباع والتلاميذ

انا مو مندوب فقط باللعبه , ملك اللعبه اهو نفسه ملك المناقشات المذهبيه , وانا مندوبه هناك و عندي اتباع يقدر عددهم بالمئات

كلهم يحبوني و من سجلت عندهم ولا مره توقفت , مع اني اقول كلام قوي بس ماوقفوني

هني يبون الزله علي , لدرجه ان كل مشاركه اكتبها وحتى هذي راح يشيكون عليها المراقبين كلهم

اي نعم , كل مشاركه اكتبها يدخلون المراقبين ويشوفون شنو كاتب , يبون اي شي علي

واذا هم شجعان ومايخافون يضغطون الشكر تحت عشان نشوف كم واحد و منو اللي يراقبني , عشان الناس تعرف اني مراقب من المباحث

يخافون يمكن ولا يبون الفضيحه



عالعموم انا بروح الحين اودي اخوي يستلم سيارته من الوكاله و ارجع

يمكن ادخل ويمكن ماادخل لحد ينطرني , خصوصا المباحث

قلتلج يخافون

ثقيله يا طينه الحلوين

حتى السلام ما تردونه

صباح الخير

بس للحين ما قلتلي منو هذا الملك

خبرتنا عن خبرته وبدايته بس ما قلت منو اهوا

يعني واحد يلعب معانا وهو بالسيرفر الامريكي او الاوربي

وشو سالفته بالسرداب يعني اهله طاردينه من البيت بسبت اللعبه وقاعد بالسرداب

وووووو وايد اساله

يعني اهوا مب واحد من الجي ام مال واركرافت بس لاعب حاله من حالنا ؟

وانت ليش مندوب عنه وهو ليش ما يكتب بنفسه او على ايده نقش الحنا ما يبي يكتب

عن كلامك شكله واحد خقاق (متكبر)

صح كلامي او انا غلطانه

هي صج ترا انا تحت مشاركتك ما لقيت شكر بس في (تقرير بمشاركة سيئه)

شكلهم لاعبينها صح عليك :silly:

وانتي تبين تكتبين وتشكرين نفسج بعد

يلا انا اعجبت بمشاركتج , احنا نشوف اما انتي لا , بس تشوفين اعجاب عن الاعضاء الثانيين


موضوع رفيجي طويل و شائك , لازم اقعد قعده عشان اكتب عنه . الحين مااقدر لأن الوقت ضيق عندي





ان خلصت اشغالي بكتب عنه و بدق عليه بعد اقوله ممكن احط صورتك يشوفونك الناس , ادري ماراح يرضى لكن بسأل واشوف

انزين هذا اعجاب مو شكر ترا في فرق

المهم كلمة يمكن يطلع من السرداب الي حاكر عمره فيه

وكلمنا عنه ويالله ما بطول بروح السوق :wink2:

انتي تروحين السوق وانا بروح امتحان الحين

والله مادري شنو امتحاني اليوم ولا امتحان امس ولا اللي قبله , اروح عالبركه وانصدم هناك بالامتحان , لكن التلاميذ مايقصرون يعطوني الاجابات

لما ارجع اشوف

برب

انا خلصت امتحاني

للأمانه دخلت الصف اخر طالب . وهذي عاده المصبه انهم يدخلون الصف اخر ناس ويقعدون اخر شي

كتبت اسمي عالورقه وكان امتحانه حاسوب

بس معقد شوي , افتح مقطع فيلم و اخذ صوره مادري حق شنو , وحاطيلي كمبيوتر جدامي اطبق عليه الامتحان

انا قعدت اقزرها بالتويتر لين قال المدرس سلموا الاوراق , كتبت اسمي عالورقه وسلمتها وقلت للمدرس "انا المندوب اذا سامع فيني"

ضحك وقال شلون مااعرفك سيدنا

طلعت مشهور وانا مادري

المهم سلمت ورقتي و جيتكم على طول اشوف احوالكم و اتطمن عليكم


المهم وعشان مانخوض في مواضيع كثيره غير اللي ذكرتيها واللي حبيتي تستفسرين عنها

"اين الملك الان"

سؤالك جميل والاجمل من ذلك طرحج و سردج للموضوع

اول شي احب اهني روح الاخلاص والمحبه فيج , وحرصج على متابعه اخبار الملك و الاطمئنان على احواله

اولا يا اخت دوديت زمن الغيبه انتهى بالنسبه للملك , قبل لما كان الوضع متأزم مع الاداره , مو الاداره تحديدا مراقبين القسم , قبل يوشي , كان الملك مختبئ في سرداب احد المنازل في منطقه مشرف

كان فاتح دوانيه في بيتهم و كانت الدوانيه بالسرداب و كنا احنا المندوبين نحضر له كل يوم ناخذ التوجيهات منه و من ثم كل مندوب يرجع لبيته او جهازه الكمبيوتر و ينشر اخر الاخبار او الاقوال اللي سماحته قالها

اذكر من الاقوال المأثوره للملك والمشهوره اللي قالها للتلاميذ

التدخين سر المرجله

اذا رأيت كرة قدم في الشارع ف زد السرعه , لأن احتمال كبير يخرج طفل من احد المنازل لألتقاطها و بالحاله هذي تصطدم به ولا تترك اثر خلفك , لا من الولد ولا الكرة

وايضا , يازين يا ملفت الانظار يا مجمع الناس بالحاره


ملاحظه : كل الاقوال سالفه الذكر توقفت بسببها

المهم انه يوجهنا ويقولنا شنو نكتب و كيف نتعامل مع الناس

وانا كنت مندوب ووركرافت في منتدى المنتدى , ماادري اذا لحقتي علي ايام نكي ولد بطنها , غيرته لأن الملك عرف اني استخدم هذا الاسم فعنفني و طردني من السرداب مال مشرف لولا تدخل بعض الاصدقاء والتوسط , وقالي لازم تغيره وتختار اسم جديد , لأن ولد بطنها اهو الملك

انا مجرد مندوب لا يحق لي استخدام اسماء الملك والقابه

بعد عشره عمر مع التوقيفات و كنت اخذ توقيف بمعدل اسبوع , يعني اسبوع تشوفيني واسبوع ماتشوفيني بالمنتدى

انا انسان مخلص وفي للمنتدى لكن الاداره ماتدري او تدري بس مو حاسه , على كثر التوقيفات اللي اكلتها مازلت موجود :) مع ان غيري ينهون علاقتهم بالمنتدى اذا صار واخذوا توقيف فيه

نفس بوحا اخذ توقيف مره وحده بحياته و اعتزل المنتدى , اخر اخباره سمعت انه سجل في منتدى طيور الجنه

انا مخلص للمنتدى هذا ولأن الملك ولدبطنها الاصلي طلب مني اني اقعد هني اجابل الناس المهتمه في لعبه ووركرافت وقالي لا تترك المنتدى مهما توقفت فيه او سمعت كلام يجرحك من اعداء الثوره اعداء الملك

انا قعدت هني مجابل قسم ووركرافت , مع ان لي خبره في امور اخرى كثيره , انا صحيح انسان احمل شهاده فني لكني انسان احب الاطلاع والقراءه و حب المعرفه , لي نشاطات في مواقع اخرى اشد من منتدى المنتدى

يعني تقولين فهد راعي مشاكل بالمنتدى وكل اسبوع توقيف , ترى المنتدى انا خوش ولد فيه , في مواقع من يعرفون او تطلع اشاعه ان اللي خلف العضويه الفلانيه اهو فهد يتوقف على طول

منتديات ومواقع اخرى وصل فيهم الامر انهم يكفروني ويستبيحون دمي , زنديق , كافر , هالكلمتين سمعتهم لين شبعت

لكن بالمنتدى هذا اشوف نفسي خوش ولد , مع ان اغلب التوقيفات انا فيهم مظلوم والله , 90% من التوقيفات ظلما وعدوانا

مابي اقول الاسباب او منو عطاني التوقيف تدرين ليش ؟ لأن كل مراقب صكني توقيف انا ادري , قسما بالله ادري انه ضميره ما ارتاح بعد توقيفي , ولا ابي اذكر اسماءهم لأنهم حاليا صاروا اصدقائي , ما اعتذروا ولا انا طلبت منهم الاعتذار , لأني مابي اذكرهم لأنهم يحاولون يفعلون امور

يحسسوني انهم يبون ينسون موضوع التوقيف و يبوني انسى انهم وقفوني , فيحاولون انهم يراسلوني بالخاص او بملفي الشخصي , مابي ازيد بالموضوع

كتبت واجد او شوي ؟

اكمل او زهقتي ؟

شوفي انا ماعندي شغل الحين , بكتب وانتي نظمي وقتج , يعني الصبح روحي الدوام , لما ترجعين تغدي واقرأي جزء بعدين روحي الدوانيه او اذا عندج ملكه بسرداب روحي لها ولما ترجعين اقرأي جزء ثاني و بعدين نامي و كل يوم جذي


المهم


بعد التوقيفات امرني الملك اني اتغير , واحاول كسب الناس الى جانبي

تدرين يا دوديت و اقولها بكل ثقه , اقدر اني اكسب كل الاداره بصفي , من المدير الى اخر مراقب , و استخدم علاقاتي معاهم بتصفيه حسابات مع اعداء الثوره

اقدر اقنع اي شخص امامي واخليه بصفي , عندي هذي القدره ولكن استعملتها مره وحده فقط في المنتدى هذا و فيها كسبت كل اعضاء ووركرافت و فوقهم اعضاء اخرين ومراقبين كانوا يدخلون للمشاهده فقط

كان كل يوم هني هوشه بيني وبين واحد او اثنين , وكان القسم مشهور وانا ماادري

كان القسم مشهور بالمنتدى كله وكانوا اعضاء ومراقبين يدخلون يشوفون المشاركات والتعليقات اللي تصير بيننا

بيني وبينج كان كوميدي على شويه جديه على فكاهي , وكنت استانس لما يصير جذي , وانا ماادري كان في اعضاء كثيرين يشوفون ويتابعون مشاركاتي

يعني شوفه عينج , لو تصارخين بالمنتدى الحين تقولين تعرفون ولد بطنها شرط كلهم يقولون نعرفه

كسبت شهره :)

هذا كان اسلوبي بالتحول , اقلب كل شي فكاهي لأن وقتها كان القسم مليغ , كان كل شي جدي ويتكلمون بجديه ما كأنها لعبه

بعدين اتفقوا الشباب على توقيفي وقالوا نجتمع ونسوي شكوى ضد اوتلاند و نوقفه

طبعا كانوا هؤلاء الاشخاص اصدقاء المراقبين , ساكنين في حاره وحده وطبعا ما راح يردهم خايبين على حسابي

لما فاحت ريحتهم و اصرارهم على توقيفي وقتها عرفت ان هناك ملايين يتابعوني

اذكر في مراقب من قسم ماادري اي قسم , حتى اسمه مااذكره بس اعتقد اكيودي اللي الحين موجود . كتبت مشاركه وحده هني وقال فيها . انا مو لاعب ووركرافت ولا عمري دخل القسم لكن من شفت في قسم الاداره شكاوي كثيره على اوتلاند قررت اشوف منو هذا الشخص

وبعد مشاهدتي له لم استطع التوقف عن متابعته . وكل يوم ادخل قسم ووركرافت مخصوص عشان اشوف مشاركات اوتلاند وشنو كاتب

والله مااذكر بالضبط منو هالمراقب لكن لما شاف شكاوي علي تابعني يبي يشوف شنو اكتب وشنو اقول , و الظاهر انه حبني وقعد يتابعني و طلب بأخر كلامه ان مايوقفوني

انا صرت مثل اللي يحرك عيونه يمين يسار مايدري من وين تجي الطقه

المهم بعد توقيفي مازعلت , ولا تكلمت او علقت , لكن اللي زعلني و حز بخاطري اهو كلام المراقب اللي وقفني , وانا من هذا المنطلق اطالب الاداره انهم يحذفون التعليق اللي مكتوب في سبب التوقيف لأن كاتب تربيه شوارع

انا اول مره اشوف مراقب يحقد على اعضاء . خصوصا ان الموضوع ما يمسه بشي , عندك شكاوي من اعضاء ضد عضو دقق و اعمل بحث صغير , ان شفت ان العضو مخطأ عطه توقيف , بس

اما ان يجي مراقب من اقصاه و قبل يدقق ويبحث عن الحقيقه يعطي العضو توقيف ويكتب تربيه شوارع كأن الموضوع كان يخصه و حتى لو يخصه مايكتب تربيه شوارع , احنا ناس متربين احسن من تربيتك انت واهلك فوقك

انا ماعرفت منو هالمراقب و اللي اعرفه انه يخاف يقول منو اهو عشان يدري انه جبان مايقدر يواجهه الرجال , وادري بعد ان هذا من النوع اللي يخاف من ظله ولا يطلع من بيتهم لكن خلف الشاشه يسوي روحه رجال , هذا النقص في الرجوله عنده قاعد يعوضه خلف الشاشه

ولو انه مو مراقب و كان عضو عادي جان شفتوه مثل الجربوع بالقسم

ماعلينا لكن اطلب من الاداره انهم يرفعون الحظر عن اوتلاند ويشيلون الكلام السيئ اللي كاتبه هذا المراقب السيئ الجبان و يشوفون منو , وان ماقدروا يحاسبونه يعطوني اسمه ويطلعون منها

المهم

تركت المنتدى فتره نقاهه , احنا رجال ما نرمي السلاح وانما ناخذ استراحه محاربين ومن ثم نعود

رجعت بمباركه السيد , في اسلوب جديد و طولت بالي جدا هذه المره , لأن قبل كان يسبوني و ويغلطون علي ولما اغلط عليه يتم توقيفي و هم لأ

اشتكيت وقلت ياجماعه شوفوا منو اللي يبدأ بالسب و المشاكل , لكن عمك اصمخ , المراقب رفيجهم و مايضرهم شي , يغلطون علي حلال لكن ارد عليهم حرام

بعدين طولت بالي و جاريتهم , و استخدمت اسلوب الملك اسلوب الكسب المقدس , اسلوب الكسب المقدس انك تكسب اكبر قدر من الناس عشان باليوم الاسود تشوف ناس معاك يوقفون

كسبت عدد لا بأس فيه , فوق هذا كسبت ناس مجهولين , مااعرفهم

واقولها لله ولكم وللتاريخ , مااعرفهم وانما مجموعه اعتقد انهم اعضاء معانا لكن سجلوا بأسماء اخرى للدفاع عني

كان يترأسهم واللي اعتبره المجاهد البطل البسطويسي

بدايه الامر قالوا الناس هني ان البسطويسي اهو ولد بطنها , كان اسمي ولد بطنها بعد توقيف اوتلاند مدى الحياه

وللأسف المراقب يبيها من الله و مع ضغط الاعداء تم توقيفي مع البسطويسي , جائوا اعضاء وعملوا موضوع وتكلموا فيه عني وقالوا الرجل قعد يحلف ويقول ان البسطويسي مو اهو و ان البسطويسي شخص ثاني , لكن المراقب والاعداء كانوا يبونها من الله يوقفوني

ماادري شنو السر اللي يخليهم يتلذذون بتوقيفي , والله ماادري

المهم ان بعد التوقيف وعمل موضوع خاص فيني , عملوا موضوع ثاني فيه استفتاء او تصويت . وكاتبين بالتصويت هل تؤيد توقيف ولد بطنها ؟ والاجابه كانت نعم , لأ

انصدموا ان التصويت كان كاسح لصالحي وان الجموع كلها صوتوا ب لأ

بعد الاحراج راح المراقب وحذف الموضوع و امر بعدم فتح مواضيع مثل هذي . ولما رجعت استقبلوني الجموع كلهم و من يومها هرب المراقب لأن عرفت ان لا طاقه له امامي وامام الجموع اللي انصدم فيها

راح المراقب و حطوا مراقب غيره وانا من الناس اللي صوت ضد المراقب هذا , لأن وقتها كان تصويت على المراقب , اهو لما شافني صوت ضده حقد علي و حطني براسه

وقفني بعد ماقصر و صار ضدي الى ان طالبت الاداره بحذفه من الرقابه و استجابوا لطلبي و احذفوه

الى ان جاء يوشي , انا صوت معاه , مادري لو مصوت ضده يحطني براسه بعد او لأ :)

المهم تعدل الوضع وانقلبت الموازين , اللي معاي صاروا الاغلبيه بعد ان كسبتهم لصفي , بعد ان كان اغلبهم ضدي فيما مضى ولكن حكموا عقولهم وشافوا اني ماغلطت على احد و دايم الناس تغلط علي ولما ارد عليهم يتم توقيفي

قلت للمراقب قبل انا مااعترض على التوقيف , والتوقيف والله ما يسوى شعره من شعر الناس اللي معاي بالمنتدى لكن اتمنى منك ان تكون منصف و تشوف بدايه الموضوع و منو اللي بدأ بالمشاكل انا او غيري

عمك اصمخ

قلت ياجماعه يا اعضاء قسم ووركرافت لما تشوفون مشكله بأي موضوع لا تشوفون كلامي وتتركون كلام الناس , شوفوا بدايه الامر ومنو اللي سبب المشكله , لاحظوا ان لما ادخل اي موضوع كان و اكتب رد , يجي واحد من اعداء الثوره ويترك الموضوع و يعلق على مشاركتي

يااخي هذي مشاركتي و وجهه نظري بالموضوع , عندك وجهه نظر اكتبها ماعندك لا تعلق , لكن كل موضوع اشارك فيه يجون الناس ويتركون الموضوع ويعلقون على مشاركاتي انا بس , ومن يبدأ اول واحد يعلق تشوف باقي العصابه يتحادرون من كل جهه للتعليق على مشاركتي

ويشعللونها لغايه ما تكبر السالفه و بعدين يروحون للمراقب يطالبون بتوقيفي , اكلم المراقب اقوله يااخي الناس ماتعلق على الموضوع الناس تعلق على مشاركتي , ويغلطون علي ولما ارد عليهم اتوقف انا و هم لأ , يااخي يا انك توقفنا كلنا او مالك شغل

ويتم توقيفي انا بروحي للأسف

هذا اللي حصل سابقا , وبعدين لما كسبت الناس و بعضهم كان ضدي ولكن شاف ان مو من الانصاف انهم يوقفوني بدون سبب او بدون تدقيق بالموضوع وان الناس تبي الزله علي عشان يوقفوني , راحوا هالناس وصاروا معاي

والحمدلله , شوفه عينج الحين

صج اتوقف بعض المرات هالايام هذي ظلما ويجون ناس مطفين الليتات ويكتبون كلام ويهربون من المواجهه , لكن عادي

وساعات اقول انا فيني انفصام شخصيه , ان شفتوا كلامي غير و سيئ ترى هذا الشرير و اذا شفتوا كلامي طبيعي هذا انا الطيب , لكن محد يغشمر هني , شرير طيب موقفيني موقفيني


الملك اللي صنع شخصيتي , والملك اللي علمني كل هذا

اهو اللي دخلني لعبه ووركرافت واهو اللي ضبطني بالرايدات , كان صاحب جيلد وكان مشهور عند شباب الكويت و كان يدخل اي كويتي او عربي للجيلد , كان الجيلد متروس ناس نشطاء متحمسين للعبه

كان وقتها الرايد يحتاج 40 لاعب , كنا مانحتاج نتكلم بالقنوات نطالب بلاعبين , كنا كثيرين جدا بالجيلد و جيلدات اخرى نعرفهم ويعرفونه , كان في تبادل لاعبين و خبرات

اول مره فتح ملتون كور رحنا و ذبحنا راجناروس بعدها بفتره افتحوا بلاد ونق وراح الملك واحنا معاه نذبح البوسات داخل . وهني صار رفيجي ملك اللعبه اول نينجا بالعالم لما سرق كل اغراض البوس الاخير نسيت اسمه

وبعدين افتحوا الرايدات الحشو مثل اللي فيهم الترول نسيت اسمه شنو اي زول جرب و رحنا ذبحناهم و رحنا ناكس وافتحوا aq وراح الملك وفتح البوابه وكان اول شخص يفتحها و اخذ المونت واللقب

بعدين قالوا في لفل جديد 70 و اماكن جديده

بعد لفل 70 كنا مستانسين فيه وكان افضل من لفل 60 بكثير , بعدين قاموا يتركون اللعبه شوي شوي , من ربعي الخاصين اخر شخص ترك اللعبه فلان , تركها لما اعلنوا بليزرد عن لفل 80 بشهرين يمكن , حتى انا قلتله يافلان ليش تترك اللعبه وباقي شهرين ينزل جزء جديد

عالاقل شوف شنو الجديد وبعدين اترك اللعبه , قالي مستحيل , انا قررت اترك اللعبه خلاص

المهم اني اخذت شخصيته , تخيلي اكاونته من لفل 60 ماعنده الا ميج , عنده شخصيات لفل شويه لكن ال70 بس ميج , كان مخلص للكلاس هذا و بصراحه كان رفيجي هذا من افضل لاعبين الميج اللي شفتهم , كان فنان ولا يوقف امامه احد

كان دايم ياخذ اخر جير تنزله بليزرد بالارينا , وكان يدخل مع اي لاعب عادي و يوصل مواصيل بالفريق مايحلم فيها اللي معاه , لدرجه انه صار مشهور والناس تراسله "ممكن تضبطنها بالارينا"

كان ياخذ اي شخص لعبه معقول ويلعب معاه , اذا كان فنان اللاعب الثاني يقعد رفيجي معاي يوصلون اعلى مستوى . كان عنده الجير كامل مال الارينا ايام لفل 70 حتى القطع الفرديه كانت بروحها و السلاح والاكتاف كانوا يحتاجون ريت معين , كان يحمل لقب من ايام لفل 60 بالبي في بي اللي اهو جراند مارشال وهذا كان للالاينس

الهورد كان هاي وور لورد

المهم لما اخذت شخصيته كانوا الناس يتعجبون مني ويطالعوني , مايدرون اني فاشل بالميج على بالهم انا اللي موصله جذي

هذا اخر لاعب من ربعي الخاصيين , يعني افتتاح لفل 80 كنت بروحي بالجيلد :(

في ناس اعرفهم يمكن 3 اشخاص من دوانيه ثانيه يلعبون اللعبه , بس ماكنت احتك معاهم , اعرفهم ويعرفوني لكن داخل اللعبه كل واحد يلعب بروح

انا من لفل 80 صرت بروحي باللعبه , دخل شخص اللعبه بس هذا مو من القدامى اول دخول له كان لفل 70 , صرت العب معاه , يناديني نخلص كويستات , نروح قروبات مع بعض حق دنجن , اذا احتجت او احتاج اهو فلوس نعطي بعض

قليل جدا نروح رايدات مع بعض الا مره رحنا حق ايس كراون اللي فيها ارثس و وصلنا لغايه ارثس بس تفركش الرايد لأن راندوم , ماكنا مع جيلد

المهم الملك طلع يلعب بس عالبوت , مشغل بوت و يلعب يجمع جولد طحنا عليه



---


انا بروح اتعشى , بوقف كتابه , اذا اعجبتكم المشاركه اتمنى تضغطون شكر عليها

عشان اتحمس واكمل قصه حياتي

اي كلكم عطوني شكر مو بس دوديت

فوق بقصه حياتي كاتب ان بعد لفل 70 او قبل لفل 80 كل ربعي اتركوا اللعبه وصرت بروحي فيها من اواخر لفل 70 الى لفل 90


الحين لما شفت الوضع هني طلعت حتى بالمنتدى . كنتوا شكثركم بالمنتدى والحين صرت بروحي الا دوديت تدخل ساعات . نفس رفيجي يدخل بالاسبوع مره ويقعد ساعه ويطلع

مندوب الملك ولد بطنها اللي عروقه بالماي دايم بالنهايه يظل بروحه

اتمنى من الاداره يعطوني لقب "عضو قدير" قبل اطلع من المنتدى واشوف مكان ثاني

ترا رقدت مرتين وانا اقرا ياخي شان حطيت صور ترا انا ما احب اقرا الى اذا فيه صور مع القصه

المهم ترا انا طلبت انك تتكلم عن الملك وانت ما شاء الله عليك 1% عن الملك و9999% عن نفسك

لاحظت انك مغرور ووايد تتكلم عن نفسك وفيك نقص وتحس انك مظلوم يا عمي الا هي لعبه ومصيرنا بنتركها يوم من الايام بمشاغل الدنيا مثل ما كان قبل متروس ناس وشوف الحين مافي غيري انا وانت وكم مشاهد فقط

المهم ما علينا شخبارك وشو اخبار اللعبه

رحت مكان الدايلي الجديد وبن في بوس مالاك

كنت اتمنى يسوون مكان مثل تول باراد الصراحه احلى مكان عندي ويكون ضرابه بين الاينس والهورد

بس خساره

انت قولي شو اخر رايداتك واخبار اللعبه و ما ابي اسمع عن البوت

انا الحين عندي بالادن لفل 90

لما كنت الفل قبل اوصل 90 , تقريبا 89 شفت واحد يتمشى مختفي و شكله اول مره يمر علي , المهم تابعته لغايه ماوصل صوب شخص راكب مونت و قدامه مونت يطير وقاعدين يطالعون بعض

شوي جان اشوف ناس رايحيله ويبون يذبحونه وكلهم لفلات 90

جان اتذكر يوم قلتي في بوسات او رير يقطون مونتات , قلت هذا اكيد واحد منهم


حاليا الله يسلمج قاعد افتر في الدنجنات القديمه ملات لفل 70 وتحت , اللي في BC عشان اخذ الجير اللي يقطونه للبالادن واللي يشبه تاير 2

انتي شوفي تاير 2 مال البالادن اللي الهيد كأنه برقع والاكتاف كأن فيهم خناجر

حاليا اخذت الهيد و البنطلون والجست والدسوس وباقي الاكتاف , رحت امس وماقطعم لي ثاني بوس في هيل فاير رامبارت , اللي يكون يشبه فويد ووكر , لازم هيروك عشان يقط الاكتاف , لو نورمال كان فرمت عليه لما يزهق مني ويقطهم , عاد انا نسمي طويل بالسوالف هذي

لدرجه ان المونت اللي اسمه anzu عرفتيه , قعدت افرم عليه 6 شهور يمكن , ايام كان حظي نحس , لكن الحين صار زين شوي الحظ , لكن انزو هذا فرمت عليه فتره طويله جدا بدون كلل او ملل , وكنت ناوي اقعد افرم عليه 5 سنوات


هذا اللي حاصل الحين

طبعا لما اروح للشولدر ومايطيح لازم ثاني يوم اجرب حظي , بالفتره هذي اشغل البوت يجيبلي جير الpvp وامس شفت ان الجير صار ابك من بعد ماكان ازرق , قلت زين اشوه يعني من اخذه اروح اي رايد ابيه , مو نفس قبل ازرق ولازم كم قطعه ابك عشان ارفع الايتم لفل عشان يفتح معاي الرايد

انا عايش هالبركه , وين ما اروح اروح , لا حسيب ولا رقيب , مثل ما احنا بروحنا بالقسم هم بروحنا باللعبه

اللعبه مو ذات اهميه عندي , يعني مو نفس قبل اعطل اشغالي عشان العب , الحين مستعد اخليها واروح , لكن عشان قلت بشوف الLFR خلني اجربها واشوف

لاحظت ان الدنجنات صاروا سهلين , هذا لاحظته من زمان لكن الحين بعد الدنجنات شفت الرايدات سهلين

قبل ايام لفل 85 اذا تذكرين , كان الدنجن الهيروك يشق شق , التانك بالغصب يتحمل 3 موبات عليه , واذا عمل غلطه راح فيها , ومع البوسات بعد ان غلط راح فيها القروب

وكل بوس له تكتيك خاص فوق انه صعب اهو نفسه

لكن قبل اول رايد دخلته في لفل 90 قبل يصكوني باند , شفت التانك يدفش الموبات , يعني التانك يركض و يدخل بين 5 او 6 موبات و لا يهمه شي , حتى اني قلت جم تانك معانا ؟ مااشوف الا بالادن و بنت , مااشوف واحد ثاني يساعدها , كل اهي تروح تدخل بين مجموعه و كأنها داخله رايد لفل 80 او 70

شكله الوضع صار سهل , او ان بليزرد مسهله الLFR

بس عيبهم الشرعي ان الجير مايطيح , دخلت قبل يمكن 30 مره , ماطاحلي ولا شي , عندي 15 شخصيه و كلهم دخلت فيهم اقل تقدير 30 مره , مايطيحلي الا قطعه برتقاليه يبي اجمع منهم ولد ديث ونق 10 مادري 15

مو نفس قبل يصير لوت وكل القروب يشوفونه و اللي مو نفس كلاسه مايقدر يختار

الحين ناشفه ماكو شي يطيح , اهو من حظي او هم يبالغون بالdrop

ليش يعني عشان كويتي مسكين , مو مصدقين يشوفون كويتي فقير وعلى بالهم كل كويتي معاشه 5 الاف دينار

صبي الدوانيه سألنا مره , قلنا له كم تتوقع معاش فلان ؟ قال 3 الاف

قلنا و فلان ؟ قال 4 الاف

قلت وانا ؟ قال 5 الاف

اهو من الهند , و الاسيويين بشكل عام يعتقدون ان اهل الخليج اقل واحد والفقير فيهم معاشه 3 الاف دينار , يعني احسبوها بكل دوله , يعني بالسعودي ال3 الاف دينار يمكن مليون ونص ريال , عدل ؟
والامارات نفس الشي

هم يشوفون جذي , ماكو مطلوب , ولا اكو فقير , الفقير فيهم عنده مليونين و معاشه 3 الاف

بالضبط نفس السعوديين , السعودي يقول انا فقير , وانا شخصيا اتوقع ان افقر سعودي عنده 20 مليون ريال

انا اول مره بحياتي اشوف لمبرغيني وكانت السنه تقريبا 1992 شفتها بأرقام سعوديه

وغير الفراري والمايباخ والبنتلي والرولس رويس اللي يسمونها الشباب روزريز , فقاره حتى اسمها مايعرفون يقولونه

المهم كل هالسيارات ارقام سعوديه , غير كل الشعب يشتغل في ارامكو , وبالاخير يقولون احنا مساكين

ماادري متى الواحد فيهم يعترف ويقول صح الفقير فينا عنده ملايين


نرجع لمحور حديثنا

انا بعد ان اخذ الشولدر بروح حق MC وبذبح البوسين هناك اللي يعطوني مفاتيح السيف الاسطوري وبخلص كوستاته لغايه ما اخذ السيف واحطه بالبنك

يمكن على يوم يقولون راح نفتح تغيير شكل الاسلحه و تقدر تغير شكل سلاحك الى اي سلاح اسطوري



هذا والله اعلى واعلم

والسلام عليكم ورحمه الله وبركاته

انزين انت روح مكان الدايلي الجديد وراح تجمع فلوس وبهالفلوس يوم تروح رايد فايندر تستعملهم يزيد من فرصتك انك تحصل ايتم

وفي هالمكان بعد يوم تذبح الموبات يكون لك فرصه يطيحلك مفتاح ايبيك وتروح بروحك دانجزن وانت وشطارتك كم صندوق بتفتح هناك وتحصل الفلوس الي تسوي فيها نيد حق الرايدات

وهالمفتاح فرصته اكبر يطيحلك لما تذبح راير في هالمنطقه، والمفتاح تحصله بالاسبوع مره ولو ما استعملت المفتاح بتحصل مفتاح ثاني الاسبوع الياي والمفاتيح تتجمع

واظن تقدر تجمع بس 20 حبه من هالفلوس وعقبها ما تقدر تاخذ اكثر فلازم تجمع وتستعملهم في الرايدات

وعن الرايد فايندر تراه وايد اسهل من الرايدات وان شاء الله تحصلك قروب وتروح وبتشوف :)

ولا تنسى تذبح الرايرات الي في الشارع مثل شاه وجالون وفي المنطقة الجديده مالاك حلو الاسم صح :) ترا اسمه مب ملاك بس انا اسميه ملاك لاني ما حفظته بس انت يوم بتروح بتقرا في الترايد يقولونلك انه موجود وبيسوون جروب ترا مب لازم تكون في جروب معاهم المهم تضرب وخلاص بتحصل نصيبك من اللوت

انا ملفت انتباهي وانا افتح LFG مكتوب تحت التوكن اني اختار علاقه مع احد . ولما ضغطت عليها فتحلي العلاقات كأني ضغت U

بس مافهمته , هل اختار العلاقه لما ادخل دنجن تكون حق اي فاكشن بدل اني البس تبارد لهم نفس قبل

والمفاتيح اللي تقولين عنهم من منو تطيح بالضبط , من الرير او الموبات بالرايد , والحين الرايد LFR نفس قبل بالغصب يطيح شي او عدلوها وصار الchance اعلى





مو كأني صرت بو طقه وانتي صرتي المندوبه ؟



نرجع لمحور حديثنا

المفاتيح , انا هوايتي باللعبه البحث عن الرير او الكنوز , مثل ماتقولين صائد الطرائد او الجوائز

انا لما شفت الرير جدامي وقفت اطالعه وبعدين تجمعوا عندي ناس و عملوا قروب وبدأوا يضربونه , انا وقفت اطالع وبعدين شاركت بالهوشه شوي وقلت ياعمي حرك ماراح تستفيد شي ومشيت

يعني لو اني مكمل اضربه لين مات اقدر اسوي لووت وانا مو معاهم بالقروب ؟

حسب اللي اعرفه ان اذا كنت مو بالقروب مااقدر اسوي لووت او اني اضربه اول واحد وبعدين هم يذبحونه ويصير حقي

والله مادري يا روريت , الظاهر اني كبرت وماعاد اصلح اصير مندوب , يعني لو يدري الملك اني قاعد اسأل احتمال كبير يفنقشني من الوظيفه ويشوف غيري شاب نشيط يبحث و يعرف

استروا علي ياجماعه , كلكم عندكم خوات و تحبون الستر , اعتبروني اختكم الصغيره ولا تفضحوني استروا علي

اقتباس:

---

هل اختار العلاقه لما ادخل دنجن تكون حق اي فاكشن بدل اني البس تبارد لهم نفس قبل

---

ايه، تقريباً هذي بدل التابارد .. بس مايعطونك باليوم إلا 1000 نقطة مع الفاكشن اللي أخترتها
600 من دنجن هيروريك ... و400 من سيناريو ..


وهذا المفتاح اللي تقصده دوديت Key to the Palace of Lei Shen ..
يطيح لك من أي رير موجود بـ Isle of Thunder .. وطبعاً ماتحتاج تكون ب قروب عشان
اللوت .. يكفي بس تضربه وراح يجيك
المهم بعد ماتاخذ المفتاح تسلمه لـ Taoshi الموجوده بالكهف وهي بتدخلك سيناريو لحالك.
عندك بس 5دقايق عشان تفتح الصناديق ..
راح يطيح لك كثيررر من Elder Charm of Good Fortune ..
هذي عاد تستخدمها لما تذبح قاليون او الشاه .. وبرضو بـ في ريدات هارت اوف فير و موقو'شان فولتس
بتزيد فرصتك مع اللوت ويتتقير بسرعه ! :biggthump





دوديت
شرايك بس نسوي انقلاب ..
نحطك مكان الملك وانا المندوبة ... :)

الكبر شين

هههههه

اليوم لبست جير الابك مال البي في بي و قلت خلني اروح اشوف الرايدات , دخل اول 3 و ماطاح شي , بغيت ابجي

طبعا من قبل وانا ادخل وماطاح شي , الحظ نحس من زمان

بس انا عندي سؤال

كاتبه بتوقيعج في فمي ماء

يعني شنو في فمي ماء ؟

هلا والله شخبارج وين مختفية من بعد الضرابه مع فلان (بدون ذكر اسماء ) اختفيتي مره

المهم الصراحه تسلمين على الي كتبتيه وان شاء الله الطمطمة بو شنب يفهم

ويالله نسوي انقلاب بس لا انا ما ابي اكون الملكه بعدين يحطوني في السرداب وبتعقد لا لا شو رايج نخليج انتي بالسرداب ونتوجج ملكه :)

شفتي الزمن بنات يكتبون ويعلمون هذا الي ماكانوا يتوقعونه غير من الاجانب بس طلعنا احسن منهم

الحين قاعده اتعلم على البي في بي وان شاء الله احصل راتينج عدل الصراحه انا ابي جلادييتر :biggthump وبجيبه ورايدات الصراحه ما اروحه لاني قاعده العب بلاعب ولد خالتي عنده جلاديتور بس يوم كان لفل 85 والحين لفلته ولبسته بي في بي والحين ببدا البس لاعبي دوديت وبنروح جروب :) الصراحه وناسه .

وانتي شو اخر اخبارج مع اللعبه وخبرينا عن مغامراتج ترا الحين المنتدى كله مشاهدين بس والمشرف بالسنه يطلع مره يكتب رد ويختفي
(هي صح شنو يعني في فمي ماء) :33:

وما يبط جبدي غير الي يعلق ليش القسم فيه خمول

انزين يا معود اكتب ناقش رد علينا سولف

ترا هاي قهوه حتى لو تكتب قصه حياتك مثل بعض الناس عادي

انزين اكتب اسمك وعمرك وهواياتك ونوع موترك .....الخ ترا عادي محد بيقولك شي بس نحس في ناس داخله وتكتب

ما تبي تكتبون انزين حطووا صور لاعبينكم او راكب ماونت عجيب او عندك راير او اي شي

المهم كتبت وايد والحين اخلي الصفحه لكم :) اترياكم

اكتبوووا انزين :12:

هلا والله دوديت

وانتي ما تطلعين الا بوقت الدوامات , بالعطل وينج مختفيه

انا اسمي فهد عمري بالثلاثينات هواياتي السفر "وقت يكون عندي فلوس" و تصفح الانترنت , الشراء من امزون و ايباي , طبعا المقناص لكن الدوام من صار صبح عفسني ولا قمت اقدر اروح الا بالعطل , شراء التلفونات الى ان تكدسوا عندي 4 تلفونات و ودي اشتري بعد لكن العين بصيره واليد قصيره

احب الحداق , احب الطبخ , احب القرقه بالمنتديات , مع اني ما اتكلم بره النت , شري بس بالنت , احب التسوق

على طاري التسوق امس قعدوني من النوم عشان اروح الجمعيه اشتري اغراض , رحت وانا عيوني مغمضه ومالي نفس , المهم بعد ماشريت و رحت الكاشير وانا ادز عربانتين و حاسبت قلت خلني اروح اشتري كلينكس , لما رحت ورجعت كان في طابور ناس وانا خطرتهم كلهم , على بالهم اني جديد مو صاحب العربانتين

المهم وقفت عند الكاشير عشان ادفع وطالعت اللي عندي يبي يحاسب , اهو على باله اني مخطر الدور , قالي تفضل حاسب , قلت لا انا خالص هذول عرباناتي بس بدفع , المهم شفته وله يطلع عادل الماص , قلت الاستاذ عادل عدل ؟ قال اي واهو منحرج

سلمت عليه و قلتله بصور معاك قال اوكي

شوفي اشكالنا بس

ملف مرفق 357061


اثنينا اشكالنا غلط , وكان الوقت متأخر يمكن الساعه 12 مادري 1 بالليل وماكنا متوقعين ان جمهورنا الوفي العريق من الصحرا الى الصحرا راح ياخذ لنا صور

عاد نرجع لمحور حديثنا , الهوايات

كل ماذكر بالاعلى و ايضا في , في هوايات مااقدر اقولها , امارسها كل يوم و احب امارسها كل يوم بس ماراح اقولها شنو عشان ما اسبب لنفسي مشاكل

وبعد شنو

موتري معروف الدب الاسود , تاهو

انتي شنو موترج ؟ بوووووورش او لمبرغيني

هذي سيايير الاماراتيين , كل الشعب عند فراري او لمبرغيني والحين طاحوا بال بوقاتي

ياحظكم


المهم نرجع لمحور حديثنا مره ثانيه

هواياتي كل اللي قلتهم و يعني في امور ماامارسهم كل يوم لأنهم يحتاجون رأس مال طيب شوي وانا فقير , اظن كل المنتدى بكل اعضاءه عرفوا اني فقير

وفي هوايات بعد احب امارسهم بس نسيتهم

لما اتذكرهم راح اكتبهم , الحين بخليكم عشان بفكر فيهم راحوا من بالي

عمي شنبو انا قلت التعريف الشخصي حق الساكتين الي بس يشاهدون مب انت شنك ما صدقت حد فتح الموضوع

منو الي بالصوره الاقرع انت تصدق فيك شبه من صورة الشنب والله انا اتحرا صوره من النت ما توقعت انت يوم مب محلق ومن الي يمك لابس كندوره هذا الملك؟؟

انا لابس كندوره

كندوره مو دشداشه ؟ اي انا ابو الدشداشه , شلون اقرع ؟ الاقرع اللي يمي ابو بلوزه او اللي تسمونها انتوا عيال التجار t-shit هذا عادل الماص

مغني مشهور ماتعرفينه ؟

هني واهو لابس بندوره و غتره وعقال

ملف مرفق 357063

اللي يغني باتذكروني

عاد اهو بدأ بالامارات او له طريق بالامارات شلون ماتعرفينه ؟

او انتي من فنانين الجيل هذا , غيضه و مادري منو

حتى يمكن ماتعرفين ميحد حمد

انا بالصوره اعترف اني كنت مضبط الشنب وبالصوره بدايه يطول

قص علي واحد من الشباب قالي لو تضبط الشنب وتسويه كوول مادري ستايل المهم يعني كشخه , انا انخدعت و طاوعته و رحت سويت الشنب و حددته وقلبي يعتصر الالم , مايطاوعني قلبي اتحرش فيه

لكن توبه اسويها

راحت ايام قبل اللي كنت اتلحف فيه اذا نمت وماعندي كمبل

http://www.montada.com/attachment.ph...7&d=1331971943

ههههههههههههه يا معود شنو هذا لو اخوي بتبرا منه انت مال أي قرن شكلك من القرن الحجري ههههههه وصج ما عرفته يمكن لو سمعت صوته بعرفه بس شكله لا ما اعرفه لا حول لله الحين لابتوبي ما يصير ادق انتر وينزل ما دري شو بلاه وما اقدر اغير اللون ، الصراحه ما اعرف ليش وايد يمدحون هاللابتوب الين وير معنه عادي بس لون المفاتيح الي يتغير وسعره غالي وثقيل ، وكالمعتاد المندوبه اختفت

نفس اخوي شاري كيبورد يقولي اسمه اوتوماتيكال او شي جذي , شكله مثل كيبوردات الكمبيوترات القديمه اللي لما تضغطين الحرف تسمعين صوت , مو ناعم يعني

ابتلش فيه يقول بدلياتي كثرت و شوي معقد

بس زين احسن لأن اللون الوردي بط عيوني . خلج جذي افضل من الكيبورد الثاني او القديم اللي تغيرين اللون

بس اللون ماله شغل الكيبورد , فوق الخيارات تختارين بالفاره . الكيبورد شكو بالسالفه

والله لو عطيتيني فلوس الكيبورد الغالي جان احسن , عالاقل تمسحين دمعه مسكين , من الصبح لي الحين ما اكلت شي بسبب القحط

ههههههههههههه يا معود شنو هذا لو اخوي بتبرا منه انت مال أي قرن شكلك من القرن الحجري ههههههه وصج ما عرفته يمكن لو سمعت صوته بعرفه بس شكله لا ما اعرفه لا حول لله الحين لابتوبي ما يصير ادق انتر وينزل ما دري شو بلاه وما اقدر اغير اللون ، الصراحه ما اعرف ليش وايد يمدحون هاللابتوب الين وير معنه عادي بس لون المفاتيح الي يتغير وسعره غالي وثقيل ، وكالمعتاد المندوبه اختفت

مب كيبورد انا اقولك لابتوب

:bigeyes: انت مندوب الملك او شحات الملك ؟ :33:

اسكت عني في كويست من الصبح مب عارفه كيف اخلصه برب

اقتباس:

---

المشاركة الأصلية كتبت بواسطة Dudette

وما يبط جبدي غير الي يعلق ليش القسم فيه خمول

انزين يا معود اكتب ناقش رد علينا سولف

ترا هاي قهوه حتى لو تكتب قصه حياتك مثل بعض الناس عادي

انزين اكتب اسمك وعمرك وهواياتك ونوع موترك .....الخ ترا عادي محد بيقولك شي بس نحس في ناس داخله وتكتب

ما تبي تكتبون انزين حطووا صور لاعبينكم او راكب ماونت عجيب او عندك راير او اي شي

المهم كتبت وايد والحين اخلي الصفحه لكم :) اترياكم

اكتبوووا انزين :12:

---

السلام عليكم يا معشر لاعبين واو العرب اللي يقدر عددهم بـ 2 لا عير... أنا متابع نقاشات كارازان ودوديت من فترة قلت يمكن واحد منهم بيذكر اسم الريلم ماله أو الجيلد على الأقل عشان أروح عندكم، لكن الظاهر محد ذكر شي P:

أنا لاعب جديد نسبياً إلى واو، بدايتي الفعلية كانت شهر 6 العام اللي طاف، والغير فعلية كانت قبل ما تنزل اكسبانشن كاتكليزم بشهرين يعني 2010، يومها لعبت واو بهنتر ولفلته لين ما صار قوي ولفل 5 ومليت، قلت لنفسي "أنا كنت عارف أني ما بحب هذي اللعبة اللي ولد خالتي دوم يحشرني فيها".

سنين مرت (سنتين تحديداً)، وقلت خلني أجربها مرة ثانية، طالعت في المنتديات شو الكلاسات وشو "أقوى" كلاس وهالخرابيط، ففررت أني أروّل يعني Roll بالدن، لعبت فيه ولفلته ومليت بعد اللفل الخامس مادري السادس، وطلعت من اللعبة وأنا ميت حتى تشوفه على شكل سكني يوم تريد تدخل على اللعبة.

مرت فترة، وقلت مرة ثالثة خلني أجرب واو، لكن هالمرة بكلاس ثاني، الكلاس اللي أنا حالياً ألعب فيه، اللي شاركت معه أيامي، رفيق دربي كان وارلوك هيومن. عندي كمن صورة خذيتها وأنا في بداية مغامراتي في واو، وياليتني خذيت أكثر :( صح أني مب من لاعبين واو القدماء واللي لعبوا اللعبة في البيتا لكن أحس بالنوستالجيا كل مرة أشوف فيها الصور أو أتذكر يمكن أحلى زون عندي The Thousand Needles

ملف مرفق 357068
هذي يمكن أفضل صورة عندي بخليها عندي ألين ما أشيب وأقول حق أحفادي اللي بيلعبون واو شوفوا يدكم في عزة شبابه يوم ما سوى شخصيته


ملف مرفق 357069
هههههه هذي يمكن أكثر كويست تشين كوميدي مر علي، أذكر اللي عطاني الكويست وكيف يتحرى عمره البطل الي بينقذ الأميرة من التنانين واللي في الحقيقة هم مجرد ديناصورات، يعني أريد أكحلها عميتها شو فرقت P:


هذي كل اللي الصور الي خذيتها وأنا كنت ألفل وارلوكي لكن تباً قررت أني ما أعيد الغلطة وآخذ صورة بعد كل صغيرة وكبير...

مرت 10 شهور على أول يوم سويت فيها شخصيتي وها أنذا حالياً راكب أندر ماونت قدرت أحصله، وياكثر الحقد اللي انفر في ويهي بسبته، لكن يستاهل يستاهل


ملف مرفق 357070
الموانت اللي يطيح من شاه الغضب D: لين ألحين مش مصدق أنه طاح لي.

وهذا تقريباً كل شي يتعلق بحياتي في لعبة واو حتى الآن... الي يبا يسوي رايد يخبرني ناقصني HoF, ToES, and ToT بس :ee2:

والسموحة

انا ان خلصت شغل الملك بالمنتديات وصار ماعندي شي اسويه اشوف الوضع اذا يسمح اشحت

انا امشي على المثل اللي يقول اللي يستحي ما يعيش و الكلمه اللي تستحي منها بدها

شسم الكويست يمكن مار علي او ادق عالملك بيجر واحطله رمز 777 يرد علي بسرعه

احنا مو 2 لا ههههههههه

احنا ملايين من الصحرا الى الصحرا لكن الشباب مشاهدين فقط , انت الله هداك وتكلمت , عقبال الباقيين يتكلمون

انا ياطويل العمر العب بالامريكي , سيرفر دارك ايرون او ايرون دارك , اهو في دارك و في ايرون

يعني بعيد عنك , انت اتوقع اوربي مع دوديت

صح أنا في سيرفر اوروبي والوضع ممل حالياً، مكتوب نوع السيرفر New players قلت يمكن عشان هذا مافي بقز يسوون ريدات اللهم الشاه وغاليون يعني الوورلد بوس فقط.

والجيلد اللي أنا فيه بصراحة محتار شو شغلته، تلفيل آلتس ولا سووه عشان يكون بنك للجي ام مادري الصراحة لا ريدات ولا دنجنز يمكن كم سيناريو سويته مع الجيلد ماستر القديم وواحد وهذي هي، حتى الجيلد الماستر القديم خذ من البنك 14 ألف وقال "أنا مشغول. بروح. عسلامة" بإنجليزية مكسرة توحي بأنه هولندي أو ما شابه.

شكراً ونراكم قريباً،

باعكم عشان14 الف بس

هني الشباب كلهم اوربي , انا لأني مندوب الملك لازم اكون بروحي و رحت امريكي , الوضع عادي لكن تجي ساعات لاق رهيب

الاوربي زين باللاق مااذكر حاشني لاق الا لما يطلع deathwing من مخبأه و يقطع الكيبل البحري , اما غيره الوضع ميه ميه

انت بسيرفر فاضي ترى , انا كنت اروح سيرفرات فاضيه بشخصيه و الفلها وبعدين اقزر وقتي على الrare مثل المونتات , ولما اجمع شي طيب منهم انقل الشخصيه لسيرفري الرسمي وابيعهم , اعلى بيعه بعتها كانت المونت مثل حصان البحر , بعته تقريبا على حد ال80 الف جولد بأيام عزه

فأنت لازم تروح سيرفر متروس اللي مكتوب عليه full بالحاله هذي تشوف كل شي مفتوح عندك , الباتل جراند و الرايدات , يعني من تضغط البحث تحصل قروبات بسرعه

ثاني شي لو كنت تاجر راح تمشي بضاعتك بسرعه , ان كنت يعني صاحب بوت و تبي تجمع ذهب , لما تكون mining او herb او اثنينهم مع بعض راح تحط بالمزاد والعالم تشتري بسعر حلو

فأنا اقترح عليك اول شي انك تحط اللعبه بمكانها الصحيح , يعني لعبه تبقى لعبه و تضييع وقت , قزر بسيرفر قوي عالاقل لما تبي تضيع وقتك تروح اي رايد او تعلب باتل جراند تجمع للجير ومن بعد الجير حتى لو ماعندك جير pve تقدر من خلال جير الpvp تروح رايدات و منهم تجمع جير

والدعوه مضيعه وقت

موفق اخي الكريم

ألحين ليش كل ما أفتح رابط يوديني لمكان ثاني غير مكان الرابط الأصلي؟ نسخت رابط في واحد من المواضيع وطلعلي http://30e90e1e.linkbucks.com/ في بداية الرابط.. :31:

هلااا دوديت .. لك وحشه
انا مااختفيت والله .. المنتدى كان محجوب بالسعودية لفتره طويله
ومادريت إنه رجع إلا من قريب .. إلا صدق ليه كانو حاجبينه!؟ :33:




أجل ماشاءالله بتجيبين القلادييتر .. كأني بديت أغار :28:
هو الصدق الـ pvp أمتع من الـ pve .. يعني فيه ونااسه وأكشن ..
بس ماينفع إلا إذا بتلعبين ب قروب تعرفينهم ويكون وراك هيلر :biggthump
أنا من زمان نفسي العب بي في بي وياما تحمست وتقيّرت بس ياحسرة
مااحد معي .. ادخل لي كم باتل واتصفق وبعدها ابطلٌ .! :31:





هاليومين أعيش حالة زهق عجيبة بالقيم ...
الأشياء اللي كنت أتمناها وأفرمها جبتها .. لفلت 5 من التاتي للفل 90 وقيرّت أغلبها
قاعدة أدور ع شيء جديد أسويه .. ودي الفل كلاس جديد ومحتاره
بديت اليوم ب " مونك " ... بس حسيته ممل وشكلي ماراح اكمله .
ودي العب قوبلن شامان .. أحسه وناااسه ..

المهم اللي بخاطره يلفل كلاس جديد يرفع يده .. ممكن نلعب ×-realm :)










كارازان ...
الحين مندوب الملك وماتعرف هالمثل " في فمي ماء " .. :33:
طيب شوف وش لقيت لما قوقلتها ../
http://www.youtube.com/watch?v=NFoTWI3YI9A






Sergelion
وعليكم السلام .. ماشاءالله حظك حلووو مع ماونت الشاه
بالسيرفر عندنا ماشفت الا اثنين ..
انا ودي ب ماونت " قاليون " .. او " اوندستا " .. :)
بالنسبة للروابط عندي نفس المشكله ... لازم تسوي كوبي وبيست للرابط .

هذي دعايه

ان رحت للصفحه هذي شوف فوق يمين علامه برتقاليه مكتوب skip this ad اضغطها وتروح للموقع اللي تبيه

ايي يعني في كلام عندي كثير بس ماراح اقول الحين

انا ماشفت هالحلقه , اول شي فكرت وفكرت وفكرت وقلت يعني شنو في فمي ماء ؟

يعني المعروف عندنا ان فم الانسان صحيح فيه ماء لكن له اسم ثاني وللي اهو سعابيل

بعدين استبعدت هالفكره وقلت ماكو الا السمكه , السمكه الوحيده اللي في فمها ماء طول الوقت . يعني شنو قصدها ؟ يعني سمكه اهي او قصدها حوريه البحر

الحين عرفت

نفس رفيجي اللي عروقه بالماي , اهو ماله عروق مثل الزرع و بالماء او الماي لكن نطلقها على اللي عنده معارف وواسطات و يعرف كل شي , نقول عروقه بالماي مو نفسي عروقي بالرمل

-

احتمال نسرق التوقيع و نضيفه لقب للملك

ولد بطنها اللي عروقه و فمه في ماء

ولد بطنها اللي عروقه بالماي و فمه في ماي

نشوف صيغه حلوه بعدين

اقتباس:

---

المشاركة الأصلية كتبت بواسطة Karazhan

باعكم عشان14 الف بس

هني الشباب كلهم اوربي , انا لأني مندوب الملك لازم اكون بروحي و رحت امريكي , الوضع عادي لكن تجي ساعات لاق رهيب

الاوربي زين باللاق مااذكر حاشني لاق الا لما يطلع deathwing من مخبأه و يقطع الكيبل البحري , اما غيره الوضع ميه ميه

انت بسيرفر فاضي ترى , انا كنت اروح سيرفرات فاضيه بشخصيه و الفلها وبعدين اقزر وقتي على الrare مثل المونتات , ولما اجمع شي طيب منهم انقل الشخصيه لسيرفري الرسمي وابيعهم , اعلى بيعه بعتها كانت المونت مثل حصان البحر , بعته تقريبا على حد ال80 الف جولد بأيام عزه

فأنت لازم تروح سيرفر متروس اللي مكتوب عليه full بالحاله هذي تشوف كل شي مفتوح عندك , الباتل جراند و الرايدات , يعني من تضغط البحث تحصل قروبات بسرعه

ثاني شي لو كنت تاجر راح تمشي بضاعتك بسرعه , ان كنت يعني صاحب بوت و تبي تجمع ذهب , لما تكون mining او herb او اثنينهم مع بعض راح تحط بالمزاد والعالم تشتري بسعر حلو

فأنا اقترح عليك اول شي انك تحط اللعبه بمكانها الصحيح , يعني لعبه تبقى لعبه و تضييع وقت , قزر بسيرفر قوي عالاقل لما تبي تضيع وقتك تروح اي رايد او تعلب باتل جراند تجمع للجير ومن بعد الجير حتى لو ماعندك جير pve تقدر من خلال جير الpvp تروح رايدات و منهم تجمع جير

والدعوه مضيعه وقت

موفق اخي الكريم

---

آسف كارازان ما انتبهت لردك والله بسبة نظام الرد السريع المزعج..

أما ديثوينج كل سنة يقطع الكيبل البحري هذا :laugh2: من شهر ونص البينج عندي 300+ ومرة وصل فوق العشر آلاف كلمت مندوب عملاء ووكلاء الاتصالات قالي في مشكلة مع الكيبل ورح تنحل في ثلاث أيام، بعد ثلاث أيام ما انحلت المشكلة رديت أتصل عليهم كلمني واحد غيره، قلت يابو الشباب ترا البينج عندي عالي، يقولي "ايه البينك ده؟" أقول بيييييييييييينج اننننج لاتينسي، "أنا مش فاهم ايه اللاتينسي ده". فانتهى بي الأمر إلى أن المشكلة من اللعبة نفسها ومافي أي مشاكل مع مزود الخدمة..

بعد فترة عصبت ورحت أخاطر بجهازي وضغطت على واحد من الإعلانات اللي على قولتهم تنزل البينج في ألعاب الأونلاين وفي عندهم ترايل، جربته وبالفعل نزل البينج عندي إلى 140 تقريباً وقلت يا سلام خلني أشتريه، اشتريته ولعبت كم لعبة أونلاين من الفرحة يا سلام كل شي سريع وسلس ومافي لاق تحقق حلمي أخيراً، بعد يومين وصلني مسج من بليزارد بكبرها، "تم إغلاق حسابك لأنك مشتبه به في إخلال التوازن الإقتصادي باللعبةـ وبناءً عليه باند مدى الحياة". قلت يمكن هذا سبام، ولكن طلعت السالفة صدق الأكاونت مسكر :( فتحت تيكت شوي وبصيح وآخر شي قلت أنا أستعمل برنامج ينزل البنج عندي. بعد كمن ساعة رد علي واحد وقال هذي آخر مرة يا شاطر اذا شفناك تستعمل مثل برامج البروكسي هذي بنسكر حسابك. وطبعاً مسحت البرنامج اللعين من جهازي وألغيت اشتراكي معهم ورجعت عشر سنين إلى الوراء، إلى اللاق...

بالنسبة للتجارة كل 12 يوم أسوي لي شنطة 28 سلوت وأبيعها بـ3k أو أسوي انتشانتس وأبيع الواحد فيهم بـ1kصح عملية بطيئة بس شنسوي وأعلى رقم يبته 32k قولد.

الشركات مايعرفون شي بالامور هذي , مايعرفون الا طفي الراوتر 5 دقايق بعدين شغله

اما لاق و لاتنسي اغلبهم مايعرفون الا اذا كان يلعب العاب اونلاين نفس اللي بالشركه اللي انا مشترك فيها , الموظفين كلهم يلعبون ووركرافت والحين راحوا جيلد وور 2

لكن اذا كان اشتراكك على خط البيت دي اس ال او فايبر 2 ميجا ماراح تشوف اللاق , انت يمكن من شركه اتصالات مشترك

واذا اشتراكك دي اس ال فالخلل من شركتك , وترى قبل اسبوع او اكثر شوي كان لاق علينا كلنا بسبب خلل بالكيبل , ما تعدل الا امس

اذا انت على طول لاق و مشترك عالبيت فالخلل من الشركه , بدلها شوف غيرها

اشتراكي 8 ميجا فايبر و عطوني 1 ميجا هديه صار 9 الحين , و الشركه اللي انا فيها تعد من افضل الشركات للألعاب


http://www.speedtest.net/result/2676014353.png

الحين انا بنام توني راد من الدوام ولازم اقعد العصر عشان المدرسه

انا تلميذ مجتهد و رجاءا لا تخربوني وتخلوني اسهر

باي

صباح الخير جميعا وتشرفنا

Sergelion في القهوه عندنا

انا في السيرفر الاوربي وفي سيرفر Stormscale وعندي لاعبين في سيرفرات ثانية بعد وكلهم 90 بس بدون قير عدل لاني من الملل بس الفل :) والحين قاعده افرم قير pvp حق الميج دوديت

فتره كنت العب في لاعب ولد خالتي uwilldie بعد ميج وهو جلادييتر والصراحه عجبني والحين انا بقير اللاعب وبدخل فيه pvp واتوقع الي كانو معاي يعرفون اني نووووووووووووووب في ال pvp بس الحين قاعده اتعلم ومعاي ربعي من سنين بعدهم معاي

وانا يوم اللعبه فيها لاق ما احب ادخلها واتنرفز عليها فاخليها لي ما الاق يخف

وانا الصراحه ما استعمل كمبيوتر انا كله لابتوب وعندي لابتوب ماك استعملته سنه ونص والحين شريت لابتوب ثاني

Alienware حلو شكله بس كبير وثقيل وعليه ويندوز 8 فانا ضايعه معاه

يالله الي عقبنا يتكلم حتى لو يحط حرف بس نحس انه القسم بدا يتفاعل

اقول Azshara اذا تبين تضحكين وانا العب تعالي معانا وشوفي ابداعاتي وشرداتي هههههههههه معاي هيلر حقي بروحي وبتشوفيني اول وحده شارده ولا يدورون علي بعد :silly: