البطولة الرمضانية لستريت فايتر ثيرد سترايك في الامارات ( 27th aug )

اقتباس:

---

المشاركة الأصلية كتبت بواسطة Black_Berserker

مان

مايصير نسوي بطولة في هالسنة لأنها بتكون 5 بطولات في سنة وحدة!!! فبنشوف الشباب متى هم فاضين في السنة الجديدة والإحتمال الأكبر مثل ماقال ألوكارد ^__^

---

خلاص بعد احسن تكون على بداية السنه اليايه راح يكون وقت جيد و انشاءالله ذكرى جميله بعد ....................

رأي الوكارد بالنسبه لي موافق عليه بس بالنسبه ل شباب الثانويه يمكن صعبه و المشكله انه يمكن تيمين من شباب الثانوي ولا ما كنت بشيل همها على العموم اذا انت بتشوف الشباب تسوي خير و كلعاده انت ما تقصر و مشكور .

ماشاءالله مكملين 4 بطولات ناجحه حلو مو مثل بعض الناس كل ما صارت بطولة فشلت و كله زعل لاكن ما نقول الا الله المستعان.

الا على طاري

بلاك تقدر ترفع سيدي يورين ؟؟؟؟؟؟

اذا حجمه كبير انشاءالله اذا صارت و تجمعنا اخذ منك نسخه.

اقتباس:

---

المشاركة الأصلية كتبت بواسطة YamazakY GeesE

بمناسبة الاركيد
اركيد المزهر مول هو احلى اركيد لعبت فيه من 1995!!

---

شكرا أخوي يامازاكي
هاذي شهادة أعتز فيها الصرحة وإن شا الله أننا نكون عند حسن ظنكم وفي المستقبل بنرتب المكان بشكل أفضل وبنزيد عدد الألعاب،،،
إذا عندكم أي أفكار تطويرية للآركيد أتمنى أنكم تقترحونها ،،،
وجزاكم الله خير

هلا مان

الحمدلله والسويدي ماقصر هو الي ممشي البطولات والزعيم وأيمن وشباب العين كثر الله خيرهم ماقصروا والمشاركين بعد ^___^

وبالنسبة للموعد فلازم أتأكد من شباب الثانوية...راح أتأكد من ريزو لأنه عنده ثانوية عامة هالسنة وراح أشوف الموعد المناسب بالنسبة للطلبة...حتى لو نسويها شهر 2 مافيها مشكلة المهم الكل يشارك

وبالنسبة للدي في دي فصعبة جدا على النت الي عندي والي كله يقطع مستحيلة...فالأحسن نلتقي يوم ويكون معاك الاب توب وننسخه

bbsilver

ممممم كإقتراح إعملوا ranking battle لكل لعبة نهاية كل أسبوع أو كل شهر...تعطي جو وتحمس الشباب

هي والله فكره رانكينج باتل حلوه

لو فشهر مرتين بيطلع حلو بعد او في الشهر مره و اعزم الشباب الامارات كلهم و جمهور بعد بيطلع عجيب D:

دوري أسبوعي والله بيكون شي جيد ،،،
إن شا الله أني برتب لهذا الموضوع أول ما أرجع البلاد ،،،
حاليا أنا في هونج كونج وباخذ لي جوله في محلات الآركيد ، يمكن أحصل أفكار جيدة عندهم ، وفي إحتمال أشتري "King of fighters 13" بس إن شا الله تكون ضمن ميزانيتي ،،،

ترجع بالسلامة
KOF13
حاول النسخة تكون 1.1
يقولون انهم عدلو فيها
انشالله نشوفها في المحل
شكلي كل يوم بروح المزهر بعد الدوام
D:

xcody - alucard - manforuae - yamazaky - shinvergil - momentum - sanadax - vegita
اشتقنالكم

All Hail Black Berserker
حمدالله على السلامة

bbsilver
ترجع بالسلامة إن شاء الله

ان شاء الله يا صنقح على بدايات شهر 5 بكون في الامارات :)

و سمعت انك مقطع فالمرح محد يروم لك خخخخخخخ لهال درجى صاير متوحش,

يالله ماعليه يوم برد الامارات ان شاء الله بلعب وياك :) شد حيلك عاد P:

هلا أيمن

أووه مقطع في المرح...زين والله عيل إرتحنا في هذي البطولة ^__^

وماعليك من سالم...صدقني كل المستوى الي وصل له في أمريكا راح يخربه قبل لايرجع بأسبوع وبتحصله يجرب لعبة ثانية لول

أيمن...لو تقدر تسأل شباب المرح وتشوف الفرق المؤكدة وتعطيني الفرق الناقصة عشان نقدر نرتبهم مع ناس ثانيين

إن شاء الله هذا السبت راح أكون فاضي ويمكن أروح المرح وألتقي مع الشباب هناك بس عسى إنهم يحضرون من الصبح

خخخخ شسوي ياخي ماروم احكر عمري على لعبه وحده >.< احب اغير جو

خخخخخخخخخ يعني حاليا العب تيكن و كوف عالخفيف و ناروتو اليديد و شي طبيعي اكثر لعبه مركز فيها هي ستريت فايتر ثيرد, اما الفور ادش فشهر مره العب كم مباراه و اطلع >.<

لكن ماعليك ان شاء الله هالمره المستوي بيتم مرتفع لين مارد الامارات ان شاء الله D:

و اتريا البطولة الكبيره, متحمس لها و خاصه 3 ضد 3 و ال single

الله يوفق اليميع

نحن بعد مشتاقينلك ايمن و انشاءالله نتقابل .......................

بلاك انا ما عندي فريق بس عاد توصى فيني حطني ف فريق ينفع مو كله ناس ما يعرفون يلعبون تعرف انا بروحي ما بسوي شي.

الصراحة السويدي هو السبب اللي خلاني متوحش ،، انا كنت أليف ومسالم.. هههه
،، الحين ما برتاح في اللعب إلا لما أسمع اللي يتحداني لما نخلص يقولي : باد جيم ،، مش جود جيم
هذا إذا ما ضربني أو تفل بوجهي ..... جبتلي المسبات والشتائم يا سالم الله يسااااامحك

مرحبا بلاك
ما عليك ،، أصلاً في البطولة كل الشباب بكونوا متحمسين ،، بس لما الوحد فيهم يلعب
يتوتر ويرتبك ما يطلع منه شي حلو .. كلنا كذي

خلاص بعد الدوام بمر هناك وبشوف مين الجاهز والناقص بكتبهم وبقولك شو بصير.
واذا بدك تيجي الصبح يمكن بس تلاقي (شادي) اللي يلعب بـ هيوجو ، أما باقي الشباب بيجو بعد الساعة 6
وحياك بتنور المرح تعال جرب الأركيد :)

هلا ايمن
حاولت الاقيك في العيد بس كالعادة كنت مداوم
انا ما اقدر اروح ابوظبي يوم السبت للاسف
استمتعوا يا شباب

حيا الله يامازاكي
احنا عندنا الأعياد دوام اجباري وضغط شديد من صلاة العيد حتى 3 الظهر
بحاول أشوف أقرب فرصة آجي لعندك في دبي والمزهر مول و نشوف الشباب.
بلاك بيرسيركر ،، اذا شفت حالك يوم فاضي بنروح عالمزهر مول ، شو رأيك؟