اخي الكززان انا متفق معاك فيما تقول من زمان , انت حقا رفيجي ملك السياسة الأصلي
قرأت نص الكلام اللي في ردك لأنه طويل رايح اجيب فشار لأكمل قراءة ردك كامل لأنه مثل فيلم اثارة واكشن امريكي
عرض للطباعة
اخي الكززان انا متفق معاك فيما تقول من زمان , انت حقا رفيجي ملك السياسة الأصلي
قرأت نص الكلام اللي في ردك لأنه طويل رايح اجيب فشار لأكمل قراءة ردك كامل لأنه مثل فيلم اثارة واكشن امريكي
زين شرايك تجيب الفشار والكولا و امرك الحين اخذك ونروح الصبيه الاثل هناك نشوف يمكن يعبر حمام او صفر , انا اليوم حلمت بالصفر "شده فوق الفاء"
و انا اعطيك الايباد ميني مع اشتراك زين 4 جي 80 جيجا و تشبك بالمنتدى وتقرأ وانا كل شوي التفت عليك واشوفك تقرأ واطبطب على راسك مع ابتسامه رومنسي واشوف طريقي
جيب نفيش واجد لأن الطريق ساعتين , نفيش يعني فشار
في بالجميعه يبيعون نفيش يكون في علبه وداخلها 4 او 5 اكياس مصفطين فيهم الذره و الزبده , حسب الزبده شكثر تبي تشتري , في انواع يعني زبده خفيفه او وسط او كثيره و تحط الكيس بالمايكروفيف دقيقتين ويطلع النفيش جاهز
انت اشتر علبتين وروح حط كيس كيس بالمايكروفيف وبعدين حطهم بكيس جمعيه و انطرني امرك , نمر ماكدونالدز نشتري 2 بيبسي بيج سايز الكبير بدون فلج لأن الجو بالبر بارد و نروح
للعلم عندي بالسياره كرز كامل , كرز مو كرز الفواكه , كرز "كسره تحت الكاف , شده فوق الراء" اللي يكون كرز فيه 10 باكيتات زقاير
نشرب بالطريق على كيف كيفنا و ناكل فشار ونشرب بيبسي
وانت تقرى
http://www.youtube.com/watch?v=E-Rox812zfQ
كلامك كله فوق لم افهمه تحدث لغة عربية او اعطيني المضمون او الخلاصة
لدي بعد ساعة الا ربع اي بعد منتصف الليل عملية تهريب عبر البحر اذا لم ارجع واكتب رد هنا بعد ثلاث ساعات بالتحديد من الآن اعلموا ان هناك شيء غلط وانهم امسكوا بي واستدعوا الاخت دي دي لتخرجني بكفالة
ادا لم ارجع بعد ثلاث ساعات لن يكون هناك نفيش ولا سيجار ولا حتى قزم مصرطح تمنوا لي التوفيق
http://www.youtube.com/watch?v=aL8VT3UQ4vQ
او نروح نادي رياضي مثل برشلونه ونقعد بنص الملعب بالاستراحه نسوي ونبيع للناس مثل هالشباب
ليش وين بتروح ؟
اذا انت متزوج عرفنا السبب لكن لو عزوبي ليش في احتمال ماترجع
اليك السبب :اقتباس:
المشاركة الأصلية كتبت بواسطة Karazhan
لدي بعد ساعة الا ربع اي بعد منتصف الليل عملية تهريب عبر البحر اذا لم ارجع واكتب رد هنا بعد ثلاث ساعات بالتحديد من الآن اعلموا ان هناك شيء غلط وانهم امسكوا بي واستدعوا الاخت دي دي لتخرجني بكفالة
عدت تم الغاء العملية البحر كان هائج ورياح قوية يصعب اجراء مناورات في حال تم كشفنا , اين انت اخي الكززان هل لازلت موجود نمط المخفي لديك في العضوية غريب لما تستخدمه هل انت ايضا مثل الأخ ابو حناوي تستعمل النمط المخفي في عضويتك
انا رحت و توني ارجع
كنت امشي بالفريج , خلف بيتنا صوب الجمعيه في ساحه كبيره شوي كان فيها ملعب قديم كنا نستعمله قبل الغزو وبعدين اهملوا وصار ساحه اللي يزرع فيها واللي مسوي مظله للسيارات
وامامها مصافط سيارات المسجد والجمعيه , يعني بيتنا موقعه دولي خصوصا اذا واحد يبي موقع قريب من الخدمات , بيتنا المطلوب , بيننا وبين المسجد شارع داخلي و بيننا وبين فرع الجمعيه 100 متر , تصير خلف المسجد والمسافه بيننا وبين الجمعيه كلها مواقف سيارات
يعني لو تسوي بيتنا عماره وتؤجرها ماراح تتضايق من المواقف , غير ان الجمعيه لها مواقف بعد , والجمعيه فيها مخبز , حلاق , مطعم
بين الجمعيه والمسجد في مجمع تجاري ايضا , تابع لبنك , فيه البنك اذا تبي تسحب فلوس , في مكتبه راقيه , في صالون نسائي , في معطم هارديز و في بقاله , الجمعيه موجوده لكن البقاله اذا تبي زقاير لأن الجمعيه ماتبيع يقولون حرام , المصيبه ان كل مجلس اداره جديد يتضح ان حراميه يبوقون الارباح مالت المساهمين
ماعلينا
يعني موقع بيتنا دولي و قريب جدا من الخدمات , فوق هذا بيتنا بطن وظهر و سكه ومساحته 750 متر مربع
يطل على الشمال واللي اهو الخدمات ويطل على الجنوب و عندنا السكه اللي اهي عباره عن ممر بين الجهه الشماليه والجنوبيه
يعني بيتنا 100% حق التجار اللي يهتمون بالعقار و اللي يبحثون عن عقارات يستثمرونها , للعلم ان بيتنا هدام و جايب لنا نص مليون دينار كويتي . يعني قيمه الارض فقط نص مليون وقابله للزياده , هالكلام قبل فتره طويله الحين ماادري كم يوصل
المهم شفت المقدمه فوق ؟ كلها عشان اقولك اني رحت امارس رياضه المشي وطلعت من بيتنا جهه الجنوب ومشيت بالفريج الى اللفه اخر الفريج وبعدين لفيت وطلعت على الملعب اللي قلتلك عنه وقعد امشي حول الملعب 3 مرات وبعدين رجعت البيت و كاني عندك
بعد شوي بروح الصبيه بشوف في صيد او لأ , اذا في اهلا وسهلا واذا مافي استعمل الحمام اللي شريته من الجمعيه قبل يومين واللي موجود بالفريزر الحين اسويه باجر محشي
يلا شباب انا اخليكم الحين بروح اشوف شغلي
ادعولي احصل شي
تقبلوا تحياتي و تحيات الملك وقبلاته
اخوكم
المسكين
ملف مرفق 359698
ليش الصوره معكوسه كني مصورها بالمقلوب
ملف مرفق 359699
العده زاهبه بس ناطر الشمس تشرق
ملف مرفق 359700
الحين عرفت لازم تخلي الجهاز الصوب اليسار بأتجاه الارض
بدأت الشمس تشرق